Library·Padma Purāṇa·4·4.13
शौनक उवाच- कृष्णजन्माष्टमी सूत तस्या माहात्म्यमुत्तमम् । कथयस्व महाप्राज्ञ चोद्धरस्व महार्णवात्
śaunaka uvāca- kṛṣṇajanmāṣṭamī sūta tasyā māhātmyamuttamam | kathayasva mahāprājña coddharasva mahārṇavāt
Sanskrit only: no published translation is held for this verse.
सूत उवाच- कृष्णजन्माष्टमीं ब्रह्मन्भक्त्या करोति यो नरः । अंते विष्णुपुरं याति कुलकोटियुतो द्विज
sūta uvāca- kṛṣṇajanmāṣṭamīṃ brahmanbhaktyā karoti yo naraḥ | aṃte viṣṇupuraṃ yāti kulakoṭiyuto dvija
Sanskrit only: no published translation is held for this verse.
अष्टमी बुधवारे च सोमे चैव द्विजोत्तम । रोहिणीऋक्षसंयुक्ता कुलकोटिविमुक्तिदा
aṣṭamī budhavāre ca some caiva dvijottama | rohiṇīṛkṣasaṃyuktā kulakoṭivimuktidā
Sanskrit only: no published translation is held for this verse.
महापातकसंयुक्तः करोति व्रतमुत्तमम् । सर्वपापविनिर्मुक्तश्चांते याति हरेर्गृहम्
mahāpātakasaṃyuktaḥ karoti vratamuttamam | sarvapāpavinirmuktaścāṃte yāti harergṛham
Sanskrit only: no published translation is held for this verse.
कृष्णजन्माष्टमीं ब्रह्मन्न करोति नराधमः । इह दुःखमवाप्नोति स प्रेत्य नरकं व्रजेत्
kṛṣṇajanmāṣṭamīṃ brahmanna karoti narādhamaḥ | iha duḥkhamavāpnoti sa pretya narakaṃ vrajet
Sanskrit only: no published translation is held for this verse.
न करोति च या नारी कृष्णजन्माष्टमीव्रतम् । वर्षे वर्षे तु सा मूढा नरकं याति दारुणम्
na karoti ca yā nārī kṛṣṇajanmāṣṭamīvratam | varṣe varṣe tu sā mūḍhā narakaṃ yāti dāruṇam
Sanskrit only: no published translation is held for this verse.
जन्माष्टमीदिने यो वै नरोऽश्नाति विमूढधीः । महानरकमश्नाति सत्यं सत्यं वदाम्यहम्
janmāṣṭamīdine yo vai naro'śnāti vimūḍhadhīḥ | mahānarakamaśnāti satyaṃ satyaṃ vadāmyaham
Sanskrit only: no published translation is held for this verse.
दिलीपेन पुरा पृष्टो वसिष्ठो मुनिसत्तमः । तच्छृणुष्व महाप्राज्ञ सर्वपातकनाशनम्
dilīpena purā pṛṣṭo vasiṣṭho munisattamaḥ | tacchṛṇuṣva mahāprājña sarvapātakanāśanam
Sanskrit only: no published translation is held for this verse.
दिलीप उवाच- भाद्रे मास्यसिताष्टम्यां यस्यां जातो जनार्द्दनः । तदहं श्रोतुमिच्छामि कथयस्व महामुने
dilīpa uvāca- bhādre māsyasitāṣṭamyāṃ yasyāṃ jāto janārddanaḥ | tadahaṃ śrotumicchāmi kathayasva mahāmune
Sanskrit only: no published translation is held for this verse.
कथं वा भगवान्जातः शंखचक्रगदाधरः । देवकीजठरे विष्णुः किं कर्तुं केन हेतुना
kathaṃ vā bhagavānjātaḥ śaṃkhacakragadādharaḥ | devakījaṭhare viṣṇuḥ kiṃ kartuṃ kena hetunā
Sanskrit only: no published translation is held for this verse.
वसिष्ठ उवाच- शृणु राजन्प्रवक्ष्यामि कस्माज्जातो जनार्द्दनः । पृथिव्यां त्रिदिवं त्यक्त्वा भवते कथयाम्यहम्
vasiṣṭha uvāca- śṛṇu rājanpravakṣyāmi kasmājjāto janārddanaḥ | pṛthivyāṃ tridivaṃ tyaktvā bhavate kathayāmyaham
Sanskrit only: no published translation is held for this verse.
