सूत उवाच- एवमुक्ता पुरा विप्रा व्यासेनामिततेजसा । एतावदुक्त्वा भगवान्व्यासः सत्यवतीसुतः
sūta uvāca- evamuktā purā viprā vyāsenāmitatejasā | etāvaduktvā bhagavānvyāsaḥ satyavatīsutaḥ
Sanskrit only: no published translation is held for this verse.
Library·Padma Purāṇa·3·3.61
Padma Purāṇa 3.61
समाश्वास्य मुनीन्सर्वान्जगाम च यथागतम् । भवद्भ्यस्तु मया प्रोक्तं वर्णाश्रमविधानकम्
samāśvāsya munīnsarvānjagāma ca yathāgatam | bhavadbhyastu mayā proktaṃ varṇāśramavidhānakam
Sanskrit only: no published translation is held for this verse.
एवं कृत्वा प्रियो विष्णोर्भवत्येव न चान्यथा । रहस्यं तत्र वक्ष्यामि शृणुत द्विजसत्तमाः
evaṃ kṛtvā priyo viṣṇorbhavatyeva na cānyathā | rahasyaṃ tatra vakṣyāmi śṛṇuta dvijasattamāḥ
Sanskrit only: no published translation is held for this verse.
ये चात्र कथिता धर्मा वर्णाश्रमनिबंधनाः । हरिभक्तिकलांशांश समाना न हि ते द्विजाः
ye cātra kathitā dharmā varṇāśramanibaṃdhanāḥ | haribhaktikalāṃśāṃśa samānā na hi te dvijāḥ
Sanskrit only: no published translation is held for this verse.
पुंसामेकेह वै साध्या हरिभक्तिः कलौ युगे । युगांतरेण धर्मा हि सेवितव्या नरेण हि
puṃsāmekeha vai sādhyā haribhaktiḥ kalau yuge | yugāṃtareṇa dharmā hi sevitavyā nareṇa hi
Sanskrit only: no published translation is held for this verse.
कलौ नारायणं देवं यजते यः स धर्म्मभाक् । दामोदरं हृषीकेशं पुरुहूतं सनातनम्
kalau nārāyaṇaṃ devaṃ yajate yaḥ sa dharmmabhāk | dāmodaraṃ hṛṣīkeśaṃ puruhūtaṃ sanātanam
Sanskrit only: no published translation is held for this verse.
हृदि कृत्वा परं शांतं जितमेव जगत्त्रयम् । कलिकालोरगादंशात्किल्बिषात्कालकूटतः
hṛdi kṛtvā paraṃ śāṃtaṃ jitameva jagattrayam | kalikāloragādaṃśātkilbiṣātkālakūṭataḥ
Sanskrit only: no published translation is held for this verse.
हरिभक्तिसुधां पीत्वा उल्लंघ्यो भवति द्विजः । किं जपैः श्रीहरेर्नाम गृहीतं यदि मानुषैः
haribhaktisudhāṃ pītvā ullaṃghyo bhavati dvijaḥ | kiṃ japaiḥ śrīharernāma gṛhītaṃ yadi mānuṣaiḥ
Sanskrit only: no published translation is held for this verse.
किं स्नानैर्विष्णुपादांबु मस्तके येन धार्यते । किं यज्ञेन हरेः पादपद्मं येन धृतं हृदि
kiṃ snānairviṣṇupādāṃbu mastake yena dhāryate | kiṃ yajñena hareḥ pādapadmaṃ yena dhṛtaṃ hṛdi
Sanskrit only: no published translation is held for this verse.
किं दानेन हरेः कर्म सभायां वै प्रकाशितम् । हरेर्गुणगणान्श्रुत्वा यः प्रहृष्येत्पुनः पुनः
kiṃ dānena hareḥ karma sabhāyāṃ vai prakāśitam | harerguṇagaṇānśrutvā yaḥ prahṛṣyetpunaḥ punaḥ
Sanskrit only: no published translation is held for this verse.
समाधिना प्रहृष्टस्य सा गतिः कृष्णचेतसः । तत्र विघ्नकराः प्रोक्ताः पाखंडालापपेशलाः
samādhinā prahṛṣṭasya sā gatiḥ kṛṣṇacetasaḥ | tatra vighnakarāḥ proktāḥ pākhaṃḍālāpapeśalāḥ
Sanskrit only: no published translation is held for this verse.
नार्यस्तत्संगिनश्चापि हरिभक्तिविघातकाः । नारीणां नयनादेशः सुराणामपि दुर्जयः
nāryastatsaṃginaścāpi haribhaktivighātakāḥ | nārīṇāṃ nayanādeśaḥ surāṇāmapi durjayaḥ
Sanskrit only: no published translation is held for this verse.
