अपि पापसमाचाराः कर्म्मण्यनधिकारिणः । शालग्रामार्चका वैश्य नैव यांति यमालयम्
api pāpasamācārāḥ karmmaṇyanadhikāriṇaḥ | śālagrāmārcakā vaiśya naiva yāṃti yamālayam
Sanskrit only: no published translation is held for this verse.
Library·Padma Purāṇa·3·3.31
Padma Purāṇa 3.31
न तथा रमते लक्ष्म्यां न तथा स्वपुरे हरिः । शालग्रामशिलाचक्रे यथा स रमते सदा
na tathā ramate lakṣmyāṃ na tathā svapure hariḥ | śālagrāmaśilācakre yathā sa ramate sadā
Sanskrit only: no published translation is held for this verse.
अग्निहोत्रं कृतं तेन दत्ता पृथ्वी ससागरा । येनार्चितो हरिश्चक्रे शालग्रामशिलोद्भवे
agnihotraṃ kṛtaṃ tena dattā pṛthvī sasāgarā | yenārcito hariścakre śālagrāmaśilodbhave
Sanskrit only: no published translation is held for this verse.
शिला द्वादश भो वैश्य शालग्रामशिलोद्भवाः । विधिवत्पूजिता येन तस्य पुण्यं वदामि ते
śilā dvādaśa bho vaiśya śālagrāmaśilodbhavāḥ | vidhivatpūjitā yena tasya puṇyaṃ vadāmi te
Sanskrit only: no published translation is held for this verse.
कोटिद्वादशलिंगैस्तु पूजितैः स्वर्णपंकजैः । यत्स्याद्द्वादशकालेषु दिनेनैकेन तद्भवेत्
koṭidvādaśaliṃgaistu pūjitaiḥ svarṇapaṃkajaiḥ | yatsyāddvādaśakāleṣu dinenaikena tadbhavet
Sanskrit only: no published translation is held for this verse.
यः पुनः पूजयेद्भक्त्या शालग्रामशिला शतम् । उषित्वा स हरेर्लोके चक्रवर्त्तीह जायते
yaḥ punaḥ pūjayedbhaktyā śālagrāmaśilā śatam | uṣitvā sa harerloke cakravarttīha jāyate
Sanskrit only: no published translation is held for this verse.
कामैः क्रोधैः प्रलोभैश्च व्याप्तो यत्र नराधमः । सोऽपि याति हरेर्लोकं शालग्रामशिलार्चनात्
kāmaiḥ krodhaiḥ pralobhaiśca vyāpto yatra narādhamaḥ | so'pi yāti harerlokaṃ śālagrāmaśilārcanāt
Sanskrit only: no published translation is held for this verse.
यः पूजयेच्च गोविंदं शालग्रामे मुदा नरः । आभूतसंप्लवं यावन्न स प्रच्यवते दिवः
yaḥ pūjayecca goviṃdaṃ śālagrāme mudā naraḥ | ābhūtasaṃplavaṃ yāvanna sa pracyavate divaḥ
Sanskrit only: no published translation is held for this verse.
विना तीर्थैर्विना दानैर्विना यज्ञैर्विना मतिम् । मुक्तिं यांति नरा वैश्य शालग्रामशिलार्चनात्
vinā tīrthairvinā dānairvinā yajñairvinā matim | muktiṃ yāṃti narā vaiśya śālagrāmaśilārcanāt
Sanskrit only: no published translation is held for this verse.
नरकं गर्भवासं च तिर्यक्त्वं कृमियोनिताम् । न याति वैश्य पापोऽपि शालग्रामशिलार्चकः
narakaṃ garbhavāsaṃ ca tiryaktvaṃ kṛmiyonitām | na yāti vaiśya pāpo'pi śālagrāmaśilārcakaḥ
Sanskrit only: no published translation is held for this verse.
दीक्षाविधान मंत्रज्ञो यश्चक्रे बलिमाहरेत् । गंगा गोदावरी रेवा नद्यो मुक्तिप्रदाश्च याः
dīkṣāvidhāna maṃtrajño yaścakre balimāharet | gaṃgā godāvarī revā nadyo muktipradāśca yāḥ
Sanskrit only: no published translation is held for this verse.
