Padma Purāṇa 3.34

नारद उवाच- तत्रेदं विमलं लिगमोंकारंनाम शोभनम् । यस्य स्मरणमात्रेण मुच्यते सर्वपातकैः

nārada uvāca- tatredaṃ vimalaṃ ligamoṃkāraṃnāma śobhanam | yasya smaraṇamātreṇa mucyate sarvapātakaiḥ

Sanskrit only: no published translation is held for this verse.

एतत्परतरं ज्ञानं पंचायतनमुत्तमम् । सेवितं मुनिर्भिर्नित्यं वाराणस्यां विमोक्षणम्

etatparataraṃ jñānaṃ paṃcāyatanamuttamam | sevitaṃ munirbhirnityaṃ vārāṇasyāṃ vimokṣaṇam

Sanskrit only: no published translation is held for this verse.

तत्र साक्षान्महादेवः पंचायतनविग्रहः । रमते भगवान्रुद्रो जंतूनामपवर्गदः

tatra sākṣānmahādevaḥ paṃcāyatanavigrahaḥ | ramate bhagavānrudro jaṃtūnāmapavargadaḥ

Sanskrit only: no published translation is held for this verse.

एतत्पाशुपतं ज्ञानं पंचायतनमुच्यते । तदेतद्विमलं लिगमोंकारं समुपस्थितम्

etatpāśupataṃ jñānaṃ paṃcāyatanamucyate | tadetadvimalaṃ ligamoṃkāraṃ samupasthitam

Sanskrit only: no published translation is held for this verse.

शांत्यतीता तथा शांतिर्विद्या चैवापरा वरा । प्रतिष्ठा च निवृत्तिश्च पंचात्मं लिंगमैश्वरम्

śāṃtyatītā tathā śāṃtirvidyā caivāparā varā | pratiṣṭhā ca nivṛttiśca paṃcātmaṃ liṃgamaiśvaram

Sanskrit only: no published translation is held for this verse.

पंचानामपि लिंगानां ब्रह्मादीनां समाश्रयम् । ॐकारबोधकं लिंगं पंचायतनमुच्यते

paṃcānāmapi liṃgānāṃ brahmādīnāṃ samāśrayam | oṃkārabodhakaṃ liṃgaṃ paṃcāyatanamucyate

Sanskrit only: no published translation is held for this verse.

संस्मरेदीश्वरं लिंगं पंचायतनमव्ययम् । देहांते परमं ज्योतिरानंदं विशते बुधः

saṃsmaredīśvaraṃ liṃgaṃ paṃcāyatanamavyayam | dehāṃte paramaṃ jyotirānaṃdaṃ viśate budhaḥ

Sanskrit only: no published translation is held for this verse.

तत्र देवर्षयः पूर्वं सिद्धाब्रह्मर्षयस्तथा । उपास्य देवमीशानमापुरंतः परं पदम्

tatra devarṣayaḥ pūrvaṃ siddhābrahmarṣayastathā | upāsya devamīśānamāpuraṃtaḥ paraṃ padam

Sanskrit only: no published translation is held for this verse.

मत्स्योदर्यास्तटे पुण्ये स्थानं गुह्यतमं शुभम् । गोचर्ममात्रं राजेंद्र ॐकारेश्वरमुत्तमम्

matsyodaryāstaṭe puṇye sthānaṃ guhyatamaṃ śubham | gocarmamātraṃ rājeṃdra oṃkāreśvaramuttamam

Sanskrit only: no published translation is held for this verse.

कृत्तिवासेश्वरं लिंगं मध्यमेश्वरमुत्तमम् । विश्वेश्वरं तथोंकारंकंदर्पेश्वरमेव च

kṛttivāseśvaraṃ liṃgaṃ madhyameśvaramuttamam | viśveśvaraṃ tathoṃkāraṃkaṃdarpeśvarameva ca

Sanskrit only: no published translation is held for this verse.

एतानि गुह्यलिंगानि वाराणस्यां युधिष्ठिर । न कश्चिदिह जानाति विना शंभोरनुग्रहात्

etāni guhyaliṃgāni vārāṇasyāṃ yudhiṣṭhira | na kaścidiha jānāti vinā śaṃbhoranugrahāt

Sanskrit only: no published translation is held for this verse.

कृत्तिवासेश्वरस्यैव माहात्म्यं शृणु पार्थिव । तस्मिन्स्थाने पुरा दैत्यो हस्ती भूत्वा शिवांतिकम्

kṛttivāseśvarasyaiva māhātmyaṃ śṛṇu pārthiva | tasminsthāne purā daityo hastī bhūtvā śivāṃtikam

Sanskrit only: no published translation is held for this verse.

ब्राह्मणान्हंतुमायातो यत्र नित्यमुपासते । तेषां लिंगान्महादेवः प्रादुरासीत्त्रिलोचनः

brāhmaṇānhaṃtumāyāto yatra nityamupāsate | teṣāṃ liṃgānmahādevaḥ prādurāsīttrilocanaḥ

Sanskrit only: no published translation is held for this verse.

रक्षणार्थं महादेवो भक्तानां भक्तवत्सलः । हत्वा गजाकृतिं दैत्यं शूलेनावज्ञया हरः

rakṣaṇārthaṃ mahādevo bhaktānāṃ bhaktavatsalaḥ | hatvā gajākṛtiṃ daityaṃ śūlenāvajñayā haraḥ

Sanskrit only: no published translation is held for this verse.

