Library·Padma Purāṇa·5·5.13
शेष उवाच। इति वाक्यं समाकर्ण्य सुमदस्य तपोनिधेः । जगदुः कामसेनास्तं रंभाद्यप्सरसो मुदा
śeṣa uvāca| iti vākyaṃ samākarṇya sumadasya taponidheḥ | jagaduḥ kāmasenāstaṃ raṃbhādyapsaraso mudā
Sanskrit only: no published translation is held for this verse.
त्वत्तपोभिर्वयं कांत प्राप्ताः सर्ववरांगनाः । तासां यौवनसर्वस्वं भुंक्ष्व त्यज तपःफलम्
tvattapobhirvayaṃ kāṃta prāptāḥ sarvavarāṃganāḥ | tāsāṃ yauvanasarvasvaṃ bhuṃkṣva tyaja tapaḥphalam
Sanskrit only: no published translation is held for this verse.
इयं घृताची सुभगा चंपकाभशरीरभृत् । कर्पूरगंधललितं भुनक्तु त्वन्मुखामृतम्
iyaṃ ghṛtācī subhagā caṃpakābhaśarīrabhṛt | karpūragaṃdhalalitaṃ bhunaktu tvanmukhāmṛtam
Sanskrit only: no published translation is held for this verse.
एतां महाभाग सुशोभिविभ्रमां । मनोहरांगीं घनपीनसत्कुचाम् । कांतोपभुंक्ष्वाशु निजोग्रपुण्यतः । प्राप्तां पुनस्त्वं त्यज दुःखजातम्
etāṃ mahābhāga suśobhivibhramāṃ | manoharāṃgīṃ ghanapīnasatkucām | kāṃtopabhuṃkṣvāśu nijograpuṇyataḥ | prāptāṃ punastvaṃ tyaja duḥkhajātam
Sanskrit only: no published translation is held for this verse.
मामप्यनर्घ्याभरणोपशोभितां । मंदारमालापरिशोभिवक्षसम् । नानारताख्यानविचारचंचुरां । दृढं यथा स्यात्परिरंभणं कुरु
māmapyanarghyābharaṇopaśobhitāṃ | maṃdāramālāpariśobhivakṣasam | nānāratākhyānavicāracaṃcurāṃ | dṛḍhaṃ yathā syātpariraṃbhaṇaṃ kuru
Sanskrit only: no published translation is held for this verse.
पिबामृतं मामकवक्त्रनिर्गतं । विमानमारुह्य वरं मया सह । सुमेरुशृंगं बहुपुण्यसेवितं । संप्राप्य भोगं कुरु सत्तपः फलम्
pibāmṛtaṃ māmakavaktranirgataṃ | vimānamāruhya varaṃ mayā saha | sumeruśṛṃgaṃ bahupuṇyasevitaṃ | saṃprāpya bhogaṃ kuru sattapaḥ phalam
Sanskrit only: no published translation is held for this verse.
तिलोत्तमा यौवनरूपशोभिता । गृह्णातु ते मूर्धनि तापवारणम् । सुचामरौ संततधारयांकितौ । गंगाप्रवाहाविव सुंदरोत्तम
tilottamā yauvanarūpaśobhitā | gṛhṇātu te mūrdhani tāpavāraṇam | sucāmarau saṃtatadhārayāṃkitau | gaṃgāpravāhāviva suṃdarottama
Sanskrit only: no published translation is held for this verse.
शृणुष्व भोः कामकथां मनोहरां । पिबामृतं देवगणादिवांछितम् । उद्यानमासाद्य च नंदनाभिधं । वरांगनाभिर्विहरं कुरु प्रभो
śṛṇuṣva bhoḥ kāmakathāṃ manoharāṃ | pibāmṛtaṃ devagaṇādivāṃchitam | udyānamāsādya ca naṃdanābhidhaṃ | varāṃganābhirviharaṃ kuru prabho
Sanskrit only: no published translation is held for this verse.
इत्युक्तमाकर्ण्य महामतिर्नृपो । विचारयामास कुतो ह्युपस्थिताः । मया सुसृष्टास्तपसा सुरांगनाः । प्रत्यूह एवात्र विधेयमेष किम्
ityuktamākarṇya mahāmatirnṛpo | vicārayāmāsa kuto hyupasthitāḥ | mayā susṛṣṭāstapasā surāṃganāḥ | pratyūha evātra vidheyameṣa kim
Sanskrit only: no published translation is held for this verse.
