Library·Padma Purāṇa·3·3.29
नारदउवाच-। ततो गच्छेत राजेंद्र कालिंदीतीर्थमुत्तमम् । तत्र स्नात्वा नरो राजन्न दुर्गतिमवाप्नुयात्
nāradauvāca-| tato gaccheta rājeṃdra kāliṃdītīrthamuttamam | tatra snātvā naro rājanna durgatimavāpnuyāt
Sanskrit only: no published translation is held for this verse.
पुष्करे तु कुरुक्षेत्रे ब्रह्मावर्त्ते पृथूदके । अविमुक्ते सुवर्णाख्ये यत्फलं लभते नरः
puṣkare tu kurukṣetre brahmāvartte pṛthūdake | avimukte suvarṇākhye yatphalaṃ labhate naraḥ
Sanskrit only: no published translation is held for this verse.
तत्फलं समवाप्नोति यमुनायां नरोत्तम । स्वर्गभोगेतिरागो वै येषां मनसि वर्तते
tatphalaṃ samavāpnoti yamunāyāṃ narottama | svargabhogetirāgo vai yeṣāṃ manasi vartate
Sanskrit only: no published translation is held for this verse.
यमुनायां विशेषेण स्नानदानेन सत्तम । आयुरारोग्यसंपत्तौ रूपयौवनता गुणे
yamunāyāṃ viśeṣeṇa snānadānena sattama | āyurārogyasaṃpattau rūpayauvanatā guṇe
Sanskrit only: no published translation is held for this verse.
येषां मनोरथस्तैस्तु न त्याज्यं यमुनाजलम् । ये बिभ्यति नरकादेर्दारिद्र्योऽत्र संति च
yeṣāṃ manorathastaistu na tyājyaṃ yamunājalam | ye bibhyati narakāderdāridryo'tra saṃti ca
Sanskrit only: no published translation is held for this verse.
सर्वथा तैः प्रयत्नेन तत्र कार्यं निमज्जनम् । दारिद्र्य पाप दौर्भाग्य पंक प्रक्षालनाय वै
sarvathā taiḥ prayatnena tatra kāryaṃ nimajjanam | dāridrya pāpa daurbhāgya paṃka prakṣālanāya vai
Sanskrit only: no published translation is held for this verse.
ऋते वै यामुनं तोयं न चान्योस्ति युधिष्ठिर । श्रद्धाहीनानि कर्माणि मतान्यर्धफलानि वै । फलं ददाति संपूर्णं यामुनं स्नानमात्रतः
ṛte vai yāmunaṃ toyaṃ na cānyosti yudhiṣṭhira | śraddhāhīnāni karmāṇi matānyardhaphalāni vai | phalaṃ dadāti saṃpūrṇaṃ yāmunaṃ snānamātrataḥ
Sanskrit only: no published translation is held for this verse.
अकामो वा सकामो वा यामुने सलिले नृप । इहामुत्र च दुःखानि मज्जनान्नैव पश्यति
akāmo vā sakāmo vā yāmune salile nṛpa | ihāmutra ca duḥkhāni majjanānnaiva paśyati
Sanskrit only: no published translation is held for this verse.
पक्षद्वये यथा चंद्र क्षीःयते वर्द्धते तथा । पातकं नश्यते तत्र स्नानात्पुण्यं विवर्द्धते
pakṣadvaye yathā caṃdra kṣīḥyate varddhate tathā | pātakaṃ naśyate tatra snānātpuṇyaṃ vivarddhate
Sanskrit only: no published translation is held for this verse.
यथाब्धौ सुखमायांति रत्नानि विविधानि च । आयुर्वित्तं कलत्राणि संपदः संभवंति च
yathābdhau sukhamāyāṃti ratnāni vividhāni ca | āyurvittaṃ kalatrāṇi saṃpadaḥ saṃbhavaṃti ca
Sanskrit only: no published translation is held for this verse.
कामधेनुर्यथा कामं चिंतामणिर्विचिंतितम् । ददाति यमुनास्नानं तद्वत्सर्वं मनोरथम्
kāmadhenuryathā kāmaṃ ciṃtāmaṇirviciṃtitam | dadāti yamunāsnānaṃ tadvatsarvaṃ manoratham
Sanskrit only: no published translation is held for this verse.
कृते तपः परं ज्ञानं त्रेतायां यजनं तथा । द्वापरे च कलौ दानं कालिंदी सर्वदा शुभा
kṛte tapaḥ paraṃ jñānaṃ tretāyāṃ yajanaṃ tathā | dvāpare ca kalau dānaṃ kāliṃdī sarvadā śubhā
Sanskrit only: no published translation is held for this verse.