निवसंति हिताः सर्वाः शालग्रामशिला जले । नैवेद्यैर्विविधैः पुष्पैर्धूपदीपैर्विलेपनैः
nivasaṃti hitāḥ sarvāḥ śālagrāmaśilā jale | naivedyairvividhaiḥ puṣpairdhūpadīpairvilepanaiḥ
Sanskrit only: no published translation is held for this verse.
गीतवादित्रस्तोत्राद्यैः शालग्रामशिलार्चनम् । कुरुते मानवो यस्तु कलौ भक्तिपरायणः
gītavāditrastotrādyaiḥ śālagrāmaśilārcanam | kurute mānavo yastu kalau bhaktiparāyaṇaḥ
Sanskrit only: no published translation is held for this verse.
कल्पकोटिसहस्राणि रमते सन्निधौ हरेः । लिंगैस्तु कोटिभिर्दृष्टैर्यत्फलं पूजितैस्तु तैः
kalpakoṭisahasrāṇi ramate sannidhau hareḥ | liṃgaistu koṭibhirdṛṣṭairyatphalaṃ pūjitaistu taiḥ
Sanskrit only: no published translation is held for this verse.
शालग्रामशिलायास्तु ह्येकेनाह्ना हि तत्फलम् । सकृदभ्यर्चिते लिंगे शालग्रामशिलोद्भवे
śālagrāmaśilāyāstu hyekenāhnā hi tatphalam | sakṛdabhyarcite liṃge śālagrāmaśilodbhave
Sanskrit only: no published translation is held for this verse.
मुक्तिं प्रयांति मनुजा नूनं सांख्येन वर्जिताः । शालग्रामशिलारूपी यत्र तिष्ठति केशवः
muktiṃ prayāṃti manujā nūnaṃ sāṃkhyena varjitāḥ | śālagrāmaśilārūpī yatra tiṣṭhati keśavaḥ
Sanskrit only: no published translation is held for this verse.
तत्र देवाः सुरा यक्षा भुवनानि चतुर्दश । शालग्रामशिलायां तु यः श्राद्धं कुरुते नरः
tatra devāḥ surā yakṣā bhuvanāni caturdaśa | śālagrāmaśilāyāṃ tu yaḥ śrāddhaṃ kurute naraḥ
Sanskrit only: no published translation is held for this verse.
पितरस्तस्य तिष्ठंति तृप्ताः कल्पशतं दिवि । ये पिबंति नरा नित्यं शालग्रामशिलाजलम्
pitarastasya tiṣṭhaṃti tṛptāḥ kalpaśataṃ divi | ye pibaṃti narā nityaṃ śālagrāmaśilājalam
Sanskrit only: no published translation is held for this verse.
पंचगव्यसहस्रैस्तु सेवितैः किं प्रयोजनम् । कोटितीर्थसहस्रैस्तु सेवितैः किं प्रयोजनम्
paṃcagavyasahasraistu sevitaiḥ kiṃ prayojanam | koṭitīrthasahasraistu sevitaiḥ kiṃ prayojanam
Sanskrit only: no published translation is held for this verse.
तोयं यदि पिबेत्पुण्यं शालग्रामशिलांगजम् । शालग्राम शिला यत्र तत्तीर्थं योजनत्रयम्
toyaṃ yadi pibetpuṇyaṃ śālagrāmaśilāṃgajam | śālagrāma śilā yatra tattīrthaṃ yojanatrayam
Sanskrit only: no published translation is held for this verse.
तत्र दानं च होमं च सर्वं कोटिगुणं भवेत् । शालग्रामशिला तोयं यः पिबेद्बिंदुना समम्
tatra dānaṃ ca homaṃ ca sarvaṃ koṭiguṇaṃ bhavet | śālagrāmaśilā toyaṃ yaḥ pibedbiṃdunā samam
Sanskrit only: no published translation is held for this verse.
मातृस्तन्यं पुनर्नैव स पिबेद्विष्णुभाङ्नरः । शालग्राम समीपे तु क्रोशमात्रं समंततः
mātṛstanyaṃ punarnaiva sa pibedviṣṇubhāṅnaraḥ | śālagrāma samīpe tu krośamātraṃ samaṃtataḥ
Sanskrit only: no published translation is held for this verse.
कीटकोपि मृतो याति वैकुंठं भवनं परम् । शालग्रामशिलाचक्रं यो दद्याद्दानमुत्तमम्
kīṭakopi mṛto yāti vaikuṃṭhaṃ bhavanaṃ param | śālagrāmaśilācakraṃ yo dadyāddānamuttamam
Sanskrit only: no published translation is held for this verse.
