Padma Purāṇa 4.21

शौनक उवाच। कथयस्व मुने सूत सर्वमासोत्तमस्य च । कार्तिकस्य विधिं सम्यङ्नियमान्वक्तुमर्हसि

śaunaka uvāca| kathayasva mune sūta sarvamāsottamasya ca | kārtikasya vidhiṃ samyaṅniyamānvaktumarhasi

Sanskrit only: no published translation is held for this verse.

सूत उवाच। आश्विनस्य द्विजश्रेष्ठ पौर्णमास्यां समाहितः । कार्तिकस्य व्रतं कुर्याद्यावदुद्बोधिनी भवेत्

sūta uvāca| āśvinasya dvijaśreṣṭha paurṇamāsyāṃ samāhitaḥ | kārtikasya vrataṃ kuryādyāvadudbodhinī bhavet

Sanskrit only: no published translation is held for this verse.

दिवा विप्र नरः कुर्यान्मलमूत्रमुदङ्मुखः । भवेन्मौनी च सर्वज्ञ रात्रौ चेद्दक्षिणामुखः

divā vipra naraḥ kuryānmalamūtramudaṅmukhaḥ | bhavenmaunī ca sarvajña rātrau ceddakṣiṇāmukhaḥ

Sanskrit only: no published translation is held for this verse.

पथ्यंभसि च गोष्ठेषु श्मशाने वल्मिके द्विज । कुर्यादुत्सर्जनं नैव व्रती मूत्रपुरीषयोः

pathyaṃbhasi ca goṣṭheṣu śmaśāne valmike dvija | kuryādutsarjanaṃ naiva vratī mūtrapurīṣayoḥ

Sanskrit only: no published translation is held for this verse.

अत्युत्तमेषु स्थानेषु मलमूत्रं न कारयेत् । शुद्धां मृदं गृहीत्वाथ वामं प्रक्षालयेत्करम्

atyuttameṣu sthāneṣu malamūtraṃ na kārayet | śuddhāṃ mṛdaṃ gṛhītvātha vāmaṃ prakṣālayetkaram

Sanskrit only: no published translation is held for this verse.

अद्भिर्मृदापि शुद्ध्यर्थं पूर्वं विंशतिसंख्यया । एका लिंगे गुदे पंच तथा वामकरे दश

adbhirmṛdāpi śuddhyarthaṃ pūrvaṃ viṃśatisaṃkhyayā | ekā liṃge gude paṃca tathā vāmakare daśa

Sanskrit only: no published translation is held for this verse.

उभयोर्दश दातव्या पादयोश्च त्रिभिस्त्रिभिः । मुखशुद्धिं ततः कुर्य्यात्संकल्पं स्नपनस्य च

ubhayordaśa dātavyā pādayośca tribhistribhiḥ | mukhaśuddhiṃ tataḥ kuryyātsaṃkalpaṃ snapanasya ca

Sanskrit only: no published translation is held for this verse.

हृदि दामोदरं ध्यात्वा इमं मंत्रं ततो वदेत् । कार्तिकेहं करिष्यामि प्रातःस्नानं जनार्द्दन

hṛdi dāmodaraṃ dhyātvā imaṃ maṃtraṃ tato vadet | kārtikehaṃ kariṣyāmi prātaḥsnānaṃ janārddana

Sanskrit only: no published translation is held for this verse.

दामोदरस्य प्रीत्यर्थं राधया पापनाशनं । नमः पंकजनाभाय श्रीकृष्णजलशायिने

dāmodarasya prītyarthaṃ rādhayā pāpanāśanaṃ | namaḥ paṃkajanābhāya śrīkṛṣṇajalaśāyine

Sanskrit only: no published translation is held for this verse.

नमस्ते राधया सार्द्धं गृहाणार्घं प्रसीद मे । स्नानं कुर्य्यात्ततो विप्र तिलकं तु यथाविधि

namaste rādhayā sārddhaṃ gṛhāṇārghaṃ prasīda me | snānaṃ kuryyāttato vipra tilakaṃ tu yathāvidhi

Sanskrit only: no published translation is held for this verse.

ऊर्ध्वपुंड्रविहीनस्तु किंचित्कर्मकरोति यः । निष्फलं कर्म तत्सर्वं सत्यमेतन्मयोच्यते

ūrdhvapuṃḍravihīnastu kiṃcitkarmakaroti yaḥ | niṣphalaṃ karma tatsarvaṃ satyametanmayocyate

Sanskrit only: no published translation is held for this verse.

यच्छरीरं मनुष्याणामूर्ध्वपुंड्रं विना कृतम् । तद्दर्शनं न कर्तव्यं दृष्ट्वा सूर्यं निरीक्षयेत्

yaccharīraṃ manuṣyāṇāmūrdhvapuṃḍraṃ vinā kṛtam | taddarśanaṃ na kartavyaṃ dṛṣṭvā sūryaṃ nirīkṣayet

Sanskrit only: no published translation is held for this verse.

