Padma Purāṇa 4.1

अथ श्रीपाद्मे महापुराणे चुतर्थं ब्रह्मखण्डं प्रारभ्यते शौनक उवाच- कलौ समागते सूत प्राणिनां केन कर्मणा । उद्धारो वै भवेत्तस्मात्कथयस्व ममाग्रतः

atha śrīpādme mahāpurāṇe cutarthaṃ brahmakhaṇḍaṃ prārabhyate śaunaka uvāca- kalau samāgate sūta prāṇināṃ kena karmaṇā | uddhāro vai bhavettasmātkathayasva mamāgrataḥ

Sanskrit only: no published translation is held for this verse.

सूत उवाच- साधुसाधु मुनिश्रेष्ठ पुण्यात्मनां वरो भवान् । सर्वेषां च जनानां च शुभवाञ्छो निरंतरम्

sūta uvāca- sādhusādhu muniśreṣṭha puṇyātmanāṃ varo bhavān | sarveṣāṃ ca janānāṃ ca śubhavāñcho niraṃtaram

Sanskrit only: no published translation is held for this verse.

एतद्व्यासः पुरा विप्रः सर्वज्ञः सर्वपूजितः । पृष्टो जैमिनिना तं स यदाह शृणु वैष्णव

etadvyāsaḥ purā vipraḥ sarvajñaḥ sarvapūjitaḥ | pṛṣṭo jaimininā taṃ sa yadāha śṛṇu vaiṣṇava

Sanskrit only: no published translation is held for this verse.

दंडवत्प्रणिपत्यासौ व्यासं सर्वार्थपारगम् । गुरुं सत्यवतीसूनुं पप्रच्छ मुनिपुंगवः

daṃḍavatpraṇipatyāsau vyāsaṃ sarvārthapāragam | guruṃ satyavatīsūnuṃ papraccha munipuṃgavaḥ

Sanskrit only: no published translation is held for this verse.

जैमिनिरुवाच- कलौ नृणां भवेत्केन मोक्षो वै कथयस्व मे । अल्पेनापि च पुण्येन मर्त्याश्चाल्पायुषो यतः

jaiminiruvāca- kalau nṛṇāṃ bhavetkena mokṣo vai kathayasva me | alpenāpi ca puṇyena martyāścālpāyuṣo yataḥ

Sanskrit only: no published translation is held for this verse.

व्यास उवाच- साधुसंगाद्भवेद्विप्र शास्त्राणां श्रवणं प्रभो । हरिभक्तिर्भवेत्तस्मात्ततो ज्ञानं ततो गतिः

vyāsa uvāca- sādhusaṃgādbhavedvipra śāstrāṇāṃ śravaṇaṃ prabho | haribhaktirbhavettasmāttato jñānaṃ tato gatiḥ

Sanskrit only: no published translation is held for this verse.

न रोचते कथा भूमौ पापिष्ठाय जनाय वै । वैष्णवी स तु विज्ञेयः पापिष्ठप्रवरो द्विजः

na rocate kathā bhūmau pāpiṣṭhāya janāya vai | vaiṣṇavī sa tu vijñeyaḥ pāpiṣṭhapravaro dvijaḥ

Sanskrit only: no published translation is held for this verse.

श्रीकृष्णस्य कथां श्रुत्वाऽऽनंदी भवति वैष्णवः । असत्यां तां तु यो ब्रूयाज्ज्ञेयः स पापिनां गुरुः

śrīkṛṣṇasya kathāṃ śrutvā''naṃdī bhavati vaiṣṇavaḥ | asatyāṃ tāṃ tu yo brūyājjñeyaḥ sa pāpināṃ guruḥ

Sanskrit only: no published translation is held for this verse.

यस्मिन्यस्मिन्स्थले विप्र कृष्णस्य वर्तते कथा । तस्मात्तस्माज्जगन्नाथो याति त्यक्त्वा न कर्हिचित्

yasminyasminsthale vipra kṛṣṇasya vartate kathā | tasmāttasmājjagannātho yāti tyaktvā na karhicit

Sanskrit only: no published translation is held for this verse.

कृष्णस्य यः कथारंभे कुर्याद्विघ्नं नराधमः । नरकान्निष्कृतिर्नास्ति मन्वंतरशतावधि

kṛṣṇasya yaḥ kathāraṃbhe kuryādvighnaṃ narādhamaḥ | narakānniṣkṛtirnāsti manvaṃtaraśatāvadhi

Sanskrit only: no published translation is held for this verse.

ये पुराणकथां श्रुत्वा निंदंत्युपहसंति वै । तेषां करस्था नरका बहुक्लेशकराः सदा

ye purāṇakathāṃ śrutvā niṃdaṃtyupahasaṃti vai | teṣāṃ karasthā narakā bahukleśakarāḥ sadā

Sanskrit only: no published translation is held for this verse.

