ऋषय ऊचु- कर्मयोगः कथं सूत येन चाराधितो हरिः । प्रसीदति महाभाग वद नो वदतां वर
ṛṣaya ūcu- karmayogaḥ kathaṃ sūta yena cārādhito hariḥ | prasīdati mahābhāga vada no vadatāṃ vara
Sanskrit only: no published translation is held for this verse.
Library·Padma Purāṇa·3·3.51
Padma Purāṇa 3.51
येनासौ भगवानीशः समाराध्यो मुमुक्षुभिः । तद्वदाखिललोकानां रक्षणं धर्मसंग्रहम्
yenāsau bhagavānīśaḥ samārādhyo mumukṣubhiḥ | tadvadākhilalokānāṃ rakṣaṇaṃ dharmasaṃgraham
Sanskrit only: no published translation is held for this verse.
तं कर्मयोगं वद नः सूत मूर्तिमयस्तु यः । इति शुश्रूषवो विप्रा भवदग्रे व्यवस्थिताः
taṃ karmayogaṃ vada naḥ sūta mūrtimayastu yaḥ | iti śuśrūṣavo viprā bhavadagre vyavasthitāḥ
Sanskrit only: no published translation is held for this verse.
सूत उवाच- एवमेव पुरा पृष्टो व्यासः सत्यवतीसुतः । ऋषिभिरग्निसंकाशैर्व्यासस्तानाह तच्छृणु
sūta uvāca- evameva purā pṛṣṭo vyāsaḥ satyavatīsutaḥ | ṛṣibhiragnisaṃkāśairvyāsastānāha tacchṛṇu
Sanskrit only: no published translation is held for this verse.
व्यास उवाच- शृणुध्वंमृषयः सर्वे वक्ष्यमाणं सनातनम् । कर्मयोगं ब्राह्मणानामात्यंतिकफलप्रदम्
vyāsa uvāca- śṛṇudhvaṃmṛṣayaḥ sarve vakṣyamāṇaṃ sanātanam | karmayogaṃ brāhmaṇānāmātyaṃtikaphalapradam
Sanskrit only: no published translation is held for this verse.
आम्नायसिद्धमखिलं ब्राह्मणार्थं प्रदर्शितम् । ऋषीणां शृण्वतां पूर्वं मनुराह प्रजापतिः
āmnāyasiddhamakhilaṃ brāhmaṇārthaṃ pradarśitam | ṛṣīṇāṃ śṛṇvatāṃ pūrvaṃ manurāha prajāpatiḥ
Sanskrit only: no published translation is held for this verse.
सर्वव्याधिहरं पुण्यमृषिसंघैर्निषेवितम् । समाहितधियो यूयं शृणुध्वं गदतो मम
sarvavyādhiharaṃ puṇyamṛṣisaṃghairniṣevitam | samāhitadhiyo yūyaṃ śṛṇudhvaṃ gadato mama
Sanskrit only: no published translation is held for this verse.
कृतोपनयनो वेदानधीयीत द्विजोत्तमः । गर्भाष्टमेऽष्टमेवाब्दे स्वसूत्रोक्तविधानतः
kṛtopanayano vedānadhīyīta dvijottamaḥ | garbhāṣṭame'ṣṭamevābde svasūtroktavidhānataḥ
Sanskrit only: no published translation is held for this verse.
दंडी च मेखली सूत्री कृष्णाजिनधरो मुनिः । भिक्षाहारो गुरुहितो वीक्ष्यमाणो गुरोर्मुखम्
daṃḍī ca mekhalī sūtrī kṛṣṇājinadharo muniḥ | bhikṣāhāro guruhito vīkṣyamāṇo gurormukham
Sanskrit only: no published translation is held for this verse.
