Padma Purāṇa 3.9

सूत उवाच-। उत्तरेषु च भो विप्रा द्वीपेषु श्रूयते कथा । एवं तत्र महाभागा ब्रुवतस्तन्निबोधत

sūta uvāca-| uttareṣu ca bho viprā dvīpeṣu śrūyate kathā | evaṃ tatra mahābhāgā bruvatastannibodhata

Sanskrit only: no published translation is held for this verse.

घृततोयः समुद्रोथ दधिमंडोदकोपरः । सुरोदसागरश्चैव तथान्यो दुग्धसागरः

ghṛtatoyaḥ samudrotha dadhimaṃḍodakoparaḥ | surodasāgaraścaiva tathānyo dugdhasāgaraḥ

Sanskrit only: no published translation is held for this verse.

परस्परेण द्विगुणाः सर्वे द्वीपा द्विजर्षभाः । पर्वताश्च महाप्राज्ञाः समुद्रैः परिवारिताः

paraspareṇa dviguṇāḥ sarve dvīpā dvijarṣabhāḥ | parvatāśca mahāprājñāḥ samudraiḥ parivāritāḥ

Sanskrit only: no published translation is held for this verse.

गौरस्तु मध्यमे द्वीपे गिरिर्मनःशिलो महान् । पर्वतः पश्चिमे कृष्णो नारायणसखो द्विजाः

gaurastu madhyame dvīpe girirmanaḥśilo mahān | parvataḥ paścime kṛṣṇo nārāyaṇasakho dvijāḥ

Sanskrit only: no published translation is held for this verse.

तत्र रत्नानि दिव्यानि स्वयं रक्षति केशवः । प्रसन्नश्चाभवत्तत्र प्रजानां व्यदधात्सुखम्

tatra ratnāni divyāni svayaṃ rakṣati keśavaḥ | prasannaścābhavattatra prajānāṃ vyadadhātsukham

Sanskrit only: no published translation is held for this verse.

शरद्वीपे कुशस्तंबो मध्ये जनपदस्य ह । संपूज्यते शाल्मलिश्च द्वीपे शाल्मलिके द्विजाः

śaradvīpe kuśastaṃbo madhye janapadasya ha | saṃpūjyate śālmaliśca dvīpe śālmalike dvijāḥ

Sanskrit only: no published translation is held for this verse.

क्रौंचद्वीपे महाक्रौंचो गिरी रत्नचयाकरः । संपूज्यते भो विप्रेंद्राश्चातुर्वर्ण्येन नित्यदा

krauṃcadvīpe mahākrauṃco girī ratnacayākaraḥ | saṃpūjyate bho vipreṃdrāścāturvarṇyena nityadā

Sanskrit only: no published translation is held for this verse.

गोमंतः पर्वतो विप्राः सुमहान्सर्वधातुकः । यत्र नित्यं निवसति श्रीमान्कमललोचनः

gomaṃtaḥ parvato viprāḥ sumahānsarvadhātukaḥ | yatra nityaṃ nivasati śrīmānkamalalocanaḥ

Sanskrit only: no published translation is held for this verse.

मोक्षिभिः संगतो नित्यं प्रभुर्नारायणोहरिः । कुशद्वीपे तु विप्रेंद्राः पर्वतो विद्रुमैश्चितः

mokṣibhiḥ saṃgato nityaṃ prabhurnārāyaṇohariḥ | kuśadvīpe tu vipreṃdrāḥ parvato vidrumaiścitaḥ

Sanskrit only: no published translation is held for this verse.

सुनामा च सुदुर्धर्षो द्वितीयो हेमपर्वतः । द्युतिमान्नाम विप्रेंद्रास्तृतीयः कुमुदो गिरिः

sunāmā ca sudurdharṣo dvitīyo hemaparvataḥ | dyutimānnāma vipreṃdrāstṛtīyaḥ kumudo giriḥ

Sanskrit only: no published translation is held for this verse.

