यम उवाच- अथ कालकटाक्षेण लक्षितो नृपतिस्तदा । मृतोऽतिरतिसेवोत्थ क्षयक्षीणकलेवरः
yama uvāca- atha kālakaṭākṣeṇa lakṣito nṛpatistadā | mṛto'tiratisevottha kṣayakṣīṇakalevaraḥ
Sanskrit only: no published translation is held for this verse.
Library·Padma Purāṇa·5·5.101
Padma Purāṇa 5.101
नीयमानो यमगणैस्ताड्यमानो मुहुर्मुहुः । क्रन्दमानो महारावान्स स्मरन्निजपातकम्
nīyamāno yamagaṇaistāḍyamāno muhurmuhuḥ | krandamāno mahārāvānsa smarannijapātakam
Sanskrit only: no published translation is held for this verse.
विष्णुदूतैः समागम्य ताडयित्वा ममानुगान् । धर्मवानयमित्युक्त्वा विमानमथ रोपितः
viṣṇudūtaiḥ samāgamya tāḍayitvā mamānugān | dharmavānayamityuktvā vimānamatha ropitaḥ
Sanskrit only: no published translation is held for this verse.
नीतो हरिपुरं भूपः स्तूयमानोऽप्सरोगणैः । प्रातःस्नानेन वैशाखमासस्य क्षीणपातकः
nīto haripuraṃ bhūpaḥ stūyamāno'psarogaṇaiḥ | prātaḥsnānena vaiśākhamāsasya kṣīṇapātakaḥ
Sanskrit only: no published translation is held for this verse.
अथ धर्मविहीनोऽयमिति मत्वा च तैः पुनः । देवदूतैर्निदेशेन विष्णोर्भूमिपतिस्तदा । अदूरादेव निरयवर्त्मना स समाहितः
atha dharmavihīno'yamiti matvā ca taiḥ punaḥ | devadūtairnideśena viṣṇorbhūmipatistadā | adūrādeva nirayavartmanā sa samāhitaḥ
Sanskrit only: no published translation is held for this verse.
स गच्छन्नपि शुश्राव जीवानां क्रंदतां पुनः । निरये पच्यमानानामारावं विविधं तदा
sa gacchannapi śuśrāva jīvānāṃ kraṃdatāṃ punaḥ | niraye pacyamānānāmārāvaṃ vividhaṃ tadā
Sanskrit only: no published translation is held for this verse.
पापिनां क्वथ्यमानानामाक्रंदमतिदारुणम् । श्रुत्वा विस्मयवान्विप्र राजाभूदतिदुःखितः
pāpināṃ kvathyamānānāmākraṃdamatidāruṇam | śrutvā vismayavānvipra rājābhūdatiduḥkhitaḥ
Sanskrit only: no published translation is held for this verse.
प्रोवाच दूताः किमयमाक्रंदो दारुणः श्रुतः । पुनर्न श्रूयते तन्मे कारणं वक्तुमर्हथ
provāca dūtāḥ kimayamākraṃdo dāruṇaḥ śrutaḥ | punarna śrūyate tanme kāraṇaṃ vaktumarhatha
Sanskrit only: no published translation is held for this verse.
दूता ऊचु- जंतवस्त्यक्तमर्यादाः पापास्त्वाचारवर्जिताः । निरयेषु च घोरेषु तामिस्रादिषु पातिताः
dūtā ūcu- jaṃtavastyaktamaryādāḥ pāpāstvācāravarjitāḥ | nirayeṣu ca ghoreṣu tāmisrādiṣu pātitāḥ
Sanskrit only: no published translation is held for this verse.
कृतपातकिनस्त्वत्र प्राणत्यागादनंतरम् । याम्यं पंथानमाश्रित्य दुःखमश्नंति दारुणम्
kṛtapātakinastvatra prāṇatyāgādanaṃtaram | yāmyaṃ paṃthānamāśritya duḥkhamaśnaṃti dāruṇam
Sanskrit only: no published translation is held for this verse.
यमस्य पुरुषैर्घोरैः कृष्यमाणा इतस्ततः । अंधकारे निपतिता भक्ष्यंते ह्यतिदारुणैः
yamasya puruṣairghoraiḥ kṛṣyamāṇā itastataḥ | aṃdhakāre nipatitā bhakṣyaṃte hyatidāruṇaiḥ
Sanskrit only: no published translation is held for this verse.
