Library·Padma Purāṇa·3·3.38
नारद उवाच- वाराणस्याश्च माहात्म्यं तस्यां तीर्थानि च प्रभो । कथितानि समासेन तीर्थान्यन्यानि संशृणु
nārada uvāca- vārāṇasyāśca māhātmyaṃ tasyāṃ tīrthāni ca prabho | kathitāni samāsena tīrthānyanyāni saṃśṛṇu
Sanskrit only: no published translation is held for this verse.
ततो गयां समासाद्य ब्रह्मचारी समाहितः । अश्वमेधमवाप्नोति गमनादेव भारत
tato gayāṃ samāsādya brahmacārī samāhitaḥ | aśvamedhamavāpnoti gamanādeva bhārata
Sanskrit only: no published translation is held for this verse.
यत्राक्षय्यवटो नाम त्रिषु लोकेषु विश्रुतः । पितॄणां तत्र वै दत्तमक्षयं भवति प्रभो
yatrākṣayyavaṭo nāma triṣu lokeṣu viśrutaḥ | pitṝṇāṃ tatra vai dattamakṣayaṃ bhavati prabho
Sanskrit only: no published translation is held for this verse.
महानद्यामुपस्पृश्य तर्पयेत्पितृदेवताः । अक्षयान्प्राप्नुयाल्लोकान्कुलं चैव समुद्धरेत्
mahānadyāmupaspṛśya tarpayetpitṛdevatāḥ | akṣayānprāpnuyāllokānkulaṃ caiva samuddharet
Sanskrit only: no published translation is held for this verse.
ततो ब्रह्मसरो गच्छेद्ब्रह्मारण्योपसेवितम् । पुंडरीकमवाप्नोति प्रभातमिव शर्वरी
tato brahmasaro gacchedbrahmāraṇyopasevitam | puṃḍarīkamavāpnoti prabhātamiva śarvarī
Sanskrit only: no published translation is held for this verse.
सरसि ब्रह्मणा तत्र यूपश्रेष्ठः समुच्छ्रितः । यूपं प्रदक्षिणं कृत्वा वाजपेयफलं लभेत्
sarasi brahmaṇā tatra yūpaśreṣṭhaḥ samucchritaḥ | yūpaṃ pradakṣiṇaṃ kṛtvā vājapeyaphalaṃ labhet
Sanskrit only: no published translation is held for this verse.
ततो गच्छेत राजेंद्र धेनुकं लोकविश्रुतम् । एकारात्रोषितो राजन्प्रयच्छेत्तिलधेनुकाम्
tato gaccheta rājeṃdra dhenukaṃ lokaviśrutam | ekārātroṣito rājanprayacchettiladhenukām
Sanskrit only: no published translation is held for this verse.
सर्वपापविशुद्धात्मा सोमलोकं व्रजेद्ध्रुवम् । तत्र चिह्नं महाराज अद्यापि हि न संशयः
sarvapāpaviśuddhātmā somalokaṃ vrajeddhruvam | tatra cihnaṃ mahārāja adyāpi hi na saṃśayaḥ
Sanskrit only: no published translation is held for this verse.
कपिला सहवत्सा वै पर्वते विचरत्युतः । सवत्सायाः पदान्यस्या दृश्यंतेऽद्यापि भारत
kapilā sahavatsā vai parvate vicaratyutaḥ | savatsāyāḥ padānyasyā dṛśyaṃte'dyāpi bhārata
Sanskrit only: no published translation is held for this verse.
तेषूपस्पृश्य राजेंद्र पदेषु नृपसत्तम । यत्किंचिदशुभं पापं तत्प्रणश्यति भारत
teṣūpaspṛśya rājeṃdra padeṣu nṛpasattama | yatkiṃcidaśubhaṃ pāpaṃ tatpraṇaśyati bhārata
Sanskrit only: no published translation is held for this verse.