भूचक्रं तेन दत्तं स्यात्सशैलवनकाननम् । शालग्रामशिलाया यो मूल्यमुत्पादयेन्नरः
bhūcakraṃ tena dattaṃ syātsaśailavanakānanam | śālagrāmaśilāyā yo mūlyamutpādayennaraḥ
Sanskrit only: no published translation is held for this verse.
विक्रेता चानुमंता यः परीक्षासु च मोदते । ते सर्वे नरकं यांति यावदाभूतसंप्लवम्
vikretā cānumaṃtā yaḥ parīkṣāsu ca modate | te sarve narakaṃ yāṃti yāvadābhūtasaṃplavam
Sanskrit only: no published translation is held for this verse.
ततः संवर्जयेद्वैश्य चक्रस्य क्रयविक्रयम् । बहुनोक्तेन किं वैश्य कर्तव्यं पापभीरुणा
tataḥ saṃvarjayedvaiśya cakrasya krayavikrayam | bahunoktena kiṃ vaiśya kartavyaṃ pāpabhīruṇā
Sanskrit only: no published translation is held for this verse.
स्मरणं वासुदेवस्य सर्वपापहरं हरेः । तपस्तप्त्वा नरो घोरमरण्ये नियतेंद्रियः
smaraṇaṃ vāsudevasya sarvapāpaharaṃ hareḥ | tapastaptvā naro ghoramaraṇye niyateṃdriyaḥ
Sanskrit only: no published translation is held for this verse.
यत्फलं समवाप्नोति तन्नत्वा गरुडध्वजम् । कृत्वापि बहुशः पापं नरो मोहसमन्वितः
yatphalaṃ samavāpnoti tannatvā garuḍadhvajam | kṛtvāpi bahuśaḥ pāpaṃ naro mohasamanvitaḥ
Sanskrit only: no published translation is held for this verse.
न याति नरकं गत्वा सर्वपापहरं हरिम् । पृथिव्यां यानि तीर्थानि पुण्यान्यायतनानि च
na yāti narakaṃ gatvā sarvapāpaharaṃ harim | pṛthivyāṃ yāni tīrthāni puṇyānyāyatanāni ca
Sanskrit only: no published translation is held for this verse.
तानि सर्वाण्यवाप्नोति विष्णोर्नामानुकीर्तनात् । देवं शार्ङ्गधरं विष्णुं ये प्रपन्नाः परायणाः
tāni sarvāṇyavāpnoti viṣṇornāmānukīrtanāt | devaṃ śārṅgadharaṃ viṣṇuṃ ye prapannāḥ parāyaṇāḥ
Sanskrit only: no published translation is held for this verse.
न तेषां यमसालोक्यं न ते स्युर्नरकौकसः । वैष्णवः पुरुषो वैश्य शिवनिंदां करोति यः
na teṣāṃ yamasālokyaṃ na te syurnarakaukasaḥ | vaiṣṇavaḥ puruṣo vaiśya śivaniṃdāṃ karoti yaḥ
Sanskrit only: no published translation is held for this verse.
न विंदेद्वैष्णवं लोकं स याति नरकं महत् । उपोष्यैकादशीमेकां प्रसंगेनापि मानवः
na viṃdedvaiṣṇavaṃ lokaṃ sa yāti narakaṃ mahat | upoṣyaikādaśīmekāṃ prasaṃgenāpi mānavaḥ
Sanskrit only: no published translation is held for this verse.
न याति यातनां यामीमिति लोमशतः श्रुतम् । नेदृशं पावनं किंचित्त्रिषु लोकेषु विद्यते
na yāti yātanāṃ yāmīmiti lomaśataḥ śrutam | nedṛśaṃ pāvanaṃ kiṃcittriṣu lokeṣu vidyate
Sanskrit only: no published translation is held for this verse.
उभयं पद्मनाभस्य दिनं पातकनाशनम् । तावत्पापानि देहेऽस्मिन्वसंतीह विशांवर
ubhayaṃ padmanābhasya dinaṃ pātakanāśanam | tāvatpāpāni dehe'sminvasaṃtīha viśāṃvara
Sanskrit only: no published translation is held for this verse.
यावन्नोपवसेज्जंतुः पद्मनाभदिनं शुभम् । अश्वमेधसहस्राणि राजसूयशतानि च
yāvannopavasejjaṃtuḥ padmanābhadinaṃ śubham | aśvamedhasahasrāṇi rājasūyaśatāni ca
Sanskrit only: no published translation is held for this verse.
