Padma Purāṇa 4.7

शौनक उवाच- कथयस्व महाप्राज्ञ गोलोकं याति कर्मणा । सुमते दुस्तरात्केन जनः संसारसागरात् । राधायाश्चाष्टमी सूत तस्या माहात्म्यमुत्तमम्

śaunaka uvāca- kathayasva mahāprājña golokaṃ yāti karmaṇā | sumate dustarātkena janaḥ saṃsārasāgarāt | rādhāyāścāṣṭamī sūta tasyā māhātmyamuttamam

Sanskrit only: no published translation is held for this verse.

सूत उवाच- ब्रह्माणं नारदोऽपृच्छत्पुरा चैतन्महामुने । तच्छृणुष्व समासेन पृष्टवान्स इति द्विज

sūta uvāca- brahmāṇaṃ nārado'pṛcchatpurā caitanmahāmune | tacchṛṇuṣva samāsena pṛṣṭavānsa iti dvija

Sanskrit only: no published translation is held for this verse.

नारद उवाच- पितामह महाप्राज्ञ सर्वशास्त्रविदां वर । राधाजन्माष्टमी तात कथयस्व ममाग्रतः

nārada uvāca- pitāmaha mahāprājña sarvaśāstravidāṃ vara | rādhājanmāṣṭamī tāta kathayasva mamāgrataḥ

Sanskrit only: no published translation is held for this verse.

तस्याः पुण्यफलं किंवा कृतं केन पुरा विभो । अकुर्वतां जनानां हि किल्बिषं किं भवेद्द्विज

tasyāḥ puṇyaphalaṃ kiṃvā kṛtaṃ kena purā vibho | akurvatāṃ janānāṃ hi kilbiṣaṃ kiṃ bhaveddvija

Sanskrit only: no published translation is held for this verse.

केनैव तु विधानेन कर्त्तव्यं तद्व्रतं कदा । कस्माज्जाता च सा राधा तन्मे कथय मूलतः

kenaiva tu vidhānena karttavyaṃ tadvrataṃ kadā | kasmājjātā ca sā rādhā tanme kathaya mūlataḥ

Sanskrit only: no published translation is held for this verse.

ब्रह्मोवाच- राधाजन्माष्टमीं वत्स शृणुष्व सुसमाहितः । कथयामि समासेन समग्रं हरिणा विना

brahmovāca- rādhājanmāṣṭamīṃ vatsa śṛṇuṣva susamāhitaḥ | kathayāmi samāsena samagraṃ hariṇā vinā

Sanskrit only: no published translation is held for this verse.

कथितुं तत्फलं पुण्यं न शक्नोत्यपि नारद । कोटिजन्मार्जितं पापं ब्रह्महत्यादिकं महत्

kathituṃ tatphalaṃ puṇyaṃ na śaknotyapi nārada | koṭijanmārjitaṃ pāpaṃ brahmahatyādikaṃ mahat

Sanskrit only: no published translation is held for this verse.

कुर्वंति ये सकृद्भक्त्या तेषां नश्यति तत्क्षणात् । एकादश्याः सहस्रेण यत्फलं लभते नरः

kurvaṃti ye sakṛdbhaktyā teṣāṃ naśyati tatkṣaṇāt | ekādaśyāḥ sahasreṇa yatphalaṃ labhate naraḥ

Sanskrit only: no published translation is held for this verse.

राधाजन्माष्टमी पुण्यं तस्माच्छतगुणाधिकम् । मेरुतुल्यसुवर्णानि दत्वा यत्फलमाप्यते

rādhājanmāṣṭamī puṇyaṃ tasmācchataguṇādhikam | merutulyasuvarṇāni datvā yatphalamāpyate

Sanskrit only: no published translation is held for this verse.

सकृद्राधाष्टमीं कृत्वा तस्माच्छतगुणाधिकम् । कन्यादानसहस्रेण यत्पुण्यं प्राप्यते जनैः

sakṛdrādhāṣṭamīṃ kṛtvā tasmācchataguṇādhikam | kanyādānasahasreṇa yatpuṇyaṃ prāpyate janaiḥ

Sanskrit only: no published translation is held for this verse.

वृषभानुसुताष्टम्या तत्फलं प्राप्यते जनैः । गंगादिषु च तीर्थेषु स्नात्वा तु यत्फलं लभेत्

vṛṣabhānusutāṣṭamyā tatphalaṃ prāpyate janaiḥ | gaṃgādiṣu ca tīrtheṣu snātvā tu yatphalaṃ labhet

Sanskrit only: no published translation is held for this verse.