सर्वेषां सर्ववर्णानामाश्रमाणां च भूपते । यामुने मज्जनं धर्मं धाराभिः खलु वर्षति
sarveṣāṃ sarvavarṇānāmāśramāṇāṃ ca bhūpate | yāmune majjanaṃ dharmaṃ dhārābhiḥ khalu varṣati
Sanskrit only: no published translation is held for this verse.
अस्मिन्वै भारते वर्षे कर्मभूमौ विशेषतः । कालिंद्यस्नायिनां नॄणां निष्फलं जन्मकीर्त्तितम्
asminvai bhārate varṣe karmabhūmau viśeṣataḥ | kāliṃdyasnāyināṃ nṝṇāṃ niṣphalaṃ janmakīrttitam
Sanskrit only: no published translation is held for this verse.
नैश्वर्यं गगने यद्वच्चांद्रे ऽमायां तु मंडले । तद्वन्न भाति सत्कर्म यमुनामज्जनं विना
naiśvaryaṃ gagane yadvaccāṃdre 'māyāṃ tu maṃḍale | tadvanna bhāti satkarma yamunāmajjanaṃ vinā
Sanskrit only: no published translation is held for this verse.
व्रतैर्दानैस्तपोभिश्च न तथा प्रीयते हरिः । तत्र मज्जनमात्रेण यथा प्रीणाति केशवः
vratairdānaistapobhiśca na tathā prīyate hariḥ | tatra majjanamātreṇa yathā prīṇāti keśavaḥ
Sanskrit only: no published translation is held for this verse.
न समं विद्यते किंचित्तेजः सौरेण तेजसा । तद्वन्न यमुनास्नानं समानाः क्रतुजाः क्रियाः
na samaṃ vidyate kiṃcittejaḥ saureṇa tejasā | tadvanna yamunāsnānaṃ samānāḥ kratujāḥ kriyāḥ
Sanskrit only: no published translation is held for this verse.
प्रीतये वासुदेवस्य सर्वपापापनुत्तये । कालिंद्या मज्जनं कुर्य्यात्स्वर्गलाभाय मानवः
prītaye vāsudevasya sarvapāpāpanuttaye | kāliṃdyā majjanaṃ kuryyātsvargalābhāya mānavaḥ
Sanskrit only: no published translation is held for this verse.
किं रक्षितेन देहेन सुपुष्टेन बलीयसा । अध्रुवेण सुदेहेन यमुना मज्जनं विना
kiṃ rakṣitena dehena supuṣṭena balīyasā | adhruveṇa sudehena yamunā majjanaṃ vinā
Sanskrit only: no published translation is held for this verse.
अस्थिस्तंभं स्नायुबंधं मांसक्षतज लेपनम् । चर्मावनद्ध दुर्गंधं पूर्णं मूत्रपुरीषयोः
asthistaṃbhaṃ snāyubaṃdhaṃ māṃsakṣataja lepanam | carmāvanaddha durgaṃdhaṃ pūrṇaṃ mūtrapurīṣayoḥ
Sanskrit only: no published translation is held for this verse.
जराशोक विपद्व्याप्तं रोगमंदिरमातुरम् । रागमूलमनित्यं च सर्वदोषसमाश्रयम्
jarāśoka vipadvyāptaṃ rogamaṃdiramāturam | rāgamūlamanityaṃ ca sarvadoṣasamāśrayam
Sanskrit only: no published translation is held for this verse.
परोपकारपापार्ति परद्रोहपरेर्षिकम् । लोलुपं पिशुनं क्रूरं कृतघ्नं क्षणिकं तथा
paropakārapāpārti paradrohaparerṣikam | lolupaṃ piśunaṃ krūraṃ kṛtaghnaṃ kṣaṇikaṃ tathā
Sanskrit only: no published translation is held for this verse.
निष्ठुरं दुर्धरं दुष्टं दोषत्रयविदूषितम् । अशुचितापि दुर्गंधि तापत्रयविमोहितम्
niṣṭhuraṃ durdharaṃ duṣṭaṃ doṣatrayavidūṣitam | aśucitāpi durgaṃdhi tāpatrayavimohitam
Sanskrit only: no published translation is held for this verse.
निसर्गतो ऽधर्मरतं तृष्णाशतसमाकुलम् । कामक्रोधमहालोभ नरकद्वारसंस्थितम्
nisargato 'dharmarataṃ tṛṣṇāśatasamākulam | kāmakrodhamahālobha narakadvārasaṃsthitam
Sanskrit only: no published translation is held for this verse.
कृमिवर्चस्तु भस्मादि परिणामगुणावहम् । ईदृक्शरीरं व्यर्थं हि यमुनामज्जनं विना
kṛmivarcastu bhasmādi pariṇāmaguṇāvaham | īdṛkśarīraṃ vyarthaṃ hi yamunāmajjanaṃ vinā
Sanskrit only: no published translation is held for this verse.
