Padma Purāṇa 5.112

शंभुरुवाच- अथान्यदपि निर्वच्मि प्रमदाख्यानमुत्तमम् । सुतया देवरातस्य यत्प्राप्तं नामकीर्तनात्

śaṃbhuruvāca- athānyadapi nirvacmi pramadākhyānamuttamam | sutayā devarātasya yatprāptaṃ nāmakīrtanāt

Sanskrit only: no published translation is held for this verse.

देवरातसुता बाला कला नामातिरूपिणी । धनंजयसुतस्यासीद्भार्या शोणस्य धीमतः

devarātasutā bālā kalā nāmātirūpiṇī | dhanaṃjayasutasyāsīdbhāryā śoṇasya dhīmataḥ

Sanskrit only: no published translation is held for this verse.

तावुभौ नियतौ नित्यं धर्म्मैकप्रवणौ शुभौ । लब्धवंतौ निधिमथो गंगास्नानाय तौ गतौ

tāvubhau niyatau nityaṃ dharmmaikapravaṇau śubhau | labdhavaṃtau nidhimatho gaṃgāsnānāya tau gatau

Sanskrit only: no published translation is held for this verse.

प्रवाहपतिते कूले मृत्तिकानयनायतौ । कूलादादाय मृल्लोष्टं दृष्टवंतौ महाघटम्

pravāhapatite kūle mṛttikānayanāyatau | kūlādādāya mṛlloṣṭaṃ dṛṣṭavaṃtau mahāghaṭam

Sanskrit only: no published translation is held for this verse.

राजतं चोर्द्ध्वपाषाणमथ शोणः प्रियां वचः । इदमाह कथं कार्यं किं कर्तव्यं हि नो हितम्

rājataṃ corddhvapāṣāṇamatha śoṇaḥ priyāṃ vacaḥ | idamāha kathaṃ kāryaṃ kiṃ kartavyaṃ hi no hitam

Sanskrit only: no published translation is held for this verse.

भार्योवाच- न नारीमतमालंब्य किंचित्कार्यं समाचरेत् । न च नार्या चरेद्गुह्यमप्रियं वाथ किंचन

bhāryovāca- na nārīmatamālaṃbya kiṃcitkāryaṃ samācaret | na ca nāryā caredguhyamapriyaṃ vātha kiṃcana

Sanskrit only: no published translation is held for this verse.

यदि नारीसमक्षं तु द्रविणं दृष्टिमापतेत् । वंचयीत तथा नारी ईदृशैर्वाक्यसंचयैः

yadi nārīsamakṣaṃ tu draviṇaṃ dṛṣṭimāpatet | vaṃcayīta tathā nārī īdṛśairvākyasaṃcayaiḥ

Sanskrit only: no published translation is held for this verse.

अस्माभिर्न हि संप्रेक्ष्यं किं वा तत्र हि तिष्ठति । द्रविणं चेन्न संप्रेक्ष्यं बाधोदर्कं भविष्यति

asmābhirna hi saṃprekṣyaṃ kiṃ vā tatra hi tiṣṭhati | draviṇaṃ cenna saṃprekṣyaṃ bādhodarkaṃ bhaviṣyati

Sanskrit only: no published translation is held for this verse.

अन्याज्ञातं तु यदि चेत्कुतो ज्ञानविनिश्चयः । अप्रदृष्टस्त्विदानीं चेन्निभृतः कोपि तिष्ठति

anyājñātaṃ tu yadi cetkuto jñānaviniścayaḥ | apradṛṣṭastvidānīṃ cennibhṛtaḥ kopi tiṣṭhati

Sanskrit only: no published translation is held for this verse.

तिरोधानं न किंचिच्चेन्मायया कोपि तिष्ठति । न चेन्माया मनुष्याणां क्षेत्त्रपालस्तु तिष्ठति

tirodhānaṃ na kiṃciccenmāyayā kopi tiṣṭhati | na cenmāyā manuṣyāṇāṃ kṣettrapālastu tiṣṭhati

Sanskrit only: no published translation is held for this verse.

न हि चेद्भैरवश्चेह तिष्ठति ब्रह्मराक्षसः । न सोपि चेन्महाविद्या राज्ञां तत्र भविष्यति

na hi cedbhairavaśceha tiṣṭhati brahmarākṣasaḥ | na sopi cenmahāvidyā rājñāṃ tatra bhaviṣyati

Sanskrit only: no published translation is held for this verse.

न च जानाति चेद्राजा व्यवहारादिसंभवः । स चेद्गूढप्रकारेण चोरबाधा भविष्यति

na ca jānāti cedrājā vyavahārādisaṃbhavaḥ | sa cedgūḍhaprakāreṇa corabādhā bhaviṣyati

Sanskrit only: no published translation is held for this verse.

अप्रमत्तस्य भवतो महानर्थो भविष्यति । प्रायेणार्थवतां नॄणां भोगलिप्सा प्रजायते

apramattasya bhavato mahānartho bhaviṣyati | prāyeṇārthavatāṃ nṝṇāṃ bhogalipsā prajāyate

Sanskrit only: no published translation is held for this verse.

भोगाद्भोगांतरेच्छा च सर्वानुष्ठाननाशिनी । जानाति यदि नारी स्वं भावयोगगतं तथा

bhogādbhogāṃtarecchā ca sarvānuṣṭhānanāśinī | jānāti yadi nārī svaṃ bhāvayogagataṃ tathā

Sanskrit only: no published translation is held for this verse.

नारी स्वतंत्रतामेति रोषाल्लब्धप्रकाशिनी । रोषे विश्वासतां याति तदा दोषः पुरोदितः

nārī svataṃtratāmeti roṣāllabdhaprakāśinī | roṣe viśvāsatāṃ yāti tadā doṣaḥ puroditaḥ

Sanskrit only: no published translation is held for this verse.