स येन विजितो लोके हरिभक्तः स उच्यते । माद्यंति मुनयोप्यत्र नारीचरितलोलुपाः
sa yena vijito loke haribhaktaḥ sa ucyate | mādyaṃti munayopyatra nārīcaritalolupāḥ
Sanskrit only: no published translation is held for this verse.
हरिभक्तिः कुतः पुंसां नारीभक्तिजुषां द्विजाः । राक्षस्यः कामिनीवेषाश्चरंति जगति द्विजाः । नराणां बुद्धिकवलं कुर्वंति सततं हिताः
haribhaktiḥ kutaḥ puṃsāṃ nārībhaktijuṣāṃ dvijāḥ | rākṣasyaḥ kāminīveṣāścaraṃti jagati dvijāḥ | narāṇāṃ buddhikavalaṃ kurvaṃti satataṃ hitāḥ
Sanskrit only: no published translation is held for this verse.
तावद्विद्या प्रभवति तावज्ज्ञानं प्रवर्तते । तावत्सुनिर्मला मेधा सर्वशास्त्रविधारिणी
tāvadvidyā prabhavati tāvajjñānaṃ pravartate | tāvatsunirmalā medhā sarvaśāstravidhāriṇī
Sanskrit only: no published translation is held for this verse.
तावज्जपस्तपस्तावत्तावतीर्थनिषेवणम् । तावच्च गुरुशुश्रूषा तावद्धि तरणे मतिः
tāvajjapastapastāvattāvatīrthaniṣevaṇam | tāvacca guruśuśrūṣā tāvaddhi taraṇe matiḥ
Sanskrit only: no published translation is held for this verse.
तावत्प्रबोधो भवति विवेकस्तावदेव हि । तावत्सतां संगरुचिस्तावत्पौराणलालसा
tāvatprabodho bhavati vivekastāvadeva hi | tāvatsatāṃ saṃgarucistāvatpaurāṇalālasā
Sanskrit only: no published translation is held for this verse.
यावत्सीमंतिनी लोलनयनांदोलनं नहि । जनोपरि पतेद्विप्राः सर्वधर्मविलोपनम्
yāvatsīmaṃtinī lolanayanāṃdolanaṃ nahi | janopari patedviprāḥ sarvadharmavilopanam
Sanskrit only: no published translation is held for this verse.
तत्र ये हरिपादाब्जमधुलेशप्रसादिताः । तेषां न नारीलोलाक्षिक्षेपणं हि प्रभुर्भवेत्
tatra ye haripādābjamadhuleśaprasāditāḥ | teṣāṃ na nārīlolākṣikṣepaṇaṃ hi prabhurbhavet
Sanskrit only: no published translation is held for this verse.
जन्मजन्म हृषीकेश सेवनं यैः कृतं द्विजाः । द्विजे दत्तं हुतं वह्नौ विरतिस्तत्र तत्र हि
janmajanma hṛṣīkeśa sevanaṃ yaiḥ kṛtaṃ dvijāḥ | dvije dattaṃ hutaṃ vahnau viratistatra tatra hi
Sanskrit only: no published translation is held for this verse.
नारीणां किल किं नाम सौंदर्य्यं परिचक्षते । भूषणानां च वस्त्राणां चाकचक्यं तदुच्यते
nārīṇāṃ kila kiṃ nāma sauṃdaryyaṃ paricakṣate | bhūṣaṇānāṃ ca vastrāṇāṃ cākacakyaṃ taducyate
Sanskrit only: no published translation is held for this verse.
स्नेहात्मज्ञानरहितं नारीरूपं कुतः स्मृतम् । पूयमूत्रपुरीषासृक्त्वङ्मेदोस्थिवसान्वितम्
snehātmajñānarahitaṃ nārīrūpaṃ kutaḥ smṛtam | pūyamūtrapurīṣāsṛktvaṅmedosthivasānvitam
Sanskrit only: no published translation is held for this verse.
कलेवरं हि तन्नाम कुतः सौंदर्य्यमत्र हि । तदेवं पृथगाचिंत्य स्पृष्ट्वा स्नात्वा शुचिर्भवेत्
kalevaraṃ hi tannāma kutaḥ sauṃdaryyamatra hi | tadevaṃ pṛthagāciṃtya spṛṣṭvā snātvā śucirbhavet
Sanskrit only: no published translation is held for this verse.
तैः संहितं शंरीरं हि दृश्यते सुंदरं जनैः । अहोतिदुर्दशा नॄणां दुर्दैव घटिता द्विजाः
taiḥ saṃhitaṃ śaṃrīraṃ hi dṛśyate suṃdaraṃ janaiḥ | ahotidurdaśā nṝṇāṃ durdaiva ghaṭitā dvijāḥ
Sanskrit only: no published translation is held for this verse.
कुचावृतेंगे पुरुषो नारी बुद्ध्वा प्रवर्त्तते । का नारी वा पुमान्को वा विचारे सति किंचन
kucāvṛteṃge puruṣo nārī buddhvā pravarttate | kā nārī vā pumānko vā vicāre sati kiṃcana
Sanskrit only: no published translation is held for this verse.
