Padma Purāṇa 4.6

शौनक उवाच- केन पुण्येन भो सूत वैकुंठं समवाप्यते । तद्वदस्व शृण्वतो मे पोतो हि भवसागरे

śaunaka uvāca- kena puṇyena bho sūta vaikuṃṭhaṃ samavāpyate | tadvadasva śṛṇvato me poto hi bhavasāgare

Sanskrit only: no published translation is held for this verse.

सूत उवाच- साधुसाधु मुनिश्रेष्ठ सर्वमंगलकारक । कथयामि समासेन शृण्वतां पापनाशनम्

sūta uvāca- sādhusādhu muniśreṣṭha sarvamaṃgalakāraka | kathayāmi samāsena śṛṇvatāṃ pāpanāśanam

Sanskrit only: no published translation is held for this verse.

विष्णवे ब्राह्मणायैव मृदावेश्मविनिर्मितम् । यो वै दद्याद्द्विजश्रेष्ठ तस्य पुण्यं निशामय

viṣṇave brāhmaṇāyaiva mṛdāveśmavinirmitam | yo vai dadyāddvijaśreṣṭha tasya puṇyaṃ niśāmaya

Sanskrit only: no published translation is held for this verse.

विष्णुलोके च स विप्रः सर्वपापविवर्जितः । सौधवासी भवेन्नित्यं विष्णुलोके प्रपूज्यते

viṣṇuloke ca sa vipraḥ sarvapāpavivarjitaḥ | saudhavāsī bhavennityaṃ viṣṇuloke prapūjyate

Sanskrit only: no published translation is held for this verse.

विष्णवे सौधगेहं यो दद्याद्वै ब्राह्मणाय च । हरेर्न्निकेतनं प्राप्य स्वर्गवासी भवेद्ध्रुवम्

viṣṇave saudhagehaṃ yo dadyādvai brāhmaṇāya ca | harernniketanaṃ prāpya svargavāsī bhaveddhruvam

Sanskrit only: no published translation is held for this verse.

अंते विष्णुपुरं गत्वा युक्तः कोटिकुलैर्द्विज । स्वर्णसौधे गृहे स्थित्वा कुर्याद्भोगं यथासुखम्

aṃte viṣṇupuraṃ gatvā yuktaḥ koṭikulairdvija | svarṇasaudhe gṛhe sthitvā kuryādbhogaṃ yathāsukham

Sanskrit only: no published translation is held for this verse.

ब्राह्मणस्थापने पुण्यं यद्वै भवति भो मुने । संख्यां कर्तुमशक्तस्तु तद्वेधाः सर्वकारकः

brāhmaṇasthāpane puṇyaṃ yadvai bhavati bho mune | saṃkhyāṃ kartumaśaktastu tadvedhāḥ sarvakārakaḥ

Sanskrit only: no published translation is held for this verse.

गण्यंते रेणवश्चैव गण्यंते वृष्टिबिंदवः । न गण्यंते विधात्रापि ब्रह्मसंस्थापने फलम्

gaṇyaṃte reṇavaścaiva gaṇyaṃte vṛṣṭibiṃdavaḥ | na gaṇyaṃte vidhātrāpi brahmasaṃsthāpane phalam

Sanskrit only: no published translation is held for this verse.

नारदेन पुरा ब्रह्मा पृष्टः संसारसंभवः । वेधास्तं कथयामास तच्छृणुष्व महामुने

nāradena purā brahmā pṛṣṭaḥ saṃsārasaṃbhavaḥ | vedhāstaṃ kathayāmāsa tacchṛṇuṣva mahāmune

Sanskrit only: no published translation is held for this verse.

पुरासीद्द्वापरे ब्रह्मन्वारनारी सुशोभना । सुकेशी हरिणीनेत्रा सुमध्या चारुहासिनी

purāsīddvāpare brahmanvāranārī suśobhanā | sukeśī hariṇīnetrā sumadhyā cāruhāsinī

Sanskrit only: no published translation is held for this verse.

नाम्ना सा चंचलापांगी ययौ देशांतरं कदा । सर्वपापसमायुक्ता नरके पातयंति च

nāmnā sā caṃcalāpāṃgī yayau deśāṃtaraṃ kadā | sarvapāpasamāyuktā narake pātayaṃti ca

Sanskrit only: no published translation is held for this verse.

संगेन सिंधुनाकांक्षी जनान्देवालयं गता । तत्र क्षणं सोपविष्टा तांबूलभक्षणं कृतम्

saṃgena siṃdhunākāṃkṣī janāndevālayaṃ gatā | tatra kṣaṇaṃ sopaviṣṭā tāṃbūlabhakṣaṇaṃ kṛtam

Sanskrit only: no published translation is held for this verse.

शेषं चूर्णं सौधभित्तौ दत्वा निम्ने कुतूहलात् । ततो गता जारकांक्षी धनार्थं नगरं प्रति

śeṣaṃ cūrṇaṃ saudhabhittau datvā nimne kutūhalāt | tato gatā jārakāṃkṣī dhanārthaṃ nagaraṃ prati

Sanskrit only: no published translation is held for this verse.