कार्पासमुपवीतार्थं निर्मितं ब्रह्मणा पुरा । ब्राह्मणानां त्रिवृत्सूत्रं कौशं वा वस्त्रमेव वा
kārpāsamupavītārthaṃ nirmitaṃ brahmaṇā purā | brāhmaṇānāṃ trivṛtsūtraṃ kauśaṃ vā vastrameva vā
Sanskrit only: no published translation is held for this verse.
सदोपवीती चैव स्यात्सदाबद्ध शिखो द्विजः । अन्यथा यत्कृतं कर्म्म तद्भवत्ययथाकृतम्
sadopavītī caiva syātsadābaddha śikho dvijaḥ | anyathā yatkṛtaṃ karmma tadbhavatyayathākṛtam
Sanskrit only: no published translation is held for this verse.
वसेदविकृतं वासः कार्पासं वा कषायकम् । तदेव परिधानीयं शुक्लं तांतवमुत्तमम्
vasedavikṛtaṃ vāsaḥ kārpāsaṃ vā kaṣāyakam | tadeva paridhānīyaṃ śuklaṃ tāṃtavamuttamam
Sanskrit only: no published translation is held for this verse.
उत्तरं तु समाम्नातं वासः कृष्णाजिनं शुभम् । अभावे गावयमपि रौरवं वा विधीयते
uttaraṃ tu samāmnātaṃ vāsaḥ kṛṣṇājinaṃ śubham | abhāve gāvayamapi rauravaṃ vā vidhīyate
Sanskrit only: no published translation is held for this verse.
उद्धृत्य दक्षिणं बाहुं सव्यबाहौ समर्पितम् । उपवीतं भवेन्नित्यं निवीतं कंठसज्जने
uddhṛtya dakṣiṇaṃ bāhuṃ savyabāhau samarpitam | upavītaṃ bhavennityaṃ nivītaṃ kaṃṭhasajjane
Sanskrit only: no published translation is held for this verse.
सव्यबाहुं समुद्धृत्य दक्षिणे तु धृतं द्विजाः । प्राचीनावीतमित्युक्तं पित्र्येकर्मणि योजयेत्
savyabāhuṃ samuddhṛtya dakṣiṇe tu dhṛtaṃ dvijāḥ | prācīnāvītamityuktaṃ pitryekarmaṇi yojayet
Sanskrit only: no published translation is held for this verse.
अग्न्यागारे गवां गोष्ठे होमे तप्ये तथैव च । स्वाध्याये भोजने नित्यं ब्राह्मणानां च सन्निधौ
agnyāgāre gavāṃ goṣṭhe home tapye tathaiva ca | svādhyāye bhojane nityaṃ brāhmaṇānāṃ ca sannidhau
Sanskrit only: no published translation is held for this verse.
उपासने गुरूणां च संध्ययोः साधुसंगमे । उपवीती भवेन्नित्यं विधिरेष सनातनः
upāsane gurūṇāṃ ca saṃdhyayoḥ sādhusaṃgame | upavītī bhavennityaṃ vidhireṣa sanātanaḥ
Sanskrit only: no published translation is held for this verse.
मौंजी त्रिवृत्समां श्लिष्टां कुर्याद्विप्रस्य मेखलाम् । मुंजाभावे कुशेनाहुर्ग्रंथिनैकेन वा त्रिभिः
mauṃjī trivṛtsamāṃ śliṣṭāṃ kuryādviprasya mekhalām | muṃjābhāve kuśenāhurgraṃthinaikena vā tribhiḥ
Sanskrit only: no published translation is held for this verse.
धारयेद्वैणवपालाशौ दंडौ केशांतिकौ द्विजः । यज्ञार्हवृक्षजं वाथ सौम्यमव्रणमेव च
dhārayedvaiṇavapālāśau daṃḍau keśāṃtikau dvijaḥ | yajñārhavṛkṣajaṃ vātha saumyamavraṇameva ca
Sanskrit only: no published translation is held for this verse.