ततो गृध्रवटं गच्छेत्स्थानं देवस्य शूलिनः । स्नायात्तु भस्मना तत्र संगम्य वृषभध्वजम्
tato gṛdhravaṭaṃ gacchetsthānaṃ devasya śūlinaḥ | snāyāttu bhasmanā tatra saṃgamya vṛṣabhadhvajam
Sanskrit only: no published translation is held for this verse.
ब्राह्मणेन भवेच्चीर्णं व्रतं द्वादशवार्षिकम् । इतरेषां तु वर्णानां सर्वपापं प्रणश्यति
brāhmaṇena bhaveccīrṇaṃ vrataṃ dvādaśavārṣikam | itareṣāṃ tu varṇānāṃ sarvapāpaṃ praṇaśyati
Sanskrit only: no published translation is held for this verse.
गच्छेत तत उद्यंतं पर्वतं गीतनादितम् । सावित्रं तु पदं तत्र दृश्यते भरतर्षभ
gaccheta tata udyaṃtaṃ parvataṃ gītanāditam | sāvitraṃ tu padaṃ tatra dṛśyate bharatarṣabha
Sanskrit only: no published translation is held for this verse.
तत्र संध्यामुपासीत ब्राह्मणः संशितव्रतः । उपास्ताहि भवेत्संध्या तेन द्वादशवार्षिकी
tatra saṃdhyāmupāsīta brāhmaṇaḥ saṃśitavrataḥ | upāstāhi bhavetsaṃdhyā tena dvādaśavārṣikī
Sanskrit only: no published translation is held for this verse.
योनिद्वारं च तत्रैव विश्रुतं भरतर्षभ । तत्राभिगम्य मुच्येत पुरुषो योनिसंकटात्
yonidvāraṃ ca tatraiva viśrutaṃ bharatarṣabha | tatrābhigamya mucyeta puruṣo yonisaṃkaṭāt
Sanskrit only: no published translation is held for this verse.
शुक्लकृष्णावुभौ पक्षौ गयायां यो वसेन्नरः । पुनात्यासप्तमं राजन्कुलं नास्त्यत्र संशयः
śuklakṛṣṇāvubhau pakṣau gayāyāṃ yo vasennaraḥ | punātyāsaptamaṃ rājankulaṃ nāstyatra saṃśayaḥ
Sanskrit only: no published translation is held for this verse.
एष्टव्या बहवः पुत्रा यद्यप्येको गयां व्रजेत् । यजेत वाश्वमेधेन नीलं वा वृषमुत्सृजेत्
eṣṭavyā bahavaḥ putrā yadyapyeko gayāṃ vrajet | yajeta vāśvamedhena nīlaṃ vā vṛṣamutsṛjet
Sanskrit only: no published translation is held for this verse.
ततः फल्गुं व्रजेद्राजंस्तीर्थसेवी नराधिप । अश्वमेधमवाप्नोति सिद्धिं च परमां व्रजेत्
tataḥ phalguṃ vrajedrājaṃstīrthasevī narādhipa | aśvamedhamavāpnoti siddhiṃ ca paramāṃ vrajet
Sanskrit only: no published translation is held for this verse.
ततो गच्छेत राजेंद्र धर्मपृष्ठं समाहितः । यत्र धर्मो महाराज नित्यमास्ते युधिष्ठिर
tato gaccheta rājeṃdra dharmapṛṣṭhaṃ samāhitaḥ | yatra dharmo mahārāja nityamāste yudhiṣṭhira
Sanskrit only: no published translation is held for this verse.
धर्म्मं तत्राभिसंगम्य वाजिमेधफलं लभेत् । ततो गच्छेत राजेंद्र ब्रह्मणस्तीर्थमुत्तमम्
dharmmaṃ tatrābhisaṃgamya vājimedhaphalaṃ labhet | tato gaccheta rājeṃdra brahmaṇastīrthamuttamam
Sanskrit only: no published translation is held for this verse.
