Library·Padma Purāṇa·3·3.59
व्यास उवाच- एवं वनाश्रमे स्थित्वा तृतीयं भागमायुषः । चतुर्थं चायुषो भागं संन्यासेन नयेत्क्रमात्
vyāsa uvāca- evaṃ vanāśrame sthitvā tṛtīyaṃ bhāgamāyuṣaḥ | caturthaṃ cāyuṣo bhāgaṃ saṃnyāsena nayetkramāt
Sanskrit only: no published translation is held for this verse.
अग्नीनात्मनि संस्थाप्य द्विजः प्रव्रजितो भवेत् । योगाभ्यासरतः शांतो ब्रह्मविद्यापरायणः
agnīnātmani saṃsthāpya dvijaḥ pravrajito bhavet | yogābhyāsarataḥ śāṃto brahmavidyāparāyaṇaḥ
Sanskrit only: no published translation is held for this verse.
यदा मनसि संपन्नं वैराग्यं सर्ववस्तुषु । तदा संन्यासमिच्छेच्च पतितः स्याद्विपर्यये
yadā manasi saṃpannaṃ vairāgyaṃ sarvavastuṣu | tadā saṃnyāsamicchecca patitaḥ syādviparyaye
Sanskrit only: no published translation is held for this verse.
प्राजापत्यां निरूप्येष्टिमाग्नेयीमथवा पुनः । दांतः शुक्लकषायोसौ ब्रह्माश्रममुपाश्रयेत्
prājāpatyāṃ nirūpyeṣṭimāgneyīmathavā punaḥ | dāṃtaḥ śuklakaṣāyosau brahmāśramamupāśrayet
Sanskrit only: no published translation is held for this verse.
ज्ञानसंन्यासिनः केचिद्वेदसंन्यासिनोऽपरे । कर्मसंन्यासिनस्त्वन्ये त्रिविधाः परिकीर्तिताः
jñānasaṃnyāsinaḥ kecidvedasaṃnyāsino'pare | karmasaṃnyāsinastvanye trividhāḥ parikīrtitāḥ
Sanskrit only: no published translation is held for this verse.
यः सर्वत्र विनिर्मुक्तो निर्द्वंद्वश्चैव निर्भयः । प्रोच्यते ज्ञानसंन्यासी आत्मन्येव व्यवस्थितः
yaḥ sarvatra vinirmukto nirdvaṃdvaścaiva nirbhayaḥ | procyate jñānasaṃnyāsī ātmanyeva vyavasthitaḥ
Sanskrit only: no published translation is held for this verse.
वेदमेवाभ्यसेन्नित्यं निराशीर्निष्परिग्रहः । प्रोच्यते वेदसंन्यासी मुमुक्षुर्विजितेंद्रियः
vedamevābhyasennityaṃ nirāśīrniṣparigrahaḥ | procyate vedasaṃnyāsī mumukṣurvijiteṃdriyaḥ
Sanskrit only: no published translation is held for this verse.
यस्त्वग्निमात्मसाकृत्वा ब्रह्मार्पणपरो द्विजः । ज्ञेयः स कर्मसंन्यासी महायज्ञपरायणः
yastvagnimātmasākṛtvā brahmārpaṇaparo dvijaḥ | jñeyaḥ sa karmasaṃnyāsī mahāyajñaparāyaṇaḥ
Sanskrit only: no published translation is held for this verse.
त्रयाणामपि चैतेषां ज्ञानी त्वभ्यधिको मतः । न तस्य विद्यते कार्यं न लिंगं वा विपश्चितः
trayāṇāmapi caiteṣāṃ jñānī tvabhyadhiko mataḥ | na tasya vidyate kāryaṃ na liṃgaṃ vā vipaścitaḥ
Sanskrit only: no published translation is held for this verse.
निर्ममो निर्भयः शांतो निर्द्वंद्वः पर्णभोजनः । जीर्णकौपीनवासाः स्यान्नग्नो वा ध्यानतत्परः
nirmamo nirbhayaḥ śāṃto nirdvaṃdvaḥ parṇabhojanaḥ | jīrṇakaupīnavāsāḥ syānnagno vā dhyānatatparaḥ
Sanskrit only: no published translation is held for this verse.
