Padma Purāṇa 5.110

श्रीराम उवाच- अयमग्निशिखो नाम वह्निः शिवगणश्च वै । स कथं तादृशो भूतस्तन्मे वद नमस्तव

śrīrāma uvāca- ayamagniśikho nāma vahniḥ śivagaṇaśca vai | sa kathaṃ tādṛśo bhūtastanme vada namastava

Sanskrit only: no published translation is held for this verse.

शंभुरुवाच- अयमासीत्पुरा कश्चित्क्षत्त्रियः क्रोधनः सदा । नष्टभार्यो नष्टसेनो नष्टराष्ट्रोतिदुःखितः

śaṃbhuruvāca- ayamāsītpurā kaścitkṣattriyaḥ krodhanaḥ sadā | naṣṭabhāryo naṣṭaseno naṣṭarāṣṭrotiduḥkhitaḥ

Sanskrit only: no published translation is held for this verse.

लब्ध्वा लुलाय द्वितयं कृषिं चक्रे सहात्मजैः । ऋणेन महता युक्तः पुनश्चातीव दुःखितः

labdhvā lulāya dvitayaṃ kṛṣiṃ cakre sahātmajaiḥ | ṛṇena mahatā yuktaḥ punaścātīva duḥkhitaḥ

Sanskrit only: no published translation is held for this verse.

पुनश्च दुःखितो राजा सर्पेण सुतनाशनात् । तथाभूतो महीपालस्तत्याज कृषिमप्युत

punaśca duḥkhito rājā sarpeṇa sutanāśanāt | tathābhūto mahīpālastatyāja kṛṣimapyuta

Sanskrit only: no published translation is held for this verse.

परित्यज्य सुतौ चापि त्यक्ताहारो रुरोद ह । सुतावथ समागम्य प्राहतुः पितरं त्विदम्

parityajya sutau cāpi tyaktāhāro ruroda ha | sutāvatha samāgamya prāhatuḥ pitaraṃ tvidam

Sanskrit only: no published translation is held for this verse.

किमर्थं रुद्यते तात नष्टो नायाति रोदनात् । शरीरशोषणायाथ शोकस्तेऽद्य भविष्यति

kimarthaṃ rudyate tāta naṣṭo nāyāti rodanāt | śarīraśoṣaṇāyātha śokaste'dya bhaviṣyati

Sanskrit only: no published translation is held for this verse.

शोकेन चक्षुषी नष्टे कंठो नष्टस्तथा तव । अनुष्ठानं तथा नष्टं किमर्थं परितप्यसे

śokena cakṣuṣī naṣṭe kaṃṭho naṣṭastathā tava | anuṣṭhānaṃ tathā naṣṭaṃ kimarthaṃ paritapyase

Sanskrit only: no published translation is held for this verse.

एको नष्टो न चायाति रक्ष पंचस्थितानसून् । बहूनां रक्षणं पुण्यमाश्रितानां विशेषतः

eko naṣṭo na cāyāti rakṣa paṃcasthitānasūn | bahūnāṃ rakṣaṇaṃ puṇyamāśritānāṃ viśeṣataḥ

Sanskrit only: no published translation is held for this verse.

अन्याश्रितममुं शत्रुं कथं शोचितुमर्हसि । पितोवाच- पुत्रः शत्रुः कथं पुत्रौ युवां शत्रू तथा च मे

anyāśritamamuṃ śatruṃ kathaṃ śocitumarhasi | pitovāca- putraḥ śatruḥ kathaṃ putrau yuvāṃ śatrū tathā ca me

Sanskrit only: no published translation is held for this verse.

अत्यंतसुखिनं पुत्रं कथं शत्रुमभाषतम् । सुतावूचतुः जायमानो हरेद्भार्यां वर्द्धमानो हरेद्धनम्

atyaṃtasukhinaṃ putraṃ kathaṃ śatrumabhāṣatam | sutāvūcatuḥ jāyamāno haredbhāryāṃ varddhamāno hareddhanam

Sanskrit only: no published translation is held for this verse.

म्रियमाणस्तथा प्राणाञ्छत्रुत्वं किमतः परम् । यत्सुखं च त्वया प्रोक्तं स्पर्शनालिंगनादिभिः

mriyamāṇastathā prāṇāñchatrutvaṃ kimataḥ param | yatsukhaṃ ca tvayā proktaṃ sparśanāliṃganādibhiḥ

Sanskrit only: no published translation is held for this verse.

दुःखोदर्कमिदं राजन्सर्वमेतद्वदामि ते । प्रसूतिकाले पुत्रस्य भार्यानाशविचारणा

duḥkhodarkamidaṃ rājansarvametadvadāmi te | prasūtikāle putrasya bhāryānāśavicāraṇā

Sanskrit only: no published translation is held for this verse.