तत्राभिगम्य ब्रह्माणमर्चयेन्नियतव्रतः । राजसूयाश्वमेधाभ्यां फलं प्राप्नोति भारत
tatrābhigamya brahmāṇamarcayenniyatavrataḥ | rājasūyāśvamedhābhyāṃ phalaṃ prāpnoti bhārata
Sanskrit only: no published translation is held for this verse.
ततो राजगृहं गच्छेत्तीर्थसेवी नराधिप । उपस्पृश्य ततस्तत्र कक्षीवानिव मोदते
tato rājagṛhaṃ gacchettīrthasevī narādhipa | upaspṛśya tatastatra kakṣīvāniva modate
Sanskrit only: no published translation is held for this verse.
यक्षिण्या नैत्यकं तत्र प्रागग्निपुरुषः शुचिः । यक्षिण्यास्तु प्रसादेन मुच्यते ब्रह्महत्यया
yakṣiṇyā naityakaṃ tatra prāgagnipuruṣaḥ śuciḥ | yakṣiṇyāstu prasādena mucyate brahmahatyayā
Sanskrit only: no published translation is held for this verse.
मणिनागं ततो गच्छेद्गोसहस्रफलं लभेत् । नैत्यकं भुंजते यस्तु मणिनागस्य मानवः
maṇināgaṃ tato gacchedgosahasraphalaṃ labhet | naityakaṃ bhuṃjate yastu maṇināgasya mānavaḥ
Sanskrit only: no published translation is held for this verse.
दष्टस्याशीविषेणास्य न विषं क्रमते नृप । तत्रोष्य रजनीमेकां सर्वपापैः प्रमुच्यते
daṣṭasyāśīviṣeṇāsya na viṣaṃ kramate nṛpa | tatroṣya rajanīmekāṃ sarvapāpaiḥ pramucyate
Sanskrit only: no published translation is held for this verse.
ततो गच्छेत ब्रह्मर्षेर्गौतमस्य वनं नृप । अहल्याया ह्रदे स्नात्वा व्रजेत परमां गतिम्
tato gaccheta brahmarṣergautamasya vanaṃ nṛpa | ahalyāyā hrade snātvā vrajeta paramāṃ gatim
Sanskrit only: no published translation is held for this verse.
अभिगम्य श्रियं राजन्विंदते श्रियमुत्तमाम् । तत्रोदपानो धर्म्मज्ञ त्रिषु लोकेषु विश्रुतः
abhigamya śriyaṃ rājanviṃdate śriyamuttamām | tatrodapāno dharmmajña triṣu lokeṣu viśrutaḥ
Sanskrit only: no published translation is held for this verse.
तत्राभिषेकं कुर्वीत वाजिमेधमवाप्नुयात् । जनकस्य तु राजर्षेः कूपस्त्रिदशपूजितः
tatrābhiṣekaṃ kurvīta vājimedhamavāpnuyāt | janakasya tu rājarṣeḥ kūpastridaśapūjitaḥ
Sanskrit only: no published translation is held for this verse.
तत्राभिषेकं कृत्वा च विष्णुलोकमवाप्नुयात् । ततोऽविनाशनं गच्छेत्सर्वपापप्रमोचनम्
tatrābhiṣekaṃ kṛtvā ca viṣṇulokamavāpnuyāt | tato'vināśanaṃ gacchetsarvapāpapramocanam
Sanskrit only: no published translation is held for this verse.
वाजिमेधमवाप्नोति सोमलोकं च गच्छति । गंडकीं च समासाद्य सर्वतीर्थजलोद्भवाम्
vājimedhamavāpnoti somalokaṃ ca gacchati | gaṃḍakīṃ ca samāsādya sarvatīrthajalodbhavām
Sanskrit only: no published translation is held for this verse.
वाजपेयमवाप्नोति सूर्यलोकं च गच्छति । ततो ध्रुवस्य धर्मज्ञ समाविश्य तपोवनम्
vājapeyamavāpnoti sūryalokaṃ ca gacchati | tato dhruvasya dharmajña samāviśya tapovanam
Sanskrit only: no published translation is held for this verse.