इति चिंतातुरो राजा स्वांते संचिंतयन्सुधीः । जगाद मतिमान्वीरः सुमदो देवताङ्गनाः
iti ciṃtāturo rājā svāṃte saṃciṃtayansudhīḥ | jagāda matimānvīraḥ sumado devatāṅganāḥ
Sanskrit only: no published translation is held for this verse.
यूयं तु ममचित्तस्था जगन्मातृस्वरूपकाः । मया संचिंत्यते या हि सापि त्वद्रूपिणी मता
yūyaṃ tu mamacittasthā jaganmātṛsvarūpakāḥ | mayā saṃciṃtyate yā hi sāpi tvadrūpiṇī matā
Sanskrit only: no published translation is held for this verse.
इदं तुच्छं स्वर्गसुखं त्वयोक्तं सविकल्पकम् । मत्स्वामिनी मया भक्त्या सेविता दास्यते वरम्
idaṃ tucchaṃ svargasukhaṃ tvayoktaṃ savikalpakam | matsvāminī mayā bhaktyā sevitā dāsyate varam
Sanskrit only: no published translation is held for this verse.
यत्कृपातो विधिः सत्यलोकं प्राप्तो महानभूत् । सा मे दास्यति सर्वं हि भक्तदुःखांतकारिणी
yatkṛpāto vidhiḥ satyalokaṃ prāpto mahānabhūt | sā me dāsyati sarvaṃ hi bhaktaduḥkhāṃtakāriṇī
Sanskrit only: no published translation is held for this verse.
किं नंदनं किं तु गिरिः कनकेन सुमण्डितः । किं सुधा स्वल्पपुण्येन प्राप्या दानवदुःखदा
kiṃ naṃdanaṃ kiṃ tu giriḥ kanakena sumaṇḍitaḥ | kiṃ sudhā svalpapuṇyena prāpyā dānavaduḥkhadā
Sanskrit only: no published translation is held for this verse.
इति वाक्यं समाकर्ण्य कामस्तु विविधैः शरैः । प्राहरन्नरदेवस्य कर्तुं किंचिन्न वै प्रभुः
iti vākyaṃ samākarṇya kāmastu vividhaiḥ śaraiḥ | prāharannaradevasya kartuṃ kiṃcinna vai prabhuḥ
Sanskrit only: no published translation is held for this verse.
कटाक्षैर्नूपुरारावैः परिरंभैर्विलोकनैः । न तस्य चित्तं विभ्रांतं कर्तुं शक्ता वरांगनाः
kaṭākṣairnūpurārāvaiḥ pariraṃbhairvilokanaiḥ | na tasya cittaṃ vibhrāṃtaṃ kartuṃ śaktā varāṃganāḥ
Sanskrit only: no published translation is held for this verse.
गत्वा यथागतं शक्रं जगदुर्धीरधीर्नृपः । तच्छ्रुत्वा मघवा भीतः सेवामारभतात्मनः
gatvā yathāgataṃ śakraṃ jagadurdhīradhīrnṛpaḥ | tacchrutvā maghavā bhītaḥ sevāmārabhatātmanaḥ
Sanskrit only: no published translation is held for this verse.
अथ निश्चितमालोक्य पादपद्मे स्वकेंऽबिका । जितेंद्रियं महाराजं प्रत्यक्षाभूत्सुतोषिता
atha niścitamālokya pādapadme svakeṃ'bikā | jiteṃdriyaṃ mahārājaṃ pratyakṣābhūtsutoṣitā
Sanskrit only: no published translation is held for this verse.
पंचास्यपृष्ठललिता पाशांकुशधरावरा । धनुर्बाणधरा माता जगत्पावनपावनी
paṃcāsyapṛṣṭhalalitā pāśāṃkuśadharāvarā | dhanurbāṇadharā mātā jagatpāvanapāvanī
Sanskrit only: no published translation is held for this verse.
तां वीक्ष्य मातरं धीमान्सूर्यकोटिसमप्रभाम् । धनुर्बाणसृणीपाशान्दधानां हर्षमाप्तवान्
tāṃ vīkṣya mātaraṃ dhīmānsūryakoṭisamaprabhām | dhanurbāṇasṛṇīpāśāndadhānāṃ harṣamāptavān
Sanskrit only: no published translation is held for this verse.
शिरसा बहुशो नत्वा मातरं भक्तिभाविताम् । हसंतीं निजदेहेषु स्पृशंतीं पाणिना मुहुः
śirasā bahuśo natvā mātaraṃ bhaktibhāvitām | hasaṃtīṃ nijadeheṣu spṛśaṃtīṃ pāṇinā muhuḥ
Sanskrit only: no published translation is held for this verse.
