Padma Purāṇa 4.18

शौनक उवाच। अगम्यागमनं सूत कुर्याद्यो वै विमोहितः । तस्य शुद्धिर्भवेत्केन कथयस्व समूलतः

śaunaka uvāca| agamyāgamanaṃ sūta kuryādyo vai vimohitaḥ | tasya śuddhirbhavetkena kathayasva samūlataḥ

Sanskrit only: no published translation is held for this verse.

सूत उवाच। अभिगच्छति चांडालीं श्वपाकीं यो द्विजोत्तमः । उपवासत्रयं कुर्यात्प्राजापत्यं चरेत्ततः

sūta uvāca| abhigacchati cāṃḍālīṃ śvapākīṃ yo dvijottamaḥ | upavāsatrayaṃ kuryātprājāpatyaṃ carettataḥ

Sanskrit only: no published translation is held for this verse.

सशिखं वपनं चैव दद्याद्गोद्वयमेव च । यथार्थदक्षिणां दत्वा शुद्धिमाप्नोति स द्विजः

saśikhaṃ vapanaṃ caiva dadyādgodvayameva ca | yathārthadakṣiṇāṃ datvā śuddhimāpnoti sa dvijaḥ

Sanskrit only: no published translation is held for this verse.

क्षत्त्रियो वापि चांडालीं वैश्यो वा यदि गच्छति । प्राजापत्यं सकृच्छ्रं च दद्याद्गोमिथुनद्वयम्

kṣattriyo vāpi cāṃḍālīṃ vaiśyo vā yadi gacchati | prājāpatyaṃ sakṛcchraṃ ca dadyādgomithunadvayam

Sanskrit only: no published translation is held for this verse.

अनुगच्छति शूद्रो हि श्वपाकीं च तपोधन । चतुर्गोमिथुनं दद्यात्प्राजापत्यं व्रतं चरेत्

anugacchati śūdro hi śvapākīṃ ca tapodhana | caturgomithunaṃ dadyātprājāpatyaṃ vrataṃ caret

Sanskrit only: no published translation is held for this verse.

मातरं यदि वा गच्छेद्भगिनीं स्वसुतामपि । वधूं च मोहितो गच्छंस्त्रीणि कृच्छ्राण्यथाचरेत्

mātaraṃ yadi vā gacchedbhaginīṃ svasutāmapi | vadhūṃ ca mohito gacchaṃstrīṇi kṛcchrāṇyathācaret

Sanskrit only: no published translation is held for this verse.

चांद्रायणत्रयं कृत्वा दद्याद्गोमिथुनत्रयम् । सशिखं वपनं कृत्वा पंचगव्यं पिबेत्ततः

cāṃdrāyaṇatrayaṃ kṛtvā dadyādgomithunatrayam | saśikhaṃ vapanaṃ kṛtvā paṃcagavyaṃ pibettataḥ

Sanskrit only: no published translation is held for this verse.

हुते ह्यग्नौ तथाप्यत्र शुद्ध्यत्येवं तपोधन । पितृदारान्द्विजश्रेष्ठ मातुश्च भगिनीं तथा

hute hyagnau tathāpyatra śuddhyatyevaṃ tapodhana | pitṛdārāndvijaśreṣṭha mātuśca bhaginīṃ tathā

Sanskrit only: no published translation is held for this verse.

गुरुपत्नीं मातुलानीं भ्रातुर्भार्यां स्वगोत्रजाम् । यदि गच्छति मोहेन प्राजापत्यद्वयं चरेत्

gurupatnīṃ mātulānīṃ bhrāturbhāryāṃ svagotrajām | yadi gacchati mohena prājāpatyadvayaṃ caret

Sanskrit only: no published translation is held for this verse.

चांद्रायणत्रयं ब्रह्मन्पंचगोमिथुनानि च । विप्रेभ्यो दक्षिणां दद्याच्छुध्यते नात्र संशयः

cāṃdrāyaṇatrayaṃ brahmanpaṃcagomithunāni ca | viprebhyo dakṣiṇāṃ dadyācchudhyate nātra saṃśayaḥ

Sanskrit only: no published translation is held for this verse.

गां च गच्छति यो मूढ उपवासत्रयं चरेत् । धेनुं दत्त्वा तथा चान्नं शुद्ध्यत्यत्र न संशयः

gāṃ ca gacchati yo mūḍha upavāsatrayaṃ caret | dhenuṃ dattvā tathā cānnaṃ śuddhyatyatra na saṃśayaḥ

Sanskrit only: no published translation is held for this verse.

वेश्यां खरीं शूकरीं च कपिं तुं महिषीं द्विज । आकंठतः समाक्षिप्य गोमयोदककर्द्दमे

veśyāṃ kharīṃ śūkarīṃ ca kapiṃ tuṃ mahiṣīṃ dvija | ākaṃṭhataḥ samākṣipya gomayodakakarddame

Sanskrit only: no published translation is held for this verse.