पुरा वसुंधरा ह्यासीत्कंसादिनृपपीडिता । स्वाधिकारप्रमत्तेन कंसदूतेन ताडिता
purā vasuṃdharā hyāsītkaṃsādinṛpapīḍitā | svādhikārapramattena kaṃsadūtena tāḍitā
Sanskrit only: no published translation is held for this verse.
क्रंदती क्रंदती सा तु ययौ घूर्णितलोचना । यत्र तिष्ठति देवेश उमाकांतो वृषध्वजः
kraṃdatī kraṃdatī sā tu yayau ghūrṇitalocanā | yatra tiṣṭhati deveśa umākāṃto vṛṣadhvajaḥ
Sanskrit only: no published translation is held for this verse.
कंसेन ताडिता नाथ इति तस्मै निवेदितुम् । बाष्पवारीणि वर्षंति विवर्णा साविमानिता
kaṃsena tāḍitā nātha iti tasmai niveditum | bāṣpavārīṇi varṣaṃti vivarṇā sāvimānitā
Sanskrit only: no published translation is held for this verse.
क्रंदंतीं तां समालोक्य कोपेन स्फुरिताधरः । उमयासहितः सर्वैर्देववृंदैरनुव्रतः
kraṃdaṃtīṃ tāṃ samālokya kopena sphuritādharaḥ | umayāsahitaḥ sarvairdevavṛṃdairanuvrataḥ
Sanskrit only: no published translation is held for this verse.
आजगाम महादेवो विधातृभवनं रुषा । गत्वा चोवाच ब्रह्माणं कंसध्वंसनहेतवे
ājagāma mahādevo vidhātṛbhavanaṃ ruṣā | gatvā covāca brahmāṇaṃ kaṃsadhvaṃsanahetave
Sanskrit only: no published translation is held for this verse.
उपायः सृज्यतां ब्रह्मन्भवता विष्णुना सह । ऐश्वरं तद्वचः श्रुत्वा गंतुं प्राह कृतात्मभूः
upāyaḥ sṛjyatāṃ brahmanbhavatā viṣṇunā saha | aiśvaraṃ tadvacaḥ śrutvā gaṃtuṃ prāha kṛtātmabhūḥ
Sanskrit only: no published translation is held for this verse.
क्षीरोदे यत्र वैकुंठः सुप्तोऽस्ति भुजगोपरि । हंसपृष्ठं समारुह्य हरेरंतिकमाययौ
kṣīrode yatra vaikuṃṭhaḥ supto'sti bhujagopari | haṃsapṛṣṭhaṃ samāruhya hareraṃtikamāyayau
Sanskrit only: no published translation is held for this verse.
तत्र गत्वा च तं धाता देववृंदैर्हरादिभिः । संयुक्तः स्तूयते वाग्भिः कोमलं वाग्विदांवरः
tatra gatvā ca taṃ dhātā devavṛṃdairharādibhiḥ | saṃyuktaḥ stūyate vāgbhiḥ komalaṃ vāgvidāṃvaraḥ
Sanskrit only: no published translation is held for this verse.
नमः कमलनेत्राय हरये परमात्मने । जगतः पालयित्रे च लक्ष्मीकांत नमोऽस्तु ते
namaḥ kamalanetrāya haraye paramātmane | jagataḥ pālayitre ca lakṣmīkāṃta namo'stu te
Sanskrit only: no published translation is held for this verse.
इति तेभ्यः स्तुतिं श्रुत्वा प्रत्युवाच जनार्द्दनः । देवान्क्लिष्टमुखान्सर्वान्भवद्भिरागतं कथम्
iti tebhyaḥ stutiṃ śrutvā pratyuvāca janārddanaḥ | devānkliṣṭamukhānsarvānbhavadbhirāgataṃ katham
Sanskrit only: no published translation is held for this verse.
ब्रह्मोवाच-। शृणु देव जगन्नाथ यस्मादस्माकमागतम् । कथयामि सुरश्रेष्ठ तदहं लोकभावन
brahmovāca-| śṛṇu deva jagannātha yasmādasmākamāgatam | kathayāmi suraśreṣṭha tadahaṃ lokabhāvana
Sanskrit only: no published translation is held for this verse.