तुष्टाव भक्त्युत्कलितचित्तवृत्तिर्महामतिः । गद्गदस्वरसंयुक्तः कंटकांगोपशोभितः
tuṣṭāva bhaktyutkalitacittavṛttirmahāmatiḥ | gadgadasvarasaṃyuktaḥ kaṃṭakāṃgopaśobhitaḥ
Sanskrit only: no published translation is held for this verse.
जय देवि महादेवि भक्तवृंदैकसेविते । ब्रह्मरुद्रादिदेवेंद्र सेवितांघ्रियुगेऽनघे
jaya devi mahādevi bhaktavṛṃdaikasevite | brahmarudrādideveṃdra sevitāṃghriyuge'naghe
Sanskrit only: no published translation is held for this verse.
मातस्तव कलाविद्धमेतद्भाति चराचरम् । त्वदृते नास्ति सर्वं तन्मातर्भद्रे नमोस्तु ते
mātastava kalāviddhametadbhāti carācaram | tvadṛte nāsti sarvaṃ tanmātarbhadre namostu te
Sanskrit only: no published translation is held for this verse.
मही त्वयाऽधारशक्त्या स्थापिता चलतीह न । सपर्वतवनोद्यान दिग्गजैरुपशोभिता
mahī tvayā'dhāraśaktyā sthāpitā calatīha na | saparvatavanodyāna diggajairupaśobhitā
Sanskrit only: no published translation is held for this verse.
सूर्यस्तपति खे तीक्ष्णैरंशुभिः प्रतपन्महीम् । त्वच्छक्त्या वसुधासंस्थं रसं गृह्णन्विमुंचति
sūryastapati khe tīkṣṇairaṃśubhiḥ pratapanmahīm | tvacchaktyā vasudhāsaṃsthaṃ rasaṃ gṛhṇanvimuṃcati
Sanskrit only: no published translation is held for this verse.
अंतर्बहिः स्थितो वह्निर्लोकानां प्रकरोतु शम् । त्वत्प्रतापान्महादेवि सुरासुरनमस्कृते
aṃtarbahiḥ sthito vahnirlokānāṃ prakarotu śam | tvatpratāpānmahādevi surāsuranamaskṛte
Sanskrit only: no published translation is held for this verse.
त्वं विद्या त्वं महामाया विष्णोर्लोकैकपालिनः । स्वशक्त्या सृजसीदं त्वं पालयस्यपि मोहिनि
tvaṃ vidyā tvaṃ mahāmāyā viṣṇorlokaikapālinaḥ | svaśaktyā sṛjasīdaṃ tvaṃ pālayasyapi mohini
Sanskrit only: no published translation is held for this verse.
त्वत्तः सर्वे सुराः प्राप्य सिद्धिं सुखमयंति वै । मां पालय कृपानाथे वंदिते भक्तवल्लभे
tvattaḥ sarve surāḥ prāpya siddhiṃ sukhamayaṃti vai | māṃ pālaya kṛpānāthe vaṃdite bhaktavallabhe
Sanskrit only: no published translation is held for this verse.
रक्ष मां सेवकं मातस्त्वदीयचरणारणम् । कुरु मे वांछितां सिद्धिं महापुरुषपूर्वजे
rakṣa māṃ sevakaṃ mātastvadīyacaraṇāraṇam | kuru me vāṃchitāṃ siddhiṃ mahāpuruṣapūrvaje
Sanskrit only: no published translation is held for this verse.
सुमतिरुवाच। एवं तुष्टा जगन्माता वृणीष्व वरमुत्तमम् । उवाच भक्तं सुमदं तपसा कृशदेहिनम्
sumatiruvāca| evaṃ tuṣṭā jaganmātā vṛṇīṣva varamuttamam | uvāca bhaktaṃ sumadaṃ tapasā kṛśadehinam
Sanskrit only: no published translation is held for this verse.
इत्येतद्वाक्यमाकर्ण्य प्रहृष्टः सुमदो नृपः । वव्रे निजं हृतं राज्यं हतदुर्जनकंटकम्
ityetadvākyamākarṇya prahṛṣṭaḥ sumado nṛpaḥ | vavre nijaṃ hṛtaṃ rājyaṃ hatadurjanakaṃṭakam
Sanskrit only: no published translation is held for this verse.
