Library·Padma Purāṇa·5·5.10
शेष उवाच। इत्थं संशृण्वतो धर्मान्वसंतः समुपस्थितः । यत्र यज्ञ क्रियादीनां प्रारंभः सुमहात्मनाम्
śeṣa uvāca| itthaṃ saṃśṛṇvato dharmānvasaṃtaḥ samupasthitaḥ | yatra yajña kriyādīnāṃ prāraṃbhaḥ sumahātmanām
Sanskrit only: no published translation is held for this verse.
दृष्ट्वा तं समयं धीमान्वसिष्ठः कलशोद्भवः । रामचंद्रं महाराजं प्रत्युवाच यथोचितम्
dṛṣṭvā taṃ samayaṃ dhīmānvasiṣṭhaḥ kalaśodbhavaḥ | rāmacaṃdraṃ mahārājaṃ pratyuvāca yathocitam
Sanskrit only: no published translation is held for this verse.
वसिष्ठ उवाच। रामचंद्र महाबाहो समयः पर्यभूत्तव । हयो यत्र प्रमुच्येत यज्ञार्थं परिपूजितः
vasiṣṭha uvāca| rāmacaṃdra mahābāho samayaḥ paryabhūttava | hayo yatra pramucyeta yajñārthaṃ paripūjitaḥ
Sanskrit only: no published translation is held for this verse.
सामग्री क्रियतां तत्र आहूयंतां द्विजोत्तमाः । करोतु पूजां भगवान्ब्राह्मणानां यथोचिताम्
sāmagrī kriyatāṃ tatra āhūyaṃtāṃ dvijottamāḥ | karotu pūjāṃ bhagavānbrāhmaṇānāṃ yathocitām
Sanskrit only: no published translation is held for this verse.
दीनांधकृपणानां च दानं स्वांते समुत्थितम् । ददातु विधिवत्तेषां प्रतिपूज्याधिमान्य च
dīnāṃdhakṛpaṇānāṃ ca dānaṃ svāṃte samutthitam | dadātu vidhivatteṣāṃ pratipūjyādhimānya ca
Sanskrit only: no published translation is held for this verse.
भवान्कनकसत्पत्न्या दीक्षितोऽत्र व्रतं चर । भूमिशायी ब्रह्मचारी वसुभोगविवर्जितः
bhavānkanakasatpatnyā dīkṣito'tra vrataṃ cara | bhūmiśāyī brahmacārī vasubhogavivarjitaḥ
Sanskrit only: no published translation is held for this verse.
मृगशृंगधरः कट्यां मेखलाजिनदंडभृत् । करोतु यज्ञसंभारं सर्वद्रव्यसमन्वितम्
mṛgaśṛṃgadharaḥ kaṭyāṃ mekhalājinadaṃḍabhṛt | karotu yajñasaṃbhāraṃ sarvadravyasamanvitam
Sanskrit only: no published translation is held for this verse.
इति श्रुत्वा महद्वाक्यं वसिष्ठस्य यथार्थकम् । उवाच लक्ष्मणं धीमान्नानार्थपरिबृंहितम्
iti śrutvā mahadvākyaṃ vasiṣṭhasya yathārthakam | uvāca lakṣmaṇaṃ dhīmānnānārthaparibṛṃhitam
Sanskrit only: no published translation is held for this verse.
श्रीराम उवाच। शृणु लक्ष्मण मद्वाक्यं श्रुत्वा तत्कुरु सत्वरम् । हयमानय यत्नेन वाजिमेधक्रियोचितम्
śrīrāma uvāca| śṛṇu lakṣmaṇa madvākyaṃ śrutvā tatkuru satvaram | hayamānaya yatnena vājimedhakriyocitam
Sanskrit only: no published translation is held for this verse.
