Padma Purāṇa 3.32

नारदउवाच- ततो गच्छेत राजेंद्र सुगंधंलोकविश्रुतम् । सर्वपापविशुद्धात्मा ब्रह्मलोके महीयते

nāradauvāca- tato gaccheta rājeṃdra sugaṃdhaṃlokaviśrutam | sarvapāpaviśuddhātmā brahmaloke mahīyate

Sanskrit only: no published translation is held for this verse.

रुद्रावर्तं ततो गच्छेत्तीर्थसेवी नराधिप । तत्र स्नात्वा नरो राजन्स्वर्गलोके महीयते

rudrāvartaṃ tato gacchettīrthasevī narādhipa | tatra snātvā naro rājansvargaloke mahīyate

Sanskrit only: no published translation is held for this verse.

गंगायाश्च नरश्रेष्ठ सरस्वत्याश्च संगमे । स्नातोऽश्वमेधमाप्नोति स्वर्गलोकं च गच्छति

gaṃgāyāśca naraśreṣṭha sarasvatyāśca saṃgame | snāto'śvamedhamāpnoti svargalokaṃ ca gacchati

Sanskrit only: no published translation is held for this verse.

तत्र कर्णह्रदे स्नात्वा देवमभ्यर्च्य शंकरम् । न दुर्गतिमवाप्नोति स्वर्गलोकं च गच्छति

tatra karṇahrade snātvā devamabhyarcya śaṃkaram | na durgatimavāpnoti svargalokaṃ ca gacchati

Sanskrit only: no published translation is held for this verse.

ततः कुब्जाम्रकं गच्छेत्तीर्थसेवी यथाक्रमम् । गोसहस्रमवाप्नोति स्वर्गलोकं च गच्छति

tataḥ kubjāmrakaṃ gacchettīrthasevī yathākramam | gosahasramavāpnoti svargalokaṃ ca gacchati

Sanskrit only: no published translation is held for this verse.

अरुंधतीवटं गच्छेत्तीर्थसेवी नराधिप । सामुद्रकमुपस्पृश्य त्रिरात्रोपोषितो नरः

aruṃdhatīvaṭaṃ gacchettīrthasevī narādhipa | sāmudrakamupaspṛśya trirātropoṣito naraḥ

Sanskrit only: no published translation is held for this verse.

गोसहस्रफलं विंद्यात्स्वर्गलोकं च गच्छति । ब्रह्मावर्त्तं ततो गच्छेद्ब्रह्मचारी समाहितः

gosahasraphalaṃ viṃdyātsvargalokaṃ ca gacchati | brahmāvarttaṃ tato gacchedbrahmacārī samāhitaḥ

Sanskrit only: no published translation is held for this verse.

अश्वमेधमवाप्नोति स्वर्गलोकं च गच्छति । यमुनाप्रभवं गच्छेत्समुपस्पृश्य यामुनम्

aśvamedhamavāpnoti svargalokaṃ ca gacchati | yamunāprabhavaṃ gacchetsamupaspṛśya yāmunam

Sanskrit only: no published translation is held for this verse.

अश्वमेधफलं लब्ध्वा ब्रह्मलोके महीयते । दर्वीसंक्रमणं प्राप्य तीर्थं त्रैलोक्यविश्रुतम्

aśvamedhaphalaṃ labdhvā brahmaloke mahīyate | darvīsaṃkramaṇaṃ prāpya tīrthaṃ trailokyaviśrutam

Sanskrit only: no published translation is held for this verse.

अश्वमेधमवाप्नोति स्वर्गलोकं च गच्छति । सिंधोश्च प्रभवं गत्वा सिद्धगंधर्वसेवितम्

aśvamedhamavāpnoti svargalokaṃ ca gacchati | siṃdhośca prabhavaṃ gatvā siddhagaṃdharvasevitam

Sanskrit only: no published translation is held for this verse.

तत्रोष्य रजनीः पंच दद्याद्बहुसुवर्णकम् । अथ देवीं समासाद्य नरः परमदुर्गमाम्

tatroṣya rajanīḥ paṃca dadyādbahusuvarṇakam | atha devīṃ samāsādya naraḥ paramadurgamām

Sanskrit only: no published translation is held for this verse.

अश्वमेधमवाप्नोति गच्छेच्चौशनसीं गतिम् । ऋषिकुल्यां समासाद्य वसिष्ठं चैव भारत

aśvamedhamavāpnoti gaccheccauśanasīṃ gatim | ṛṣikulyāṃ samāsādya vasiṣṭhaṃ caiva bhārata

Sanskrit only: no published translation is held for this verse.

