Library·Padma Purāṇa·5·5.104
ऋषय ऊचुः - भूयो वद महाभाग रामचारित्रमद्भुतम् । राममाहात्म्यसर्वस्वं भक्तानां प्रीतिदायकम्
ṛṣaya ūcuḥ - bhūyo vada mahābhāga rāmacāritramadbhutam | rāmamāhātmyasarvasvaṃ bhaktānāṃ prītidāyakam
Sanskrit only: no published translation is held for this verse.
सूत उवाच- अश्वमेधं क्रतुवरं कृत्वा दाशरथिर्यथा
sūta uvāca- aśvamedhaṃ kratuvaraṃ kṛtvā dāśarathiryathā
Sanskrit only: no published translation is held for this verse.
प्रवृत्तो लोककृत्येषु शास्त्रकृत्येषु कोविदः । अयोध्यां गंतुकामेन शंकरेण महात्मना
pravṛtto lokakṛtyeṣu śāstrakṛtyeṣu kovidaḥ | ayodhyāṃ gaṃtukāmena śaṃkareṇa mahātmanā
Sanskrit only: no published translation is held for this verse.
पार्वत्या सह देवेन उषितः सरयूतटे । मुनयस्तं समभ्येत्य शंकरं विश्वरूपिणम्
pārvatyā saha devena uṣitaḥ sarayūtaṭe | munayastaṃ samabhyetya śaṃkaraṃ viśvarūpiṇam
Sanskrit only: no published translation is held for this verse.
कश्यपाद्या महात्मानः पप्रच्छुरमितौजसम् । स्वागतं ते मुनिश्रेष्ठ सभार्यः कुत आगतः
kaśyapādyā mahātmānaḥ papracchuramitaujasam | svāgataṃ te muniśreṣṭha sabhāryaḥ kuta āgataḥ
Sanskrit only: no published translation is held for this verse.
किमागमनकृत्यं ते कं देशं गंतुमुद्यतः । शंकर उवाच- अहं शंभुरिति ख्यातो विप्रो हिमगिरिस्थितः
kimāgamanakṛtyaṃ te kaṃ deśaṃ gaṃtumudyataḥ | śaṃkara uvāca- ahaṃ śaṃbhuriti khyāto vipro himagiristhitaḥ
Sanskrit only: no published translation is held for this verse.
द्रष्टुं च राघवं गच्छे मम कार्यं महत्ततः । मामाह्वयति राजासौ पुराणश्रवणे रतः
draṣṭuṃ ca rāghavaṃ gacche mama kāryaṃ mahattataḥ | māmāhvayati rājāsau purāṇaśravaṇe rataḥ
Sanskrit only: no published translation is held for this verse.
आगच्छंतु भवंतोऽपि राघवः परितुष्यति । ततस्ते मुनयः शंभुर्ययू रामदिदृक्षया
āgacchaṃtu bhavaṃto'pi rāghavaḥ parituṣyati | tataste munayaḥ śaṃbhuryayū rāmadidṛkṣayā
Sanskrit only: no published translation is held for this verse.
तानागतान्वसिष्ठस्तु ज्ञात्वा रामाय चोक्तवान् । ततः सत्वरमुत्थाय निर्ययौ स पुरोहितः
tānāgatānvasiṣṭhastu jñātvā rāmāya coktavān | tataḥ satvaramutthāya niryayau sa purohitaḥ
Sanskrit only: no published translation is held for this verse.
अर्घ्यपाद्यादिकैस्सर्वान्पूजयामास तानृषीन् । गृहराजं ततः सर्वान्प्रावेशयदरिंदमः
arghyapādyādikaissarvānpūjayāmāsa tānṛṣīn | gṛharājaṃ tataḥ sarvānprāveśayadariṃdamaḥ
Sanskrit only: no published translation is held for this verse.
प्रत्येकमासनं दत्वा स्वागतोक्त्यासनस्थितान् । क्रमेण रघुशार्दूलः पूजयामास तानृषीन्
pratyekamāsanaṃ datvā svāgatoktyāsanasthitān | krameṇa raghuśārdūlaḥ pūjayāmāsa tānṛṣīn
Sanskrit only: no published translation is held for this verse.
वाचा मधुरया प्रीणन्निदमाहासनस्थितान् । श्रीराम उवाच- अद्य मे सफलं जन्म प्राप्तमद्य तपः फलम्
vācā madhurayā prīṇannidamāhāsanasthitān | śrīrāma uvāca- adya me saphalaṃ janma prāptamadya tapaḥ phalam
Sanskrit only: no published translation is held for this verse.
अद्याभ्यासस्य विद्यानां फलकालोऽयमागतः । अद्य मे पितरस्तुष्टा राज्यं च सफलं मम
adyābhyāsasya vidyānāṃ phalakālo'yamāgataḥ | adya me pitarastuṣṭā rājyaṃ ca saphalaṃ mama
Sanskrit only: no published translation is held for this verse.