बुद्बुदा इव तोयेषु प्रत्यंडा इव पक्षिषु । जायंते मरणायैव यमुनास्नान वर्जिताः
budbudā iva toyeṣu pratyaṃḍā iva pakṣiṣu | jāyaṃte maraṇāyaiva yamunāsnāna varjitāḥ
Sanskrit only: no published translation is held for this verse.
अवैष्णवो हतो विप्रो हतं श्राद्धमपिंडकम् । अब्रह्मण्यं हतं क्षत्रमनाचार हतं कुलम्
avaiṣṇavo hato vipro hataṃ śrāddhamapiṃḍakam | abrahmaṇyaṃ hataṃ kṣatramanācāra hataṃ kulam
Sanskrit only: no published translation is held for this verse.
सदंभश्च हतो धर्म्मः क्रोधेनैव हतं तपः । अदृढं च हतं ज्ञानं प्रमादेन हतं श्रुतम्
sadaṃbhaśca hato dharmmaḥ krodhenaiva hataṃ tapaḥ | adṛḍhaṃ ca hataṃ jñānaṃ pramādena hataṃ śrutam
Sanskrit only: no published translation is held for this verse.
परभक्त्या हता नारी ब्रह्मचारी स्त्रिया हतः । अदीप्तेऽग्नौ हतो होमो हता भक्तिः समायिका
parabhaktyā hatā nārī brahmacārī striyā hataḥ | adīpte'gnau hato homo hatā bhaktiḥ samāyikā
Sanskrit only: no published translation is held for this verse.
उपजीव्या हता कन्या स्वार्थे पाकक्रिया हता । शूद्र भक्षो हतो योगः कृपणस्य हतं धनम्
upajīvyā hatā kanyā svārthe pākakriyā hatā | śūdra bhakṣo hato yogaḥ kṛpaṇasya hataṃ dhanam
Sanskrit only: no published translation is held for this verse.
अनभ्यासहता विद्या हतो बोधो विरोधकृत् । जीवितार्थं हतं तीर्थं जीवनार्थं हतं व्रतम्
anabhyāsahatā vidyā hato bodho virodhakṛt | jīvitārthaṃ hataṃ tīrthaṃ jīvanārthaṃ hataṃ vratam
Sanskrit only: no published translation is held for this verse.
असत्या च हता वाणी तथा पैशुन्यवादिनी । षट्कर्णगो हतो मंत्रो व्यग्रचित्तो हतो जपः
asatyā ca hatā vāṇī tathā paiśunyavādinī | ṣaṭkarṇago hato maṃtro vyagracitto hato japaḥ
Sanskrit only: no published translation is held for this verse.
हतमश्रोत्रिये दानं हतो लोकश्च नास्तिकः । अश्रद्धया हतं सर्वं यत्कृतं पारलौकिकम्
hatamaśrotriye dānaṃ hato lokaśca nāstikaḥ | aśraddhayā hataṃ sarvaṃ yatkṛtaṃ pāralaukikam
Sanskrit only: no published translation is held for this verse.
इह लोको हतो नॄणां दरिद्राणां यथा नृप । मनुष्याणां हतं जन्म कालिदीमज्जनं विना
iha loko hato nṝṇāṃ daridrāṇāṃ yathā nṛpa | manuṣyāṇāṃ hataṃ janma kālidīmajjanaṃ vinā
Sanskrit only: no published translation is held for this verse.
उपपातक सर्वाणि पातकानि महांति च । भस्मी भवंति सर्वाणि यमुनामज्जनान्नृप
upapātaka sarvāṇi pātakāni mahāṃti ca | bhasmī bhavaṃti sarvāṇi yamunāmajjanānnṛpa
Sanskrit only: no published translation is held for this verse.
वेपंते सर्वपापानि यमुनायां गते नरे । नाशके सर्वपापानां यदि स्नास्यति वारिणि
vepaṃte sarvapāpāni yamunāyāṃ gate nare | nāśake sarvapāpānāṃ yadi snāsyati vāriṇi
Sanskrit only: no published translation is held for this verse.
पावका इव दीप्यंते यमुनायां नरोत्तमाः । विमुक्ताः सर्वपापेभ्यो मेघेभ्य इव चंद्रमाः
pāvakā iva dīpyaṃte yamunāyāṃ narottamāḥ | vimuktāḥ sarvapāpebhyo meghebhya iva caṃdramāḥ
Sanskrit only: no published translation is held for this verse.
आर्द्र शुष्कलघुस्थूलं वाङ्मनः कर्मभिः कृतम् । तत्र स्नानं दहेत्पापं पावकः समिधो यथा
ārdra śuṣkalaghusthūlaṃ vāṅmanaḥ karmabhiḥ kṛtam | tatra snānaṃ dahetpāpaṃ pāvakaḥ samidho yathā
Sanskrit only: no published translation is held for this verse.
