Library·Padma Purāṇa·4·4.26
शौनक उवाच। श्रोतुमिच्छामि ते प्राज्ञ कथयस्व समूलकम् । प्रतिज्ञापालने पुण्यं खंडने किं च किल्बिषम्
śaunaka uvāca| śrotumicchāmi te prājña kathayasva samūlakam | pratijñāpālane puṇyaṃ khaṃḍane kiṃ ca kilbiṣam
Sanskrit only: no published translation is held for this verse.
अनृते शपथे किं वा सत्ये किंचिद्भवेन्मुने । दक्षिणं किंकरं दत्वा कृपां कृत्वा कृपार्णव
anṛte śapathe kiṃ vā satye kiṃcidbhavenmune | dakṣiṇaṃ kiṃkaraṃ datvā kṛpāṃ kṛtvā kṛpārṇava
Sanskrit only: no published translation is held for this verse.
सूत उवाच। शृणुष्व मुनिशार्दूल कथयामि समूलतः । वैष्णवानां त्वमग्र्योऽसि सर्वलोकहिते रतः
sūta uvāca| śṛṇuṣva muniśārdūla kathayāmi samūlataḥ | vaiṣṇavānāṃ tvamagryo'si sarvalokahite rataḥ
Sanskrit only: no published translation is held for this verse.
धेनूनां तु शतं दत्त्वा यत्फलं लभते नरः । तस्मात्कोटिगुणं पुण्यं प्रतिज्ञापालने द्विज
dhenūnāṃ tu śataṃ dattvā yatphalaṃ labhate naraḥ | tasmātkoṭiguṇaṃ puṇyaṃ pratijñāpālane dvija
Sanskrit only: no published translation is held for this verse.
प्रतिज्ञाखंडनान्मूढो निरयं याति दारुणम् । शतमन्वंतरं यावत्पच्यते नात्र संशयः
pratijñākhaṃḍanānmūḍho nirayaṃ yāti dāruṇam | śatamanvaṃtaraṃ yāvatpacyate nātra saṃśayaḥ
Sanskrit only: no published translation is held for this verse.
ततोऽत्र जन्म चासाद्य निर्धनस्य निकेतने । अन्नवस्त्रैर्विहीनः स्या क्लेशी चापि स्वकर्मणा
tato'tra janma cāsādya nirdhanasya niketane | annavastrairvihīnaḥ syā kleśī cāpi svakarmaṇā
Sanskrit only: no published translation is held for this verse.
सत्येन शपथं कुर्याद्देवाग्निगुरुसन्निधौ । तावद्दहति वै गात्रं विष्णोर्वंशो न लुप्यते
satyena śapathaṃ kuryāddevāgnigurusannidhau | tāvaddahati vai gātraṃ viṣṇorvaṃśo na lupyate
Sanskrit only: no published translation is held for this verse.
मिथ्यायां शपथे विप्र किमहं वच्मि सांप्रतम् । शतमन्वंतरं विप्र निरयं मिथ्यया किमु
mithyāyāṃ śapathe vipra kimahaṃ vacmi sāṃpratam | śatamanvaṃtaraṃ vipra nirayaṃ mithyayā kimu
Sanskrit only: no published translation is held for this verse.
निर्माल्यं श्रीहरेः स्पृष्ट्वा सत्येन मुनिपुंगव । गृहीत्वा पुरुषान्सप्त पच्यते निरये चिरम्
nirmālyaṃ śrīhareḥ spṛṣṭvā satyena munipuṃgava | gṛhītvā puruṣānsapta pacyate niraye ciram
Sanskrit only: no published translation is held for this verse.
कदाचिज्जन्म संप्राप्य कुष्ठी च प्रतिजन्मनि । सत्येनैवं भवेद्विप्र अनृते वै किमुच्यते
kadācijjanma saṃprāpya kuṣṭhī ca pratijanmani | satyenaivaṃ bhavedvipra anṛte vai kimucyate
Sanskrit only: no published translation is held for this verse.
यो मर्त्यो दक्षिणं दत्वा करं तत्प्रतिपाल्यते । तस्य प्राप्तिर्भवेत्कृष्णः सत्यं सत्यं वदाम्यहम्
yo martyo dakṣiṇaṃ datvā karaṃ tatpratipālyate | tasya prāptirbhavetkṛṣṇaḥ satyaṃ satyaṃ vadāmyaham
Sanskrit only: no published translation is held for this verse.
