Padma Purāṇa 4.20

शौनक उवाच। सुकृतं किं तथा प्राह कृत्वा संसारसागरात् । तरिष्यंति कलौ सूत तमोन्धकूपमंडुकाः

śaunaka uvāca| sukṛtaṃ kiṃ tathā prāha kṛtvā saṃsārasāgarāt | tariṣyaṃti kalau sūta tamondhakūpamaṃḍukāḥ

Sanskrit only: no published translation is held for this verse.

सूत उवाच। राधाकृष्णप्रिये चौर्जे प्रातःस्नानं समाचरेत् । राधादामोदरं भक्त्या कुर्यात्पूजां समाहिता

sūta uvāca| rādhākṛṣṇapriye caurje prātaḥsnānaṃ samācaret | rādhādāmodaraṃ bhaktyā kuryātpūjāṃ samāhitā

Sanskrit only: no published translation is held for this verse.

त्यक्त्वामिषादिकं ब्रह्मन्पतिसेवापरायणा । सा याति श्रीहरेः स्थानं गोलोकाख्यं सुदुर्ल्लभम्

tyaktvāmiṣādikaṃ brahmanpatisevāparāyaṇā | sā yāti śrīhareḥ sthānaṃ golokākhyaṃ sudurllabham

Sanskrit only: no published translation is held for this verse.

राधादामोदराभ्यां या धूपदीपं तु कार्तिके । दद्यात्सा भवनं विष्णोर्याति वै त्यक्तपातकाः

rādhādāmodarābhyāṃ yā dhūpadīpaṃ tu kārtike | dadyātsā bhavanaṃ viṣṇoryāti vai tyaktapātakāḥ

Sanskrit only: no published translation is held for this verse.

योषिद्या कार्त्तिके विप्र दद्याद्वस्त्रं निकेतने । राधादामोदराभ्यां तु वसेत्सा श्रीहरेश्चिरम्

yoṣidyā kārttike vipra dadyādvastraṃ niketane | rādhādāmodarābhyāṃ tu vasetsā śrīhareściram

Sanskrit only: no published translation is held for this verse.

राधादामोदराभ्यां सा पुष्पं माल्यं सुवासितम् । कार्तिके मासि सा दद्याद्याति वैकुंठमंदिरम्

rādhādāmodarābhyāṃ sā puṣpaṃ mālyaṃ suvāsitam | kārtike māsi sā dadyādyāti vaikuṃṭhamaṃdiram

Sanskrit only: no published translation is held for this verse.

गंधं या चापि नैवेद्यं दद्याद्वै शर्करादिकम् । राधादामोदराभ्यां सा गच्छेद्वै विष्णुमंदिरम्

gaṃdhaṃ yā cāpi naivedyaṃ dadyādvai śarkarādikam | rādhādāmodarābhyāṃ sā gacchedvai viṣṇumaṃdiram

Sanskrit only: no published translation is held for this verse.

यत्किंचिद्यच्छति ब्रह्मन्कार्तिके च द्विजातये । राधादामोदरप्रीत्यै तस्याः पुण्याक्षयं भवेत्

yatkiṃcidyacchati brahmankārtike ca dvijātaye | rādhādāmodaraprītyai tasyāḥ puṇyākṣayaṃ bhavet

Sanskrit only: no published translation is held for this verse.

या नारी कार्तिके भक्त्या राधादामोदरं द्विज । प्रातः सपर्यां सा याति न कुर्य्यान्निरयं चिरम्

yā nārī kārtike bhaktyā rādhādāmodaraṃ dvija | prātaḥ saparyāṃ sā yāti na kuryyānnirayaṃ ciram

Sanskrit only: no published translation is held for this verse.

कदाचिज्जन्मभूमौ सा विधवा प्रति जन्मनि । भवेच्चासाद्य पूर्व्वं वै चाप्रिया स्वामिनोऽपि च

kadācijjanmabhūmau sā vidhavā prati janmani | bhaveccāsādya pūrvvaṃ vai cāpriyā svāmino'pi ca

Sanskrit only: no published translation is held for this verse.

पुरा त्रेतायुगे विप्र वृषलो नाम शंकरः । सौराष्ट्रदेशवासी च तस्य जाया कलिप्रिया

purā tretāyuge vipra vṛṣalo nāma śaṃkaraḥ | saurāṣṭradeśavāsī ca tasya jāyā kalipriyā

Sanskrit only: no published translation is held for this verse.

जाराकांक्षी सदा नाम्ना तृणवन्मन्यते पतिम् । असौ पतिर्न मे योग्यो मे स्वामी परपूरुषः

jārākāṃkṣī sadā nāmnā tṛṇavanmanyate patim | asau patirna me yogyo me svāmī parapūruṣaḥ

Sanskrit only: no published translation is held for this verse.

