Library·Padma Purāṇa·5·5.17
शेष उवाच। शत्रुघ्नश्च्यवनस्याथ दृष्ट्वाऽचिंत्यं तपोबलम् । प्रशशंस तपो ब्राह्मं सर्वलोकैकवंदितम्
śeṣa uvāca| śatrughnaścyavanasyātha dṛṣṭvā'ciṃtyaṃ tapobalam | praśaśaṃsa tapo brāhmaṃ sarvalokaikavaṃditam
Sanskrit only: no published translation is held for this verse.
अहो पश्यत योगस्य सिद्धिं ब्राह्मणसत्तमे । यः क्षणादेव दुष्प्रापं तद्विमानमचीकरत्
aho paśyata yogasya siddhiṃ brāhmaṇasattame | yaḥ kṣaṇādeva duṣprāpaṃ tadvimānamacīkarat
Sanskrit only: no published translation is held for this verse.
क्व भोगसिद्धिर्महती मुनीनाममलात्मनाम् । क्व तपोबलहीनानां भोगेच्छा मनुजात्मनाम्
kva bhogasiddhirmahatī munīnāmamalātmanām | kva tapobalahīnānāṃ bhogecchā manujātmanām
Sanskrit only: no published translation is held for this verse.
इति स्वगतमाशंसञ्छत्रुघ्नश्च्यवनाश्रमे । क्षणं स्थित्वा जलं पीत्वा सुखसंभोगमाप्तवान्
iti svagatamāśaṃsañchatrughnaścyavanāśrame | kṣaṇaṃ sthitvā jalaṃ pītvā sukhasaṃbhogamāptavān
Sanskrit only: no published translation is held for this verse.
हयस्तस्याः पयोष्ण्याख्या नद्याः पुण्यजलात्मनः । पयः पीत्वा ययौ मार्गे वायुवेगगतिर्महान्
hayastasyāḥ payoṣṇyākhyā nadyāḥ puṇyajalātmanaḥ | payaḥ pītvā yayau mārge vāyuvegagatirmahān
Sanskrit only: no published translation is held for this verse.
योधास्तन्निर्गमं दृष्ट्वा पृष्ठतोऽनुययुस्तदा । हस्तिभिः पत्तिभिः केचिद्रथैः केचन वाजिभिः
yodhāstannirgamaṃ dṛṣṭvā pṛṣṭhato'nuyayustadā | hastibhiḥ pattibhiḥ kecidrathaiḥ kecana vājibhiḥ
Sanskrit only: no published translation is held for this verse.
शत्रुघ्नोऽमात्यवर्येण सुमत्याख्येन संयुतः । पृष्ठतोऽनुजगामाशु रथेन हयशोभिना
śatrughno'mātyavaryeṇa sumatyākhyena saṃyutaḥ | pṛṣṭhato'nujagāmāśu rathena hayaśobhinā
Sanskrit only: no published translation is held for this verse.
गच्छन्वाजीपुरं प्राप्तो विमलाख्यस्य भूपतेः । रत्नातटाख्यं च जनैर्हृष्टपुष्टैः समाकुलम्
gacchanvājīpuraṃ prāpto vimalākhyasya bhūpateḥ | ratnātaṭākhyaṃ ca janairhṛṣṭapuṣṭaiḥ samākulam
Sanskrit only: no published translation is held for this verse.
स सेवकादुपश्रुत्य रघुनाथ हयोत्तमम् । पुरोंतिके हि संप्राप्तं सर्वयोधसमन्वितम्
sa sevakādupaśrutya raghunātha hayottamam | puroṃtike hi saṃprāptaṃ sarvayodhasamanvitam
Sanskrit only: no published translation is held for this verse.
तदा गजानां सप्तत्या चंद्रवर्णसमानया । अश्वानामयुतैः सार्धं रथानां कांचनत्विषाम्
tadā gajānāṃ saptatyā caṃdravarṇasamānayā | aśvānāmayutaiḥ sārdhaṃ rathānāṃ kāṃcanatviṣām
Sanskrit only: no published translation is held for this verse.