करं दत्त्वा तु यो मर्त्यो वचनस्य च पालनम् । तावन्न कुर्यात्पितरः प्राप्नुवंति च यातनाम्
karaṃ dattvā tu yo martyo vacanasya ca pālanam | tāvanna kuryātpitaraḥ prāpnuvaṃti ca yātanām
Sanskrit only: no published translation is held for this verse.
स्वयं तु मुनिशार्दूल निरयं चातिदारुणम् । उद्धारं कोटिपुरुषैर्मृतो याति न संशयः
svayaṃ tu muniśārdūla nirayaṃ cātidāruṇam | uddhāraṃ koṭipuruṣairmṛto yāti na saṃśayaḥ
Sanskrit only: no published translation is held for this verse.
शौनक उवाच। कृष्णप्राप्तिः पुरा कस्य करस्य प्रतिपालनात् । दक्षिणस्य मुने ब्रूहि श्रोतुमिच्छामि सादरात्
śaunaka uvāca| kṛṣṇaprāptiḥ purā kasya karasya pratipālanāt | dakṣiṇasya mune brūhi śrotumicchāmi sādarāt
Sanskrit only: no published translation is held for this verse.
सूत उवाच। पुरा किंचित्पुरे शूद्रो नाम्नासीद्वीरविक्रमः । बह्वाशी पृथुलांगश्च बहुवक्तातिसुंदरः
sūta uvāca| purā kiṃcitpure śūdro nāmnāsīdvīravikramaḥ | bahvāśī pṛthulāṃgaśca bahuvaktātisuṃdaraḥ
Sanskrit only: no published translation is held for this verse.
धनवान्पुत्रवान्सभ्यो विद्वान्सर्वजनप्रियः । विप्राणामतिथीनां च पूजकः सर्वदैव तु
dhanavānputravānsabhyo vidvānsarvajanapriyaḥ | viprāṇāmatithīnāṃ ca pūjakaḥ sarvadaiva tu
Sanskrit only: no published translation is held for this verse.
पितृभक्तो द्विजश्रेष्ठ प्रतिज्ञापालकः सदा । वाचां गुरुजनानां च पालको हरिसेवकः
pitṛbhakto dvijaśreṣṭha pratijñāpālakaḥ sadā | vācāṃ gurujanānāṃ ca pālako harisevakaḥ
Sanskrit only: no published translation is held for this verse.
एकदा सुंदरो गेहं श्वपचस्तस्य छद्मना । प्राप्तो धृत्वा ब्राह्मणस्य रूपं वै तरुणः सुधीः
ekadā suṃdaro gehaṃ śvapacastasya chadmanā | prāpto dhṛtvā brāhmaṇasya rūpaṃ vai taruṇaḥ sudhīḥ
Sanskrit only: no published translation is held for this verse.
ब्राह्मण उवाच। शृणु मे वचनं धीर मम जाया मृता शुभा । किं करोमि क्व गच्छामि कथयाद्यानुकंपया
brāhmaṇa uvāca| śṛṇu me vacanaṃ dhīra mama jāyā mṛtā śubhā | kiṃ karomi kva gacchāmi kathayādyānukaṃpayā
Sanskrit only: no published translation is held for this verse.
विवाहं यो जनः कुर्याद्ब्राह्मणं च विशेषतः । किं च दानैः किं च तीर्थैः किं यज्ञैर्व्रतकोटिभिः
vivāhaṃ yo janaḥ kuryādbrāhmaṇaṃ ca viśeṣataḥ | kiṃ ca dānaiḥ kiṃ ca tīrthaiḥ kiṃ yajñairvratakoṭibhiḥ
Sanskrit only: no published translation is held for this verse.
इति श्रुत्वा त्वसौ विप्रं चोक्तवान्वीरविक्रमः । शृणु मे वचनं ब्रह्मन्बालास्ति मम कन्यका
iti śrutvā tvasau vipraṃ coktavānvīravikramaḥ | śṛṇu me vacanaṃ brahmanbālāsti mama kanyakā
Sanskrit only: no published translation is held for this verse.
