Padma Purāṇa 5.18

ब्राह्मण उवाच। राजंस्त्वं शृणु यद्वृत्तं नीले पर्वतसत्तमे । यच्छ्रद्दधानाः पुरुषा यांति ब्रह्म सनातनम्

brāhmaṇa uvāca| rājaṃstvaṃ śṛṇu yadvṛttaṃ nīle parvatasattame | yacchraddadhānāḥ puruṣā yāṃti brahma sanātanam

Sanskrit only: no published translation is held for this verse.

मया पर्यटता तत्र गतं नीलाभिधे गिरौ । गंगासागरतोयेन क्षालितप्रांगणे मुहुः

mayā paryaṭatā tatra gataṃ nīlābhidhe girau | gaṃgāsāgaratoyena kṣālitaprāṃgaṇe muhuḥ

Sanskrit only: no published translation is held for this verse.

तत्र भिल्ला मया दृष्टाः पर्वताग्रे धनुर्भृतः । चतुर्भुजा मूलफलैर्भक्ष्यैर्निर्वाहितक्लमाः

tatra bhillā mayā dṛṣṭāḥ parvatāgre dhanurbhṛtaḥ | caturbhujā mūlaphalairbhakṣyairnirvāhitaklamāḥ

Sanskrit only: no published translation is held for this verse.

तदा मे मनसि क्षिप्रं संशयः सुमहानभूत् । चतुर्भुजाः किमेते वै धनुर्बाणधरा नराः

tadā me manasi kṣipraṃ saṃśayaḥ sumahānabhūt | caturbhujāḥ kimete vai dhanurbāṇadharā narāḥ

Sanskrit only: no published translation is held for this verse.

वैकुंठवासिनां रूपं दृश्यते विजितात्मनाम् । कथमेतैरुपालब्धं ब्रह्माद्यैरपि दुर्ल्लभम्

vaikuṃṭhavāsināṃ rūpaṃ dṛśyate vijitātmanām | kathametairupālabdhaṃ brahmādyairapi durllabham

Sanskrit only: no published translation is held for this verse.

शंखचक्रगदाशार्ङ्गपद्मोल्लसितपाणयः । वनमालापरीतांगा विष्णुभक्ता इवांतिके

śaṃkhacakragadāśārṅgapadmollasitapāṇayaḥ | vanamālāparītāṃgā viṣṇubhaktā ivāṃtike

Sanskrit only: no published translation is held for this verse.

संशयाविष्टचित्तेन मया पृष्टं तदा नृप । यूयं के बत युष्माभिर्लब्धं चातुर्भुजं कथम्

saṃśayāviṣṭacittena mayā pṛṣṭaṃ tadā nṛpa | yūyaṃ ke bata yuṣmābhirlabdhaṃ cāturbhujaṃ katham

Sanskrit only: no published translation is held for this verse.

तदा तैर्बहु हास्यं तु कृत्वा मां प्रतिभाषितम् । ब्राह्मणोऽयं न जानाति पिंडमाहात्म्यमद्भुतम्

tadā tairbahu hāsyaṃ tu kṛtvā māṃ pratibhāṣitam | brāhmaṇo'yaṃ na jānāti piṃḍamāhātmyamadbhutam

Sanskrit only: no published translation is held for this verse.

इति श्रुत्वाऽवदं चाहं कः पिंडः कस्य दीयते । तन्मम ब्रूत धर्मिष्ठाश्चतुर्भुजशरीरिणः

iti śrutvā'vadaṃ cāhaṃ kaḥ piṃḍaḥ kasya dīyate | tanmama brūta dharmiṣṭhāścaturbhujaśarīriṇaḥ

Sanskrit only: no published translation is held for this verse.

तदा मद्वाक्यमाकर्ण्य कथितं तैर्महात्मभिः । सर्वं तत्र तु यद्वृत्तं चतुर्भुजभवादिकम्

tadā madvākyamākarṇya kathitaṃ tairmahātmabhiḥ | sarvaṃ tatra tu yadvṛttaṃ caturbhujabhavādikam

Sanskrit only: no published translation is held for this verse.

