Padma Purāṇa 4.22

शौनकउवाच। माहात्म्यं ब्रूहि सर्वज्ञ शृण्वतां पापनाशनम् । सर्वप्राणिहितार्थाय तुलस्या अनुकंपया

śaunakauvāca| māhātmyaṃ brūhi sarvajña śṛṇvatāṃ pāpanāśanam | sarvaprāṇihitārthāya tulasyā anukaṃpayā

Sanskrit only: no published translation is held for this verse.

सूत उवाच। तुलस्याः परिसरे यस्य काननं तिष्ठति द्विज । गृहस्य तीर्थरूपत्वान्नायांति यमकिंकराः

sūta uvāca| tulasyāḥ parisare yasya kānanaṃ tiṣṭhati dvija | gṛhasya tīrtharūpatvānnāyāṃti yamakiṃkarāḥ

Sanskrit only: no published translation is held for this verse.

तुलस्याः काननं विप्र सर्वपापहरं शुभम् । रोपयंति नराः श्रेष्ठास्ते न पश्यंति भास्करिम्

tulasyāḥ kānanaṃ vipra sarvapāpaharaṃ śubham | ropayaṃti narāḥ śreṣṭhāste na paśyaṃti bhāskarim

Sanskrit only: no published translation is held for this verse.

रोपणं पालनं सेवां दर्शनं स्पर्शनं तु यः । कुर्य्यात्तस्य प्रणष्टं स्यात्सर्वपापं द्विजोत्तम

ropaṇaṃ pālanaṃ sevāṃ darśanaṃ sparśanaṃ tu yaḥ | kuryyāttasya praṇaṣṭaṃ syātsarvapāpaṃ dvijottama

Sanskrit only: no published translation is held for this verse.

कोमलैस्तुलसीपत्रैरर्चयंति हरिं तु ये । कालस्य सदनं विप्र ते न यांति महाशयाः

komalaistulasīpatrairarcayaṃti hariṃ tu ye | kālasya sadanaṃ vipra te na yāṃti mahāśayāḥ

Sanskrit only: no published translation is held for this verse.

गंगाद्याः सरितः श्रेष्ठा विष्णु ब्रह्म महेश्वराः । देवैस्तीर्थैः पुष्कराद्यैस्तिष्ठंति तुलसीदले

gaṃgādyāḥ saritaḥ śreṣṭhā viṣṇu brahma maheśvarāḥ | devaistīrthaiḥ puṣkarādyaistiṣṭhaṃti tulasīdale

Sanskrit only: no published translation is held for this verse.

यो युक्तस्तुलसीपत्रैः पापी प्राणान्विमुञ्चति । विष्णोर्निकेतनं याति सत्यमेतन्मयोदितम्

yo yuktastulasīpatraiḥ pāpī prāṇānvimuñcati | viṣṇorniketanaṃ yāti satyametanmayoditam

Sanskrit only: no published translation is held for this verse.

तुलसीमृत्तिकालिप्तो युक्तः पापशतैरपि । विमुंचति नरः प्राणान्स याति हरिमन्दिरम्

tulasīmṛttikālipto yuktaḥ pāpaśatairapi | vimuṃcati naraḥ prāṇānsa yāti harimandiram

Sanskrit only: no published translation is held for this verse.

यो नरो धारयेद्विप्र तुलसीकाष्ठचंदनम् । तस्याङ्गं न स्पृशेत्पापं स याति परमं पदम्

yo naro dhārayedvipra tulasīkāṣṭhacaṃdanam | tasyāṅgaṃ na spṛśetpāpaṃ sa yāti paramaṃ padam

Sanskrit only: no published translation is held for this verse.

तुलसीकाष्ठमालां तु कण्ठस्थां वहते तु यः । अप्यशौचोप्यनाचारो भक्त्या याति हरेर्गृहम्

tulasīkāṣṭhamālāṃ tu kaṇṭhasthāṃ vahate tu yaḥ | apyaśaucopyanācāro bhaktyā yāti harergṛham

Sanskrit only: no published translation is held for this verse.