गुह्यकेषु महाभाग मोदते नात्र संशयः । कर्मदां तु समासाद्य नदीं सिद्धनिषेविताम्
guhyakeṣu mahābhāga modate nātra saṃśayaḥ | karmadāṃ tu samāsādya nadīṃ siddhaniṣevitām
Sanskrit only: no published translation is held for this verse.
पुंडरीकमवाप्नोति सोमलोकं च गच्छति । ततो विशालामासाद्य नदीं त्रैलोक्यविश्रुताम्
puṃḍarīkamavāpnoti somalokaṃ ca gacchati | tato viśālāmāsādya nadīṃ trailokyaviśrutām
Sanskrit only: no published translation is held for this verse.
अग्निष्टोममवाप्नोति स्वर्गलोकं च गच्छति । अथ माहेश्वरीं धारां समासाद्य नराधिप
agniṣṭomamavāpnoti svargalokaṃ ca gacchati | atha māheśvarīṃ dhārāṃ samāsādya narādhipa
Sanskrit only: no published translation is held for this verse.
अश्वमेधमवाप्नोति कुलं चैव समुद्धरेत् । दिवौकसां पुष्करिणीं समासाद्य नरः शुचिः
aśvamedhamavāpnoti kulaṃ caiva samuddharet | divaukasāṃ puṣkariṇīṃ samāsādya naraḥ śuciḥ
Sanskrit only: no published translation is held for this verse.
न दुर्गतिमवाप्नोति वाजपेयं च विंदति । अथ माहेशपदं गच्छेद्ब्रह्मचारी समाहितः
na durgatimavāpnoti vājapeyaṃ ca viṃdati | atha māheśapadaṃ gacchedbrahmacārī samāhitaḥ
Sanskrit only: no published translation is held for this verse.
माहेश्वरपदे स्नात्वा वाजिमेधफलं लभेत् । तत्र कोटिस्तु तीर्थानां विश्रुता भरतर्षभ
māheśvarapade snātvā vājimedhaphalaṃ labhet | tatra koṭistu tīrthānāṃ viśrutā bharatarṣabha
Sanskrit only: no published translation is held for this verse.
कूर्मरूपेण राजेंद्र असुरेण दुरात्मना । ह्रियमाणा हृता राजन्विष्णुना प्रभविष्णुना
kūrmarūpeṇa rājeṃdra asureṇa durātmanā | hriyamāṇā hṛtā rājanviṣṇunā prabhaviṣṇunā
Sanskrit only: no published translation is held for this verse.
तत्राभिषेकं कुर्वीत तीर्थकोट्यां नराधिप । पुंडरीकमवाप्नोति विष्णुलोकं च गच्छति
tatrābhiṣekaṃ kurvīta tīrthakoṭyāṃ narādhipa | puṃḍarīkamavāpnoti viṣṇulokaṃ ca gacchati
Sanskrit only: no published translation is held for this verse.
ततो गच्छेन्नरश्रेष्ठ स्थानं नारायणस्य च । सदा सन्निहितो यत्र हरिर्वसति भारत
tato gacchennaraśreṣṭha sthānaṃ nārāyaṇasya ca | sadā sannihito yatra harirvasati bhārata
Sanskrit only: no published translation is held for this verse.
यत्र ब्रह्मादयो देवा ऋषयश्च तपोधनाः । आदित्यावसवोरुद्रा जनार्दनमुपासते
yatra brahmādayo devā ṛṣayaśca tapodhanāḥ | ādityāvasavorudrā janārdanamupāsate
Sanskrit only: no published translation is held for this verse.
शालग्राम इति ख्यातो विष्णोरद्भुतकर्मणः । अभिगम्य त्रिलोकेशं वरदं विष्णुमच्युतम्
śālagrāma iti khyāto viṣṇoradbhutakarmaṇaḥ | abhigamya trilokeśaṃ varadaṃ viṣṇumacyutam
Sanskrit only: no published translation is held for this verse.