शेष उवाच। श्रुत्वा वाक्यं रघुपतेः शत्रुजिल्लक्ष्मणस्तदा । सेनापतिमुवाचेदं वचो विविधवर्णनम्
śeṣa uvāca| śrutvā vākyaṃ raghupateḥ śatrujillakṣmaṇastadā | senāpatimuvācedaṃ vaco vividhavarṇanam
Sanskrit only: no published translation is held for this verse.
लक्ष्मण उवाच। वीराकर्णय मे वचः सुमधुरं श्रुत्वा त्वरातः पुनः । कार्यं तत्क्षितिपालमौलिमुकुटैर्घृष्टांघ्रि रामाज्ञया । सेनां कालबलप्रभंजनबलप्रोद्यत्समर्थांगिनीं । सज्जां सद्रथहस्तिपत्तिसुहयारोहैर्विधे ह्यन्विताम्
lakṣmaṇa uvāca| vīrākarṇaya me vacaḥ sumadhuraṃ śrutvā tvarātaḥ punaḥ | kāryaṃ tatkṣitipālamaulimukuṭairghṛṣṭāṃghri rāmājñayā | senāṃ kālabalaprabhaṃjanabalaprodyatsamarthāṃginīṃ | sajjāṃ sadrathahastipattisuhayārohairvidhe hyanvitām
Sanskrit only: no published translation is held for this verse.
सज्जीयतां वायुजवास्तुरंगास्तरंगमाला ललितांघ्रिपाताः । सदश्वचारैर्बहुशस्त्रधारिभिः संरोहिता वैरिबलप्रहारिभिः
sajjīyatāṃ vāyujavāsturaṃgāstaraṃgamālā lalitāṃghripātāḥ | sadaśvacārairbahuśastradhāribhiḥ saṃrohitā vairibalaprahāribhiḥ
Sanskrit only: no published translation is held for this verse.
संलक्ष्यतां हस्तिनः पर्वताभा आधोरणैः प्रासकुंताग्रहस्तैः । शूरैः सास्त्रैर्भूरिदानोपहाराः क्षीबाणस्ते सर्वशस्त्रास्त्रपूर्णाः
saṃlakṣyatāṃ hastinaḥ parvatābhā ādhoraṇaiḥ prāsakuṃtāgrahastaiḥ | śūraiḥ sāstrairbhūridānopahārāḥ kṣībāṇaste sarvaśastrāstrapūrṇāḥ
Sanskrit only: no published translation is held for this verse.
विततबहुसमृद्धिभ्राजमाना रथा मे पवनजवनवेगैर्वाजिभिर्युज्यमानाः । विविधरिपुविनाशस्मारकैरायुधास्त्रैर्भृतवलभिविभागानीयतां सूतवृंदैः
vitatabahusamṛddhibhrājamānā rathā me pavanajavanavegairvājibhiryujyamānāḥ | vividharipuvināśasmārakairāyudhāstrairbhṛtavalabhivibhāgānīyatāṃ sūtavṛṃdaiḥ
Sanskrit only: no published translation is held for this verse.
पत्तयः शतशो मह्यमायांत्वस्त्राग्न्यपाणयः । हयमेधार्हवाहस्य रक्षणे विततोद्यमाः
pattayaḥ śataśo mahyamāyāṃtvastrāgnyapāṇayaḥ | hayamedhārhavāhasya rakṣaṇe vitatodyamāḥ
Sanskrit only: no published translation is held for this verse.
इत्याकर्ण्य वचस्तस्य लक्ष्मणस्य महात्मनः । सेनानी कालजिन्नामा कारयामास सज्जताम्
ityākarṇya vacastasya lakṣmaṇasya mahātmanaḥ | senānī kālajinnāmā kārayāmāsa sajjatām
Sanskrit only: no published translation is held for this verse.