एकादश्युपवासस्य कलां नार्हंति षोडशीम् । एकादशेंद्रियैः पापं यत्कृतं वैश्य मानवैः
ekādaśyupavāsasya kalāṃ nārhaṃti ṣoḍaśīm | ekādaśeṃdriyaiḥ pāpaṃ yatkṛtaṃ vaiśya mānavaiḥ
Sanskrit only: no published translation is held for this verse.
एकादश्युपवासेन तत्सर्वं विलयं व्रजेत् । एकादशीसमं किंचित्पुण्यं लोके न विद्यते
ekādaśyupavāsena tatsarvaṃ vilayaṃ vrajet | ekādaśīsamaṃ kiṃcitpuṇyaṃ loke na vidyate
Sanskrit only: no published translation is held for this verse.
व्याजेनापि कृता यैस्तु वशं यांति न भास्करेः । स्वर्गमोक्षप्रदा ह्येषा शरीरारोग्यदायिनी
vyājenāpi kṛtā yaistu vaśaṃ yāṃti na bhāskareḥ | svargamokṣapradā hyeṣā śarīrārogyadāyinī
Sanskrit only: no published translation is held for this verse.
सुकलत्रप्रदा ह्येषा जीवत्पुत्रप्रदायिनी । न गंगा न गया वैश्य न काशी न च पुष्करम्
sukalatrapradā hyeṣā jīvatputrapradāyinī | na gaṃgā na gayā vaiśya na kāśī na ca puṣkaram
Sanskrit only: no published translation is held for this verse.
न चापि वैष्णवं क्षेत्रं तुल्यं हरिदिनेन तु । यमुना चन्द्रभागा न तुल्या हरिदिनेन तु
na cāpi vaiṣṇavaṃ kṣetraṃ tulyaṃ haridinena tu | yamunā candrabhāgā na tulyā haridinena tu
Sanskrit only: no published translation is held for this verse.
अनायासेन येनात्र प्राप्यते वैष्णवं पदम् । रात्रौ जागरणं कृत्वा समुपोष्य हरेर्दिने
anāyāsena yenātra prāpyate vaiṣṇavaṃ padam | rātrau jāgaraṇaṃ kṛtvā samupoṣya harerdine
Sanskrit only: no published translation is held for this verse.
दश वै पैतृके पक्षे मातृके दश पूर्वजाः । प्रियाया दश ये वैश्य तानुद्धरति निश्चितम्
daśa vai paitṛke pakṣe mātṛke daśa pūrvajāḥ | priyāyā daśa ye vaiśya tānuddharati niścitam
Sanskrit only: no published translation is held for this verse.
द्वंद्वसंग परित्यक्ता नागारि कृतकेतनाः । स्रग्विणः पीतवसनाः प्रयांति हरिमंदिरम्
dvaṃdvasaṃga parityaktā nāgāri kṛtaketanāḥ | sragviṇaḥ pītavasanāḥ prayāṃti harimaṃdiram
Sanskrit only: no published translation is held for this verse.
बालत्वे यौवने वापि वार्द्धके वा विशांवर । उपोष्यैकादशीं नूनं नैति पापोऽतिदुर्गतिम्
bālatve yauvane vāpi vārddhake vā viśāṃvara | upoṣyaikādaśīṃ nūnaṃ naiti pāpo'tidurgatim
Sanskrit only: no published translation is held for this verse.
उपोष्येह त्रिरात्राणि कृत्वा वा तीर्थमज्जनम् । दत्वा हेमतिलान्गाश्च स्वर्गं यांतीह मानवाः
upoṣyeha trirātrāṇi kṛtvā vā tīrthamajjanam | datvā hematilāngāśca svargaṃ yāṃtīha mānavāḥ
Sanskrit only: no published translation is held for this verse.
तीर्थे स्नांति न ये वैश्य न दत्तं कांचनं च यैः । नैव तप्तं तपः किंचित्ते स्युः सर्वत्र दुःखिताः
tīrthe snāṃti na ye vaiśya na dattaṃ kāṃcanaṃ ca yaiḥ | naiva taptaṃ tapaḥ kiṃcitte syuḥ sarvatra duḥkhitāḥ
Sanskrit only: no published translation is held for this verse.