विश्वासिनि च विश्रंभः प्रवासो वान्यचित्तता । विश्रम्भाज्जायते स्त्रीणां नानाविधविचेष्टिता

viśvāsini ca viśraṃbhaḥ pravāso vānyacittatā | viśrambhājjāyate strīṇāṃ nānāvidhaviceṣṭitā

Sanskrit only: no published translation is held for this verse.

यं कंचित्पुरुषं दृष्ट्वा युवानं प्रीतिरापतेत् । प्रीत्या संजायते योगो योगान्मैथुनसंगतिः

yaṃ kaṃcitpuruṣaṃ dṛṣṭvā yuvānaṃ prītirāpatet | prītyā saṃjāyate yogo yogānmaithunasaṃgatiḥ

Sanskrit only: no published translation is held for this verse.

सततं मैथुने जाते विश्रंभांतरमापतेत् । भवता वा तथा पूर्वं भुक्तेदानीं च भुज्यते

satataṃ maithune jāte viśraṃbhāṃtaramāpatet | bhavatā vā tathā pūrvaṃ bhuktedānīṃ ca bhujyate

Sanskrit only: no published translation is held for this verse.

का प्रतीच्छा तवेदानीं प्रीतिः कस्यामथापि वा । का विदग्धा सुसंस्निग्धा पुरुषादन्यतश्चरेत्

kā pratīcchā tavedānīṃ prītiḥ kasyāmathāpi vā | kā vidagdhā susaṃsnigdhā puruṣādanyataścaret

Sanskrit only: no published translation is held for this verse.

योब्रवीदथ वाक्यं तां यदि ब्रूयास्त्वमद्य मे । सर्वमेव तथा वच्मि नान्यथा वाक्यमुच्यते

yobravīdatha vākyaṃ tāṃ yadi brūyāstvamadya me | sarvameva tathā vacmi nānyathā vākyamucyate

Sanskrit only: no published translation is held for this verse.

इत्थं च धृष्टतां याता तथा रूपांतरेण च । द्रव्यमादाय यत्किंचिदनुवर्तेत्स्वतंत्रतः

itthaṃ ca dhṛṣṭatāṃ yātā tathā rūpāṃtareṇa ca | dravyamādāya yatkiṃcidanuvartetsvataṃtrataḥ

Sanskrit only: no published translation is held for this verse.

समारयित्वा तां द्रव्यं गृहीत्वा पातयिष्यति । अथ पूर्वं पति मृतौ प्रविशेन्नाशुशुक्षणिम्

samārayitvā tāṃ dravyaṃ gṛhītvā pātayiṣyati | atha pūrvaṃ pati mṛtau praviśennāśuśukṣaṇim

Sanskrit only: no published translation is held for this verse.

वैधव्ये द्रविणं सर्वं धर्मार्थं मे भविष्यति । इति निश्चित्य मनसा वैधव्ये समुपस्थिते

vaidhavye draviṇaṃ sarvaṃ dharmārthaṃ me bhaviṣyati | iti niścitya manasā vaidhavye samupasthite

Sanskrit only: no published translation is held for this verse.

योनिकुंडं समासाद्य दिवा वा यदि वा निशि । एकांतस्थानमभ्येत्य विवृत्य वसनं भगम्

yonikuṃḍaṃ samāsādya divā vā yadi vā niśi | ekāṃtasthānamabhyetya vivṛtya vasanaṃ bhagam

Sanskrit only: no published translation is held for this verse.

इदमूचे वचो दुःखादुपस्थस्थकरा सती । किं त्वया वै कृतं योने किंवा पापमुपाश्रिता

idamūce vaco duḥkhādupasthasthakarā satī | kiṃ tvayā vai kṛtaṃ yone kiṃvā pāpamupāśritā

Sanskrit only: no published translation is held for this verse.

शिश्नस्य वाथवा पापं यत्त्वदंतरवेशनात् । यच्च कर्तृकृतं पापं मादृक्सेवाविवर्जनात्

śiśnasya vāthavā pāpaṃ yattvadaṃtaraveśanāt | yacca kartṛkṛtaṃ pāpaṃ mādṛksevāvivarjanāt

Sanskrit only: no published translation is held for this verse.

अतोपि कंडूसंभूतौ प्रवेशयेदथांगुलीम् । विचित्रचेष्टां कृत्वा तु कंडू बुद्धेरतः परम्

atopi kaṃḍūsaṃbhūtau praveśayedathāṃgulīm | vicitraceṣṭāṃ kṛtvā tu kaṃḍū buddherataḥ param

Sanskrit only: no published translation is held for this verse.

मर्दयित्वा कराभ्यां तत्संताड्य च विवृत्य तु । असकृद्धुन्वती पादौ विवृतास्यातिदुःखिता

mardayitvā karābhyāṃ tatsaṃtāḍya ca vivṛtya tu | asakṛddhunvatī pādau vivṛtāsyātiduḥkhitā

Sanskrit only: no published translation is held for this verse.

खट्वा काष्ठमथालिंग्य स्तनपीडं यथाप्रियम् । अथो विचित्रचित्तत्वे ततः प्रद्युष्टती भवेत्

khaṭvā kāṣṭhamathāliṃgya stanapīḍaṃ yathāpriyam | atho vicitracittatve tataḥ pradyuṣṭatī bhavet

Sanskrit only: no published translation is held for this verse.

अथवाह्नि पुरे स्थित्वा शाकं व्यवहृतं च यत् । आलंब्य वेश्मनि निशि संध्यायां विशिखासु च

athavāhni pure sthitvā śākaṃ vyavahṛtaṃ ca yat | ālaṃbya veśmani niśi saṃdhyāyāṃ viśikhāsu ca

Sanskrit only: no published translation is held for this verse.