दशध्रुवकमंडितो लघुसुरोमशोभान्वितो विविक्तगलशुक्तिभृद्विततकंठको शेमणिः मुखे विशदकांतिधृत्त्वसितकांतिभृत्कर्णयोर्व्यराजत तदाह यो धृतकराग्ररश्मिच्छटः
daśadhruvakamaṃḍito laghusuromaśobhānvito viviktagalaśuktibhṛdvitatakaṃṭhako śemaṇiḥ mukhe viśadakāṃtidhṛttvasitakāṃtibhṛtkarṇayorvyarājata tadāha yo dhṛtakarāgraraśmicchaṭaḥ
Sanskrit only: no published translation is held for this verse.
कलासंशोभितमुखः स्फुरद्रत्नविशोभितः । मुक्ताफलानां मालाभिः शोभितो निर्ययौ हयः
kalāsaṃśobhitamukhaḥ sphuradratnaviśobhitaḥ | muktāphalānāṃ mālābhiḥ śobhito niryayau hayaḥ
Sanskrit only: no published translation is held for this verse.
श्वेतातपत्ररचितः सितचामरशोभितः । बहुशोभापरीतांगो निर्ययौ हयराट्ततः
śvetātapatraracitaḥ sitacāmaraśobhitaḥ | bahuśobhāparītāṃgo niryayau hayarāṭtataḥ
Sanskrit only: no published translation is held for this verse.
अग्रतो मध्यतश्चैके पृष्ठतः सैनिकास्तथा । देवा हरिं यथापूर्वं सेवंते सेवनोचितम्
agrato madhyataścaike pṛṣṭhataḥ sainikāstathā | devā hariṃ yathāpūrvaṃ sevaṃte sevanocitam
Sanskrit only: no published translation is held for this verse.
अथ सैन्यं समाहूय सर्वमाज्ञापयत्तदा । हस्त्यश्वरथपादातवृन्दैः सुबहुसंकुलम्
atha sainyaṃ samāhūya sarvamājñāpayattadā | hastyaśvarathapādātavṛndaiḥ subahusaṃkulam
Sanskrit only: no published translation is held for this verse.
ततस्ततः समेतानां सैन्यानां श्रूयते ध्वनिः । ततो दुंदुभिनादोऽभूत्तस्मिन्पुरवरे तदा
tatastataḥ sametānāṃ sainyānāṃ śrūyate dhvaniḥ | tato duṃdubhinādo'bhūttasminpuravare tadā
Sanskrit only: no published translation is held for this verse.
तन्निनादेन शूराणां प्रियेण महता तदा । कंपंति गिरिशृंगाणि प्रासादा विचलंति च
tanninādena śūrāṇāṃ priyeṇa mahatā tadā | kaṃpaṃti giriśṛṃgāṇi prāsādā vicalaṃti ca
Sanskrit only: no published translation is held for this verse.
हेषारवो महानासीद्वाजिनां मुह्यतां नृप । रथांगघातसंघुष्टा धरा संचलतीव सा
heṣāravo mahānāsīdvājināṃ muhyatāṃ nṛpa | rathāṃgaghātasaṃghuṣṭā dharā saṃcalatīva sā
Sanskrit only: no published translation is held for this verse.
चलितैर्गजयूथैश्च पृथ्वी रुद्धा समंततः । रजस्तु प्रचलत्तत्र जनांतर्द्धानमादधात्
calitairgajayūthaiśca pṛthvī ruddhā samaṃtataḥ | rajastu pracalattatra janāṃtarddhānamādadhāt
Sanskrit only: no published translation is held for this verse.
निर्जगाम महासैन्यं छत्रैः संछाद्य भास्करम् । सेनान्याकालजिन्नाम्ना प्रेरितं जनसंकुलम्
nirjagāma mahāsainyaṃ chatraiḥ saṃchādya bhāskaram | senānyākālajinnāmnā preritaṃ janasaṃkulam
Sanskrit only: no published translation is held for this verse.
