Library·Padma Purāṇa·5·5.19
ब्राह्मण उवाच। इति श्रुत्वा तु तद्वाक्यं भिल्लानामहमद्भुतम् । अत्याश्चर्यमिदं मत्वा प्रहृष्टोऽभवमित्युत
brāhmaṇa uvāca| iti śrutvā tu tadvākyaṃ bhillānāmahamadbhutam | atyāścaryamidaṃ matvā prahṛṣṭo'bhavamityuta
Sanskrit only: no published translation is held for this verse.
गंगासागरसंयोगे स्नात्वा पुण्यकलेवरः । शृंगमारुरुहे तत्र मणिमाणिक्यचित्रितम्
gaṃgāsāgarasaṃyoge snātvā puṇyakalevaraḥ | śṛṃgamāruruhe tatra maṇimāṇikyacitritam
Sanskrit only: no published translation is held for this verse.
तत्रापश्यं महाराज देवं देवादिवंदितम् । नमस्कृत्वा कृतार्थोऽहं जातोन्नप्राशनेन च
tatrāpaśyaṃ mahārāja devaṃ devādivaṃditam | namaskṛtvā kṛtārtho'haṃ jātonnaprāśanena ca
Sanskrit only: no published translation is held for this verse.
चतुर्भुजत्वं संप्राप्तः शंखचक्रादिचिह्नितम् । पुरुषोत्तमदर्शनेन न पुनर्गर्भमाविशम्
caturbhujatvaṃ saṃprāptaḥ śaṃkhacakrādicihnitam | puruṣottamadarśanena na punargarbhamāviśam
Sanskrit only: no published translation is held for this verse.
राजंस्त्वमपि तत्राशु गच्छ नीलाभिधं गिरिम् । कृतार्थं कुरु चात्मानं गर्भदुःखविवर्जितम्
rājaṃstvamapi tatrāśu gaccha nīlābhidhaṃ girim | kṛtārthaṃ kuru cātmānaṃ garbhaduḥkhavivarjitam
Sanskrit only: no published translation is held for this verse.
इत्याकर्ण्य वचस्तस्य वाडवाग्र्यस्य धीमतः । पप्रच्छ हृष्टगात्रस्तु तीर्थयात्राविधिं मुनिम्
ityākarṇya vacastasya vāḍavāgryasya dhīmataḥ | papraccha hṛṣṭagātrastu tīrthayātrāvidhiṃ munim
Sanskrit only: no published translation is held for this verse.
राजोवाच। साधु विप्राग्र्य हे साधो त्वया प्रोक्तं ममानघ । पुरुषोत्तममाहात्म्यं शृण्वतां पापनाशनम्
rājovāca| sādhu viprāgrya he sādho tvayā proktaṃ mamānagha | puruṣottamamāhātmyaṃ śṛṇvatāṃ pāpanāśanam
Sanskrit only: no published translation is held for this verse.
ब्रूहि तत्तीर्थयात्रायां विधिं श्रुतिसमन्वितम् । विधिना केन संपूर्ण फलप्राप्तिर्नृणां भवेत्
brūhi tattīrthayātrāyāṃ vidhiṃ śrutisamanvitam | vidhinā kena saṃpūrṇa phalaprāptirnṛṇāṃ bhavet
Sanskrit only: no published translation is held for this verse.
ब्राह्मण उवाच। शृणु राजन्प्रवक्ष्यामि तीर्थयात्राविधिं शुभम् । येन संप्राप्यते देवः सुरासुरनमस्कृतः
brāhmaṇa uvāca| śṛṇu rājanpravakṣyāmi tīrthayātrāvidhiṃ śubham | yena saṃprāpyate devaḥ surāsuranamaskṛtaḥ
Sanskrit only: no published translation is held for this verse.
वलीपलितदेहो वा यौवनेनान्वितोऽपि वा । ज्ञात्वा मृत्युमनिस्तीर्यं हरिं शरणमाव्रजेत्
valīpalitadeho vā yauvanenānvito'pi vā | jñātvā mṛtyumanistīryaṃ hariṃ śaraṇamāvrajet
Sanskrit only: no published translation is held for this verse.
तत्कीर्तने तच्छ्रवणे वंदने तस्य पूजने । मतिरेव प्रकर्तव्या नान्यत्र वनितादिषु
tatkīrtane tacchravaṇe vaṃdane tasya pūjane | matireva prakartavyā nānyatra vanitādiṣu
Sanskrit only: no published translation is held for this verse.
सर्वं नश्वरमालोक्य क्षणस्थायि सुदुःखदम् । जन्ममृत्युजरातीतं भक्तिवल्लभमच्युतम्
sarvaṃ naśvaramālokya kṣaṇasthāyi suduḥkhadam | janmamṛtyujarātītaṃ bhaktivallabhamacyutam
Sanskrit only: no published translation is held for this verse.