ऊर्ध्वपुंड्रं मृदा शुभ्रं ललाटे यस्य दृश्यते । चांडालोऽपि विशुद्धात्मा पूज्य एव न संशयः । अच्छिद्रमूर्ध्वपुंड्रं तु ये कुर्वंति नराधमाः

ūrdhvapuṃḍraṃ mṛdā śubhraṃ lalāṭe yasya dṛśyate | cāṃḍālo'pi viśuddhātmā pūjya eva na saṃśayaḥ | acchidramūrdhvapuṃḍraṃ tu ye kurvaṃti narādhamāḥ

Sanskrit only: no published translation is held for this verse.

तेषां ललाटे सततं शुनःपादो न संशयः । प्रातःकालोदितं कर्म्म समाप्य हरिवल्लभाम्

teṣāṃ lalāṭe satataṃ śunaḥpādo na saṃśayaḥ | prātaḥkāloditaṃ karmma samāpya harivallabhām

Sanskrit only: no published translation is held for this verse.

पूजयेद्भक्तितो विप्र तुलसीं पापनाशिनीम् । पौराणीं तु कथां श्रुत्वा श्रीहरेः स्थिरमानसः

pūjayedbhaktito vipra tulasīṃ pāpanāśinīm | paurāṇīṃ tu kathāṃ śrutvā śrīhareḥ sthiramānasaḥ

Sanskrit only: no published translation is held for this verse.

ततो विप्रं व्रती भक्त्या पूजयेत्तं यथाविधि । परासनं परान्नं च परशय्यां परांगनाम्

tato vipraṃ vratī bhaktyā pūjayettaṃ yathāvidhi | parāsanaṃ parānnaṃ ca paraśayyāṃ parāṃganām

Sanskrit only: no published translation is held for this verse.

सर्वदा वर्जयेद्विप्र कार्त्तिके च विशेषतः । सौवीरकं तथा माषानामिषं च तथा मधु

sarvadā varjayedvipra kārttike ca viśeṣataḥ | sauvīrakaṃ tathā māṣānāmiṣaṃ ca tathā madhu

Sanskrit only: no published translation is held for this verse.

राजमाषादिकं नित्यं वर्जयेत्कार्तिके व्रती । जंबीरमामिषं चूर्णमन्नं पर्य्युषितं द्विज

rājamāṣādikaṃ nityaṃ varjayetkārtike vratī | jaṃbīramāmiṣaṃ cūrṇamannaṃ paryyuṣitaṃ dvija

Sanskrit only: no published translation is held for this verse.

धान्ये मसूरिका प्रोक्ता गवां दुग्धमनामिषम् । लवणं भूमिजं विप्र प्राण्यङ्गमामिषं खलु

dhānye masūrikā proktā gavāṃ dugdhamanāmiṣam | lavaṇaṃ bhūmijaṃ vipra prāṇyaṅgamāmiṣaṃ khalu

Sanskrit only: no published translation is held for this verse.

द्विजक्रीता रसाः सर्वे जलं चाल्पसरः स्थितम् । ब्रह्मचर्यं तुर्यकाले पत्रावल्यां च भोजनम्

dvijakrītā rasāḥ sarve jalaṃ cālpasaraḥ sthitam | brahmacaryaṃ turyakāle patrāvalyāṃ ca bhojanam

Sanskrit only: no published translation is held for this verse.

कुर्याद्वै द्विजशार्दूल तैलाभ्यंगं च वर्जयेत् । छत्राकं नालिकं हिंगुं पलांडुं पूतिकादलम्

kuryādvai dvijaśārdūla tailābhyaṃgaṃ ca varjayet | chatrākaṃ nālikaṃ hiṃguṃ palāṃḍuṃ pūtikādalam

Sanskrit only: no published translation is held for this verse.

लशुनं मूलकं शिग्रुं तथैव तुंबिकाफलम् । कपित्थं चैव वृंताकं कूष्मांडं कांस्यभोजनम्

laśunaṃ mūlakaṃ śigruṃ tathaiva tuṃbikāphalam | kapitthaṃ caiva vṛṃtākaṃ kūṣmāṃḍaṃ kāṃsyabhojanam

Sanskrit only: no published translation is held for this verse.

द्विपाचितं सूतिकान्नं मत्स्यं शय्यां रजस्वलाम् । द्विस्त्रिश्चान्नं स्त्रियः संगं वर्जयेत्कार्तिकव्रती

dvipācitaṃ sūtikānnaṃ matsyaṃ śayyāṃ rajasvalām | dvistriścānnaṃ striyaḥ saṃgaṃ varjayetkārtikavratī

Sanskrit only: no published translation is held for this verse.

