Padma Purāṇa 3.3

ऋषय ऊचुः-। नदीनां पर्वतानां च नामधेयानि सर्वशः । तथा जनपदानां च ये चान्ये भूमिमाश्रिताः

ṛṣaya ūcuḥ-| nadīnāṃ parvatānāṃ ca nāmadheyāni sarvaśaḥ | tathā janapadānāṃ ca ye cānye bhūmimāśritāḥ

Sanskrit only: no published translation is held for this verse.

प्रमाणं च प्रमाणज्ञ पृथिव्याः किल सर्वतः । निखिलेन समाचक्ष्व काननानि च सत्तम

pramāṇaṃ ca pramāṇajña pṛthivyāḥ kila sarvataḥ | nikhilena samācakṣva kānanāni ca sattama

Sanskrit only: no published translation is held for this verse.

सूत उवाच-। पंचेमानि महाप्राज्ञ महाभूतानि संग्रहात् । जगतीस्थानि सर्वाणि समान्याहुर्मनीषिणः

sūta uvāca-| paṃcemāni mahāprājña mahābhūtāni saṃgrahāt | jagatīsthāni sarvāṇi samānyāhurmanīṣiṇaḥ

Sanskrit only: no published translation is held for this verse.

भूमिरापस्तथा वायुरग्निराकाशमेव च । गुणोत्तराणि सर्वाणि तेषां भूमिः प्रधानतः

bhūmirāpastathā vāyuragnirākāśameva ca | guṇottarāṇi sarvāṇi teṣāṃ bhūmiḥ pradhānataḥ

Sanskrit only: no published translation is held for this verse.

शब्दस्पर्शश्च रूपं च रसो गंधश्च पंचमः । भूमेरेतेगुणाः प्रोक्ता ऋषिभिस्तत्त्ववेदिभिः

śabdasparśaśca rūpaṃ ca raso gaṃdhaśca paṃcamaḥ | bhūmereteguṇāḥ proktā ṛṣibhistattvavedibhiḥ

Sanskrit only: no published translation is held for this verse.

चत्वारोप्सुगुणा विप्रा गंधस्तत्र न विद्यते । शब्दः स्पर्शश्च रूपं च तेजसोथ गुणास्त्रयः

catvāropsuguṇā viprā gaṃdhastatra na vidyate | śabdaḥ sparśaśca rūpaṃ ca tejasotha guṇāstrayaḥ

Sanskrit only: no published translation is held for this verse.

शब्दः स्पर्शश्च वायोस्तु आकाशे शब्द एव च । एते पंच गुणा विप्रा महाभूतेषु पंचसु

śabdaḥ sparśaśca vāyostu ākāśe śabda eva ca | ete paṃca guṇā viprā mahābhūteṣu paṃcasu

Sanskrit only: no published translation is held for this verse.

वर्तंते सर्वलोकेषु येषु भूताः प्रतिष्ठिताः । अन्योन्यं नातिवर्तंते साम्यं भवति वै तदा

vartaṃte sarvalokeṣu yeṣu bhūtāḥ pratiṣṭhitāḥ | anyonyaṃ nātivartaṃte sāmyaṃ bhavati vai tadā

Sanskrit only: no published translation is held for this verse.

यदा तु विषमीभावमाविशंति परस्परम् । तदा देहैर्देहवंतो व्यतिरोहंति नान्यथा

yadā tu viṣamībhāvamāviśaṃti parasparam | tadā dehairdehavaṃto vyatirohaṃti nānyathā

Sanskrit only: no published translation is held for this verse.

आनुपूर्व्या विनश्यंति जायंते चानुपूर्वशः । सर्वाण्यपरिमेयाणि तदेषां रूपमैश्वरम्

ānupūrvyā vinaśyaṃti jāyaṃte cānupūrvaśaḥ | sarvāṇyaparimeyāṇi tadeṣāṃ rūpamaiśvaram

Sanskrit only: no published translation is held for this verse.

यत्रयत्र हि दृश्यंते धावंति पांचभौतिकाः । तेषां मनुष्यास्तर्केण प्रमाणानि प्रचक्षते

yatrayatra hi dṛśyaṃte dhāvaṃti pāṃcabhautikāḥ | teṣāṃ manuṣyāstarkeṇa pramāṇāni pracakṣate

Sanskrit only: no published translation is held for this verse.

