Padma Purāṇa 5.1

नारायणं नमस्कृत्य नरं चैव नरोत्तमम् । देवींसरस्वतीं व्यासं ततो जयमुदीरयेत्

nārāyaṇaṃ namaskṛtya naraṃ caiva narottamam | devīṃsarasvatīṃ vyāsaṃ tato jayamudīrayet

Sanskrit only: no published translation is held for this verse.

ऋषय ऊचुः। श्रुतं सर्वं महाभाग स्वर्गखंडं मनोहरम् । त्वत्तोऽधुना वदायुष्मञ्छ्रीरामचरितं हि नः

ṛṣaya ūcuḥ| śrutaṃ sarvaṃ mahābhāga svargakhaṃḍaṃ manoharam | tvatto'dhunā vadāyuṣmañchrīrāmacaritaṃ hi naḥ

Sanskrit only: no published translation is held for this verse.

सूत उवाच। अथैकदा धराधारं पृष्टवान्भुजगेश्वरम् । वात्स्यायनो मुनिवरः कथामेतां सुनिर्मलाम्

sūta uvāca| athaikadā dharādhāraṃ pṛṣṭavānbhujageśvaram | vātsyāyano munivaraḥ kathāmetāṃ sunirmalām

Sanskrit only: no published translation is held for this verse.

श्रीवात्स्यायन उवाच। शेषाशेष कथास्त्वत्तो जगत्सर्गलयादिकाः । भूगोलश्च खगोलश्च ज्योतिश्चक्रविनिर्णयः

śrīvātsyāyana uvāca| śeṣāśeṣa kathāstvatto jagatsargalayādikāḥ | bhūgolaśca khagolaśca jyotiścakravinirṇayaḥ

Sanskrit only: no published translation is held for this verse.

महत्तत्त्वादिसृष्टीनां पृथक्तत्त्वविनिर्णयः । नानाराजचरित्राणि कथितानि त्वयानघ

mahattattvādisṛṣṭīnāṃ pṛthaktattvavinirṇayaḥ | nānārājacaritrāṇi kathitāni tvayānagha

Sanskrit only: no published translation is held for this verse.

सूर्यवंशभवानां च राज्ञां चारित्रमद्भुतम् । तत्रानेकमहापापहरा रामकृता कथा

sūryavaṃśabhavānāṃ ca rājñāṃ cāritramadbhutam | tatrānekamahāpāpaharā rāmakṛtā kathā

Sanskrit only: no published translation is held for this verse.

तस्य वीरस्य रामस्य हयमेधकथा श्रुता । संक्षेपतो मया त्वत्तस्तामिच्छामि सविस्तराम्

tasya vīrasya rāmasya hayamedhakathā śrutā | saṃkṣepato mayā tvattastāmicchāmi savistarām

Sanskrit only: no published translation is held for this verse.

या श्रुता संस्मृता चोक्ता महापातकहारिणी । चिंतितार्थप्रदात्री च भक्तचित्तप्रतोषदा

yā śrutā saṃsmṛtā coktā mahāpātakahāriṇī | ciṃtitārthapradātrī ca bhaktacittapratoṣadā

Sanskrit only: no published translation is held for this verse.

शेष उवाच। धन्योसि द्विजवर्य त्वं यस्य ते मतिरीदृशी । रघुवीरपदद्वंद्व मकरंद स्पृहावती

śeṣa uvāca| dhanyosi dvijavarya tvaṃ yasya te matirīdṛśī | raghuvīrapadadvaṃdva makaraṃda spṛhāvatī

Sanskrit only: no published translation is held for this verse.

वदंति मुनयः सर्वे साधूनां संगमं वरम् । यस्मात्पापक्षयकरी रघुनाथकथा भवेत्

vadaṃti munayaḥ sarve sādhūnāṃ saṃgamaṃ varam | yasmātpāpakṣayakarī raghunāthakathā bhavet

Sanskrit only: no published translation is held for this verse.

त्वया मेऽनुग्रहः सृष्टो यद्रामः स्मारितः पुनः । सुरासुरकिरीटौघ मणिनीराजितांघ्रिकः

tvayā me'nugrahaḥ sṛṣṭo yadrāmaḥ smāritaḥ punaḥ | surāsurakirīṭaugha maṇinīrājitāṃghrikaḥ

Sanskrit only: no published translation is held for this verse.

