Padma Purāṇa 4.5

शौनक उवाच- कथयस्व महाप्राज्ञ पुत्रहीनो जनो भवेत् । कर्मणा केन वै सूत पुत्रो भवति केन च

śaunaka uvāca- kathayasva mahāprājña putrahīno jano bhavet | karmaṇā kena vai sūta putro bhavati kena ca

Sanskrit only: no published translation is held for this verse.

सूत उवाच- एतत्पृष्टः पुरा ब्रह्मा नारदेन महात्मना । स यदाह तदा तं च शृणुष्व मुनिपुंगव

sūta uvāca- etatpṛṣṭaḥ purā brahmā nāradena mahātmanā | sa yadāha tadā taṃ ca śṛṇuṣva munipuṃgava

Sanskrit only: no published translation is held for this verse.

नारद उवाच- पितामह महाप्राज्ञ सर्वतत्त्वार्थपारग । अपुत्रो वै भवेन्मर्त्यः कर्मणा केन पद्मज

nārada uvāca- pitāmaha mahāprājña sarvatattvārthapāraga | aputro vai bhavenmartyaḥ karmaṇā kena padmaja

Sanskrit only: no published translation is held for this verse.

वंध्या स्त्री वा भवेत्केन वृजिनेन ममाग्रतः । कथय शृण्वतो वै मे सर्वप्राणिहिते रत

vaṃdhyā strī vā bhavetkena vṛjinena mamāgrataḥ | kathaya śṛṇvato vai me sarvaprāṇihite rata

Sanskrit only: no published translation is held for this verse.

दुहिता जायते केन कर्मणा वा नपुंसकः । मृतवत्सो भवेत्केन मृतवत्सातिदुःखिता । केन पुण्येन भो ब्रह्मन्पुनः पुत्रो भवेद्वद

duhitā jāyate kena karmaṇā vā napuṃsakaḥ | mṛtavatso bhavetkena mṛtavatsātiduḥkhitā | kena puṇyena bho brahmanpunaḥ putro bhavedvada

Sanskrit only: no published translation is held for this verse.

ब्रह्मोवाच- कथयामि समासेन सावधानेन तच्छ्रणु । वृत्तांतं पृच्छसि त्वं वै शृण्वतां विस्मयप्रदम्

brahmovāca- kathayāmi samāsena sāvadhānena tacchraṇu | vṛttāṃtaṃ pṛcchasi tvaṃ vai śṛṇvatāṃ vismayapradam

Sanskrit only: no published translation is held for this verse.

पूर्वजन्मनि यो मर्त्यो वर्तनं ब्राह्मणस्य च । हरेद्वा हारयेदत्र पुत्रहीनो भवेत्किल

pūrvajanmani yo martyo vartanaṃ brāhmaṇasya ca | haredvā hārayedatra putrahīno bhavetkila

Sanskrit only: no published translation is held for this verse.

इह जन्मनि यो मर्त्यः पुराणश्रवणं हि च । ससस्या भूमेर्दानं च कुर्याद्वै श्रद्धयान्वितः

iha janmani yo martyaḥ purāṇaśravaṇaṃ hi ca | sasasyā bhūmerdānaṃ ca kuryādvai śraddhayānvitaḥ

Sanskrit only: no published translation is held for this verse.

धेनुं बहुगुणां हैमीं बहुदुग्धां सदक्षिणाम् । सुवर्णप्रतिमां चैव तस्य पुत्रो भवेद्ध्रुवम्

dhenuṃ bahuguṇāṃ haimīṃ bahudugdhāṃ sadakṣiṇām | suvarṇapratimāṃ caiva tasya putro bhaveddhruvam

Sanskrit only: no published translation is held for this verse.

पूर्वजन्मनि या नारी परबालकघातनम् । करोति कपटेनैव बालहीना भवेद्ध्रुवम्

pūrvajanmani yā nārī parabālakaghātanam | karoti kapaṭenaiva bālahīnā bhaveddhruvam

Sanskrit only: no published translation is held for this verse.

सौवर्णप्रतिमादानं या नारी श्रद्धयान्विता । कुर्यात्पानं ब्राह्मणस्य भक्त्या वै चरणोदकम्

sauvarṇapratimādānaṃ yā nārī śraddhayānvitā | kuryātpānaṃ brāhmaṇasya bhaktyā vai caraṇodakam

Sanskrit only: no published translation is held for this verse.

पुराणश्रवणं चैव दद्याद्वै बहुदक्षिणाम् । बह्वपत्या जीववत्सा भवेन्नास्त्यत्र संशयः

purāṇaśravaṇaṃ caiva dadyādvai bahudakṣiṇām | bahvapatyā jīvavatsā bhavennāstyatra saṃśayaḥ

Sanskrit only: no published translation is held for this verse.

जले निमग्नं बालं यो दृष्ट्वा या न समुद्धरेत् । इह जन्मन्यपुत्रो वै साऽपुत्री च भवेद्ध्रुवम्

jale nimagnaṃ bālaṃ yo dṛṣṭvā yā na samuddharet | iha janmanyaputro vai sā'putrī ca bhaveddhruvam

Sanskrit only: no published translation is held for this verse.