क्रोधात्कामाद्भयाद्द्वेषाल्लोभाद्दंभान्नरः पुनः । यथाकथंचिद्विभजन्न स दुःखं समश्नुते
krodhātkāmādbhayāddveṣāllobhāddaṃbhānnaraḥ punaḥ | yathākathaṃcidvibhajanna sa duḥkhaṃ samaśnute
Sanskrit only: no published translation is held for this verse.
स हरिर्जायते साधुसंगमात्पापवर्जितात् । येषां कृपातः पुरुषा भवंत्यसुखवर्जिताः
sa harirjāyate sādhusaṃgamātpāpavarjitāt | yeṣāṃ kṛpātaḥ puruṣā bhavaṃtyasukhavarjitāḥ
Sanskrit only: no published translation is held for this verse.
ते साधवः शांतरागाः कामलोभविवर्जिताः । ब्रुवंति यन्महाराज तत्संसारनिवर्तकम्
te sādhavaḥ śāṃtarāgāḥ kāmalobhavivarjitāḥ | bruvaṃti yanmahārāja tatsaṃsāranivartakam
Sanskrit only: no published translation is held for this verse.
तीर्थेषु लभ्यते साधू रामचंद्र परायणः । यद्दर्शनं नृणां पापराशिदाहाशुशुक्षणिः
tīrtheṣu labhyate sādhū rāmacaṃdra parāyaṇaḥ | yaddarśanaṃ nṛṇāṃ pāparāśidāhāśuśukṣaṇiḥ
Sanskrit only: no published translation is held for this verse.
तस्मात्तीर्थेषु गंतव्यं नरैः संसारभीरुभिः । पुण्योदकेषु सततं साधुश्रेणिविराजिषु
tasmāttīrtheṣu gaṃtavyaṃ naraiḥ saṃsārabhīrubhiḥ | puṇyodakeṣu satataṃ sādhuśreṇivirājiṣu
Sanskrit only: no published translation is held for this verse.
तानि तीर्थानि विधिना दृष्टानि प्रहरंत्यघम् । तं विधिं नृपशार्दूल कुरुष्व श्रुतिगोचरम्
tāni tīrthāni vidhinā dṛṣṭāni praharaṃtyagham | taṃ vidhiṃ nṛpaśārdūla kuruṣva śrutigocaram
Sanskrit only: no published translation is held for this verse.
विरागं जनयेत्पूर्वं कलत्रादि कुटुंबके । असत्यभूतं तज्ज्ञात्वा हरिं तु मनसा स्मरेत्
virāgaṃ janayetpūrvaṃ kalatrādi kuṭuṃbake | asatyabhūtaṃ tajjñātvā hariṃ tu manasā smaret
Sanskrit only: no published translation is held for this verse.
क्रोशमात्रं ततो गत्वा रामरामेति च ब्रुवन् । तत्र तीर्थादिषु स्नात्वा क्षौरं कुर्याद्विधानवित्
krośamātraṃ tato gatvā rāmarāmeti ca bruvan | tatra tīrthādiṣu snātvā kṣauraṃ kuryādvidhānavit
Sanskrit only: no published translation is held for this verse.
मनुष्याणां च पापानि तीर्थानि प्रति गच्छताम् । केशानाश्रित्य तिष्ठंति तस्माद्वपनमाचरेत्
manuṣyāṇāṃ ca pāpāni tīrthāni prati gacchatām | keśānāśritya tiṣṭhaṃti tasmādvapanamācaret
Sanskrit only: no published translation is held for this verse.
ततो दंडं तु निर्ग्रन्थिं कमंडलुमथाजिनम् । बिभृयाल्लोभनिर्मुक्तस्तीर्थवेषधरो नरः
tato daṃḍaṃ tu nirgranthiṃ kamaṃḍalumathājinam | bibhṛyāllobhanirmuktastīrthaveṣadharo naraḥ
Sanskrit only: no published translation is held for this verse.
विधिना गच्छतां नॄणां फलावाप्तिर्विशेषतः । तस्मात्सर्वप्रयत्नेन तीर्थयात्राविधिं चरेत्
vidhinā gacchatāṃ nṝṇāṃ phalāvāptirviśeṣataḥ | tasmātsarvaprayatnena tīrthayātrāvidhiṃ caret
Sanskrit only: no published translation is held for this verse.
यस्य हस्तौ च पादौ च मनश्चैव सुसंहितम् । विद्या तपश्च कीर्तिश्च स तीर्थफलमश्नुते
yasya hastau ca pādau ca manaścaiva susaṃhitam | vidyā tapaśca kīrtiśca sa tīrthaphalamaśnute
Sanskrit only: no published translation is held for this verse.
हरेकृष्ण हरेकृष्ण भक्तवत्सल गोपते । शरण्य भगवन्विष्णो मां पाहि बहुसंसृतेः
harekṛṣṇa harekṛṣṇa bhaktavatsala gopate | śaraṇya bhagavanviṣṇo māṃ pāhi bahusaṃsṛteḥ
Sanskrit only: no published translation is held for this verse.