तस्मात्सर्वात्मना साधुर्नारीसंगं विवर्जयेत् । को नाम नारीमासाद्य सिद्धिं प्राप्नोति भूतले
tasmātsarvātmanā sādhurnārīsaṃgaṃ vivarjayet | ko nāma nārīmāsādya siddhiṃ prāpnoti bhūtale
Sanskrit only: no published translation is held for this verse.
कामिनी कामिनीसंगि संगमित्यपि संत्यजेत् । तत्संगाद्रौरवमिति साक्षादेव प्रतीयते
kāminī kāminīsaṃgi saṃgamityapi saṃtyajet | tatsaṃgādrauravamiti sākṣādeva pratīyate
Sanskrit only: no published translation is held for this verse.
अज्ञानाल्लोलुपा लोकास्तत्र दैवेन वंचिताः । साक्षान्नरककुंडेस्मिन्नारीयोनौ पचेन्नरः
ajñānāllolupā lokāstatra daivena vaṃcitāḥ | sākṣānnarakakuṃḍesminnārīyonau pacennaraḥ
Sanskrit only: no published translation is held for this verse.
यत एवागतः पृथ्व्यां तस्मिन्नेव पुना रमेत् । यतः प्रसरते नित्यं मूत्रं रेतो मलोत्थितम्
yata evāgataḥ pṛthvyāṃ tasminneva punā ramet | yataḥ prasarate nityaṃ mūtraṃ reto malotthitam
Sanskrit only: no published translation is held for this verse.
तत्रैव रमते लोकः कस्तस्मादशुचिर्भवेत् । तत्रातिकष्टं लोकेस्मिन्नहो दैवविडंबना
tatraiva ramate lokaḥ kastasmādaśucirbhavet | tatrātikaṣṭaṃ lokesminnaho daivaviḍaṃbanā
Sanskrit only: no published translation is held for this verse.
पुनः पुना रमेत्तत्र अहो निस्त्रपता नृणाम् । तस्माद्विचारयेद्धीमान्नारीदोषगणान्बहून्
punaḥ punā ramettatra aho nistrapatā nṛṇām | tasmādvicārayeddhīmānnārīdoṣagaṇānbahūn
Sanskrit only: no published translation is held for this verse.
मैथुनाद्बलहानिः स्यान्निद्राति तरुणायते । निद्रयापहृतज्ञानः स्वल्पायुर्जायते नरः
maithunādbalahāniḥ syānnidrāti taruṇāyate | nidrayāpahṛtajñānaḥ svalpāyurjāyate naraḥ
Sanskrit only: no published translation is held for this verse.
तस्मात्प्रयत्नतो धीमान्नारीं मृत्युमिवात्मनः । पश्येद्गोविंदपादाब्जे मनो वै रमयेद्बुधः
tasmātprayatnato dhīmānnārīṃ mṛtyumivātmanaḥ | paśyedgoviṃdapādābje mano vai ramayedbudhaḥ
Sanskrit only: no published translation is held for this verse.
इहामुत्र सुखं तद्धि गोविंदपदसेवनम् । विहाय को महामूढो नारीपादं हि सेवते
ihāmutra sukhaṃ taddhi goviṃdapadasevanam | vihāya ko mahāmūḍho nārīpādaṃ hi sevate
Sanskrit only: no published translation is held for this verse.
जनार्द्दनांघ्रिसेवा हि ह्यपुनर्भवदायिनी । नारीणां योनिसेवा हि योनिसंकटकारिणी
janārddanāṃghrisevā hi hyapunarbhavadāyinī | nārīṇāṃ yonisevā hi yonisaṃkaṭakāriṇī
Sanskrit only: no published translation is held for this verse.
पुनःपुनः पतेद्योनौ यंत्रनिष्पाचितो यथा । पुनस्तामेवाभिलषेद्विद्यादस्य विडंबनम्
punaḥpunaḥ patedyonau yaṃtraniṣpācito yathā | punastāmevābhilaṣedvidyādasya viḍaṃbanam
Sanskrit only: no published translation is held for this verse.
ऊर्ध्वबाहुरहं वच्मि शृणु मे परमं वचः । गोविंदे धेहि हृदयं न योनौ यातनाजुषि
ūrdhvabāhurahaṃ vacmi śṛṇu me paramaṃ vacaḥ | goviṃde dhehi hṛdayaṃ na yonau yātanājuṣi
Sanskrit only: no published translation is held for this verse.
नारीसंगं परित्यज्य यश्चापि परिवर्त्तते । पदेपदेश्वमेधस्य फलमाप्नोति मानवः
nārīsaṃgaṃ parityajya yaścāpi parivarttate | padepadeśvamedhasya phalamāpnoti mānavaḥ
Sanskrit only: no published translation is held for this verse.