अद्य मे सफलं वृत्तमद्य मे सफलं श्रुतम् । एवं वदंतं राजानं ब्राह्मणाः कश्यपादयः
adya me saphalaṃ vṛttamadya me saphalaṃ śrutam | evaṃ vadaṃtaṃ rājānaṃ brāhmaṇāḥ kaśyapādayaḥ
Sanskrit only: no published translation is held for this verse.
ऊचुः प्रियतरं वाक्यं रामं राजीवलोचनम् । ऋषय ऊचुः अयं शंभुर्द्विजः प्राप्तः सर्वशास्त्रविशारदः
ūcuḥ priyataraṃ vākyaṃ rāmaṃ rājīvalocanam | ṛṣaya ūcuḥ ayaṃ śaṃbhurdvijaḥ prāptaḥ sarvaśāstraviśāradaḥ
Sanskrit only: no published translation is held for this verse.
वेदवेदांगतत्त्वज्ञः सर्वभूतहिते रतः । कैलासवासी सततं तपसे कृतनिश्चयः
vedavedāṃgatattvajñaḥ sarvabhūtahite rataḥ | kailāsavāsī satataṃ tapase kṛtaniścayaḥ
Sanskrit only: no published translation is held for this verse.
ब्रह्मणा ब्रह्मवर्चस्के तुल्यो ब्रह्मविदां वरः । हरिणा ब्रह्मवात्सल्ये प्रसादे शंकरोपमः
brahmaṇā brahmavarcaske tulyo brahmavidāṃ varaḥ | hariṇā brahmavātsalye prasāde śaṃkaropamaḥ
Sanskrit only: no published translation is held for this verse.
एवंविधो महातेजाः शंभुर्ब्राह्मणपुंगवः । अष्टादशपुराणज्ञो मीमांसा न्यायकोविदः
evaṃvidho mahātejāḥ śaṃbhurbrāhmaṇapuṃgavaḥ | aṣṭādaśapurāṇajño mīmāṃsā nyāyakovidaḥ
Sanskrit only: no published translation is held for this verse.
त्वद्भाग्यगौरवादेव प्राप्तोऽयं मुनिसत्तमः । त्वयाहूतो मुनिवरः कैलासादागतः प्रभो
tvadbhāgyagauravādeva prāpto'yaṃ munisattamaḥ | tvayāhūto munivaraḥ kailāsādāgataḥ prabho
Sanskrit only: no published translation is held for this verse.
अतः पृच्छ महाभाग पुराणाख्यानमुत्तमम् । श्रोतुकामा वयं प्राप्तास्त्वामद्य रघुनंदन
ataḥ pṛccha mahābhāga purāṇākhyānamuttamam | śrotukāmā vayaṃ prāptāstvāmadya raghunaṃdana
Sanskrit only: no published translation is held for this verse.
अंतं गतस्य वेदानां सर्वशास्त्रार्थवेदिनः । पुंसोऽश्रुतपुराणस्य न सम्यग्याति दर्शनम्
aṃtaṃ gatasya vedānāṃ sarvaśāstrārthavedinaḥ | puṃso'śrutapurāṇasya na samyagyāti darśanam
Sanskrit only: no published translation is held for this verse.
सूत उवाच- एवमुक्तो रघुश्रेष्ठो मुनिभिस्तत्त्वदर्शिभिः । प्रहर्षमतुलं लेभे पुराणश्रवणोत्सुकः
sūta uvāca- evamukto raghuśreṣṭho munibhistattvadarśibhiḥ | praharṣamatulaṃ lebhe purāṇaśravaṇotsukaḥ
Sanskrit only: no published translation is held for this verse.
श्रीराम उवाच- लिगार्चनप्रकारं च लिंगमाहात्म्यमेव च । महेशनाममाहात्म्यं पूजामाहात्म्यमेव च
śrīrāma uvāca- ligārcanaprakāraṃ ca liṃgamāhātmyameva ca | maheśanāmamāhātmyaṃ pūjāmāhātmyameva ca
Sanskrit only: no published translation is held for this verse.
नमस्कारस्य माहात्म्यं दृष्टिमाहात्म्यमेव च । जलदानस्य माहात्म्यं धूपदानस्य सत्तम
namaskārasya māhātmyaṃ dṛṣṭimāhātmyameva ca | jaladānasya māhātmyaṃ dhūpadānasya sattama
Sanskrit only: no published translation is held for this verse.
दीपगंधादिदानस्य पुष्पमाहात्म्यमेव च । नानाख्यानेतिहासानां कथां पापप्रणाशिनीम्
dīpagaṃdhādidānasya puṣpamāhātmyameva ca | nānākhyānetihāsānāṃ kathāṃ pāpapraṇāśinīm
Sanskrit only: no published translation is held for this verse.