धात्रीफलकृतामाला तुलसीकाष्ठसंभवा । दृश्यते यस्य देहे तु स वै भागवतो नरः

dhātrīphalakṛtāmālā tulasīkāṣṭhasaṃbhavā | dṛśyate yasya dehe tu sa vai bhāgavato naraḥ

Sanskrit only: no published translation is held for this verse.

तुलसीदलजां मालां कण्ठस्थां वहते तु यः । विष्णूच्छिष्टां विशेषेण स नमस्यो दिवौकसाम्

tulasīdalajāṃ mālāṃ kaṇṭhasthāṃ vahate tu yaḥ | viṣṇūcchiṣṭāṃ viśeṣeṇa sa namasyo divaukasām

Sanskrit only: no published translation is held for this verse.

यः पुनस्तुलसीमालां कण्ठे कृत्वा जनार्दनम् । पूजयेत्पुण्यमाप्नोति प्रतिपुष्पं गवायुतम्

yaḥ punastulasīmālāṃ kaṇṭhe kṛtvā janārdanam | pūjayetpuṇyamāpnoti pratipuṣpaṃ gavāyutam

Sanskrit only: no published translation is held for this verse.

धारयन्ति न ये मालां हैतुकाः पापबुद्धयः । नरकान्न निवर्तंते दग्धाः कोपाग्निना हरेः

dhārayanti na ye mālāṃ haitukāḥ pāpabuddhayaḥ | narakānna nivartaṃte dagdhāḥ kopāgninā hareḥ

Sanskrit only: no published translation is held for this verse.

न जह्यात्तुलसीमालां धात्रीमालां विशेषतः । महापातकसंहर्त्रीं धर्मकामार्थदायिनीम्

na jahyāttulasīmālāṃ dhātrīmālāṃ viśeṣataḥ | mahāpātakasaṃhartrīṃ dharmakāmārthadāyinīm

Sanskrit only: no published translation is held for this verse.

स्पृशेच्च यानि लोमानि धात्रीमाला कलौ नृणाम् । तावद्वर्षसहस्राणि वसते केशवालये

spṛśecca yāni lomāni dhātrīmālā kalau nṛṇām | tāvadvarṣasahasrāṇi vasate keśavālaye

Sanskrit only: no published translation is held for this verse.

निवेद्य केशवे मालां तुलसीकाष्ठसंभवाम् । वहते यो नरो भक्त्या तस्य वै नास्ति पातकम्

nivedya keśave mālāṃ tulasīkāṣṭhasaṃbhavām | vahate yo naro bhaktyā tasya vai nāsti pātakam

Sanskrit only: no published translation is held for this verse.

तुलसीकाष्ठमालां तु प्रेतराजस्य दूतकाः । दृष्ट्वा नश्यन्ति दूरेण वातोद्धूतं यथा दलम्

tulasīkāṣṭhamālāṃ tu pretarājasya dūtakāḥ | dṛṣṭvā naśyanti dūreṇa vātoddhūtaṃ yathā dalam

Sanskrit only: no published translation is held for this verse.

तुलस्या विपिने धात्र्याश्छायासु यो नरोत्तमः । पिण्डं ददाति पितरो मुक्तिं यान्ति द्विजोत्तम

tulasyā vipine dhātryāśchāyāsu yo narottamaḥ | piṇḍaṃ dadāti pitaro muktiṃ yānti dvijottama

Sanskrit only: no published translation is held for this verse.

पाणौ मूर्ध्नि गले चैव कर्णयोश्च मुखे द्विज । धात्रीफलं यस्तु धत्ते स विज्ञेयो हरिः स्वयम्

pāṇau mūrdhni gale caiva karṇayośca mukhe dvija | dhātrīphalaṃ yastu dhatte sa vijñeyo hariḥ svayam

Sanskrit only: no published translation is held for this verse.

धात्रीपत्रैः फलैर्विप्र श्रीहरिं चार्चयेद्द्विज । कोटिजन्मार्जितं पापं पूजया नश्यति सकृत्

dhātrīpatraiḥ phalairvipra śrīhariṃ cārcayeddvija | koṭijanmārjitaṃ pāpaṃ pūjayā naśyati sakṛt

Sanskrit only: no published translation is held for this verse.