अचिंत्याः खलु ये भावास्तान्न तर्केण साधयेत् । सुदर्शनं प्रवक्ष्यामि द्वीपं तु मुनिपुंगवाः

aciṃtyāḥ khalu ye bhāvāstānna tarkeṇa sādhayet | sudarśanaṃ pravakṣyāmi dvīpaṃ tu munipuṃgavāḥ

Sanskrit only: no published translation is held for this verse.

परिमंडलो महाभागा द्वीपोऽसौ चक्रसंस्थितः । नदीजलपरिच्छिन्नः पर्वतैश्चाब्धिसन्निभैः

parimaṃḍalo mahābhāgā dvīpo'sau cakrasaṃsthitaḥ | nadījalaparicchinnaḥ parvataiścābdhisannibhaiḥ

Sanskrit only: no published translation is held for this verse.

पुरैश्च विविधाकारै रम्यैर्जनपदैस्तथा । वृक्षैः पुष्पफलोपेतैः संपन्नो धनधान्यवान्

puraiśca vividhākārai ramyairjanapadaistathā | vṛkṣaiḥ puṣpaphalopetaiḥ saṃpanno dhanadhānyavān

Sanskrit only: no published translation is held for this verse.

लवणेन समुद्रेण समंतात्परिवारितः । यथा हि पुरुषः पश्येदादर्शे मुखमात्मनः

lavaṇena samudreṇa samaṃtātparivāritaḥ | yathā hi puruṣaḥ paśyedādarśe mukhamātmanaḥ

Sanskrit only: no published translation is held for this verse.

एवं सुदर्शनो द्वीपो दृश्यते चक्रमंडलः । द्विरंशे पिप्पलस्तस्य द्विरंशे च शशो महान्

evaṃ sudarśano dvīpo dṛśyate cakramaṃḍalaḥ | dviraṃśe pippalastasya dviraṃśe ca śaśo mahān

Sanskrit only: no published translation is held for this verse.

सर्वौषधिं समादाय सर्वतः परिवारितः । आपस्ततोन्या विज्ञेयाः शेषः संक्षेप उच्यते

sarvauṣadhiṃ samādāya sarvataḥ parivāritaḥ | āpastatonyā vijñeyāḥ śeṣaḥ saṃkṣepa ucyate

Sanskrit only: no published translation is held for this verse.

ऋषय ऊचुः-। उक्तो यस्य च संक्षेपो बुद्धिमन्विधिवत्त्वया । तत्त्वज्ञश्चासि सर्वस्य विस्तरं सूत नो वद

ṛṣaya ūcuḥ-| ukto yasya ca saṃkṣepo buddhimanvidhivattvayā | tattvajñaścāsi sarvasya vistaraṃ sūta no vada

Sanskrit only: no published translation is held for this verse.

यावान्भूम्यवकाशोयं दृश्यते शशलक्षणे । तस्य प्रमाणं प्रब्रूहि ततो वक्ष्यसि पिप्पलम्

yāvānbhūmyavakāśoyaṃ dṛśyate śaśalakṣaṇe | tasya pramāṇaṃ prabrūhi tato vakṣyasi pippalam

Sanskrit only: no published translation is held for this verse.

एवं तैः किल पृष्टः स सूतो वाक्यमथाब्रवीत् । सूत उवाच-। प्रागायता महाप्राज्ञाः षडेते रत्नपर्वताः

evaṃ taiḥ kila pṛṣṭaḥ sa sūto vākyamathābravīt | sūta uvāca-| prāgāyatā mahāprājñāḥ ṣaḍete ratnaparvatāḥ

Sanskrit only: no published translation is held for this verse.

अवगाढा ह्युभयतः समुद्रौ पूर्वपश्चिमौ । हिमवान्हिमकूटश्च निषधश्च नगोत्तमः

avagāḍhā hyubhayataḥ samudrau pūrvapaścimau | himavānhimakūṭaśca niṣadhaśca nagottamaḥ

Sanskrit only: no published translation is held for this verse.