धर्मार्थकाममोक्षांश्च तदुपायांश्च सुव्रत । तत्सर्वं श्रोतुमिच्छामि त्वत्तो मुनिवरोत्तम
dharmārthakāmamokṣāṃśca tadupāyāṃśca suvrata | tatsarvaṃ śrotumicchāmi tvatto munivarottama
Sanskrit only: no published translation is held for this verse.
शंभुरुवाच- रामराम महाबाहो पुण्यवानसि राघव । राज्यासक्तस्य ते जाता पुराणश्रवणे रतिः
śaṃbhuruvāca- rāmarāma mahābāho puṇyavānasi rāghava | rājyāsaktasya te jātā purāṇaśravaṇe ratiḥ
Sanskrit only: no published translation is held for this verse.
स्यान्महत्सेवया राम पुण्यतीर्थनिषेवणात् । सा जिह्वा या शिवं गायेत्तच्चित्तं यत्तदर्प्पितम्
syānmahatsevayā rāma puṇyatīrthaniṣevaṇāt | sā jihvā yā śivaṃ gāyettaccittaṃ yattadarppitam
Sanskrit only: no published translation is held for this verse.
तावेव केवलौ श्लाघ्यौ यौ तत्पूजाकरौ करौ । सुजन्मदेहमत्यर्थं तदेवाशेषजन्मसु
tāveva kevalau ślāghyau yau tatpūjākarau karau | sujanmadehamatyarthaṃ tadevāśeṣajanmasu
Sanskrit only: no published translation is held for this verse.
यदेवोत्पुलकोभासि हर नामानुकीर्तनात् । कृतार्थोऽसि महाराज तत्प्रश्नानुगता मतिः
yadevotpulakobhāsi hara nāmānukīrtanāt | kṛtārtho'si mahārāja tatpraśnānugatā matiḥ
Sanskrit only: no published translation is held for this verse.
अनंतरं समाजग्मुर्जांघिकाः सत्वरश्रमाः । तत्करात्पत्रिकां गृह्य पपाठ रघुसत्तमः
anaṃtaraṃ samājagmurjāṃghikāḥ satvaraśramāḥ | tatkarātpatrikāṃ gṛhya papāṭha raghusattamaḥ
Sanskrit only: no published translation is held for this verse.
मनसाऽचिंतयद्रामः कथमेतदभूदिति । रामं शंभुस्तदा प्राह देव्या ब्राह्मणवेषवान्
manasā'ciṃtayadrāmaḥ kathametadabhūditi | rāmaṃ śaṃbhustadā prāha devyā brāhmaṇaveṣavān
Sanskrit only: no published translation is held for this verse.
किं चिंतयसि काकुत्स्थ मुनिष्वग्रे वसत्स्वपि । तद्वाक्यं राघवः श्रुत्वा पप्रच्छ मुनिपुंगवान्
kiṃ ciṃtayasi kākutstha muniṣvagre vasatsvapi | tadvākyaṃ rāghavaḥ śrutvā papraccha munipuṃgavān
Sanskrit only: no published translation is held for this verse.
श्रीरामउवाच- विभीषणः कथमसौ बद्धः शृंखलया नृभिः । मत्स्थापितं शिवं लिगं दृष्ट्वा रामेश्वरं त्वहो
śrīrāmauvāca- vibhīṣaṇaḥ kathamasau baddhaḥ śṛṃkhalayā nṛbhiḥ | matsthāpitaṃ śivaṃ ligaṃ dṛṣṭvā rāmeśvaraṃ tvaho
Sanskrit only: no published translation is held for this verse.
द्राविडैः कुटिलैर्दुष्टैरात्मना तद्विचार्यताम् । विचार्य मुनिवर्यास्ते नेशास्तज्ज्ञातुमल्पतः
drāviḍaiḥ kuṭilairduṣṭairātmanā tadvicāryatām | vicārya munivaryāste neśāstajjñātumalpataḥ
Sanskrit only: no published translation is held for this verse.
न जानीम इति प्राहू रामं रामस्तदाब्रवीत् । पुराणं वीक्ष्य विधिना तत्सर्वं ब्रूत सत्तमाः
na jānīma iti prāhū rāmaṃ rāmastadābravīt | purāṇaṃ vīkṣya vidhinā tatsarvaṃ brūta sattamāḥ
Sanskrit only: no published translation is held for this verse.
भवदज्ञानहेतुश्च विचार्यस्तदनंतरम् । किं किं पुराणं प्रेक्ष्यं स्याद्वर्जनीयं तथैव किम्
bhavadajñānahetuśca vicāryastadanaṃtaram | kiṃ kiṃ purāṇaṃ prekṣyaṃ syādvarjanīyaṃ tathaiva kim
Sanskrit only: no published translation is held for this verse.