शूलिदत्तवरोन्मत्तः कंसो राजा दुरासदः । वसुधा ताडिता तेन करघातेन पीडिता
śūlidattavaronmattaḥ kaṃso rājā durāsadaḥ | vasudhā tāḍitā tena karaghātena pīḍitā
Sanskrit only: no published translation is held for this verse.
वरं दत्वा पुराप्यग्रे मायया तु प्रवंचितः । भागिनेयं विना शंभो मरणं भविता न मे
varaṃ datvā purāpyagre māyayā tu pravaṃcitaḥ | bhāgineyaṃ vinā śaṃbho maraṇaṃ bhavitā na me
Sanskrit only: no published translation is held for this verse.
तस्माद्गच्छ स्वयं देव कंसं हंतुं दुरासदम् । देवकीजठरे जन्म लब्ध्वा गत्वा च गोकुलम्
tasmādgaccha svayaṃ deva kaṃsaṃ haṃtuṃ durāsadam | devakījaṭhare janma labdhvā gatvā ca gokulam
Sanskrit only: no published translation is held for this verse.
ब्रह्मणा प्रेरितो देवः प्रत्युवाच च शूलिनम् । पार्वतीं देहि देवेश अब्दं स्थित्वा गमिष्यति
brahmaṇā prerito devaḥ pratyuvāca ca śūlinam | pārvatīṃ dehi deveśa abdaṃ sthitvā gamiṣyati
Sanskrit only: no published translation is held for this verse.
उमया रक्षया सार्द्धं शंखचक्रगदाधरः । उद्दिश्य मथुरां चक्रे प्रयाणं कमलासनः
umayā rakṣayā sārddhaṃ śaṃkhacakragadādharaḥ | uddiśya mathurāṃ cakre prayāṇaṃ kamalāsanaḥ
Sanskrit only: no published translation is held for this verse.
देवकीजठरे जन्म लेभे तत्र गदाधरः । यशोदाकुक्षिमध्यास्ते शर्वाणी मृगलोचना
devakījaṭhare janma lebhe tatra gadādharaḥ | yaśodākukṣimadhyāste śarvāṇī mṛgalocanā
Sanskrit only: no published translation is held for this verse.
नवमासांश्च विश्रम्य कुक्षौ नवदिनांतकान् । भाद्रे मास्यसिते पक्षे चाष्टमीसंज्ञका तिथिः
navamāsāṃśca viśramya kukṣau navadināṃtakān | bhādre māsyasite pakṣe cāṣṭamīsaṃjñakā tithiḥ
Sanskrit only: no published translation is held for this verse.
रोहिणीतारकायुक्ता रजनीघनघोषिता । तस्यां जातो जगन्नाथः कंसारिर्वसुदेवजः
rohiṇītārakāyuktā rajanīghanaghoṣitā | tasyāṃ jāto jagannāthaḥ kaṃsārirvasudevajaḥ
Sanskrit only: no published translation is held for this verse.
वैराटी नंदपत्नी च यशोदाऽजीजनत्सुताम् । पुत्रं पद्मकरं पद्मनाभं पद्मदलेक्षणम्
vairāṭī naṃdapatnī ca yaśodā'jījanatsutām | putraṃ padmakaraṃ padmanābhaṃ padmadalekṣaṇam
Sanskrit only: no published translation is held for this verse.
तदा हर्षितुमारेभे दृष्ट्वा ह्यानकदुंदुभिः । कंसासुरभयत्रस्ता प्रोवाच देवकी तदा
tadā harṣitumārebhe dṛṣṭvā hyānakaduṃdubhiḥ | kaṃsāsurabhayatrastā provāca devakī tadā
Sanskrit only: no published translation is held for this verse.
वैराटीं गच्छ भो नाथ सुतं प्रत्यर्पितं किल । पुत्रं दत्वा यशोदायै सुतां तस्याः समानय
vairāṭīṃ gaccha bho nātha sutaṃ pratyarpitaṃ kila | putraṃ datvā yaśodāyai sutāṃ tasyāḥ samānaya
Sanskrit only: no published translation is held for this verse.