गर्जंतस्तलवीराग्र्याः कुर्वंतो रणसंभ्रमम् । रघुनाथस्य यागाय सज्जास्ते प्रययुर्मुदा
garjaṃtastalavīrāgryāḥ kurvaṃto raṇasaṃbhramam | raghunāthasya yāgāya sajjāste prayayurmudā
Sanskrit only: no published translation is held for this verse.
मृगमदमयमंगेष्वंगरागं दधानाः कुसुमविमलमालाशोभितस्वोत्तमांगाः । मुकुटकटकभूषाभूषितांगाः समस्ताः प्रययुरवनिनाथप्रेरितास्तेऽपि सर्वे
mṛgamadamayamaṃgeṣvaṃgarāgaṃ dadhānāḥ kusumavimalamālāśobhitasvottamāṃgāḥ | mukuṭakaṭakabhūṣābhūṣitāṃgāḥ samastāḥ prayayuravanināthapreritāste'pi sarve
Sanskrit only: no published translation is held for this verse.
इत्येवं ते महाराजं ययुः सेनाचरा वराः । धनुर्धराः पाशधराः खड्गधाराः स्फुटक्रमाः
ityevaṃ te mahārājaṃ yayuḥ senācarā varāḥ | dhanurdharāḥ pāśadharāḥ khaḍgadhārāḥ sphuṭakramāḥ
Sanskrit only: no published translation is held for this verse.
एवं शनैःशनैः प्राप्तो मंडपं यागचिह्नितम् । हयः खुरक्षततलां भूमिं कुर्वन्नभः प्लवन्
evaṃ śanaiḥśanaiḥ prāpto maṃḍapaṃ yāgacihnitam | hayaḥ khurakṣatatalāṃ bhūmiṃ kurvannabhaḥ plavan
Sanskrit only: no published translation is held for this verse.
रामो दृष्ट्वा हरिं प्राप्तं बहुसंतुष्टमानसः । वसिष्ठं प्रेरयामास क्रियाकर्तव्यतां प्रति
rāmo dṛṣṭvā hariṃ prāptaṃ bahusaṃtuṣṭamānasaḥ | vasiṣṭhaṃ prerayāmāsa kriyākartavyatāṃ prati
Sanskrit only: no published translation is held for this verse.
वसिष्ठो राममाहूय स्वर्णपत्नीसमन्वितम् । प्रयोगं कारयामास ब्रह्महत्यापनोदनम्
vasiṣṭho rāmamāhūya svarṇapatnīsamanvitam | prayogaṃ kārayāmāsa brahmahatyāpanodanam
Sanskrit only: no published translation is held for this verse.
ब्रह्मचर्यव्रतधरो मृगशृंगपरिग्रहः । तत्कर्म कारयामास रामः परपुरंजयः
brahmacaryavratadharo mṛgaśṛṃgaparigrahaḥ | tatkarma kārayāmāsa rāmaḥ parapuraṃjayaḥ
Sanskrit only: no published translation is held for this verse.
प्रारेभे यागकर्मार्थं कुंडं मण्डपसंमितम् । तत्राचार्योभवद्धीमान्वेदशास्त्रविचारवित्
prārebhe yāgakarmārthaṃ kuṃḍaṃ maṇḍapasaṃmitam | tatrācāryobhavaddhīmānvedaśāstravicāravit
Sanskrit only: no published translation is held for this verse.
वसिष्ठो रघुनाथस्य कुलपूर्वगुरुर्मुनिः । ब्रह्मंस्तत्राचरद्ब्रह्मकर्मागस्त्यस्तपोनिधिः
vasiṣṭho raghunāthasya kulapūrvagururmuniḥ | brahmaṃstatrācaradbrahmakarmāgastyastaponidhiḥ
Sanskrit only: no published translation is held for this verse.
वाल्मीकिर्मुनिरध्वर्युर्मुनिः कण्वस्तु द्वारपः । अष्टौ द्वाराणि तत्रासन्सतोरण शुभानि वै
vālmīkirmuniradhvaryurmuniḥ kaṇvastu dvārapaḥ | aṣṭau dvārāṇi tatrāsansatoraṇa śubhāni vai
Sanskrit only: no published translation is held for this verse.