कृत्वान्यवेषमात्मानं यैः कैरप्युपभुज्यते । अथ वाच्यप्रभावेण शंकिता योग्यमाहरेत्

kṛtvānyaveṣamātmānaṃ yaiḥ kairapyupabhujyate | atha vācyaprabhāveṇa śaṃkitā yogyamāharet

Sanskrit only: no published translation is held for this verse.

अज्ञातं च गृहं गत्वा रमयेदेव निश्चितम् । नारीसमक्षं लब्धे तु द्रविणे ह्येतदिष्यते

ajñātaṃ ca gṛhaṃ gatvā ramayedeva niścitam | nārīsamakṣaṃ labdhe tu draviṇe hyetadiṣyate

Sanskrit only: no published translation is held for this verse.

तस्मान्मयापि भवतो न विचारप्रयोजनम् । शोण उवाच- एवमेतन्न संदेहो गच्छ त्वं तिष्ठ दूरतः

tasmānmayāpi bhavato na vicāraprayojanam | śoṇa uvāca- evametanna saṃdeho gaccha tvaṃ tiṣṭha dūrataḥ

Sanskrit only: no published translation is held for this verse.

मलमूत्रविसर्गार्थं स्थित्वा गच्छाम्यतः परम् । तस्यां गतायां शोणोपि वस्त्रखंडं त्वकल्पयत्

malamūtravisargārthaṃ sthitvā gacchāmyataḥ param | tasyāṃ gatāyāṃ śoṇopi vastrakhaṃḍaṃ tvakalpayat

Sanskrit only: no published translation is held for this verse.

एकैकस्मिंस्ततः खंडे त्वग्रहीद्द्रविणं बहु । सैकते त्ववरं जानुदघ्नं कृत्वा ततस्ततः

ekaikasmiṃstataḥ khaṃḍe tvagrahīddraviṇaṃ bahu | saikate tvavaraṃ jānudaghnaṃ kṛtvā tatastataḥ

Sanskrit only: no published translation is held for this verse.

क्षिप्त्वा धनं पूरयित्वा विष्ठां चक्रे ततोपरि । वस्त्राधारं घटं तं च प्रतिचिक्षेप कुत्रचित्

kṣiptvā dhanaṃ pūrayitvā viṣṭhāṃ cakre tatopari | vastrādhāraṃ ghaṭaṃ taṃ ca praticikṣepa kutracit

Sanskrit only: no published translation is held for this verse.

सर्वमज्ञातवत्कृत्वा स्नानाय प्रययौ मुनिः । तस्य भार्या ततः स्नानं कृत्वा संपूज्य पार्वतीम्

sarvamajñātavatkṛtvā snānāya prayayau muniḥ | tasya bhāryā tataḥ snānaṃ kṛtvā saṃpūjya pārvatīm

Sanskrit only: no published translation is held for this verse.

गच्छेति भर्त्रा सा प्रोक्ता स्ववेश्माभ्यागमत्सती । एतामेकाकिनीं ज्ञात्वा मारीचो नाम राक्षसः

gaccheti bhartrā sā proktā svaveśmābhyāgamatsatī | etāmekākinīṃ jñātvā mārīco nāma rākṣasaḥ

Sanskrit only: no published translation is held for this verse.

भर्तृरूपमथास्थाय कलामेतदुवाच ह । मारीच उवाच- सप्तगोदावरीतीरे पवित्रं पापनाशनम्

bhartṛrūpamathāsthāya kalāmetaduvāca ha | mārīca uvāca- saptagodāvarītīre pavitraṃ pāpanāśanam

Sanskrit only: no published translation is held for this verse.

द्राक्षाराममिति प्रोक्तं यत्र भीमः स्वयं स्थितः । भुक्तिमुक्तिप्रदो नॄणां स्मरणात्पापनाशनः

drākṣārāmamiti proktaṃ yatra bhīmaḥ svayaṃ sthitaḥ | bhuktimuktiprado nṝṇāṃ smaraṇātpāpanāśanaḥ

Sanskrit only: no published translation is held for this verse.

तत्र गच्छावहे शीघ्रं त्वं तु निर्गच्छ सुंदरि । कलोवाच- इदानीमभिषेकाय प्रवृत्तो नाभिषिक्तवान्

tatra gacchāvahe śīghraṃ tvaṃ tu nirgaccha suṃdari | kalovāca- idānīmabhiṣekāya pravṛtto nābhiṣiktavān

Sanskrit only: no published translation is held for this verse.

कथमेतादृशं त्वं हि पूर्वानुक्तं वदिष्यसि । प्रकृतेरन्यथाभावमुत्पातं विदुरुत्तमाः

kathametādṛśaṃ tvaṃ hi pūrvānuktaṃ vadiṣyasi | prakṛteranyathābhāvamutpātaṃ viduruttamāḥ

Sanskrit only: no published translation is held for this verse.

मारीच उवाच- भर्तुरप्रतिकूलत्वं नारीणां धर्म उच्यते । प्रतिकूलानुकूला वा मम शीघ्रं वदस्व तत्

mārīca uvāca- bharturapratikūlatvaṃ nārīṇāṃ dharma ucyate | pratikūlānukūlā vā mama śīghraṃ vadasva tat

Sanskrit only: no published translation is held for this verse.

तूष्णींभूत्वाथ सा साध्वी भर्तेत्येव विचार्य तम् । निर्ययौ तेन सा बाला वनमध्ये गता सती

tūṣṇīṃbhūtvātha sā sādhvī bhartetyeva vicārya tam | niryayau tena sā bālā vanamadhye gatā satī

Sanskrit only: no published translation is held for this verse.