प्रशस्तः कीदृशः श्लोकस्तदन्यः कीदृशो भवेत् । कीदृशेषु च कार्येषु कीदृशः पूजकस्तथा
praśastaḥ kīdṛśaḥ ślokastadanyaḥ kīdṛśo bhavet | kīdṛśeṣu ca kāryeṣu kīdṛśaḥ pūjakastathā
Sanskrit only: no published translation is held for this verse.
पूजा च कीदृशैर्भक्तैः कार्या निर्णयदर्शने । इति रामस्य वचनं श्रुत्वा ते द्विजसत्तमाः
pūjā ca kīdṛśairbhaktaiḥ kāryā nirṇayadarśane | iti rāmasya vacanaṃ śrutvā te dvijasattamāḥ
Sanskrit only: no published translation is held for this verse.
प्रत्यूचुस्तं रघुश्रेष्ठं चिंताव्याकुलमानसम् । न वक्तारो वरं राम वीक्षतां तु पुराणवित्
pratyūcustaṃ raghuśreṣṭhaṃ ciṃtāvyākulamānasam | na vaktāro varaṃ rāma vīkṣatāṃ tu purāṇavit
Sanskrit only: no published translation is held for this verse.
तच्छ्रुत्वा राघवः शंभुं पप्रच्छ विनयान्वितः । सोपि तद्वाक्यमाकर्ण्य प्रत्युवाच महामतिः
tacchrutvā rāghavaḥ śaṃbhuṃ papraccha vinayānvitaḥ | sopi tadvākyamākarṇya pratyuvāca mahāmatiḥ
Sanskrit only: no published translation is held for this verse.
शंभुरुवाच- पुराणजीवी पूजार्हः स्वशाखाध्ययनः शुचिः । मीमांसातत्त्वविज्ञानः श्रोत्रियोऽनृतदूषकः
śaṃbhuruvāca- purāṇajīvī pūjārhaḥ svaśākhādhyayanaḥ śuciḥ | mīmāṃsātattvavijñānaḥ śrotriyo'nṛtadūṣakaḥ
Sanskrit only: no published translation is held for this verse.
देवेषु च समस्तेषु समदृष्टिः शिवे रतः । शतरुद्रियजापी च साग्निकश्चातिवाचकः
deveṣu ca samasteṣu samadṛṣṭiḥ śive rataḥ | śatarudriyajāpī ca sāgnikaścātivācakaḥ
Sanskrit only: no published translation is held for this verse.
यजुर्वेदी विशेषेण पूजयेत्पुस्तकं सुधीः । श्रीतालपत्रलिखितं देवलिप्यन्वितं शुभम्
yajurvedī viśeṣeṇa pūjayetpustakaṃ sudhīḥ | śrītālapatralikhitaṃ devalipyanvitaṃ śubham
Sanskrit only: no published translation is held for this verse.
बंधाद्यतिप्रपंचं यद्युगपत्प्रणवाक्षरम् । प्रागूर्द्ध्वंरेखयोः प्रांते प्रणवस्याग्रयोजिका
baṃdhādyatiprapaṃcaṃ yadyugapatpraṇavākṣaram | prāgūrddhvaṃrekhayoḥ prāṃte praṇavasyāgrayojikā
Sanskrit only: no published translation is held for this verse.
रेखा भवेदेवमेका अकारस्तस्य पार्श्वतः । शिरोभागमुपक्रम्य सकोणाधः प्रलंबिनी
rekhā bhavedevamekā akārastasya pārśvataḥ | śirobhāgamupakramya sakoṇādhaḥ pralaṃbinī
Sanskrit only: no published translation is held for this verse.
आकारः स हि विज्ञेयः पट्टिकादक्षरेखया । वामे षड्वक्रबिंदूद्वा विकार इति कीर्तितः
ākāraḥ sa hi vijñeyaḥ paṭṭikādakṣarekhayā | vāme ṣaḍvakrabiṃdūdvā vikāra iti kīrtitaḥ
Sanskrit only: no published translation is held for this verse.
तस्य वामशिरोरेखा लंबिन्या ई उदाहृतः । सर्वाक्षरे शिरोरेखा अवक्रा प्रणवं विना
tasya vāmaśirorekhā laṃbinyā ī udāhṛtaḥ | sarvākṣare śirorekhā avakrā praṇavaṃ vinā
Sanskrit only: no published translation is held for this verse.
तस्यां तु लंबरेखान्या तदंते च लवित्रवत् । उकारः स हि विख्यातो लवित्रद्वयतस्तदू
tasyāṃ tu laṃbarekhānyā tadaṃte ca lavitravat | ukāraḥ sa hi vikhyāto lavitradvayatastadū
Sanskrit only: no published translation is held for this verse.