महेशीचरणद्वंद्वे भक्तिमव्यभिचारिणीम् । प्रांते मुक्तिं तु संसारवारिधेस्तारिणीं पुनः
maheśīcaraṇadvaṃdve bhaktimavyabhicāriṇīm | prāṃte muktiṃ tu saṃsāravāridhestāriṇīṃ punaḥ
Sanskrit only: no published translation is held for this verse.
कामाक्षोवाच। राज्यं प्राप्नुहि सुमद सर्वत्रहतकंटकम् । महिलारत्नसंजुष्टपादपद्मद्वयो भव
kāmākṣovāca| rājyaṃ prāpnuhi sumada sarvatrahatakaṃṭakam | mahilāratnasaṃjuṣṭapādapadmadvayo bhava
Sanskrit only: no published translation is held for this verse.
ततवैरिपराभूतिर्माभूयात्सुमदाभिध । यदा तु रावणं हत्वा रघुनाथो महायशाः
tatavairiparābhūtirmābhūyātsumadābhidha | yadā tu rāvaṇaṃ hatvā raghunātho mahāyaśāḥ
Sanskrit only: no published translation is held for this verse.
करिष्यत्यश्वमेधं हि सर्वसंभारशोभितम् । तस्य भ्राता महावीरः शत्रुघ्नः परवीरहा
kariṣyatyaśvamedhaṃ hi sarvasaṃbhāraśobhitam | tasya bhrātā mahāvīraḥ śatrughnaḥ paravīrahā
Sanskrit only: no published translation is held for this verse.
पालयन्हयमायास्यत्यत्र वीरादिभिर्वृतः । तस्मै सर्वं समर्प्य त्वं राज्यमृद्धं धनादिकम्
pālayanhayamāyāsyatyatra vīrādibhirvṛtaḥ | tasmai sarvaṃ samarpya tvaṃ rājyamṛddhaṃ dhanādikam
Sanskrit only: no published translation is held for this verse.
पालयिष्यसि योधैः स्वैर्धनुर्धारिभिरुद्भटैः । ततः पृथिव्यां सर्वत्र भ्रमिष्यसि महामते
pālayiṣyasi yodhaiḥ svairdhanurdhāribhirudbhaṭaiḥ | tataḥ pṛthivyāṃ sarvatra bhramiṣyasi mahāmate
Sanskrit only: no published translation is held for this verse.
ततो रामं नमस्कृत्य ब्रह्मेंद्रेशादिसेवितम् । मुक्तिं प्राप्स्यसि दुष्प्रापां योगिभिर्यमसाधनैः
tato rāmaṃ namaskṛtya brahmeṃdreśādisevitam | muktiṃ prāpsyasi duṣprāpāṃ yogibhiryamasādhanaiḥ
Sanskrit only: no published translation is held for this verse.
तावत्कालमिहस्थास्ये यावद्रामहयागमः । पश्चात्त्वां तु समुद्धृत्य गंतास्मि परमं पदम्
tāvatkālamihasthāsye yāvadrāmahayāgamaḥ | paścāttvāṃ tu samuddhṛtya gaṃtāsmi paramaṃ padam
Sanskrit only: no published translation is held for this verse.
इत्युक्त्वांतर्दधे देवी सुरासुरनमस्कृता । सुमदोऽप्यहिच्छत्रायां शत्रून्हत्वा नृपोऽभवत्
ityuktvāṃtardadhe devī surāsuranamaskṛtā | sumado'pyahicchatrāyāṃ śatrūnhatvā nṛpo'bhavat
Sanskrit only: no published translation is held for this verse.
एष राजा समर्थोऽपि बलवाहनसंयुतः । न ग्रहीष्यति ते वाहं महामायासुशिक्षितः
eṣa rājā samartho'pi balavāhanasaṃyutaḥ | na grahīṣyati te vāhaṃ mahāmāyāsuśikṣitaḥ
Sanskrit only: no published translation is held for this verse.
श्रुत्वा प्राप्तं पुरी पार्श्वे हयमेधहयोत्तमम् । त्वां च सर्वैर्महाराजैः सेवितांघ्रिं महामतिम्
śrutvā prāptaṃ purī pārśve hayamedhahayottamam | tvāṃ ca sarvairmahārājaiḥ sevitāṃghriṃ mahāmatim
Sanskrit only: no published translation is held for this verse.
सर्वं दास्यति सर्वज्ञ राजा सुमदनामधृक् । अधुनातन्महाराज रामचंद्र प्रतापतः
sarvaṃ dāsyati sarvajña rājā sumadanāmadhṛk | adhunātanmahārāja rāmacaṃdra pratāpataḥ
Sanskrit only: no published translation is held for this verse.