जीवितायामथोपत्न्यामात्मनः सुखनाशनम् । योन्यशुद्धौ तु जातायां संयोगो नोपपद्यते

jīvitāyāmathopatnyāmātmanaḥ sukhanāśanam | yonyaśuddhau tu jātāyāṃ saṃyogo nopapadyate

Sanskrit only: no published translation is held for this verse.

आलिंगनपरे गाढं स्तन्येनांगं परिप्लुते । तथापि यदि संयोगः शिशुरोदनताः स्त्रियाः

āliṃganapare gāḍhaṃ stanyenāṃgaṃ pariplute | tathāpi yadi saṃyogaḥ śiśurodanatāḥ striyāḥ

Sanskrit only: no published translation is held for this verse.

दृढं शिशुगतं चित्तं ततो वैरस्यमेव च । अथ चेत्पतितो डिंभो मध्ये मैथुनमुद्गतिः

dṛḍhaṃ śiśugataṃ cittaṃ tato vairasyameva ca | atha cetpatito ḍiṃbho madhye maithunamudgatiḥ

Sanskrit only: no published translation is held for this verse.

रतिमध्ये तु विच्छेदे दुःखं किंचिदसन्निभम् । सर्वकाले परिमिते कदाचिद्रतिसंभवः

ratimadhye tu vicchede duḥkhaṃ kiṃcidasannibham | sarvakāle parimite kadācidratisaṃbhavaḥ

Sanskrit only: no published translation is held for this verse.

तत्काले भोजनं नास्ति स्वापो नास्ति च भार्यया । शिशूनां रक्षणे दुःखं व्याधितर्षग्रहादिभिः

tatkāle bhojanaṃ nāsti svāpo nāsti ca bhāryayā | śiśūnāṃ rakṣaṇe duḥkhaṃ vyādhitarṣagrahādibhiḥ

Sanskrit only: no published translation is held for this verse.

तन्मतं यत्सुखं चित्रं यथांकारोहणं पितुः । आलिंगनकृतं तात चुंबनादिकृतं तथा

tanmataṃ yatsukhaṃ citraṃ yathāṃkārohaṇaṃ pituḥ | āliṃganakṛtaṃ tāta cuṃbanādikṛtaṃ tathā

Sanskrit only: no published translation is held for this verse.

अत्यन्तमधुरोक्त्यादि यत्सुखानि नरेश्वर । रतिमध्ये विरामस्य कलां नार्हंति षोडशीम्

atyantamadhuroktyādi yatsukhāni nareśvara | ratimadhye virāmasya kalāṃ nārhaṃti ṣoḍaśīm

Sanskrit only: no published translation is held for this verse.

अन्यान्यपि च दुःखानि संति पुत्रे सहस्रशः । अनेन त्वं किं क्रियसे इहामुत्र विरोधिना

anyānyapi ca duḥkhāni saṃti putre sahasraśaḥ | anena tvaṃ kiṃ kriyase ihāmutra virodhinā

Sanskrit only: no published translation is held for this verse.

त्यज शोकमिदं तस्मादावां पुत्रौ स्थिताविह । श्रीराजोवाच-। त्यजामि शोकं दुर्वारं सर्वकार्यविरोधिनम्

tyaja śokamidaṃ tasmādāvāṃ putrau sthitāviha | śrīrājovāca-| tyajāmi śokaṃ durvāraṃ sarvakāryavirodhinam

Sanskrit only: no published translation is held for this verse.

आत्मनश्च हितं कार्यमिहामुत्र सुतौ मम । पुरोधसं तु गच्छामि मम पूर्वं महागुरुम्

ātmanaśca hitaṃ kāryamihāmutra sutau mama | purodhasaṃ tu gacchāmi mama pūrvaṃ mahāgurum

Sanskrit only: no published translation is held for this verse.

वसिष्ठं मुनिवर्यं च स दास्यति गतिं मम । एवमुक्त्वा गतो विप्रं वाराणस्यां स्थितं गुरुम्

vasiṣṭhaṃ munivaryaṃ ca sa dāsyati gatiṃ mama | evamuktvā gato vipraṃ vārāṇasyāṃ sthitaṃ gurum

Sanskrit only: no published translation is held for this verse.

दंडवत्प्रणनामाथ मुनिना परिपूजितः । आलिंगितशिरो घ्रातो दत्तासनपरिग्रहः

daṃḍavatpraṇanāmātha muninā paripūjitaḥ | āliṃgitaśiro ghrāto dattāsanaparigrahaḥ

Sanskrit only: no published translation is held for this verse.

उक्तश्चागमनं किं ते किं कार्य्यं करवाणि वै । राजोवाच- गतिं प्रयच्छ मे विप्र संसारतरणाय हि

uktaścāgamanaṃ kiṃ te kiṃ kāryyaṃ karavāṇi vai | rājovāca- gatiṃ prayaccha me vipra saṃsārataraṇāya hi

Sanskrit only: no published translation is held for this verse.