नीलश्च वैडूर्यमयः श्वेतश्च शशिसन्निभः । सर्वधातुपिनद्धश्च शृंगवान्नामपर्वतः

nīlaśca vaiḍūryamayaḥ śvetaśca śaśisannibhaḥ | sarvadhātupinaddhaśca śṛṃgavānnāmaparvataḥ

Sanskrit only: no published translation is held for this verse.

एते वै पर्वता विप्राः सिद्धचारणसेविताः । तेषामंतरविष्कुंभौ योजनानि सहस्रशः

ete vai parvatā viprāḥ siddhacāraṇasevitāḥ | teṣāmaṃtaraviṣkuṃbhau yojanāni sahasraśaḥ

Sanskrit only: no published translation is held for this verse.

तत्र पुण्या जनपदास्तानि वर्षाणि सत्तमाः । वसंति तेषां सत्त्वानि नानाजातीनि सर्वशः

tatra puṇyā janapadāstāni varṣāṇi sattamāḥ | vasaṃti teṣāṃ sattvāni nānājātīni sarvaśaḥ

Sanskrit only: no published translation is held for this verse.

इदं तु भारतं वर्षं ततो हैमवतं परम् । हेमकूटात्परं चैव हरिवर्षं प्रचक्षते

idaṃ tu bhārataṃ varṣaṃ tato haimavataṃ param | hemakūṭātparaṃ caiva harivarṣaṃ pracakṣate

Sanskrit only: no published translation is held for this verse.

दक्षिणेन तु नीलस्य निषधस्योत्तरेण च । प्रागायतो महाभागा माल्यवान्नाम पर्वतः

dakṣiṇena tu nīlasya niṣadhasyottareṇa ca | prāgāyato mahābhāgā mālyavānnāma parvataḥ

Sanskrit only: no published translation is held for this verse.

ततः परं माल्यवतः पर्वतो गंधमादनः । परिमंडलस्तयोर्मध्ये मेरुः कनकपर्वतः

tataḥ paraṃ mālyavataḥ parvato gaṃdhamādanaḥ | parimaṃḍalastayormadhye meruḥ kanakaparvataḥ

Sanskrit only: no published translation is held for this verse.

आदित्यतरुणाभासो विधूम इव पावकः । योजनानां सहस्राणि चतुरशीतिरुच्छ्रितः

ādityataruṇābhāso vidhūma iva pāvakaḥ | yojanānāṃ sahasrāṇi caturaśītirucchritaḥ

Sanskrit only: no published translation is held for this verse.

अधस्ताच्चतुरशीतिर्योजनानां द्विजोत्तमाः । ऊर्ध्वमधश्च तिर्यक्च लोकानावृत्य तिष्ठति

adhastāccaturaśītiryojanānāṃ dvijottamāḥ | ūrdhvamadhaśca tiryakca lokānāvṛtya tiṣṭhati

Sanskrit only: no published translation is held for this verse.

तस्य पार्श्वेष्वमी द्वीपाश्चत्वारः संस्थिता द्विजाः । भद्राश्वः केतुमालश्च जंबूद्वीपश्च सत्तमाः

tasya pārśveṣvamī dvīpāścatvāraḥ saṃsthitā dvijāḥ | bhadrāśvaḥ ketumālaśca jaṃbūdvīpaśca sattamāḥ

Sanskrit only: no published translation is held for this verse.

उत्तराश्चैव कुरुवः कृतपुण्य प्रतिश्रयाः । विहंगसुमुखो यस्तु सुपार्श्वस्यात्मजः किल

uttarāścaiva kuruvaḥ kṛtapuṇya pratiśrayāḥ | vihaṃgasumukho yastu supārśvasyātmajaḥ kila

Sanskrit only: no published translation is held for this verse.

स वै विचिंतयामास सौवर्णान्प्रेक्ष्य वायसान् । मेरुरुत्तममध्यानामधमानां च पक्षिणाम्

sa vai viciṃtayāmāsa sauvarṇānprekṣya vāyasān | meruruttamamadhyānāmadhamānāṃ ca pakṣiṇām

Sanskrit only: no published translation is held for this verse.