सायंप्रातर्द्विजः संध्यामुपासीत समाहितः । कामाल्लोभाद्भयान्मोहात्त्यक्त्वैनां पतितो भवेत्
sāyaṃprātardvijaḥ saṃdhyāmupāsīta samāhitaḥ | kāmāllobhādbhayānmohāttyaktvaināṃ patito bhavet
Sanskrit only: no published translation is held for this verse.
अग्निकार्यं ततः कुर्यात्सायंप्रातः प्रसन्नधीः । स्नात्वा संतर्पयेद्देवानृषीन्पितृगणांस्तथा
agnikāryaṃ tataḥ kuryātsāyaṃprātaḥ prasannadhīḥ | snātvā saṃtarpayeddevānṛṣīnpitṛgaṇāṃstathā
Sanskrit only: no published translation is held for this verse.
देवताभ्यर्चनं कुर्यात्पुष्पैः पत्रैर्यवांबुभिः । अभिवादनशीलः स्यान्नित्यं वृद्धेषु धर्मतः
devatābhyarcanaṃ kuryātpuṣpaiḥ patrairyavāṃbubhiḥ | abhivādanaśīlaḥ syānnityaṃ vṛddheṣu dharmataḥ
Sanskrit only: no published translation is held for this verse.
असावहं भो नामेति सम्यक्प्रणतिपूर्वकम् । आयुरारोग्यसिद्ध्यर्थं तंद्रादिपरिवर्जितः
asāvahaṃ bho nāmeti samyakpraṇatipūrvakam | āyurārogyasiddhyarthaṃ taṃdrādiparivarjitaḥ
Sanskrit only: no published translation is held for this verse.
आयुष्मान्भव सौम्येति वचो विप्रोऽभिवादने । आकारश्चास्य नाम्नोंऽते वाच्यः पूर्वाक्षरप्लुतः
āyuṣmānbhava saumyeti vaco vipro'bhivādane | ākāraścāsya nāmnoṃ'te vācyaḥ pūrvākṣaraplutaḥ
Sanskrit only: no published translation is held for this verse.
यो न वेत्त्यभिवादस्य विप्रः प्रत्यभिवादनम् । नाभिवाद्यः स विदुषा यथा शूद्रस्तथैव सः
yo na vettyabhivādasya vipraḥ pratyabhivādanam | nābhivādyaḥ sa viduṣā yathā śūdrastathaiva saḥ
Sanskrit only: no published translation is held for this verse.
व्यत्यस्तपाणिना कार्यं पादसंग्रहणं गुरोः । सव्येन सव्यः स्प्रष्टव्यो दक्षिणेन तु दक्षिणः
vyatyastapāṇinā kāryaṃ pādasaṃgrahaṇaṃ guroḥ | savyena savyaḥ spraṣṭavyo dakṣiṇena tu dakṣiṇaḥ
Sanskrit only: no published translation is held for this verse.
लौकिकं वैदिकं वापि तथाध्यात्मिकमेव वा । अवाप्य प्रयतो ज्ञानं तं पूर्वमभिवादयेत्
laukikaṃ vaidikaṃ vāpi tathādhyātmikameva vā | avāpya prayato jñānaṃ taṃ pūrvamabhivādayet
Sanskrit only: no published translation is held for this verse.
नोदकं धारयेद्भैक्ष्यं पुष्पाणि समिधस्तथा । एवंविधानि चान्यानि न देवार्थेषु कर्म्मसु
nodakaṃ dhārayedbhaikṣyaṃ puṣpāṇi samidhastathā | evaṃvidhāni cānyāni na devārtheṣu karmmasu
Sanskrit only: no published translation is held for this verse.
ब्राह्मणं कुशलं पृच्छेत्क्षत्रबंधुमनामयम् । वैश्यं क्षेमं समागम्य शूद्रमारोग्यमेव च
brāhmaṇaṃ kuśalaṃ pṛcchetkṣatrabaṃdhumanāmayam | vaiśyaṃ kṣemaṃ samāgamya śūdramārogyameva ca
Sanskrit only: no published translation is held for this verse.