खिन्नोहं कर्मणा शश्वद्भवंतं शरणं गतः । वसिष्ठ उवाच- गतिं पश्य महालिंगं विश्वेश्वरमिति स्थितम्

khinnohaṃ karmaṇā śaśvadbhavaṃtaṃ śaraṇaṃ gataḥ | vasiṣṭha uvāca- gatiṃ paśya mahāliṃgaṃ viśveśvaramiti sthitam

Sanskrit only: no published translation is held for this verse.

एनं पूजय राजेंद्र देवदेवं पिनाकिनम् । यमाराध्य पुरा शक्तिररुंधत्याः सुतो मुनिः

enaṃ pūjaya rājeṃdra devadevaṃ pinākinam | yamārādhya purā śaktiraruṃdhatyāḥ suto muniḥ

Sanskrit only: no published translation is held for this verse.

रक्षसा भक्षितश्चापि यमलोकं गतो न सः । किंचित्कालं गतः स्वर्गं ब्रह्मलोकमगादतः

rakṣasā bhakṣitaścāpi yamalokaṃ gato na saḥ | kiṃcitkālaṃ gataḥ svargaṃ brahmalokamagādataḥ

Sanskrit only: no published translation is held for this verse.

ब्रह्मलोकाद्विष्णुलोके क्रीडन्नास्ते सुतो मम । अमुं पश्य महाराज लुब्धकं वनचारिणम्

brahmalokādviṣṇuloke krīḍannāste suto mama | amuṃ paśya mahārāja lubdhakaṃ vanacāriṇam

Sanskrit only: no published translation is held for this verse.

पूजयंतं हि विश्वेशं पत्रमात्रै स्वसंभृतैः । शमीवृक्षस्य संभूतैस्तथा पूगप्रसूनकैः

pūjayaṃtaṃ hi viśveśaṃ patramātrai svasaṃbhṛtaiḥ | śamīvṛkṣasya saṃbhūtaistathā pūgaprasūnakaiḥ

Sanskrit only: no published translation is held for this verse.

कदंबकुसुमैरर्ककुसुमैर्यूथिकाभवैः । एतैरन्यैर्महेशानं पूजयंतं विलोकय

kadaṃbakusumairarkakusumairyūthikābhavaiḥ | etairanyairmaheśānaṃ pūjayaṃtaṃ vilokaya

Sanskrit only: no published translation is held for this verse.

इतोर्द्धयाममात्रेण मरिष्यति तदद्भुतम् । अंतकाले समायाते लुब्धकोपि शिवाय वै

itorddhayāmamātreṇa mariṣyati tadadbhutam | aṃtakāle samāyāte lubdhakopi śivāya vai

Sanskrit only: no published translation is held for this verse.

उपहारप्रदानाय दृष्टवान्पार्श्वतो घटम् । तं चूतफलसंपूर्णं शुनोच्छिष्टं विगर्हितम्

upahārapradānāya dṛṣṭavānpārśvato ghaṭam | taṃ cūtaphalasaṃpūrṇaṃ śunocchiṣṭaṃ vigarhitam

Sanskrit only: no published translation is held for this verse.

संकल्पितोपहारस्य ह्यभावाल्लुब्धकस्तथा । इदं जगौ शुभं वाक्यं लोकानां भक्तिसूचकम्

saṃkalpitopahārasya hyabhāvāllubdhakastathā | idaṃ jagau śubhaṃ vākyaṃ lokānāṃ bhaktisūcakam

Sanskrit only: no published translation is held for this verse.

पुष्पाभावे हरिर्नेत्रं फलाभावेंगुलं रविः । लिंगविस्रंसनेकं च जमदग्नि ऋषिस्तथा

puṣpābhāve harirnetraṃ phalābhāveṃgulaṃ raviḥ | liṃgavisraṃsanekaṃ ca jamadagni ṛṣistathā

Sanskrit only: no published translation is held for this verse.

लिंगपीठविभेदे च गात्रं निर्भिद्य दत्तवान् । अन्यैर्माहैश्वरैरन्यत्साहसं परमं कृतम्

liṃgapīṭhavibhede ca gātraṃ nirbhidya dattavān | anyairmāhaiśvarairanyatsāhasaṃ paramaṃ kṛtam

Sanskrit only: no published translation is held for this verse.

ममापि तत्तथा कार्य्यमन्यथा दोषभागहम् । एतस्मिन्नंतरे कश्चिदुन्मत्तः शिवमभ्यगात्

mamāpi tattathā kāryyamanyathā doṣabhāgaham | etasminnaṃtare kaścidunmattaḥ śivamabhyagāt

Sanskrit only: no published translation is held for this verse.