यदिच्छा ते भवेद्विप्र दास्यामि विधिपूर्वकम् । नय मे दक्षिणं हस्तं दास्यामि चान्यथा नहि
yadicchā te bhavedvipra dāsyāmi vidhipūrvakam | naya me dakṣiṇaṃ hastaṃ dāsyāmi cānyathā nahi
Sanskrit only: no published translation is held for this verse.
तस्यैतद्वचनं श्रुत्वा जग्राह दक्षिणं करम् । श्वपचो हर्षयुक्तो वै प्रोवाच वचनं त्विति
tasyaitadvacanaṃ śrutvā jagrāha dakṣiṇaṃ karam | śvapaco harṣayukto vai provāca vacanaṃ tviti
Sanskrit only: no published translation is held for this verse.
ब्राह्मण उवाच। कृत्वा शुभ क्षणं मह्यं देहि कन्यां शुभान्विताम् । विलंबे बहुविघ्नं स्यादिति शास्त्रेषु निश्चितम्
brāhmaṇa uvāca| kṛtvā śubha kṣaṇaṃ mahyaṃ dehi kanyāṃ śubhānvitām | vilaṃbe bahuvighnaṃ syāditi śāstreṣu niścitam
Sanskrit only: no published translation is held for this verse.
वीरविक्रम उवाच। तुभ्यं श्वः कन्यकां ब्रह्मन्दास्यामि नास्ति चान्यथा । दक्षिणं च करं दत्वा न कुर्यात्पुरुषाधमः
vīravikrama uvāca| tubhyaṃ śvaḥ kanyakāṃ brahmandāsyāmi nāsti cānyathā | dakṣiṇaṃ ca karaṃ datvā na kuryātpuruṣādhamaḥ
Sanskrit only: no published translation is held for this verse.
सूत उवाच। ब्राह्मणं कृष्णशर्माणं चाहूयाकथयन्मुने । पुरोहितमिदं सर्वं प्रोवाच संविदं द्विज
sūta uvāca| brāhmaṇaṃ kṛṣṇaśarmāṇaṃ cāhūyākathayanmune | purohitamidaṃ sarvaṃ provāca saṃvidaṃ dvija
Sanskrit only: no published translation is held for this verse.
कथं विप्राय ते कन्यां शूद्राय दातुमिच्छसि । अज्ञातायाकुलीनाय न ददस्व विशेषतः
kathaṃ viprāya te kanyāṃ śūdrāya dātumicchasi | ajñātāyākulīnāya na dadasva viśeṣataḥ
Sanskrit only: no published translation is held for this verse.
ऊचुस्तज्जातयः सर्वे जनकाद्यास्तपोधन । अस्माकं वचनं तात शृणुष्व वीरविक्रम
ūcustajjātayaḥ sarve janakādyāstapodhana | asmākaṃ vacanaṃ tāta śṛṇuṣva vīravikrama
Sanskrit only: no published translation is held for this verse.
न ज्ञायते कुलं यस्य देशगोत्रधनं तथा । शीलं वयस्तस्य कन्या स्वजनैर्न च दीयते
na jñāyate kulaṃ yasya deśagotradhanaṃ tathā | śīlaṃ vayastasya kanyā svajanairna ca dīyate
Sanskrit only: no published translation is held for this verse.
स उवाच द्विजश्रेष्ठ दत्तं मे दक्षिणं करम् । कदाचिदन्यथाकर्तुं न शक्नोमि च सर्वथा
sa uvāca dvijaśreṣṭha dattaṃ me dakṣiṇaṃ karam | kadācidanyathākartuṃ na śaknomi ca sarvathā
Sanskrit only: no published translation is held for this verse.
इत्युक्त्वा तान्स विप्राय कन्यां दातुं प्रचक्रमे । दृष्ट्वेति ज्ञातयः सर्वे विस्मयमद्भुतं ययुः
ityuktvā tānsa viprāya kanyāṃ dātuṃ pracakrame | dṛṣṭveti jñātayaḥ sarve vismayamadbhutaṃ yayuḥ
Sanskrit only: no published translation is held for this verse.
सत्यं तद्वचनं श्रुत्वा शंखचक्रगदाधरः । आविर्बभूव सहसा चारुह्य गरुडं मुने
satyaṃ tadvacanaṃ śrutvā śaṃkhacakragadādharaḥ | āvirbabhūva sahasā cāruhya garuḍaṃ mune
Sanskrit only: no published translation is held for this verse.