सहस्रेण च संयुक्तः शत्रुघ्नं प्रति जग्मिवान् । शत्रुघ्नं स नमस्कृत्य सर्वान्प्राप्तान्महारथान्
sahasreṇa ca saṃyuktaḥ śatrughnaṃ prati jagmivān | śatrughnaṃ sa namaskṛtya sarvānprāptānmahārathān
Sanskrit only: no published translation is held for this verse.
वसुकोशं धनं सर्वं राज्यं तस्मै निवेद्य च । किं करोमीति राजा तं जगाद पुरतः स्थितः
vasukośaṃ dhanaṃ sarvaṃ rājyaṃ tasmai nivedya ca | kiṃ karomīti rājā taṃ jagāda purataḥ sthitaḥ
Sanskrit only: no published translation is held for this verse.
राजापि तं स्वीयपदे प्रणम्रं । दोर्भ्यां दृढं संपरिषस्वजे महान् । जगाम साकं तनये स्वराज्यं । निक्षिप्य सर्वं बहुधन्विभिर्वृतः
rājāpi taṃ svīyapade praṇamraṃ | dorbhyāṃ dṛḍhaṃ saṃpariṣasvaje mahān | jagāma sākaṃ tanaye svarājyaṃ | nikṣipya sarvaṃ bahudhanvibhirvṛtaḥ
Sanskrit only: no published translation is held for this verse.
रामचंद्राभिधां श्रुत्वा सर्वश्रुतिमनोहराम् । सर्वे प्रणम्य तं वाहं ददुर्वसुमहाधनम्
rāmacaṃdrābhidhāṃ śrutvā sarvaśrutimanoharām | sarve praṇamya taṃ vāhaṃ dadurvasumahādhanam
Sanskrit only: no published translation is held for this verse.
राजानं पूजयित्वा तु शत्रुघ्नः परया मुदा । सेनया सहितोऽगच्छद्वाजिनः पृष्ठतस्तदा
rājānaṃ pūjayitvā tu śatrughnaḥ parayā mudā | senayā sahito'gacchadvājinaḥ pṛṣṭhatastadā
Sanskrit only: no published translation is held for this verse.
एवं स गच्छंस्तन्मार्गे पर्वताग्र्यं ददर्श ह । स्फाटिकैः कानकै रौप्यै राजितं प्रस्थराजिभिः
evaṃ sa gacchaṃstanmārge parvatāgryaṃ dadarśa ha | sphāṭikaiḥ kānakai raupyai rājitaṃ prastharājibhiḥ
Sanskrit only: no published translation is held for this verse.
जलनिर्झरसंह्रादं नानाधातुकभूतलम् । गैरिकादिकसद्धातु लाक्षारंगविराजितम्
jalanirjharasaṃhrādaṃ nānādhātukabhūtalam | gairikādikasaddhātu lākṣāraṃgavirājitam
Sanskrit only: no published translation is held for this verse.
यत्र सिद्धांगनाः सिद्धैः संक्रीडंत्यकुतोभयाः । गंधर्वाप्सरसो नागा यत्र क्रीडंति लीलया
yatra siddhāṃganāḥ siddhaiḥ saṃkrīḍaṃtyakutobhayāḥ | gaṃdharvāpsaraso nāgā yatra krīḍaṃti līlayā
Sanskrit only: no published translation is held for this verse.
गंगातरंगसंस्पर्श शीतवायुनिषेवितम् । वीणारणद्धंसशुकक्वणसुंदरशोभितम्
gaṃgātaraṃgasaṃsparśa śītavāyuniṣevitam | vīṇāraṇaddhaṃsaśukakvaṇasuṃdaraśobhitam
Sanskrit only: no published translation is held for this verse.
पर्वतं वीक्ष्य शत्रुघ्न उवाच सुमतिं त्विदम् । तद्दर्शनसमुद्भूत विस्मयाविष्टमानसः
parvataṃ vīkṣya śatrughna uvāca sumatiṃ tvidam | taddarśanasamudbhūta vismayāviṣṭamānasaḥ
Sanskrit only: no published translation is held for this verse.