अविशेषकरो यस्मात्तस्मादेनं त्यजाम्यहम् । तमादित्योनुपर्येति सततं ज्योतिषां वरः

aviśeṣakaro yasmāttasmādenaṃ tyajāmyaham | tamādityonuparyeti satataṃ jyotiṣāṃ varaḥ

Sanskrit only: no published translation is held for this verse.

चंद्रमाश्च सनक्षत्रो वायुश्चैव प्रदक्षिणः । स पर्वतो महाप्राज्ञा दिव्यपुष्पसमन्वितः

caṃdramāśca sanakṣatro vāyuścaiva pradakṣiṇaḥ | sa parvato mahāprājñā divyapuṣpasamanvitaḥ

Sanskrit only: no published translation is held for this verse.

भवनैरावृतैः सर्वैः र्जांबूनदमयैः शुभैः । तत्र देवगणा विप्रा गंधर्वासुरराक्षसाः

bhavanairāvṛtaiḥ sarvaiḥ rjāṃbūnadamayaiḥ śubhaiḥ | tatra devagaṇā viprā gaṃdharvāsurarākṣasāḥ

Sanskrit only: no published translation is held for this verse.

अप्सरोगणसंयुक्ताः शैले क्रीडंति सर्वदा । तत्र ब्रह्मा च रुद्रश्च शक्रश्चापि सुरेश्वरः

apsarogaṇasaṃyuktāḥ śaile krīḍaṃti sarvadā | tatra brahmā ca rudraśca śakraścāpi sureśvaraḥ

Sanskrit only: no published translation is held for this verse.

समेत्य विविधैर्यज्ञैर्यजंतेऽनेक दक्षिणैः । तुंबुरुर्नारदश्चैव विश्वावसुर्हाहा हूहूः

sametya vividhairyajñairyajaṃte'neka dakṣiṇaiḥ | tuṃbururnāradaścaiva viśvāvasurhāhā hūhūḥ

Sanskrit only: no published translation is held for this verse.

अभिगम्यामरश्रेष्ठं स्तुवंति विविधैः स्तवैः । सप्तर्षयो महात्मानः कश्यपश्च प्रजापतिः

abhigamyāmaraśreṣṭhaṃ stuvaṃti vividhaiḥ stavaiḥ | saptarṣayo mahātmānaḥ kaśyapaśca prajāpatiḥ

Sanskrit only: no published translation is held for this verse.

तत्र गच्छंति भद्रं वः सदा पर्वणि पर्वणि । तस्यैव मूर्द्धन्युशना काव्यो दैत्यैर्महीयते

tatra gacchaṃti bhadraṃ vaḥ sadā parvaṇi parvaṇi | tasyaiva mūrddhanyuśanā kāvyo daityairmahīyate

Sanskrit only: no published translation is held for this verse.

तस्य हैमानि रत्नानि तस्यैते रत्नपर्वताः । तस्मात्कुबेरो भगवांश्चतुर्थं भागमश्नुते

tasya haimāni ratnāni tasyaite ratnaparvatāḥ | tasmātkubero bhagavāṃścaturthaṃ bhāgamaśnute

Sanskrit only: no published translation is held for this verse.

ततः कलांशं वित्तस्य मनुष्येभ्यः प्रयच्छति । पर्वतस्यांतरे दिव्यं सर्वर्तुकुसुमैश्चितम्

tataḥ kalāṃśaṃ vittasya manuṣyebhyaḥ prayacchati | parvatasyāṃtare divyaṃ sarvartukusumaiścitam

Sanskrit only: no published translation is held for this verse.

कर्णिकारवनं रम्यं शिलाजालसमुच्छ्रितम् । तत्र साक्षात्पशुपतिर्दिव्यभूतैः समावृतः

karṇikāravanaṃ ramyaṃ śilājālasamucchritam | tatra sākṣātpaśupatirdivyabhūtaiḥ samāvṛtaḥ

Sanskrit only: no published translation is held for this verse.

उमासहायोभगवान्रमते भूतभावनः । कर्णिकारमयीं मालां बिभ्रदापादलंबिनीम्

umāsahāyobhagavānramate bhūtabhāvanaḥ | karṇikāramayīṃ mālāṃ bibhradāpādalaṃbinīm

Sanskrit only: no published translation is held for this verse.