ब्रह्मचारी जिताहारो ग्रामादन्नं समाहरेत् । अध्यात्मरतिरासीत निरपेक्षो निराशिषः
brahmacārī jitāhāro grāmādannaṃ samāharet | adhyātmaratirāsīta nirapekṣo nirāśiṣaḥ
Sanskrit only: no published translation is held for this verse.
आत्मनैव सहायेन सुखार्थं विचरेदिह । नाभिनंदेत मरणं नाभिनंदेत जीवनम्
ātmanaiva sahāyena sukhārthaṃ vicarediha | nābhinaṃdeta maraṇaṃ nābhinaṃdeta jīvanam
Sanskrit only: no published translation is held for this verse.
कालमेव प्रतीक्षेत निर्देशं भृतको यथा । नाध्येतव्यं न वर्तव्यं श्रोतव्यं न कदाचन
kālameva pratīkṣeta nirdeśaṃ bhṛtako yathā | nādhyetavyaṃ na vartavyaṃ śrotavyaṃ na kadācana
Sanskrit only: no published translation is held for this verse.
एवं ज्ञानपरो योगी ब्रह्मभूयाय कल्पते । एकवासाथ वा विद्वान्कौपीनाच्छादनोपि वा
evaṃ jñānaparo yogī brahmabhūyāya kalpate | ekavāsātha vā vidvānkaupīnācchādanopi vā
Sanskrit only: no published translation is held for this verse.
मुंडी शिखी वाथ भवेत्त्रिदंडी निष्परिग्रहः । काषायवासाः सततं ध्यानयोगपरायणः
muṃḍī śikhī vātha bhavettridaṃḍī niṣparigrahaḥ | kāṣāyavāsāḥ satataṃ dhyānayogaparāyaṇaḥ
Sanskrit only: no published translation is held for this verse.
ग्रामांते वृक्षमूले वा वसेद्देवालयेपि वा । समः शत्रौ तथा मित्रे तथा मानापमानयोः
grāmāṃte vṛkṣamūle vā vaseddevālayepi vā | samaḥ śatrau tathā mitre tathā mānāpamānayoḥ
Sanskrit only: no published translation is held for this verse.
भैक्ष्येण वर्तयेन्नित्यं नैकान्नादी भवेत्क्वच्चित् । यस्तु मोहेन वान्यस्मादेकान्नादी भवेद्यतिः
bhaikṣyeṇa vartayennityaṃ naikānnādī bhavetkvaccit | yastu mohena vānyasmādekānnādī bhavedyatiḥ
Sanskrit only: no published translation is held for this verse.
न तस्य निष्कृतिः काचिद्धर्मशास्त्रेषु दृश्यते । रागद्वेषवियुक्तात्मा समलोष्टाश्मकांचनः
na tasya niṣkṛtiḥ kāciddharmaśāstreṣu dṛśyate | rāgadveṣaviyuktātmā samaloṣṭāśmakāṃcanaḥ
Sanskrit only: no published translation is held for this verse.
प्राणिहिंसानिवृत्तश्च मौनी स्यात्सर्वनिस्पृहः । दृष्टिपूतं न्यसेत्पादं वस्त्रपूतं जलं पिबेत्
prāṇihiṃsānivṛttaśca maunī syātsarvanispṛhaḥ | dṛṣṭipūtaṃ nyasetpādaṃ vastrapūtaṃ jalaṃ pibet
Sanskrit only: no published translation is held for this verse.
सत्यपूतां वदेद्वाणीं मनःपूतं समाचरेत् । नैकत्र निवसेद्देशे वर्षाभ्योन्यत्र भिक्षुकः
satyapūtāṃ vadedvāṇīṃ manaḥpūtaṃ samācaret | naikatra nivaseddeśe varṣābhyonyatra bhikṣukaḥ
Sanskrit only: no published translation is held for this verse.
स्नात्वा शौचयुतो नित्यं कमंडलुकरः शुचिः । ब्रह्मचर्यरतो नित्यं वनवासरतो भवेत्
snātvā śaucayuto nityaṃ kamaṃḍalukaraḥ śuciḥ | brahmacaryarato nityaṃ vanavāsarato bhavet
Sanskrit only: no published translation is held for this verse.