कोऽयं महागिरिवरो विस्मापयति मे मनः । महारजतसत्प्रस्थो मार्गे राजति मेऽद्भुतः
ko'yaṃ mahāgirivaro vismāpayati me manaḥ | mahārajatasatprastho mārge rājati me'dbhutaḥ
Sanskrit only: no published translation is held for this verse.
अत्र किं देवतावासो देवानां क्रीडनस्थलम् । यदेतन्मनसः क्षोभं करोति श्रीसमुच्चयैः
atra kiṃ devatāvāso devānāṃ krīḍanasthalam | yadetanmanasaḥ kṣobhaṃ karoti śrīsamuccayaiḥ
Sanskrit only: no published translation is held for this verse.
इति वाक्यं समाकर्ण्य जगाद सुमतिस्तदा । वक्ष्यमाणगुणागार रामचंद्र पदाब्जधीः
iti vākyaṃ samākarṇya jagāda sumatistadā | vakṣyamāṇaguṇāgāra rāmacaṃdra padābjadhīḥ
Sanskrit only: no published translation is held for this verse.
नीलोऽयं पर्वतो राजन्पुरतो भाति भूमिप । मनोहरैर्महाशृङ्गैः स्फाटिकाग्रैः समंततः
nīlo'yaṃ parvato rājanpurato bhāti bhūmipa | manoharairmahāśṛṅgaiḥ sphāṭikāgraiḥ samaṃtataḥ
Sanskrit only: no published translation is held for this verse.
एनं पश्यंति नो पापाः परदाररता नराः । विष्णोर्गुणगणान्ये वै न मन्यंते नराधमाः
enaṃ paśyaṃti no pāpāḥ paradāraratā narāḥ | viṣṇorguṇagaṇānye vai na manyaṃte narādhamāḥ
Sanskrit only: no published translation is held for this verse.
श्रुतिस्मृतिसमुत्थं ये धर्मं सद्भिः सुसाधितम् । न मन्यंते स्वबुद्धिस्थ हेतुवादविचारणाः
śrutismṛtisamutthaṃ ye dharmaṃ sadbhiḥ susādhitam | na manyaṃte svabuddhistha hetuvādavicāraṇāḥ
Sanskrit only: no published translation is held for this verse.
नीलीविक्रयकर्तारो लाक्षाविक्रयकारकाः । यो ब्राह्मणो घृतादीनि विक्रीणाति सुरापकः
nīlīvikrayakartāro lākṣāvikrayakārakāḥ | yo brāhmaṇo ghṛtādīni vikrīṇāti surāpakaḥ
Sanskrit only: no published translation is held for this verse.
कन्यां रूपेण संपन्नां न दद्यात्कुलशीलिने । विक्रीणाति द्रव्यलोभात्पिता पापेन मोहितः
kanyāṃ rūpeṇa saṃpannāṃ na dadyātkulaśīline | vikrīṇāti dravyalobhātpitā pāpena mohitaḥ
Sanskrit only: no published translation is held for this verse.
पत्नीं दूषयते यस्तु कुलशीलवतीं नरः । स्वयमेवात्ति मधुरं बंधुभ्यो न ददाति यः
patnīṃ dūṣayate yastu kulaśīlavatīṃ naraḥ | svayamevātti madhuraṃ baṃdhubhyo na dadāti yaḥ
Sanskrit only: no published translation is held for this verse.
भोजने ब्राह्मणार्थे च पाकभेदं करोति यः । कृसरं पायसं वापि नार्थिनं दापयेत्कुधीः
bhojane brāhmaṇārthe ca pākabhedaṃ karoti yaḥ | kṛsaraṃ pāyasaṃ vāpi nārthinaṃ dāpayetkudhīḥ
Sanskrit only: no published translation is held for this verse.