एवमन्यानि सर्वाणि अक्षराण्याह भारती । लिप्यानयैव लिखितं पुराणं तु प्रशस्यस्ते
evamanyāni sarvāṇi akṣarāṇyāha bhāratī | lipyānayaiva likhitaṃ purāṇaṃ tu praśasyaste
Sanskrit only: no published translation is held for this verse.
ब्राह्मं पाद्मं वैष्णवं च मार्तंडं नारदेरितम् । मार्कंडेयमथाग्नेयं कौर्मं वामनमेव च
brāhmaṃ pādmaṃ vaiṣṇavaṃ ca mārtaṃḍaṃ nāraderitam | mārkaṃḍeyamathāgneyaṃ kaurmaṃ vāmanameva ca
Sanskrit only: no published translation is held for this verse.
गारुडं लैंगमाख्यातं स्कांदं मात्स्यं नृसिंहकम् । तथैव गदितं राम पुराणं कापिलं तथा
gāruḍaṃ laiṃgamākhyātaṃ skāṃdaṃ mātsyaṃ nṛsiṃhakam | tathaiva gaditaṃ rāma purāṇaṃ kāpilaṃ tathā
Sanskrit only: no published translation is held for this verse.
वाराहं ब्रह्मवैवर्तं शकुनेषु प्रशस्यते । शैवं भागवतं दौर्गं भविष्योत्तरमेव च
vārāhaṃ brahmavaivartaṃ śakuneṣu praśasyate | śaivaṃ bhāgavataṃ daurgaṃ bhaviṣyottarameva ca
Sanskrit only: no published translation is held for this verse.
भविष्यं चोपसंज्ञानि त्वन्यानि च विवर्जयेत् । विमुच्य पुस्तकं रत्नपीठे निक्षिप्य संस्कृतम्
bhaviṣyaṃ copasaṃjñāni tvanyāni ca vivarjayet | vimucya pustakaṃ ratnapīṭhe nikṣipya saṃskṛtam
Sanskrit only: no published translation is held for this verse.
धौतवस्त्रधरः स्नात्वा शुचिरक्रोधनोऽज्वरः । आदावात्मानमभ्यर्च्य कृत्वा संकल्पमेव च
dhautavastradharaḥ snātvā śucirakrodhano'jvaraḥ | ādāvātmānamabhyarcya kṛtvā saṃkalpameva ca
Sanskrit only: no published translation is held for this verse.
अंकुशं चाक्षसूत्रं च पाशं पुस्तकमेव च । धारयंतीं सितां ध्यायेत्प्रसन्नास्यां सरस्वतीम्
aṃkuśaṃ cākṣasūtraṃ ca pāśaṃ pustakameva ca | dhārayaṃtīṃ sitāṃ dhyāyetprasannāsyāṃ sarasvatīm
Sanskrit only: no published translation is held for this verse.
गोक्षीरसदृशाकारं त्रिनेत्रं वृषवाहनम् । सहासवदनं शांतं शुक्लांबरधरं शिवम्
gokṣīrasadṛśākāraṃ trinetraṃ vṛṣavāhanam | sahāsavadanaṃ śāṃtaṃ śuklāṃbaradharaṃ śivam
Sanskrit only: no published translation is held for this verse.
हरिणं चाभयं चोर्द्ध्वबाहुयुग्मं किरीटिनम् । व्याख्यामुद्रा चं दक्षेधो वामहस्ते वरप्रदम्
hariṇaṃ cābhayaṃ corddhvabāhuyugmaṃ kirīṭinam | vyākhyāmudrā caṃ dakṣedho vāmahaste varapradam
Sanskrit only: no published translation is held for this verse.
नानारत्नविभूषाढ्यं गिरिजार्द्धांबुजासनम् । बहुभिर्मुनिमुख्यैस्तु ध्यायमान पदांबुजम्
nānāratnavibhūṣāḍhyaṃ girijārddhāṃbujāsanam | bahubhirmunimukhyaistu dhyāyamāna padāṃbujam
Sanskrit only: no published translation is held for this verse.
मूर्तिमद्भिस्तथा वेदैः स्तूयमानं पुराणकैः । अन्यैः समस्तलोकैश्च संसेवितपदांबुजम्
mūrtimadbhistathā vedaiḥ stūyamānaṃ purāṇakaiḥ | anyaiḥ samastalokaiśca saṃsevitapadāṃbujam
Sanskrit only: no published translation is held for this verse.
ध्यात्वैवं पूजकः सम्यगादौ पूजां समारभेत् । आपो वा इदमित्येतत्कलशस्याभिमंत्रणम्
dhyātvaivaṃ pūjakaḥ samyagādau pūjāṃ samārabhet | āpo vā idamityetatkalaśasyābhimaṃtraṇam
Sanskrit only: no published translation is held for this verse.