उपाध्यायः पिता ज्येष्ठो भ्राता त्राता च भीतितः । मातुलः श्वशुरश्चैव मातामह पितामहौ
upādhyāyaḥ pitā jyeṣṭho bhrātā trātā ca bhītitaḥ | mātulaḥ śvaśuraścaiva mātāmaha pitāmahau
Sanskrit only: no published translation is held for this verse.
वर्णश्रेष्ठः पितृव्यश्च पुंसोऽत्र गुरवः स्मृताः । माता मातामही गुर्वी पितुर्मातुश्च सोदराः
varṇaśreṣṭhaḥ pitṛvyaśca puṃso'tra guravaḥ smṛtāḥ | mātā mātāmahī gurvī piturmātuśca sodarāḥ
Sanskrit only: no published translation is held for this verse.
श्वश्रूः पितामही ज्येष्ठा धात्री च गुरवः स्त्रियः । ज्ञेयस्तु गुरुवर्गोऽयं मातृतः पितृतो द्विजाः
śvaśrūḥ pitāmahī jyeṣṭhā dhātrī ca guravaḥ striyaḥ | jñeyastu guruvargo'yaṃ mātṛtaḥ pitṛto dvijāḥ
Sanskrit only: no published translation is held for this verse.
अनुवर्तनमेतेषां मनोवाक्कायकर्मभिः । गुरून्दृष्ट्वा समुत्तिष्ठेदभिवाद्य कृताञ्जलि
anuvartanameteṣāṃ manovākkāyakarmabhiḥ | gurūndṛṣṭvā samuttiṣṭhedabhivādya kṛtāñjali
Sanskrit only: no published translation is held for this verse.
नैतैरुपविशेत्सार्द्धं विवदेन्नात्मकारणात् । जीवितार्थमपि द्वेषाद्गुरुभिर्नैव भाषणम्
naitairupaviśetsārddhaṃ vivadennātmakāraṇāt | jīvitārthamapi dveṣādgurubhirnaiva bhāṣaṇam
Sanskrit only: no published translation is held for this verse.
उद्रिक्तोऽपि गुणैरन्यैर्गुरुद्वेषी पतत्यधः । गुरूणामपि सर्वेषां पंच पूज्या विशेषतः
udrikto'pi guṇairanyairgurudveṣī patatyadhaḥ | gurūṇāmapi sarveṣāṃ paṃca pūjyā viśeṣataḥ
Sanskrit only: no published translation is held for this verse.
तेषामाद्यास्त्रयः श्रेष्ठास्तेषां माता सुपूजिता । यो भावयति या सूते येन विद्योपदिश्यते
teṣāmādyāstrayaḥ śreṣṭhāsteṣāṃ mātā supūjitā | yo bhāvayati yā sūte yena vidyopadiśyate
Sanskrit only: no published translation is held for this verse.
ज्येष्ठो भ्राता च भर्ता च पंचैते गुरवः स्मृताः । आत्मनः सर्वयत्नेन प्राणत्यागेन वा पुनः
jyeṣṭho bhrātā ca bhartā ca paṃcaite guravaḥ smṛtāḥ | ātmanaḥ sarvayatnena prāṇatyāgena vā punaḥ
Sanskrit only: no published translation is held for this verse.
पूजनीया विशेषेण पंचैते भूतिमिच्छता । यावत्पिता च माता च द्वावेतौ निर्विकारिणौ
pūjanīyā viśeṣeṇa paṃcaite bhūtimicchatā | yāvatpitā ca mātā ca dvāvetau nirvikāriṇau
Sanskrit only: no published translation is held for this verse.
तावत्सर्वं परित्यज्य पुत्रः स्यात्तत्परायणः । पिता माता च सुप्रीतौ स्यातां पुत्रगुणैर्यदि
tāvatsarvaṃ parityajya putraḥ syāttatparāyaṇaḥ | pitā mātā ca suprītau syātāṃ putraguṇairyadi
Sanskrit only: no published translation is held for this verse.