तस्या वचः समाकर्ण्य वसुदेवोऽपि दुःखितः । अंके कुमारमादाय वैराट्यभिमुखंययौ
tasyā vacaḥ samākarṇya vasudevo'pi duḥkhitaḥ | aṃke kumāramādāya vairāṭyabhimukhaṃyayau
Sanskrit only: no published translation is held for this verse.
यमुनाजलसंपूर्णा तत्पथे मध्यवर्त्मनि । आसीद्घोरा महादीर्घा गम्भीरोदकपूरभाक्
yamunājalasaṃpūrṇā tatpathe madhyavartmani | āsīdghorā mahādīrghā gambhīrodakapūrabhāk
Sanskrit only: no published translation is held for this verse.
एवं दृष्ट्वा तटे स्थित्वा यमुनामवलोकयन् । वसुदेवोऽपि दुःखार्तो विललापातिचिंतया
evaṃ dṛṣṭvā taṭe sthitvā yamunāmavalokayan | vasudevo'pi duḥkhārto vilalāpāticiṃtayā
Sanskrit only: no published translation is held for this verse.
किं करोमि क्व गच्छामि विधिनापि हि वंचितः । कथमत्र गमिष्यामि वैराटीं नंदमंदिरम्
kiṃ karomi kva gacchāmi vidhināpi hi vaṃcitaḥ | kathamatra gamiṣyāmi vairāṭīṃ naṃdamaṃdiram
Sanskrit only: no published translation is held for this verse.
हरिणा तत्र सानंदं मायया वंचितः पिता । क्षणमात्रं तटे स्थित्वा यमुनामवलोकयन्
hariṇā tatra sānaṃdaṃ māyayā vaṃcitaḥ pitā | kṣaṇamātraṃ taṭe sthitvā yamunāmavalokayan
Sanskrit only: no published translation is held for this verse.
तेन दृष्टा पुनः सापि क्षणाज्जानुवहाभवत् । तां दृष्ट्वा हृष्ट उत्तस्थौ प्रस्थानमकरोद्यथा
tena dṛṣṭā punaḥ sāpi kṣaṇājjānuvahābhavat | tāṃ dṛṣṭvā hṛṣṭa uttasthau prasthānamakarodyathā
Sanskrit only: no published translation is held for this verse.
मायां कृत्वा जगन्नाथः पितुरंकाज्जलेऽपतत् । तं पुत्रं पतितं दृष्ट्वा हाहाकृत्वा सुदुःखितः
māyāṃ kṛtvā jagannāthaḥ pituraṃkājjale'patat | taṃ putraṃ patitaṃ dṛṣṭvā hāhākṛtvā suduḥkhitaḥ
Sanskrit only: no published translation is held for this verse.
महोपायं पुनः कर्तुं विधिना तेन वंचितः । त्राहि मां जगतां नाथ सुतं रक्ष सुरोत्तम
mahopāyaṃ punaḥ kartuṃ vidhinā tena vaṃcitaḥ | trāhi māṃ jagatāṃ nātha sutaṃ rakṣa surottama
Sanskrit only: no published translation is held for this verse.
जनकक्रंदितं दृष्ट्वा कंसारिः कृपया मुहुः । जलक्रीडां समाचर्य पितुःक्रोडमगात्पुनः
janakakraṃditaṃ dṛṣṭvā kaṃsāriḥ kṛpayā muhuḥ | jalakrīḍāṃ samācarya pituḥkroḍamagātpunaḥ
Sanskrit only: no published translation is held for this verse.
यथा तेन यदुश्रेष्ठो जगाम नंदमंदिरम् । सुतं दत्त्वा यशोदायै सुतां तस्याः समानयत्
yathā tena yaduśreṣṭho jagāma naṃdamaṃdiram | sutaṃ dattvā yaśodāyai sutāṃ tasyāḥ samānayat
Sanskrit only: no published translation is held for this verse.
निजागारं ततः प्राप्य पत्न्यै प्रत्यर्पिता सुता । देवकी च प्रसूतेति वार्ता प्राप्ता सुरारिणा
nijāgāraṃ tataḥ prāpya patnyai pratyarpitā sutā | devakī ca prasūteti vārtā prāptā surāriṇā
Sanskrit only: no published translation is held for this verse.