जन्मांतरार्जितं पापं तत्क्षणादेव नश्यति । श्रीकृष्णचरितं यो वै श्रोतुमिच्छां करोत्यपि

janmāṃtarārjitaṃ pāpaṃ tatkṣaṇādeva naśyati | śrīkṛṣṇacaritaṃ yo vai śrotumicchāṃ karotyapi

Sanskrit only: no published translation is held for this verse.

भक्त्या यो वै नरः कुर्यात्श्रीकृष्णचरितं तथा । न जाने श्रवणे तस्य का गतिर्वा भविष्यति

bhaktyā yo vai naraḥ kuryātśrīkṛṣṇacaritaṃ tathā | na jāne śravaṇe tasya kā gatirvā bhaviṣyati

Sanskrit only: no published translation is held for this verse.

ब्रह्महत्यादिकं पापं अकालमरणं तथा । सुरापानं तथास्तेयं सर्वं नश्यति पापिनः

brahmahatyādikaṃ pāpaṃ akālamaraṇaṃ tathā | surāpānaṃ tathāsteyaṃ sarvaṃ naśyati pāpinaḥ

Sanskrit only: no published translation is held for this verse.

पापं कृत्वा तु यो मर्त्यः पश्चात्पापं निवर्तयेत् । तस्य पापं व्रजेन्नाशमग्निना तूलराशिवत्

pāpaṃ kṛtvā tu yo martyaḥ paścātpāpaṃ nivartayet | tasya pāpaṃ vrajennāśamagninā tūlarāśivat

Sanskrit only: no published translation is held for this verse.

श्रीकृष्णचरितं विप्र तिष्ठेद्वै पुस्तकं गृहे । तस्य गृहसमीपं हि नायांति यमकिंकराः

śrīkṛṣṇacaritaṃ vipra tiṣṭhedvai pustakaṃ gṛhe | tasya gṛhasamīpaṃ hi nāyāṃti yamakiṃkarāḥ

Sanskrit only: no published translation is held for this verse.

जैमिनिरुवाच- वदंति वैष्णवान्कांश्च वांच्छा ब्रूहि गुरो मम । इदानीं तान्समाज्ञातुं तेषां माहात्म्यमुत्तमम्

jaiminiruvāca- vadaṃti vaiṣṇavānkāṃśca vāṃcchā brūhi guro mama | idānīṃ tānsamājñātuṃ teṣāṃ māhātmyamuttamam

Sanskrit only: no published translation is held for this verse.

व्यास उवाच- यो नरो मस्तके भक्त्या वैष्णवांघ्रिजलं द्विज । करोति सेचनं पापी तीर्थस्नानेन तस्य किम्

vyāsa uvāca- yo naro mastake bhaktyā vaiṣṇavāṃghrijalaṃ dvija | karoti secanaṃ pāpī tīrthasnānena tasya kim

Sanskrit only: no published translation is held for this verse.

साधुसंगं तु यः कुर्य्यात्क्षणं वार्द्धक्षणं द्विज । तस्य नश्यंति पापानि ब्रह्महत्यामुखानि च

sādhusaṃgaṃ tu yaḥ kuryyātkṣaṇaṃ vārddhakṣaṇaṃ dvija | tasya naśyaṃti pāpāni brahmahatyāmukhāni ca

Sanskrit only: no published translation is held for this verse.

यत्रयत्र कुले चैव एको भवति वैष्णवः । कुलं तस्य यदा पापैर्युक्तं तन्मोक्षगामि वै

yatrayatra kule caiva eko bhavati vaiṣṇavaḥ | kulaṃ tasya yadā pāpairyuktaṃ tanmokṣagāmi vai

Sanskrit only: no published translation is held for this verse.

हिंसादंभकामक्रोधैर्वर्जिताश्चैव ये नराः । लोभमोहपरित्यक्ता ज्ञेयास्ते वैष्णवा द्विज

hiṃsādaṃbhakāmakrodhairvarjitāścaiva ye narāḥ | lobhamohaparityaktā jñeyāste vaiṣṇavā dvija

Sanskrit only: no published translation is held for this verse.

पितृभक्ता दयायुक्ताः सर्वप्राणिहिते रताः । अमत्सरा वैष्णवा ये विज्ञेयाः सत्यभाषिणः

pitṛbhaktā dayāyuktāḥ sarvaprāṇihite ratāḥ | amatsarā vaiṣṇavā ye vijñeyāḥ satyabhāṣiṇaḥ

Sanskrit only: no published translation is held for this verse.