इति मत्वा सदा तस्मै चोच्छिष्टं तु ददाति वै । नीचसंगान्महामूढा मद्यमांसं चखाद ह

iti matvā sadā tasmai cocchiṣṭaṃ tu dadāti vai | nīcasaṃgānmahāmūḍhā madyamāṃsaṃ cakhāda ha

Sanskrit only: no published translation is held for this verse.

स्वामिनो भर्त्सनां नित्यं कुर्यात्कामं तु निष्ठुरा । पादरज्जुर्भवेच्चासौ कस्माद्वै न मृतोऽपि च

svāmino bhartsanāṃ nityaṃ kuryātkāmaṃ tu niṣṭhurā | pādarajjurbhaveccāsau kasmādvai na mṛto'pi ca

Sanskrit only: no published translation is held for this verse.

मृते तस्मिन्नहं भोगं करिष्यामि यदृच्छया । विचार्येति हृदा मूढा जारेणैकेन सा तदा

mṛte tasminnahaṃ bhogaṃ kariṣyāmi yadṛcchayā | vicāryeti hṛdā mūḍhā jāreṇaikena sā tadā

Sanskrit only: no published translation is held for this verse.

अन्यदेशं गमिष्यावः संकेतमकरोद्द्विज । सुप्तस्य स्वामिनो रात्रौ चासिना तद्गलं द्विज

anyadeśaṃ gamiṣyāvaḥ saṃketamakaroddvija | suptasya svāmino rātrau cāsinā tadgalaṃ dvija

Sanskrit only: no published translation is held for this verse.

छित्त्वा जारकृते सापि संकेतस्य स्थलं गता । आगतं जारपुरुषं द्वीपिना भक्षितं द्विज

chittvā jārakṛte sāpi saṃketasya sthalaṃ gatā | āgataṃ jārapuruṣaṃ dvīpinā bhakṣitaṃ dvija

Sanskrit only: no published translation is held for this verse.

दृष्ट्वा सा रोदनं कृत्वा मूर्च्छिता निपपात ह । चिरादाश्वस्य सा मूढा करुणं विललाप ह

dṛṣṭvā sā rodanaṃ kṛtvā mūrcchitā nipapāta ha | cirādāśvasya sā mūḍhā karuṇaṃ vilalāpa ha

Sanskrit only: no published translation is held for this verse.

कलिप्रियोवाच। स्वकीयं स्वामिनं हत्वा चागता परपूरुषम् । तं जारं स्वामिनं दैवात्शार्दूलो भक्षयन्मम । किं करोमि क्व गच्छामि विधात्रा वंचितास्म्यहम्

kalipriyovāca| svakīyaṃ svāminaṃ hatvā cāgatā parapūruṣam | taṃ jāraṃ svāminaṃ daivātśārdūlo bhakṣayanmama | kiṃ karomi kva gacchāmi vidhātrā vaṃcitāsmyaham

Sanskrit only: no published translation is held for this verse.

सूत उवाच। ततः कलिप्रिया ब्रह्मनागता स्वगृहं प्रति । लपने स्वामिनो दत्वा मुखं च विललाप सा

sūta uvāca| tataḥ kalipriyā brahmanāgatā svagṛhaṃ prati | lapane svāmino datvā mukhaṃ ca vilalāpa sā

Sanskrit only: no published translation is held for this verse.

कलिप्रियोवाच। हा नाथ किं कृतं कर्म्म मया हंतातिदारुणम् । कं लोकं वा गमिष्यामि वद स्वामिन्मनाग्गिरम्

kalipriyovāca| hā nātha kiṃ kṛtaṃ karmma mayā haṃtātidāruṇam | kaṃ lokaṃ vā gamiṣyāmi vada svāminmanāggiram

Sanskrit only: no published translation is held for this verse.

भर्त्सनां तु यथाकामं कुर्य्याच्चाहं सुनिंदिता । किंचिन्न वदसि स्वामिन्नेनो यन्मे न विद्यते

bhartsanāṃ tu yathākāmaṃ kuryyāccāhaṃ suniṃditā | kiṃcinna vadasi svāminneno yanme na vidyate

Sanskrit only: no published translation is held for this verse.

सूत उवाच। ननाम चरणे तस्य गतान्यनगरं प्रति । तत्र प्रविष्टा सा योषिद्दृष्ट्वा पुण्यजनान्बहून्

sūta uvāca| nanāma caraṇe tasya gatānyanagaraṃ prati | tatra praviṣṭā sā yoṣiddṛṣṭvā puṇyajanānbahūn

Sanskrit only: no published translation is held for this verse.