तज्जलं च गृहीत्वा च पात्रस्थमभिमंत्रयेत् । तत्सद्ब्रह्मेति मंत्रेण प्रशस्य प्रणवेन तु
tajjalaṃ ca gṛhītvā ca pātrasthamabhimaṃtrayet | tatsadbrahmeti maṃtreṇa praśasya praṇavena tu
Sanskrit only: no published translation is held for this verse.
आत्मानं सर्वपात्राणि तत आवाहयेदिति । यद्वागिति तृचेनैव भारती षोडशार्चनम्
ātmānaṃ sarvapātrāṇi tata āvāhayediti | yadvāgiti tṛcenaiva bhāratī ṣoḍaśārcanam
Sanskrit only: no published translation is held for this verse.
पुरुषसूक्तेन वा कुर्याद्गायत्र्या वा समर्चयेत् । ॐ नमो भगवते अमुक पुराणेति पुराणमर्चयेत्
puruṣasūktena vā kuryādgāyatryā vā samarcayet | oṃ namo bhagavate amuka purāṇeti purāṇamarcayet
Sanskrit only: no published translation is held for this verse.
कांडादिति हि मंत्रेण दूर्वामानीय पूजयेत् । ॐ नमो भगवत्यै दूर्वायै इति
kāṃḍāditi hi maṃtreṇa dūrvāmānīya pūjayet | oṃ namo bhagavatyai dūrvāyai iti
Sanskrit only: no published translation is held for this verse.
सलोकपाल पूजा स्यादथ कन्या समर्चनम् । वत्सरात्पंचकादूर्द्ध्वं दशवर्षादधः शुभाः
salokapāla pūjā syādatha kanyā samarcanam | vatsarātpaṃcakādūrddhvaṃ daśavarṣādadhaḥ śubhāḥ
Sanskrit only: no published translation is held for this verse.
अनुत्पन्नऋतुर्वापि तां प्रयत्नेन पूजयेत् । गंधपुष्पाक्षतैर्धूपैर्दीपतांबूलभूषणैः
anutpannaṛturvāpi tāṃ prayatnena pūjayet | gaṃdhapuṣpākṣatairdhūpairdīpatāṃbūlabhūṣaṇaiḥ
Sanskrit only: no published translation is held for this verse.
पाठयेदप्यमुं मंत्रं पूजकः कन्यकामिमाम्
pāṭhayedapyamuṃ maṃtraṃ pūjakaḥ kanyakāmimām
Sanskrit only: no published translation is held for this verse.
सत्यं ब्रूहि प्रियं ब्रूहि भगवति सरस्वति नमस्ते नमस्त इति
satyaṃ brūhi priyaṃ brūhi bhagavati sarasvati namaste namasta iti
Sanskrit only: no published translation is held for this verse.
गायत्र्यानुक्रमार्थात्तु दूर्वायुग्मं तु कारयेत् । सन्निधौ पुस्तकस्याधः सहस्रपरमेत्यृचा
gāyatryānukramārthāttu dūrvāyugmaṃ tu kārayet | sannidhau pustakasyādhaḥ sahasraparametyṛcā
Sanskrit only: no published translation is held for this verse.
दूर्वायुग्मत्रयं दद्यात्तस्या हस्ते विचक्षणः । सा प्रक्षिपेत्पुस्तसंधौ शलाकात्रयमन्वनु
dūrvāyugmatrayaṃ dadyāttasyā haste vicakṣaṇaḥ | sā prakṣipetpustasaṃdhau śalākātrayamanvanu
Sanskrit only: no published translation is held for this verse.
विसृज्यतां पुनर्दद्याच्छिवाभ्यां नम इत्यथ । पत्रयोर्मध्यमः श्लोकः कार्यसिद्धेर्हि सूचकः
visṛjyatāṃ punardadyācchivābhyāṃ nama ityatha | patrayormadhyamaḥ ślokaḥ kāryasiddherhi sūcakaḥ
Sanskrit only: no published translation is held for this verse.
पूर्वपत्रे समाप्तिः स्याच्छ्लोकस्य यदि राघव । परपत्रे पठेच्छ्लोकं विविच्यार्थमुदीरयेत्
pūrvapatre samāptiḥ syācchlokasya yadi rāghava | parapatre paṭhecchlokaṃ vivicyārthamudīrayet
Sanskrit only: no published translation is held for this verse.
शनैःशनैः पठेत्प्राज्ञो व्याख्यासेच्च शनैःशनैः । त्वरेह न हि कर्तव्या कुप्यति त्वरया तु गीः
śanaiḥśanaiḥ paṭhetprājño vyākhyāsecca śanaiḥśanaiḥ | tvareha na hi kartavyā kupyati tvarayā tu gīḥ
Sanskrit only: no published translation is held for this verse.
घटिकायास्तु पादः स्यादत्वरास्यात्ततोधिका । त्वरयेन्न च वक्तारं ज्ञातव्यांशमनुद्विजम्
ghaṭikāyāstu pādaḥ syādatvarāsyāttatodhikā | tvarayenna ca vaktāraṃ jñātavyāṃśamanudvijam
Sanskrit only: no published translation is held for this verse.