यज्ञादेवाश्च मुनयस्तीर्थानि कार्तिके द्विज । धात्रीवृक्षं समाश्रित्य तिष्ठन्ति कार्तिके सदा

yajñādevāśca munayastīrthāni kārtike dvija | dhātrīvṛkṣaṃ samāśritya tiṣṭhanti kārtike sadā

Sanskrit only: no published translation is held for this verse.

धात्रीपत्रं कार्तिके च द्वादश्यां तुलसीदलम् । चिनोति यो नरो गच्छेन्निरयं यातनामयम्

dhātrīpatraṃ kārtike ca dvādaśyāṃ tulasīdalam | cinoti yo naro gacchennirayaṃ yātanāmayam

Sanskrit only: no published translation is held for this verse.

धात्रीछायासु यो विप्र चान्नं भुनक्ति कार्तिके । अन्नसंसर्गजं पापमावर्षं तस्य नश्यति

dhātrīchāyāsu yo vipra cānnaṃ bhunakti kārtike | annasaṃsargajaṃ pāpamāvarṣaṃ tasya naśyati

Sanskrit only: no published translation is held for this verse.

तुलसीवनमध्ये च धात्रीमूले च कार्तिके । कुर्याद्धर्यर्चनं विप्र वैकुण्ठं याति स ध्रुवम्

tulasīvanamadhye ca dhātrīmūle ca kārtike | kuryāddharyarcanaṃ vipra vaikuṇṭhaṃ yāti sa dhruvam

Sanskrit only: no published translation is held for this verse.

तुलसीमूलदेशेऽपि स्थितं वारि द्विजोत्तम । गृह्णाति मस्तके भक्त्या पापी याति हरेर्गृहम्

tulasīmūladeśe'pi sthitaṃ vāri dvijottama | gṛhṇāti mastake bhaktyā pāpī yāti harergṛham

Sanskrit only: no published translation is held for this verse.

तुलसीपत्रगलितं यस्तोयं शिरसावहेत् । सर्वतीर्थेषु स स्नातश्चांते याति हरेर्गृहम्

tulasīpatragalitaṃ yastoyaṃ śirasāvahet | sarvatīrtheṣu sa snātaścāṃte yāti harergṛham

Sanskrit only: no published translation is held for this verse.

पुरा कश्चिद्द्विजश्रेष्ठो द्वापरेऽभून्महामुने । स्नात्वैकदा तुलस्यै स वनं दत्वा गृहं गतः

purā kaściddvijaśreṣṭho dvāpare'bhūnmahāmune | snātvaikadā tulasyai sa vanaṃ datvā gṛhaṃ gataḥ

Sanskrit only: no published translation is held for this verse.

आदित्यो वर्चसा नाम्ना मार्त्तंड इव पुण्यतः । तृषार्तो भक्षकः कश्चिदागतो बहुकल्मषः

ādityo varcasā nāmnā mārttaṃḍa iva puṇyataḥ | tṛṣārto bhakṣakaḥ kaścidāgato bahukalmaṣaḥ

Sanskrit only: no published translation is held for this verse.

तुलस्यामूलतस्तोयं पीत्वा चासौ हतांहसः । त्वरयाप्यागतो व्याधो नाम्ना यश्चासिमर्द्दनः

tulasyāmūlatastoyaṃ pītvā cāsau hatāṃhasaḥ | tvarayāpyāgato vyādho nāmnā yaścāsimarddanaḥ

Sanskrit only: no published translation is held for this verse.

उवाच भुक्तं चान्नं च भुक्त्वा भग्नं गतः किमु । कृत्वा मे पाकभांडस्थं चागतो हिंसकस्य ते

uvāca bhuktaṃ cānnaṃ ca bhuktvā bhagnaṃ gataḥ kimu | kṛtvā me pākabhāṃḍasthaṃ cāgato hiṃsakasya te

Sanskrit only: no published translation is held for this verse.

विव्याध तं गतप्राणं नेतुं वै शमनाज्ञया । आगताः किंकराः क्रुद्धाः पाशमुद्गरपाणयः

vivyādha taṃ gataprāṇaṃ netuṃ vai śamanājñayā | āgatāḥ kiṃkarāḥ kruddhāḥ pāśamudgarapāṇayaḥ

Sanskrit only: no published translation is held for this verse.