त्रिभिर्नेत्रैः कृतोद्द्योतस्त्रिभिः सूर्यैरिवोदितैः । तमुग्रतपसः सिद्धाः सुव्रताः सत्यवादिनः

tribhirnetraiḥ kṛtoddyotastribhiḥ sūryairivoditaiḥ | tamugratapasaḥ siddhāḥ suvratāḥ satyavādinaḥ

Sanskrit only: no published translation is held for this verse.

पश्यंति नहि दुर्वृत्तैः शक्यो द्रष्टुं महेश्वरः । तस्य शैलस्य शिखरात्क्षीरधारा द्विजोत्तमाः

paśyaṃti nahi durvṛttaiḥ śakyo draṣṭuṃ maheśvaraḥ | tasya śailasya śikharātkṣīradhārā dvijottamāḥ

Sanskrit only: no published translation is held for this verse.

विश्वरूपात्परमिता भीमनिर्घातनिस्वना । पुण्यापुण्यतमैर्जुष्टा गंगा भागीरथी शुभा

viśvarūpātparamitā bhīmanirghātanisvanā | puṇyāpuṇyatamairjuṣṭā gaṃgā bhāgīrathī śubhā

Sanskrit only: no published translation is held for this verse.

प्लवंती च प्रवेगेन ह्रदे चंद्रमसः शुभे । तया ह्युत्पादितः पुण्यः स ह्रदः सागरोपमः

plavaṃtī ca pravegena hrade caṃdramasaḥ śubhe | tayā hyutpāditaḥ puṇyaḥ sa hradaḥ sāgaropamaḥ

Sanskrit only: no published translation is held for this verse.

तां धारयामास तदा दुर्द्धरां पर्वतैरपि । शतं वर्षसहस्राणि शिरसैव पिनाकधृक्

tāṃ dhārayāmāsa tadā durddharāṃ parvatairapi | śataṃ varṣasahasrāṇi śirasaiva pinākadhṛk

Sanskrit only: no published translation is held for this verse.

मेरोस्तु पश्चिमे पार्श्वे केतुमालो द्विजोत्तमाः । जंबूखंडे तु तत्रैव महाजनपदो द्विजाः

merostu paścime pārśve ketumālo dvijottamāḥ | jaṃbūkhaṃḍe tu tatraiva mahājanapado dvijāḥ

Sanskrit only: no published translation is held for this verse.

आयुर्दशसहस्राणि वर्षाणां तत्र सत्तमाः । सुवर्णवर्णाश्च नरा स्त्रियश्चाप्सरसां समाः

āyurdaśasahasrāṇi varṣāṇāṃ tatra sattamāḥ | suvarṇavarṇāśca narā striyaścāpsarasāṃ samāḥ

Sanskrit only: no published translation is held for this verse.

अनामया वीतशोका नित्यं मुदितमानसाः । जायंते मानवास्तत्र निस्तप्तकनकप्रभाः

anāmayā vītaśokā nityaṃ muditamānasāḥ | jāyaṃte mānavāstatra nistaptakanakaprabhāḥ

Sanskrit only: no published translation is held for this verse.

गंधमादनशृंगेषु कुबेरः सह राक्षसैः । संवृतोप्सरसां संघैर्मोदते गुह्यकाधिपः

gaṃdhamādanaśṛṃgeṣu kuberaḥ saha rākṣasaiḥ | saṃvṛtopsarasāṃ saṃghairmodate guhyakādhipaḥ

Sanskrit only: no published translation is held for this verse.

गंधमादनपार्श्वे तु परे विगतपातकाः । एकादशसहस्राणि वर्षाणां परमायुषः

gaṃdhamādanapārśve tu pare vigatapātakāḥ | ekādaśasahasrāṇi varṣāṇāṃ paramāyuṣaḥ

Sanskrit only: no published translation is held for this verse.