कुलांगना दैवयोगादूढा यदि नृणां सती । पुत्रमुत्पाद्य यस्तत्र तत्संगं परिवर्जयेत्
kulāṃganā daivayogādūḍhā yadi nṛṇāṃ satī | putramutpādya yastatra tatsaṃgaṃ parivarjayet
Sanskrit only: no published translation is held for this verse.
तस्य तुष्टो जगन्नाथो भवत्येव न संशयः । नारीसंगो हि धर्मज्ञैरसत्संगः प्रकीर्त्यते
tasya tuṣṭo jagannātho bhavatyeva na saṃśayaḥ | nārīsaṃgo hi dharmajñairasatsaṃgaḥ prakīrtyate
Sanskrit only: no published translation is held for this verse.
तस्मिन्सति हरौ भक्तिः सुदृढा नैव जायते । सर्वसंगं परित्यज्य हरौ भक्तिं समाचरेत्
tasminsati harau bhaktiḥ sudṛḍhā naiva jāyate | sarvasaṃgaṃ parityajya harau bhaktiṃ samācaret
Sanskrit only: no published translation is held for this verse.
हरिभक्तिश्च लोकेत्र दुर्ल्लभा हि मता मम । हरौ यस्य भवेद्भक्तिः स कृतार्थो न संशयः
haribhaktiśca loketra durllabhā hi matā mama | harau yasya bhavedbhaktiḥ sa kṛtārtho na saṃśayaḥ
Sanskrit only: no published translation is held for this verse.
तत्तदेवाचरेत्कर्म हरिः प्रीणाति येन हि । तस्मिंस्तुष्टे जगत्तुष्टं प्रीणिते प्रीणितं जगत्
tattadevācaretkarma hariḥ prīṇāti yena hi | tasmiṃstuṣṭe jagattuṣṭaṃ prīṇite prīṇitaṃ jagat
Sanskrit only: no published translation is held for this verse.
हरौ भक्तिं विना नॄणां वृथा जन्म प्रकीर्तितम् । ब्रह्मेशादि सुरा यस्य यजंते प्रीतिहेतवे
harau bhaktiṃ vinā nṝṇāṃ vṛthā janma prakīrtitam | brahmeśādi surā yasya yajaṃte prītihetave
Sanskrit only: no published translation is held for this verse.
नारायणमनाव्यक्तं न तं सेवेत को जनः । तस्य माता महाभागा पिता तस्य महाकृती
nārāyaṇamanāvyaktaṃ na taṃ seveta ko janaḥ | tasya mātā mahābhāgā pitā tasya mahākṛtī
Sanskrit only: no published translation is held for this verse.
जनार्द्दनपदद्वंद्वं हृदये येन धार्यते । जनार्दनजगद्वंद्य शरणागतवत्सल
janārddanapadadvaṃdvaṃ hṛdaye yena dhāryate | janārdanajagadvaṃdya śaraṇāgatavatsala
Sanskrit only: no published translation is held for this verse.
इतीरयंति ये मर्त्या न तेषां निरये गतिः । ब्राह्मणा हि विशेषेण प्रत्यक्षं हरिरूपिणः
itīrayaṃti ye martyā na teṣāṃ niraye gatiḥ | brāhmaṇā hi viśeṣeṇa pratyakṣaṃ harirūpiṇaḥ
Sanskrit only: no published translation is held for this verse.
पूजयेयुर्यथायोगं हरिस्तेषां प्रसीदति । विष्णुर्ब्राह्मणरूपेण विचरेत्पृथिवीमिमाम्
pūjayeyuryathāyogaṃ haristeṣāṃ prasīdati | viṣṇurbrāhmaṇarūpeṇa vicaretpṛthivīmimām
Sanskrit only: no published translation is held for this verse.
ब्राह्मणेन विना कर्म्म सिद्धिं प्राप्नोति नैव हि । द्विजपादांबुभक्त्या यैः पीत्वा शिरसि चार्पितम्
brāhmaṇena vinā karmma siddhiṃ prāpnoti naiva hi | dvijapādāṃbubhaktyā yaiḥ pītvā śirasi cārpitam
Sanskrit only: no published translation is held for this verse.
तर्पिता पितरस्तेन आत्मापि किल तारितः । ब्राह्मणानां मुखे येन दत्तं मधुरमर्चितम्
tarpitā pitarastena ātmāpi kila tāritaḥ | brāhmaṇānāṃ mukhe yena dattaṃ madhuramarcitam
Sanskrit only: no published translation is held for this verse.
साक्षात्कृष्णमुखे दत्तं तद्वै भुंक्ते हरिः स्वयम् । अहोतिदुर्ल्लभा लोका प्रत्यक्षे केशवे द्विजे
sākṣātkṛṣṇamukhe dattaṃ tadvai bhuṃkte hariḥ svayam | ahotidurllabhā lokā pratyakṣe keśave dvije
Sanskrit only: no published translation is held for this verse.