संक्षिप्य कथितं धर्म्मं नरकस्य निरूपणम् । अद्रोहः सर्वभूतेषु वाङ्मनः काय कर्मभिः
saṃkṣipya kathitaṃ dharmmaṃ narakasya nirūpaṇam | adrohaḥ sarvabhūteṣu vāṅmanaḥ kāya karmabhiḥ
Sanskrit only: no published translation is held for this verse.
इंद्रियाणां निरोधश्च दानं च हरिसेवनम् । वर्णाश्रमक्रियाणां च पालनं विधितः सदा
iṃdriyāṇāṃ nirodhaśca dānaṃ ca harisevanam | varṇāśramakriyāṇāṃ ca pālanaṃ vidhitaḥ sadā
Sanskrit only: no published translation is held for this verse.
स्वर्गार्थी सर्वदा वैश्य तपोदानं न कीर्तयेत् । यथाशक्ति तथा दद्यादात्मनो हितकाम्यया
svargārthī sarvadā vaiśya tapodānaṃ na kīrtayet | yathāśakti tathā dadyādātmano hitakāmyayā
Sanskrit only: no published translation is held for this verse.
उपानद्वस्त्रमन्नानि पत्रं मूलं फलं जलम् । अवंध्यं दिवसं कार्य्यं दरिद्रेणापि वैश्यक
upānadvastramannāni patraṃ mūlaṃ phalaṃ jalam | avaṃdhyaṃ divasaṃ kāryyaṃ daridreṇāpi vaiśyaka
Sanskrit only: no published translation is held for this verse.
इहलोके परे चैव न दत्तं नोपतिष्ठते । दातारो नैव पश्यंति तां तां वै यमयातनाम्
ihaloke pare caiva na dattaṃ nopatiṣṭhate | dātāro naiva paśyaṃti tāṃ tāṃ vai yamayātanām
Sanskrit only: no published translation is held for this verse.
दीर्घायुषो धनाढ्याश्च भवंतीह पुनःपुनः । किमत्र बहुनोक्तेन यांत्यधर्मेण दुर्गतिम्
dīrghāyuṣo dhanāḍhyāśca bhavaṃtīha punaḥpunaḥ | kimatra bahunoktena yāṃtyadharmeṇa durgatim
Sanskrit only: no published translation is held for this verse.
आरोहंति दिवं धर्म्मे नराः सर्वत्र सर्वदा
ārohaṃti divaṃ dharmme narāḥ sarvatra sarvadā
Sanskrit only: no published translation is held for this verse.
तेन बालत्वमारभ्य कर्तव्यो धर्मसंग्रहः । इति ते कथितं सर्वं किमन्यच्छ्रोतुमिच्छसि
tena bālatvamārabhya kartavyo dharmasaṃgrahaḥ | iti te kathitaṃ sarvaṃ kimanyacchrotumicchasi
Sanskrit only: no published translation is held for this verse.
विकुंडल उवाच- श्रुत्वा त्वद्वचनं सौम्य प्रसन्नं चित्तमेव मे । गंगोदं पापहं सद्यः पापहारि सतां वचः
vikuṃḍala uvāca- śrutvā tvadvacanaṃ saumya prasannaṃ cittameva me | gaṃgodaṃ pāpahaṃ sadyaḥ pāpahāri satāṃ vacaḥ
Sanskrit only: no published translation is held for this verse.
उपकर्तुं प्रियं वक्तुं गुणो नैसर्गिकः सताम् । शीतांशुः क्रियते केन शीतलोऽमृतमंडलः
upakartuṃ priyaṃ vaktuṃ guṇo naisargikaḥ satām | śītāṃśuḥ kriyate kena śītalo'mṛtamaṃḍalaḥ
Sanskrit only: no published translation is held for this verse.
देवदूत ततो ब्रूहि कारुण्यान्मम पृच्छतः । नरकान्निष्कृतिः सद्यो भ्रातुर्मे जायते कथम्
devadūta tato brūhi kāruṇyānmama pṛcchataḥ | narakānniṣkṛtiḥ sadyo bhrāturme jāyate katham
Sanskrit only: no published translation is held for this verse.
इति तस्य वचः श्रुत्वा देवदूतो जगाद ह । ध्यानं दृष्ट्वा क्षणं ध्यात्वा तन्मैत्री रज्जुबन्धनः
iti tasya vacaḥ śrutvā devadūto jagāda ha | dhyānaṃ dṛṣṭvā kṣaṇaṃ dhyātvā tanmaitrī rajjubandhanaḥ
Sanskrit only: no published translation is held for this verse.
