Padma Purāṇa 3.62

सूत उवाच- एवं यन्महिमा लोके लोकनिस्तारकारणम् । तस्य विष्णोः परेशस्य नानाविग्रहधारिणः

sūta uvāca- evaṃ yanmahimā loke lokanistārakāraṇam | tasya viṣṇoḥ pareśasya nānāvigrahadhāriṇaḥ

Sanskrit only: no published translation is held for this verse.

एकं पुराणं रूपं वै तत्र पाद्मं परं महत् । ब्राह्मं मूर्धा हरेरेव हृदयं पद्मसंज्ञितम्

ekaṃ purāṇaṃ rūpaṃ vai tatra pādmaṃ paraṃ mahat | brāhmaṃ mūrdhā harereva hṛdayaṃ padmasaṃjñitam

Sanskrit only: no published translation is held for this verse.

वैष्णवं दक्षिणो बाहुः शैवं वामो महेशितुः । ऊरू भागवतं प्रोक्तं नाभिः स्यान्नारदीयकम्

vaiṣṇavaṃ dakṣiṇo bāhuḥ śaivaṃ vāmo maheśituḥ | ūrū bhāgavataṃ proktaṃ nābhiḥ syānnāradīyakam

Sanskrit only: no published translation is held for this verse.

मार्कंडेयं च दक्षांघ्रिर्वामो ह्याग्नेयमुच्यते । भविष्यं दक्षिणो जानुर्विष्णोरेव महात्मनः

mārkaṃḍeyaṃ ca dakṣāṃghrirvāmo hyāgneyamucyate | bhaviṣyaṃ dakṣiṇo jānurviṣṇoreva mahātmanaḥ

Sanskrit only: no published translation is held for this verse.

ब्रह्मवैवर्तसंज्ञं तु वामजानुरुदाहृतः । लैंगं ह गुल्फकं दक्षं वाराहं वामगुल्फकम्

brahmavaivartasaṃjñaṃ tu vāmajānurudāhṛtaḥ | laiṃgaṃ ha gulphakaṃ dakṣaṃ vārāhaṃ vāmagulphakam

Sanskrit only: no published translation is held for this verse.

स्कांदं पुराणं लोमानि त्वगस्य वामनं स्मृतम् । कौर्मं पृष्ठं समाख्यातं मात्स्यं मेदः प्रकीर्तितम्

skāṃdaṃ purāṇaṃ lomāni tvagasya vāmanaṃ smṛtam | kaurmaṃ pṛṣṭhaṃ samākhyātaṃ mātsyaṃ medaḥ prakīrtitam

Sanskrit only: no published translation is held for this verse.

मज्जा तु गारुडं प्रोक्तं ब्रह्मांडमस्थि गीयते । एवमेवाभवद्विष्णुः पुराणावयवो हरिः

majjā tu gāruḍaṃ proktaṃ brahmāṃḍamasthi gīyate | evamevābhavadviṣṇuḥ purāṇāvayavo hariḥ

Sanskrit only: no published translation is held for this verse.

हृदयं तत्र वै पाद्मं यच्छ्रुत्वामृतमश्नुते । पाद्ममेतत्पुराणं तु स्वयं देवोभवद्धरिः

hṛdayaṃ tatra vai pādmaṃ yacchrutvāmṛtamaśnute | pādmametatpurāṇaṃ tu svayaṃ devobhavaddhariḥ

Sanskrit only: no published translation is held for this verse.

यस्यैकाध्यायमध्याप्य सर्वैः पापैः प्रमुच्यते । तत्रादिमं स्वर्गमिदं सर्वपाद्मफलप्रदम्

yasyaikādhyāyamadhyāpya sarvaiḥ pāpaiḥ pramucyate | tatrādimaṃ svargamidaṃ sarvapādmaphalapradam

Sanskrit only: no published translation is held for this verse.

स्वर्गखंडं समाकर्ण्य महापातकिनोपि ये । मुच्यंते तेपि पापेभ्यस्त्वचो जीर्णाद्यथोरगाः

svargakhaṃḍaṃ samākarṇya mahāpātakinopi ye | mucyaṃte tepi pāpebhyastvaco jīrṇādyathoragāḥ

Sanskrit only: no published translation is held for this verse.

अपि चेत्सुदुराचारः सर्वधर्म्मबहिष्कृतः । आदिस्वर्गं समाकर्ण्य यत्फलं समवाप्नुयात्

api cetsudurācāraḥ sarvadharmmabahiṣkṛtaḥ | ādisvargaṃ samākarṇya yatphalaṃ samavāpnuyāt

Sanskrit only: no published translation is held for this verse.

आदिस्वर्गमिदं श्रुत्वा तत्फलं लभते नरः । माघेमासे प्रयागे तु स्नात्वा प्रतिदिनं नरः

ādisvargamidaṃ śrutvā tatphalaṃ labhate naraḥ | māghemāse prayāge tu snātvā pratidinaṃ naraḥ

Sanskrit only: no published translation is held for this verse.

यथा पापात्प्रमुच्येत तथा हि श्रवणाद्भवेत् । दत्ता तेन स्वर्णतुला दत्ता चैव धराखिला

yathā pāpātpramucyeta tathā hi śravaṇādbhavet | dattā tena svarṇatulā dattā caiva dharākhilā

Sanskrit only: no published translation is held for this verse.