प्रतिमादिषु सेवंते तदभावे हि तत्क्रिया । ब्राह्मणानामधिष्ठानात्पृथ्वी धन्येति गीयते
pratimādiṣu sevaṃte tadabhāve hi tatkriyā | brāhmaṇānāmadhiṣṭhānātpṛthvī dhanyeti gīyate
Sanskrit only: no published translation is held for this verse.
तेषां पाणौ च यद्दत्तं हरिपाणौ तदर्पितम् । तेभ्यः कृतान्नमस्कारात्तिरस्कारो हि पाप्मताम्
teṣāṃ pāṇau ca yaddattaṃ haripāṇau tadarpitam | tebhyaḥ kṛtānnamaskārāttiraskāro hi pāpmatām
Sanskrit only: no published translation is held for this verse.
मुच्यते ब्रह्महत्यादि पापेभ्यो विप्रवंदनात् । तस्मात्सतां समाराध्यो ब्राह्मणो विष्णुबुद्धितः
mucyate brahmahatyādi pāpebhyo vipravaṃdanāt | tasmātsatāṃ samārādhyo brāhmaṇo viṣṇubuddhitaḥ
Sanskrit only: no published translation is held for this verse.
क्षुधितस्य द्विजस्यास्ये यत्किंचिद्दीयते यदि । प्रेत्य पीपूषधाराभिः सिंचते कल्पकोटिकम्
kṣudhitasya dvijasyāsye yatkiṃciddīyate yadi | pretya pīpūṣadhārābhiḥ siṃcate kalpakoṭikam
Sanskrit only: no published translation is held for this verse.
द्विजतुंडं महाक्षेत्रमनूषरमकंटकम् । तत्र चेदुप्यते किंचित्कोटिकोटिफलं लभेत्
dvijatuṃḍaṃ mahākṣetramanūṣaramakaṃṭakam | tatra cedupyate kiṃcitkoṭikoṭiphalaṃ labhet
Sanskrit only: no published translation is held for this verse.
सघृतं भोजनं चास्मै दत्त्वा कल्पं स मोदते । नानासुमिष्टमन्नं यो ददाति द्विजतुष्टये
saghṛtaṃ bhojanaṃ cāsmai dattvā kalpaṃ sa modate | nānāsumiṣṭamannaṃ yo dadāti dvijatuṣṭaye
Sanskrit only: no published translation is held for this verse.
तस्य लोका महाभोगाः कोटिकल्पांतमुक्तिदाः । ब्राह्मणं च पुरस्कृत्य ब्राह्मणेनानुकीर्तितम्
tasya lokā mahābhogāḥ koṭikalpāṃtamuktidāḥ | brāhmaṇaṃ ca puraskṛtya brāhmaṇenānukīrtitam
Sanskrit only: no published translation is held for this verse.
पुराणं शृणुयान्नित्यं महापापदवानलम् । पुराणं सर्वतीर्थेषु तीर्थं चाधिकमुच्यते
purāṇaṃ śṛṇuyānnityaṃ mahāpāpadavānalam | purāṇaṃ sarvatīrtheṣu tīrthaṃ cādhikamucyate
Sanskrit only: no published translation is held for this verse.
यस्यैकपादश्रवणाद्धरिरेव प्रसीदति । यथा सूर्यवपुर्भूत्वा प्रकाशाय चरेद्धरिः
yasyaikapādaśravaṇāddharireva prasīdati | yathā sūryavapurbhūtvā prakāśāya careddhariḥ
Sanskrit only: no published translation is held for this verse.
सर्वेषां जगतामेव हरिरालोकहेतवे । तथैवांतःप्रकाशाय पुराणावयवो हरिः
sarveṣāṃ jagatāmeva harirālokahetave | tathaivāṃtaḥprakāśāya purāṇāvayavo hariḥ
Sanskrit only: no published translation is held for this verse.
विचरेदिह भूतेषु पुराणं पावनं परम् । तस्माद्यदि हरेः प्रीतेरुत्पादे धीयते मतिः
vicarediha bhūteṣu purāṇaṃ pāvanaṃ param | tasmādyadi hareḥ prīterutpāde dhīyate matiḥ
Sanskrit only: no published translation is held for this verse.
श्रोतव्यमनिशं पुंभिः पुराणं कृष्णरूपिणम् । विष्णुभक्तेन शांतेन श्रोतव्यमपि दुर्लभम्
śrotavyamaniśaṃ puṃbhiḥ purāṇaṃ kṛṣṇarūpiṇam | viṣṇubhaktena śāṃtena śrotavyamapi durlabham
Sanskrit only: no published translation is held for this verse.
पुराणाख्यानममलममलीकरणं परम् । यस्मिन्वेदार्थमाहृत्य हरिणा व्यासरूपिणा
purāṇākhyānamamalamamalīkaraṇaṃ param | yasminvedārthamāhṛtya hariṇā vyāsarūpiṇā
Sanskrit only: no published translation is held for this verse.
