Padma Purāṇa 3.39

यथा भगीरथो राजा यथा रामश्च विश्रुतः । यथा वै वृत्रहा सर्वान्सपत्नानदहत् पुरा

yathā bhagīratho rājā yathā rāmaśca viśrutaḥ | yathā vai vṛtrahā sarvānsapatnānadahat purā

Sanskrit only: no published translation is held for this verse.

त्रैलोक्यं पालयामास देवराट्विगतज्वरः । तथा शत्रुक्षयं कृत्वा त्वं प्रजाः पालयिष्यसि

trailokyaṃ pālayāmāsa devarāṭvigatajvaraḥ | tathā śatrukṣayaṃ kṛtvā tvaṃ prajāḥ pālayiṣyasi

Sanskrit only: no published translation is held for this verse.

स्वधर्मेणार्जितामुर्वीं प्राप्य राजीवलोचन । ख्यातिं यास्यसि वीर्येण कार्त्तवीर्यार्जुनो यथा

svadharmeṇārjitāmurvīṃ prāpya rājīvalocana | khyātiṃ yāsyasi vīryeṇa kārttavīryārjuno yathā

Sanskrit only: no published translation is held for this verse.

सूत उवाच- एवमाभाष्य राजानं नारदो भगवानृषिः । अनुज्ञाप्य महाराजं तत्रैवांतरधीयत

sūta uvāca- evamābhāṣya rājānaṃ nārado bhagavānṛṣiḥ | anujñāpya mahārājaṃ tatraivāṃtaradhīyata

Sanskrit only: no published translation is held for this verse.

युधिष्ठिरोऽपि धर्मात्मा ऋषिभिः सह सुव्रतः । जगामाखिलतीर्थानि सादरः पृथिवीपतिः

yudhiṣṭhiro'pi dharmātmā ṛṣibhiḥ saha suvrataḥ | jagāmākhilatīrthāni sādaraḥ pṛthivīpatiḥ

Sanskrit only: no published translation is held for this verse.

मयोक्तामृषयः सर्वे तीर्थयात्राश्रयां कथाम् । यः पठेच्छृणुयाद्वापि स मुक्तः सर्वपातकैः

mayoktāmṛṣayaḥ sarve tīrthayātrāśrayāṃ kathām | yaḥ paṭhecchṛṇuyādvāpi sa muktaḥ sarvapātakaiḥ

Sanskrit only: no published translation is held for this verse.

मयोक्तमखिलं तत्त्वं किं भूयः श्रोतुमिच्छथ । ऋषीणां पुण्यकीर्तीनां नावक्तव्यं ममास्ति वै

mayoktamakhilaṃ tattvaṃ kiṃ bhūyaḥ śrotumicchatha | ṛṣīṇāṃ puṇyakīrtīnāṃ nāvaktavyaṃ mamāsti vai

Sanskrit only: no published translation is held for this verse.