Library·Padma Purāṇa·3·3.42
मार्कंडेय उवाच- शृणु राजन्प्रयागस्य माहात्म्यं पुनरेव तु । यं गत्वा सर्वपापेभ्यो मुच्यते नात्र संशयः
mārkaṃḍeya uvāca- śṛṇu rājanprayāgasya māhātmyaṃ punareva tu | yaṃ gatvā sarvapāpebhyo mucyate nātra saṃśayaḥ
Sanskrit only: no published translation is held for this verse.
आर्तानां च दरिद्राणां निश्चितव्यवसायिनाम् । स्थानं मुक्त्वा प्रयागं तु नाक्षयं तु कदाचन
ārtānāṃ ca daridrāṇāṃ niścitavyavasāyinām | sthānaṃ muktvā prayāgaṃ tu nākṣayaṃ tu kadācana
Sanskrit only: no published translation is held for this verse.
गंगायमुनमासाद्य यस्तु प्राणान्परित्यजेत् । दीप्तकांचनवर्णाभे विमाने सूर्यवर्चसि
gaṃgāyamunamāsādya yastu prāṇānparityajet | dīptakāṃcanavarṇābhe vimāne sūryavarcasi
Sanskrit only: no published translation is held for this verse.
गंधर्वाप्सरसां मध्ये स्वर्गे मोदति मानवः । ईप्सिताँल्लभतेकामान्वदंति ऋषिपुंगवाः
gaṃdharvāpsarasāṃ madhye svarge modati mānavaḥ | īpsitā~llabhatekāmānvadaṃti ṛṣipuṃgavāḥ
Sanskrit only: no published translation is held for this verse.
सर्वरत्नमयैर्दिव्यैर्नानाध्वजसमाकुलैः । वरांगना समाकीर्णैर्मोदते शुभलक्षणैः
sarvaratnamayairdivyairnānādhvajasamākulaiḥ | varāṃganā samākīrṇairmodate śubhalakṣaṇaiḥ
Sanskrit only: no published translation is held for this verse.
गीतवादित्रनिर्घोषैः प्रसुप्तः प्रतिबुध्यते । यावन्न स्मरते जन्म तावत्स्वर्गे महीयते
gītavāditranirghoṣaiḥ prasuptaḥ pratibudhyate | yāvanna smarate janma tāvatsvarge mahīyate
Sanskrit only: no published translation is held for this verse.
तत्र स्वर्गात्परिभ्रष्टः क्षीणकर्म्मा दिवश्च्युतः । हिरण्यरत्नसंपूर्णे समृद्धे जायते कुले
tatra svargātparibhraṣṭaḥ kṣīṇakarmmā divaścyutaḥ | hiraṇyaratnasaṃpūrṇe samṛddhe jāyate kule
Sanskrit only: no published translation is held for this verse.
तदेव स्मरते तीर्थं स्मरणात्तत्र गच्छति । देशस्थो यदि वारण्ये विदेशे यदि वा गृहे
tadeva smarate tīrthaṃ smaraṇāttatra gacchati | deśastho yadi vāraṇye videśe yadi vā gṛhe
Sanskrit only: no published translation is held for this verse.
प्रयागं स्मरमात्रोपि यस्तु प्राणान्परित्यजेत् । स ब्रह्मलोकमाप्नोति वदंति ऋषिपुंगवाः
prayāgaṃ smaramātropi yastu prāṇānparityajet | sa brahmalokamāpnoti vadaṃti ṛṣipuṃgavāḥ
Sanskrit only: no published translation is held for this verse.
सर्वकामफलावृत्ता मही यत्र हिरण्मयी । ऋषयो मुनयः सिद्धा यत्र लोके प्रगच्छति
sarvakāmaphalāvṛttā mahī yatra hiraṇmayī | ṛṣayo munayaḥ siddhā yatra loke pragacchati
Sanskrit only: no published translation is held for this verse.
स्त्रीसहस्रा कुले रम्ये मंदाकिन्यास्तटे शुभे । मोदते ऋषिभिः सार्द्धं स्वकृतेनेह कर्मणा
strīsahasrā kule ramye maṃdākinyāstaṭe śubhe | modate ṛṣibhiḥ sārddhaṃ svakṛteneha karmaṇā
Sanskrit only: no published translation is held for this verse.
सिद्धचारणगन्धर्वैः पूज्यते दिवि दैवतैः । ततः स्वर्गात्परिभ्रष्टो जंबुद्वीपपतिर्भवेत्
siddhacāraṇagandharvaiḥ pūjyate divi daivataiḥ | tataḥ svargātparibhraṣṭo jaṃbudvīpapatirbhavet
Sanskrit only: no published translation is held for this verse.