द्वारि द्वारि द्वयं विप्र ब्राह्मणस्याधिमंत्रवित् । पूर्वद्वारि मुनिश्रेष्ठौ देवलासित संज्ञितौ
dvāri dvāri dvayaṃ vipra brāhmaṇasyādhimaṃtravit | pūrvadvāri muniśreṣṭhau devalāsita saṃjñitau
Sanskrit only: no published translation is held for this verse.
दक्षिणद्वारि भूमानौ कश्यपात्री तपोनिधी । पश्चिमद्वारि ऋषभौ जातूकर्ण्योऽथ जाजलिः
dakṣiṇadvāri bhūmānau kaśyapātrī taponidhī | paścimadvāri ṛṣabhau jātūkarṇyo'tha jājaliḥ
Sanskrit only: no published translation is held for this verse.
उत्तरद्वारि तु मुनी द्वौ द्वितैकत तापसौ । एवं द्वारविधिं कृत्वा वसिष्ठः कलशोद्भवः
uttaradvāri tu munī dvau dvitaikata tāpasau | evaṃ dvāravidhiṃ kṛtvā vasiṣṭhaḥ kalaśodbhavaḥ
Sanskrit only: no published translation is held for this verse.
हयवर्यस्य सत्पूजां कर्तुमारभत द्विज । सुवासिन्यः स्त्रियस्तत्र वासोलंकारभूषिताः
hayavaryasya satpūjāṃ kartumārabhata dvija | suvāsinyaḥ striyastatra vāsolaṃkārabhūṣitāḥ
Sanskrit only: no published translation is held for this verse.
हरिद्राक्षतगंधाद्यैः पूजयामासुरर्चितम् । नीराजनं ततः कृत्वा धूपयित्वागुरूक्षणैः
haridrākṣatagaṃdhādyaiḥ pūjayāmāsurarcitam | nīrājanaṃ tataḥ kṛtvā dhūpayitvāgurūkṣaṇaiḥ
Sanskrit only: no published translation is held for this verse.
वर्धापनं ततो वेश्याश्चक्रुस्ता वाडवाज्ञया । एवं संपूज्य विमले भाले चंदनचर्चिते
vardhāpanaṃ tato veśyāścakrustā vāḍavājñayā | evaṃ saṃpūjya vimale bhāle caṃdanacarcite
Sanskrit only: no published translation is held for this verse.
कुंकुमादिकगंधाढ्ये सर्वशोभासमन्विते । बबंध भास्वरं पत्रं तप्तहाटकनिर्मितम्
kuṃkumādikagaṃdhāḍhye sarvaśobhāsamanvite | babaṃdha bhāsvaraṃ patraṃ taptahāṭakanirmitam
Sanskrit only: no published translation is held for this verse.
तत्रालिखद्दाशरथेः प्रतापबलमूर्जितम् । सूर्यवंशध्वजो धन्वी धनुर्दीक्षा गुरुर्गुरुः
tatrālikhaddāśaratheḥ pratāpabalamūrjitam | sūryavaṃśadhvajo dhanvī dhanurdīkṣā gururguruḥ
Sanskrit only: no published translation is held for this verse.
यं देवाः सासुराः सर्वे नमंति मणिमौलिभिः । तस्यात्मजो वीरबलदर्पहारी रघूद्वहः
yaṃ devāḥ sāsurāḥ sarve namaṃti maṇimaulibhiḥ | tasyātmajo vīrabaladarpahārī raghūdvahaḥ
Sanskrit only: no published translation is held for this verse.
रामचंद्रो महाभागः सर्वशूरशिरोमणिः । तन्माता कोसलनृपपत्नीगर्भसमुद्भवा
rāmacaṃdro mahābhāgaḥ sarvaśūraśiromaṇiḥ | tanmātā kosalanṛpapatnīgarbhasamudbhavā
Sanskrit only: no published translation is held for this verse.