स पुत्रः सकलं धर्मं प्राप्नुयात्तेन कर्मणा । नास्ति मातृसमं दैवं नास्ति पितृसमो गुरुः
sa putraḥ sakalaṃ dharmaṃ prāpnuyāttena karmaṇā | nāsti mātṛsamaṃ daivaṃ nāsti pitṛsamo guruḥ
Sanskrit only: no published translation is held for this verse.
तयोः प्रत्युपकारोऽपि न कथंचन विद्यते । तयोर्नित्यं प्रियं कुर्यात्कर्मणा मनसा गिरा
tayoḥ pratyupakāro'pi na kathaṃcana vidyate | tayornityaṃ priyaṃ kuryātkarmaṇā manasā girā
Sanskrit only: no published translation is held for this verse.
न ताभ्यामननुज्ञातो धर्ममन्यं समाचरेत् । वर्जयित्वा मुक्तिफलं नित्यं नैमित्तिकं तथा
na tābhyāmananujñāto dharmamanyaṃ samācaret | varjayitvā muktiphalaṃ nityaṃ naimittikaṃ tathā
Sanskrit only: no published translation is held for this verse.
धर्मसारः समुद्दिष्टः प्रेत्यानंतफलप्रदः । सम्यगाराध्य वक्तारं विसृष्टस्तदनुज्ञया
dharmasāraḥ samuddiṣṭaḥ pretyānaṃtaphalapradaḥ | samyagārādhya vaktāraṃ visṛṣṭastadanujñayā
Sanskrit only: no published translation is held for this verse.
शिष्यो विद्याफलं भुंक्ते प्रेत्य चापद्यते दिवि । यो भ्रातरं पितृसमं ज्येष्ठं मूढोऽवमन्यते
śiṣyo vidyāphalaṃ bhuṃkte pretya cāpadyate divi | yo bhrātaraṃ pitṛsamaṃ jyeṣṭhaṃ mūḍho'vamanyate
Sanskrit only: no published translation is held for this verse.
तेन दोषेण संप्रेत्य निरयं घोरमृच्छति । पुंसां वर्त्मनि सृष्टेन पूज्यो भर्ता तु सर्वदा
tena doṣeṇa saṃpretya nirayaṃ ghoramṛcchati | puṃsāṃ vartmani sṛṣṭena pūjyo bhartā tu sarvadā
Sanskrit only: no published translation is held for this verse.
अपि मातरि लोकेऽस्मिन्नुपकाराद्धि गौरवम् । मातुलांश्च पितृव्यांश्च श्वशुरानृत्विजो गुरून्
api mātari loke'sminnupakārāddhi gauravam | mātulāṃśca pitṛvyāṃśca śvaśurānṛtvijo gurūn
Sanskrit only: no published translation is held for this verse.
असावहमिति ब्रूयात्प्रत्युत्थायाभिवादयेत् । अवाच्यो दीक्षितो नाम्ना यवीयानपि यो भवेत्
asāvahamiti brūyātpratyutthāyābhivādayet | avācyo dīkṣito nāmnā yavīyānapi yo bhavet
Sanskrit only: no published translation is held for this verse.
भो भवत्पूर्वकं त्वेनमभिभाषेत धर्मवित् । अभिवाद्यश्च पूज्यश्च शिरसानम्य एव च
bho bhavatpūrvakaṃ tvenamabhibhāṣeta dharmavit | abhivādyaśca pūjyaśca śirasānamya eva ca
Sanskrit only: no published translation is held for this verse.