किराता ऊचुः। शृणु ब्राह्मण वृत्तांतमस्माकं पृथुकः शिशुः । नित्यं जंबूफलादीनि भक्षयन्क्रीडया चरन्

kirātā ūcuḥ| śṛṇu brāhmaṇa vṛttāṃtamasmākaṃ pṛthukaḥ śiśuḥ | nityaṃ jaṃbūphalādīni bhakṣayankrīḍayā caran

Sanskrit only: no published translation is held for this verse.

एकदा रममाणस्तु गिरिशृंगं मनोरमम् । समारुरोह शिशुभिः समंतात्परिवारितः

ekadā ramamāṇastu giriśṛṃgaṃ manoramam | samāruroha śiśubhiḥ samaṃtātparivāritaḥ

Sanskrit only: no published translation is held for this verse.

तदा तत्र ददर्शाहं देवायतनमद्भुतम् । गारुत्मतादिमणिभिः खचितं स्वर्णभित्तिकम्

tadā tatra dadarśāhaṃ devāyatanamadbhutam | gārutmatādimaṇibhiḥ khacitaṃ svarṇabhittikam

Sanskrit only: no published translation is held for this verse.

स्वकांत्यातिमिरश्रेणीं दारयद्रविवद्भृशम् । दृष्ट्वा विस्मयमापेदे किमिदं कस्य वै गृहम्

svakāṃtyātimiraśreṇīṃ dārayadravivadbhṛśam | dṛṣṭvā vismayamāpede kimidaṃ kasya vai gṛham

Sanskrit only: no published translation is held for this verse.

गत्वा विलोकयामीति किमिदं महतां पदम् । इति संचिंत्य गेहांतर्जगाम बहुभाग्यतः

gatvā vilokayāmīti kimidaṃ mahatāṃ padam | iti saṃciṃtya gehāṃtarjagāma bahubhāgyataḥ

Sanskrit only: no published translation is held for this verse.

ददर्श तत्र देवेशं सुरासुरनमस्कृतम् । किरीटहारकेयूरग्रैवेयाद्यैर्विराजितम्

dadarśa tatra deveśaṃ surāsuranamaskṛtam | kirīṭahārakeyūragraiveyādyairvirājitam

Sanskrit only: no published translation is held for this verse.

मनोहरावतंसौ च धारयंतं सुनिर्मलौ । पादपद्मे तुलसिका गंधमत्तषडंघ्रिके

manoharāvataṃsau ca dhārayaṃtaṃ sunirmalau | pādapadme tulasikā gaṃdhamattaṣaḍaṃghrike

Sanskrit only: no published translation is held for this verse.

शंखचक्रगदाशार्ङ्ग पद्माद्यैर्मूर्तिसंयुतैः । उपासितांघ्रिं श्रीमूर्तिं नारदाद्यैः सुसेवितम्

śaṃkhacakragadāśārṅga padmādyairmūrtisaṃyutaiḥ | upāsitāṃghriṃ śrīmūrtiṃ nāradādyaiḥ susevitam

Sanskrit only: no published translation is held for this verse.

केचिद्गायंति नृत्यंति हसंति परमाद्भुतम् । प्रीणयंति महाराजं सर्वलोकैकवंदितम्

kecidgāyaṃti nṛtyaṃti hasaṃti paramādbhutam | prīṇayaṃti mahārājaṃ sarvalokaikavaṃditam

Sanskrit only: no published translation is held for this verse.

हरिं वीक्ष्य मदीयोर्भस्तत्र संजग्मिवान्मुने । देवास्तत्र विधायोच्चैः पूजां धूपादिसंयताम्

hariṃ vīkṣya madīyorbhastatra saṃjagmivānmune | devāstatra vidhāyoccaiḥ pūjāṃ dhūpādisaṃyatām

Sanskrit only: no published translation is held for this verse.