वृषभं चैव कूष्मांडं ससुवर्णं सवस्त्रकम् । दद्याद्दानं ब्राह्मणस्य कुर्याद्बालव्रतं शुभम्

vṛṣabhaṃ caiva kūṣmāṃḍaṃ sasuvarṇaṃ savastrakam | dadyāddānaṃ brāhmaṇasya kuryādbālavrataṃ śubham

Sanskrit only: no published translation is held for this verse.

गौरीं कन्यां तथा कुर्यात्पुराणश्रवणं हि यः । पुत्रो वै जायते तस्य सर्वपातकनाशनम्

gaurīṃ kanyāṃ tathā kuryātpurāṇaśravaṇaṃ hi yaḥ | putro vai jāyate tasya sarvapātakanāśanam

Sanskrit only: no published translation is held for this verse.

पूर्वजन्मनि यो मर्त्यो निराशं चातिथिं द्विज । कुर्यात्क्रोधेन दंडं च पुत्रहीनो भवेद्ध्रुवम्

pūrvajanmani yo martyo nirāśaṃ cātithiṃ dvija | kuryātkrodhena daṃḍaṃ ca putrahīno bhaveddhruvam

Sanskrit only: no published translation is held for this verse.

ब्राह्मणं चातिथिं चैव कुर्याद्भक्त्या प्रपूजनम् । अन्नदानं जलं चैव तथा देवालयं शुभम्

brāhmaṇaṃ cātithiṃ caiva kuryādbhaktyā prapūjanam | annadānaṃ jalaṃ caiva tathā devālayaṃ śubham

Sanskrit only: no published translation is held for this verse.

पूर्वजन्मनि या नारी भ्रूणहत्यां च यो नरः । कुर्यात्सा मृतवत्सा च मृतवत्सो भवेद्ध्रुवम्

pūrvajanmani yā nārī bhrūṇahatyāṃ ca yo naraḥ | kuryātsā mṛtavatsā ca mṛtavatso bhaveddhruvam

Sanskrit only: no published translation is held for this verse.

या नारी स्वामिसहिता कुर्याच्च हरिवासरम् । सुपुत्रा भर्तृसुभगा भवेत्सा प्रतिजन्मनि

yā nārī svāmisahitā kuryācca harivāsaram | suputrā bhartṛsubhagā bhavetsā pratijanmani

Sanskrit only: no published translation is held for this verse.

यो नरो गोधनं कुर्याच्छूद्रः कुर्याद्विमोहितः । ब्राह्मणीहरणं वापि कर्मणा स नपुंसकः

yo naro godhanaṃ kuryācchūdraḥ kuryādvimohitaḥ | brāhmaṇīharaṇaṃ vāpi karmaṇā sa napuṃsakaḥ

Sanskrit only: no published translation is held for this verse.

इदं तु वृजिनं कृत्वा पश्चात्पुण्यं करोति यः । इह पुण्यप्रभावेण दुहिता जायते द्विज

idaṃ tu vṛjinaṃ kṛtvā paścātpuṇyaṃ karoti yaḥ | iha puṇyaprabhāveṇa duhitā jāyate dvija

Sanskrit only: no published translation is held for this verse.

आसीत्त्रेतायुगे राजा श्रीधरो नामतो द्विज । अपुत्रो धनवांस्तस्य जाया हेमप्रभावती

āsīttretāyuge rājā śrīdharo nāmato dvija | aputro dhanavāṃstasya jāyā hemaprabhāvatī

Sanskrit only: no published translation is held for this verse.

व्यासं सकलशास्त्रज्ञं सर्वलोकहितैषिणम् । आगतं चैव पप्रच्छ चापुत्रोऽहं कथं द्विज

vyāsaṃ sakalaśāstrajñaṃ sarvalokahitaiṣiṇam | āgataṃ caiva papraccha cāputro'haṃ kathaṃ dvija

Sanskrit only: no published translation is held for this verse.

उवाच नृपतेः श्रुत्वा वचनं विनयान्वितम् । राज्ञा दत्ते च पीठे च निर्मिते कनकादिभिः

uvāca nṛpateḥ śrutvā vacanaṃ vinayānvitam | rājñā datte ca pīṭhe ca nirmite kanakādibhiḥ

Sanskrit only: no published translation is held for this verse.

राजाराज्ञी तस्य पादौ धौतं कृत्वा च हर्षितौ । पीत्वा पादोदकं द्वौ च सर्वपातकनाशनम्

rājārājñī tasya pādau dhautaṃ kṛtvā ca harṣitau | pītvā pādodakaṃ dvau ca sarvapātakanāśanam

Sanskrit only: no published translation is held for this verse.