अथ लुब्धकृतां पूजामाहृत्याभक्षयत्क्षणात् । वमनं च तथा चक्रे शिवपीठेथ लुब्धकः

atha lubdhakṛtāṃ pūjāmāhṛtyābhakṣayatkṣaṇāt | vamanaṃ ca tathā cakre śivapīṭhetha lubdhakaḥ

Sanskrit only: no published translation is held for this verse.

शिवापकारिणं चैनं हन्मि नो वेत्यचिंतयत् । अथ स्वात्मवधायैव यत्नमास्थाय शंकरः

śivāpakāriṇaṃ cainaṃ hanmi no vetyaciṃtayat | atha svātmavadhāyaiva yatnamāsthāya śaṃkaraḥ

Sanskrit only: no published translation is held for this verse.

उन्मत्तेन यथोद्भुक्ता शिवपूजा मया कृता । लिंगप्रावरणे ह्येषा तदहं मम देहिनः

unmattena yathodbhuktā śivapūjā mayā kṛtā | liṃgaprāvaraṇe hyeṣā tadahaṃ mama dehinaḥ

Sanskrit only: no published translation is held for this verse.

प्रावृतिस्त्वगियं त्वद्य निर्म्मोक्तव्या मया द्रुतम् । पूजाविमोचनायैतत्फलहानेर्गलं त्यजेत्

prāvṛtistvagiyaṃ tvadya nirmmoktavyā mayā drutam | pūjāvimocanāyaitatphalahānergalaṃ tyajet

Sanskrit only: no published translation is held for this verse.

इत्थं संकल्प्य स तथा तीक्ष्णस्वधितिनाद्भुतम् । चक्रे त्वचं दक्षपादं त्वचं च्छित्वा कटेरधः

itthaṃ saṃkalpya sa tathā tīkṣṇasvadhitinādbhutam | cakre tvacaṃ dakṣapādaṃ tvacaṃ cchitvā kaṭeradhaḥ

Sanskrit only: no published translation is held for this verse.

वामपादं तथा चक्रे कटिपर्यंतमाशुच । हृष्टश्चावेपितश्चैव तत ऊर्ध्वमथाच्छिनत्

vāmapādaṃ tathā cakre kaṭiparyaṃtamāśuca | hṛṣṭaścāvepitaścaiva tata ūrdhvamathācchinat

Sanskrit only: no published translation is held for this verse.

करांसोदरहृत्कंठत्वचं निर्भिद्य लुब्धकः । मस्तकस्य त्वचं चापि निर्बिभेद प्रहृष्टवान्

karāṃsodarahṛtkaṃṭhatvacaṃ nirbhidya lubdhakaḥ | mastakasya tvacaṃ cāpi nirbibheda prahṛṣṭavān

Sanskrit only: no published translation is held for this verse.

तयोरंतरतस्तस्माद्गात्रं निर्भिद्य वर्तुलम् । छित्त्वांगुलि समादाय देवायार्पितवांस्त्वचम्

tayoraṃtaratastasmādgātraṃ nirbhidya vartulam | chittvāṃguli samādāya devāyārpitavāṃstvacam

Sanskrit only: no published translation is held for this verse.

आरादेव तथा दिव्यरूपः स्वक्षश्चतुर्भुजः । नानाभूषणसंयुक्तः स्थितो वियति शाङ्करः

ārādeva tathā divyarūpaḥ svakṣaścaturbhujaḥ | nānābhūṣaṇasaṃyuktaḥ sthito viyati śāṅkaraḥ

Sanskrit only: no published translation is held for this verse.

अथ शैवाः समायाता दूताः शतसहस्रशः । विचित्रमुकुटाकाराः सर्वाभरणभूषिताः

atha śaivāḥ samāyātā dūtāḥ śatasahasraśaḥ | vicitramukuṭākārāḥ sarvābharaṇabhūṣitāḥ

Sanskrit only: no published translation is held for this verse.

त्रिशूलपाणयः सर्वे शुद्धस्फटिकसंनिभाः । चतुर्भुजाः सुरूपाश्च विमानवरसंस्थिताः

triśūlapāṇayaḥ sarve śuddhasphaṭikasaṃnibhāḥ | caturbhujāḥ surūpāśca vimānavarasaṃsthitāḥ

Sanskrit only: no published translation is held for this verse.

सर्वे सूर्यसमाः शांता रंभावत्प्रियया युताः । सूनुपत्नीबलोत्साह विलासस्त्रीशतान्विताः

sarve sūryasamāḥ śāṃtā raṃbhāvatpriyayā yutāḥ | sūnupatnībalotsāha vilāsastrīśatānvitāḥ

Sanskrit only: no published translation is held for this verse.

तेजसा सूर्यसदृशाः पुष्पवृष्टिमवाकिरन् । तैराहूतो लुब्धकश्च नागच्छदवदच्च तान्

tejasā sūryasadṛśāḥ puṣpavṛṣṭimavākiran | tairāhūto lubdhakaśca nāgacchadavadacca tān

Sanskrit only: no published translation is held for this verse.

