Library·Padma Purāṇa·3·3.28
नारद उवाच-। ततो गच्छेत धर्म्मज्ञ धर्म्मतीर्थं पुरातनम् । यत्र धर्मो महाभागस्तप्तवानुत्तमं तपः
nārada uvāca-| tato gaccheta dharmmajña dharmmatīrthaṃ purātanam | yatra dharmo mahābhāgastaptavānuttamaṃ tapaḥ
Sanskrit only: no published translation is held for this verse.
तेन तीर्थं कृतं पुण्यं स्वेन नाम्ना च चिह्नितम् । तत्र स्नात्वा नरो राजन्धर्मशीलः समाहितः
tena tīrthaṃ kṛtaṃ puṇyaṃ svena nāmnā ca cihnitam | tatra snātvā naro rājandharmaśīlaḥ samāhitaḥ
Sanskrit only: no published translation is held for this verse.
आसप्तमं कुलं चैव पुनीते नात्र संशयः । ततो गच्छेत धर्मज्ञ कलाप वनमुत्तमम्
āsaptamaṃ kulaṃ caiva punīte nātra saṃśayaḥ | tato gaccheta dharmajña kalāpa vanamuttamam
Sanskrit only: no published translation is held for this verse.
कृच्छ्रेण महता गत्वा तत्र स्नात्वा समाहितः । अग्निष्टोममवाप्नोति विष्णुलोकं च गच्छति
kṛcchreṇa mahatā gatvā tatra snātvā samāhitaḥ | agniṣṭomamavāpnoti viṣṇulokaṃ ca gacchati
Sanskrit only: no published translation is held for this verse.
सौगंधिकं वनं राजंस्ततो गच्छेत मानवः । यत्र ब्रह्मादयो देवा ऋषयश्च तपोधनाः
saugaṃdhikaṃ vanaṃ rājaṃstato gaccheta mānavaḥ | yatra brahmādayo devā ṛṣayaśca tapodhanāḥ
Sanskrit only: no published translation is held for this verse.
सिद्धचारणगंधर्वाः किन्नराः स महोरगाः । तद्वनं प्रविशन्नेव सर्वपापैः प्रमुच्यते
siddhacāraṇagaṃdharvāḥ kinnarāḥ sa mahoragāḥ | tadvanaṃ praviśanneva sarvapāpaiḥ pramucyate
Sanskrit only: no published translation is held for this verse.
ततो हि सा सरिच्छ्रेष्ठा नदीनामुत्तमा नदी । प्लक्षादेवी स्मृता राजन्महा पुण्या सरस्वती
tato hi sā saricchreṣṭhā nadīnāmuttamā nadī | plakṣādevī smṛtā rājanmahā puṇyā sarasvatī
Sanskrit only: no published translation is held for this verse.
तत्राभिषेकं कुर्वीत वल्मीकान्निःसृते जले । अर्चयित्वा पितॄन्देवानश्वमेधफलं लभेत्
tatrābhiṣekaṃ kurvīta valmīkānniḥsṛte jale | arcayitvā pitṝndevānaśvamedhaphalaṃ labhet
Sanskrit only: no published translation is held for this verse.
ईशानाध्युषितं नाम तत्र तीर्थं सुदुर्लभम् । षड्गुणं यन्निपातेषु वल्मीकादिति निश्चयः
īśānādhyuṣitaṃ nāma tatra tīrthaṃ sudurlabham | ṣaḍguṇaṃ yannipāteṣu valmīkāditi niścayaḥ
Sanskrit only: no published translation is held for this verse.
कपिलानां सहस्रं च वाजिमेधं च विंदति । तत्र स्नात्वा नरव्याघ्र दृष्टमेतत्पुरातनैः
kapilānāṃ sahasraṃ ca vājimedhaṃ ca viṃdati | tatra snātvā naravyāghra dṛṣṭametatpurātanaiḥ
Sanskrit only: no published translation is held for this verse.
सुगंधां शतकुंभां च पंचयज्ञं च भारत । अभिगम्य नरश्रेष्ठ स्वर्गलोके महीयते
sugaṃdhāṃ śatakuṃbhāṃ ca paṃcayajñaṃ ca bhārata | abhigamya naraśreṣṭha svargaloke mahīyate
Sanskrit only: no published translation is held for this verse.
त्रिशूलपात्रं तत्रैव तीर्थमासाद्य दुर्लभम् । तत्राभिषेकं कुर्वीत पितृदेवार्चने रतः
triśūlapātraṃ tatraiva tīrthamāsādya durlabham | tatrābhiṣekaṃ kurvīta pitṛdevārcane rataḥ
Sanskrit only: no published translation is held for this verse.