आनेतुं प्रस्थिता दूताः सुतं दुहितरं तदा । आगत्य कंसदूतास्ते सुतां नेतुं प्रचक्रमुः
ānetuṃ prasthitā dūtāḥ sutaṃ duhitaraṃ tadā | āgatya kaṃsadūtāste sutāṃ netuṃ pracakramuḥ
Sanskrit only: no published translation is held for this verse.
बलादेनां समाकृष्य देवकी वसुदेवयोः । कंसदूतैर्गृहीत्वा सा अर्पिता तु सुरारये
balādenāṃ samākṛṣya devakī vasudevayoḥ | kaṃsadūtairgṛhītvā sā arpitā tu surāraye
Sanskrit only: no published translation is held for this verse.
स धृत्वा तां महाराजः सभयोऽभूद्दुरासदः । शुद्धकांचनवर्णाभां पूर्णेंदुसदृशाननाम्
sa dhṛtvā tāṃ mahārājaḥ sabhayo'bhūddurāsadaḥ | śuddhakāṃcanavarṇābhāṃ pūrṇeṃdusadṛśānanām
Sanskrit only: no published translation is held for this verse.
कंसो हसंतीं तां दृष्ट्वा विद्युत्स्फुरितलोचनाम् । आदिदेशासुरश्रेष्ठो जहि नीत्वा शिलोपरि
kaṃso hasaṃtīṃ tāṃ dṛṣṭvā vidyutsphuritalocanām | ādideśāsuraśreṣṭho jahi nītvā śilopari
Sanskrit only: no published translation is held for this verse.
आज्ञां लब्ध्वाऽसुरास्ते वै निष्पेष्टुं तां प्रवर्तिताः । विद्युच्छीघ्रतया गौरी जगाम शंकरांतिकम्
ājñāṃ labdhvā'surāste vai niṣpeṣṭuṃ tāṃ pravartitāḥ | vidyucchīghratayā gaurī jagāma śaṃkarāṃtikam
Sanskrit only: no published translation is held for this verse.
गौर्युवाच- शृणु राजन्प्रवक्ष्यामि यत्रास्ते शत्रुरुत्तमः । नंदस्य निलये गुप्तस्तव हंताऽसुरोत्तम
gauryuvāca- śṛṇu rājanpravakṣyāmi yatrāste śatruruttamaḥ | naṃdasya nilaye guptastava haṃtā'surottama
Sanskrit only: no published translation is held for this verse.
वसिष्ठ उवाच- एवमुक्त्वा तु सा देवी जगाम निजमंदिरम् । श्रुत्वा वाक्यं ततो देव्याः कंसो राजा सुदुःखितः
vasiṣṭha uvāca- evamuktvā tu sā devī jagāma nijamaṃdiram | śrutvā vākyaṃ tato devyāḥ kaṃso rājā suduḥkhitaḥ
Sanskrit only: no published translation is held for this verse.
भगिनीं पूतनामाह गच्छ त्वं नंदमंदिरम् । छद्मना तं सुतं हत्वा गच्छ ते वांच्छितं बहु
bhaginīṃ pūtanāmāha gaccha tvaṃ naṃdamaṃdiram | chadmanā taṃ sutaṃ hatvā gaccha te vāṃcchitaṃ bahu
Sanskrit only: no published translation is held for this verse.
दास्यामि शत्रुं हंतुं मे व्रज शीघ्रतरं शुभे । आज्ञां प्राप्य राक्षसी सा गोकुलाभिमुखं गता
dāsyāmi śatruṃ haṃtuṃ me vraja śīghrataraṃ śubhe | ājñāṃ prāpya rākṣasī sā gokulābhimukhaṃ gatā
Sanskrit only: no published translation is held for this verse.
मायया सुंदरी रूपा प्रविष्टा तत्र गोकुले । पयोधरे गरं सा तु धृत्वा हंतुमुपागता
māyayā suṃdarī rūpā praviṣṭā tatra gokule | payodhare garaṃ sā tu dhṛtvā haṃtumupāgatā
Sanskrit only: no published translation is held for this verse.