श्रीभगवानुवाच। धन्यं ते च कुलं धर्मोधन्यस्ते जननी पिता । धन्यं ते वचनं सत्यं धन्यं ते दक्षिणं करम्
śrībhagavānuvāca| dhanyaṃ te ca kulaṃ dharmodhanyaste jananī pitā | dhanyaṃ te vacanaṃ satyaṃ dhanyaṃ te dakṣiṇaṃ karam
Sanskrit only: no published translation is held for this verse.
धन्यं कर्म्म च ते जन्म त्रैलोक्ये नैव विद्यते । एवं ते कर्मणा साधो चोद्धारं कुरुषे कुलम्
dhanyaṃ karmma ca te janma trailokye naiva vidyate | evaṃ te karmaṇā sādho coddhāraṃ kuruṣe kulam
Sanskrit only: no published translation is held for this verse.
सूत उवाच। एवं ब्रुवति श्रीकृष्णे विमानं स्वर्णनिर्मितम् । आगतं हरिगणैर्युक्तं सर्वत्र गरुडध्वजम्
sūta uvāca| evaṃ bruvati śrīkṛṣṇe vimānaṃ svarṇanirmitam | āgataṃ harigaṇairyuktaṃ sarvatra garuḍadhvajam
Sanskrit only: no published translation is held for this verse.
सर्वं तस्य कुलं ब्रह्मन्स श्वपाकपुरोहितम् । रथे चारोपयामास शंखपद्मधरः स्वयं
sarvaṃ tasya kulaṃ brahmansa śvapākapurohitam | rathe cāropayāmāsa śaṃkhapadmadharaḥ svayaṃ
Sanskrit only: no published translation is held for this verse.
गृहीत्वा तान्हरिः सर्वान्गतो वैकुंठमंदिरम् । तत्र तस्थौ चिरं ते च कृत्वा भोगं सुदुर्ल्लभम्
gṛhītvā tānhariḥ sarvāngato vaikuṃṭhamaṃdiram | tatra tasthau ciraṃ te ca kṛtvā bhogaṃ sudurllabham
Sanskrit only: no published translation is held for this verse.
वचनं लंघयेद्यस्तु यस्तु वा दक्षिणं करम् । सकुलो निरयं याति सत्यं सत्यं वदाम्यहम्
vacanaṃ laṃghayedyastu yastu vā dakṣiṇaṃ karam | sakulo nirayaṃ yāti satyaṃ satyaṃ vadāmyaham
Sanskrit only: no published translation is held for this verse.
तस्यान्नं तु जलं ब्रह्मन्न ग्राह्यं पितृदैवतैः । त्यक्त्वा धर्मो गृहं तस्य भीत्या याति द्विजोत्तम
tasyānnaṃ tu jalaṃ brahmanna grāhyaṃ pitṛdaivataiḥ | tyaktvā dharmo gṛhaṃ tasya bhītyā yāti dvijottama
Sanskrit only: no published translation is held for this verse.
दत्वाशां यो जनः कुर्यान्नैराश्यं चैव मूढधीः । स स्वकान्कोटिपुरुषान्गृहीत्वा नरकं व्रजेत्
datvāśāṃ yo janaḥ kuryānnairāśyaṃ caiva mūḍhadhīḥ | sa svakānkoṭipuruṣāngṛhītvā narakaṃ vrajet
Sanskrit only: no published translation is held for this verse.
वचनं लंघयेद्यस्तु धर्मस्तस्य विलंघति । नृपाग्नितस्करैर्विप्र सत्यं सत्यं सुनिश्चितम्
vacanaṃ laṃghayedyastu dharmastasya vilaṃghati | nṛpāgnitaskarairvipra satyaṃ satyaṃ suniścitam
Sanskrit only: no published translation is held for this verse.
स्वर्गोत्तरमिमं सम्यक्श्रुत्वा स्वर्गोत्तरं व्रजेत् । जीवन्मुक्तस्त्विहामुत्र कृष्णाख्यं धाम चोत्तमम्
svargottaramimaṃ samyakśrutvā svargottaraṃ vrajet | jīvanmuktastvihāmutra kṛṣṇākhyaṃ dhāma cottamam
Sanskrit only: no published translation is held for this verse.