तस्याः कुक्षिभवं रत्नं रामः शत्रुक्षयंकरः । करोति हयमेधं वै ब्राह्मणेन सुशिक्षितः
tasyāḥ kukṣibhavaṃ ratnaṃ rāmaḥ śatrukṣayaṃkaraḥ | karoti hayamedhaṃ vai brāhmaṇena suśikṣitaḥ
Sanskrit only: no published translation is held for this verse.
रावणाभिधविप्रेंद्र वधपापापनुत्तये । मोचितस्तेन वाहानां मुख्योऽसौ वाजिनां वरः
rāvaṇābhidhavipreṃdra vadhapāpāpanuttaye | mocitastena vāhānāṃ mukhyo'sau vājināṃ varaḥ
Sanskrit only: no published translation is held for this verse.
महाबलपरीवार परिखाभिः सुरक्षितः । तद्रक्षकोऽस्ति तद्भ्राता शत्रुघ्नो लवणांतकः
mahābalaparīvāra parikhābhiḥ surakṣitaḥ | tadrakṣako'sti tadbhrātā śatrughno lavaṇāṃtakaḥ
Sanskrit only: no published translation is held for this verse.
हस्त्यश्वरथपादात सेनासंघसमन्वितः । यस्य राज्ञ इति श्रेष्ठो मानः स्यात्स्वबलोन्मदात्
hastyaśvarathapādāta senāsaṃghasamanvitaḥ | yasya rājña iti śreṣṭho mānaḥ syātsvabalonmadāt
Sanskrit only: no published translation is held for this verse.
वयं धनुर्धराः शूराः श्रेष्ठा वयमिहोत्कटाः । ते गृह्णंतु बलाद्वाहं रत्नमालाविभूषितम्
vayaṃ dhanurdharāḥ śūrāḥ śreṣṭhā vayamihotkaṭāḥ | te gṛhṇaṃtu balādvāhaṃ ratnamālāvibhūṣitam
Sanskrit only: no published translation is held for this verse.
मनोवेगं कामजवं सर्वगत्यधिभास्वरम् । ततो मोचयिता भ्राता शत्रुघ्नो लीलया हयम्
manovegaṃ kāmajavaṃ sarvagatyadhibhāsvaram | tato mocayitā bhrātā śatrughno līlayā hayam
Sanskrit only: no published translation is held for this verse.
शरासनविनिर्मुक्त वत्सदंतैः शिखाशितैः
śarāsanavinirmukta vatsadaṃtaiḥ śikhāśitaiḥ
Sanskrit only: no published translation is held for this verse.
इत्येवमादि विलिलेख महामुनींद्रः । श्रीरामचंद्र भुजवीर्यलसत्प्रतापम् । शोभानिधानमतिचंचलवायुवेगं । पातालभूतलविशेषगतिं मुमोच
ityevamādi vililekha mahāmunīṃdraḥ | śrīrāmacaṃdra bhujavīryalasatpratāpam | śobhānidhānamaticaṃcalavāyuvegaṃ | pātālabhūtalaviśeṣagatiṃ mumoca
Sanskrit only: no published translation is held for this verse.
शत्रुघ्नमादिदेशाथ रामः शस्त्रभृतां वरः । याहि वाहस्य रक्षार्थं पृष्ठतः स्वैरगामिनः
śatrughnamādideśātha rāmaḥ śastrabhṛtāṃ varaḥ | yāhi vāhasya rakṣārthaṃ pṛṣṭhataḥ svairagāminaḥ
Sanskrit only: no published translation is held for this verse.
शत्रुघ्न गच्छ वाहस्य मार्गं भद्रं भवेत्तव । भवेतां शत्रुविजयौ रिपुकर्षण ते भुजौ
śatrughna gaccha vāhasya mārgaṃ bhadraṃ bhavettava | bhavetāṃ śatruvijayau ripukarṣaṇa te bhujau
Sanskrit only: no published translation is held for this verse.