श्वभिः शृगालैः क्रव्यादैः काककंकबकादिभिः । अग्नितुंडैर्वृकव्याघ्रैर्भुजगैर्वृश्चिकादिभिः
śvabhiḥ śṛgālaiḥ kravyādaiḥ kākakaṃkabakādibhiḥ | agnituṃḍairvṛkavyāghrairbhujagairvṛścikādibhiḥ
Sanskrit only: no published translation is held for this verse.
अग्निना दाह्यमानाश्च तुद्यमानाश्च कंटकैः । क्रकचैः पाट्यमानाश्च पीड्यमानाश्च तृष्णया
agninā dāhyamānāśca tudyamānāśca kaṃṭakaiḥ | krakacaiḥ pāṭyamānāśca pīḍyamānāśca tṛṣṇayā
Sanskrit only: no published translation is held for this verse.
क्षुधया बाध्यमानाश्च घोरैर्व्याधिगणैस्तथा । पूयशोणितगंधेन मूर्छ्यमानाः पदेपदे
kṣudhayā bādhyamānāśca ghorairvyādhigaṇaistathā | pūyaśoṇitagaṃdhena mūrchyamānāḥ padepade
Sanskrit only: no published translation is held for this verse.
क्वाथ्यंते च क्वचित्तैलैस्ताड्यन्ते मुशलैः क्वचित् । आयसीषु प्रपच्यंते शिलासु क्वचिदेव च
kvāthyaṃte ca kvacittailaistāḍyante muśalaiḥ kvacit | āyasīṣu prapacyaṃte śilāsu kvacideva ca
Sanskrit only: no published translation is held for this verse.
क्वचिद्वांतमथाश्नंति क्वचित्पूयमसृक्क्वचित् । क्वचिद्विष्ठां क्वचिन्मांसं पूतिगंधिषु दारुणम्
kvacidvāṃtamathāśnaṃti kvacitpūyamasṛkkvacit | kvacidviṣṭhāṃ kvacinmāṃsaṃ pūtigaṃdhiṣu dāruṇam
Sanskrit only: no published translation is held for this verse.
कृमिभिर्भक्ष्यमाणाश्च वह्नितुंडैः क्वचित्क्वचित् । केशशोणितमांसासृग्वसास्थिनिकरेषु च
kṛmibhirbhakṣyamāṇāśca vahnituṃḍaiḥ kvacitkvacit | keśaśoṇitamāṃsāsṛgvasāsthinikareṣu ca
Sanskrit only: no published translation is held for this verse.
अस्थिताः कुणपाः कीर्णाः कृमिभिर्भक्षिताः स्फुटम् । काककंकमहागृध्रवदनैर्ध्वंसितेषु च
asthitāḥ kuṇapāḥ kīrṇāḥ kṛmibhirbhakṣitāḥ sphuṭam | kākakaṃkamahāgṛdhravadanairdhvaṃsiteṣu ca
Sanskrit only: no published translation is held for this verse.
शिवदुर्गंधनीरंध्र संघट्टशतकोटिषु । करपत्रशिलापत्रतप्त निस्तैलकेषु च
śivadurgaṃdhanīraṃdhra saṃghaṭṭaśatakoṭiṣu | karapatraśilāpatratapta nistailakeṣu ca
Sanskrit only: no published translation is held for this verse.
लोहतैलवसास्तंभ कूटशाल्मलसद्मसु । क्षुरकंटककीलोग्र ज्वालास्तंभविभातिषु
lohatailavasāstaṃbha kūṭaśālmalasadmasu | kṣurakaṃṭakakīlogra jvālāstaṃbhavibhātiṣu
Sanskrit only: no published translation is held for this verse.
तप्तं वैतरणीपूयपूरितेषु पृथक्पृथक् । असिपत्रवनोत्कृत्त नरनारीस्तनेषु च
taptaṃ vaitaraṇīpūyapūriteṣu pṛthakpṛthak | asipatravanotkṛtta naranārīstaneṣu ca
Sanskrit only: no published translation is held for this verse.
घोरांधकारग्रहणदारुणेषु मुहुर्मुहुः । पापच्यमानाः क्रंदंतो दारुणैर्विविधैर्वधैः
ghorāṃdhakāragrahaṇadāruṇeṣu muhurmuhuḥ | pāpacyamānāḥ kraṃdaṃto dāruṇairvividhairvadhaiḥ
Sanskrit only: no published translation is held for this verse.
