Padma Purāṇa 3.37

नारद उवाच-। अन्यानि च महाराज तीर्थानि पावनानि तु । वाराणस्यां स्थितानीह संशृणुष्व युधिष्ठिर

nārada uvāca-| anyāni ca mahārāja tīrthāni pāvanāni tu | vārāṇasyāṃ sthitānīha saṃśṛṇuṣva yudhiṣṭhira

Sanskrit only: no published translation is held for this verse.

प्रयागादधिकं तीर्थं प्रयागं परमं शुभम् । विश्वरूपं तथा तीर्थं तालतीर्थमनुत्तमम्

prayāgādadhikaṃ tīrthaṃ prayāgaṃ paramaṃ śubham | viśvarūpaṃ tathā tīrthaṃ tālatīrthamanuttamam

Sanskrit only: no published translation is held for this verse.

आकाशाख्यं महातीर्थं तीर्थं चैवार्षभं परम् । सुनीलं च महातीर्थं गौरीतीर्थमनुत्तमम्

ākāśākhyaṃ mahātīrthaṃ tīrthaṃ caivārṣabhaṃ param | sunīlaṃ ca mahātīrthaṃ gaurītīrthamanuttamam

Sanskrit only: no published translation is held for this verse.

प्राजापत्यं तथा तीर्थं स्वर्गद्वारं तथैव च । जंबुकेश्वरमित्युक्तं धर्माख्यं तीर्थमुत्तमम्

prājāpatyaṃ tathā tīrthaṃ svargadvāraṃ tathaiva ca | jaṃbukeśvaramityuktaṃ dharmākhyaṃ tīrthamuttamam

Sanskrit only: no published translation is held for this verse.

गयातीर्थं परं तीर्थं तीर्थं चैव महानदी । नारायणपरं तीर्थं वायुतीर्थमनुत्तमम्

gayātīrthaṃ paraṃ tīrthaṃ tīrthaṃ caiva mahānadī | nārāyaṇaparaṃ tīrthaṃ vāyutīrthamanuttamam

Sanskrit only: no published translation is held for this verse.

ज्ञानतीर्थं परं गुह्यं वाराहं तीर्थमुत्तमम् । यमतीर्थं यथापुण्यं तीर्थं संमूर्तिकं शुभम्

jñānatīrthaṃ paraṃ guhyaṃ vārāhaṃ tīrthamuttamam | yamatīrthaṃ yathāpuṇyaṃ tīrthaṃ saṃmūrtikaṃ śubham

Sanskrit only: no published translation is held for this verse.

अग्नितीर्थं महाराज कलशेश्वरमुत्तमम् । नागतीर्थं सोमतीर्थं सूर्यतीर्थं तथैव च

agnitīrthaṃ mahārāja kalaśeśvaramuttamam | nāgatīrthaṃ somatīrthaṃ sūryatīrthaṃ tathaiva ca

Sanskrit only: no published translation is held for this verse.

पर्वताख्यं महागुह्यं मणिकर्ण्यमनुत्तमम् । घटोत्कचं तीर्थवरं श्रीतीर्थं च पितामहम्

parvatākhyaṃ mahāguhyaṃ maṇikarṇyamanuttamam | ghaṭotkacaṃ tīrthavaraṃ śrītīrthaṃ ca pitāmaham

Sanskrit only: no published translation is held for this verse.

गंगातीर्थं तु देवेशं ययातेस्तीर्थमुत्तमम् । कापिलं चैव सोमेशं ब्रह्मतीर्थमनुत्तमम्

gaṃgātīrthaṃ tu deveśaṃ yayātestīrthamuttamam | kāpilaṃ caiva someśaṃ brahmatīrthamanuttamam

Sanskrit only: no published translation is held for this verse.

तत्र लिंगं पुराणीयं स्थातुं ब्रह्मा यथागतः । तदानीं स्थापयामास विष्णुस्तल्लिंगमैश्वरम्

tatra liṃgaṃ purāṇīyaṃ sthātuṃ brahmā yathāgataḥ | tadānīṃ sthāpayāmāsa viṣṇustalliṃgamaiśvaram

Sanskrit only: no published translation is held for this verse.