चतुर्थः पुष्पवान्नाम पंचमस्तु कुशेशयः । षष्टो हरिगिरिर्नाम षडेते पर्वतोत्तमाः

caturthaḥ puṣpavānnāma paṃcamastu kuśeśayaḥ | ṣaṣṭo harigirirnāma ṣaḍete parvatottamāḥ

Sanskrit only: no published translation is held for this verse.

तेषामंतरविष्कंभो द्विगुणः प्रविभागशः । औद्भिदं प्रथमं वर्षं द्वितीयं रेणुमंडलम्

teṣāmaṃtaraviṣkaṃbho dviguṇaḥ pravibhāgaśaḥ | audbhidaṃ prathamaṃ varṣaṃ dvitīyaṃ reṇumaṃḍalam

Sanskrit only: no published translation is held for this verse.

तृतीयं सुरथं नाम चतुर्थं लंबनं स्मृतम् । धृतिमत्पंचमं वर्षं षष्ठं वर्षं प्रभाकरम्

tṛtīyaṃ surathaṃ nāma caturthaṃ laṃbanaṃ smṛtam | dhṛtimatpaṃcamaṃ varṣaṃ ṣaṣṭhaṃ varṣaṃ prabhākaram

Sanskrit only: no published translation is held for this verse.

सप्तमं कापिलं वर्षं सप्तैते वर्षलंबकाः । एतेषु देवगंधर्वाः प्रजाश्च मुदिता द्विजाः । विहरंति रमंते च न तेषु म्रियते जनः

saptamaṃ kāpilaṃ varṣaṃ saptaite varṣalaṃbakāḥ | eteṣu devagaṃdharvāḥ prajāśca muditā dvijāḥ | viharaṃti ramaṃte ca na teṣu mriyate janaḥ

Sanskrit only: no published translation is held for this verse.

न तेषु दस्यवः संति म्लेच्छजात्योऽपि वा द्विजाः । गौरप्रायो जनः सर्वः सुकुमारश्च सत्तमाः

na teṣu dasyavaḥ saṃti mlecchajātyo'pi vā dvijāḥ | gauraprāyo janaḥ sarvaḥ sukumāraśca sattamāḥ

Sanskrit only: no published translation is held for this verse.

अवशिष्टेषु सर्वेषु वक्ष्यामि द्विजपुंगवाः । यथा श्रुतं महाप्राज्ञा वर्ण्यते शृणुत द्विजाः

avaśiṣṭeṣu sarveṣu vakṣyāmi dvijapuṃgavāḥ | yathā śrutaṃ mahāprājñā varṇyate śṛṇuta dvijāḥ

Sanskrit only: no published translation is held for this verse.

क्रौंचद्वीपे महाभागाः क्रौंचो नाम महागिरिः । क्रौंचात्परो वामनको वामनादंधकारकः

krauṃcadvīpe mahābhāgāḥ krauṃco nāma mahāgiriḥ | krauṃcātparo vāmanako vāmanādaṃdhakārakaḥ

Sanskrit only: no published translation is held for this verse.

अंधकारात्परो विप्रा मैनाकः पर्वतोत्तमः । मैनाकात्परतो विप्रा गोविंदो गिरिरुत्तमः

aṃdhakārātparo viprā mainākaḥ parvatottamaḥ | mainākātparato viprā goviṃdo giriruttamaḥ

Sanskrit only: no published translation is held for this verse.

गोविंदात्परतश्चैव पुंडरीको महागिरिः । पुंडरीकात्परश्चापि प्रोच्यते दुंदुभिस्वनः

goviṃdātparataścaiva puṃḍarīko mahāgiriḥ | puṃḍarīkātparaścāpi procyate duṃdubhisvanaḥ

Sanskrit only: no published translation is held for this verse.

पुरस्ताद्द्विगुणस्तेषां विष्कंभो मुनिपुंगवाः । देशांस्तत्र प्रवक्ष्यामि तन्मे निगदतः शृणु

purastāddviguṇasteṣāṃ viṣkaṃbho munipuṃgavāḥ | deśāṃstatra pravakṣyāmi tanme nigadataḥ śṛṇu

Sanskrit only: no published translation is held for this verse.