अतिथीनवमन्यंते सूर्यतापादितापितान् । अंतरिक्षभुजो ये च ये च विश्वासघातकाः
atithīnavamanyaṃte sūryatāpāditāpitān | aṃtarikṣabhujo ye ca ye ca viśvāsaghātakāḥ
Sanskrit only: no published translation is held for this verse.
न पश्यंति महाराज रघुनाथ पराङ्मुखाः । असौ पुण्यो गिरिवरः पुरुषोत्तम शोभितः
na paśyaṃti mahārāja raghunātha parāṅmukhāḥ | asau puṇyo girivaraḥ puruṣottama śobhitaḥ
Sanskrit only: no published translation is held for this verse.
पवित्रयति सर्वान्नो दर्शनेन मनोहरः । अत्र तिष्ठति देवानां मुकुटैरर्चितांघ्रिकः
pavitrayati sarvānno darśanena manoharaḥ | atra tiṣṭhati devānāṃ mukuṭairarcitāṃghrikaḥ
Sanskrit only: no published translation is held for this verse.
पुण्यवद्भिर्दर्शनार्हः पुण्यदः पुरुषोत्तमः । श्रुतयो नेतिनेतीति ब्रुवाणा न विदंति यम्
puṇyavadbhirdarśanārhaḥ puṇyadaḥ puruṣottamaḥ | śrutayo netinetīti bruvāṇā na vidaṃti yam
Sanskrit only: no published translation is held for this verse.
यत्पादरज इंद्रादिदेवैर्मृग्यं सुदुर्ल्लभम् । वेदांतादिभिरन्यूनैर्वाक्यैर्विदंति यं बुधाः
yatpādaraja iṃdrādidevairmṛgyaṃ sudurllabham | vedāṃtādibhiranyūnairvākyairvidaṃti yaṃ budhāḥ
Sanskrit only: no published translation is held for this verse.
सोऽत्र श्रीमान्नीलशैले वसते पुरुषोत्तमः । आरुह्य तं नमस्कृत्य संपूज्य सुकृतादिना
so'tra śrīmānnīlaśaile vasate puruṣottamaḥ | āruhya taṃ namaskṛtya saṃpūjya sukṛtādinā
Sanskrit only: no published translation is held for this verse.
नैवेद्यं भक्षयित्वा वै भूप भूयाच्चतुर्भुजः । अत्राप्युदाहरंतीममितिहासं पुरातनम्
naivedyaṃ bhakṣayitvā vai bhūpa bhūyāccaturbhujaḥ | atrāpyudāharaṃtīmamitihāsaṃ purātanam
Sanskrit only: no published translation is held for this verse.
तं शृणुष्व महाराज सर्वाश्चर्यसमन्वितम् । रत्नग्रीवस्य नृपतेर्यद्वृत्तं सकुटुंबिनः
taṃ śṛṇuṣva mahārāja sarvāścaryasamanvitam | ratnagrīvasya nṛpateryadvṛttaṃ sakuṭuṃbinaḥ
Sanskrit only: no published translation is held for this verse.
चतुर्भुजादिकं प्राप्तं देवदानवदुर्लभम् । आसीत्कांची महाराज पुरी लोकेषु विश्रुता
caturbhujādikaṃ prāptaṃ devadānavadurlabham | āsītkāṃcī mahārāja purī lokeṣu viśrutā
Sanskrit only: no published translation is held for this verse.
महाजनपरीवारसमृद्धबलवाहना । यस्यां वसंति विप्राग्र्याः षट्कर्मनिरता भृशम्
mahājanaparīvārasamṛddhabalavāhanā | yasyāṃ vasaṃti viprāgryāḥ ṣaṭkarmaniratā bhṛśam
Sanskrit only: no published translation is held for this verse.
सर्वभूतहिते युक्ता रामभक्तिषु लालसाः । क्षत्रिया रणकर्तारः संग्रामेऽप्यपलायिनः
sarvabhūtahite yuktā rāmabhaktiṣu lālasāḥ | kṣatriyā raṇakartāraḥ saṃgrāme'pyapalāyinaḥ
Sanskrit only: no published translation is held for this verse.