पुराणं निर्मितं विप्र तस्मात्तत्परमो भवेत् । पुराणे निश्चितो धर्मो धर्मश्च केशवः स्वयम्
purāṇaṃ nirmitaṃ vipra tasmāttatparamo bhavet | purāṇe niścito dharmo dharmaśca keśavaḥ svayam
Sanskrit only: no published translation is held for this verse.
तस्मात्कृते पुराणे हि श्रुते विष्णुर्भवेदिति । साक्षात्स्वयं हरिर्विप्रः पुराणं च तथाविधम्
tasmātkṛte purāṇe hi śrute viṣṇurbhavediti | sākṣātsvayaṃ harirvipraḥ purāṇaṃ ca tathāvidham
Sanskrit only: no published translation is held for this verse.
एतयोः संगमासाद्य हरिरेव भेवन्नरः । तथा गंगांबुसेकेन नाशयेत्किल्बिषं स्वकम्
etayoḥ saṃgamāsādya harireva bhevannaraḥ | tathā gaṃgāṃbusekena nāśayetkilbiṣaṃ svakam
Sanskrit only: no published translation is held for this verse.
केशवो द्रवरूपेण पापात्तारयते महीम् । वैष्णवो विष्णुभजनस्याकांक्षी यदि वर्तते
keśavo dravarūpeṇa pāpāttārayate mahīm | vaiṣṇavo viṣṇubhajanasyākāṃkṣī yadi vartate
Sanskrit only: no published translation is held for this verse.
गंगांबुसेकममलममलीकरणं चरेत् । विष्णुभक्तिप्रदा देवी गंगा भुवि च गीयते
gaṃgāṃbusekamamalamamalīkaraṇaṃ caret | viṣṇubhaktipradā devī gaṃgā bhuvi ca gīyate
Sanskrit only: no published translation is held for this verse.
विष्णुरूपा हि सा गंगा लोकविस्तारकारिणी
viṣṇurūpā hi sā gaṃgā lokavistārakāriṇī
Sanskrit only: no published translation is held for this verse.
ब्राह्मणेषु पुराणेषु गंगायां गोषु पिप्पले । नारायणधिया पुंभिर्भक्तिः कार्या ह्यहैतुकी
brāhmaṇeṣu purāṇeṣu gaṃgāyāṃ goṣu pippale | nārāyaṇadhiyā puṃbhirbhaktiḥ kāryā hyahaitukī
Sanskrit only: no published translation is held for this verse.
प्रत्यक्षविष्णुरूपा हि तत्वज्ञैर्निश्चिता अमी । तस्मात्सततमभ्यर्च्या विष्णुभक्त्यभिलाषिणा
pratyakṣaviṣṇurūpā hi tatvajñairniścitā amī | tasmātsatatamabhyarcyā viṣṇubhaktyabhilāṣiṇā
Sanskrit only: no published translation is held for this verse.
विष्णौ भक्तिं विना नॄणां निष्फलं जन्म उच्यते । कलिकालपयोराशिं पापग्राहसमाकुलम्
viṣṇau bhaktiṃ vinā nṝṇāṃ niṣphalaṃ janma ucyate | kalikālapayorāśiṃ pāpagrāhasamākulam
Sanskrit only: no published translation is held for this verse.
विषयामज्जनावर्तं दुर्बोधफेनिलं परम् । महादुष्टजनव्याल महाभीमं भयानकम्
viṣayāmajjanāvartaṃ durbodhaphenilaṃ param | mahāduṣṭajanavyāla mahābhīmaṃ bhayānakam
Sanskrit only: no published translation is held for this verse.
दुस्तरं च तरंत्येव हरिभक्तितरि स्थिताः । तस्माद्यतेत वै लोको विष्णुभक्तिप्रसाधने
dustaraṃ ca taraṃtyeva haribhaktitari sthitāḥ | tasmādyateta vai loko viṣṇubhaktiprasādhane
Sanskrit only: no published translation is held for this verse.
किं सुखं लभते जंतुरसद्वार्तावधारणे । हरेरद्भुतलीलस्य लीलाख्यानेन सज्जते
kiṃ sukhaṃ labhate jaṃturasadvārtāvadhāraṇe | hareradbhutalīlasya līlākhyānena sajjate
Sanskrit only: no published translation is held for this verse.
तद्विचित्रकथालोके नानाविषयमिश्रिताः । श्रोतव्या यदि वै नॄणां विषये सज्जते मनः
tadvicitrakathāloke nānāviṣayamiśritāḥ | śrotavyā yadi vai nṝṇāṃ viṣaye sajjate manaḥ
Sanskrit only: no published translation is held for this verse.