बद्ध्वा नेतुं मनश्चक्रुरागता विष्णुकिंकराः । तदा छित्त्वा चर्मपाशं स्यंदने तं मनोहरे

baddhvā netuṃ manaścakrurāgatā viṣṇukiṃkarāḥ | tadā chittvā carmapāśaṃ syaṃdane taṃ manohare

Sanskrit only: no published translation is held for this verse.

तूर्णमारोहयामासुः पप्रच्छुर्विनयान्विताः । तेऽपि पुण्येन भोः संतः केन वै नीयतेऽप्यसौ

tūrṇamārohayāmāsuḥ papracchurvinayānvitāḥ | te'pi puṇyena bhoḥ saṃtaḥ kena vai nīyate'pyasau

Sanskrit only: no published translation is held for this verse.

ऊचुस्तेऽसौ पुरा राजा पुण्यं बहुतरं कृतम् । अकरोद्धरणं कांचित्सुंदरीं चांगनामयम्

ūcuste'sau purā rājā puṇyaṃ bahutaraṃ kṛtam | akaroddharaṇaṃ kāṃcitsuṃdarīṃ cāṃganāmayam

Sanskrit only: no published translation is held for this verse.

अनेन चांहसा राजा गतो वै शमनक्षयम् । तत्रक्लेशं तु युष्माभिर्दत्तं वै शमनाज्ञया

anena cāṃhasā rājā gato vai śamanakṣayam | tatrakleśaṃ tu yuṣmābhirdattaṃ vai śamanājñayā

Sanskrit only: no published translation is held for this verse.

ताम्रमय्यास्त्रियासार्द्धं क्रीडां सुप्त्वा चकार सः । तप्तायां लोहशय्यायां वैक्लव्यं कर्मणा नृप

tāmramayyāstriyāsārddhaṃ krīḍāṃ suptvā cakāra saḥ | taptāyāṃ lohaśayyāyāṃ vaiklavyaṃ karmaṇā nṛpa

Sanskrit only: no published translation is held for this verse.

तप्तायोभीषणं तप्तं लोहस्तंभं यमाज्ञया । ततः स्थितः समालिंग्य भुक्त्वा दुःखं चिरं नृपः

taptāyobhīṣaṇaṃ taptaṃ lohastaṃbhaṃ yamājñayā | tataḥ sthitaḥ samāliṃgya bhuktvā duḥkhaṃ ciraṃ nṛpaḥ

Sanskrit only: no published translation is held for this verse.

सिक्तः क्षारांबुधाराभिरन्यैर्वै शमनालये । ततो नरकशेषे च पापयोनौ मुहुर्मुहुः

siktaḥ kṣārāṃbudhārābhiranyairvai śamanālaye | tato narakaśeṣe ca pāpayonau muhurmuhuḥ

Sanskrit only: no published translation is held for this verse.

जन्मासाद्य चिरं दुःखमनुभूतं स्वकर्मणा । तुलसीमूलकं वारि पीत्वा याति हरेर्गृहम्

janmāsādya ciraṃ duḥkhamanubhūtaṃ svakarmaṇā | tulasīmūlakaṃ vāri pītvā yāti harergṛham

Sanskrit only: no published translation is held for this verse.

इदानीं तद्वचः श्रुत्वा गतादूता यथागताः । तेन सार्द्धं विष्णुदूता गता वैकुंठमंदिरम्

idānīṃ tadvacaḥ śrutvā gatādūtā yathāgatāḥ | tena sārddhaṃ viṣṇudūtā gatā vaikuṃṭhamaṃdiram

Sanskrit only: no published translation is held for this verse.

माहात्म्यं कथितं ब्रह्मन्तुलस्याः पापनाशनम् । कुर्वंति सेवां ये भक्त्या न जाने किं भवेन्मुने

māhātmyaṃ kathitaṃ brahmantulasyāḥ pāpanāśanam | kurvaṃti sevāṃ ye bhaktyā na jāne kiṃ bhavenmune

Sanskrit only: no published translation is held for this verse.