अथ मध्याह्नकालोसौ क्रियतामाह्निकक्रियाः । राक्षसोथ वचः श्रुत्वा नानुष्ठानस्थलं त्विह

atha madhyāhnakālosau kriyatāmāhnikakriyāḥ | rākṣasotha vacaḥ śrutvā nānuṣṭhānasthalaṃ tviha

Sanskrit only: no published translation is held for this verse.

यत्र तत्रास्ति गंतव्यमितो गच्छावहे ततः । किंचित्प्रदेशं गत्वा तु गुहां वीक्ष्य सरस्तथा

yatra tatrāsti gaṃtavyamito gacchāvahe tataḥ | kiṃcitpradeśaṃ gatvā tu guhāṃ vīkṣya sarastathā

Sanskrit only: no published translation is held for this verse.

इह स्थानं हि मे स्थातुं कार्यं स्नानमथ प्रिये । इत्युक्त्वा सरसि स्नात्वा फलाहारं प्रकल्प्य च

iha sthānaṃ hi me sthātuṃ kāryaṃ snānamatha priye | ityuktvā sarasi snātvā phalāhāraṃ prakalpya ca

Sanskrit only: no published translation is held for this verse.

भोजनावसरे प्राप्ते कला दध्यावुमां शिवम् । अयं धवो मम न वा इति ध्यानपराभवत्

bhojanāvasare prāpte kalā dadhyāvumāṃ śivam | ayaṃ dhavo mama na vā iti dhyānaparābhavat

Sanskrit only: no published translation is held for this verse.

अथ ध्यानेन तं चोरं निश्चित्य च पतिव्रता । भीतातिनम्रवदना अश्रुपूर्णमुखी तदा

atha dhyānena taṃ coraṃ niścitya ca pativratā | bhītātinamravadanā aśrupūrṇamukhī tadā

Sanskrit only: no published translation is held for this verse.

कष्टमापतितं पापमित्युक्त्वा निपापत च । रुदतीं तामथो दृष्ट्वा राक्षसः पापनिश्चयः

kaṣṭamāpatitaṃ pāpamityuktvā nipāpata ca | rudatīṃ tāmatho dṛṣṭvā rākṣasaḥ pāpaniścayaḥ

Sanskrit only: no published translation is held for this verse.

धर्षितुं तामथारेभे न चैतद्धर्षणं प्रति । बलात्कारमथो कर्तुं यतमाने तु राक्षसे

dharṣituṃ tāmathārebhe na caitaddharṣaṇaṃ prati | balātkāramatho kartuṃ yatamāne tu rākṣase

Sanskrit only: no published translation is held for this verse.

आजानुनाभिपर्यंतं शैलस्थानमकल्पयत् । शिला समभवद्वस्त्रं राक्षसो वीक्ष्य तामथ

ājānunābhiparyaṃtaṃ śailasthānamakalpayat | śilā samabhavadvastraṃ rākṣaso vīkṣya tāmatha

Sanskrit only: no published translation is held for this verse.

इत्येवं तां हनिष्यामि खादयिष्याम्यतः परम् । इत्युक्त्वा भ्रामयित्वासिं शिरश्छेत्तुं प्रचक्रमे

ityevaṃ tāṃ haniṣyāmi khādayiṣyāmyataḥ param | ityuktvā bhrāmayitvāsiṃ śiraśchettuṃ pracakrame

Sanskrit only: no published translation is held for this verse.

कलाहं मत्पतिर्ज्ञात्वा शापं दास्यति मा हर । इत्युक्तमात्रे वचसि शिरश्चिच्छेद राक्षसः

kalāhaṃ matpatirjñātvā śāpaṃ dāsyati mā hara | ityuktamātre vacasi śiraściccheda rākṣasaḥ

Sanskrit only: no published translation is held for this verse.

प्राप्ता यां दुर्मृतिं तस्यामथ शैवाः समागताः । दूता विचित्राभरणाः सर्वायुधधराः शुभाः

prāptā yāṃ durmṛtiṃ tasyāmatha śaivāḥ samāgatāḥ | dūtā vicitrābharaṇāḥ sarvāyudhadharāḥ śubhāḥ

Sanskrit only: no published translation is held for this verse.

एतां विमानमारोप्य शिवालोकमुपागमन् । तामागतां गिरिसुता हर्षेण प्रतिपूज्य च

etāṃ vimānamāropya śivālokamupāgaman | tāmāgatāṃ girisutā harṣeṇa pratipūjya ca

Sanskrit only: no published translation is held for this verse.

स्वपादप्रणतां शुद्धामुमा वाक्यमभाषत । पातिव्रत्येन ते तुष्टा अभीष्टं प्रददामि ते

svapādapraṇatāṃ śuddhāmumā vākyamabhāṣata | pātivratyena te tuṣṭā abhīṣṭaṃ pradadāmi te

Sanskrit only: no published translation is held for this verse.

कलोवाच- दासीभावं प्रयच्छ त्वं त्वत्पादाब्जं मम प्रियम् । प्रार्थ्यैःकिमन्यैर्बहुभिस्तथास्त्विति शिवाब्रवीत्

kalovāca- dāsībhāvaṃ prayaccha tvaṃ tvatpādābjaṃ mama priyam | prārthyaiḥkimanyairbahubhistathāstviti śivābravīt

Sanskrit only: no published translation is held for this verse.

इंद्रादिवनिताभिः सा पूजिताथ कलानिधिः । एतस्मिन्नंतरे प्राप्तः शोणो मुनिरथो गृहम्

iṃdrādivanitābhiḥ sā pūjitātha kalānidhiḥ | etasminnaṃtare prāptaḥ śoṇo muniratho gṛham

Sanskrit only: no published translation is held for this verse.

न तत्र दृष्ट्वा तां भार्यां ध्यानयोगपरोभवत् । रक्षोहृतां मृतां प्राप्तां शिवालोकमुमां प्रति

na tatra dṛṣṭvā tāṃ bhāryāṃ dhyānayogaparobhavat | rakṣohṛtāṃ mṛtāṃ prāptāṃ śivālokamumāṃ prati

Sanskrit only: no published translation is held for this verse.