पशुपानां गृहद्वारि प्रविष्टालक्षितेति च । गत्वांतरुत्थाप्य शिशुं स्तनं दत्वापसद्गतिम्
paśupānāṃ gṛhadvāri praviṣṭālakṣiteti ca | gatvāṃtarutthāpya śiśuṃ stanaṃ datvāpasadgatim
Sanskrit only: no published translation is held for this verse.
ततस्तु शकटं क्षिप्त्वा तृणावर्तादिमर्दनम् । कालीयदमनं कृत्वा गतो मधुपुरीं ततः
tatastu śakaṭaṃ kṣiptvā tṛṇāvartādimardanam | kālīyadamanaṃ kṛtvā gato madhupurīṃ tataḥ
Sanskrit only: no published translation is held for this verse.
गत्वा कंसो हतः क्रूरः कंसमल्लानजीजयत् । एतत्ते कथितं राजन्विष्णोर्जन्मदिनव्रतम्
gatvā kaṃso hataḥ krūraḥ kaṃsamallānajījayat | etatte kathitaṃ rājanviṣṇorjanmadinavratam
Sanskrit only: no published translation is held for this verse.
श्रुत्वा पापानि नश्यंति कुर्यात्किं वा भविष्यति । य इदं कुरुते मर्त्यो या च नारी हरेर्व्रतम्
śrutvā pāpāni naśyaṃti kuryātkiṃ vā bhaviṣyati | ya idaṃ kurute martyo yā ca nārī harervratam
Sanskrit only: no published translation is held for this verse.
ऐश्वर्यमतुलं प्राप्य जन्मन्यत्र यथेप्सितम् । पूर्वविद्धा न कर्त्तव्या तृतीयाषष्ठिरेव च
aiśvaryamatulaṃ prāpya janmanyatra yathepsitam | pūrvaviddhā na karttavyā tṛtīyāṣaṣṭhireva ca
Sanskrit only: no published translation is held for this verse.
अष्टम्येकादशीभूता धर्मकामार्थवांच्छुभिः । वर्जयित्वा प्रयत्नेन सप्तमीसंयुताष्टमी
aṣṭamyekādaśībhūtā dharmakāmārthavāṃcchubhiḥ | varjayitvā prayatnena saptamīsaṃyutāṣṭamī
Sanskrit only: no published translation is held for this verse.
विना ऋक्षेऽपि कर्तव्या नवमीसंयुताष्टमी । उदये चाष्टमी किंचित्सकला नवमी यदि
vinā ṛkṣe'pi kartavyā navamīsaṃyutāṣṭamī | udaye cāṣṭamī kiṃcitsakalā navamī yadi
Sanskrit only: no published translation is held for this verse.
मुहूर्तरोहिणीयुक्ता संपूर्णा चाष्टमी भवेत् । अष्टमी बुधवारेण रोहिणीसहिता यदि
muhūrtarohiṇīyuktā saṃpūrṇā cāṣṭamī bhavet | aṣṭamī budhavāreṇa rohiṇīsahitā yadi
Sanskrit only: no published translation is held for this verse.
सोमेनैव भवेद्राजन्किंकृतैर्व्रतकोटिभिः । नवम्यामुदयात्किंचित्सोमे सापि बुधेऽपि च
somenaiva bhavedrājankiṃkṛtairvratakoṭibhiḥ | navamyāmudayātkiṃcitsome sāpi budhe'pi ca
Sanskrit only: no published translation is held for this verse.
अपि वर्षशतेनापि लभ्यते वा न लभ्यते । विना ऋक्षं न कर्तव्या नवमीसंयुताष्टमी
api varṣaśatenāpi labhyate vā na labhyate | vinā ṛkṣaṃ na kartavyā navamīsaṃyutāṣṭamī
Sanskrit only: no published translation is held for this verse.
कार्याविद्धापि सप्तम्यां रोहिणीसंयुताष्टमी । कलाकाष्ठामुहूर्तेऽपि यदा कृष्णाष्टमीतिथिः
kāryāviddhāpi saptamyāṃ rohiṇīsaṃyutāṣṭamī | kalākāṣṭhāmuhūrte'pi yadā kṛṣṇāṣṭamītithiḥ
Sanskrit only: no published translation is held for this verse.