परदार परद्रव्य परद्रोहपराङ्मुखाः । वैश्याः कुसीदकृष्यादिवाणिज्यशुभवृत्तयः
paradāra paradravya paradrohaparāṅmukhāḥ | vaiśyāḥ kusīdakṛṣyādivāṇijyaśubhavṛttayaḥ
Sanskrit only: no published translation is held for this verse.
कुर्वन्ति रघुनाथस्य पदाम्भोजे रतिं सदा । शूद्रा ब्राह्मणसेवाभिर्गतरात्रिदिनान्तराः
kurvanti raghunāthasya padāmbhoje ratiṃ sadā | śūdrā brāhmaṇasevābhirgatarātridināntarāḥ
Sanskrit only: no published translation is held for this verse.
कुर्वंति कथनं रामरामेति रसनाग्रतः । प्राकृताः केऽपि नो पापं कुर्वंति मनसात्र वै
kurvaṃti kathanaṃ rāmarāmeti rasanāgrataḥ | prākṛtāḥ ke'pi no pāpaṃ kurvaṃti manasātra vai
Sanskrit only: no published translation is held for this verse.
दानं दया दमः सत्यं तत्र तिष्ठंति नित्यशः । वदते न पराबाधं वाक्यं कोऽपि नरोऽनघः
dānaṃ dayā damaḥ satyaṃ tatra tiṣṭhaṃti nityaśaḥ | vadate na parābādhaṃ vākyaṃ ko'pi naro'naghaḥ
Sanskrit only: no published translation is held for this verse.
न पारक्ये धने लोभं कुर्वंति न हि पातकम् । एवं प्रजा महाराज रत्नग्रीवेण पाल्यते
na pārakye dhane lobhaṃ kurvaṃti na hi pātakam | evaṃ prajā mahārāja ratnagrīveṇa pālyate
Sanskrit only: no published translation is held for this verse.
षष्ठांशं तत्र गृह्णाति नान्यं लोभविवर्जितः । एवं पालयमानस्य प्रजाधर्मेण भूपतेः
ṣaṣṭhāṃśaṃ tatra gṛhṇāti nānyaṃ lobhavivarjitaḥ | evaṃ pālayamānasya prajādharmeṇa bhūpateḥ
Sanskrit only: no published translation is held for this verse.
गतानि बहुवर्षाणि सर्वभोगविलासिनः । विशालाक्षीं महाराज एकदा ह्यूचिवानिदम्
gatāni bahuvarṣāṇi sarvabhogavilāsinaḥ | viśālākṣīṃ mahārāja ekadā hyūcivānidam
Sanskrit only: no published translation is held for this verse.
पतिव्रतां धर्मपत्नीं पतिव्रतपरायणाम् । पुत्रा जाता विशालाक्षि प्रजारक्षा धुरंधराः
pativratāṃ dharmapatnīṃ pativrataparāyaṇām | putrā jātā viśālākṣi prajārakṣā dhuraṃdharāḥ
Sanskrit only: no published translation is held for this verse.
परीवारो महान्मह्यं वर्तते विगतज्वरः । हस्तिनो मम शैलाभा वाजिनः पवनोपमाः
parīvāro mahānmahyaṃ vartate vigatajvaraḥ | hastino mama śailābhā vājinaḥ pavanopamāḥ
Sanskrit only: no published translation is held for this verse.
रथाश्च सुहयैर्युक्ता वर्तंते मम नित्यशः । महाविष्णुप्रसादेन किंचिन्न्यूनं ममास्ति न
rathāśca suhayairyuktā vartaṃte mama nityaśaḥ | mahāviṣṇuprasādena kiṃcinnyūnaṃ mamāsti na
Sanskrit only: no published translation is held for this verse.
एवं मनोरथस्त्वेकस्तिष्ठते मानसे मम । परं तीर्थं मया नाद्य कृतं परमशोभने
evaṃ manorathastvekastiṣṭhate mānase mama | paraṃ tīrthaṃ mayā nādya kṛtaṃ paramaśobhane
Sanskrit only: no published translation is held for this verse.