रावणारिकथा वार्द्धौ मशको मादृशः कियान् । यत्र ब्रह्मादयो देवा मोहिता न विदंत्यपि

rāvaṇārikathā vārddhau maśako mādṛśaḥ kiyān | yatra brahmādayo devā mohitā na vidaṃtyapi

Sanskrit only: no published translation is held for this verse.

तथापि भो मया तुभ्यं वक्तव्यं स्वीयशक्तितः । पक्षिणः स्वगतिं श्रित्वा खे गच्छंति सुविस्तरे

tathāpi bho mayā tubhyaṃ vaktavyaṃ svīyaśaktitaḥ | pakṣiṇaḥ svagatiṃ śritvā khe gacchaṃti suvistare

Sanskrit only: no published translation is held for this verse.

चरितं रघुनाथस्य शतकोटिप्रविस्तरम् । येषां वै यादृशी बुद्धिस्ते वदंत्येव तादृशम्

caritaṃ raghunāthasya śatakoṭipravistaram | yeṣāṃ vai yādṛśī buddhiste vadaṃtyeva tādṛśam

Sanskrit only: no published translation is held for this verse.

रघुनाथसतीकीर्तिर्मद्बुद्धिं निर्मलीमसाम् । करिष्यति स्वसंपर्कात्कनकं त्वनलो यथा

raghunāthasatīkīrtirmadbuddhiṃ nirmalīmasām | kariṣyati svasaṃparkātkanakaṃ tvanalo yathā

Sanskrit only: no published translation is held for this verse.

सूत उवाच। इत्युक्त्वा तं मुनिवरं ध्यानस्तिमितलोचनः । ज्ञानेनालोकयांचक्रे कथां लोकोत्तरां शुभाम्

sūta uvāca| ityuktvā taṃ munivaraṃ dhyānastimitalocanaḥ | jñānenālokayāṃcakre kathāṃ lokottarāṃ śubhām

Sanskrit only: no published translation is held for this verse.

गद्गदस्वरसंयुक्तो महाहर्षांकितांगकः । कथयामास विशदां कथां दाशरथेः पुनः

gadgadasvarasaṃyukto mahāharṣāṃkitāṃgakaḥ | kathayāmāsa viśadāṃ kathāṃ dāśaratheḥ punaḥ

Sanskrit only: no published translation is held for this verse.

शेष उवाच। लंकेश्वरे विनिहते देवदानवदुःखदे । अप्सरोगणवक्त्राब्जचंद्रमः कांतिहर्तरि

śeṣa uvāca| laṃkeśvare vinihate devadānavaduḥkhade | apsarogaṇavaktrābjacaṃdramaḥ kāṃtihartari

Sanskrit only: no published translation is held for this verse.

सुराः सर्वे सुखं प्रापुरिंद्र प्रभृतयस्तदा । सुखं प्राप्ताः स्तुतिं चक्रुर्दासवत्प्रणतिं गताः

surāḥ sarve sukhaṃ prāpuriṃdra prabhṛtayastadā | sukhaṃ prāptāḥ stutiṃ cakrurdāsavatpraṇatiṃ gatāḥ

Sanskrit only: no published translation is held for this verse.

लंकायां च प्रतिष्ठाप्य धर्मयुक्तं बिभीषणम् । सीतयासहितो रामः पुष्पकं समुपाश्रितः

laṃkāyāṃ ca pratiṣṭhāpya dharmayuktaṃ bibhīṣaṇam | sītayāsahito rāmaḥ puṣpakaṃ samupāśritaḥ

Sanskrit only: no published translation is held for this verse.

सुग्रीवहनुमत्सीतालक्ष्मणैः संयुतस्तदा । बिभीषणोऽपि सचिवैरन्वगाद्विरहोत्सुकः

sugrīvahanumatsītālakṣmaṇaiḥ saṃyutastadā | bibhīṣaṇo'pi sacivairanvagādvirahotsukaḥ

Sanskrit only: no published translation is held for this verse.