निर्वाणे यदि वा चित्तं श्रोतव्या तदपि द्विजाः । हेलया श्रवणाच्चापि तस्य तुष्टो भवेद्धरिः
nirvāṇe yadi vā cittaṃ śrotavyā tadapi dvijāḥ | helayā śravaṇāccāpi tasya tuṣṭo bhaveddhariḥ
Sanskrit only: no published translation is held for this verse.
निष्क्रियोपि हृषीकेशो नानाकर्म चकार सः । शुश्रूषूणां हितार्थाय भक्तानां भक्तवत्सलः
niṣkriyopi hṛṣīkeśo nānākarma cakāra saḥ | śuśrūṣūṇāṃ hitārthāya bhaktānāṃ bhaktavatsalaḥ
Sanskrit only: no published translation is held for this verse.
न लभ्यते कर्मणापि वाजपेयशतादिना । राजसूयायुतेनापि यथा भक्त्या स लभ्यते
na labhyate karmaṇāpi vājapeyaśatādinā | rājasūyāyutenāpi yathā bhaktyā sa labhyate
Sanskrit only: no published translation is held for this verse.
यत्पदं चेतसा सेव्यं सद्भिराचरितं मुहुः । भवाब्धितरणे सारमाश्रयध्वं हरेः पदम्
yatpadaṃ cetasā sevyaṃ sadbhirācaritaṃ muhuḥ | bhavābdhitaraṇe sāramāśrayadhvaṃ hareḥ padam
Sanskrit only: no published translation is held for this verse.
रे रे विषयसंलुब्धाः पामरा निष्ठुरा नराः । रौरवे हि किमात्मानमात्मना पातयिष्यथ
re re viṣayasaṃlubdhāḥ pāmarā niṣṭhurā narāḥ | raurave hi kimātmānamātmanā pātayiṣyatha
Sanskrit only: no published translation is held for this verse.
विना गोविंदसौम्यांघ्रिसेवनं मा गमिष्यति । अनायासेन दुःखानां तरणं यदि वांछथ
vinā goviṃdasaumyāṃghrisevanaṃ mā gamiṣyati | anāyāsena duḥkhānāṃ taraṇaṃ yadi vāṃchatha
Sanskrit only: no published translation is held for this verse.
भजध्वं कृष्णचरणावपुनर्भवकारणे । कुत एवागतो मर्त्यः कुत एव पुनर्व्रजेत्
bhajadhvaṃ kṛṣṇacaraṇāvapunarbhavakāraṇe | kuta evāgato martyaḥ kuta eva punarvrajet
Sanskrit only: no published translation is held for this verse.
एतद्विचार्य मतिमानाश्रयेद्धर्मसंग्रहम् । नानानरकसंपातादुत्थितो यदि पूरुषः
etadvicārya matimānāśrayeddharmasaṃgraham | nānānarakasaṃpātādutthito yadi pūruṣaḥ
Sanskrit only: no published translation is held for this verse.
स्थावरादि तनुं लब्ध्वा यदि भाग्यवशात्पुनः । मानुष्यं लभते तत्र गर्भवासोतिदुःखदः
sthāvarādi tanuṃ labdhvā yadi bhāgyavaśātpunaḥ | mānuṣyaṃ labhate tatra garbhavāsotiduḥkhadaḥ
Sanskrit only: no published translation is held for this verse.
ततः कर्मवशाज्जंतुर्यदि वा जायते भुवि । बाल्यादिबहुदोषेण पीडितो भवति द्विजाः
tataḥ karmavaśājjaṃturyadi vā jāyate bhuvi | bālyādibahudoṣeṇa pīḍito bhavati dvijāḥ
Sanskrit only: no published translation is held for this verse.
पुनर्यौवनमासाद्य दारिद्र्येण प्रपीड्यते । रोगेण गुरुणा वापि अनावृष्ट्यादिना तथा
punaryauvanamāsādya dāridryeṇa prapīḍyate | rogeṇa guruṇā vāpi anāvṛṣṭyādinā tathā
Sanskrit only: no published translation is held for this verse.
वार्द्धकेन लभेत्पीडामनिर्वाच्यामितस्ततः । मनसश्चलनाद्व्याधेस्ततो मरणमाप्नुयात्
vārddhakena labhetpīḍāmanirvācyāmitastataḥ | manasaścalanādvyādhestato maraṇamāpnuyāt
Sanskrit only: no published translation is held for this verse.
न तस्मादधिकं दुःखं संसारेप्यनुभूयते । ततः कर्म्मवशाज्जंतुर्यमलोके प्रपीड्यते
na tasmādadhikaṃ duḥkhaṃ saṃsārepyanubhūyate | tataḥ karmmavaśājjaṃturyamaloke prapīḍyate
Sanskrit only: no published translation is held for this verse.
तत्रातियातनां भुक्त्वा पुनरेव प्रजायते । जायते म्रियते जंतु म्रियते जायते पुनः
tatrātiyātanāṃ bhuktvā punareva prajāyate | jāyate mriyate jaṃtu mriyate jāyate punaḥ
Sanskrit only: no published translation is held for this verse.
