Padma Purāṇa 3.36

नारद उवाच- वाराणस्यां महाराज मध्यमेशं परात्परम् । तस्मिन्स्थाने महादेवो देव्या सह महेश्वरः

nārada uvāca- vārāṇasyāṃ mahārāja madhyameśaṃ parātparam | tasminsthāne mahādevo devyā saha maheśvaraḥ

Sanskrit only: no published translation is held for this verse.

रमते भगवान्नित्यं रुद्रैश्च परिवारितः । तत्र पूर्वं हृषीकेशो विश्वात्मा देवकीसुतः

ramate bhagavānnityaṃ rudraiśca parivāritaḥ | tatra pūrvaṃ hṛṣīkeśo viśvātmā devakīsutaḥ

Sanskrit only: no published translation is held for this verse.

उवास वत्सरं कृष्णः सदा पाशुपतैर्युतः । भस्मोद्धूलितसर्वांगो रुद्राध्ययनतत्परः

uvāsa vatsaraṃ kṛṣṇaḥ sadā pāśupatairyutaḥ | bhasmoddhūlitasarvāṃgo rudrādhyayanatatparaḥ

Sanskrit only: no published translation is held for this verse.

आराधयन्हरिः शंभुं कृत्वा पाशुपतंव्रतम् । तस्य ते बहवः शिष्याः ब्रह्मचर्यपरायणाः

ārādhayanhariḥ śaṃbhuṃ kṛtvā pāśupataṃvratam | tasya te bahavaḥ śiṣyāḥ brahmacaryaparāyaṇāḥ

Sanskrit only: no published translation is held for this verse.

लब्ध्वा तद्वदनाज्ज्ञानं दृष्टवंतो महेश्वरम् । तस्य देवो महादेवः प्रत्यक्षं नीललोहितः

labdhvā tadvadanājjñānaṃ dṛṣṭavaṃto maheśvaram | tasya devo mahādevaḥ pratyakṣaṃ nīlalohitaḥ

Sanskrit only: no published translation is held for this verse.

ददौ कृष्णस्य भगवान्वरदो वरमुत्तमम् । येऽर्चयंति च गोविंदं मद्भक्ता विधिपूर्वकम्

dadau kṛṣṇasya bhagavānvarado varamuttamam | ye'rcayaṃti ca goviṃdaṃ madbhaktā vidhipūrvakam

Sanskrit only: no published translation is held for this verse.

तेषां तदैश्वरं ज्ञानमुत्पत्स्यति जगन्मयम् । नमस्योऽर्चयितव्यश्च ध्यातव्यो मत्परैर्जनैः

teṣāṃ tadaiśvaraṃ jñānamutpatsyati jaganmayam | namasyo'rcayitavyaśca dhyātavyo matparairjanaiḥ

Sanskrit only: no published translation is held for this verse.

भविष्यंति न संदेहो मत्प्रसादाद्द्विजातयः । येऽत्र द्रक्ष्यंति देवेशं स्नात्वा देवं पिनाकिनम्

bhaviṣyaṃti na saṃdeho matprasādāddvijātayaḥ | ye'tra drakṣyaṃti deveśaṃ snātvā devaṃ pinākinam

Sanskrit only: no published translation is held for this verse.

ब्रह्महत्यादिकं पापं तेषामाशु विनश्यति । प्राणांस्त्यक्ष्यंति ये र्मत्याः पापकर्मरता अपि

brahmahatyādikaṃ pāpaṃ teṣāmāśu vinaśyati | prāṇāṃstyakṣyaṃti ye rmatyāḥ pāpakarmaratā api

Sanskrit only: no published translation is held for this verse.

ते यांति तत्परं स्थानं नात्र कार्या विचारणा । धन्यास्तु खलु ते विज्ञा मंदाकिन्यां कृतोदकाः

te yāṃti tatparaṃ sthānaṃ nātra kāryā vicāraṇā | dhanyāstu khalu te vijñā maṃdākinyāṃ kṛtodakāḥ

Sanskrit only: no published translation is held for this verse.

अर्चयित्वा महादेवं मध्यमेश्वरमीश्वरम् । ज्ञानं दानं तपः श्राद्धं पिंडनिर्वपणं त्विह

arcayitvā mahādevaṃ madhyameśvaramīśvaram | jñānaṃ dānaṃ tapaḥ śrāddhaṃ piṃḍanirvapaṇaṃ tviha

Sanskrit only: no published translation is held for this verse.

एकैकशः कृतं कर्म पुनात्यासप्तमं कुलम् । सन्निहत्यामुपस्पृश्य राहुग्रस्ते दिवाकरे

ekaikaśaḥ kṛtaṃ karma punātyāsaptamaṃ kulam | sannihatyāmupaspṛśya rāhugraste divākare

Sanskrit only: no published translation is held for this verse.

यत्फलं लभते मर्त्त्यस्तस्माद्दशगुणं त्विह । एवमुक्तं महाराज माहात्म्यं मध्यमेश्वरे । यः शृणोति परं भक्त्या स याति परमं पदम्

yatphalaṃ labhate marttyastasmāddaśaguṇaṃ tviha | evamuktaṃ mahārāja māhātmyaṃ madhyameśvare | yaḥ śṛṇoti paraṃ bhaktyā sa yāti paramaṃ padam

Sanskrit only: no published translation is held for this verse.

इति श्रीपाद्मे महापुराणे स्वर्गखंडे वाराणसीमाहात्म्ये षट्त्रिंशोऽध्यायः

iti śrīpādme mahāpurāṇe svargakhaṃḍe vārāṇasīmāhātmye ṣaṭtriṃśo'dhyāyaḥ

Sanskrit only: no published translation is held for this verse.