क्रौंचस्य कुशलो देशो वामनस्य मनोनुगः । मनोनुगात्परो देश उष्णो नाम तपोधनाः

krauṃcasya kuśalo deśo vāmanasya manonugaḥ | manonugātparo deśa uṣṇo nāma tapodhanāḥ

Sanskrit only: no published translation is held for this verse.

उष्णात्परः प्रावरकः प्रावरादंधकारकः । अंधकारकदेशात्तु मुनिदेशः परः स्मृतः

uṣṇātparaḥ prāvarakaḥ prāvarādaṃdhakārakaḥ | aṃdhakārakadeśāttu munideśaḥ paraḥ smṛtaḥ

Sanskrit only: no published translation is held for this verse.

मुनिदेशात्परश्चैव प्रोच्यते दुंदुभिस्वनः । सिद्धचारणसंकीर्णो गौरः प्रायोजनः स्मृतः

munideśātparaścaiva procyate duṃdubhisvanaḥ | siddhacāraṇasaṃkīrṇo gauraḥ prāyojanaḥ smṛtaḥ

Sanskrit only: no published translation is held for this verse.

एते देशाः समाख्याता देवगंधर्वसेविताः । पुष्करे पुष्करो नाम पर्वतो मणिरत्नवान्

ete deśāḥ samākhyātā devagaṃdharvasevitāḥ | puṣkare puṣkaro nāma parvato maṇiratnavān

Sanskrit only: no published translation is held for this verse.

तत्र नित्यं प्रसरति स्वयं देवः प्रजापतिः । पर्युपासंति तं नित्यं देवाः सर्वे महर्षयः

tatra nityaṃ prasarati svayaṃ devaḥ prajāpatiḥ | paryupāsaṃti taṃ nityaṃ devāḥ sarve maharṣayaḥ

Sanskrit only: no published translation is held for this verse.

वाग्भिर्मनोनुकूलाभिः पूजयंति द्विजोत्तमाः । जंबूद्वीपात्प्रवर्त्तन्ते रत्नानि विविधानि च

vāgbhirmanonukūlābhiḥ pūjayaṃti dvijottamāḥ | jaṃbūdvīpātpravarttante ratnāni vividhāni ca

Sanskrit only: no published translation is held for this verse.

द्वीपेषु तेषु सर्वेषु प्रजानां मुनिसत्तमाः । विप्राणां ब्रह्मचर्येण सत्येन च दमेन च

dvīpeṣu teṣu sarveṣu prajānāṃ munisattamāḥ | viprāṇāṃ brahmacaryeṇa satyena ca damena ca

Sanskrit only: no published translation is held for this verse.

आरोग्यायुष्प्रमाणाभ्यां द्विगुणं द्विगुणं ततः । एते जनपदा विप्रा द्वीपेषु तेषु सत्तमाः

ārogyāyuṣpramāṇābhyāṃ dviguṇaṃ dviguṇaṃ tataḥ | ete janapadā viprā dvīpeṣu teṣu sattamāḥ

Sanskrit only: no published translation is held for this verse.

उक्ता जनपदा येषु धर्मश्चैकः प्रवर्त्तते । ईश्वरो दंडमुद्यम्य स्वयमेव प्रजापतिः

uktā janapadā yeṣu dharmaścaikaḥ pravarttate | īśvaro daṃḍamudyamya svayameva prajāpatiḥ

Sanskrit only: no published translation is held for this verse.

द्वीपानेतान्मुनिवरा रक्षंस्तिष्ठति सर्वदा । स राजा स शिवो विप्राः स पिता स पितामहः

dvīpānetānmunivarā rakṣaṃstiṣṭhati sarvadā | sa rājā sa śivo viprāḥ sa pitā sa pitāmahaḥ

Sanskrit only: no published translation is held for this verse.

गोपायति द्विजश्रेष्ठाः प्रजाः स द्विजपंडिताः । भोजनं चात्र विप्रेंद्राः प्रजाः स्वयमुपस्थितम्

gopāyati dvijaśreṣṭhāḥ prajāḥ sa dvijapaṃḍitāḥ | bhojanaṃ cātra vipreṃdrāḥ prajāḥ svayamupasthitam

Sanskrit only: no published translation is held for this verse.