जारेण केनचित्सार्द्धं संकेतः सहसा कृतः । संकेतं तु गता वेश्या वनं रात्रौ विमोहिता

jāreṇa kenacitsārddhaṃ saṃketaḥ sahasā kṛtaḥ | saṃketaṃ tu gatā veśyā vanaṃ rātrau vimohitā

Sanskrit only: no published translation is held for this verse.

संकेतं नागतो वैश्यो व्यशंकिष्टविलोकिता । कथं कांतो नागतो मे सर्पव्याघ्रैश्च भक्षितः

saṃketaṃ nāgato vaiśyo vyaśaṃkiṣṭavilokitā | kathaṃ kāṃto nāgato me sarpavyāghraiśca bhakṣitaḥ

Sanskrit only: no published translation is held for this verse.

संकेतनं कथं हित्वा गतः किं कामविह्वलः । अन्यया ज्ञातया सार्द्धमभिलाषी भवेत्किमु

saṃketanaṃ kathaṃ hitvā gataḥ kiṃ kāmavihvalaḥ | anyayā jñātayā sārddhamabhilāṣī bhavetkimu

Sanskrit only: no published translation is held for this verse.

परामृष्यैतद्हृद्यंतः कोटपालभयाद्द्विज । नगरं नागता सा हि रुद्धे लोकपथे तमैः

parāmṛṣyaitadhṛdyaṃtaḥ koṭapālabhayāddvija | nagaraṃ nāgatā sā hi ruddhe lokapathe tamaiḥ

Sanskrit only: no published translation is held for this verse.

एतस्मिन्नंतरे व्याघ्रः कामरूपी बलात्क्षुधी । प्रेषितः कालदेवेनाग्रसदागत्य तां द्विज

etasminnaṃtare vyāghraḥ kāmarūpī balātkṣudhī | preṣitaḥ kāladevenāgrasadāgatya tāṃ dvija

Sanskrit only: no published translation is held for this verse.

ततस्तु यमुनाभ्रातुर्दूतास्ते भीमवर्षिणः । आगता गिरिकूटांगा नेतुं तां पापकर्मणा

tatastu yamunābhrāturdūtāste bhīmavarṣiṇaḥ | āgatā girikūṭāṃgā netuṃ tāṃ pāpakarmaṇā

Sanskrit only: no published translation is held for this verse.

वक्रपादा वक्रमुखा उन्नासा बहुदंष्ट्रिणः । चर्मरज्जूर्मुद्गरांश्च गृहीत्वा पांशुलां द्विज

vakrapādā vakramukhā unnāsā bahudaṃṣṭriṇaḥ | carmarajjūrmudgarāṃśca gṛhītvā pāṃśulāṃ dvija

Sanskrit only: no published translation is held for this verse.

बंधयामासुरुन्मत्ता गणिकां चर्म्मरज्जुभिः । शंखचक्रगदापद्मधारिणो वनमालिनः

baṃdhayāmāsurunmattā gaṇikāṃ carmmarajjubhiḥ | śaṃkhacakragadāpadmadhāriṇo vanamālinaḥ

Sanskrit only: no published translation is held for this verse.

प्रेषिता देवदेवेन तद्भक्तवत्सलेन च । कृष्णजीमूतसंकाशाः स्फुरद्वदनपंकजाः

preṣitā devadevena tadbhaktavatsalena ca | kṛṣṇajīmūtasaṃkāśāḥ sphuradvadanapaṃkajāḥ

Sanskrit only: no published translation is held for this verse.

श्रेणीधराश्चारुनासा दिव्यकुंडलभूषिताः । ददृशुः पथि गच्छंतो विष्णोर्दूतामहात्मनः

śreṇīdharāścārunāsā divyakuṃḍalabhūṣitāḥ | dadṛśuḥ pathi gacchaṃto viṣṇordūtāmahātmanaḥ

Sanskrit only: no published translation is held for this verse.

विष्णुदूता ऊचुः- के यूयं विकृताकारा लक्ष्यंते कर्बुरा इव । इमां विष्णोः प्रियतमां नीत्वा क्व व्रजथोत्तमाम् । इदं वचनमाकर्ण्य तेषां ते तु द्रुतं ययुः

viṣṇudūtā ūcuḥ- ke yūyaṃ vikṛtākārā lakṣyaṃte karburā iva | imāṃ viṣṇoḥ priyatamāṃ nītvā kva vrajathottamām | idaṃ vacanamākarṇya teṣāṃ te tu drutaṃ yayuḥ

Sanskrit only: no published translation is held for this verse.

अथ ते क्रोधसंपन्ना विष्णोर्दूता महाबलाः । जघ्नुस्ते संदेशहरान्यमस्य जगतः प्रभोः

atha te krodhasaṃpannā viṣṇordūtā mahābalāḥ | jaghnuste saṃdeśaharānyamasya jagataḥ prabhoḥ

Sanskrit only: no published translation is held for this verse.