अश्वमेधमवाप्नोति विष्णुलोकं च गच्छति । तत्रोदपानो धर्मज्ञ सर्वपापप्रमोचनः
aśvamedhamavāpnoti viṣṇulokaṃ ca gacchati | tatrodapāno dharmajña sarvapāpapramocanaḥ
Sanskrit only: no published translation is held for this verse.
समुद्रास्तत्रचत्वारः कूपे सन्निहिताः सदा । तत्रोपस्पृश्य राजेंद्र न दुर्गतिमवाप्नुयात्
samudrāstatracatvāraḥ kūpe sannihitāḥ sadā | tatropaspṛśya rājeṃdra na durgatimavāpnuyāt
Sanskrit only: no published translation is held for this verse.
अभिगम्य महादेवं वरदं विष्णुमव्ययम् । विराजते यथा सोम ऋणैर्मुक्तो युधिष्ठिर
abhigamya mahādevaṃ varadaṃ viṣṇumavyayam | virājate yathā soma ṛṇairmukto yudhiṣṭhira
Sanskrit only: no published translation is held for this verse.
जातिस्मरं उपस्पृश्य शुचिः प्रयतमानसः । जातिस्मरत्वं प्राप्नोति स्नात्वा तत्र न संशयः
jātismaraṃ upaspṛśya śuciḥ prayatamānasaḥ | jātismaratvaṃ prāpnoti snātvā tatra na saṃśayaḥ
Sanskrit only: no published translation is held for this verse.
वटेश्वरपुरं गत्वा अर्चयित्वा च केशवम् । ईप्सिताँल्लभते लोकानुपवासान्न संशयः
vaṭeśvarapuraṃ gatvā arcayitvā ca keśavam | īpsitā~llabhate lokānupavāsānna saṃśayaḥ
Sanskrit only: no published translation is held for this verse.
ततस्तु वामनं गत्वा सर्वपापप्रणाशनम् । अभिवाद्य हरिं देवं न दुर्गतिमवाप्नुयात्
tatastu vāmanaṃ gatvā sarvapāpapraṇāśanam | abhivādya hariṃ devaṃ na durgatimavāpnuyāt
Sanskrit only: no published translation is held for this verse.
भरतस्याश्रमं गत्वा सर्वपापप्रमोचनम् । कौशिकीं तत्र सेवेत महापातकनाशिनीम्
bharatasyāśramaṃ gatvā sarvapāpapramocanam | kauśikīṃ tatra seveta mahāpātakanāśinīm
Sanskrit only: no published translation is held for this verse.
राजसूयस्य यज्ञस्य फलं प्राप्नोतिमानवः । ततो गच्छेत धर्मज्ञ चंपकारण्यमुत्तमम्
rājasūyasya yajñasya phalaṃ prāpnotimānavaḥ | tato gaccheta dharmajña caṃpakāraṇyamuttamam
Sanskrit only: no published translation is held for this verse.
तत्रोष्य रजनीमेकां गोसहस्रफलं लभेत् । अथ गोविंदमासाद्य तीर्थं परमसम्मतम्
tatroṣya rajanīmekāṃ gosahasraphalaṃ labhet | atha goviṃdamāsādya tīrthaṃ paramasammatam
Sanskrit only: no published translation is held for this verse.
उपोष्य रजनीमेकामग्निष्टोमफलं लभेत् । तत्र विश्वेश्वरं दृष्ट्वा देव्या सह महाद्युतिम्
upoṣya rajanīmekāmagniṣṭomaphalaṃ labhet | tatra viśveśvaraṃ dṛṣṭvā devyā saha mahādyutim
Sanskrit only: no published translation is held for this verse.