लंकां स पश्यन्बहुधा भग्नप्राकारतोरणाम् । दृष्ट्वाऽशोकवनं तत्र सीतास्थानं मुमूर्च्छ ह

laṃkāṃ sa paśyanbahudhā bhagnaprākāratoraṇām | dṛṣṭvā'śokavanaṃ tatra sītāsthānaṃ mumūrccha ha

Sanskrit only: no published translation is held for this verse.

शिंशपांस्तत्र वृक्षांश्च पुष्पितान्कोरकैर्युतान् । राक्षसीभिः समाकीर्णान्मृताभिर्हनुमद्भयात्

śiṃśapāṃstatra vṛkṣāṃśca puṣpitānkorakairyutān | rākṣasībhiḥ samākīrṇānmṛtābhirhanumadbhayāt

Sanskrit only: no published translation is held for this verse.

इत्थं सर्वं विलोक्याशु रामः प्रायात्पुरीं प्रति । ब्रह्मादिदेवैः सहितः स्वीयस्वीयविमानकैः

itthaṃ sarvaṃ vilokyāśu rāmaḥ prāyātpurīṃ prati | brahmādidevaiḥ sahitaḥ svīyasvīyavimānakaiḥ

Sanskrit only: no published translation is held for this verse.

देवदुंदुभिनिर्घोषाञ्छृण्वञ्छ्रोत्रसुखावहान् । तथैवाप्सरसां नृत्यैः पूज्यमानो रघूत्तमः

devaduṃdubhinirghoṣāñchṛṇvañchrotrasukhāvahān | tathaivāpsarasāṃ nṛtyaiḥ pūjyamāno raghūttamaḥ

Sanskrit only: no published translation is held for this verse.

सीतायै दर्शयन्मार्गे तीर्थान्याश्रमवंति च । मुनींश्च मुनिपुत्रांश्च मुनिपत्नीः पतिव्रताः

sītāyai darśayanmārge tīrthānyāśramavaṃti ca | munīṃśca muniputrāṃśca munipatnīḥ pativratāḥ

Sanskrit only: no published translation is held for this verse.

यत्रयत्र कृतावासाः पूर्वं रामेण धीमता । तान्सर्वान्दर्शयामास लक्ष्मणेन समन्वितः

yatrayatra kṛtāvāsāḥ pūrvaṃ rāmeṇa dhīmatā | tānsarvāndarśayāmāsa lakṣmaṇena samanvitaḥ

Sanskrit only: no published translation is held for this verse.

इत्येवं दर्शयंस्तस्यै रामोऽद्राक्षीत्स्वकां पुरीम् । तस्याः पुनः समीपे तु नंदिग्रामं ददर्श ह

ityevaṃ darśayaṃstasyai rāmo'drākṣītsvakāṃ purīm | tasyāḥ punaḥ samīpe tu naṃdigrāmaṃ dadarśa ha

Sanskrit only: no published translation is held for this verse.

यत्र वै भरतो राजा पालयन्धर्ममास्थितः । भ्रातुर्वियोगजनितं दुःखचिह्नं वहन्बहु

yatra vai bharato rājā pālayandharmamāsthitaḥ | bhrāturviyogajanitaṃ duḥkhacihnaṃ vahanbahu

Sanskrit only: no published translation is held for this verse.

गर्तशायी ब्रह्मचारी जटावल्कलसंयुतः । कृशांगयष्टिर्दुःखार्तः कुर्वन्रामकथां मुहुः

gartaśāyī brahmacārī jaṭāvalkalasaṃyutaḥ | kṛśāṃgayaṣṭirduḥkhārtaḥ kurvanrāmakathāṃ muhuḥ

Sanskrit only: no published translation is held for this verse.

यवान्नमपि नो भुंक्ते जलं पिबति नो मुहुः । उद्यंतं सवितारं यो नमस्कृत्य ब्रवीति च

yavānnamapi no bhuṃkte jalaṃ pibati no muhuḥ | udyaṃtaṃ savitāraṃ yo namaskṛtya bravīti ca

Sanskrit only: no published translation is held for this verse.