तत्र तिष्ठेन्निराहारो त्रिरात्रेणैव शुद्ध्यति । सशिखं वपनं कृत्वा त्रिरात्रमुपवासयेत्

tatra tiṣṭhennirāhāro trirātreṇaiva śuddhyati | saśikhaṃ vapanaṃ kṛtvā trirātramupavāsayet

Sanskrit only: no published translation is held for this verse.

एकरात्रं जले स्थित्वा शुद्ध्यत्येव न संशयः । ब्राह्मणीं तु यदा गच्छेत्यो नरः काममोहितः

ekarātraṃ jale sthitvā śuddhyatyeva na saṃśayaḥ | brāhmaṇīṃ tu yadā gacchetyo naraḥ kāmamohitaḥ

Sanskrit only: no published translation is held for this verse.

प्राजापत्यत्रयं कुर्य्याच्चांद्रायणत्रयं तथा । गोत्रयं तु तथा दद्याच्छुद्ध्यत्येव तपोधन

prājāpatyatrayaṃ kuryyāccāṃdrāyaṇatrayaṃ tathā | gotrayaṃ tu tathā dadyācchuddhyatyeva tapodhana

Sanskrit only: no published translation is held for this verse.

ब्राह्मणी पंचगव्यं तु पंचरात्रं पिबेद्द्विज । गोद्वयं दक्षिणां दद्याच्छुध्यत्यत्र न संशयः

brāhmaṇī paṃcagavyaṃ tu paṃcarātraṃ pibeddvija | godvayaṃ dakṣiṇāṃ dadyācchudhyatyatra na saṃśayaḥ

Sanskrit only: no published translation is held for this verse.

परांगनां यदागच्छेत्कृच्छ्रं सांतपनं चरेत् । यथार्गला तथा योषित्तस्मात्तां परिवर्जयेत्

parāṃganāṃ yadāgacchetkṛcchraṃ sāṃtapanaṃ caret | yathārgalā tathā yoṣittasmāttāṃ parivarjayet

Sanskrit only: no published translation is held for this verse.

वर्णबाह्यां तथा नीचामनुगच्छेत्सकृन्नरः । प्राजापत्यं चरेत्कृच्छ्रं शुद्ध्यत्येव न संशयः

varṇabāhyāṃ tathā nīcāmanugacchetsakṛnnaraḥ | prājāpatyaṃ caretkṛcchraṃ śuddhyatyeva na saṃśayaḥ

Sanskrit only: no published translation is held for this verse.

अंगारसदृशी योषित्सर्पिः कुंभसमः पुमान् । तस्याः परिसरे ब्रह्मन्न स्थातव्यं कदाचन

aṃgārasadṛśī yoṣitsarpiḥ kuṃbhasamaḥ pumān | tasyāḥ parisare brahmanna sthātavyaṃ kadācana

Sanskrit only: no published translation is held for this verse.

जारेण जनयेद्गर्भं या च नारी कुलांतका । त्याज्या सा सर्वथा ब्रंह्मस्तत्र दोषो न विद्यते

jāreṇa janayedgarbhaṃ yā ca nārī kulāṃtakā | tyājyā sā sarvathā braṃhmastatra doṣo na vidyate

Sanskrit only: no published translation is held for this verse.

या च नारी गृहाद्गच्छेत्त्यक्त्वा बंधून्स्वकानपि । नष्टा सा च कुलभ्रष्टा न तस्याः संगमः पुनः

yā ca nārī gṛhādgacchettyaktvā baṃdhūnsvakānapi | naṣṭā sā ca kulabhraṣṭā na tasyāḥ saṃgamaḥ punaḥ

Sanskrit only: no published translation is held for this verse.

या च नारी यदा गच्छेन्मोहिता परपूरुषम् । प्राजापत्यं चरेत्कृच्छ्रं पंचगव्यं पिबेत्ततः

yā ca nārī yadā gacchenmohitā parapūruṣam | prājāpatyaṃ caretkṛcchraṃ paṃcagavyaṃ pibettataḥ

Sanskrit only: no published translation is held for this verse.

गोद्वयं तु ततो दद्याच्छुध्यत्येव न संशयः । ब्राह्मणी बालिशा ब्रह्मन्मोहिता परपूरुषम्

godvayaṃ tu tato dadyācchudhyatyeva na saṃśayaḥ | brāhmaṇī bāliśā brahmanmohitā parapūruṣam

Sanskrit only: no published translation is held for this verse.

यदा गच्छेत्तदा त्याज्या जनैर्दोषो न विद्यते । यो गच्छेद्ब्राह्मणीं विप्र भूसुरः काममोहितः । गो तिलांश्च तदा दद्याच्छुद्ध्यत्यत्र न संशयः

yadā gacchettadā tyājyā janairdoṣo na vidyate | yo gacchedbrāhmaṇīṃ vipra bhūsuraḥ kāmamohitaḥ | go tilāṃśca tadā dadyācchuddhyatyatra na saṃśayaḥ

Sanskrit only: no published translation is held for this verse.