यत्ते वैश्याष्टमे पुण्यं त्वया जन्मनि संचितम् । तद्भ्रात्रे दीयतां सर्वं स्वर्गं तस्य यदीच्छसि
yatte vaiśyāṣṭame puṇyaṃ tvayā janmani saṃcitam | tadbhrātre dīyatāṃ sarvaṃ svargaṃ tasya yadīcchasi
Sanskrit only: no published translation is held for this verse.
विकुंडल उवाच- किं तत्पुण्यं कथं जातं किं जन्म च पुरातनम् । तत्सर्वं कथ्यतां दूत ततो दास्यामि सत्वरम्
vikuṃḍala uvāca- kiṃ tatpuṇyaṃ kathaṃ jātaṃ kiṃ janma ca purātanam | tatsarvaṃ kathyatāṃ dūta tato dāsyāmi satvaram
Sanskrit only: no published translation is held for this verse.
देवदूत उवाच- शृणु वैश्य प्रवक्ष्यामि तत्पुण्यं च सहेतुकम् । पुरा मधुवने पुण्ये ऋषिरासीच्च शाकुनिः
devadūta uvāca- śṛṇu vaiśya pravakṣyāmi tatpuṇyaṃ ca sahetukam | purā madhuvane puṇye ṛṣirāsīcca śākuniḥ
Sanskrit only: no published translation is held for this verse.
तपोऽध्ययन संपन्नस्तेजसां ब्रह्मणा समः । जज्ञिरे तस्य रेवत्यां नव पुत्रा ग्रहा इव
tapo'dhyayana saṃpannastejasāṃ brahmaṇā samaḥ | jajñire tasya revatyāṃ nava putrā grahā iva
Sanskrit only: no published translation is held for this verse.
ध्रुवः शीलो बुधस्तारो ज्योतिष्मानुत पंचमः । अग्निहोत्ररता ह्येते गृहधर्मेषु रेमिरे
dhruvaḥ śīlo budhastāro jyotiṣmānuta paṃcamaḥ | agnihotraratā hyete gṛhadharmeṣu remire
Sanskrit only: no published translation is held for this verse.
निर्मोहो जितकामश्च ध्यानकोशो गुणाधिकः । एते गृहविरक्ताश्च चत्वारो द्विजसूनवः
nirmoho jitakāmaśca dhyānakośo guṇādhikaḥ | ete gṛhaviraktāśca catvāro dvijasūnavaḥ
Sanskrit only: no published translation is held for this verse.
चतुर्थाश्रममापन्नाः सर्वकामविनिस्पृहाः । ग्रामैकवासिनः सर्वे निःसंगा निष्परिग्रहाः
caturthāśramamāpannāḥ sarvakāmavinispṛhāḥ | grāmaikavāsinaḥ sarve niḥsaṃgā niṣparigrahāḥ
Sanskrit only: no published translation is held for this verse.
निराशा निष्प्रयत्नाश्च सम लोष्टाश्मकांचनाः । येनकेनचिदाच्छन्ना येनकेनचिदाशिताः
nirāśā niṣprayatnāśca sama loṣṭāśmakāṃcanāḥ | yenakenacidācchannā yenakenacidāśitāḥ
Sanskrit only: no published translation is held for this verse.
सायंग्रहास्तथा नित्यं विष्णुध्यानपरायणाः । जितनिद्रा जिताहारा वातशीतसहिष्णवः
sāyaṃgrahāstathā nityaṃ viṣṇudhyānaparāyaṇāḥ | jitanidrā jitāhārā vātaśītasahiṣṇavaḥ
Sanskrit only: no published translation is held for this verse.
पश्यंतो विष्णुरूपेण जगत्सर्वं चराचरम् । चरंति लीलया पृथ्वद्यंतेऽन्योन्यं मौनमास्थिताः
paśyaṃto viṣṇurūpeṇa jagatsarvaṃ carācaram | caraṃti līlayā pṛthvadyaṃte'nyonyaṃ maunamāsthitāḥ
Sanskrit only: no published translation is held for this verse.