विविच्य पाठं श्लोकस्य निश्चित्यार्थं च मानसे । प्रतीपं तन्न वक्तव्यं विविच्य रघुनंदन
vivicya pāṭhaṃ ślokasya niścityārthaṃ ca mānase | pratīpaṃ tanna vaktavyaṃ vivicya raghunaṃdana
Sanskrit only: no published translation is held for this verse.
यदि युक्तमयुक्तं वा श्लोकमन्यं पठेदसौ । पुस्तकस्थं च हित्वैव पूजकः स द्विजो यदि
yadi yuktamayuktaṃ vā ślokamanyaṃ paṭhedasau | pustakasthaṃ ca hitvaiva pūjakaḥ sa dvijo yadi
Sanskrit only: no published translation is held for this verse.
तत्तथैव हि विज्ञेयं विसंवादो न शस्यते । दैवागतो हि स श्लोको दैवं हि बलवत्तरम्
tattathaiva hi vijñeyaṃ visaṃvādo na śasyate | daivāgato hi sa śloko daivaṃ hi balavattaram
Sanskrit only: no published translation is held for this verse.
उपश्रुतिषु यद्वच्च नापराधो द्विजस्य तु । विस्मयो न च कर्तव्यो दैवस्य कुटिला गतिः
upaśrutiṣu yadvacca nāparādho dvijasya tu | vismayo na ca kartavyo daivasya kuṭilā gatiḥ
Sanskrit only: no published translation is held for this verse.
यत्तत्पदविपर्यासे पत्रे चोपरिवारिणि । तमादेशं तिरस्कृत्य द्वितीयं तु पठेदतः
yattatpadaviparyāse patre coparivāriṇi | tamādeśaṃ tiraskṛtya dvitīyaṃ tu paṭhedataḥ
Sanskrit only: no published translation is held for this verse.
ततस्तृतीयं पाठ्यं स्यात्ततः कार्यं विवेचनम् । अविसर्गांतपूर्वास्ते पवर्गेतरपंचमाः
tatastṛtīyaṃ pāṭhyaṃ syāttataḥ kāryaṃ vivecanam | avisargāṃtapūrvāste pavargetarapaṃcamāḥ
Sanskrit only: no published translation is held for this verse.
स्तुतिलिड्वर्जितः श्लोकः शकुनेषु प्रशस्यते । अध्यायादिः समाप्तिश्च वृथा पत्रं वृथा लिपिः
stutiliḍvarjitaḥ ślokaḥ śakuneṣu praśasyate | adhyāyādiḥ samāptiśca vṛthā patraṃ vṛthā lipiḥ
Sanskrit only: no published translation is held for this verse.
उक्तानुवचनं चैव द्व्युपस्तुतमथैव च । दग्धपत्रं नष्टलिपिः संदिग्धाक्षरमेव च
uktānuvacanaṃ caiva dvyupastutamathaiva ca | dagdhapatraṃ naṣṭalipiḥ saṃdigdhākṣarameva ca
Sanskrit only: no published translation is held for this verse.
एतानि शकुने नित्यं वर्जनीयानि पंडितैः । प्रश्नो हि द्विविधो ज्ञेयो दीप्तशांत प्रभेदतः
etāni śakune nityaṃ varjanīyāni paṃḍitaiḥ | praśno hi dvividho jñeyo dīptaśāṃta prabhedataḥ
Sanskrit only: no published translation is held for this verse.
शांतं च द्विविधं ज्ञेयमुत्पत्तिस्थितिवृद्धितः । तत्र शांतं प्रशस्तं स्याल्लक्षितं पूर्वलक्षणैः
śāṃtaṃ ca dvividhaṃ jñeyamutpattisthitivṛddhitaḥ | tatra śāṃtaṃ praśastaṃ syāllakṣitaṃ pūrvalakṣaṇaiḥ
Sanskrit only: no published translation is held for this verse.
कार्यभेदास्तु वर्ण्यंते केचिन्मर्त्योपयोगिनः । कस्यचित्कार्यमादाय कश्चित्प्रष्टा भवत्यपि
kāryabhedāstu varṇyaṃte kecinmartyopayoginaḥ | kasyacitkāryamādāya kaścitpraṣṭā bhavatyapi
Sanskrit only: no published translation is held for this verse.
स करोति तदा प्रश्नं समेत्य स्मरतेऽत्र किम् । स पुनर्धार्य पत्रं तत्तस्मिन्पत्रं प्रशस्यते
sa karoti tadā praśnaṃ sametya smarate'tra kim | sa punardhārya patraṃ tattasminpatraṃ praśasyate
Sanskrit only: no published translation is held for this verse.