कंठेषु बद्धपाशाश्च भुजगावेष्टिताः क्वचित् । पीड्यमानास्तथा यंत्रैः कृष्यमाणाश्च जानुभिः
kaṃṭheṣu baddhapāśāśca bhujagāveṣṭitāḥ kvacit | pīḍyamānāstathā yaṃtraiḥ kṛṣyamāṇāśca jānubhiḥ
Sanskrit only: no published translation is held for this verse.
भग्नपृष्ठशिरोग्रीवाः स्तब्धकंठाः सुदारुणाः । कूटागारे भ्राम्यमाणाः शरीरैर्यातनाक्षमैः
bhagnapṛṣṭhaśirogrīvāḥ stabdhakaṃṭhāḥ sudāruṇāḥ | kūṭāgāre bhrāmyamāṇāḥ śarīrairyātanākṣamaiḥ
Sanskrit only: no published translation is held for this verse.
पीड्यंते पापिनो राजन्क्रंदमाना विकर्मिणः । सहितं विषयास्वादैः क्रंदनं तैर्विधीयते
pīḍyaṃte pāpino rājankraṃdamānā vikarmiṇaḥ | sahitaṃ viṣayāsvādaiḥ kraṃdanaṃ tairvidhīyate
Sanskrit only: no published translation is held for this verse.
भुज्यते च कृतं पूर्वमेतत्सर्वैश्च जंतुभिः । परस्त्रीषु कृतः संगः प्रीतये दुःखदो हि सः
bhujyate ca kṛtaṃ pūrvametatsarvaiśca jaṃtubhiḥ | parastrīṣu kṛtaḥ saṃgaḥ prītaye duḥkhado hi saḥ
Sanskrit only: no published translation is held for this verse.
मुहूर्तविषयास्वादो जातोऽनेकाब्ददुःखदः । वपुषस्तव राजेंद्र प्रातःस्नानस्य माधवे
muhūrtaviṣayāsvādo jāto'nekābdaduḥkhadaḥ | vapuṣastava rājeṃdra prātaḥsnānasya mādhave
Sanskrit only: no published translation is held for this verse.
विधिना पावनस्यैते प्राप्य स्पर्शं च मारुतः । लब्धसौख्याः क्षणं जाता महसाप्यायितास्तव
vidhinā pāvanasyaite prāpya sparśaṃ ca mārutaḥ | labdhasaukhyāḥ kṣaṇaṃ jātā mahasāpyāyitāstava
Sanskrit only: no published translation is held for this verse.
आक्रंदरहितास्तेन जातास्ते निरये स्थिताः । नामापि पुण्यशीलानां श्रुतं सौख्याय कीर्तितम्
ākraṃdarahitāstena jātāste niraye sthitāḥ | nāmāpi puṇyaśīlānāṃ śrutaṃ saukhyāya kīrtitam
Sanskrit only: no published translation is held for this verse.
जायते तद्वपुस्पर्शवायुस्पर्शः सुखावहः । यम उवाच- इति दूतवचः श्रुत्वा स राजा करुणानिधिः
jāyate tadvapusparśavāyusparśaḥ sukhāvahaḥ | yama uvāca- iti dūtavacaḥ śrutvā sa rājā karuṇānidhiḥ
Sanskrit only: no published translation is held for this verse.
प्रत्युवाच हतान्दूतान्विष्णोरद्भुतकर्मणः । कोमलं हृदयं नूनं साधूनां नवनीतवत्
pratyuvāca hatāndūtānviṣṇoradbhutakarmaṇaḥ | komalaṃ hṛdayaṃ nūnaṃ sādhūnāṃ navanītavat
Sanskrit only: no published translation is held for this verse.
वह्निसंतापसंतप्तं तद्यथा द्रवति स्फुटम् । राजोवाच- नार्तं जंतुमहं हित्वा पीडितुं गंतुमुत्सहे
vahnisaṃtāpasaṃtaptaṃ tadyathā dravati sphuṭam | rājovāca- nārtaṃ jaṃtumahaṃ hitvā pīḍituṃ gaṃtumutsahe
Sanskrit only: no published translation is held for this verse.
तं पापिष्ठं धिगार्तानामार्तिं शक्तो न हंति यः । मदंगसंगमोच्छिष्टवायुस्पर्शेन ते यदि
taṃ pāpiṣṭhaṃ dhigārtānāmārtiṃ śakto na haṃti yaḥ | madaṃgasaṃgamocchiṣṭavāyusparśena te yadi
Sanskrit only: no published translation is held for this verse.