वसिष्ठं समतिक्रम्य सर्वे वर्णा द्विजातयः । ऋषिकुल्यां नरः स्नात्वा ऋषिलोकं प्रपद्यते

vasiṣṭhaṃ samatikramya sarve varṇā dvijātayaḥ | ṛṣikulyāṃ naraḥ snātvā ṛṣilokaṃ prapadyate

Sanskrit only: no published translation is held for this verse.

यदि तत्र वसेन्मासं शाकाहारो नराधिप । भृगुतुंगं समासाद्य वाजिमेधफलं लभेत्

yadi tatra vasenmāsaṃ śākāhāro narādhipa | bhṛgutuṃgaṃ samāsādya vājimedhaphalaṃ labhet

Sanskrit only: no published translation is held for this verse.

गत्वा वीरप्रमोक्षं च सर्वपापैः प्रमुच्यते । कार्तिकमाघयोश्चैव तीर्थमासाद्य दुर्लभम्

gatvā vīrapramokṣaṃ ca sarvapāpaiḥ pramucyate | kārtikamāghayoścaiva tīrthamāsādya durlabham

Sanskrit only: no published translation is held for this verse.

अग्निष्टोमातिरात्राभ्यां फलं प्राप्नोति पुण्यकृत् । ततः संध्यां समासाद्य विद्यातीर्थमनुत्तमम्

agniṣṭomātirātrābhyāṃ phalaṃ prāpnoti puṇyakṛt | tataḥ saṃdhyāṃ samāsādya vidyātīrthamanuttamam

Sanskrit only: no published translation is held for this verse.

उपस्पृशेत्स विद्यानां सर्वासां पारगो भवेत् । महाश्रमे वसेद्रात्रिं सर्वपापप्रमोचने

upaspṛśetsa vidyānāṃ sarvāsāṃ pārago bhavet | mahāśrame vasedrātriṃ sarvapāpapramocane

Sanskrit only: no published translation is held for this verse.

एककालं निराहारो लोकान्संवसते शुभान् । षष्ठकालोपवासेन मासमुष्य महालये

ekakālaṃ nirāhāro lokānsaṃvasate śubhān | ṣaṣṭhakālopavāsena māsamuṣya mahālaye

Sanskrit only: no published translation is held for this verse.

तीर्णस्तारयते जंतून्दशपूर्वान्दशापरान् । दृष्ट्वा माहेश्वरं पुण्यं परं सुरनमस्कृतम्

tīrṇastārayate jaṃtūndaśapūrvāndaśāparān | dṛṣṭvā māheśvaraṃ puṇyaṃ paraṃ suranamaskṛtam

Sanskrit only: no published translation is held for this verse.

कृतार्थः सर्वकृत्येषु न शोचेन्मरणं क्वचित् । सर्वपापविशुद्धात्मा विंद्याद्बहुसुवर्णकम्

kṛtārthaḥ sarvakṛtyeṣu na śocenmaraṇaṃ kvacit | sarvapāpaviśuddhātmā viṃdyādbahusuvarṇakam

Sanskrit only: no published translation is held for this verse.

अथ वेतसिकां गच्छेत्पितामहनिषेविताम् । अश्वमेधमवाप्नोति गतिं च परमां व्रजेत्

atha vetasikāṃ gacchetpitāmahaniṣevitām | aśvamedhamavāpnoti gatiṃ ca paramāṃ vrajet

Sanskrit only: no published translation is held for this verse.

अथ सुंदरिकां तीर्थं प्राप्य सिद्धनिषेविताम् । रूपस्य भागी भवति दृष्टमेतत्पुरातनैः

atha suṃdarikāṃ tīrthaṃ prāpya siddhaniṣevitām | rūpasya bhāgī bhavati dṛṣṭametatpurātanaiḥ

Sanskrit only: no published translation is held for this verse.

ततो ब्राह्मणिकां गत्वा ब्रह्मचारी समाहितः । पद्मवर्णेन यानेन ब्रह्मलोकं प्रपद्यते

tato brāhmaṇikāṃ gatvā brahmacārī samāhitaḥ | padmavarṇena yānena brahmalokaṃ prapadyate

Sanskrit only: no published translation is held for this verse.

ततश्च नैमिषं गच्छेत्पुण्यं द्विजनिषेवितम् । तत्र नित्यं निवसति ब्रह्मा देवगणैः सह

tataśca naimiṣaṃ gacchetpuṇyaṃ dvijaniṣevitam | tatra nityaṃ nivasati brahmā devagaṇaiḥ saha

Sanskrit only: no published translation is held for this verse.

नैमिषं प्रार्थयानस्य पापस्यार्द्धं प्रणश्यति । प्रविष्टमानस्तु नरः सर्वपापात्प्रमुच्यते

naimiṣaṃ prārthayānasya pāpasyārddhaṃ praṇaśyati | praviṣṭamānastu naraḥ sarvapāpātpramucyate

Sanskrit only: no published translation is held for this verse.