तत्र कृष्णा नरा विप्रास्तेजोयुक्ता महाबलाः । स्त्रियश्चोत्पलपत्राभाः सर्वाः सुप्रियदर्शनाः

tatra kṛṣṇā narā viprāstejoyuktā mahābalāḥ | striyaścotpalapatrābhāḥ sarvāḥ supriyadarśanāḥ

Sanskrit only: no published translation is held for this verse.

नीलोत्पलधरं श्वेतं श्वेताद्धैरण्यकं वरम् । वर्षमैरावतं विप्रा नानाजनपदावृतम्

nīlotpaladharaṃ śvetaṃ śvetāddhairaṇyakaṃ varam | varṣamairāvataṃ viprā nānājanapadāvṛtam

Sanskrit only: no published translation is held for this verse.

धनुखंडेः महाभागा द्वे वर्षे दक्षिणोत्तरे । इलावृत्तं मध्यगं तु पंचवर्षाणि चैव हि

dhanukhaṃḍeḥ mahābhāgā dve varṣe dakṣiṇottare | ilāvṛttaṃ madhyagaṃ tu paṃcavarṣāṇi caiva hi

Sanskrit only: no published translation is held for this verse.

उत्तरोत्तरमेतेभ्यो वर्षमुद्रिच्यते गुणैः । आयुः प्रमाणमारोग्यं धर्मतः कामतोऽर्थतः

uttarottarametebhyo varṣamudricyate guṇaiḥ | āyuḥ pramāṇamārogyaṃ dharmataḥ kāmato'rthataḥ

Sanskrit only: no published translation is held for this verse.

समन्वितानि भूतानि तेषु सर्वेषु सत्तमाः । एवमेषा महाभागाः पर्वतैः पृथिवी चिता

samanvitāni bhūtāni teṣu sarveṣu sattamāḥ | evameṣā mahābhāgāḥ parvataiḥ pṛthivī citā

Sanskrit only: no published translation is held for this verse.

हेमकूटस्तु सुमहान्कैलासो नाम पर्वतः । तत्र वैश्रवणो देवो गुह्यकैः सह मोदते

hemakūṭastu sumahānkailāso nāma parvataḥ | tatra vaiśravaṇo devo guhyakaiḥ saha modate

Sanskrit only: no published translation is held for this verse.

अस्त्युत्तरेण कैलासं मैनाकं पर्वतं प्रति । हिरण्यशृंगः सुमहान्दिव्यो मणिमयो गिरिः

astyuttareṇa kailāsaṃ mainākaṃ parvataṃ prati | hiraṇyaśṛṃgaḥ sumahāndivyo maṇimayo giriḥ

Sanskrit only: no published translation is held for this verse.

तस्य पार्श्वे महद्दिव्यं शुभ्रं कांचनवालुकम् । रम्यं विष्णुसरो नाम यत्र राजा भगीरथः

tasya pārśve mahaddivyaṃ śubhraṃ kāṃcanavālukam | ramyaṃ viṣṇusaro nāma yatra rājā bhagīrathaḥ

Sanskrit only: no published translation is held for this verse.

दृष्ट्वा भागीरथीं गंगामुवास बहुलाः समाः । यूपा मणिमयास्तत्र क्षेत्राश्चापि हिरण्मयाः

dṛṣṭvā bhāgīrathīṃ gaṃgāmuvāsa bahulāḥ samāḥ | yūpā maṇimayāstatra kṣetrāścāpi hiraṇmayāḥ

Sanskrit only: no published translation is held for this verse.

तत्रेष्ट्वा तु गतः सिद्धिं सहस्राक्षो महायशाः । स्रष्टा भूतिपतिर्यत्र सर्वलोकैः सनातनः

tatreṣṭvā tu gataḥ siddhiṃ sahasrākṣo mahāyaśāḥ | sraṣṭā bhūtipatiryatra sarvalokaiḥ sanātanaḥ

Sanskrit only: no published translation is held for this verse.

उपास्यते तिग्मतेजा यत्र भूतः समंततः । नरनारायणौ ब्रह्मा मनुः स्थाणुश्च पंचमः

upāsyate tigmatejā yatra bhūtaḥ samaṃtataḥ | naranārāyaṇau brahmā manuḥ sthāṇuśca paṃcamaḥ

Sanskrit only: no published translation is held for this verse.