मित्रावरुणयोर्लोकान्प्राप्नुयाद्भरतर्षभ । त्रिरात्रोपोषितस्तत्र अग्निष्टोमफलं लभेत्
mitrāvaruṇayorlokānprāpnuyādbharatarṣabha | trirātropoṣitastatra agniṣṭomaphalaṃ labhet
Sanskrit only: no published translation is held for this verse.
कन्यावसथमासाद्य नियतो नियताशनः (आवसथ्य)। मनोः प्रजापतेर्लोकानाप्नोति भरतर्षभ
kanyāvasathamāsādya niyato niyatāśanaḥ (āvasathya)| manoḥ prajāpaterlokānāpnoti bharatarṣabha
Sanskrit only: no published translation is held for this verse.
कन्यायां ये प्रयच्छंति दानमण्वपि भारत । तदक्षयमिति प्राहुरृषयः संशितव्रताः
kanyāyāṃ ye prayacchaṃti dānamaṇvapi bhārata | tadakṣayamiti prāhurṛṣayaḥ saṃśitavratāḥ
Sanskrit only: no published translation is held for this verse.
निष्ठावासं समासाद्य त्रिषु लोकेषु विश्रुतम् । अश्वमेधमवाप्नोति विष्णुलोकं च गच्छति
niṣṭhāvāsaṃ samāsādya triṣu lokeṣu viśrutam | aśvamedhamavāpnoti viṣṇulokaṃ ca gacchati
Sanskrit only: no published translation is held for this verse.
ये तु दानं प्रयच्छंति निष्ठायाः संगमे नराः । ते यांति नरशार्दूल ब्रह्मलोकमनामयम्
ye tu dānaṃ prayacchaṃti niṣṭhāyāḥ saṃgame narāḥ | te yāṃti naraśārdūla brahmalokamanāmayam
Sanskrit only: no published translation is held for this verse.
तत्राश्रमो वसिष्ठस्य त्रिषु लोकेषु विश्रुतः । तत्राभिषेकं कुर्वाणो वाजपेयमवाप्नुयात्
tatrāśramo vasiṣṭhasya triṣu lokeṣu viśrutaḥ | tatrābhiṣekaṃ kurvāṇo vājapeyamavāpnuyāt
Sanskrit only: no published translation is held for this verse.
देवकूटं समासाद्य देवर्षिगणसेवितम् । अश्वमेधमवाप्नोति कुलं चैव समुद्धरेत्
devakūṭaṃ samāsādya devarṣigaṇasevitam | aśvamedhamavāpnoti kulaṃ caiva samuddharet
Sanskrit only: no published translation is held for this verse.
ततो गच्छेत राजेंद्र कौशिकस्य मुनेर्ह्रदम् । तत्र सिद्धिं परां प्राप विश्वामित्रोऽथ कौशिकः
tato gaccheta rājeṃdra kauśikasya munerhradam | tatra siddhiṃ parāṃ prāpa viśvāmitro'tha kauśikaḥ
Sanskrit only: no published translation is held for this verse.
यत्र मासं वसेद्धीरः कौशिक्यां भरतर्षभ । अश्वमेधस्य यत्पुण्यं तन्मासेनाधिगच्छति
yatra māsaṃ vaseddhīraḥ kauśikyāṃ bharatarṣabha | aśvamedhasya yatpuṇyaṃ tanmāsenādhigacchati
Sanskrit only: no published translation is held for this verse.
सर्वतीर्थवरं चैव यो वसेत महाह्रदम् । न दुर्गतिमवाप्नोति विंद्याद्बहुसुवर्णकम्
sarvatīrthavaraṃ caiva yo vaseta mahāhradam | na durgatimavāpnoti viṃdyādbahusuvarṇakam
Sanskrit only: no published translation is held for this verse.
कुमारमभिगम्याथ वीराश्रमनिवासिनम् । अश्वमेधमवाप्नोति शक्रलोकं स गच्छति
kumāramabhigamyātha vīrāśramanivāsinam | aśvamedhamavāpnoti śakralokaṃ sa gacchati
Sanskrit only: no published translation is held for this verse.