उमादत्तवरां चापि दृष्टवाञ्ज्ञानचक्षुषा । किंचिद्दुःखश्चिरं ध्यात्वा परावृत्य मुनिस्तदा

umādattavarāṃ cāpi dṛṣṭavāñjñānacakṣuṣā | kiṃcidduḥkhaściraṃ dhyātvā parāvṛtya munistadā

Sanskrit only: no published translation is held for this verse.

श्वशुरं गतवान्सोऽथ देवरातं मुनीश्वरः । निवेद्य सर्वं सहितो विश्वामित्रमगान्मुनिम्

śvaśuraṃ gatavānso'tha devarātaṃ munīśvaraḥ | nivedya sarvaṃ sahito viśvāmitramagānmunim

Sanskrit only: no published translation is held for this verse.

निवेद्य तद्वसिष्ठस्य वसिष्ठोऽप्याह तान्मुनीन् । गत्वा कैलासमादौ तु दृष्ट्वा देवं महेश्वरम्

nivedya tadvasiṣṭhasya vasiṣṭho'pyāha tānmunīn | gatvā kailāsamādau tu dṛṣṭvā devaṃ maheśvaram

Sanskrit only: no published translation is held for this verse.

अनुज्ञां शिवतो लब्ध्वा पार्वतीमंदिरे गताः । देव्यै विज्ञाप्य तत्सर्वं यथार्थं प्रवदामतत्

anujñāṃ śivato labdhvā pārvatīmaṃdire gatāḥ | devyai vijñāpya tatsarvaṃ yathārthaṃ pravadāmatat

Sanskrit only: no published translation is held for this verse.

तथेत्युक्त्वा मुनिवराः कैलासं शंकरालयम् । गत्वा प्रणम्य देवेशं वीरभद्रेण पूजिताः

tathetyuktvā munivarāḥ kailāsaṃ śaṃkarālayam | gatvā praṇamya deveśaṃ vīrabhadreṇa pūjitāḥ

Sanskrit only: no published translation is held for this verse.

विज्ञापयामासुरिदं शोणभार्य्याहृतेति च । शिवः प्राह मुनींद्रास्तांञ्ज्ञातमेव मया त्विदम्

vijñāpayāmāsuridaṃ śoṇabhāryyāhṛteti ca | śivaḥ prāha munīṃdrāstāṃñjñātameva mayā tvidam

Sanskrit only: no published translation is held for this verse.

अकालमरणं त्वस्या आयुर्वर्षशतं स्थितम् । अकालमृत्युयुक्तानां पुनर्ज्जीवनमस्ति च

akālamaraṇaṃ tvasyā āyurvarṣaśataṃ sthitam | akālamṛtyuyuktānāṃ punarjjīvanamasti ca

Sanskrit only: no published translation is held for this verse.

दशपुत्रप्रसूर्वीरा रूपसौभाग्यवत्यपि । भवद्भिरिति निश्चित्य समागतमिह द्विजाः

daśaputraprasūrvīrā rūpasaubhāgyavatyapi | bhavadbhiriti niścitya samāgatamiha dvijāḥ

Sanskrit only: no published translation is held for this verse.

यमलोकगतानां तु सर्वमेतद्विनिश्चितम् । ममलोकगतानां च गतिरन्या न विद्यते

yamalokagatānāṃ tu sarvametadviniścitam | mamalokagatānāṃ ca gatiranyā na vidyate

Sanskrit only: no published translation is held for this verse.

अनया कीर्तितं नाम प्राणनिर्गमने पुरा । तया यमलिपिर्मृष्टा कथमायुष्यनिर्णयः

anayā kīrtitaṃ nāma prāṇanirgamane purā | tayā yamalipirmṛṣṭā kathamāyuṣyanirṇayaḥ

Sanskrit only: no published translation is held for this verse.

अथवा गिरिजायै च निवेदयत कृत्स्नशः । अथ ते पार्वतीपाददर्शनाय गता द्विजाः

athavā girijāyai ca nivedayata kṛtsnaśaḥ | atha te pārvatīpādadarśanāya gatā dvijāḥ

Sanskrit only: no published translation is held for this verse.

प्रणम्य मातरं सर्वे विश्वामित्रोऽब्रवीदिदम् । दीनानाथाकृशा भार्या प्रणष्टपितृकाञ्छिशून्

praṇamya mātaraṃ sarve viśvāmitro'bravīdidam | dīnānāthākṛśā bhāryā praṇaṣṭapitṛkāñchiśūn

Sanskrit only: no published translation is held for this verse.

रक्षयित्वा पुरा मातरिष्टदा त्वं सदा ह्यभूः । कला पौत्री ममैवेयं त्वामाराध्य पतिं त्वमुम्

rakṣayitvā purā mātariṣṭadā tvaṃ sadā hyabhūḥ | kalā pautrī mamaiveyaṃ tvāmārādhya patiṃ tvamum

Sanskrit only: no published translation is held for this verse.

शोणं लब्धवती मातस्त्वत्पूजायाः फलं त्विदम् । तपसा लभ्यते पर्णे दानेन यदि वापि च

śoṇaṃ labdhavatī mātastvatpūjāyāḥ phalaṃ tvidam | tapasā labhyate parṇe dānena yadi vāpi ca

Sanskrit only: no published translation is held for this verse.

व्रतोपवासैरथवा कला सा लभ्यते मया । एतया परिविष्टान्नं भोक्तुमिच्छामि तत्कथम्

vratopavāsairathavā kalā sā labhyate mayā | etayā pariviṣṭānnaṃ bhoktumicchāmi tatkatham

Sanskrit only: no published translation is held for this verse.