चक्रादिशस्त्रसंघैश्च सूर्यकोटिसमप्रभैः । कृतांतस्य भटाः सर्वे रुदंतस्ते पलायिताः

cakrādiśastrasaṃghaiśca sūryakoṭisamaprabhaiḥ | kṛtāṃtasya bhaṭāḥ sarve rudaṃtaste palāyitāḥ

Sanskrit only: no published translation is held for this verse.

यमं प्रोचुः सभीताश्च वृत्तांतं सकलं द्विज । यमोऽपि तत्कथां श्रुत्वा चित्रगुप्तमुवाच ह

yamaṃ procuḥ sabhītāśca vṛttāṃtaṃ sakalaṃ dvija | yamo'pi tatkathāṃ śrutvā citraguptamuvāca ha

Sanskrit only: no published translation is held for this verse.

धर्म उवाच- केन पुण्येन भो मंत्रिन्वेश्या मुक्तिं समागता । एतन्मे पृच्छत सर्वं कथयस्व यथार्हतः

dharma uvāca- kena puṇyena bho maṃtrinveśyā muktiṃ samāgatā | etanme pṛcchata sarvaṃ kathayasva yathārhataḥ

Sanskrit only: no published translation is held for this verse.

चित्रगुप्त उवाच- तया पापान्यर्जितानि जन्मतः सुबहून्यपि । किंत्वाकर्णय लोकेश यदि स्यात्पुण्यमस्ति तत्

citragupta uvāca- tayā pāpānyarjitāni janmataḥ subahūnyapi | kiṃtvākarṇaya lokeśa yadi syātpuṇyamasti tat

Sanskrit only: no published translation is held for this verse.

गणिकैकदा धर्म्मराज सर्वालंकारभूषिता । कांचित्पुरीं जगामाशु जारकांक्षी धनार्थिनी

gaṇikaikadā dharmmarāja sarvālaṃkārabhūṣitā | kāṃcitpurīṃ jagāmāśu jārakāṃkṣī dhanārthinī

Sanskrit only: no published translation is held for this verse.

तत्र देवालये तस्मिन्स्थित्वा तांबूलभक्षणं । कृत्वा तच्छेषचूर्णं तु ददौ भित्तौ तु कौतुकात्

tatra devālaye tasminsthitvā tāṃbūlabhakṣaṇaṃ | kṛtvā taccheṣacūrṇaṃ tu dadau bhittau tu kautukāt

Sanskrit only: no published translation is held for this verse.

तेन पुण्यप्रभावेण गणिका गतपातका । वैकुंठं प्रति सा याति निर्गता तव दंडतः

tena puṇyaprabhāveṇa gaṇikā gatapātakā | vaikuṃṭhaṃ prati sā yāti nirgatā tava daṃḍataḥ

Sanskrit only: no published translation is held for this verse.

सूत उवाच- इति श्रुत्वा ततो दूता यमोऽपि वचनं द्विज । व्यापारे चान्यतश्चित्तं ददौ सा गणिकापि च

sūta uvāca- iti śrutvā tato dūtā yamo'pi vacanaṃ dvija | vyāpāre cānyataścittaṃ dadau sā gaṇikāpi ca

Sanskrit only: no published translation is held for this verse.

आरूढा स्यंदने दिव्ये राजहंसयुते तथा । विष्णुलोकं ययौ सा च वेष्टिता विष्णुकिंकरैः

ārūḍhā syaṃdane divye rājahaṃsayute tathā | viṣṇulokaṃ yayau sā ca veṣṭitā viṣṇukiṃkaraiḥ

Sanskrit only: no published translation is held for this verse.

श्रीविष्णोराज्ञया साथ कुलकोटियुतापि च । तस्थौ सौधगृहे विप्र नानाभोगं चकार ह

śrīviṣṇorājñayā sātha kulakoṭiyutāpi ca | tasthau saudhagṛhe vipra nānābhogaṃ cakāra ha

Sanskrit only: no published translation is held for this verse.

भक्त्या यो वै हरेर्गेहे दद्याच्चूर्णं प्रयत्नतः । पुण्यं किं वा भवेत्तस्य न जाने द्विजपुंगव

bhaktyā yo vai harergehe dadyāccūrṇaṃ prayatnataḥ | puṇyaṃ kiṃ vā bhavettasya na jāne dvijapuṃgava

Sanskrit only: no published translation is held for this verse.

भक्त्याध्यायं पठेद्यो वै शृणोति सादरेण च । सर्वपापविनिर्मुक्तो यात्यसौ हरिमंदिरम्

bhaktyādhyāyaṃ paṭhedyo vai śṛṇoti sādareṇa ca | sarvapāpavinirmukto yātyasau harimaṃdiram

Sanskrit only: no published translation is held for this verse.