ब्राह्मणक्षत्रियाद्यैश्च श्रीकामैः सादरं सदा । नाभिवाद्याश्च विप्रेण क्षत्रियाद्याः कथंचन
brāhmaṇakṣatriyādyaiśca śrīkāmaiḥ sādaraṃ sadā | nābhivādyāśca vipreṇa kṣatriyādyāḥ kathaṃcana
Sanskrit only: no published translation is held for this verse.
ज्ञानकर्मगुणोपेता यद्यप्येते बहुश्रुताः । ब्राह्मणः सर्ववर्णानां स्वस्ति कुर्यादिति श्रुतिः
jñānakarmaguṇopetā yadyapyete bahuśrutāḥ | brāhmaṇaḥ sarvavarṇānāṃ svasti kuryāditi śrutiḥ
Sanskrit only: no published translation is held for this verse.
सवर्णेन सवर्णानां कार्यमेवाभिवादनम् । गुरुरग्निर्द्विजातीनां वर्णानां ब्राह्मणो गुरुः
savarṇena savarṇānāṃ kāryamevābhivādanam | gururagnirdvijātīnāṃ varṇānāṃ brāhmaṇo guruḥ
Sanskrit only: no published translation is held for this verse.
पतिरेको गुरुः स्त्रीणां सर्वत्राभ्यागतो गुरुः । विद्याकर्मवयोबंधुर्वित्तं भवति पंचमम्
patireko guruḥ strīṇāṃ sarvatrābhyāgato guruḥ | vidyākarmavayobaṃdhurvittaṃ bhavati paṃcamam
Sanskrit only: no published translation is held for this verse.
मान्यस्थानानि पंचाहुः पूर्वं पूर्वं गुरूत्तरात् । पंचानां त्रिषु वर्णेषु भूयांसि बलवंति च
mānyasthānāni paṃcāhuḥ pūrvaṃ pūrvaṃ gurūttarāt | paṃcānāṃ triṣu varṇeṣu bhūyāṃsi balavaṃti ca
Sanskrit only: no published translation is held for this verse.
यत्र स्युः सोऽत्र मानार्हः शूद्रोऽपि दशमीं गतः । पंथा देयो ब्राह्मणाय स्त्रियै राज्ञे विचक्षुषे
yatra syuḥ so'tra mānārhaḥ śūdro'pi daśamīṃ gataḥ | paṃthā deyo brāhmaṇāya striyai rājñe vicakṣuṣe
Sanskrit only: no published translation is held for this verse.
वृद्धाय भारभग्नाय रोगिणे दुर्बलाय च । भिक्षामाहृत्य शिष्टानां गृहेभ्यः प्रयतोऽन्वहम्
vṛddhāya bhārabhagnāya rogiṇe durbalāya ca | bhikṣāmāhṛtya śiṣṭānāṃ gṛhebhyaḥ prayato'nvaham
Sanskrit only: no published translation is held for this verse.
निवेद्य गुरुवेऽश्नीयाद्वाग्यतस्तदनुज्ञया । भवत्पूर्वं चरेद्भैक्ष्यमुपवीती द्विजोत्तमः
nivedya guruve'śnīyādvāgyatastadanujñayā | bhavatpūrvaṃ caredbhaikṣyamupavītī dvijottamaḥ
Sanskrit only: no published translation is held for this verse.
भवन्मध्यं तु राजन्यो वैश्यस्तु भवदुत्तरम् । मातरं वा स्वसारं वा मातुर्वा भगिनीं निजाम्
bhavanmadhyaṃ tu rājanyo vaiśyastu bhavaduttaram | mātaraṃ vā svasāraṃ vā māturvā bhaginīṃ nijām
Sanskrit only: no published translation is held for this verse.
भिक्षेत भिक्षांप्रथमं याचैनं न विमानयेत् । सजातीयगृहेष्वेव सार्ववर्णिकमेव वा
bhikṣeta bhikṣāṃprathamaṃ yācainaṃ na vimānayet | sajātīyagṛheṣveva sārvavarṇikameva vā
Sanskrit only: no published translation is held for this verse.