ये योद्धारः प्रतिरणगतास्ते त्वया वारणीया-। वाहं रक्ष स्वकगुणगणैः संयुतः सन्महोर्व्याम् । सुप्तान्भ्रष्टान्विगतवसनान्भीतभीतांस्तु नम्रां-। स्तान्मा हन्याः सुकृतकृतिनो येन शंसंति कर्म
ye yoddhāraḥ pratiraṇagatāste tvayā vāraṇīyā-| vāhaṃ rakṣa svakaguṇagaṇaiḥ saṃyutaḥ sanmahorvyām | suptānbhraṣṭānvigatavasanānbhītabhītāṃstu namrāṃ-| stānmā hanyāḥ sukṛtakṛtino yena śaṃsaṃti karma
Sanskrit only: no published translation is held for this verse.
विरथा भयसंत्रस्ता ये वदंति वयं तव । ते त्वया न हि हंतव्याः शत्रुघ्न सुकृतैषिणा
virathā bhayasaṃtrastā ye vadaṃti vayaṃ tava | te tvayā na hi haṃtavyāḥ śatrughna sukṛtaiṣiṇā
Sanskrit only: no published translation is held for this verse.
यो हन्याद्विमदं मत्तं सुप्तं मग्नं भयातुरम् । तावकोऽहं ब्रुवाणं च स व्रजत्यधमां गतिम्
yo hanyādvimadaṃ mattaṃ suptaṃ magnaṃ bhayāturam | tāvako'haṃ bruvāṇaṃ ca sa vrajatyadhamāṃ gatim
Sanskrit only: no published translation is held for this verse.
परस्वे चित्तवृत्तिं त्वं मा कृथाः पारदारिके । नीचे रतिं न कुर्वीथाः सर्वसद्गुणपूरितः
parasve cittavṛttiṃ tvaṃ mā kṛthāḥ pāradārike | nīce ratiṃ na kurvīthāḥ sarvasadguṇapūritaḥ
Sanskrit only: no published translation is held for this verse.
वृद्धानां प्रेरणं पूर्वं मा कुर्वीथा रणं जय । पूज्यपूजातिक्रमं त्वं मा विधेहि दयान्वितः
vṛddhānāṃ preraṇaṃ pūrvaṃ mā kurvīthā raṇaṃ jaya | pūjyapūjātikramaṃ tvaṃ mā vidhehi dayānvitaḥ
Sanskrit only: no published translation is held for this verse.
गां विप्रं च नमस्कुर्या वैष्णवं धर्मसंयुतम् । अभिवाद्य यतो गच्छेस्तत्र सिद्धिमवाप्नुयाः
gāṃ vipraṃ ca namaskuryā vaiṣṇavaṃ dharmasaṃyutam | abhivādya yato gacchestatra siddhimavāpnuyāḥ
Sanskrit only: no published translation is held for this verse.
विष्णुः सर्वेश्वरः साक्षी सर्वव्यापकदेहभृत् । ये तदीया महाबाहो तद्रूपा विचरंति हि
viṣṇuḥ sarveśvaraḥ sākṣī sarvavyāpakadehabhṛt | ye tadīyā mahābāho tadrūpā vicaraṃti hi
Sanskrit only: no published translation is held for this verse.
ये स्मरंति महाविष्णुं सर्वभूतहृदि स्थितम् । ते मंतव्या महाविष्णु समरूपा रघूद्वह
ye smaraṃti mahāviṣṇuṃ sarvabhūtahṛdi sthitam | te maṃtavyā mahāviṣṇu samarūpā raghūdvaha
Sanskrit only: no published translation is held for this verse.