कृष्णप्राणप्रियाष्टम्याः फलं प्राप्नोति मानवः । एतद्व्रतं तु यः पापी हेलया श्रद्धयापि वा

kṛṣṇaprāṇapriyāṣṭamyāḥ phalaṃ prāpnoti mānavaḥ | etadvrataṃ tu yaḥ pāpī helayā śraddhayāpi vā

Sanskrit only: no published translation is held for this verse.

करोति विष्णुसदनं गच्छेत्कोटिकुलान्वितः । पुरा कृतयुगे वत्स वरनारी सुशोभना

karoti viṣṇusadanaṃ gacchetkoṭikulānvitaḥ | purā kṛtayuge vatsa varanārī suśobhanā

Sanskrit only: no published translation is held for this verse.

सुमध्या हरिणीनेत्रा शुभांगी चारुहासिनी । सुकेशी चारुकर्णी च नाम्ना लीलावती स्मृता

sumadhyā hariṇīnetrā śubhāṃgī cāruhāsinī | sukeśī cārukarṇī ca nāmnā līlāvatī smṛtā

Sanskrit only: no published translation is held for this verse.

तया बहूनि पापानि कृतानि सुदृढानि च । एकदा साधनाकांक्षी निःसृत्य पुरतः स्वतः

tayā bahūni pāpāni kṛtāni sudṛḍhāni ca | ekadā sādhanākāṃkṣī niḥsṛtya purataḥ svataḥ

Sanskrit only: no published translation is held for this verse.

गतान्यनगरं तत्र दृष्ट्वा सुज्ञ जनान्बहून् । राधाष्टमीव्रतपरान्सुंदरे देवतालये

gatānyanagaraṃ tatra dṛṣṭvā sujña janānbahūn | rādhāṣṭamīvrataparānsuṃdare devatālaye

Sanskrit only: no published translation is held for this verse.

गंधपुष्पैर्धूपदीपैर्वस्त्रैर्नानाविधैः फलैः । भक्तिभावैः पूजयंतो राधाया मूर्तिमुत्तमाम्

gaṃdhapuṣpairdhūpadīpairvastrairnānāvidhaiḥ phalaiḥ | bhaktibhāvaiḥ pūjayaṃto rādhāyā mūrtimuttamām

Sanskrit only: no published translation is held for this verse.

केचिद्गायंति नृत्यंति पठंति स्तवमुत्तमम् । तालवेणुमृदंगांश्च वादयंति च के मुदा

kecidgāyaṃti nṛtyaṃti paṭhaṃti stavamuttamam | tālaveṇumṛdaṃgāṃśca vādayaṃti ca ke mudā

Sanskrit only: no published translation is held for this verse.

तांस्तांस्तथाविधान्दृष्ट्वा कौतूहलसमन्विता । जगाम तत्समीपं सा पप्रच्छ विनयान्विता

tāṃstāṃstathāvidhāndṛṣṭvā kautūhalasamanvitā | jagāma tatsamīpaṃ sā papraccha vinayānvitā

Sanskrit only: no published translation is held for this verse.

भोभोः पुण्यात्मानो यूयं किं कुर्वंतो मुदान्विताः । कथयध्वं पुण्यवंतो मां चैव विनयान्विताम्

bhobhoḥ puṇyātmāno yūyaṃ kiṃ kurvaṃto mudānvitāḥ | kathayadhvaṃ puṇyavaṃto māṃ caiva vinayānvitām

Sanskrit only: no published translation is held for this verse.

तस्यास्तु वचनं श्रुत्वा परकार्यहितेरताः । आरेभिरे तदा वक्तुं वैष्णवा व्रततत्पराः

tasyāstu vacanaṃ śrutvā parakāryahiteratāḥ | ārebhire tadā vaktuṃ vaiṣṇavā vratatatparāḥ

Sanskrit only: no published translation is held for this verse.

राधाव्रतिन ऊचुः- भाद्रे मासि सिताष्टम्यां जाता श्रीराधिका यतः । अष्टमी साद्य संप्राप्ता तां कुर्वाम प्रयत्नतः

rādhāvratina ūcuḥ- bhādre māsi sitāṣṭamyāṃ jātā śrīrādhikā yataḥ | aṣṭamī sādya saṃprāptā tāṃ kurvāma prayatnataḥ

Sanskrit only: no published translation is held for this verse.