शेष उवाच। इति वृत्तं समाकर्ण्य सुमदस्य महायशाः । साधुसाध्विति चोवाच जहर्ष मतिमान्बली
śeṣa uvāca| iti vṛttaṃ samākarṇya sumadasya mahāyaśāḥ | sādhusādhviti covāca jaharṣa matimānbalī
Sanskrit only: no published translation is held for this verse.
अहिच्छत्रापतिः सर्वैः स्वगणैः परिवारितः । सभायां सुखमास्ते यो बहुराजन्यसेवितः
ahicchatrāpatiḥ sarvaiḥ svagaṇaiḥ parivāritaḥ | sabhāyāṃ sukhamāste yo bahurājanyasevitaḥ
Sanskrit only: no published translation is held for this verse.
ब्राह्मणा वेदविदुषो वैश्या धनसमृद्धयः । राजानं पर्युपासंते सुमदंशो भयान्वितम्
brāhmaṇā vedaviduṣo vaiśyā dhanasamṛddhayaḥ | rājānaṃ paryupāsaṃte sumadaṃśo bhayānvitam
Sanskrit only: no published translation is held for this verse.
वेदविद्याविनोदेन न्यायिनो ब्राह्मणा वराः । आशीर्वदंति तं भूपं सर्वलोकैकरक्षकम्
vedavidyāvinodena nyāyino brāhmaṇā varāḥ | āśīrvadaṃti taṃ bhūpaṃ sarvalokaikarakṣakam
Sanskrit only: no published translation is held for this verse.
एतस्मिन्समये कश्चिदागत्य नृपतिं जगौ । स्वामिन्न जाने कस्यास्ति हयः पत्रधरोंऽतिके
etasminsamaye kaścidāgatya nṛpatiṃ jagau | svāminna jāne kasyāsti hayaḥ patradharoṃ'tike
Sanskrit only: no published translation is held for this verse.
तच्छ्रुत्वा सेवकं श्रेष्ठं प्रेषयामास सत्वरः । जानीहि कस्य राज्ञोऽयमश्वो मम पुरांतिके
tacchrutvā sevakaṃ śreṣṭhaṃ preṣayāmāsa satvaraḥ | jānīhi kasya rājño'yamaśvo mama purāṃtike
Sanskrit only: no published translation is held for this verse.
गत्वाथ सेवकस्तत्र ज्ञात्वा वृत्तांतमादितः । निवेदयामास नृपं महाराजन्यसेवितम्
gatvātha sevakastatra jñātvā vṛttāṃtamāditaḥ | nivedayāmāsa nṛpaṃ mahārājanyasevitam
Sanskrit only: no published translation is held for this verse.
स श्रुत्वा रघुनाथस्य हयं नित्यमनुस्मरन् । आज्ञापयामास जनं सर्वं राजाविशारदः
sa śrutvā raghunāthasya hayaṃ nityamanusmaran | ājñāpayāmāsa janaṃ sarvaṃ rājāviśāradaḥ
Sanskrit only: no published translation is held for this verse.
लोका मदीयाः सर्वे ये धनधान्यसमाकुलाः । तोरणादीनि गेहेषु मंगलानि सृजंत्विह
lokā madīyāḥ sarve ye dhanadhānyasamākulāḥ | toraṇādīni geheṣu maṃgalāni sṛjaṃtviha
Sanskrit only: no published translation is held for this verse.
कन्याः सहस्रशो रम्याः सर्वाभरणभूषिताः । गजोपरिसमारूढा यांतु शत्रुघ्नसंमुखम्
kanyāḥ sahasraśo ramyāḥ sarvābharaṇabhūṣitāḥ | gajoparisamārūḍhā yāṃtu śatrughnasaṃmukham
Sanskrit only: no published translation is held for this verse.
इत्यादिसर्वमाज्ञाप्य ययौ राजा स्वयं ततः । पुत्रपौत्रमहिष्यादिपरिवारसमावृतः
ityādisarvamājñāpya yayau rājā svayaṃ tataḥ | putrapautramahiṣyādiparivārasamāvṛtaḥ
Sanskrit only: no published translation is held for this verse.
शत्रुघ्नः सुमहामात्यैः सुभटैः पुष्कलादिभिः । संयुतो भूपतिं वीरं ददर्श सुमदाभिधम्
śatrughnaḥ sumahāmātyaiḥ subhaṭaiḥ puṣkalādibhiḥ | saṃyuto bhūpatiṃ vīraṃ dadarśa sumadābhidham
Sanskrit only: no published translation is held for this verse.