न कुर्वंति क्रियां कांचिदर्थमात्रं हि योगिनः । दृष्टज्ञाना असंदेहाश्चिद्विकार विशारदाः
na kurvaṃti kriyāṃ kāṃcidarthamātraṃ hi yoginaḥ | dṛṣṭajñānā asaṃdehāścidvikāra viśāradāḥ
Sanskrit only: no published translation is held for this verse.
एवं ते तव विप्रस्य पूर्वमष्टमजन्मनि । तिष्ठतो मध्यदेशेषु पुत्रदारकुटुंबिनः
evaṃ te tava viprasya pūrvamaṣṭamajanmani | tiṣṭhato madhyadeśeṣu putradārakuṭuṃbinaḥ
Sanskrit only: no published translation is held for this verse.
गेहं तावकमाजग्मुर्मध्याह्ने क्षुत्पिपासिताः । वैश्वदेवांतरे काले त्वया दृष्टा गृहांगणे
gehaṃ tāvakamājagmurmadhyāhne kṣutpipāsitāḥ | vaiśvadevāṃtare kāle tvayā dṛṣṭā gṛhāṃgaṇe
Sanskrit only: no published translation is held for this verse.
सगद्गदं साश्रुनेत्रं सहर्षं च ससंभ्रमम् । दंडवत्प्रणिपातेन बहुमानपुरःसरम्
sagadgadaṃ sāśrunetraṃ saharṣaṃ ca sasaṃbhramam | daṃḍavatpraṇipātena bahumānapuraḥsaram
Sanskrit only: no published translation is held for this verse.
प्रणम्य चरणौ मूर्ध्ना कृत्वा पाणियुगाञ्जलिम् । तदाभिनन्दिताः सर्वे तया सूनृतया गिरा
praṇamya caraṇau mūrdhnā kṛtvā pāṇiyugāñjalim | tadābhinanditāḥ sarve tayā sūnṛtayā girā
Sanskrit only: no published translation is held for this verse.
अद्य मे सफलं जन्म जीवितं सफलं तथा । अद्य विष्णुः प्रसन्नो मे सनाथोऽद्यास्मि पावनः
adya me saphalaṃ janma jīvitaṃ saphalaṃ tathā | adya viṣṇuḥ prasanno me sanātho'dyāsmi pāvanaḥ
Sanskrit only: no published translation is held for this verse.
धन्योऽस्म्यद्य गृहं धन्यं धन्या अद्य कुटुंबिनः । ममाद्य पितरो धन्या धन्या गावः श्रुतं धनम्
dhanyo'smyadya gṛhaṃ dhanyaṃ dhanyā adya kuṭuṃbinaḥ | mamādya pitaro dhanyā dhanyā gāvaḥ śrutaṃ dhanam
Sanskrit only: no published translation is held for this verse.
यद्दृष्टौ भवतां पादौ तापत्रयहरौ मया । भवतां दर्शनं यस्माद्धन्यस्यैव हरेरिव
yaddṛṣṭau bhavatāṃ pādau tāpatrayaharau mayā | bhavatāṃ darśanaṃ yasmāddhanyasyaiva hareriva
Sanskrit only: no published translation is held for this verse.
एवं संपूज्य कृत्वा तु पादप्रक्षालनं तथा । धृतं मूर्ध्नि विशांश्रेष्ठ श्रद्धया परया तदा
evaṃ saṃpūjya kṛtvā tu pādaprakṣālanaṃ tathā | dhṛtaṃ mūrdhni viśāṃśreṣṭha śraddhayā parayā tadā
Sanskrit only: no published translation is held for this verse.
यत्र पादोदकं वैश्य श्रद्धया शिरसा धृतम् । गंधपुष्पाक्षतैर्धूपैर्दीपैर्भावपुरःसरम्
yatra pādodakaṃ vaiśya śraddhayā śirasā dhṛtam | gaṃdhapuṣpākṣatairdhūpairdīpairbhāvapuraḥsaram
Sanskrit only: no published translation is held for this verse.
संपूज्य सुंदरान्नेन भोजिता यतयस्तथा । तृप्ताः परमहंसास्ते विश्रांता मंदिरे निशि
saṃpūjya suṃdarānnena bhojitā yatayastathā | tṛptāḥ paramahaṃsāste viśrāṃtā maṃdire niśi
Sanskrit only: no published translation is held for this verse.