गोघातजनितं पापं स्तेयजं ब्रह्मघातजम् । परस्त्रीहरणाच्चैव तथा च गुरुतल्पजम्

goghātajanitaṃ pāpaṃ steyajaṃ brahmaghātajam | parastrīharaṇāccaiva tathā ca gurutalpajam

Sanskrit only: no published translation is held for this verse.

विश्वासघातजं चैव स्त्रीहत्याजनितं तथा । एतानि नाशयत्याशु कृता या चाष्टमी नृणाम्

viśvāsaghātajaṃ caiva strīhatyājanitaṃ tathā | etāni nāśayatyāśu kṛtā yā cāṣṭamī nṛṇām

Sanskrit only: no published translation is held for this verse.

तेषां च वचनं श्रुत्वा सर्वपातकनाशनम् । करिष्याम्यहमित्येव परामृष्य पुनः पुनः

teṣāṃ ca vacanaṃ śrutvā sarvapātakanāśanam | kariṣyāmyahamityeva parāmṛṣya punaḥ punaḥ

Sanskrit only: no published translation is held for this verse.

तत्रैव व्रतिभिः सार्द्धं कृत्वा सा व्रतमुत्तमम् । दैवात्सा पंचतां याता सर्पघातेन निर्मला

tatraiva vratibhiḥ sārddhaṃ kṛtvā sā vratamuttamam | daivātsā paṃcatāṃ yātā sarpaghātena nirmalā

Sanskrit only: no published translation is held for this verse.

ततो यमाज्ञया दूताः पाशमुद्गरपाणयः । आगतास्तां समानेतुं बबंधुरतिकृच्छ्रतः

tato yamājñayā dūtāḥ pāśamudgarapāṇayaḥ | āgatāstāṃ samānetuṃ babaṃdhuratikṛcchrataḥ

Sanskrit only: no published translation is held for this verse.

यदा नेतुं मनश्चक्रुर्यमस्य सदनं प्रति । तदागता विष्णुदूताः शंखचक्रगदाधराः

yadā netuṃ manaścakruryamasya sadanaṃ prati | tadāgatā viṣṇudūtāḥ śaṃkhacakragadādharāḥ

Sanskrit only: no published translation is held for this verse.

हिरण्मयं विमानं च राजहंसयुतं शुभम् । छेदनं चक्रधाराभिः पाशं कृत्वा त्वरान्विताः

hiraṇmayaṃ vimānaṃ ca rājahaṃsayutaṃ śubham | chedanaṃ cakradhārābhiḥ pāśaṃ kṛtvā tvarānvitāḥ

Sanskrit only: no published translation is held for this verse.

रथे चारोपयामासुस्तां नारीं गतकिल्बिषाम् । निन्युर्विष्णुपुरं ते च गोलोकाख्यं मनोहरम्

rathe cāropayāmāsustāṃ nārīṃ gatakilbiṣām | ninyurviṣṇupuraṃ te ca golokākhyaṃ manoharam

Sanskrit only: no published translation is held for this verse.

कृष्णेन राधया तत्र स्थिता व्रतप्रसादतः । राधाष्टमीव्रतं तात यो न कुर्य्याच्च मूढधीः

kṛṣṇena rādhayā tatra sthitā vrataprasādataḥ | rādhāṣṭamīvrataṃ tāta yo na kuryyācca mūḍhadhīḥ

Sanskrit only: no published translation is held for this verse.

नरकान्निष्कृतिर्नास्ति कोटिकल्पशतैरपि । स्त्रियश्च या न कुर्वंति व्रतमेतच्छुभप्रदम्

narakānniṣkṛtirnāsti koṭikalpaśatairapi | striyaśca yā na kurvaṃti vratametacchubhapradam

Sanskrit only: no published translation is held for this verse.

राधाविष्णोः प्रीतिकरं सर्वपापप्रणाशनम् । अंते यमपुरीं गत्वा पतंति नरके चिरम्

rādhāviṣṇoḥ prītikaraṃ sarvapāpapraṇāśanam | aṃte yamapurīṃ gatvā pataṃti narake ciram

Sanskrit only: no published translation is held for this verse.