मोक्षशास्त्रेषु निरतो ब्रह्मसूत्री जितेंद्रियः । दंभाहंकारनिर्मुक्तो निंदापैशुन्यवर्जितः
mokṣaśāstreṣu nirato brahmasūtrī jiteṃdriyaḥ | daṃbhāhaṃkāranirmukto niṃdāpaiśunyavarjitaḥ
Sanskrit only: no published translation is held for this verse.
आत्मज्ञानगुणोपेतो यदि मोक्षमवाप्नुयात् । अभ्यसेत्सततं देवं प्रणवाख्यं सनातनम्
ātmajñānaguṇopeto yadi mokṣamavāpnuyāt | abhyasetsatataṃ devaṃ praṇavākhyaṃ sanātanam
Sanskrit only: no published translation is held for this verse.
स्नात्वाचम्य विधानेन शुचिर्देवालयादिषु । यज्ञोपवीती शांतात्मा कुशपाणिः समाहितः
snātvācamya vidhānena śucirdevālayādiṣu | yajñopavītī śāṃtātmā kuśapāṇiḥ samāhitaḥ
Sanskrit only: no published translation is held for this verse.
धौतकाषायवसनो तस्मिञ्छन्नतनूरुहः । अधियज्ञं ब्रह्मजपेदाधिदैविकमेव च
dhautakāṣāyavasano tasmiñchannatanūruhaḥ | adhiyajñaṃ brahmajapedādhidaivikameva ca
Sanskrit only: no published translation is held for this verse.
आध्यात्मिकं च सततं वेदान्ताभिहितं च यत् । पुत्रेषु चाथ निवसन्ब्रह्मचारी यतिर्मुनिः
ādhyātmikaṃ ca satataṃ vedāntābhihitaṃ ca yat | putreṣu cātha nivasanbrahmacārī yatirmuniḥ
Sanskrit only: no published translation is held for this verse.
वेदमेवाभ्यसेन्नित्यं स याति परमां गतिम् । अहिंसासत्यमस्तेयं ब्रह्मचर्यं तपः परम्
vedamevābhyasennityaṃ sa yāti paramāṃ gatim | ahiṃsāsatyamasteyaṃ brahmacaryaṃ tapaḥ param
Sanskrit only: no published translation is held for this verse.
क्षमादया च संतोषो व्रतान्यस्य विशेषतः । वेदांतज्ञाननिष्ठो वा पंचयज्ञान्समाहितः
kṣamādayā ca saṃtoṣo vratānyasya viśeṣataḥ | vedāṃtajñānaniṣṭho vā paṃcayajñānsamāhitaḥ
Sanskrit only: no published translation is held for this verse.
कुर्य्यादहरहः स्नात्वा भिक्षार्थे नैव तेन हि । होममंत्रान्जपेन्नित्यं कालेकाले समाहितः
kuryyādaharahaḥ snātvā bhikṣārthe naiva tena hi | homamaṃtrānjapennityaṃ kālekāle samāhitaḥ
Sanskrit only: no published translation is held for this verse.
स्वाध्यायं चान्वहं कुर्य्यात्सावित्रीं संध्ययोर्जपेत् । ध्यायीत सततं देवमेकांतं परमेश्वरम्
svādhyāyaṃ cānvahaṃ kuryyātsāvitrīṃ saṃdhyayorjapet | dhyāyīta satataṃ devamekāṃtaṃ parameśvaram
Sanskrit only: no published translation is held for this verse.
एकान्नं वर्जयेन्नित्यं कामं क्रोधं परिग्रहम् । एकवासा द्विवासा वा शिखी यज्ञोपवीतवान् । कमंडलुकरो विद्वांस्त्रिदंडो याति तत्परम्
ekānnaṃ varjayennityaṃ kāmaṃ krodhaṃ parigraham | ekavāsā dvivāsā vā śikhī yajñopavītavān | kamaṃḍalukaro vidvāṃstridaṃḍo yāti tatparam
Sanskrit only: no published translation is held for this verse.
इति श्रीपाद्मे महापुराणे स्वर्गखंडे यतिधर्मनिरूपणं नामैकोनषष्टितमोऽध्यायः
iti śrīpādme mahāpurāṇe svargakhaṃḍe yatidharmanirūpaṇaṃ nāmaikonaṣaṣṭitamo'dhyāyaḥ
Sanskrit only: no published translation is held for this verse.