ततः शुभानि कर्माणि चिंतयानः पुनः पुनः । गुणवान्वित्तसंपन्नो भवतीह न संशयः
tataḥ śubhāni karmāṇi ciṃtayānaḥ punaḥ punaḥ | guṇavānvittasaṃpanno bhavatīha na saṃśayaḥ
Sanskrit only: no published translation is held for this verse.
कर्मणा मनसा वाचा सत्यधर्मप्रतिष्ठितः । गंगायमुनयोर्मध्ये यस्तु दानं प्रयच्छति
karmaṇā manasā vācā satyadharmapratiṣṭhitaḥ | gaṃgāyamunayormadhye yastu dānaṃ prayacchati
Sanskrit only: no published translation is held for this verse.
सुवर्णंमणिमुक्तां वा यदि धान्यं प्रतिग्रहम् । स्वकार्ये पितृकार्ये वा देवताभ्यर्चनेऽपि वा
suvarṇaṃmaṇimuktāṃ vā yadi dhānyaṃ pratigraham | svakārye pitṛkārye vā devatābhyarcane'pi vā
Sanskrit only: no published translation is held for this verse.
निष्फलं तस्य तत्तीर्थं यावत्तत्फलमश्नुते । एवं तीर्थेन गृह्णीयात् पुण्येष्वायतनेषु च
niṣphalaṃ tasya tattīrthaṃ yāvattatphalamaśnute | evaṃ tīrthena gṛhṇīyāt puṇyeṣvāyataneṣu ca
Sanskrit only: no published translation is held for this verse.
निमित्तेषु च सर्वेषु अप्रमत्तो द्विजो भवेत् । कपिलां पाटलावर्णां प्रयागे यः प्रयच्छति
nimitteṣu ca sarveṣu apramatto dvijo bhavet | kapilāṃ pāṭalāvarṇāṃ prayāge yaḥ prayacchati
Sanskrit only: no published translation is held for this verse.
स्वर्णशृंगीं रौप्यखुरां चैलकंठीं पयस्विनीम् । प्रयागे श्रोत्रियं साधुं ग्राहयित्वा यथाविधि
svarṇaśṛṃgīṃ raupyakhurāṃ cailakaṃṭhīṃ payasvinīm | prayāge śrotriyaṃ sādhuṃ grāhayitvā yathāvidhi
Sanskrit only: no published translation is held for this verse.
शुक्लांबरधरं शांतं धर्मज्ञं वेदपारगम् । सा गौस्तस्मै च दातव्या गंगायमुनसंगमे
śuklāṃbaradharaṃ śāṃtaṃ dharmajñaṃ vedapāragam | sā gaustasmai ca dātavyā gaṃgāyamunasaṃgame
Sanskrit only: no published translation is held for this verse.
वासांसि च महार्हाणि रत्नानि विविधानि च । यावद्रोमाणि तस्या गोः संति गात्रेषु सत्तम
vāsāṃsi ca mahārhāṇi ratnāni vividhāni ca | yāvadromāṇi tasyā goḥ saṃti gātreṣu sattama
Sanskrit only: no published translation is held for this verse.
तावद्वर्षसहस्राणि स्वर्गलोके महीयते । यत्रासौ लभते जन्म सा गौस्तत्राभिजायते
tāvadvarṣasahasrāṇi svargaloke mahīyate | yatrāsau labhate janma sā gaustatrābhijāyate
Sanskrit only: no published translation is held for this verse.
न च पश्यत्यसौ घोरं नरकं तेन कर्मणा । उत्तरान्स कुरून्प्राप्य मोदते कालमक्षयम्
na ca paśyatyasau ghoraṃ narakaṃ tena karmaṇā | uttarānsa kurūnprāpya modate kālamakṣayam
Sanskrit only: no published translation is held for this verse.
गवां शतसहस्रेभ्यो दद्यादेकां पयस्विनीम् । पुत्रान्दारान्तथा भृत्यान्गौरेका प्रतितारयेत्
gavāṃ śatasahasrebhyo dadyādekāṃ payasvinīm | putrāndārāntathā bhṛtyāngaurekā pratitārayet
Sanskrit only: no published translation is held for this verse.
तस्मात्सर्वेषु दानेषु गोदानं तु विशिष्यते । दुर्गमे विषमे घोरे महापातकसंभवे । गौरेव रक्षां कुरुते तस्माद्देया द्विजातये
tasmātsarveṣu dāneṣu godānaṃ tu viśiṣyate | durgame viṣame ghore mahāpātakasaṃbhave | gaureva rakṣāṃ kurute tasmāddeyā dvijātaye
Sanskrit only: no published translation is held for this verse.
इति श्रीपाद्मे महापुराणे स्वर्गखंडे द्विचत्वारिंशोऽध्यायः
iti śrīpādme mahāpurāṇe svargakhaṃḍe dvicatvāriṃśo'dhyāyaḥ
Sanskrit only: no published translation is held for this verse.