अनाराधित गोविंदचरणे त्वीदृशी दशा । अनायासेन मरणं विनायासेन जीवनम्
anārādhita goviṃdacaraṇe tvīdṛśī daśā | anāyāsena maraṇaṃ vināyāsena jīvanam
Sanskrit only: no published translation is held for this verse.
अनाराधितगोविंदचरणस्य न जायते । धनं यदि भवेद्गेहे रक्षणात्तस्य किं फलम्
anārādhitagoviṃdacaraṇasya na jāyate | dhanaṃ yadi bhavedgehe rakṣaṇāttasya kiṃ phalam
Sanskrit only: no published translation is held for this verse.
यदासौ कृष्यते याम्यैर्दूतैः किं धनमन्वियात् । तस्माद्द्विजातिसत्कार्यं द्रविणं सर्वसौख्यदम्
yadāsau kṛṣyate yāmyairdūtaiḥ kiṃ dhanamanviyāt | tasmāddvijātisatkāryaṃ draviṇaṃ sarvasaukhyadam
Sanskrit only: no published translation is held for this verse.
दानं स्वर्गस्य सोपानं दानं किल्बिषनाशनम् । गोविंदभक्तिभजनं महापुण्यविवर्द्धनम्
dānaṃ svargasya sopānaṃ dānaṃ kilbiṣanāśanam | goviṃdabhaktibhajanaṃ mahāpuṇyavivarddhanam
Sanskrit only: no published translation is held for this verse.
बलं यदि भवेन्मर्त्ये न वृथा तद्व्ययं चरेत् । हरेरग्रे नृत्यगीतं कुर्यादेवमतंद्रितः
balaṃ yadi bhavenmartye na vṛthā tadvyayaṃ caret | hareragre nṛtyagītaṃ kuryādevamataṃdritaḥ
Sanskrit only: no published translation is held for this verse.
यत्किंचिद्विद्यते पुंसां तच्च कृष्णे समर्पयेत् । कृष्णार्पितं कुशलदमन्यार्पितमसौख्यदम्
yatkiṃcidvidyate puṃsāṃ tacca kṛṣṇe samarpayet | kṛṣṇārpitaṃ kuśaladamanyārpitamasaukhyadam
Sanskrit only: no published translation is held for this verse.
चक्षुर्भ्यां श्रीहरेरेव प्रतिमादिनिरूपणम् । श्रोत्राभ्यां कलयेत्कृष्ण गुणनामान्यहर्निशम्
cakṣurbhyāṃ śrīharereva pratimādinirūpaṇam | śrotrābhyāṃ kalayetkṛṣṇa guṇanāmānyaharniśam
Sanskrit only: no published translation is held for this verse.
जिह्वया हरिपादांबु स्वादितव्यं विचक्षणैः । घ्राणेनाघ्राय गोविंदपादाब्जतुलसीदलम्
jihvayā haripādāṃbu svāditavyaṃ vicakṣaṇaiḥ | ghrāṇenāghrāya goviṃdapādābjatulasīdalam
Sanskrit only: no published translation is held for this verse.
त्वचा स्पृष्ट्वा हरेर्भक्तं मनसाध्याय तत्पदम् । कृतार्थो जायते जंतुर्नात्र कार्या विचारणा
tvacā spṛṣṭvā harerbhaktaṃ manasādhyāya tatpadam | kṛtārtho jāyate jaṃturnātra kāryā vicāraṇā
Sanskrit only: no published translation is held for this verse.
तन्मना हि भवेत्प्राज्ञस्तथा स्यात्तद्गताशयः । तमेवांतेभ्येति लोको नात्र कार्या विचारणा
tanmanā hi bhavetprājñastathā syāttadgatāśayaḥ | tamevāṃtebhyeti loko nātra kāryā vicāraṇā
Sanskrit only: no published translation is held for this verse.
चेतसा चाप्यनुध्यातः स्वपदं यः प्रयच्छति । नारायणमनाद्यंतं न तं सेवेत को जनः
cetasā cāpyanudhyātaḥ svapadaṃ yaḥ prayacchati | nārāyaṇamanādyaṃtaṃ na taṃ seveta ko janaḥ
Sanskrit only: no published translation is held for this verse.
सतत नियतचित्तो विष्णुपादारविंदे वितरणमनुशक्ति प्रीतये तस्य कुर्यात् । नतिमतिरतिमस्यांघ्रिद्वये संविदध्यात्स हि खलु नरलोके पूज्यतामाप्नुयाच्च
satata niyatacitto viṣṇupādāraviṃde vitaraṇamanuśakti prītaye tasya kuryāt | natimatiratimasyāṃghridvaye saṃvidadhyātsa hi khalu naraloke pūjyatāmāpnuyācca
Sanskrit only: no published translation is held for this verse.