कदाचिज्जन्मचासाद्य पृथिव्यां विधवा ध्रुवम् । एकदा पृथिवी वत्स दुष्टसंघैश्च ताडिता

kadācijjanmacāsādya pṛthivyāṃ vidhavā dhruvam | ekadā pṛthivī vatsa duṣṭasaṃghaiśca tāḍitā

Sanskrit only: no published translation is held for this verse.

गौर्भूत्वा च भृशं दीना चाययौ सा ममांतिकम् । निवेदयामास दुःखं रुदंती च पुनः पुनः

gaurbhūtvā ca bhṛśaṃ dīnā cāyayau sā mamāṃtikam | nivedayāmāsa duḥkhaṃ rudaṃtī ca punaḥ punaḥ

Sanskrit only: no published translation is held for this verse.

तद्वाक्यं च समाकर्ण्य गतोऽहं विष्णुसंनिधिम् । कृष्णे निवेदितश्चाशु पृथिव्या दुःखसंचयः

tadvākyaṃ ca samākarṇya gato'haṃ viṣṇusaṃnidhim | kṛṣṇe niveditaścāśu pṛthivyā duḥkhasaṃcayaḥ

Sanskrit only: no published translation is held for this verse.

तेनोक्तं गच्छ भो ब्रह्मन्देवैः सार्द्धं च भूतले । अहं तत्रापि गच्छामि पश्चान्ममगणैः सह

tenoktaṃ gaccha bho brahmandevaiḥ sārddhaṃ ca bhūtale | ahaṃ tatrāpi gacchāmi paścānmamagaṇaiḥ saha

Sanskrit only: no published translation is held for this verse.

तच्छ्रुत्वा सहितो दैवैरागतः पृथिवीतलम् । ततः कृष्णः समाहूय राधां प्राणगरीयसीम्

tacchrutvā sahito daivairāgataḥ pṛthivītalam | tataḥ kṛṣṇaḥ samāhūya rādhāṃ prāṇagarīyasīm

Sanskrit only: no published translation is held for this verse.

उवाच वचनं देवि गच्छेहं पृथिवीतलम् । पृथिवीभारनाशाय गच्छ त्वं मर्त्त्यमंडलम्

uvāca vacanaṃ devi gacchehaṃ pṛthivītalam | pṛthivībhāranāśāya gaccha tvaṃ marttyamaṃḍalam

Sanskrit only: no published translation is held for this verse.

इति श्रुत्वापि सा राधाप्यागता पृथिवीं ततः । भाद्रे मासि सिते पक्षे अष्टमीसंज्ञिके तिथौ

iti śrutvāpi sā rādhāpyāgatā pṛthivīṃ tataḥ | bhādre māsi site pakṣe aṣṭamīsaṃjñike tithau

Sanskrit only: no published translation is held for this verse.

वृषभानो र्यज्ञभूमौ जाता सा राधिका दिवा । यज्ञार्थं शोधितायां च दृष्टा सा दिव्यरूपिणी

vṛṣabhāno ryajñabhūmau jātā sā rādhikā divā | yajñārthaṃ śodhitāyāṃ ca dṛṣṭā sā divyarūpiṇī

Sanskrit only: no published translation is held for this verse.

राजानं दमना भूत्वा तां प्राप्य निजमंदिरम् । दत्तवान्महिषीं नीत्वा सा च तां पर्यपालयत्

rājānaṃ damanā bhūtvā tāṃ prāpya nijamaṃdiram | dattavānmahiṣīṃ nītvā sā ca tāṃ paryapālayat

Sanskrit only: no published translation is held for this verse.

इति ते कथितं वत्स त्वया पृष्टं च यद्वचः । गोपनीयं गोपनीयं गोपनीयं प्रयत्नतः

iti te kathitaṃ vatsa tvayā pṛṣṭaṃ ca yadvacaḥ | gopanīyaṃ gopanīyaṃ gopanīyaṃ prayatnataḥ

Sanskrit only: no published translation is held for this verse.

सूत उवाच- य इदं शृणुयाद्भक्त्या चतुर्वर्गफलप्रदम् । सर्वपापविनिर्मुक्तश्चांतेयातिहरेर्गृहम्

sūta uvāca- ya idaṃ śṛṇuyādbhaktyā caturvargaphalapradam | sarvapāpavinirmuktaścāṃteyātiharergṛham

Sanskrit only: no published translation is held for this verse.