धात्रीफलं गृही विप्र रवौ तत्सर्वदा त्यजेत् । कूष्मांडे धनहानिः स्यात्बृहत्यां न स्मरेद्धरिम्

dhātrīphalaṃ gṛhī vipra ravau tatsarvadā tyajet | kūṣmāṃḍe dhanahāniḥ syātbṛhatyāṃ na smareddharim

Sanskrit only: no published translation is held for this verse.

पटोले तु न वृद्धिः स्याद्बलहानिश्च मूलके । कलंकी जायते बिल्वे तिर्यग्योनिश्च निंबुके

paṭole tu na vṛddhiḥ syādbalahāniśca mūlake | kalaṃkī jāyate bilve tiryagyoniśca niṃbuke

Sanskrit only: no published translation is held for this verse.

ताले शरीरनाशः स्यान्नारिकेले च मूर्खता । तुंबी गोमांसतुल्या स्याद्गोवधं स्यात्कलिंदके

tāle śarīranāśaḥ syānnārikele ca mūrkhatā | tuṃbī gomāṃsatulyā syādgovadhaṃ syātkaliṃdake

Sanskrit only: no published translation is held for this verse.

शिंबी पापकरा प्रोक्ता पूतिका ब्रह्मघातिका । वार्ताक्यां सुतनाशः स्याच्चिररोगी च माषके

śiṃbī pāpakarā proktā pūtikā brahmaghātikā | vārtākyāṃ sutanāśaḥ syāccirarogī ca māṣake

Sanskrit only: no published translation is held for this verse.

मांसे च बहुपापं स्याद्वर्जयेत्प्रतिपदादिषु । यत्किंचिद्वर्जयेद्योऽन्नं श्रीहरे प्रीतये द्विज

māṃse ca bahupāpaṃ syādvarjayetpratipadādiṣu | yatkiṃcidvarjayedyo'nnaṃ śrīhare prītaye dvija

Sanskrit only: no published translation is held for this verse.

तत्पुनर्भूसुरे दत्वा व्रतांते तस्य भोजनम् । कार्तिकव्रतिनं विप्र यथोक्तकारिणं नरम्

tatpunarbhūsure datvā vratāṃte tasya bhojanam | kārtikavratinaṃ vipra yathoktakāriṇaṃ naram

Sanskrit only: no published translation is held for this verse.

यमदूताः पलायंते सिंहं दृष्ट्वा यथा गजाः । श्रेष्ठं विष्णुव्रतं विप्र तत्तुल्या न शतं मखाः

yamadūtāḥ palāyaṃte siṃhaṃ dṛṣṭvā yathā gajāḥ | śreṣṭhaṃ viṣṇuvrataṃ vipra tattulyā na śataṃ makhāḥ

Sanskrit only: no published translation is held for this verse.

कृत्वा क्रतुं व्रजेत्स्वर्गं वैकुंठं कार्तिकव्रती । यत्किंचिद्दुष्कृतं विप्र मनोवाक्कायकर्मजम्

kṛtvā kratuṃ vrajetsvargaṃ vaikuṃṭhaṃ kārtikavratī | yatkiṃcidduṣkṛtaṃ vipra manovākkāyakarmajam

Sanskrit only: no published translation is held for this verse.

दृष्ट्वा तु विलयं याति कार्तिकव्रतिनं क्षणात् । कार्त्तिकव्रतिनः पुण्यं ब्रह्मा चैव चतुर्मुखः

dṛṣṭvā tu vilayaṃ yāti kārtikavratinaṃ kṣaṇāt | kārttikavratinaḥ puṇyaṃ brahmā caiva caturmukhaḥ

Sanskrit only: no published translation is held for this verse.

न समर्थो भवेद्वक्तुं यथोक्तव्रतकारिणः । यत्कृत्वा कलुषं सर्वं व्रजेद्विप्र दशो दिशः

na samartho bhavedvaktuṃ yathoktavratakāriṇaḥ | yatkṛtvā kaluṣaṃ sarvaṃ vrajedvipra daśo diśaḥ

Sanskrit only: no published translation is held for this verse.

क्व गच्छामि क्व तिष्ठामि कार्त्तिकव्रतिनो भयात् । पौर्णमास्यां यथाशक्ति चान्नवस्त्रादिकं द्विज

kva gacchāmi kva tiṣṭhāmi kārttikavratino bhayāt | paurṇamāsyāṃ yathāśakti cānnavastrādikaṃ dvija

Sanskrit only: no published translation is held for this verse.

दद्याद्वै श्रीहरेः प्रीत्यै ब्राह्मणानपि भोजयेत् । रात्रौ जागरणं कुर्यान्नृत्यगीतादिभिर्व्रती । य इदं शृणुयाद्भक्त्या तस्य पापं प्रणश्यति

dadyādvai śrīhareḥ prītyai brāhmaṇānapi bhojayet | rātrau jāgaraṇaṃ kuryānnṛtyagītādibhirvratī | ya idaṃ śṛṇuyādbhaktyā tasya pāpaṃ praṇaśyati

Sanskrit only: no published translation is held for this verse.