नवम्यां सैव वा ग्राह्या सप्तमीसंयुता न हि । किं पुनर्बुधवारेण सोमेनापि विशेषतः
navamyāṃ saiva vā grāhyā saptamīsaṃyutā na hi | kiṃ punarbudhavāreṇa somenāpi viśeṣataḥ
Sanskrit only: no published translation is held for this verse.
किं पुर्नर्नवमीयुक्ता कुलकोट्यास्तु मुक्तिदा । पलवेधेन राजेंद्र सप्तम्या अष्टमीं त्यजेत्
kiṃ purnarnavamīyuktā kulakoṭyāstu muktidā | palavedhena rājeṃdra saptamyā aṣṭamīṃ tyajet
Sanskrit only: no published translation is held for this verse.
सुरायाबिंदुनास्पृष्टं गंगांभः कलशं यथा । दिलीप उवाच- केन चादौ कृतं चेदं केन वा तत्प्रकाशितम् । किं पुण्यं किं फलं देव कथयस्व महामुने
surāyābiṃdunāspṛṣṭaṃ gaṃgāṃbhaḥ kalaśaṃ yathā | dilīpa uvāca- kena cādau kṛtaṃ cedaṃ kena vā tatprakāśitam | kiṃ puṇyaṃ kiṃ phalaṃ deva kathayasva mahāmune
Sanskrit only: no published translation is held for this verse.
वसिष्ठ उवाच- चित्रसेनो महाराजा महापापपरो महान् । अगम्यागमनं कृत्वा स्वर्णस्तेयं द्विजस्य च
vasiṣṭha uvāca- citraseno mahārājā mahāpāpaparo mahān | agamyāgamanaṃ kṛtvā svarṇasteyaṃ dvijasya ca
Sanskrit only: no published translation is held for this verse.
सुरायां च सदा तृप्तो वृथामांसे सदा रतः । एवं पापसमायुक्तो नित्यं प्राणिवधे रतः
surāyāṃ ca sadā tṛpto vṛthāmāṃse sadā rataḥ | evaṃ pāpasamāyukto nityaṃ prāṇivadhe rataḥ
Sanskrit only: no published translation is held for this verse.
चांडालैः पतितैः सार्द्धमालापं सर्वदाकरोत् । एतदेवं विधो राजा मृगयायां मनो दधे
cāṃḍālaiḥ patitaiḥ sārddhamālāpaṃ sarvadākarot | etadevaṃ vidho rājā mṛgayāyāṃ mano dadhe
Sanskrit only: no published translation is held for this verse.
अरण्ये द्वीपिनं ज्ञात्वा वेष्टयित्वा च सर्वतः । सावधानं भटान्सर्वान्वाक्यमेतदुवाच ह
araṇye dvīpinaṃ jñātvā veṣṭayitvā ca sarvataḥ | sāvadhānaṃ bhaṭānsarvānvākyametaduvāca ha
Sanskrit only: no published translation is held for this verse.
अहमेव निहन्म्येनं योऽन्योस्मिन्प्रहरिष्यति । स वध्यो नात्र संदेहो व्याघ्रो राज्ञः पथा ययौ
ahameva nihanmyenaṃ yo'nyosminprahariṣyati | sa vadhyo nātra saṃdeho vyāghro rājñaḥ pathā yayau
Sanskrit only: no published translation is held for this verse.
सलज्जोऽपि ततो राजा व्याघ्रं पश्चाज्जगाम ह । अनेकक्लेशदुःखेन व्याघ्रं हंतुं समाहितः
salajjo'pi tato rājā vyāghraṃ paścājjagāma ha | anekakleśaduḥkhena vyāghraṃ haṃtuṃ samāhitaḥ
Sanskrit only: no published translation is held for this verse.
क्षुत्पिपासाकुलक्लेशः संध्यायां यमुनातटे । अष्टमीरोहिणीयुक्ता तद्दिनं जन्मवासरम्
kṣutpipāsākulakleśaḥ saṃdhyāyāṃ yamunātaṭe | aṣṭamīrohiṇīyuktā taddinaṃ janmavāsaram
Sanskrit only: no published translation is held for this verse.
श्वःकन्या यमुनायां वै व्रतं चक्रुर्नराधिप । नानोपहारैर्द्रव्यैश्च धूपदीपैः सुशोभनैः
śvaḥkanyā yamunāyāṃ vai vrataṃ cakrurnarādhipa | nānopahārairdravyaiśca dhūpadīpaiḥ suśobhanaiḥ
Sanskrit only: no published translation is held for this verse.