भार्याबंधुजनोपेतो गच्छेहमथवा न वा । शैवास्तद्वचनं श्रुत्वा वाक्यमेतदथोचिरे

bhāryābaṃdhujanopeto gacchehamathavā na vā | śaivāstadvacanaṃ śrutvā vākyametadathocire

Sanskrit only: no published translation is held for this verse.

येन पुण्यं कृतं पापं तेन भोग्यं हि तत्फलम् । लुब्धक उवाच- अशौचानां च सर्वेषां धर्माणामेककर्तृकम्

yena puṇyaṃ kṛtaṃ pāpaṃ tena bhogyaṃ hi tatphalam | lubdhaka uvāca- aśaucānāṃ ca sarveṣāṃ dharmāṇāmekakartṛkam

Sanskrit only: no published translation is held for this verse.

माहेश्वराणां धर्माणां फलं च द्विबहुष्वपि । एतस्मिन्नंतरे प्राप्तो वीरभद्रः शतार्भकः

māheśvarāṇāṃ dharmāṇāṃ phalaṃ ca dvibahuṣvapi | etasminnaṃtare prāpto vīrabhadraḥ śatārbhakaḥ

Sanskrit only: no published translation is held for this verse.

नानाकोटिगणोपेतो एहि लुब्धकबंधुयुक् । सर्वं त्वयोक्तं च तथा सभार्यो ज्ञातिबंधुयुक्

nānākoṭigaṇopeto ehi lubdhakabaṃdhuyuk | sarvaṃ tvayoktaṃ ca tathā sabhāryo jñātibaṃdhuyuk

Sanskrit only: no published translation is held for this verse.

आरुह्येदं विमानं च शिवं गच्छ शिवं तु वः । अथ तद्वचनात्प्राप्तः शिवलोकं विमानगः

āruhyedaṃ vimānaṃ ca śivaṃ gaccha śivaṃ tu vaḥ | atha tadvacanātprāptaḥ śivalokaṃ vimānagaḥ

Sanskrit only: no published translation is held for this verse.

वसिष्ठ उवाच- दृष्टवानसि सर्वं त्वमीशपूजां समाचर । विमुक्तपापबंधस्त्वं शिवलोकं गमिष्यसि

vasiṣṭha uvāca- dṛṣṭavānasi sarvaṃ tvamīśapūjāṃ samācara | vimuktapāpabaṃdhastvaṃ śivalokaṃ gamiṣyasi

Sanskrit only: no published translation is held for this verse.

यदि राज्यं त्वया प्रार्थ्यं मार्जयेशां गणं नृप । गोमयोदकलेपं च नित्यमेव समाचर

yadi rājyaṃ tvayā prārthyaṃ mārjayeśāṃ gaṇaṃ nṛpa | gomayodakalepaṃ ca nityameva samācara

Sanskrit only: no published translation is held for this verse.

एतावता भूमिराज्यं ध्रुवं तव भविष्यति । यावदायुश्च ते राज्यमंते शिवपदं भवेत्

etāvatā bhūmirājyaṃ dhruvaṃ tava bhaviṣyati | yāvadāyuśca te rājyamaṃte śivapadaṃ bhavet

Sanskrit only: no published translation is held for this verse.

नैतस्मिंस्तु भवेद्राज्यसंसिद्धिरनुमृत्युतः । अतो देहांतरं प्राप्य शिवसेवाप्रभावतः

naitasmiṃstu bhavedrājyasaṃsiddhiranumṛtyutaḥ | ato dehāṃtaraṃ prāpya śivasevāprabhāvataḥ

Sanskrit only: no published translation is held for this verse.

भविष्यति च ते राज्यं शिवभक्तिः स्थिरा तथा । शंभुरुवाच- अथ कृत्वा तथा पूजां मृतः स्वर्गं गतस्ततः

bhaviṣyati ca te rājyaṃ śivabhaktiḥ sthirā tathā | śaṃbhuruvāca- atha kṛtvā tathā pūjāṃ mṛtaḥ svargaṃ gatastataḥ

Sanskrit only: no published translation is held for this verse.

राजजन्मपुनः प्राप्य राज्यं चक्रे शिवेरतः । कदाचिदथ देवस्य गृहमभ्यगमन्नृपः

rājajanmapunaḥ prāpya rājyaṃ cakre śiverataḥ | kadācidatha devasya gṛhamabhyagamannṛpaḥ

Sanskrit only: no published translation is held for this verse.

नानादीपसमोपेतं मणिभिर्नागराडिव । भटानामथ संमर्द एको दीपो पतन्नृपे

nānādīpasamopetaṃ maṇibhirnāgarāḍiva | bhaṭānāmatha saṃmarda eko dīpo patannṛpe

Sanskrit only: no published translation is held for this verse.

