Padma Purāṇa 4.9

सूत उवाच- ततोऽमरगणास्ते च सगंधर्वाः सदानवा । उत्पाट्य मंदरं शैलं चिक्षिपुः पयसां निधौ

sūta uvāca- tato'maragaṇāste ca sagaṃdharvāḥ sadānavā | utpāṭya maṃdaraṃ śailaṃ cikṣipuḥ payasāṃ nidhau

Sanskrit only: no published translation is held for this verse.

ततः सनातनः श्रीमान्दयालुर्जगदीश्वरः । अधारयद्गिरेर्मूलं कूर्मरूपेण पृष्ठतः

tataḥ sanātanaḥ śrīmāndayālurjagadīśvaraḥ | adhārayadgirermūlaṃ kūrmarūpeṇa pṛṣṭhataḥ

Sanskrit only: no published translation is held for this verse.

अनंतं तत्र संवेष्ट्य ममंथुर्दुग्धसागरम् । एकादश्यां मथ्यमाने चोद्भूतं प्रथमं द्विज

anaṃtaṃ tatra saṃveṣṭya mamaṃthurdugdhasāgaram | ekādaśyāṃ mathyamāne codbhūtaṃ prathamaṃ dvija

Sanskrit only: no published translation is held for this verse.

कालकूटविषं ते तु दृष्ट्वा सर्वे प्रदुद्रुवुः । ततस्तान्विद्रुतान्दृष्ट्वा शंकरश्चोक्तवानिदम्

kālakūṭaviṣaṃ te tu dṛṣṭvā sarve pradudruvuḥ | tatastānvidrutāndṛṣṭvā śaṃkaraścoktavānidam

Sanskrit only: no published translation is held for this verse.

भोभोऽमरगणा यूयं विषं कुरुतमादरम् । वारयिष्याम्यहं तूर्णं कालकूटं महाविषम्

bhobho'maragaṇā yūyaṃ viṣaṃ kurutamādaram | vārayiṣyāmyahaṃ tūrṇaṃ kālakūṭaṃ mahāviṣam

Sanskrit only: no published translation is held for this verse.

इत्युक्त्वा पार्वतीनाथो ध्यायन्नारायणं हृदि । महामंत्रं समुच्चार्य विषमादद्भयंकरम्

ityuktvā pārvatīnātho dhyāyannārāyaṇaṃ hṛdi | mahāmaṃtraṃ samuccārya viṣamādadbhayaṃkaram

Sanskrit only: no published translation is held for this verse.

महामंत्रप्रभावेण विषं जीर्णं गतं महत् । अच्युतानंतगोविंद इति नामत्रयं हरेः

mahāmaṃtraprabhāveṇa viṣaṃ jīrṇaṃ gataṃ mahat | acyutānaṃtagoviṃda iti nāmatrayaṃ hareḥ

Sanskrit only: no published translation is held for this verse.

योजपेत्प्रयतो भक्त्या प्रणवाद्यं नमोंऽतिकम् । विषभोगाग्निजं तस्य नास्ति मृत्योर्भयं तथा

yojapetprayato bhaktyā praṇavādyaṃ namoṃ'tikam | viṣabhogāgnijaṃ tasya nāsti mṛtyorbhayaṃ tathā

Sanskrit only: no published translation is held for this verse.

ततो हृष्टमना देवा ममंथुः क्षीरसागरम् । ततोऽलक्ष्मीः समुत्पन्ना कालास्या रक्तलोचना

tato hṛṣṭamanā devā mamaṃthuḥ kṣīrasāgaram | tato'lakṣmīḥ samutpannā kālāsyā raktalocanā

Sanskrit only: no published translation is held for this verse.

रूक्षपिंगलकेशा च जरतीं बिभ्रती तनुम् । सा च ज्येष्ठाब्रवीद्देवान्किंकर्तव्यं मयेति वै

rūkṣapiṃgalakeśā ca jaratīṃ bibhratī tanum | sā ca jyeṣṭhābravīddevānkiṃkartavyaṃ mayeti vai

Sanskrit only: no published translation is held for this verse.

देवास्तथाब्रुवंस्तां च देवीं दुःखस्यभाजनम् । येषां नॄणां गृहे देवी कलहः संप्रवर्तते

devāstathābruvaṃstāṃ ca devīṃ duḥkhasyabhājanam | yeṣāṃ nṝṇāṃ gṛhe devī kalahaḥ saṃpravartate

Sanskrit only: no published translation is held for this verse.