कृतं वितरणं तेन द्ररिद्रे यत्कृतमृणम् । हरेर्नामसहस्राणि पठितानि ह्यभीक्ष्णशः

kṛtaṃ vitaraṇaṃ tena draridre yatkṛtamṛṇam | harernāmasahasrāṇi paṭhitāni hyabhīkṣṇaśaḥ

Sanskrit only: no published translation is held for this verse.

सर्वेवे दास्तथाधीतास्तत्तत्कर्मकृतं तथा । अध्यापकाश्च बहवः स्थापिता वृत्तिदानतः

sarveve dāstathādhītāstattatkarmakṛtaṃ tathā | adhyāpakāśca bahavaḥ sthāpitā vṛttidānataḥ

Sanskrit only: no published translation is held for this verse.

अभयं भयलोकेभ्यो दत्तं तेन तथा द्विजाः । गुणवंतो ज्ञानवंतो धर्मवंतोनुमानिताः

abhayaṃ bhayalokebhyo dattaṃ tena tathā dvijāḥ | guṇavaṃto jñānavaṃto dharmavaṃtonumānitāḥ

Sanskrit only: no published translation is held for this verse.

मेषकर्कटयोर्मध्ये तोयं दत्तं सुशीतलम् । ब्राह्मणार्थे गवार्थे च प्राणास्त्यक्ताश्च तेन हि

meṣakarkaṭayormadhye toyaṃ dattaṃ suśītalam | brāhmaṇārthe gavārthe ca prāṇāstyaktāśca tena hi

Sanskrit only: no published translation is held for this verse.

अन्यानि च सुकर्माणि कृतानि तेन धीमता । येनादिखंडं सदसि श्रुतं संश्रावितं तथा

anyāni ca sukarmāṇi kṛtāni tena dhīmatā | yenādikhaṃḍaṃ sadasi śrutaṃ saṃśrāvitaṃ tathā

Sanskrit only: no published translation is held for this verse.

स्वर्गखंडं समाधीत्य नानाभोगान्समश्नुते । अंतःपुरगनारीणां सुखसुप्तः प्रबुध्यते

svargakhaṃḍaṃ samādhītya nānābhogānsamaśnute | aṃtaḥpuraganārīṇāṃ sukhasuptaḥ prabudhyate

Sanskrit only: no published translation is held for this verse.

किंकिणीरवसन्नादैस्तथा मधुरभाषणैः । इंद्रस्यार्धासनं भुंक्ते इंद्रलोके वसेच्चिरम्

kiṃkiṇīravasannādaistathā madhurabhāṣaṇaiḥ | iṃdrasyārdhāsanaṃ bhuṃkte iṃdraloke vasecciram

Sanskrit only: no published translation is held for this verse.

ततः सूर्यस्य भवनं चंद्रलोकं ततो व्रजेत् । सप्तर्षिभवने भोगान्भुक्त्वा याति ततो ध्रुवम्

tataḥ sūryasya bhavanaṃ caṃdralokaṃ tato vrajet | saptarṣibhavane bhogānbhuktvā yāti tato dhruvam

Sanskrit only: no published translation is held for this verse.

ततश्च ब्रह्मणो लोकं प्राप्य तेजोमयं वपुः । तत्रैव ज्ञानमासाद्य निर्वाणं परमृच्छति

tataśca brahmaṇo lokaṃ prāpya tejomayaṃ vapuḥ | tatraiva jñānamāsādya nirvāṇaṃ paramṛcchati

Sanskrit only: no published translation is held for this verse.

सद्भिः सह वसेद्धीमान्सत्तीर्थे स्नानमाचरेत् । कुर्यादेव सदालापं सच्छास्त्रं शृणुयान्नरः

sadbhiḥ saha vaseddhīmānsattīrthe snānamācaret | kuryādeva sadālāpaṃ sacchāstraṃ śṛṇuyānnaraḥ

Sanskrit only: no published translation is held for this verse.

तत्र पाद्मं महाशास्त्रं सर्वाम्नायफलप्रदम् । स्वर्गखंडं च तन्मध्ये महापुण्यफलप्रदम्

tatra pādmaṃ mahāśāstraṃ sarvāmnāyaphalapradam | svargakhaṃḍaṃ ca tanmadhye mahāpuṇyaphalapradam

Sanskrit only: no published translation is held for this verse.

भजध्वं गोविंदं नमत हरिमेकं सुरवरं गमिष्यध्वं लोकानतिविमलभोगानतितराम् । शृणुध्वं हे लोका वदत हरिनामैकमतुलं यदीच्छावीचीनां सुखतरणमिष्टानि लभत

bhajadhvaṃ goviṃdaṃ namata harimekaṃ suravaraṃ gamiṣyadhvaṃ lokānativimalabhogānatitarām | śṛṇudhvaṃ he lokā vadata harināmaikamatulaṃ yadīcchāvīcīnāṃ sukhataraṇamiṣṭāni labhata

Sanskrit only: no published translation is held for this verse.

इति श्रीपाद्मे महापुराणे स्वर्गखंडे द्विषष्टितमोऽध्यायः

iti śrīpādme mahāpurāṇe svargakhaṃḍe dviṣaṣṭitamo'dhyāyaḥ

Sanskrit only: no published translation is held for this verse.