तदासौ कुपितो राजा दीपमादाय सत्वरम् । देवालयपुरे रम्ये न्यक्षिपत्कोपसंयुतः

tadāsau kupito rājā dīpamādāya satvaram | devālayapure ramye nyakṣipatkopasaṃyutaḥ

Sanskrit only: no published translation is held for this verse.

दग्धं देवगृहं तेन एनश्च समपद्यत । अथ तेन पुनस्तत्र दग्धं वेश्मगृहादिकम्

dagdhaṃ devagṛhaṃ tena enaśca samapadyata | atha tena punastatra dagdhaṃ veśmagṛhādikam

Sanskrit only: no published translation is held for this verse.

निर्मापयामास नृपो महेशानमथायजत् । अथ मृत्युदिने प्राप्ते राजाराधितशंकरः

nirmāpayāmāsa nṛpo maheśānamathāyajat | atha mṛtyudine prāpte rājārādhitaśaṃkaraḥ

Sanskrit only: no published translation is held for this verse.

भस्मस्नायी भस्मशायी जपन्रुद्रं ममार ह । शिवलोकं गतः सोयं वीरभद्रेण भाषितः

bhasmasnāyī bhasmaśāyī japanrudraṃ mamāra ha | śivalokaṃ gataḥ soyaṃ vīrabhadreṇa bhāṣitaḥ

Sanskrit only: no published translation is held for this verse.

भव त्वं गणशार्दूलो ममवै परिचारकः । शाङ्करान्मम निर्देशादानयस्व ममांतिकम्

bhava tvaṃ gaṇaśārdūlo mamavai paricārakaḥ | śāṅkarānmama nirdeśādānayasva mamāṃtikam

Sanskrit only: no published translation is held for this verse.

शिरोहीनो भवांश्चापि ज्वालावक्त्रो भविष्यति । सतूवाच महात्मानं वीरभद्रं गणेश्वरम्

śirohīno bhavāṃścāpi jvālāvaktro bhaviṣyati | satūvāca mahātmānaṃ vīrabhadraṃ gaṇeśvaram

Sanskrit only: no published translation is held for this verse.

चक्षुः श्रोत्रं तथा जिह्वा नासिकास्यं शिरोगणः । एतैर्विना व्यवहृतिः कथं मे संभविष्यति

cakṣuḥ śrotraṃ tathā jihvā nāsikāsyaṃ śirogaṇaḥ | etairvinā vyavahṛtiḥ kathaṃ me saṃbhaviṣyati

Sanskrit only: no published translation is held for this verse.

अभावे शिरसः किं वा मया पापं कृतं विभो । वीरभद्र उवाच- त्वयैव स्वीकृता पूर्वं देवी परमसुंदरी

abhāve śirasaḥ kiṃ vā mayā pāpaṃ kṛtaṃ vibho | vīrabhadra uvāca- tvayaiva svīkṛtā pūrvaṃ devī paramasuṃdarī

Sanskrit only: no published translation is held for this verse.

महेशभवनं नित्यं चार्तुवर्णकरंगकैः । स्वस्तिकं सर्वतोभद्रं नंद्यावर्तादिकं शुभम्

maheśabhavanaṃ nityaṃ cārtuvarṇakaraṃgakaiḥ | svastikaṃ sarvatobhadraṃ naṃdyāvartādikaṃ śubham

Sanskrit only: no published translation is held for this verse.

पद्ममुत्पलमांदोल पादो व्यजन चामरे । त्रिशूलं शंखचक्रे च गदाधनुरथैव च

padmamutpalamāṃdola pādo vyajana cāmare | triśūlaṃ śaṃkhacakre ca gadādhanurathaiva ca

Sanskrit only: no published translation is held for this verse.

त्रिशूलं डमरुंखड्गं वृषं भृंगिरिटिं शिवम् । तथाष्टपत्रं कमलमन्यद्यंत्रादिकं तथा

triśūlaṃ ḍamaruṃkhaḍgaṃ vṛṣaṃ bhṛṃgiriṭiṃ śivam | tathāṣṭapatraṃ kamalamanyadyaṃtrādikaṃ tathā

Sanskrit only: no published translation is held for this verse.

कल्पयंती प्रतिदिनं सेवते वृषभध्वजम् । कदाचिदथ सा वेश्या देवसद्मन्युपस्थिता

kalpayaṃtī pratidinaṃ sevate vṛṣabhadhvajam | kadācidatha sā veśyā devasadmanyupasthitā

Sanskrit only: no published translation is held for this verse.