यस्य स्वीयो न पारक्यो यस्य मित्रसमो रिपुः । ते वैष्णवाः क्षणादेव पापिनं पावयंति हि
yasya svīyo na pārakyo yasya mitrasamo ripuḥ | te vaiṣṇavāḥ kṣaṇādeva pāpinaṃ pāvayaṃti hi
Sanskrit only: no published translation is held for this verse.
येषां प्रियं भागवतं येषां वै ब्राह्मणाः प्रियाः । वैकुंठात्प्रेषितास्तेऽत्र लोकपावनहेतवे
yeṣāṃ priyaṃ bhāgavataṃ yeṣāṃ vai brāhmaṇāḥ priyāḥ | vaikuṃṭhātpreṣitāste'tra lokapāvanahetave
Sanskrit only: no published translation is held for this verse.
येषां वक्त्रे हरेर्नाम हृदि विष्णुः सनातनः । उदरे विष्णुनैवेद्यः स श्वपाकोऽपि वैष्णवः
yeṣāṃ vaktre harernāma hṛdi viṣṇuḥ sanātanaḥ | udare viṣṇunaivedyaḥ sa śvapāko'pi vaiṣṇavaḥ
Sanskrit only: no published translation is held for this verse.
येषां वेदाः प्रियतमा न च संसारजं सुखम् । स्वधर्मनिरता ये च तान्नमस्कुर्विहान्वितान्
yeṣāṃ vedāḥ priyatamā na ca saṃsārajaṃ sukham | svadharmaniratā ye ca tānnamaskurvihānvitān
Sanskrit only: no published translation is held for this verse.
शिवे विष्णौ न वा भेदो न च ब्रह्ममहेशयोः । तेषां पादरजः पूतं वहाम्यघविनाशनम्
śive viṣṇau na vā bhedo na ca brahmamaheśayoḥ | teṣāṃ pādarajaḥ pūtaṃ vahāmyaghavināśanam
Sanskrit only: no published translation is held for this verse.
गौरी गंगा महालक्ष्मीर्यस्य नास्ति पृथक्तया । ते मंतव्या नराः सर्वे स्वर्गलोकादिहागताः
gaurī gaṃgā mahālakṣmīryasya nāsti pṛthaktayā | te maṃtavyā narāḥ sarve svargalokādihāgatāḥ
Sanskrit only: no published translation is held for this verse.
शरणागतरक्षी च मानदानपरायणः । यथाशक्ति हरेः प्रीत्यै स ज्ञेयो वैष्णवोत्तमः
śaraṇāgatarakṣī ca mānadānaparāyaṇaḥ | yathāśakti hareḥ prītyai sa jñeyo vaiṣṇavottamaḥ
Sanskrit only: no published translation is held for this verse.
यस्य नाम महापापराशिं दहति सत्वरम् । तदीय चरणद्वंद्वे भक्तिर्यस्य स वैष्णवः
yasya nāma mahāpāparāśiṃ dahati satvaram | tadīya caraṇadvaṃdve bhaktiryasya sa vaiṣṇavaḥ
Sanskrit only: no published translation is held for this verse.
इंद्रियाणि वशे येषां मनोऽपि हरिचिंतकम् । तान्नमस्कृत्य पूयात्सह्या जन्ममरणांतिकात्
iṃdriyāṇi vaśe yeṣāṃ mano'pi hariciṃtakam | tānnamaskṛtya pūyātsahyā janmamaraṇāṃtikāt
Sanskrit only: no published translation is held for this verse.
परस्त्रियं त्वं करवालवत्त्यजन्भवेर्यशोभूषणभूतिभूमिः । एवं ममादेशमथाचरंश्च लभेः परं धाम सुयोगमीड्यम्
parastriyaṃ tvaṃ karavālavattyajanbhaveryaśobhūṣaṇabhūtibhūmiḥ | evaṃ mamādeśamathācaraṃśca labheḥ paraṃ dhāma suyogamīḍyam
Sanskrit only: no published translation is held for this verse.