तत्र दिव्या त्रिपथगा प्रथमं तु प्रतिष्ठिता । ब्रह्मलोकादपाक्रांता सप्तधा प्रतिपद्यते

tatra divyā tripathagā prathamaṃ tu pratiṣṭhitā | brahmalokādapākrāṃtā saptadhā pratipadyate

Sanskrit only: no published translation is held for this verse.

वटोदका सा नलिनी पार्वती च सरस्वती । जंबूनदी च सीता च गंगा सिंधुश्च सप्तमी

vaṭodakā sā nalinī pārvatī ca sarasvatī | jaṃbūnadī ca sītā ca gaṃgā siṃdhuśca saptamī

Sanskrit only: no published translation is held for this verse.

अचिंत्या दिव्यसंज्ञा सा प्रभावैश्च समन्विता । उपास्यते यत्र सत्रं सहस्रयुगपर्यये

aciṃtyā divyasaṃjñā sā prabhāvaiśca samanvitā | upāsyate yatra satraṃ sahasrayugaparyaye

Sanskrit only: no published translation is held for this verse.

दृश्यादृश्या च भवति तत्रतत्र सरस्वती । एता दिव्याः सप्तगंगास्त्रिषुलोकेषु विश्रुताः

dṛśyādṛśyā ca bhavati tatratatra sarasvatī | etā divyāḥ saptagaṃgāstriṣulokeṣu viśrutāḥ

Sanskrit only: no published translation is held for this verse.

रक्षांसि वै हिमवती हेमकूटे च गुह्यकाः । सर्पा नागाश्च निषधे गोकर्णं च तपोवनम्

rakṣāṃsi vai himavatī hemakūṭe ca guhyakāḥ | sarpā nāgāśca niṣadhe gokarṇaṃ ca tapovanam

Sanskrit only: no published translation is held for this verse.

देवासुराणां सर्वेषां श्वेतः पर्वतमुच्यते । गंधर्वा निषधे नित्यं नीले ब्रह्मर्षयस्तथा

devāsurāṇāṃ sarveṣāṃ śvetaḥ parvatamucyate | gaṃdharvā niṣadhe nityaṃ nīle brahmarṣayastathā

Sanskrit only: no published translation is held for this verse.

शृंगवांस्तु महाभागा देवानां प्रतिसंचरः । इत्येतानि महाभागाः सप्तवर्षाणि भागशः

śṛṃgavāṃstu mahābhāgā devānāṃ pratisaṃcaraḥ | ityetāni mahābhāgāḥ saptavarṣāṇi bhāgaśaḥ

Sanskrit only: no published translation is held for this verse.

भूतान्युपनिविष्टानि गतिमंति ध्रुवाणि च । तेषामृद्धिर्बहुविधा दृश्यते देवमानुषा

bhūtānyupaniviṣṭāni gatimaṃti dhruvāṇi ca | teṣāmṛddhirbahuvidhā dṛśyate devamānuṣā

Sanskrit only: no published translation is held for this verse.

अशक्यं परिसंख्यातुं श्रद्धे या तु विभूषिता । यां तु पृच्छथ मां विप्रा दिव्यमेनां शशाकृतिम्

aśakyaṃ parisaṃkhyātuṃ śraddhe yā tu vibhūṣitā | yāṃ tu pṛcchatha māṃ viprā divyamenāṃ śaśākṛtim

Sanskrit only: no published translation is held for this verse.

पार्श्वे शशस्य द्वे वर्षे उक्ते ये दक्षिणोत्तरे । कर्णे तु नागद्वीपश्च काश्यपद्वीप एव च

pārśve śaśasya dve varṣe ukte ye dakṣiṇottare | karṇe tu nāgadvīpaśca kāśyapadvīpa eva ca

Sanskrit only: no published translation is held for this verse.

कर्णद्वीपशिलो विप्राः श्रीमान्मलयपर्वतः । एतद्द्वितीयं द्वीपस्य दृश्यते शशिसंस्थितम्

karṇadvīpaśilo viprāḥ śrīmānmalayaparvataḥ | etaddvitīyaṃ dvīpasya dṛśyate śaśisaṃsthitam

Sanskrit only: no published translation is held for this verse.