राज्ञः कारांकिकः कश्चिद्देववेश्म समाविशत् । अथ तां दृष्टवांस्तत्र स इदं वाक्यमुक्तवान्

rājñaḥ kārāṃkikaḥ kaściddevaveśma samāviśat | atha tāṃ dṛṣṭavāṃstatra sa idaṃ vākyamuktavān

Sanskrit only: no published translation is held for this verse.

काराङ्किक उवाच- एकांतसंस्थिता वेश्या युवाहं स्थविरश्च न । स्थविरं व्याधितं षंढमशक्तं धनवर्जितम्

kārāṅkika uvāca- ekāṃtasaṃsthitā veśyā yuvāhaṃ sthaviraśca na | sthaviraṃ vyādhitaṃ ṣaṃḍhamaśaktaṃ dhanavarjitam

Sanskrit only: no published translation is held for this verse.

अदीर्घमेहनं दीनं पुरुषं योषिदुत्सृजेत् । अश्मश्रुलं मलच्छन्नं जडं दुर्गंधिदूषितम्

adīrghamehanaṃ dīnaṃ puruṣaṃ yoṣidutsṛjet | aśmaśrulaṃ malacchannaṃ jaḍaṃ durgaṃdhidūṣitam

Sanskrit only: no published translation is held for this verse.

स्वल्पमव्यसनं नारी दूरतः परिवर्ज्जयेत् । तस्मान्मे दीयतां वेश्ये मैथुनं जीवयाशु माम्

svalpamavyasanaṃ nārī dūrataḥ parivarjjayet | tasmānme dīyatāṃ veśye maithunaṃ jīvayāśu mām

Sanskrit only: no published translation is held for this verse.

वेश्योवाच- नियतः सर्वजातीनामिहामुत्र सुखप्रदः । पातिव्रत्यं परो धर्म्मः स्त्रीणामिति हि शुश्रुम

veśyovāca- niyataḥ sarvajātīnāmihāmutra sukhapradaḥ | pātivratyaṃ paro dharmmaḥ strīṇāmiti hi śuśruma

Sanskrit only: no published translation is held for this verse.

यदधीना यदा वेश्या तदा नान्येन संगता । पतिव्रतेति विख्याता तस्मात्तं परिपालयेत्

yadadhīnā yadā veśyā tadā nānyena saṃgatā | pativrateti vikhyātā tasmāttaṃ paripālayet

Sanskrit only: no published translation is held for this verse.

कारांकिक उवाच- यदि चैवं मृतिः शीघ्रं भविष्यति न संशयः । अथ राजांतिकं गत्वा राजानमिदमुक्तवान्

kārāṃkika uvāca- yadi caivaṃ mṛtiḥ śīghraṃ bhaviṣyati na saṃśayaḥ | atha rājāṃtikaṃ gatvā rājānamidamuktavān

Sanskrit only: no published translation is held for this verse.

वेश्या वेश्यैव नो भार्या नेति वक्तुं च नोचितम् । इत्थं राजानमुक्त्वाथ मंडं चैवारनालजम्

veśyā veśyaiva no bhāryā neti vaktuṃ ca nocitam | itthaṃ rājānamuktvātha maṃḍaṃ caivāranālajam

Sanskrit only: no published translation is held for this verse.

किंचिदादाय तस्यास्तु मंदिरं गतवानयम् । निद्रावसरमालोक्य प्रसृज्यच करं ततः

kiṃcidādāya tasyāstu maṃdiraṃ gatavānayam | nidrāvasaramālokya prasṛjyaca karaṃ tataḥ

Sanskrit only: no published translation is held for this verse.

वस्त्रस्य विवरे तत्र मंडं चिक्षेप दुष्टधीः । एवं कृत्वा ततो गत्वा राजानमिदमुक्तवान्

vastrasya vivare tatra maṃḍaṃ cikṣepa duṣṭadhīḥ | evaṃ kṛtvā tato gatvā rājānamidamuktavān

Sanskrit only: no published translation is held for this verse.

राजन्निर्गत्य गत्वाथ वेश्याग्र्यां तव योषितः । उत्थापयित्वा वेश्यां तां सर्वांगं द्रष्टुमर्हसि

rājannirgatya gatvātha veśyāgryāṃ tava yoṣitaḥ | utthāpayitvā veśyāṃ tāṃ sarvāṃgaṃ draṣṭumarhasi

Sanskrit only: no published translation is held for this verse.

उन्मुक्तबंधमथवा वसनं पश्य यत्नतः । वेश्यावेश्माथगतवान्राजा कारांकिकं वचः

unmuktabaṃdhamathavā vasanaṃ paśya yatnataḥ | veśyāveśmāthagatavānrājā kārāṃkikaṃ vacaḥ

Sanskrit only: no published translation is held for this verse.

इदमाह सनिद्रेयं पश्येमां यामि पश्यसि । स तूवाच नृपं तत्र न मे युक्तमिदं नृप

idamāha sanidreyaṃ paśyemāṃ yāmi paśyasi | sa tūvāca nṛpaṃ tatra na me yuktamidaṃ nṛpa

Sanskrit only: no published translation is held for this verse.