गर्भवासविरामाय क्षमं गोविंदशोभितम् । वृद्धो जातोऽस्म्यहं तावद्वलीपलितदेहवान्
garbhavāsavirāmāya kṣamaṃ goviṃdaśobhitam | vṛddho jāto'smyahaṃ tāvadvalīpalitadehavān
Sanskrit only: no published translation is held for this verse.
करिष्यामि मनोहारि तीर्थसेवनमादृतः । यो नरो जन्मपर्यंतं स्वोदरस्य प्रपूरकः
kariṣyāmi manohāri tīrthasevanamādṛtaḥ | yo naro janmaparyaṃtaṃ svodarasya prapūrakaḥ
Sanskrit only: no published translation is held for this verse.
न करोति हरेः पूजां स नरो गोवृषः स्मृतः । तस्माद्गच्छामि भो भद्रे तीर्थयात्रां प्रति प्रिये
na karoti hareḥ pūjāṃ sa naro govṛṣaḥ smṛtaḥ | tasmādgacchāmi bho bhadre tīrthayātrāṃ prati priye
Sanskrit only: no published translation is held for this verse.
सकुटुंबः सुते न्यस्य धुरं राज्यस्य निर्भृताम् । इति व्यवस्य संध्यायां हरिं ध्यायन्निशांतरे
sakuṭuṃbaḥ sute nyasya dhuraṃ rājyasya nirbhṛtām | iti vyavasya saṃdhyāyāṃ hariṃ dhyāyanniśāṃtare
Sanskrit only: no published translation is held for this verse.
अद्राक्षीत्स्वप्नमप्येकं ब्राह्मणं तापसं वरम् । प्रातरुत्थाय राजासौ कृत्वा संध्यादिकाः क्रियाः
adrākṣītsvapnamapyekaṃ brāhmaṇaṃ tāpasaṃ varam | prātarutthāya rājāsau kṛtvā saṃdhyādikāḥ kriyāḥ
Sanskrit only: no published translation is held for this verse.
सभां मंत्रिजनैः सार्द्धं सुखमासेदिवान्महान् । तावद्विप्रं ददर्शाथ तापसं कृशदेहिनम्
sabhāṃ maṃtrijanaiḥ sārddhaṃ sukhamāsedivānmahān | tāvadvipraṃ dadarśātha tāpasaṃ kṛśadehinam
Sanskrit only: no published translation is held for this verse.
जटावल्कलकौपीनधारिणं दंडपाणिनम् । अनेकतीर्थसेवाभिः कृतपुण्यकलेवरम्
jaṭāvalkalakaupīnadhāriṇaṃ daṃḍapāṇinam | anekatīrthasevābhiḥ kṛtapuṇyakalevaram
Sanskrit only: no published translation is held for this verse.
राजा तं वीक्ष्य शिरसा प्रणनाम महाभुजः । अर्घ्यपाद्यादिकं चक्रे प्रहृष्टात्मा महीपतिः
rājā taṃ vīkṣya śirasā praṇanāma mahābhujaḥ | arghyapādyādikaṃ cakre prahṛṣṭātmā mahīpatiḥ
Sanskrit only: no published translation is held for this verse.
सुखोपविष्टं विश्रांतं पप्रच्छ विदितं द्विजम् । स्वामिंस्त्वद्दर्शनान्मेऽद्य गतं देहस्य पातकम्
sukhopaviṣṭaṃ viśrāṃtaṃ papraccha viditaṃ dvijam | svāmiṃstvaddarśanānme'dya gataṃ dehasya pātakam
Sanskrit only: no published translation is held for this verse.
महांतः कृपणान्पातुं यांति तद्गेहमादरात् । तस्मात्कथय भो विप्र वृद्धस्य मम संप्रति
mahāṃtaḥ kṛpaṇānpātuṃ yāṃti tadgehamādarāt | tasmātkathaya bho vipra vṛddhasya mama saṃprati
Sanskrit only: no published translation is held for this verse.