नैवेद्यं श्रीप्रियस्यार्थे कृत्वा नीराजनं ततः । जग्मुः स्वं स्वं गृहं राजन्कृपां पश्यंत आदरात्

naivedyaṃ śrīpriyasyārthe kṛtvā nīrājanaṃ tataḥ | jagmuḥ svaṃ svaṃ gṛhaṃ rājankṛpāṃ paśyaṃta ādarāt

Sanskrit only: no published translation is held for this verse.

महाभाग्यवशात्तेन प्राप्तं नैवेद्यसिक्थकम् । पतितं ब्रह्मदेवाद्यैर्दुर्ल्लभं सुरमानुषैः

mahābhāgyavaśāttena prāptaṃ naivedyasikthakam | patitaṃ brahmadevādyairdurllabhaṃ suramānuṣaiḥ

Sanskrit only: no published translation is held for this verse.

तद्भक्षणं च कृत्वाथो श्रीमूर्तिमवलोक्य च । चतुर्भुजत्वमाप्तं वै पृथुकेन सुशोभिना

tadbhakṣaṇaṃ ca kṛtvātho śrīmūrtimavalokya ca | caturbhujatvamāptaṃ vai pṛthukena suśobhinā

Sanskrit only: no published translation is held for this verse.

तदास्माभिर्गृहं प्राप्तो बालको वीक्षितो मुहुः । चतुर्भुजत्वं संप्राप्तः शंखचक्रादिधारकः

tadāsmābhirgṛhaṃ prāpto bālako vīkṣito muhuḥ | caturbhujatvaṃ saṃprāptaḥ śaṃkhacakrādidhārakaḥ

Sanskrit only: no published translation is held for this verse.

अस्माभिः पृष्टमेतस्य किमेतज्जातमद्भुतम् । तदा प्रोवाच नः सर्वान्बालकः परमाद्भुतम्

asmābhiḥ pṛṣṭametasya kimetajjātamadbhutam | tadā provāca naḥ sarvānbālakaḥ paramādbhutam

Sanskrit only: no published translation is held for this verse.

शिखराग्रे गतः पूर्वं तत्र दृष्टः सुरेश्वरः । तत्र नैवेद्यसिक्थं तु मया प्राप्तं मनोहरम्

śikharāgre gataḥ pūrvaṃ tatra dṛṣṭaḥ sureśvaraḥ | tatra naivedyasikthaṃ tu mayā prāptaṃ manoharam

Sanskrit only: no published translation is held for this verse.

तस्य भक्षणमात्रेण कारणेन तु सांप्रतम् । चतुर्भुजत्वं संप्राप्तो विस्मयेन समन्वितः

tasya bhakṣaṇamātreṇa kāraṇena tu sāṃpratam | caturbhujatvaṃ saṃprāpto vismayena samanvitaḥ

Sanskrit only: no published translation is held for this verse.

तच्छ्रुत्वा तु वचस्तस्य सद्यः संप्राप्तविस्मयैः । अस्माभिरप्यसौ दृष्टो देवः परमदुर्ल्लभः

tacchrutvā tu vacastasya sadyaḥ saṃprāptavismayaiḥ | asmābhirapyasau dṛṣṭo devaḥ paramadurllabhaḥ

Sanskrit only: no published translation is held for this verse.

अन्नादिकं तत्र भुक्तं सर्वस्वादसमन्वितम् । वयं चतुर्भुजा जाता देवस्य कृपया पुनः । गत्वा त्वमपि देवस्य दर्शनं कुरु सत्तम

annādikaṃ tatra bhuktaṃ sarvasvādasamanvitam | vayaṃ caturbhujā jātā devasya kṛpayā punaḥ | gatvā tvamapi devasya darśanaṃ kuru sattama

Sanskrit only: no published translation is held for this verse.

भुक्त्वा तत्रान्नसिक्थं तु भव विप्र चतुर्भुजः । त्वया पृष्टं यदाश्चर्यं तदुक्तं वाडवर्षभ

bhuktvā tatrānnasikthaṃ tu bhava vipra caturbhujaḥ | tvayā pṛṣṭaṃ yadāścaryaṃ taduktaṃ vāḍavarṣabha

Sanskrit only: no published translation is held for this verse.