तन्मातरं वा पितरं दर्शनाय नियोजय । तद्दृष्टौ सर्वमेवेदं व्यक्तमाशु भविष्यति

tanmātaraṃ vā pitaraṃ darśanāya niyojaya | taddṛṣṭau sarvamevedaṃ vyaktamāśu bhaviṣyati

Sanskrit only: no published translation is held for this verse.

आनीता ह्यथ राज्ञा तु माता वीक्षितुमुद्यता । वचनात्तु नृपस्यैव वस्त्रं शोधयतीव सा

ānītā hyatha rājñā tu mātā vīkṣitumudyatā | vacanāttu nṛpasyaiva vastraṃ śodhayatīva sā

Sanskrit only: no published translation is held for this verse.

तत्रस्थितं मंडमथ विज्ञायांबा ह्यमर्दयत् । मर्दनाद्वसनं क्लिन्नं किं तदित्याह पार्थिवः

tatrasthitaṃ maṃḍamatha vijñāyāṃbā hyamardayat | mardanādvasanaṃ klinnaṃ kiṃ tadityāha pārthivaḥ

Sanskrit only: no published translation is held for this verse.

न किंचिद्देव नो किंचिदिति वेश्याप्रसूरपि । बहुवाक्येन राजाथ वसनं वीक्ष्य शंकया

na kiṃciddeva no kiṃciditi veśyāprasūrapi | bahuvākyena rājātha vasanaṃ vīkṣya śaṃkayā

Sanskrit only: no published translation is held for this verse.

शुक्रक्लिन्नमिदं वासः प्राहैतत्पश्यतामिति । अथ दृष्ट्वा समीपस्थास्तथेत्यूचुर्वचो नृपम्

śukraklinnamidaṃ vāsaḥ prāhaitatpaśyatāmiti | atha dṛṣṭvā samīpasthāstathetyūcurvaco nṛpam

Sanskrit only: no published translation is held for this verse.

राजाथ स्वगृहं गत्वा दंडाध्यक्षमभाषत । इदानीमेव वेश्यायाः शिरश्छिंध्यविचारयन्

rājātha svagṛhaṃ gatvā daṃḍādhyakṣamabhāṣata | idānīmeva veśyāyāḥ śiraśchiṃdhyavicārayan

Sanskrit only: no published translation is held for this verse.

दर्शनीयं शिरस्तस्या घटिकाभ्यंतरे मम । दंडकश्च नृपोक्त्यास्यास्तथा कृत्वा ह्यदर्शयत्

darśanīyaṃ śirastasyā ghaṭikābhyaṃtare mama | daṃḍakaśca nṛpoktyāsyāstathā kṛtvā hyadarśayat

Sanskrit only: no published translation is held for this verse.

वीरभद्र उवाच- एवं कृतं त्वया पूर्वं प्राप्तं च फलमद्य ते । ज्वालयैव हि वक्ता त्वं श्रोता द्रष्टा च जिघ्रसि

vīrabhadra uvāca- evaṃ kṛtaṃ tvayā pūrvaṃ prāptaṃ ca phalamadya te | jvālayaiva hi vaktā tvaṃ śrotā draṣṭā ca jighrasi

Sanskrit only: no published translation is held for this verse.

रसं जानासि मतिमानतिक्रोधी भविष्यसि । शंभुरुवाच- एवं ज्वालामुखो जातो राजा माहेश्वरोऽक्षमी

rasaṃ jānāsi matimānatikrodhī bhaviṣyasi | śaṃbhuruvāca- evaṃ jvālāmukho jāto rājā māheśvaro'kṣamī

Sanskrit only: no published translation is held for this verse.

तस्मात्तु क्षमिणा भाव्यं परत्रेह सुखेप्सुना । य इदं शृणुयान्नित्यं पुण्याख्यानमनुत्तमम्

tasmāttu kṣamiṇā bhāvyaṃ paratreha sukhepsunā | ya idaṃ śṛṇuyānnityaṃ puṇyākhyānamanuttamam

Sanskrit only: no published translation is held for this verse.

विमुक्तपापबंधश्च शिवलोके भविष्यति

vimuktapāpabaṃdhaśca śivaloke bhaviṣyati

Sanskrit only: no published translation is held for this verse.

इति श्रीपद्मपुराणे पातालखंडे शिवराघवसंवादे शिवपूजामाहात्म्यकथनं। नाम दशोत्तरशततमोऽध्यायः

iti śrīpadmapurāṇe pātālakhaṃḍe śivarāghavasaṃvāde śivapūjāmāhātmyakathanaṃ| nāma daśottaraśatatamo'dhyāyaḥ

Sanskrit only: no published translation is held for this verse.