ऊर्जे स्नानपरान्प्रातर्नर्मदायां च वैष्णवान् । तत्र नद्यां स्त्रियश्चापि राधादामोदरं द्विज

ūrje snānaparānprātarnarmadāyāṃ ca vaiṣṇavān | tatra nadyāṃ striyaścāpi rādhādāmodaraṃ dvija

Sanskrit only: no published translation is held for this verse.

सपर्यां च कृतां चैव शंखनादैर्महोत्सवैः । गंधपुष्पैर्धूपदीपैर्वस्त्रैर्नानाविधैः फलैः

saparyāṃ ca kṛtāṃ caiva śaṃkhanādairmahotsavaiḥ | gaṃdhapuṣpairdhūpadīpairvastrairnānāvidhaiḥ phalaiḥ

Sanskrit only: no published translation is held for this verse.

मुखवासैर्भक्तियुक्ता दृष्ट्वा सा विनयान्विता । पप्रच्छ ब्रूत यूयं मे किमेतत्क्रियते स्त्रियः

mukhavāsairbhaktiyuktā dṛṣṭvā sā vinayānvitā | papraccha brūta yūyaṃ me kimetatkriyate striyaḥ

Sanskrit only: no published translation is held for this verse.

स्त्रिय ऊचुः - सर्वमासोत्तमे चोर्जे राधादामोदरौ शुभौ । पूजां कृत्वा वयं मातः सर्वपापहरां शुभाम्

striya ūcuḥ - sarvamāsottame corje rādhādāmodarau śubhau | pūjāṃ kṛtvā vayaṃ mātaḥ sarvapāpaharāṃ śubhām

Sanskrit only: no published translation is held for this verse.

कोटिजन्मार्जितं पापं नष्टं प्राप्तं निकेतनम् । सपर्य्यामामिषं त्यक्त्वा कृत्वा सा च हरेर्द्दिने

koṭijanmārjitaṃ pāpaṃ naṣṭaṃ prāptaṃ niketanam | saparyyāmāmiṣaṃ tyaktvā kṛtvā sā ca harerddine

Sanskrit only: no published translation is held for this verse.

निधनत्वं पौर्णमास्यां गता सा निर्मला द्विज । किंकराश्चागतास्तूर्णं यमस्य निलयं प्रति

nidhanatvaṃ paurṇamāsyāṃ gatā sā nirmalā dvija | kiṃkarāścāgatāstūrṇaṃ yamasya nilayaṃ prati

Sanskrit only: no published translation is held for this verse.

नेतुं तां क्रोधसंयुक्ता बबंधुश्चर्मरज्जुभिः । तदागता विष्णुदूता विमानं स्वर्णनिर्मितम्

netuṃ tāṃ krodhasaṃyuktā babaṃdhuścarmarajjubhiḥ | tadāgatā viṣṇudūtā vimānaṃ svarṇanirmitam

Sanskrit only: no published translation is held for this verse.

शंखचक्रगदापद्मधारिणो वनमालिनः । निजघ्नुश्चक्रधाराभिर्यमदूताः पलायिताः

śaṃkhacakragadāpadmadhāriṇo vanamālinaḥ | nijaghnuścakradhārābhiryamadūtāḥ palāyitāḥ

Sanskrit only: no published translation is held for this verse.

राजहंसयुते विप्र विमाने स्वर्णनिर्मिते । आरूढा सा गता तैस्तु वेष्टिता विष्णुमंदिरम्

rājahaṃsayute vipra vimāne svarṇanirmite | ārūḍhā sā gatā taistu veṣṭitā viṣṇumaṃdiram

Sanskrit only: no published translation is held for this verse.

तत्र तस्थौ चिरं भोगं कृत्वा सा वै यथेप्सितम् । या कुर्यात्कार्त्तिके विप्र राधादामोदरार्चनम्

tatra tasthau ciraṃ bhogaṃ kṛtvā sā vai yathepsitam | yā kuryātkārttike vipra rādhādāmodarārcanam

Sanskrit only: no published translation is held for this verse.

याति पूजा त्यक्तपापाद्गोलोकाख्यं मनोहरम् । य इदं शृणुयाद्भक्त्या या च नारी समाहिता । कोटिजन्मार्जितं पापं तस्य तस्या विनश्यति

yāti pūjā tyaktapāpādgolokākhyaṃ manoharam | ya idaṃ śṛṇuyādbhaktyā yā ca nārī samāhitā | koṭijanmārjitaṃ pāpaṃ tasya tasyā vinaśyati

Sanskrit only: no published translation is held for this verse.