वासस्तस्याकरोत्कृत्तिं कृत्तिवासेश्वरस्ततः । तत्र सिद्धिं परां प्राप्ता मुनयो हि युधिष्ठिर

vāsastasyākarotkṛttiṃ kṛttivāseśvarastataḥ | tatra siddhiṃ parāṃ prāptā munayo hi yudhiṣṭhira

Sanskrit only: no published translation is held for this verse.

तेनैव च शरीरेण प्राप्तास्तत्परमं पदम् । विद्याविद्येश्वरा रुद्राः शिवा ये च प्रकीर्त्तिताः

tenaiva ca śarīreṇa prāptāstatparamaṃ padam | vidyāvidyeśvarā rudrāḥ śivā ye ca prakīrttitāḥ

Sanskrit only: no published translation is held for this verse.

कृत्तिवासेश्वरं लिंगं नित्यमाश्रित्य संस्थिताः । ज्ञात्वा कलियुगं घोरमधर्मबहुलं जनाः

kṛttivāseśvaraṃ liṃgaṃ nityamāśritya saṃsthitāḥ | jñātvā kaliyugaṃ ghoramadharmabahulaṃ janāḥ

Sanskrit only: no published translation is held for this verse.

कृत्तिवासं न मुंचंति कृतार्थास्ते न संशयः । जन्मांतरसहस्रेण मोक्षो यत्राप्यते न वा

kṛttivāsaṃ na muṃcaṃti kṛtārthāste na saṃśayaḥ | janmāṃtarasahasreṇa mokṣo yatrāpyate na vā

Sanskrit only: no published translation is held for this verse.

एकेन जन्मना मोक्षः कृत्तिवासेऽत्र लभ्यते । आलयं सर्वसिद्धानामेतत्स्थानं वदंति हि

ekena janmanā mokṣaḥ kṛttivāse'tra labhyate | ālayaṃ sarvasiddhānāmetatsthānaṃ vadaṃti hi

Sanskrit only: no published translation is held for this verse.

गोपितं देवदेवेन महादेवेन शंभुना । युगेयुगे ह्यत्र दांता ब्राह्मणा वेदपारगाः

gopitaṃ devadevena mahādevena śaṃbhunā | yugeyuge hyatra dāṃtā brāhmaṇā vedapāragāḥ

Sanskrit only: no published translation is held for this verse.

उपासंते महात्मानं जपंति शतरुद्रियम् । स्तुवंति सततं देवं त्र्यंबकं कृत्तिवाससम् । ध्यायंति हृदये देवं स्थाणुं सर्वांतरं शिवम्

upāsaṃte mahātmānaṃ japaṃti śatarudriyam | stuvaṃti satataṃ devaṃ tryaṃbakaṃ kṛttivāsasam | dhyāyaṃti hṛdaye devaṃ sthāṇuṃ sarvāṃtaraṃ śivam

Sanskrit only: no published translation is held for this verse.

गायंति सिद्धाः किल गीतकानि वाराणसीं ये निवसंति विप्राः । तेषामथैकेन भवेद्विमुक्तिर्ये कृत्तिवासं शरणं प्रपन्नाः

gāyaṃti siddhāḥ kila gītakāni vārāṇasīṃ ye nivasaṃti viprāḥ | teṣāmathaikena bhavedvimuktirye kṛttivāsaṃ śaraṇaṃ prapannāḥ

Sanskrit only: no published translation is held for this verse.

संप्राप्य लोके जगतामभीष्टं सुदुर्लभं विप्रकुलेषु जन्म । ध्याने समाधाय जपंति रुद्रं ध्यायंति चित्ते यतयो महेशम्

saṃprāpya loke jagatāmabhīṣṭaṃ sudurlabhaṃ viprakuleṣu janma | dhyāne samādhāya japaṃti rudraṃ dhyāyaṃti citte yatayo maheśam

Sanskrit only: no published translation is held for this verse.

आराधयंति प्रभुमीशितारं वाराणसीमध्यगता मुनींद्राः । यजंति यज्ञैरभिसंधिहीनाः स्तुवंति रुद्रं प्रणमंति शंभुम्

ārādhayaṃti prabhumīśitāraṃ vārāṇasīmadhyagatā munīṃdrāḥ | yajaṃti yajñairabhisaṃdhihīnāḥ stuvaṃti rudraṃ praṇamaṃti śaṃbhum

Sanskrit only: no published translation is held for this verse.

नमो भवायामलयोगधाम्ने स्थाणुं प्रपद्ये गिरिशं पुराणम् । स्मरामि रुद्रं हृदये निविष्टं जाने महादेवमनेकरूपम्

namo bhavāyāmalayogadhāmne sthāṇuṃ prapadye giriśaṃ purāṇam | smarāmi rudraṃ hṛdaye niviṣṭaṃ jāne mahādevamanekarūpam

Sanskrit only: no published translation is held for this verse.

इति श्रीपाद्मे महापुराणे स्वर्गखंडे चतुस्त्रिंशोऽध्यायः

iti śrīpādme mahāpurāṇe svargakhaṃḍe catustriṃśo'dhyāyaḥ

Sanskrit only: no published translation is held for this verse.