विप्रभक्तिरता ये च परस्त्रीषु नपुंसकाः । एकादशीव्रतरता विज्ञेयास्ते च वैष्णवाः

viprabhaktiratā ye ca parastrīṣu napuṃsakāḥ | ekādaśīvrataratā vijñeyāste ca vaiṣṇavāḥ

Sanskrit only: no published translation is held for this verse.

गायंति हरिनामानि तुलसीमाल्यधारकाः । हर्यंघ्रिसलिलैः सिक्ता विज्ञेयास्ते च वैष्णवाः

gāyaṃti harināmāni tulasīmālyadhārakāḥ | haryaṃghrisalilaiḥ siktā vijñeyāste ca vaiṣṇavāḥ

Sanskrit only: no published translation is held for this verse.

श्रोत्रयोर्मस्तके येषां तुलस्याः पर्णमुत्तमम् । कर्हिचिद्दृश्यते विप्र विज्ञेयास्ते च वैष्णवाः

śrotrayormastake yeṣāṃ tulasyāḥ parṇamuttamam | karhiciddṛśyate vipra vijñeyāste ca vaiṣṇavāḥ

Sanskrit only: no published translation is held for this verse.

पाखंडसंगरहिता विप्रद्वेषविवर्जिताः । सिंचेयुस्तुलसीं ये च ज्ञातव्या वैष्णवा नराः

pākhaṃḍasaṃgarahitā vipradveṣavivarjitāḥ | siṃceyustulasīṃ ye ca jñātavyā vaiṣṇavā narāḥ

Sanskrit only: no published translation is held for this verse.

पूजयंति हरिं ये च तुलस्या चार्चयंति ये । कन्यादानरता ये च ये वै ह्यतिथिपूजकाः

pūjayaṃti hariṃ ye ca tulasyā cārcayaṃti ye | kanyādānaratā ye ca ye vai hyatithipūjakāḥ

Sanskrit only: no published translation is held for this verse.

शृण्वंति विष्णुचरितं विज्ञेया वैष्णवा नराः । यस्य गृहे सुप्रतिष्ठेत्शालग्रामशिलापि च

śṛṇvaṃti viṣṇucaritaṃ vijñeyā vaiṣṇavā narāḥ | yasya gṛhe supratiṣṭhetśālagrāmaśilāpi ca

Sanskrit only: no published translation is held for this verse.

मार्जयंति हरेः स्थानं पितृयज्ञप्रवर्तकाः । जने दीने दयायुक्ता विज्ञेयास्ते च वैष्णवाः

mārjayaṃti hareḥ sthānaṃ pitṛyajñapravartakāḥ | jane dīne dayāyuktā vijñeyāste ca vaiṣṇavāḥ

Sanskrit only: no published translation is held for this verse.

परस्वं ब्राह्मणद्रव्यं पश्यंति विषवच्च ये । हरिनैवेद्यं येऽश्नन्ति विज्ञेया वैष्णवा जनाः

parasvaṃ brāhmaṇadravyaṃ paśyaṃti viṣavacca ye | harinaivedyaṃ ye'śnanti vijñeyā vaiṣṇavā janāḥ

Sanskrit only: no published translation is held for this verse.

वेदशास्त्रानुरक्ता ये तुलसीवनपालकाः । राधाष्टमीव्रतरता विज्ञेयास्ते च वैष्णवाः

vedaśāstrānuraktā ye tulasīvanapālakāḥ | rādhāṣṭamīvrataratā vijñeyāste ca vaiṣṇavāḥ

Sanskrit only: no published translation is held for this verse.

श्रीकृष्णपुरतो ये च दीपं यच्छंति श्रद्धया । परनिंदां न कुर्वंति विज्ञेयास्ते च वैष्णवाः

śrīkṛṣṇapurato ye ca dīpaṃ yacchaṃti śraddhayā | paraniṃdāṃ na kurvaṃti vijñeyāste ca vaiṣṇavāḥ

Sanskrit only: no published translation is held for this verse.

सूत उवाच- पृष्टो जैमिनिना व्यास इत्युक्तः स यथाक्रमम् । मयेदं कथ्यते ब्रह्मन्यत्प्रसंगाद्गुरोः श्रुतम्

sūta uvāca- pṛṣṭo jaimininā vyāsa ityuktaḥ sa yathākramam | mayedaṃ kathyate brahmanyatprasaṃgādguroḥ śrutam

Sanskrit only: no published translation is held for this verse.

अध्यायं श्रद्धया युक्तं ये शृण्वंति नरोत्तमाः । सर्वपापविनिर्मुक्ता यांति विष्णोः परं पदम्

adhyāyaṃ śraddhayā yuktaṃ ye śṛṇvaṃti narottamāḥ | sarvapāpavinirmuktā yāṃti viṣṇoḥ paraṃ padam

Sanskrit only: no published translation is held for this verse.