Padma Purāṇa 4.17

शौनक उवाच। विष्णुपादोदकस्यापि माहात्म्यं पापनाशनम् । कथयस्व महाप्राज्ञ समूलं मे कृपार्णव

śaunaka uvāca| viṣṇupādodakasyāpi māhātmyaṃ pāpanāśanam | kathayasva mahāprājña samūlaṃ me kṛpārṇava

Sanskrit only: no published translation is held for this verse.

सूत उवाच। समस्तपातकध्वंसि विष्णुपादोदकं शुभम् । कणमात्रं वहेद्यस्तु सर्वतीर्थफलं लभेत्

sūta uvāca| samastapātakadhvaṃsi viṣṇupādodakaṃ śubham | kaṇamātraṃ vahedyastu sarvatīrthaphalaṃ labhet

Sanskrit only: no published translation is held for this verse.

विष्णुपादोदकं ब्रह्मन्स्पर्शतः पापनाशनम् । अकालमरणं नास्ति गंगास्नानफलं लभेत्

viṣṇupādodakaṃ brahmansparśataḥ pāpanāśanam | akālamaraṇaṃ nāsti gaṃgāsnānaphalaṃ labhet

Sanskrit only: no published translation is held for this verse.

विष्णुपादोदकं पापी यः पिबेत्तस्य किल्बिषम् । शरीरस्थं क्षयं याति कृतं ब्रह्मन्न संशयः

viṣṇupādodakaṃ pāpī yaḥ pibettasya kilbiṣam | śarīrasthaṃ kṣayaṃ yāti kṛtaṃ brahmanna saṃśayaḥ

Sanskrit only: no published translation is held for this verse.

तुलसीपर्णसंयुक्तं विष्णुपादोदकं द्विज । यो वहेच्छिरसा भक्त्या चांते याति हरेर्गृहम्

tulasīparṇasaṃyuktaṃ viṣṇupādodakaṃ dvija | yo vahecchirasā bhaktyā cāṃte yāti harergṛham

Sanskrit only: no published translation is held for this verse.

मेरुतुल्यसुवर्णानि दत्त्वा यत्फलमाप्यते । हरिपादोदकं स्पृष्ट्वा प्राप्यते तत्फलं नरैः

merutulyasuvarṇāni dattvā yatphalamāpyate | haripādodakaṃ spṛṣṭvā prāpyate tatphalaṃ naraiḥ

Sanskrit only: no published translation is held for this verse.

धेनुकोटिसहस्राणि यत्फलं लभते नरैः । दत्वा पादोदकं स्पृष्ट्वा तत्फलं प्राप्यते ध्रुवम्

dhenukoṭisahasrāṇi yatphalaṃ labhate naraiḥ | datvā pādodakaṃ spṛṣṭvā tatphalaṃ prāpyate dhruvam

Sanskrit only: no published translation is held for this verse.

यज्ञकोटिसहस्राणि कृत्वा यत्फलमाप्यते । हरिपादोदकं स्पृष्ट्वा तस्मात्कोटिगुणं नरैः

yajñakoṭisahasrāṇi kṛtvā yatphalamāpyate | haripādodakaṃ spṛṣṭvā tasmātkoṭiguṇaṃ naraiḥ

Sanskrit only: no published translation is held for this verse.

कोटिकन्याप्रदानेन यत्फलं लभ्यते जनैः । विष्णुपादोदकं स्पृष्ट्वा फलं तस्माद्द्विजाधिकम्

koṭikanyāpradānena yatphalaṃ labhyate janaiḥ | viṣṇupādodakaṃ spṛṣṭvā phalaṃ tasmāddvijādhikam

Sanskrit only: no published translation is held for this verse.

दंतिकोटिप्रदानेन सप्तिकोटिप्रदानतः । यत्फलं लभते मर्त्यः स्पृष्ट्वा पादोदकं हरेः

daṃtikoṭipradānena saptikoṭipradānataḥ | yatphalaṃ labhate martyaḥ spṛṣṭvā pādodakaṃ hareḥ

Sanskrit only: no published translation is held for this verse.

दत्वा मर्त्यः सप्तद्वीपां ससस्यां यत्फलं लभेत् । विष्णुपादोदकं स्पृष्ट्वा तस्माद्विप्राधिकं लभेत्

datvā martyaḥ saptadvīpāṃ sasasyāṃ yatphalaṃ labhet | viṣṇupādodakaṃ spṛṣṭvā tasmādviprādhikaṃ labhet

Sanskrit only: no published translation is held for this verse.

शृणु विप्र प्रवक्ष्यामि संक्षेपेणाधिकं किमु । विष्णुपादोदकं स्पृष्ट्वा पापी याति हरेर्गृहम्

śṛṇu vipra pravakṣyāmi saṃkṣepeṇādhikaṃ kimu | viṣṇupādodakaṃ spṛṣṭvā pāpī yāti harergṛham

Sanskrit only: no published translation is held for this verse.

शौनक उवाच। स्पृष्ट्वा पीत्वा पुरा केन प्राणिना प्रापि वै गृहम् । कथयस्व हरेः सूत मम त्वं चानुकंपया

śaunaka uvāca| spṛṣṭvā pītvā purā kena prāṇinā prāpi vai gṛham | kathayasva hareḥ sūta mama tvaṃ cānukaṃpayā

Sanskrit only: no published translation is held for this verse.