तत्र स्नात्वा समागम्य ब्रह्मा प्रोवाच तं हरिम् । मयानीतमिदं लिंगं कस्मात्स्थापितवानसि

tatra snātvā samāgamya brahmā provāca taṃ harim | mayānītamidaṃ liṃgaṃ kasmātsthāpitavānasi

Sanskrit only: no published translation is held for this verse.

तमाह विष्णुस्त्वत्तोऽपि रुद्रे भक्तिर्दृढा मम । तस्मात्प्रतिष्ठितं लिगं नाम्ना तव भविष्यति

tamāha viṣṇustvatto'pi rudre bhaktirdṛḍhā mama | tasmātpratiṣṭhitaṃ ligaṃ nāmnā tava bhaviṣyati

Sanskrit only: no published translation is held for this verse.

भूतेश्वरं तथा तीर्थं तीर्थं धर्मसमुद्भवम् । गंधर्वतीर्थं सुशुभं वाह्नेयं तीर्थमुत्तमम्

bhūteśvaraṃ tathā tīrthaṃ tīrthaṃ dharmasamudbhavam | gaṃdharvatīrthaṃ suśubhaṃ vāhneyaṃ tīrthamuttamam

Sanskrit only: no published translation is held for this verse.

दौर्वासिकं व्योमतीर्थं चंद्रतीर्थं युधिष्ठिर । चिंतांगदेश्वरं तीर्थं पुण्यं विद्याधरेश्वरम्

daurvāsikaṃ vyomatīrthaṃ caṃdratīrthaṃ yudhiṣṭhira | ciṃtāṃgadeśvaraṃ tīrthaṃ puṇyaṃ vidyādhareśvaram

Sanskrit only: no published translation is held for this verse.

केदारतीर्थमुग्राख्यं कालंजरमनुत्तमम् । सारस्वतं प्रभासं च रुद्रकर्णह्रदं शुभम्

kedāratīrthamugrākhyaṃ kālaṃjaramanuttamam | sārasvataṃ prabhāsaṃ ca rudrakarṇahradaṃ śubham

Sanskrit only: no published translation is held for this verse.

कोकिलाख्यं महातीर्थं तीर्थं चैव महालयम् । हिरण्यगर्भं गोप्रेक्षं तीर्थं चैवमनुत्तमम्

kokilākhyaṃ mahātīrthaṃ tīrthaṃ caiva mahālayam | hiraṇyagarbhaṃ goprekṣaṃ tīrthaṃ caivamanuttamam

Sanskrit only: no published translation is held for this verse.

उपशांतं शिवं चैव व्याघ्रेश्वरमनुत्तमम् । त्रिलोचनं महातीर्थं लोकार्कं चोत्तराह्वयम्

upaśāṃtaṃ śivaṃ caiva vyāghreśvaramanuttamam | trilocanaṃ mahātīrthaṃ lokārkaṃ cottarāhvayam

Sanskrit only: no published translation is held for this verse.

कपालमोचनं तीर्थं ब्रह्महत्याविनाशनम् । शुक्रेश्वरं महापुण्यमानंदपुरमुत्तमम्

kapālamocanaṃ tīrthaṃ brahmahatyāvināśanam | śukreśvaraṃ mahāpuṇyamānaṃdapuramuttamam

Sanskrit only: no published translation is held for this verse.

एवमादीनि तीर्थानि वाराणस्यां स्थितानि वै । न शक्यं विस्तराद्वक्तुं कल्पकोटिशतैरपि

evamādīni tīrthāni vārāṇasyāṃ sthitāni vai | na śakyaṃ vistarādvaktuṃ kalpakoṭiśatairapi

Sanskrit only: no published translation is held for this verse.

इति श्रीपाद्मे महापुराणे स्वर्गखंडे वाराणसीमाहात्म्ये सप्तत्रिंशोऽध्यायः

iti śrīpādme mahāpurāṇe svargakhaṃḍe vārāṇasīmāhātmye saptatriṃśo'dhyāyaḥ

Sanskrit only: no published translation is held for this verse.