तत्र स्थानं प्रयच्छामो वस ज्येष्ठे शुभान्विता । निष्ठुरं वचनं ये च वदंति येऽनृतं नराः

tatra sthānaṃ prayacchāmo vasa jyeṣṭhe śubhānvitā | niṣṭhuraṃ vacanaṃ ye ca vadaṃti ye'nṛtaṃ narāḥ

Sanskrit only: no published translation is held for this verse.

संध्यायां ये हि चाश्नंति दुःखदा तिष्ठ तद्गृहे । कपालकेशभस्मास्थि तुषांगाराणि यत्र तु

saṃdhyāyāṃ ye hi cāśnaṃti duḥkhadā tiṣṭha tadgṛhe | kapālakeśabhasmāsthi tuṣāṃgārāṇi yatra tu

Sanskrit only: no published translation is held for this verse.

स्थानं ज्येष्ठे तत्र तव भविष्यति न संशयः । अकृत्वा पादयोर्धौतं ये चाश्नंति नराधमाः

sthānaṃ jyeṣṭhe tatra tava bhaviṣyati na saṃśayaḥ | akṛtvā pādayordhautaṃ ye cāśnaṃti narādhamāḥ

Sanskrit only: no published translation is held for this verse.

तद्गृहे सर्वदा तिष्ठ दुःखदारिद्रदायिनी । वालुकालवणांगारैः कुर्वंति दंतधावनम्

tadgṛhe sarvadā tiṣṭha duḥkhadāridradāyinī | vālukālavaṇāṃgāraiḥ kurvaṃti daṃtadhāvanam

Sanskrit only: no published translation is held for this verse.

तेषां गेहे सदा तिष्ठ दुःखदा कलिना सह । छत्राकं श्रीफलं शिष्टं ये खादंति नराधमाः

teṣāṃ gehe sadā tiṣṭha duḥkhadā kalinā saha | chatrākaṃ śrīphalaṃ śiṣṭaṃ ye khādaṃti narādhamāḥ

Sanskrit only: no published translation is held for this verse.

गेहे तेषां तव स्थानं ज्येष्ठे कलुषदायिनि । तिलपिष्टमलाबुं ये गृंजनं पोतिकादलम्

gehe teṣāṃ tava sthānaṃ jyeṣṭhe kaluṣadāyini | tilapiṣṭamalābuṃ ye gṛṃjanaṃ potikādalam

Sanskrit only: no published translation is held for this verse.

कलं बुकं पलांडुं ये चाश्नंति पापबुद्धयः । तेषां गृहे तव स्थानं भविष्यति न संशयः

kalaṃ bukaṃ palāṃḍuṃ ye cāśnaṃti pāpabuddhayaḥ | teṣāṃ gṛhe tava sthānaṃ bhaviṣyati na saṃśayaḥ

Sanskrit only: no published translation is held for this verse.

गुरु देवातिथीनां च यज्ञदानविवर्जितम् । यत्रवेदध्वनिर्नास्ति तत्र तिष्ठ सदाऽशुभे

guru devātithīnāṃ ca yajñadānavivarjitam | yatravedadhvanirnāsti tatra tiṣṭha sadā'śubhe

Sanskrit only: no published translation is held for this verse.

दंपत्योः कलहो यत्र पितृदेवार्चनं न वै । दुरोदररता यत्र तत्र तिष्ठ सदाशुभे

daṃpatyoḥ kalaho yatra pitṛdevārcanaṃ na vai | durodararatā yatra tatra tiṣṭha sadāśubhe

Sanskrit only: no published translation is held for this verse.

परदाररता यत्र परद्रव्यापहारिणः । विप्रसज्जनवृद्धानां यत्र पूजा न विद्यते । तत्र स्थाने सदा तिष्ठ पापदारिद्र्यदायिनी

paradāraratā yatra paradravyāpahāriṇaḥ | viprasajjanavṛddhānāṃ yatra pūjā na vidyate | tatra sthāne sadā tiṣṭha pāpadāridryadāyinī

Sanskrit only: no published translation is held for this verse.

इत्यादिश्य सुरा ज्येष्ठां सर्वेषां कलिवल्लभाम् । क्षीराब्धेर्मथनं चक्रुः पुनस्ते सुसमाहिताः

ityādiśya surā jyeṣṭhāṃ sarveṣāṃ kalivallabhām | kṣīrābdhermathanaṃ cakruḥ punaste susamāhitāḥ

Sanskrit only: no published translation is held for this verse.