पार्वत्युवाच- यादृशी चेष्यते भार्य्या तादृशी दीयते मया । नैनां त्यक्तुमहं शक्ता किं वा त्वं मन्यसे मुने

pārvatyuvāca- yādṛśī ceṣyate bhāryyā tādṛśī dīyate mayā | naināṃ tyaktumahaṃ śaktā kiṃ vā tvaṃ manyase mune

Sanskrit only: no published translation is held for this verse.

विश्वामित्र उवाच- माता त्वमित्येव मया अविशंकितमीरितम् । शोणो मुनिरयं मातस्तव विज्ञापयिष्यति

viśvāmitra uvāca- mātā tvamityeva mayā aviśaṃkitamīritam | śoṇo munirayaṃ mātastava vijñāpayiṣyati

Sanskrit only: no published translation is held for this verse.

शोण उवाच- तामेव भार्य्यां प्रतिमे प्रीतिरत्युक्तत्कटाति । सैव मे दीयतां भार्य्या चान्यथा मरणं भवेत्

śoṇa uvāca- tāmeva bhāryyāṃ pratime prītiratyuktatkaṭāti | saiva me dīyatāṃ bhāryyā cānyathā maraṇaṃ bhavet

Sanskrit only: no published translation is held for this verse.

पार्वत्युवाच- भार्या पतीसमावेव विषमौ तु विगर्हितौ । तव चासदृशी चेयं सदृशीं प्रददाम्यहम्

pārvatyuvāca- bhāryā patīsamāveva viṣamau tu vigarhitau | tava cāsadṛśī ceyaṃ sadṛśīṃ pradadāmyaham

Sanskrit only: no published translation is held for this verse.

न च मन्मंदिरे प्राप्तां त्यक्ष्ये देहविवर्ज्जिताम् । शोण उवाच- यदि नो दीयते चेयं भार्य्यामन्यां मम प्रियाम्

na ca manmaṃdire prāptāṃ tyakṣye dehavivarjjitām | śoṇa uvāca- yadi no dīyate ceyaṃ bhāryyāmanyāṃ mama priyām

Sanskrit only: no published translation is held for this verse.

राज्यं महेश्वरे भक्तिं प्रयच्छ वरमुत्तमम् । भविष्यत्येव मे वैतदित्युक्त्वा चाब्रवीन्मुनीन्

rājyaṃ maheśvare bhaktiṃ prayaccha varamuttamam | bhaviṣyatyeva me vaitadityuktvā cābravīnmunīn

Sanskrit only: no published translation is held for this verse.

भोक्तव्यमिह युष्माभिर्ममास्मिन्दिवसत्रयम् । प्रतींदुवारे देवस्य महेशस्यैव तुष्टये

bhoktavyamiha yuṣmābhirmamāsmindivasatrayam | pratīṃduvāre devasya maheśasyaiva tuṣṭaye

Sanskrit only: no published translation is held for this verse.

भोजनीयाः सदा कालमष्टौ विप्रा मुनीश्वराः । इच्छया यत्र कुत्रापि व्रतमेतदुपक्रमेत्

bhojanīyāḥ sadā kālamaṣṭau viprā munīśvarāḥ | icchayā yatra kutrāpi vratametadupakramet

Sanskrit only: no published translation is held for this verse.

वत्सरे परिपूर्णे तु महाराज तमीश्वरम् । चतुर्निष्कप्रमाणेन तदर्द्धेनैव कारयेत्

vatsare paripūrṇe tu mahārāja tamīśvaram | caturniṣkapramāṇena tadarddhenaiva kārayet

Sanskrit only: no published translation is held for this verse.

श्वेतवस्त्रयुगं सूक्ष्मं चामरे व्यजने तथा । पादुकोपानहं च्छत्रं सर्वं विप्रे नियोजयेत्

śvetavastrayugaṃ sūkṣmaṃ cāmare vyajane tathā | pādukopānahaṃ cchatraṃ sarvaṃ vipre niyojayet

Sanskrit only: no published translation is held for this verse.

स्वशक्त्या दक्षिणां दत्वा ब्राह्मणांश्च विसर्जयेत् । एतदुद्यापने कुर्यादादौ मध्ये तथा सुधीः

svaśaktyā dakṣiṇāṃ datvā brāhmaṇāṃśca visarjayet | etadudyāpane kuryādādau madhye tathā sudhīḥ

Sanskrit only: no published translation is held for this verse.

दिनेदिने तथा पूजा सोमस्य परमात्मनः

dinedine tathā pūjā somasya paramātmanaḥ

Sanskrit only: no published translation is held for this verse.

तत्पुरुषस्य विद्महे महादेवस्य धीमहि । तन्नो रुद्र प्रःचोदयात्

tatpuruṣasya vidmahe mahādevasya dhīmahi | tanno rudra praḥcodayāt

Sanskrit only: no published translation is held for this verse.

इति पूजामंत्रः । स्थंडिले पूजयेद्देवं प्रतिमायामथापि वा । एकभक्तं स्वयं कुर्याद्ब्रह्मचर्यसमन्वितम्

iti pūjāmaṃtraḥ | sthaṃḍile pūjayeddevaṃ pratimāyāmathāpi vā | ekabhaktaṃ svayaṃ kuryādbrahmacaryasamanvitam

Sanskrit only: no published translation is held for this verse.

एतत्सोमव्रतं प्रोक्तं शिवतुष्टिप्रदं शुभम् । य एवं कुरुते भक्त्या नारी वा पुरुषोपि वा

etatsomavrataṃ proktaṃ śivatuṣṭipradaṃ śubham | ya evaṃ kurute bhaktyā nārī vā puruṣopi vā

Sanskrit only: no published translation is held for this verse.