सूत उवाच। पुरा त्रेतायुगे पापी नाम्ना विप्रः सुदर्शनः । जनार्द्दनदिने नित्यमश्नीयात्स द्विजोत्तम

sūta uvāca| purā tretāyuge pāpī nāmnā vipraḥ sudarśanaḥ | janārddanadine nityamaśnīyātsa dvijottama

Sanskrit only: no published translation is held for this verse.

शास्त्रनिंदाकरो नित्यं व्रतनिंदाकरः सदा । असावन्यं न जानाति केवलं स्वोदरं विना

śāstraniṃdākaro nityaṃ vrataniṃdākaraḥ sadā | asāvanyaṃ na jānāti kevalaṃ svodaraṃ vinā

Sanskrit only: no published translation is held for this verse.

एकदा प्राप्तकालस्तु निधनं प्राप्तवान्द्विज । यमदूताः समायाता बद्ध्वा नीतो यमालयम्

ekadā prāptakālastu nidhanaṃ prāptavāndvija | yamadūtāḥ samāyātā baddhvā nīto yamālayam

Sanskrit only: no published translation is held for this verse.

तं दृष्ट्वा यमुनाभ्राता पप्रच्छ सचिवं रुषा । भोऽमात्य चास्य यत्पुण्यं पापं वद समूलतः

taṃ dṛṣṭvā yamunābhrātā papraccha sacivaṃ ruṣā | bho'mātya cāsya yatpuṇyaṃ pāpaṃ vada samūlataḥ

Sanskrit only: no published translation is held for this verse.

असौ विप्रो महापापी क्रूरकर्म्मेव दृश्यते

asau vipro mahāpāpī krūrakarmmeva dṛśyate

Sanskrit only: no published translation is held for this verse.

चित्रगुप्त उवाच। आकर्णय चास्य पापं पुण्यं नास्त्यणुमात्रकम् । वासरेऽपि हरेर्नित्यमकरोद्भोजनं विभो

citragupta uvāca| ākarṇaya cāsya pāpaṃ puṇyaṃ nāstyaṇumātrakam | vāsare'pi harernityamakarodbhojanaṃ vibho

Sanskrit only: no published translation is held for this verse.

वासरे कमलाभर्तुश्चाश्नीयाद्यो नराधमः । पुरीषं सोऽश्नीयाद्राजन्निरयं याति दारुणम्

vāsare kamalābhartuścāśnīyādyo narādhamaḥ | purīṣaṃ so'śnīyādrājannirayaṃ yāti dāruṇam

Sanskrit only: no published translation is held for this verse.

मन्वंतरशतं देहि स्थानं तु निरयेऽप्यमुम् । ग्रामक्रोडस्य योनौ हि ततो जन्म भविष्यति

manvaṃtaraśataṃ dehi sthānaṃ tu niraye'pyamum | grāmakroḍasya yonau hi tato janma bhaviṣyati

Sanskrit only: no published translation is held for this verse.

सूत उवाच। यमाज्ञया ततो विप्र तस्य दूतैर्भयंकरैः । पातितस्तु पुरीषे वै मन्वंतरशताधिकम्

sūta uvāca| yamājñayā tato vipra tasya dūtairbhayaṃkaraiḥ | pātitastu purīṣe vai manvaṃtaraśatādhikam

Sanskrit only: no published translation is held for this verse.

ततो मुक्तोऽभवच्चासौ पृथिव्यां ग्रामसूकरः । चिरं नरकमश्नीयाद्धरिवासरभोजनात्

tato mukto'bhavaccāsau pṛthivyāṃ grāmasūkaraḥ | ciraṃ narakamaśnīyāddharivāsarabhojanāt

Sanskrit only: no published translation is held for this verse.

ततो विप्र प्राप्तकालः पंचत्वं स जगाम ह । काकयोनौ पुनर्जन्म लेभेऽसौ विड्भुजः सदा

tato vipra prāptakālaḥ paṃcatvaṃ sa jagāma ha | kākayonau punarjanma lebhe'sau viḍbhujaḥ sadā

Sanskrit only: no published translation is held for this verse.

एकस्मिन्दिवसे विप्र श्रीहरेश्चरणोदकम् । द्वारदेशेस्थितं पीत्वा सर्वपापविवर्जितः

ekasmindivase vipra śrīhareścaraṇodakam | dvāradeśesthitaṃ pītvā sarvapāpavivarjitaḥ

Sanskrit only: no published translation is held for this verse.

तस्मिन्नेव दिने काकः पतितः शबरस्य च । काले मृत्युदशां प्राप्तो व्याधेन वायसोपि च

tasminneva dine kākaḥ patitaḥ śabarasya ca | kāle mṛtyudaśāṃ prāpto vyādhena vāyasopi ca

Sanskrit only: no published translation is held for this verse.

आगते स्यंदने दिव्ये राजहंसयुते शुभे । आरुह्य बलिभुग्विप्र ययौ स हरिमंदिरम्

āgate syaṃdane divye rājahaṃsayute śubhe | āruhya balibhugvipra yayau sa harimaṃdiram

Sanskrit only: no published translation is held for this verse.

पादोदकस्य माहात्म्यं कथितं पापनाशनम् । यः शृणोति नरः पापी तस्य पापं विनश्यति

pādodakasya māhātmyaṃ kathitaṃ pāpanāśanam | yaḥ śṛṇoti naraḥ pāpī tasya pāpaṃ vinaśyati

Sanskrit only: no published translation is held for this verse.