जंतवः सुखिनो जातास्तस्मात्तत्र नयंतु माम् । पवित्रयंति जननीमवनीमपि ते नराः
jaṃtavaḥ sukhino jātāstasmāttatra nayaṃtu mām | pavitrayaṃti jananīmavanīmapi te narāḥ
Sanskrit only: no published translation is held for this verse.
परतापच्छिदो ये तु चंदना इव चंदनम् । परोपकृतये ये तु पीड्यंते कृतिनो हि ते
paratāpacchido ye tu caṃdanā iva caṃdanam | paropakṛtaye ye tu pīḍyaṃte kṛtino hi te
Sanskrit only: no published translation is held for this verse.
संतस्त एव ये लोके परदुःखविदारणाः । आर्तानामार्तिनाशार्थं प्राणा येषां तृणोपमाः
saṃtasta eva ye loke paraduḥkhavidāraṇāḥ | ārtānāmārtināśārthaṃ prāṇā yeṣāṃ tṛṇopamāḥ
Sanskrit only: no published translation is held for this verse.
तैरियं धार्यते भूमिर्नरैः परहितोद्यतैः । मनसो यत्सुखं नित्यं तत्स्वर्गो नरकोपमः
tairiyaṃ dhāryate bhūmirnaraiḥ parahitodyataiḥ | manaso yatsukhaṃ nityaṃ tatsvargo narakopamaḥ
Sanskrit only: no published translation is held for this verse.
तस्मात्परसुखेनैव सुखिनः साधवः सदा । वरं निरयपातोऽत्र वरं प्राणवियोजनम्
tasmātparasukhenaiva sukhinaḥ sādhavaḥ sadā | varaṃ nirayapāto'tra varaṃ prāṇaviyojanam
Sanskrit only: no published translation is held for this verse.
न पुनः क्षणमार्तानामार्तिनाशमृते सुखम् । दूता ऊचु- जंतवो निरये घोरे पच्यंते तेत्र पापिनः
na punaḥ kṣaṇamārtānāmārtināśamṛte sukham | dūtā ūcu- jaṃtavo niraye ghore pacyaṃte tetra pāpinaḥ
Sanskrit only: no published translation is held for this verse.
स्वकर्मैवोपजीवंति मोहस्थानं न विद्यते । यैर्न दत्तं न च हुतं तीर्थे स्नानं न वा कृतम्
svakarmaivopajīvaṃti mohasthānaṃ na vidyate | yairna dattaṃ na ca hutaṃ tīrthe snānaṃ na vā kṛtam
Sanskrit only: no published translation is held for this verse.
पुनर्नोपकृतं भक्त्या सुकृतं न कृतं परम् । नेष्टं न तप्तं नो जप्तं यैर्न हृष्टतया नृप
punarnopakṛtaṃ bhaktyā sukṛtaṃ na kṛtaṃ param | neṣṭaṃ na taptaṃ no japtaṃ yairna hṛṣṭatayā nṛpa
Sanskrit only: no published translation is held for this verse.
परस्मिन्निह घोरेषु पच्यंते निरयेषु ते । दुःशीला ये दुराचारा विहाराहारनिंदिताः
parasminniha ghoreṣu pacyaṃte nirayeṣu te | duḥśīlā ye durācārā vihārāhāraniṃditāḥ
Sanskrit only: no published translation is held for this verse.
परापकारिणः पापकारिणो दुर्विहारिणः । विदारिणो हि मर्मोक्त्या पापाः परहृदां हि ये
parāpakāriṇaḥ pāpakāriṇo durvihāriṇaḥ | vidāriṇo hi marmoktyā pāpāḥ parahṛdāṃ hi ye
Sanskrit only: no published translation is held for this verse.
निरये ते विपच्यंते ये परस्त्रीविहारिणः । एहि नूनं महीपाल गच्छामो हरिमंदिरम्
niraye te vipacyaṃte ye parastrīvihāriṇaḥ | ehi nūnaṃ mahīpāla gacchāmo harimaṃdiram
Sanskrit only: no published translation is held for this verse.
न ते पुण्यवता युक्तमिहस्था तु मतः परम् । राजोवाच- यद्यहं सुकृती दूताः कस्मादस्मिन्महाभये
na te puṇyavatā yuktamihasthā tu mataḥ param | rājovāca- yadyahaṃ sukṛtī dūtāḥ kasmādasminmahābhaye
Sanskrit only: no published translation is held for this verse.