को देवो गर्भनाशाय किं तीर्थं च क्षमं भवेत् । यूयं सर्वगताः श्रेष्ठाः समाधिध्यानतत्पराः
ko devo garbhanāśāya kiṃ tīrthaṃ ca kṣamaṃ bhavet | yūyaṃ sarvagatāḥ śreṣṭhāḥ samādhidhyānatatparāḥ
Sanskrit only: no published translation is held for this verse.
सर्वतीर्थावगाहेन कृतपुण्यात्मनोऽमलाः । यथावच्छृण्वते मह्यं श्रद्दधानाय विस्तरात्
sarvatīrthāvagāhena kṛtapuṇyātmano'malāḥ | yathāvacchṛṇvate mahyaṃ śraddadhānāya vistarāt
Sanskrit only: no published translation is held for this verse.
कथयस्व प्रसादेन सर्वतीर्थविचक्षण । ब्राह्मण उवाच। शृणु राजेंद्र वक्ष्यामि यत्पृष्टं तीर्थसेवनम्
kathayasva prasādena sarvatīrthavicakṣaṇa | brāhmaṇa uvāca| śṛṇu rājeṃdra vakṣyāmi yatpṛṣṭaṃ tīrthasevanam
Sanskrit only: no published translation is held for this verse.
कस्य देवस्य कृपया गर्भनिर्वारणं भवेत् । सेव्यः श्रीरामचंद्रोऽसौ संसारज्वरनाशकः
kasya devasya kṛpayā garbhanirvāraṇaṃ bhavet | sevyaḥ śrīrāmacaṃdro'sau saṃsārajvaranāśakaḥ
Sanskrit only: no published translation is held for this verse.
पूज्यः स एव भगवान्पुरुषोत्तमसंज्ञकः । नाना पुर्यो मया दृष्टाः सर्वपापक्षयंकराः
pūjyaḥ sa eva bhagavānpuruṣottamasaṃjñakaḥ | nānā puryo mayā dṛṣṭāḥ sarvapāpakṣayaṃkarāḥ
Sanskrit only: no published translation is held for this verse.
अयोध्या सरयूस्तापी तथा द्वारं हरेः परम् । अवंती विमला कांची रेवा सागरगामिनी
ayodhyā sarayūstāpī tathā dvāraṃ hareḥ param | avaṃtī vimalā kāṃcī revā sāgaragāminī
Sanskrit only: no published translation is held for this verse.
गोकर्णं हाटकाख्यं च हत्याकोटिविनाशनम् । मल्लिकाख्यो महाशैलो मोक्षदः पश्यतां नृणाम्
gokarṇaṃ hāṭakākhyaṃ ca hatyākoṭivināśanam | mallikākhyo mahāśailo mokṣadaḥ paśyatāṃ nṛṇām
Sanskrit only: no published translation is held for this verse.
यत्रांगेषु नृणां तोयं श्यामं वा निर्मलं भवेत् । पातकस्यापहारीदं मया दृष्टं तु तीर्थकम्
yatrāṃgeṣu nṛṇāṃ toyaṃ śyāmaṃ vā nirmalaṃ bhavet | pātakasyāpahārīdaṃ mayā dṛṣṭaṃ tu tīrthakam
Sanskrit only: no published translation is held for this verse.
मया द्वारवती दृष्टा सुरासुर निषेविता । गोमती यत्र वहति साक्षाद्ब्रह्मजला शुभा
mayā dvāravatī dṛṣṭā surāsura niṣevitā | gomatī yatra vahati sākṣādbrahmajalā śubhā
Sanskrit only: no published translation is held for this verse.
यत्र स्वापो लयः प्रोक्तो मृतिर्मोक्ष इति श्रुतिः । यस्यां संवसतां नॄणां न कलि प्रभवेत्क्वचित्
yatra svāpo layaḥ prokto mṛtirmokṣa iti śrutiḥ | yasyāṃ saṃvasatāṃ nṝṇāṃ na kali prabhavetkvacit
Sanskrit only: no published translation is held for this verse.