जगन्नेत्रसुरस्वामिन्हर मे दुष्कृतं महत् । मदर्थे रामचंद्रोऽपि जगत्पूज्यो वनं ययौ

jagannetrasurasvāminhara me duṣkṛtaṃ mahat | madarthe rāmacaṃdro'pi jagatpūjyo vanaṃ yayau

Sanskrit only: no published translation is held for this verse.

सीतया सुकुमारांग्या सेव्यमानोऽटवीं गतः । या सीता पुष्पपर्यंके वृंतमासाद्य दुःखिता

sītayā sukumārāṃgyā sevyamāno'ṭavīṃ gataḥ | yā sītā puṣpaparyaṃke vṛṃtamāsādya duḥkhitā

Sanskrit only: no published translation is held for this verse.

या सीता रविसंतापं कदापि प्राप नो सती । मदर्थे जानकी सा च प्रत्यरण्यं भ्रमत्यहो

yā sītā ravisaṃtāpaṃ kadāpi prāpa no satī | madarthe jānakī sā ca pratyaraṇyaṃ bhramatyaho

Sanskrit only: no published translation is held for this verse.

या सीता राजवृंदैश्च न दृष्टा नयनैः कदा । सा सीता दृश्यते नूनं किरातैः कालरूपिभिः

yā sītā rājavṛṃdaiśca na dṛṣṭā nayanaiḥ kadā | sā sītā dṛśyate nūnaṃ kirātaiḥ kālarūpibhiḥ

Sanskrit only: no published translation is held for this verse.

या सीता मधुरं त्वन्नं भोजिता न बुभुक्षति । सा सीताद्य वनस्थानि फलानि प्रार्थयत्यहो

yā sītā madhuraṃ tvannaṃ bhojitā na bubhukṣati | sā sītādya vanasthāni phalāni prārthayatyaho

Sanskrit only: no published translation is held for this verse.

इत्येवमन्वहं सूर्यमुपस्थाय वदत्यदः । प्रातःप्रातर्महाराजो भरतो रामवल्लभः

ityevamanvahaṃ sūryamupasthāya vadatyadaḥ | prātaḥprātarmahārājo bharato rāmavallabhaḥ

Sanskrit only: no published translation is held for this verse.

यश्चोच्यमानः सचिवैः समदुःखसुखैर्बुधैः । नीतिज्ञैः शास्त्रनिपुणैरिति प्रोवाच तान्नृपः

yaścocyamānaḥ sacivaiḥ samaduḥkhasukhairbudhaiḥ | nītijñaiḥ śāstranipuṇairiti provāca tānnṛpaḥ

Sanskrit only: no published translation is held for this verse.

अमात्या दुर्भगं मां किं प्रब्रूत पुरुषाधमम् । मदर्थे मेऽग्रजो रामो वनं प्राप्यावसीदति

amātyā durbhagaṃ māṃ kiṃ prabrūta puruṣādhamam | madarthe me'grajo rāmo vanaṃ prāpyāvasīdati

Sanskrit only: no published translation is held for this verse.

दुर्भगस्य मम प्रस्वाः पापमार्जनमादरात् । करोमि रामचंद्रांघ्रिं स्मारं स्मारं सुमंत्रिणः

durbhagasya mama prasvāḥ pāpamārjanamādarāt | karomi rāmacaṃdrāṃghriṃ smāraṃ smāraṃ sumaṃtriṇaḥ

Sanskrit only: no published translation is held for this verse.

धन्या सुमित्रा सुतरां वीरसूः स्वपतिप्रिया । यस्यास्तनूजो रामस्य चरणौ सेवतेऽन्वहम्

dhanyā sumitrā sutarāṃ vīrasūḥ svapatipriyā | yasyāstanūjo rāmasya caraṇau sevate'nvaham

Sanskrit only: no published translation is held for this verse.

यत्र ग्रामे स्थितो नूनं भरतो भ्रातृवत्सलः । विलापं प्रकरोत्युच्चैस्तं ग्रामं स ददर्श ह

yatra grāme sthito nūnaṃ bharato bhrātṛvatsalaḥ | vilāpaṃ prakarotyuccaistaṃ grāmaṃ sa dadarśa ha

Sanskrit only: no published translation is held for this verse.