प्रामादिकं च यत्पापं ज्ञानाज्ञानकृतं च यत् । स्नानमात्रेण नश्येत यमुनायां नृपोत्तम
prāmādikaṃ ca yatpāpaṃ jñānājñānakṛtaṃ ca yat | snānamātreṇa naśyeta yamunāyāṃ nṛpottama
Sanskrit only: no published translation is held for this verse.
निष्पापास्त्रिदिवं यांति पापिष्ठा यांति शुद्धताम् । संदेहो नात्र कर्तव्यः स्नाने वै यमुनाजले
niṣpāpāstridivaṃ yāṃti pāpiṣṭhā yāṃti śuddhatām | saṃdeho nātra kartavyaḥ snāne vai yamunājale
Sanskrit only: no published translation is held for this verse.
सर्वेऽधिकारिणो ह्यत्र विष्णुभक्तौ तथा नृप । सर्वेषां सर्वदा देवी यमुना पापनाशिका
sarve'dhikāriṇo hyatra viṣṇubhaktau tathā nṛpa | sarveṣāṃ sarvadā devī yamunā pāpanāśikā
Sanskrit only: no published translation is held for this verse.
एष एव परो मंत्र एतच्च परमं तपः । प्रायश्चित्तं परं चैव यमुनास्नानमुत्तमम्
eṣa eva paro maṃtra etacca paramaṃ tapaḥ | prāyaścittaṃ paraṃ caiva yamunāsnānamuttamam
Sanskrit only: no published translation is held for this verse.
नृणां जन्मांतराभ्यासात्कालिंदी मज्जने मतिः । अध्यात्मज्ञानकौशल्यं जन्माभ्यासाद्यथा नृप
nṛṇāṃ janmāṃtarābhyāsātkāliṃdī majjane matiḥ | adhyātmajñānakauśalyaṃ janmābhyāsādyathā nṛpa
Sanskrit only: no published translation is held for this verse.
संसारकर्दमालेप प्रक्षालन विशारदम् । पावनं पावनानां च यमुनास्नानमुत्तमम्
saṃsārakardamālepa prakṣālana viśāradam | pāvanaṃ pāvanānāṃ ca yamunāsnānamuttamam
Sanskrit only: no published translation is held for this verse.
स्नातास्तत्र च ये राजन्सर्वकामफलप्रदे । शुभांश्च भुंजते भोगांश्चंद्र सूर्यग्रहोपमान्
snātāstatra ca ye rājansarvakāmaphalaprade | śubhāṃśca bhuṃjate bhogāṃścaṃdra sūryagrahopamān
Sanskrit only: no published translation is held for this verse.
यमुना मोक्षदा प्रोक्ता मथुरासंगता यदि । मथुरायां च कालिंदी पुण्याधिकविवर्द्धिनी
yamunā mokṣadā proktā mathurāsaṃgatā yadi | mathurāyāṃ ca kāliṃdī puṇyādhikavivarddhinī
Sanskrit only: no published translation is held for this verse.
अन्यत्र यमुना पुण्या महापातकहारिणी । विष्णुभक्तिप्रदा देवी मथुरा संगता भवेत्
anyatra yamunā puṇyā mahāpātakahāriṇī | viṣṇubhaktipradā devī mathurā saṃgatā bhavet
Sanskrit only: no published translation is held for this verse.
भक्तिभावेन संयुक्ता कालिंद्यां यदि मज्जयेत् । कल्पकोटिसहस्राणि वसते सन्निधौ हरेः
bhaktibhāvena saṃyuktā kāliṃdyāṃ yadi majjayet | kalpakoṭisahasrāṇi vasate sannidhau hareḥ
Sanskrit only: no published translation is held for this verse.
मुक्तिं प्रयांति मनुजाः नूनं सांख्येन वर्जिताः । पितरस्तस्य तृप्यंति तृप्ताः कल्पशतैर्दिवि
muktiṃ prayāṃti manujāḥ nūnaṃ sāṃkhyena varjitāḥ | pitarastasya tṛpyaṃti tṛptāḥ kalpaśatairdivi
Sanskrit only: no published translation is held for this verse.
ये पिबंति नरा राजन्यमुनासलिलं शुभम् । पंचगव्यसहस्रैस्तु सेवितैः किं प्रयोजनम्
ye pibaṃti narā rājanyamunāsalilaṃ śubham | paṃcagavyasahasraistu sevitaiḥ kiṃ prayojanam
Sanskrit only: no published translation is held for this verse.
कोटितीर्थसहस्रैस्तु सेवितैः किं प्रयोजनम् । तत्र दानं च होमश्च सर्वं कोटिगुणं भवेत्
koṭitīrthasahasraistu sevitaiḥ kiṃ prayojanam | tatra dānaṃ ca homaśca sarvaṃ koṭiguṇaṃ bhavet
Sanskrit only: no published translation is held for this verse.