नारके पथि वा नीतः किं वा मे सुकृतं परम् । मयापि न कृतं तादृक्सुकृतं कामशालिना
nārake pathi vā nītaḥ kiṃ vā me sukṛtaṃ param | mayāpi na kṛtaṃ tādṛksukṛtaṃ kāmaśālinā
Sanskrit only: no published translation is held for this verse.
कथं पुरि हरेर्गंता संशयानोऽहमस्मि वै । दूता ऊचु- सुकृतं न कृतं सत्यं त्वया कामवशात्मना
kathaṃ puri harergaṃtā saṃśayāno'hamasmi vai | dūtā ūcu- sukṛtaṃ na kṛtaṃ satyaṃ tvayā kāmavaśātmanā
Sanskrit only: no published translation is held for this verse.
नेष्टं यज्ञैर्न वा यज्ञावशिष्टं भवताशितम् । किंतु माधवमासे यद्विधिना वत्सरत्रयम्
neṣṭaṃ yajñairna vā yajñāvaśiṣṭaṃ bhavatāśitam | kiṃtu mādhavamāse yadvidhinā vatsaratrayam
Sanskrit only: no published translation is held for this verse.
प्रातः स्नात्वा गुरुवचः प्रेरितेन पुरा त्वया । भक्त्या संपूजितो विष्णुर्विश्वेशो मधुसूदनः
prātaḥ snātvā guruvacaḥ preritena purā tvayā | bhaktyā saṃpūjito viṣṇurviśveśo madhusūdanaḥ
Sanskrit only: no published translation is held for this verse.
महापापातिपापौघ निहंता भक्तवत्सलः । सर्वधर्मैकसारेण तेनैकेन नरेश्वर
mahāpāpātipāpaugha nihaṃtā bhaktavatsalaḥ | sarvadharmaikasāreṇa tenaikena nareśvara
Sanskrit only: no published translation is held for this verse.
नीयते पुण्यभवनं पूज्यमानो मरुद्गणैः । महतामपि पापानां निहंता माधवोऽर्चितः
nīyate puṇyabhavanaṃ pūjyamāno marudgaṇaiḥ | mahatāmapi pāpānāṃ nihaṃtā mādhavo'rcitaḥ
Sanskrit only: no published translation is held for this verse.
तथैव माधवो मासो मर्त्यानां विधिनोदितः । यथैव विस्फुलिंगेन ज्वाल्यते तृणसंचयः
tathaiva mādhavo māso martyānāṃ vidhinoditaḥ | yathaiva visphuliṃgena jvālyate tṛṇasaṃcayaḥ
Sanskrit only: no published translation is held for this verse.
प्रातःस्नानेन वैशाखे तथाघौघोऽपि दह्यते । तावद्वपुषि पापानि प्रभवंति महान्त्यपि
prātaḥsnānena vaiśākhe tathāghaugho'pi dahyate | tāvadvapuṣi pāpāni prabhavaṃti mahāntyapi
Sanskrit only: no published translation is held for this verse.
यावन्न माधवे मासि तीर्थे मज्जति चोषसि । वैशाखे मासि यो युक्तो यथोक्तनियमैर्नरः
yāvanna mādhave māsi tīrthe majjati coṣasi | vaiśākhe māsi yo yukto yathoktaniyamairnaraḥ
Sanskrit only: no published translation is held for this verse.
हरिभक्त्यैव पापौघैर्मुक्तोऽच्युतगृहं व्रजेत् । आजन्मनो हि सुकृतं यत्त्वया न पुरा कृतम्
haribhaktyaiva pāpaughairmukto'cyutagṛhaṃ vrajet | ājanmano hi sukṛtaṃ yattvayā na purā kṛtam
Sanskrit only: no published translation is held for this verse.
तेन त्वं निरयस्थानमार्गं नीतो नरेश्वर । अथ भूमिपते तूर्णमस्माभिस्तु मरुद्गणैः
tena tvaṃ nirayasthānamārgaṃ nīto nareśvara | atha bhūmipate tūrṇamasmābhistu marudgaṇaiḥ
Sanskrit only: no published translation is held for this verse.
स्तूयमानो विमानेन गच्छ गोविंदमंदिरम्
stūyamāno vimānena gaccha goviṃdamaṃdiram
Sanskrit only: no published translation is held for this verse.
इति श्रीपद्मपुराणे पातालखंडे वैशाखमासमाहात्म्ये । एकोत्तरशततमोऽध्यायः
iti śrīpadmapurāṇe pātālakhaṃḍe vaiśākhamāsamāhātmye | ekottaraśatatamo'dhyāyaḥ
Sanskrit only: no published translation is held for this verse.