गंधपुष्पं तथा द्रव्यं कुंकुमादिमनोहरम् । अन्नं बहुगुणं दृष्ट्वा भोक्तुं तन्मानसंकुलम्
gaṃdhapuṣpaṃ tathā dravyaṃ kuṃkumādimanoharam | annaṃ bahuguṇaṃ dṛṣṭvā bhoktuṃ tanmānasaṃkulam
Sanskrit only: no published translation is held for this verse.
राजोवाच- अन्नाभावान्ममाद्याशु प्राणा यास्यंति निश्चितम् । स्त्रिय ऊचुः- जन्माष्टम्यां हरे राजन्न भोक्तव्यं त्वयानघ
rājovāca- annābhāvānmamādyāśu prāṇā yāsyaṃti niścitam | striya ūcuḥ- janmāṣṭamyāṃ hare rājanna bhoktavyaṃ tvayānagha
Sanskrit only: no published translation is held for this verse.
गृध्रमांसं खरं काकं गोमांसमन्नमेव च । भुक्तवान्नात्र संदेहो यो भुंक्ते कृष्णजन्मनि
gṛdhramāṃsaṃ kharaṃ kākaṃ gomāṃsamannameva ca | bhuktavānnātra saṃdeho yo bhuṃkte kṛṣṇajanmani
Sanskrit only: no published translation is held for this verse.
किं किं छिद्रं न संजातं संसारे वसतां नृणाम् । येन देहेस्थिते प्राणे जयंती न कृता नृप
kiṃ kiṃ chidraṃ na saṃjātaṃ saṃsāre vasatāṃ nṛṇām | yena dehesthite prāṇe jayaṃtī na kṛtā nṛpa
Sanskrit only: no published translation is held for this verse.
तत्राकृतोपवासस्य शासनं यममंदिरम् । यद्दत्तं पितरो नित्यं न गृह्णंति यथाविधि
tatrākṛtopavāsasya śāsanaṃ yamamaṃdiram | yaddattaṃ pitaro nityaṃ na gṛhṇaṃti yathāvidhi
Sanskrit only: no published translation is held for this verse.
पितरः पातिताः सर्वे जयंत्यां भोजने कृते । इति श्रुत्वा ततो राजा व्रतं चक्रे नराधिप
pitaraḥ pātitāḥ sarve jayaṃtyāṃ bhojane kṛte | iti śrutvā tato rājā vrataṃ cakre narādhipa
Sanskrit only: no published translation is held for this verse.
किंचित्पुष्पं कियद्गंधं वस्त्रं चानीय हर्षितः । एतद्व्रतं समायुक्तं तिथिभांते च पारणम् । व्रतस्यास्य प्रभावेण चित्रसेनो हरेर्गृहम्
kiṃcitpuṣpaṃ kiyadgaṃdhaṃ vastraṃ cānīya harṣitaḥ | etadvrataṃ samāyuktaṃ tithibhāṃte ca pāraṇam | vratasyāsya prabhāveṇa citraseno harergṛham
Sanskrit only: no published translation is held for this verse.
दिव्यं विमानमारुह्य गतवान्पितृभिः सह । यत्फलं मथुरां गत्वा दृष्ट्वा कृष्णमुखांबुजम्
divyaṃ vimānamāruhya gatavānpitṛbhiḥ saha | yatphalaṃ mathurāṃ gatvā dṛṣṭvā kṛṣṇamukhāṃbujam
Sanskrit only: no published translation is held for this verse.
तत्फलं प्राप्यते पुंसाकृष्णजन्माष्टमीव्रतात् । यत्फलं द्वारकां गत्वा दृष्टे विश्वेश्वरे हरौ । तत्फलं प्राप्यते दीनैः कृत्वा जन्माष्टमीव्रतम्
tatphalaṃ prāpyate puṃsākṛṣṇajanmāṣṭamīvratāt | yatphalaṃ dvārakāṃ gatvā dṛṣṭe viśveśvare harau | tatphalaṃ prāpyate dīnaiḥ kṛtvā janmāṣṭamīvratam
Sanskrit only: no published translation is held for this verse.