छायेव शंकरस्यासौ नित्यमेवानुवर्तते । अद्य सोमदिनं प्राप्तं मध्याह्नात्परतो भुजिः

chāyeva śaṃkarasyāsau nityamevānuvartate | adya somadinaṃ prāptaṃ madhyāhnātparato bhujiḥ

Sanskrit only: no published translation is held for this verse.

यूयं च सर्वे मुनयः कृतपौर्वाह्णिकक्रियाः । माध्याह्निकीं क्रिंयां कृत्वा भोक्तुमर्हथ सत्तमाः

yūyaṃ ca sarve munayaḥ kṛtapaurvāhṇikakriyāḥ | mādhyāhnikīṃ kriṃyāṃ kṛtvā bhoktumarhatha sattamāḥ

Sanskrit only: no published translation is held for this verse.

मातुर्वचनमाकर्ण्य तथेत्युक्त्वा नमस्य च । अनुष्ठानाय ते सर्वे गता भागीरथीं नदीम्

māturvacanamākarṇya tathetyuktvā namasya ca | anuṣṭhānāya te sarve gatā bhāgīrathīṃ nadīm

Sanskrit only: no published translation is held for this verse.

संगमे मध्यतो वृत्ते कृत्वा माध्याह्निकीं क्रियाम् । विश्वेशपूजां कृत्वा च षोडशैरुपचारकैः

saṃgame madhyato vṛtte kṛtvā mādhyāhnikīṃ kriyām | viśveśapūjāṃ kṛtvā ca ṣoḍaśairupacārakaiḥ

Sanskrit only: no published translation is held for this verse.

अथ ते पार्वतीगेहं गत्वा देवीं प्रणम्य च । लोकमातुर्नियोगेन शालंकायनकात्मजः

atha te pārvatīgehaṃ gatvā devīṃ praṇamya ca | lokamāturniyogena śālaṃkāyanakātmajaḥ

Sanskrit only: no published translation is held for this verse.

पादप्रक्षालनमुखानुपचारानकल्पयत् । पंचगंधकमादाय तान्मुनीनभ्यलेपयत्

pādaprakṣālanamukhānupacārānakalpayat | paṃcagaṃdhakamādāya tānmunīnabhyalepayat

Sanskrit only: no published translation is held for this verse.

राज्यं च महदाप्नोति यो दद्यात्पंचगंधकम् । पंचबाणसमो भूत्वा स्त्रीणां वल्लभतामियात्

rājyaṃ ca mahadāpnoti yo dadyātpaṃcagaṃdhakam | paṃcabāṇasamo bhūtvā strīṇāṃ vallabhatāmiyāt

Sanskrit only: no published translation is held for this verse.

विष्णवे यो हि दद्यात्तु सोपि मारसमो भवेत् । कामीत्वकामी यः कुर्यात्कैलासे पंचवत्सरान्

viṣṇave yo hi dadyāttu sopi mārasamo bhavet | kāmītvakāmī yaḥ kuryātkailāse paṃcavatsarān

Sanskrit only: no published translation is held for this verse.

सर्वगंधसमोपेतो भोगी चेष्टार्थसंयुतः । यथेष्टवर्तनो भूत्वा ततो जायेत भूमिपः

sarvagaṃdhasamopeto bhogī ceṣṭārthasaṃyutaḥ | yatheṣṭavartano bhūtvā tato jāyeta bhūmipaḥ

Sanskrit only: no published translation is held for this verse.

कस्तूरीचंदनं चंद्रमगरुद्वितयं तथा । पंचगंधं समाख्यातं सर्वकार्येषु शोभनम्

kastūrīcaṃdanaṃ caṃdramagarudvitayaṃ tathā | paṃcagaṃdhaṃ samākhyātaṃ sarvakāryeṣu śobhanam

Sanskrit only: no published translation is held for this verse.

विलिप्तपंचगंधेषु ब्राह्मणेषु महात्मसु । आसीनेषु तदाभ्यागाद्ब्राह्मणः स्थविरः कृशः

viliptapaṃcagaṃdheṣu brāhmaṇeṣu mahātmasu | āsīneṣu tadābhyāgādbrāhmaṇaḥ sthaviraḥ kṛśaḥ

Sanskrit only: no published translation is held for this verse.

उन्मत्तवेषो दिग्वासा जराजर्ज्जरितस्त्वरी । खल्वाटः श्वासकासी च बहुहिक्की क्षुधान्वितः

unmattaveṣo digvāsā jarājarjjaritastvarī | khalvāṭaḥ śvāsakāsī ca bahuhikkī kṣudhānvitaḥ

Sanskrit only: no published translation is held for this verse.

लालास्नुतः श्मश्रुकूर्चश्लेष्मानम्रः स्खलत्पदः । द्व्यष्टवर्षा तथा नारी सर्वाभरणभूषिता

lālāsnutaḥ śmaśrukūrcaśleṣmānamraḥ skhalatpadaḥ | dvyaṣṭavarṣā tathā nārī sarvābharaṇabhūṣitā

Sanskrit only: no published translation is held for this verse.

रूपलावण्यसंयुक्ता लोकोत्कृष्टस्वरूपिणी । पुरुषान्रूपसंयुक्तान्वीक्षंती च ततस्ततः

rūpalāvaṇyasaṃyuktā lokotkṛṣṭasvarūpiṇī | puruṣānrūpasaṃyuktānvīkṣaṃtī ca tatastataḥ

Sanskrit only: no published translation is held for this verse.

गायंती त्वथ नृत्यंती तं दृष्ट्वाह सती पतिम् । प्रबाधते वृद्धधवं शीघ्रमेहि कृशाधम

gāyaṃtī tvatha nṛtyaṃtī taṃ dṛṣṭvāha satī patim | prabādhate vṛddhadhavaṃ śīghramehi kṛśādhama

Sanskrit only: no published translation is held for this verse.