गाणपत्यं च लभते देहं त्यक्त्वा न संशयः । ततो राजगृहं गच्छेद्देव्याः स्थानं सुदुर्लभम्
gāṇapatyaṃ ca labhate dehaṃ tyaktvā na saṃśayaḥ | tato rājagṛhaṃ gaccheddevyāḥ sthānaṃ sudurlabham
Sanskrit only: no published translation is held for this verse.
शाकंभरीति विख्याता त्रिषुलोकेषु विश्रुता । दिव्यं वर्षसहस्रं च शाकेन किल भारत
śākaṃbharīti vikhyātā triṣulokeṣu viśrutā | divyaṃ varṣasahasraṃ ca śākena kila bhārata
Sanskrit only: no published translation is held for this verse.
आहारं सा कृतवती मासिमासि नराधिप । ऋषयोऽभ्यागतास्तत्र देव्या भक्तास्तपोधनाः
āhāraṃ sā kṛtavatī māsimāsi narādhipa | ṛṣayo'bhyāgatāstatra devyā bhaktāstapodhanāḥ
Sanskrit only: no published translation is held for this verse.
आतिथ्यं च कृतं तेषां शाकेन किल भारत । ततः शाकंभरीत्येवं नाम तस्याः प्रतिष्ठितम्
ātithyaṃ ca kṛtaṃ teṣāṃ śākena kila bhārata | tataḥ śākaṃbharītyevaṃ nāma tasyāḥ pratiṣṭhitam
Sanskrit only: no published translation is held for this verse.
शाकंभरीं समासाद्य ब्रह्मचारी समाहितः । त्रिरात्रमुषितः शाकं भक्षयेन्नियतः शुचिः
śākaṃbharīṃ samāsādya brahmacārī samāhitaḥ | trirātramuṣitaḥ śākaṃ bhakṣayenniyataḥ śuciḥ
Sanskrit only: no published translation is held for this verse.
शाकाहारस्य यत्सम्यग्वर्षैर्द्वादशभिः फलम् । तत्फलं तस्य भवति देव्याश्छंदेन भारत
śākāhārasya yatsamyagvarṣairdvādaśabhiḥ phalam | tatphalaṃ tasya bhavati devyāśchaṃdena bhārata
Sanskrit only: no published translation is held for this verse.
ततो गच्छेत्सुवर्णाख्यं त्रिषुलोकेषु विश्रुतम् । यत्र कृष्णः प्रसादार्थं रुद्रमाराधयत्पुरा
tato gacchetsuvarṇākhyaṃ triṣulokeṣu viśrutam | yatra kṛṣṇaḥ prasādārthaṃ rudramārādhayatpurā
Sanskrit only: no published translation is held for this verse.
वरांश्च सुबहूँल्लेभे देवैरपि स दुर्ल्लभान् । उक्तश्च त्रिपुरघ्नेन परितुष्टेन भारत
varāṃśca subahū~llebhe devairapi sa durllabhān | uktaśca tripuraghnena parituṣṭena bhārata
Sanskrit only: no published translation is held for this verse.
अपि चात्माप्रियतरो लोके कृष्ण भविष्यसि । त्वन्मुखं च जगत्कृत्स्नं भविष्यति न संशयः
api cātmāpriyataro loke kṛṣṇa bhaviṣyasi | tvanmukhaṃ ca jagatkṛtsnaṃ bhaviṣyati na saṃśayaḥ
Sanskrit only: no published translation is held for this verse.
तत्राभिगम्य राजेंद्र पूजयित्वा वृषध्वजम् । अश्वमेधमवाप्नोति गाणपत्यं च विंदति
tatrābhigamya rājeṃdra pūjayitvā vṛṣadhvajam | aśvamedhamavāpnoti gāṇapatyaṃ ca viṃdati
Sanskrit only: no published translation is held for this verse.
धूमावतीं ततो गच्छेत्त्रिरात्रमुषितो नरः । मनसा प्रार्थितान्कामाँल्लभते नात्र संशयः
dhūmāvatīṃ tato gacchettrirātramuṣito naraḥ | manasā prārthitānkāmā~llabhate nātra saṃśayaḥ
Sanskrit only: no published translation is held for this verse.
देव्यास्तु दक्षिणार्धे नरथावर्त्तो नराधिप । तत्रागत्य तु धर्मज्ञ श्रद्दधानो जितेंद्रियः
devyāstu dakṣiṇārdhe narathāvartto narādhipa | tatrāgatya tu dharmajña śraddadhāno jiteṃdriyaḥ
Sanskrit only: no published translation is held for this verse.
महादेवप्रसादेन गच्छेत परमां गतिम् । प्रदक्षिणमुपावृत्य गच्छेत भरतर्षभ
mahādevaprasādena gaccheta paramāṃ gatim | pradakṣiṇamupāvṛtya gaccheta bharatarṣabha
Sanskrit only: no published translation is held for this verse.