नंदिन्यां च समासाद्य कूपं त्रिदशसेवितम् । नरमेधस्य यत्पुण्यं तत्प्राप्नोति कुरूद्वह
naṃdinyāṃ ca samāsādya kūpaṃ tridaśasevitam | naramedhasya yatpuṇyaṃ tatprāpnoti kurūdvaha
Sanskrit only: no published translation is held for this verse.
कालिकासंगमे स्नात्वा कौशिक्यारुणयोर्यतः । त्रिरात्रोपोषितो विद्वान्सर्वपापैः प्रमुच्यते
kālikāsaṃgame snātvā kauśikyāruṇayoryataḥ | trirātropoṣito vidvānsarvapāpaiḥ pramucyate
Sanskrit only: no published translation is held for this verse.
उर्वशीतीर्थमासाद्य तथा सोमाश्रमं बुधः । कुंभकर्णाश्रमे स्नात्वा पूज्यते भुवि मानवः
urvaśītīrthamāsādya tathā somāśramaṃ budhaḥ | kuṃbhakarṇāśrame snātvā pūjyate bhuvi mānavaḥ
Sanskrit only: no published translation is held for this verse.
तथा कोकामुखे स्नात्वा ब्रह्मचारी समाहितः । जातिस्मरत्वं प्राप्नोति दृष्टमेतत्पुरातनैः
tathā kokāmukhe snātvā brahmacārī samāhitaḥ | jātismaratvaṃ prāpnoti dṛṣṭametatpurātanaiḥ
Sanskrit only: no published translation is held for this verse.
सकृन्नदीं समासाद्य कृतार्थो भवति द्विजः । सर्वपापविशुद्धात्मा स्वर्गलोकं च गच्छति
sakṛnnadīṃ samāsādya kṛtārtho bhavati dvijaḥ | sarvapāpaviśuddhātmā svargalokaṃ ca gacchati
Sanskrit only: no published translation is held for this verse.
ऋषभद्वीपमासाद्य सेव्य क्रौंचनिषूदनम् । सरस्वत्यामुपस्पृश्य विमानस्थो विराजते
ṛṣabhadvīpamāsādya sevya krauṃcaniṣūdanam | sarasvatyāmupaspṛśya vimānastho virājate
Sanskrit only: no published translation is held for this verse.
औद्यानकं महाराज तीर्थं मुनिनिषेवितम् । तत्राभिषेकं कुर्वीत सर्वपापैः प्रमुच्यते
audyānakaṃ mahārāja tīrthaṃ muniniṣevitam | tatrābhiṣekaṃ kurvīta sarvapāpaiḥ pramucyate
Sanskrit only: no published translation is held for this verse.
ब्रह्मतीर्थं समासाद्य पुण्यं ब्रह्मर्षिसेवितम् । वाजपेयमवाप्नोति नरो नास्त्यत्र संशयः
brahmatīrthaṃ samāsādya puṇyaṃ brahmarṣisevitam | vājapeyamavāpnoti naro nāstyatra saṃśayaḥ
Sanskrit only: no published translation is held for this verse.
ततश्चंपां समासाद्य भागीरथ्यां कृतोदकः । दंडार्पणं समासाद्य गोसहस्रफलं लभेत्
tataścaṃpāṃ samāsādya bhāgīrathyāṃ kṛtodakaḥ | daṃḍārpaṇaṃ samāsādya gosahasraphalaṃ labhet
Sanskrit only: no published translation is held for this verse.
लाविढिकां ततो गच्छेत्पुण्यां पुण्यनिषेविताम् । वाजपेयमवाप्नोति विमानस्थश्च पूज्यते
lāviḍhikāṃ tato gacchetpuṇyāṃ puṇyaniṣevitām | vājapeyamavāpnoti vimānasthaśca pūjyate
Sanskrit only: no published translation is held for this verse.