आलंब्य त्वत्करं वृद्ध दुःखिता नित्यमस्म्यहम् । भूषणं वसनं घ्राणं स्रग्विलेपनमेव च

ālaṃbya tvatkaraṃ vṛddha duḥkhitā nityamasmyaham | bhūṣaṇaṃ vasanaṃ ghrāṇaṃ sragvilepanameva ca

Sanskrit only: no published translation is held for this verse.

हासो गीतिस्तथा पानं मंडनं शोभनं गृहम् । सर्वऋतुसमृद्धिश्च कामस्यैवाभिवृद्धये

hāso gītistathā pānaṃ maṃḍanaṃ śobhanaṃ gṛham | sarvaṛtusamṛddhiśca kāmasyaivābhivṛddhaye

Sanskrit only: no published translation is held for this verse.

सर्वेषामेव कामानां रतिरेका प्रयोजनम् । सुखानि सर्वाण्येकत्र रतिरेकत्र च स्थिता

sarveṣāmeva kāmānāṃ ratirekā prayojanam | sukhāni sarvāṇyekatra ratirekatra ca sthitā

Sanskrit only: no published translation is held for this verse.

तुलया तुलितं सर्वं रतिः शतगुणाधिका । तन्मादृशी समासाद्य भवंतं किं करिष्यति

tulayā tulitaṃ sarvaṃ ratiḥ śataguṇādhikā | tanmādṛśī samāsādya bhavaṃtaṃ kiṃ kariṣyati

Sanskrit only: no published translation is held for this verse.

इति चान्यानि वाक्यानि ब्रुवाणा गृह्य वै करे । तदुत्तरमुवाचेदं किं कुर्म्मो भाग्यमीदृशम्

iti cānyāni vākyāni bruvāṇā gṛhya vai kare | taduttaramuvācedaṃ kiṃ kurmmo bhāgyamīdṛśam

Sanskrit only: no published translation is held for this verse.

मा मारय दुरुक्त्या त्वं मां विज्ञायाथ चेदृशम् । एतादृशो द्विजः प्रायात्पार्वतीमंदिरं तदा

mā māraya duruktyā tvaṃ māṃ vijñāyātha cedṛśam | etādṛśo dvijaḥ prāyātpārvatīmaṃdiraṃ tadā

Sanskrit only: no published translation is held for this verse.

अविज्ञायैव गिरिजामिदं वचनमब्रवीत् । द्विज उवाच- अन्नार्थिनमिह प्राप्तं विद्धि मामतिथिं मुने

avijñāyaiva girijāmidaṃ vacanamabravīt | dvija uvāca- annārthinamiha prāptaṃ viddhi māmatithiṃ mune

Sanskrit only: no published translation is held for this verse.

भोजनावसरे प्राप्तं ब्राह्मणान्न हि भोजय । तद्भार्यावचनं प्राह क्व मुनिर्योषिदेव हि

bhojanāvasare prāptaṃ brāhmaṇānna hi bhojaya | tadbhāryāvacanaṃ prāha kva muniryoṣideva hi

Sanskrit only: no published translation is held for this verse.

अंधस्य वचनं सर्वमेवमेतादृशं दृढम् । पार्वत्युवाच- प्रक्षाल्य चरणावेतमासने उपवेशय

aṃdhasya vacanaṃ sarvamevametādṛśaṃ dṛḍham | pārvatyuvāca- prakṣālya caraṇāvetamāsane upaveśaya

Sanskrit only: no published translation is held for this verse.

जांबूनदकृतेतीव भोज्येनातर्पयद्द्विजम् । सुरत्नचषकोपेतममृतं ब्रह्मवादिनीम्

jāṃbūnadakṛtetīva bhojyenātarpayaddvijam | suratnacaṣakopetamamṛtaṃ brahmavādinīm

Sanskrit only: no published translation is held for this verse.

अरुंधतीमथाहूय पर्य्यवेषयदंबिका । कला चारुंधती चैव अनसूया पतिव्रता

aruṃdhatīmathāhūya paryyaveṣayadaṃbikā | kalā cāruṃdhatī caiva anasūyā pativratā

Sanskrit only: no published translation is held for this verse.

परिवेषं पदार्थानां स्रग्गंधाक्षतभूषणाः । अकुर्वन्नंबिकावाक्यात्षड्रसानां पृथक्पृथक्

pariveṣaṃ padārthānāṃ sraggaṃdhākṣatabhūṣaṇāḥ | akurvannaṃbikāvākyātṣaḍrasānāṃ pṛthakpṛthak

Sanskrit only: no published translation is held for this verse.

भुंजानेषु तु विप्रेषु दिग्वासा ब्राह्मणाकृतिः । क्षणेन बुभुजे सर्वं दातुं नो शेकुरंगनाः

bhuṃjāneṣu tu vipreṣu digvāsā brāhmaṇākṛtiḥ | kṣaṇena bubhuje sarvaṃ dātuṃ no śekuraṃganāḥ

Sanskrit only: no published translation is held for this verse.

अथ सा गिरिजा देवी स्वयं दातुं प्रचक्रमे । यथादत्तमशेषं तु क्षणेनाश्नाति स द्विजः

atha sā girijā devī svayaṃ dātuṃ pracakrame | yathādattamaśeṣaṃ tu kṣaṇenāśnāti sa dvijaḥ

Sanskrit only: no published translation is held for this verse.

भांडस्थितमशेषं च भोक्तुमैच्छत्प्रिया सह । तथांबिका समादाय प्रादादक्षय्यमस्त्विति

bhāṃḍasthitamaśeṣaṃ ca bhoktumaicchatpriyā saha | tathāṃbikā samādāya prādādakṣayyamastviti

Sanskrit only: no published translation is held for this verse.