सिद्धमेव महाभागा भुंजते तद्धि नित्यदा । ततः परं महाशैलो दृश्यते लोकसंस्थितिः

siddhameva mahābhāgā bhuṃjate taddhi nityadā | tataḥ paraṃ mahāśailo dṛśyate lokasaṃsthitiḥ

Sanskrit only: no published translation is held for this verse.

चतुरस्रो महाप्राज्ञः सर्वतः परिमंडलः । तत्र तिष्ठंति विप्रेंद्राश्चत्वारो लोकसंमताः

caturasro mahāprājñaḥ sarvataḥ parimaṃḍalaḥ | tatra tiṣṭhaṃti vipreṃdrāścatvāro lokasaṃmatāḥ

Sanskrit only: no published translation is held for this verse.

दिग्गजा हि मुनिश्रेष्ठा वामनैरावतां जनाः । सुप्रतीकस्तथा विप्राः प्रभिन्नकरटामुखाः

diggajā hi muniśreṣṭhā vāmanairāvatāṃ janāḥ | supratīkastathā viprāḥ prabhinnakaraṭāmukhāḥ

Sanskrit only: no published translation is held for this verse.

तस्याहं परिमाणं न संख्यातुमिहमुत्सहे । असंख्यातः सुनित्यं हि तिर्यगूर्द्ध्वमधस्तथा

tasyāhaṃ parimāṇaṃ na saṃkhyātumihamutsahe | asaṃkhyātaḥ sunityaṃ hi tiryagūrddhvamadhastathā

Sanskrit only: no published translation is held for this verse.

तत्र वै वायवो वांति दिग्भ्यः सर्वाभ्य एव च । असंबंधा मुनिश्रेष्ठास्तान्निगृह्णंति ते द्विजाः

tatra vai vāyavo vāṃti digbhyaḥ sarvābhya eva ca | asaṃbaṃdhā muniśreṣṭhāstānnigṛhṇaṃti te dvijāḥ

Sanskrit only: no published translation is held for this verse.

पुष्करैः पद्मसंकाशैर्विकर्षंति महाप्रभैः । शतधा पुनरेवाशु ते तान्मुंचंति नित्यशः

puṣkaraiḥ padmasaṃkāśairvikarṣaṃti mahāprabhaiḥ | śatadhā punarevāśu te tānmuṃcaṃti nityaśaḥ

Sanskrit only: no published translation is held for this verse.

श्वसद्भिर्मुखनासाभ्यां दिग्गजैरिव मारुताः । आगच्छंति द्विजश्रेष्ठास्तत्र तिष्ठंति वै प्रजाः

śvasadbhirmukhanāsābhyāṃ diggajairiva mārutāḥ | āgacchaṃti dvijaśreṣṭhāstatra tiṣṭhaṃti vai prajāḥ

Sanskrit only: no published translation is held for this verse.

यथोद्दिष्टं मया प्रोक्तं सनिर्माणमिदं जगत् । श्रुत्वेदं पृथिवीमानं पुण्यदं च मनोनुगम्

yathoddiṣṭaṃ mayā proktaṃ sanirmāṇamidaṃ jagat | śrutvedaṃ pṛthivīmānaṃ puṇyadaṃ ca manonugam

Sanskrit only: no published translation is held for this verse.

श्रीमांस्तरति विप्रेंद्राः सिद्धार्थः साधुसंमतः । आयुर्बलं च कीर्त्तिश्च तस्य तेजश्च वर्द्धते

śrīmāṃstarati vipreṃdrāḥ siddhārthaḥ sādhusaṃmataḥ | āyurbalaṃ ca kīrttiśca tasya tejaśca varddhate

Sanskrit only: no published translation is held for this verse.

यः शृणोति समाख्यातुं पर्वणीदं धृतव्रतः । प्रीयंते पितरस्तस्य तथैव च पितामहाः

yaḥ śṛṇoti samākhyātuṃ parvaṇīdaṃ dhṛtavrataḥ | prīyaṃte pitarastasya tathaiva ca pitāmahāḥ

Sanskrit only: no published translation is held for this verse.