व्यास उवाच- राजन्शृणुष्व यत्पृष्टमपुत्रो येन कर्मणा । तवेयं राज्ञी चापुत्री चैकपत्नीव्रतस्तथा

vyāsa uvāca- rājanśṛṇuṣva yatpṛṣṭamaputro yena karmaṇā | taveyaṃ rājñī cāputrī caikapatnīvratastathā

Sanskrit only: no published translation is held for this verse.

पूर्वजन्मनि चंद्रस्त्वं नाम्ना वरतनु स्मृतः । भार्या तवापि शुभ्रांगी नाम्ना वै शंकरी स्मृता

pūrvajanmani caṃdrastvaṃ nāmnā varatanu smṛtaḥ | bhāryā tavāpi śubhrāṃgī nāmnā vai śaṃkarī smṛtā

Sanskrit only: no published translation is held for this verse.

एकदा पथियातौ च नीचपुत्रं जलेपि च । मग्नं दृष्ट्वा हेलया च गतौ स पंचतां गतः

ekadā pathiyātau ca nīcaputraṃ jalepi ca | magnaṃ dṛṣṭvā helayā ca gatau sa paṃcatāṃ gataḥ

Sanskrit only: no published translation is held for this verse.

बहुपुण्यप्रभावेण राज्ञीराजा गतौ युवाम् । तेन कर्मविपाकेन युवायोर्न भवेत्सुतः

bahupuṇyaprabhāveṇa rājñīrājā gatau yuvām | tena karmavipākena yuvāyorna bhavetsutaḥ

Sanskrit only: no published translation is held for this verse.

राजोवाच- इदानीं केन पुण्येन सुतो वै जायते प्रभो । अपुत्रस्य मनुष्याणां जीवनं हि निरर्थकम्

rājovāca- idānīṃ kena puṇyena suto vai jāyate prabho | aputrasya manuṣyāṇāṃ jīvanaṃ hi nirarthakam

Sanskrit only: no published translation is held for this verse.

व्यास उवाच- सवस्त्रं चैव कूष्मांडं वृषभं ससुवर्णकम् । देहि दानं ब्राह्मणस्य कुरु बालव्रतं तथा

vyāsa uvāca- savastraṃ caiva kūṣmāṃḍaṃ vṛṣabhaṃ sasuvarṇakam | dehi dānaṃ brāhmaṇasya kuru bālavrataṃ tathā

Sanskrit only: no published translation is held for this verse.

गौरीं कन्यां तथा देहि पुराणश्रवणं कुरु । पुत्रो वै जायते तत्र सर्वपातकनाशनम्

gaurīṃ kanyāṃ tathā dehi purāṇaśravaṇaṃ kuru | putro vai jāyate tatra sarvapātakanāśanam

Sanskrit only: no published translation is held for this verse.

ब्रह्मोवाच- इति श्रुत्वा ततो राजा व्यासोक्तं दानमुत्तमम् । पुराणश्रवणं चैव चकार गतकिल्बिषः

brahmovāca- iti śrutvā tato rājā vyāsoktaṃ dānamuttamam | purāṇaśravaṇaṃ caiva cakāra gatakilbiṣaḥ

Sanskrit only: no published translation is held for this verse.

ततः पुत्रो वर्षमध्ये बभूव सर्वपूजितः । अभूद्राजा सार्वभौमः सुंदरः कुलनायकः

tataḥ putro varṣamadhye babhūva sarvapūjitaḥ | abhūdrājā sārvabhaumaḥ suṃdaraḥ kulanāyakaḥ

Sanskrit only: no published translation is held for this verse.

सूत उवाच- य इदं शृणुयाद्भक्त्या करोति दानमुत्तमम् । अपुत्रो लभते पुत्रं संक्षेपात्कथितं मया

sūta uvāca- ya idaṃ śṛṇuyādbhaktyā karoti dānamuttamam | aputro labhate putraṃ saṃkṣepātkathitaṃ mayā

Sanskrit only: no published translation is held for this verse.

भक्त्या श्रुत्वा तु या नारी कुर्याद्ब्राह्मणपूजनम् । सुपुत्रा सा भवेन्नित्यं शास्त्रोक्तविधिना द्विज

bhaktyā śrutvā tu yā nārī kuryādbrāhmaṇapūjanam | suputrā sā bhavennityaṃ śāstroktavidhinā dvija

Sanskrit only: no published translation is held for this verse.

सुवर्णं रजतं वस्त्रं पुष्पमाल्यं च चंदनम् । यो दद्यात्पुस्तके भक्त्या सर्वपापप्रणाशनम्

suvarṇaṃ rajataṃ vastraṃ puṣpamālyaṃ ca caṃdanam | yo dadyātpustake bhaktyā sarvapāpapraṇāśanam

Sanskrit only: no published translation is held for this verse.

पूर्वजन्मनि यो मूढो ब्रह्मबालकघातकः । तस्य क्रूरो भवेत्पुत्रः सप्तजन्मांतरैर्द्विजः

pūrvajanmani yo mūḍho brahmabālakaghātakaḥ | tasya krūro bhavetputraḥ saptajanmāṃtarairdvijaḥ

Sanskrit only: no published translation is held for this verse.