ध्यायंतश्च परं ब्रह्म यज्ज्योतिर्ज्योतिषां मतम् । तेषामातिथ्यजं पुण्यं जातं यत्ते विशांवर
dhyāyaṃtaśca paraṃ brahma yajjyotirjyotiṣāṃ matam | teṣāmātithyajaṃ puṇyaṃ jātaṃ yatte viśāṃvara
Sanskrit only: no published translation is held for this verse.
न तद्वक्त्रसहस्रेण वक्तुं शक्नोम्यहं खलु । भूतानां प्राणिनः श्रेष्ठाः प्राणिनां मतिजीविनः
na tadvaktrasahasreṇa vaktuṃ śaknomyahaṃ khalu | bhūtānāṃ prāṇinaḥ śreṣṭhāḥ prāṇināṃ matijīvinaḥ
Sanskrit only: no published translation is held for this verse.
मतिमत्सु सुराः श्रेष्ठा नरेषु ब्रह्मजातयः । ब्राह्मणेषु च विद्वांसो विद्वत्सु कृतबुद्धयः
matimatsu surāḥ śreṣṭhā nareṣu brahmajātayaḥ | brāhmaṇeṣu ca vidvāṃso vidvatsu kṛtabuddhayaḥ
Sanskrit only: no published translation is held for this verse.
कृतबुद्धिषु कर्तारः कर्तृषु ब्रह्मवेदिनः । अतएव सुपूज्यास्ते तस्माच्छ्रेष्ठा जगत्त्रये
kṛtabuddhiṣu kartāraḥ kartṛṣu brahmavedinaḥ | ataeva supūjyāste tasmācchreṣṭhā jagattraye
Sanskrit only: no published translation is held for this verse.
तत्संगतिर्विशांश्रेष्ठ महापातकनाशिनी । विश्रांता गृहिणो गेहे संतुष्टा ब्रह्मवेदिनः
tatsaṃgatirviśāṃśreṣṭha mahāpātakanāśinī | viśrāṃtā gṛhiṇo gehe saṃtuṣṭā brahmavedinaḥ
Sanskrit only: no published translation is held for this verse.
आजन्मसंचितं पापं नाशयंतीक्षणेन वै । संचितं यद्गृहस्थस्य पापमामरणांतिकम्
ājanmasaṃcitaṃ pāpaṃ nāśayaṃtīkṣaṇena vai | saṃcitaṃ yadgṛhasthasya pāpamāmaraṇāṃtikam
Sanskrit only: no published translation is held for this verse.
विनिर्दहति तत्सर्वमेकरात्रोषितो यतिः । स्वभ्रात्रे देहि तत्पुण्यं नरकाद्येन मुच्यते
vinirdahati tatsarvamekarātroṣito yatiḥ | svabhrātre dehi tatpuṇyaṃ narakādyena mucyate
Sanskrit only: no published translation is held for this verse.
इति दूतवचः श्रुत्वा ददौ पुण्यं स सत्वरम् । हृष्टेन चेतसा भ्राता निरयात्सोऽपि निर्गतः
iti dūtavacaḥ śrutvā dadau puṇyaṃ sa satvaram | hṛṣṭena cetasā bhrātā nirayātso'pi nirgataḥ
Sanskrit only: no published translation is held for this verse.
देवैस्तु पुष्पवर्षेण पूजितौ च दिवंगतौ । ताभ्यां संपूजितः सम्यग्गतो दूतो यथागतः
devaistu puṣpavarṣeṇa pūjitau ca divaṃgatau | tābhyāṃ saṃpūjitaḥ samyaggato dūto yathāgataḥ
Sanskrit only: no published translation is held for this verse.
अखिलभुवनबोधं देवदूतस्यवाक्यं निगमवचनतुल्यं वैश्यपुत्रो निशम्य । स्वकृतसुकृतदानाद्भ्रातरं तारयित्वा सुरपतिवरलोकं तेन सार्द्धं जगाम
akhilabhuvanabodhaṃ devadūtasyavākyaṃ nigamavacanatulyaṃ vaiśyaputro niśamya | svakṛtasukṛtadānādbhrātaraṃ tārayitvā surapativaralokaṃ tena sārddhaṃ jagāma
Sanskrit only: no published translation is held for this verse.
इतिहासमिमं राजन्यः पठेच्छृणुयादपि । स गोसहस्रदानस्य विशोको लभते फलम्
itihāsamimaṃ rājanyaḥ paṭhecchṛṇuyādapi | sa gosahasradānasya viśoko labhate phalam
Sanskrit only: no published translation is held for this verse.