चक्रांका यत्र पाषाणा मानवा अपि चक्रिणः । पशवः कीटपक्ष्याद्याः सर्वे चक्रशरीरिणः
cakrāṃkā yatra pāṣāṇā mānavā api cakriṇaḥ | paśavaḥ kīṭapakṣyādyāḥ sarve cakraśarīriṇaḥ
Sanskrit only: no published translation is held for this verse.
त्रिविक्रमो वसेद्यस्यां सर्वलोकैकपालकः । सा पुरी तु महापुण्यैर्मया दृग्गोचरीकृता
trivikramo vasedyasyāṃ sarvalokaikapālakaḥ | sā purī tu mahāpuṇyairmayā dṛggocarīkṛtā
Sanskrit only: no published translation is held for this verse.
कुरुक्षेत्रं मया दृष्टं सर्वहत्यापनोदनम् । स्यमंतपंचकं यत्र महापातकनाशनम्
kurukṣetraṃ mayā dṛṣṭaṃ sarvahatyāpanodanam | syamaṃtapaṃcakaṃ yatra mahāpātakanāśanam
Sanskrit only: no published translation is held for this verse.
वाराणसी मया दृष्टा विश्वनाथकृतालया । यत्रोपदिशते मंत्रं तारकं ब्रह्मसंज्ञितम्
vārāṇasī mayā dṛṣṭā viśvanāthakṛtālayā | yatropadiśate maṃtraṃ tārakaṃ brahmasaṃjñitam
Sanskrit only: no published translation is held for this verse.
यस्यां मृताः कीटपतंगभृंगाः पश्वादयो वा सुरयोनयो वा । स्वकर्मसंभोगसुखं विहाय गच्छंति कैलासमतीतदुःखाः
yasyāṃ mṛtāḥ kīṭapataṃgabhṛṃgāḥ paśvādayo vā surayonayo vā | svakarmasaṃbhogasukhaṃ vihāya gacchaṃti kailāsamatītaduḥkhāḥ
Sanskrit only: no published translation is held for this verse.
मणिकर्णिर्यत्र तीर्थं यस्यामुत्तरवाहिनी । करोति संसृतेर्बंधच्छेदं पापकृतामपि
maṇikarṇiryatra tīrthaṃ yasyāmuttaravāhinī | karoti saṃsṛterbaṃdhacchedaṃ pāpakṛtāmapi
Sanskrit only: no published translation is held for this verse.
कपर्दिनः कुंडलिनः सर्पभूषाधरावराः । गजचर्मपरीधाना वसंति गतदुःखकाः
kapardinaḥ kuṃḍalinaḥ sarpabhūṣādharāvarāḥ | gajacarmaparīdhānā vasaṃti gataduḥkhakāḥ
Sanskrit only: no published translation is held for this verse.
कालभैरवनामात्र करोति यमशासनम् । न करोति नृणां वार्तां यमो दंडधरः प्रभुः
kālabhairavanāmātra karoti yamaśāsanam | na karoti nṛṇāṃ vārtāṃ yamo daṃḍadharaḥ prabhuḥ
Sanskrit only: no published translation is held for this verse.
एतादृशी मया दृष्टा काशी विश्वेश्वरांकिता । अनेकान्यपि तीर्थानि मया दृष्टानि भूमिप
etādṛśī mayā dṛṣṭā kāśī viśveśvarāṃkitā | anekānyapi tīrthāni mayā dṛṣṭāni bhūmipa
Sanskrit only: no published translation is held for this verse.
परमेकं महच्चित्रं यद्दृष्टं नीलपर्वते । पुरुषोत्तमसान्निध्ये तन्न क्वाप्यक्षिगोचरम्
paramekaṃ mahaccitraṃ yaddṛṣṭaṃ nīlaparvate | puruṣottamasānnidhye tanna kvāpyakṣigocaram
Sanskrit only: no published translation is held for this verse.