भैक्ष्यस्याचरणं प्रोक्तं पतिता दिवि वर्जितम् । वेदयज्ञैरहीनानां प्रशस्तानां स्वकर्म्मसु
bhaikṣyasyācaraṇaṃ proktaṃ patitā divi varjitam | vedayajñairahīnānāṃ praśastānāṃ svakarmmasu
Sanskrit only: no published translation is held for this verse.
ब्रह्मचार्य्याहरेद्भैक्ष्यं गृहेभ्यः प्रयतोऽन्वहम् । गुरोः कुले न भिक्षेत न ज्ञातिकुलबंधुषु
brahmacāryyāharedbhaikṣyaṃ gṛhebhyaḥ prayato'nvaham | guroḥ kule na bhikṣeta na jñātikulabaṃdhuṣu
Sanskrit only: no published translation is held for this verse.
अलाभेत्वन्यगेहानां पूर्वं पूर्वं विवर्जयेत् । सर्वं वा विचरेद्ग्रामं पूर्वोक्तानामसंभवे
alābhetvanyagehānāṃ pūrvaṃ pūrvaṃ vivarjayet | sarvaṃ vā vicaredgrāmaṃ pūrvoktānāmasaṃbhave
Sanskrit only: no published translation is held for this verse.
नियम्य प्रयतो वाचं दिशस्त्वनवलोकयन् । समाहृत्य तु भैक्ष्यान्नं यावदर्थममायया
niyamya prayato vācaṃ diśastvanavalokayan | samāhṛtya tu bhaikṣyānnaṃ yāvadarthamamāyayā
Sanskrit only: no published translation is held for this verse.
भुंजीत प्रयतो नित्यं वाग्यतोऽनन्यमानसः । भैक्ष्येण वर्तयेन्नित्यं नैवेकान्नो भवेद्व्रती
bhuṃjīta prayato nityaṃ vāgyato'nanyamānasaḥ | bhaikṣyeṇa vartayennityaṃ naivekānno bhavedvratī
Sanskrit only: no published translation is held for this verse.
भैक्ष्यैण वर्त्तिनो वृत्तिरुपवाससमा स्मृता । पूजयेदशनं नित्यमद्याच्चैनमकुत्सयन्
bhaikṣyaiṇa varttino vṛttirupavāsasamā smṛtā | pūjayedaśanaṃ nityamadyāccainamakutsayan
Sanskrit only: no published translation is held for this verse.
दृष्ट्वा हृष्येत्प्रसीदेच्च प्रतिनंदेच्च सर्वशः । अनारोग्यमनायुष्यमस्वर्ग्यं चातिभोजनम्
dṛṣṭvā hṛṣyetprasīdecca pratinaṃdecca sarvaśaḥ | anārogyamanāyuṣyamasvargyaṃ cātibhojanam
Sanskrit only: no published translation is held for this verse.
अपुण्यं लोकविद्विष्टं तस्मात्तत्परिवर्जयेत् । प्राङ्मुखोऽन्नानि भुंजीत सूर्याभिमुखमेव वा
apuṇyaṃ lokavidviṣṭaṃ tasmāttatparivarjayet | prāṅmukho'nnāni bhuṃjīta sūryābhimukhameva vā
Sanskrit only: no published translation is held for this verse.
नाद्यादुदङ्मुखो नित्यं विधिरेष सनातनः । प्रक्षाल्य पाणिपादौ च भुंजानो द्विरुपस्पृशेत्
nādyādudaṅmukho nityaṃ vidhireṣa sanātanaḥ | prakṣālya pāṇipādau ca bhuṃjāno dvirupaspṛśet
Sanskrit only: no published translation is held for this verse.
शुद्धे देशे समासीनो भुक्त्वा च द्विरुपस्पृशेत्
śuddhe deśe samāsīno bhuktvā ca dvirupaspṛśet
Sanskrit only: no published translation is held for this verse.