हस्तिभिः सादिसंयुक्तैः पत्तिभिः परतापनैः । वाजिभिर्भूषितैर्वीरैः संयुतं वीरशोभितम्
hastibhiḥ sādisaṃyuktaiḥ pattibhiḥ paratāpanaiḥ | vājibhirbhūṣitairvīraiḥ saṃyutaṃ vīraśobhitam
Sanskrit only: no published translation is held for this verse.
अथागत्य महाराजः शत्रुघ्नं नतवान्मुदा । धन्योऽस्मि कृतकृत्योऽस्मि सत्कृतं च कृतं वपुः
athāgatya mahārājaḥ śatrughnaṃ natavānmudā | dhanyo'smi kṛtakṛtyo'smi satkṛtaṃ ca kṛtaṃ vapuḥ
Sanskrit only: no published translation is held for this verse.
इदं राज्यं गृहाणाशु महाराजोपशोभितम् । महामाणिक्यमुक्तादि महाधनसुपूरितम्
idaṃ rājyaṃ gṛhāṇāśu mahārājopaśobhitam | mahāmāṇikyamuktādi mahādhanasupūritam
Sanskrit only: no published translation is held for this verse.
स्वामिंश्चिरं प्रतीक्षेऽहं हयस्यागमनं प्रति । कामाक्षाकथितं पूर्वं जातं संप्रति तत्तथा
svāmiṃściraṃ pratīkṣe'haṃ hayasyāgamanaṃ prati | kāmākṣākathitaṃ pūrvaṃ jātaṃ saṃprati tattathā
Sanskrit only: no published translation is held for this verse.
विलोकय पुरं मह्यं कृतार्थान्कुरु मानवान् । पावयास्मत्कुलं सर्वं रामानुज महीपते
vilokaya puraṃ mahyaṃ kṛtārthānkuru mānavān | pāvayāsmatkulaṃ sarvaṃ rāmānuja mahīpate
Sanskrit only: no published translation is held for this verse.
इत्युक्त्वारोहयामास कुंजरं चंद्रसुप्रभम् । पुष्कलं च महावीरं तथा स्वयमथारुहत्
ityuktvārohayāmāsa kuṃjaraṃ caṃdrasuprabham | puṣkalaṃ ca mahāvīraṃ tathā svayamathāruhat
Sanskrit only: no published translation is held for this verse.
भेरीपणवतूर्याणां वीणादीनां स्वनस्तदा । व्याप्नोति स्म महाराज सुमदेन प्रणोदितः
bherīpaṇavatūryāṇāṃ vīṇādīnāṃ svanastadā | vyāpnoti sma mahārāja sumadena praṇoditaḥ
Sanskrit only: no published translation is held for this verse.
कन्याः समागत्य महानरेंद्रं -। शत्रुघ्नमिंद्रादिकसेवितांघ्रिम् । करिस्थिता मौक्तिकवृंदसंघै-। र्वर्धापयामासुरिनप्रयुक्ताः
kanyāḥ samāgatya mahānareṃdraṃ -| śatrughnamiṃdrādikasevitāṃghrim | karisthitā mauktikavṛṃdasaṃghai-| rvardhāpayāmāsurinaprayuktāḥ
Sanskrit only: no published translation is held for this verse.
शनैःशनैः समागत्य पुरीमध्ये जनैर्मुदा । वर्धापितो गृहं प्राप तोरणादिकभूषितम्
śanaiḥśanaiḥ samāgatya purīmadhye janairmudā | vardhāpito gṛhaṃ prāpa toraṇādikabhūṣitam
Sanskrit only: no published translation is held for this verse.
हयरत्नेन संयुक्तस्तथा वीरैः सुशोभितः । राज्ञा पुरस्कृतो राजा शत्रुघ्नः प्राप मंदिरम्
hayaratnena saṃyuktastathā vīraiḥ suśobhitaḥ | rājñā puraskṛto rājā śatrughnaḥ prāpa maṃdiram
Sanskrit only: no published translation is held for this verse.
अर्घादिभिः पूजयित्वा रघुनाथानुजं तदा । सर्वं समर्पयामास रामचंद्राय धीमते
arghādibhiḥ pūjayitvā raghunāthānujaṃ tadā | sarvaṃ samarpayāmāsa rāmacaṃdrāya dhīmate
Sanskrit only: no published translation is held for this verse.