अथवा तत्क्षमोपेतं वैराग्यं परमेव च । यतः कुतश्चिद्दृष्टस्तु स्तुतिपादकमेव च
athavā tatkṣamopetaṃ vairāgyaṃ parameva ca | yataḥ kutaściddṛṣṭastu stutipādakameva ca
Sanskrit only: no published translation is held for this verse.
परिहृत्य परं चापि तस्मिन्नर्थे शुभावहम् । मृतो गृह्णाति वागर्थमिति प्रश्नोऽशुभप्रदः
parihṛtya paraṃ cāpi tasminnarthe śubhāvaham | mṛto gṛhṇāti vāgarthamiti praśno'śubhapradaḥ
Sanskrit only: no published translation is held for this verse.
विवादे विजयप्रश्ने जयद्योतकमिष्यते । सृष्टिरप्यत्र शस्ता स्यात्क्रूरायां क्लेशतो जयः
vivāde vijayapraśne jayadyotakamiṣyate | sṛṣṭirapyatra śastā syātkrūrāyāṃ kleśato jayaḥ
Sanskrit only: no published translation is held for this verse.
प्रशांतायामुपायैस्तु मिश्रायां विड्वरो भवेत् । पुरादिवर्णनं यत्तु मध्यमं यदि चोत्तमम्
praśāṃtāyāmupāyaistu miśrāyāṃ viḍvaro bhavet | purādivarṇanaṃ yattu madhyamaṃ yadi cottamam
Sanskrit only: no published translation is held for this verse.
कलिसंभावनायास्तु शृंगारस्योपवर्णने । राज्यनिर्वाहचिंतायां राज्यलिंगंशुभावहम्
kalisaṃbhāvanāyāstu śṛṃgārasyopavarṇane | rājyanirvāhaciṃtāyāṃ rājyaliṃgaṃśubhāvaham
Sanskrit only: no published translation is held for this verse.
यस्यापि यादृशं योग्यं विचार्य तादृशं बुधैः । स्तुतिवैराग्ययोः कार्यं विलयः परिकीर्तितः
yasyāpi yādṛśaṃ yogyaṃ vicārya tādṛśaṃ budhaiḥ | stutivairāgyayoḥ kāryaṃ vilayaḥ parikīrtitaḥ
Sanskrit only: no published translation is held for this verse.
कार्याल्पसिद्धिः स्खलितेन च निर्वाहमृच्छति । तस्यान्यार्थस्यान्यभावो राम शांतिविचारणे
kāryālpasiddhiḥ skhalitena ca nirvāhamṛcchati | tasyānyārthasyānyabhāvo rāma śāṃtivicāraṇe
Sanskrit only: no published translation is held for this verse.
विसर्गांतश्च पूर्वार्द्ध विपर्यासो भविष्यतः । संकल्पितान्यथाभावो ह्यध्यायस्य समापने
visargāṃtaśca pūrvārddha viparyāso bhaviṣyataḥ | saṃkalpitānyathābhāvo hyadhyāyasya samāpane
Sanskrit only: no published translation is held for this verse.
कांडादेस्तु समाप्तौ तु स्यात्तत्कार्यविनाशनम् । तस्मादेतादृशे दोषे शकुनस्य विपर्ययः
kāṃḍādestu samāptau tu syāttatkāryavināśanam | tasmādetādṛśe doṣe śakunasya viparyayaḥ
Sanskrit only: no published translation is held for this verse.
क्षुते पुस्तकपाते च त्वाहते मस्तकादिषु । वक्ता वैमाननं याति ततः शकुननाशनम्
kṣute pustakapāte ca tvāhate mastakādiṣu | vaktā vaimānanaṃ yāti tataḥ śakunanāśanam
Sanskrit only: no published translation is held for this verse.
तस्मादेतादृशे दोषे शकुनं परिवर्जयेत् । उपमायां भवेद्राम कार्याभासो न वस्तुतः
tasmādetādṛśe doṣe śakunaṃ parivarjayet | upamāyāṃ bhavedrāma kāryābhāso na vastutaḥ
Sanskrit only: no published translation is held for this verse.
संतानं भोन्यत्र चोक्ता सृष्टिर्मध्यफलप्रदा । स्तुतिः प्रशस्ता कुत्रापि गुणवत्कार्यनिर्णये
saṃtānaṃ bhonyatra coktā sṛṣṭirmadhyaphalapradā | stutiḥ praśastā kutrāpi guṇavatkāryanirṇaye
Sanskrit only: no published translation is held for this verse.
विवाहे चौषधे दाने व्यवहारे कृषौ तथा । यथार्था च स्तुती राम निर्वाहेऽपि न दूषणम्
vivāhe cauṣadhe dāne vyavahāre kṛṣau tathā | yathārthā ca stutī rāma nirvāhe'pi na dūṣaṇam
Sanskrit only: no published translation is held for this verse.