इति ब्रुवन्रसनया मनसा च हरिं स्मरन् । पादचारी गतिं कुर्यात्तीर्थं प्रति महोदयः
iti bruvanrasanayā manasā ca hariṃ smaran | pādacārī gatiṃ kuryāttīrthaṃ prati mahodayaḥ
Sanskrit only: no published translation is held for this verse.
यानेन गच्छन्पुरुषः समभागफलं लभेत् । उपानद्भ्यां चतुर्थांशं गोयाने गोवधादिकम्
yānena gacchanpuruṣaḥ samabhāgaphalaṃ labhet | upānadbhyāṃ caturthāṃśaṃ goyāne govadhādikam
Sanskrit only: no published translation is held for this verse.
व्यवहर्ता तृतीयांशं सेवयाष्टमभागभाक् । अनिच्छया व्रजंस्तत्र तीर्थमर्धफलं लभेत्
vyavahartā tṛtīyāṃśaṃ sevayāṣṭamabhāgabhāk | anicchayā vrajaṃstatra tīrthamardhaphalaṃ labhet
Sanskrit only: no published translation is held for this verse.
यथायथं प्रकर्तव्या तीर्थानामभियात्रिका । पापक्षयो भवत्येव विधिदृष्ट्या विशेषतः
yathāyathaṃ prakartavyā tīrthānāmabhiyātrikā | pāpakṣayo bhavatyeva vidhidṛṣṭyā viśeṣataḥ
Sanskrit only: no published translation is held for this verse.
तत्र साधून्नमस्कुर्यात्पादवंदनसेवनैः । तद्द्वारा हरिभक्तिर्हि प्राप्यते पुरुषोत्तमे
tatra sādhūnnamaskuryātpādavaṃdanasevanaiḥ | taddvārā haribhaktirhi prāpyate puruṣottame
Sanskrit only: no published translation is held for this verse.
इति तीर्थविधिः प्रोक्तः समासेन न विस्तरात् । एवं विधिं समाश्रित्य गच्छ त्वं पुरुषोत्तमम्
iti tīrthavidhiḥ proktaḥ samāsena na vistarāt | evaṃ vidhiṃ samāśritya gaccha tvaṃ puruṣottamam
Sanskrit only: no published translation is held for this verse.
तुभ्यं तुष्टो महाराज दास्यते भक्तिमच्युतः । यथा संसारनिर्वाहः क्षणादेव भविष्यति
tubhyaṃ tuṣṭo mahārāja dāsyate bhaktimacyutaḥ | yathā saṃsāranirvāhaḥ kṣaṇādeva bhaviṣyati
Sanskrit only: no published translation is held for this verse.
तीर्थयात्राविधिं श्रुत्वा सर्वपातकनाशनम् । मुच्यते सर्वपापेभ्य उग्रेभ्यः पुरुषर्षभ
tīrthayātrāvidhiṃ śrutvā sarvapātakanāśanam | mucyate sarvapāpebhya ugrebhyaḥ puruṣarṣabha
Sanskrit only: no published translation is held for this verse.
सुमतिरुवाच । इति वाक्यं समाकर्ण्य ववंदे चरणौ महान् । तत्तीर्थदर्शनौत्सुक्य विह्वलीकृतमानसः
sumatiruvāca | iti vākyaṃ samākarṇya vavaṃde caraṇau mahān | tattīrthadarśanautsukya vihvalīkṛtamānasaḥ
Sanskrit only: no published translation is held for this verse.
आदिदेश निजामात्यं मंत्रवित्तममुत्तमम् । तीर्थयात्रेच्छया सर्वान्सह नेतुं मनो दधत्
ādideśa nijāmātyaṃ maṃtravittamamuttamam | tīrthayātrecchayā sarvānsaha netuṃ mano dadhat
Sanskrit only: no published translation is held for this verse.
मंत्रिन्पौरजनान्सर्वानादिश त्वं ममाज्ञया । पुरुषोत्तमपादाब्जदर्शनप्रीतिहेतवे
maṃtrinpaurajanānsarvānādiśa tvaṃ mamājñayā | puruṣottamapādābjadarśanaprītihetave
Sanskrit only: no published translation is held for this verse.
ये मदीये पुरे लोका ये च मद्वाक्यकारकाः । सर्वे निर्यांतु मत्पुर्या मया सह नरोत्तमाः
ye madīye pure lokā ye ca madvākyakārakāḥ | sarve niryāṃtu matpuryā mayā saha narottamāḥ
Sanskrit only: no published translation is held for this verse.
ये तु मद्वाक्यमुल्लंघ्य स्थास्यंति पुरुषा गृहे । ते दंड्या यमदंडेन पापिनोऽधर्महेतवः
ye tu madvākyamullaṃghya sthāsyaṃti puruṣā gṛhe | te daṃḍyā yamadaṃḍena pāpino'dharmahetavaḥ
Sanskrit only: no published translation is held for this verse.
किं तेन सुतवृंदेन बांधवैः किं सुदुर्नयैः । यैर्नदृष्टः स्वचक्षुर्भ्यां पुण्यदः पुरुषोत्तमः
kiṃ tena sutavṛṃdena bāṃdhavaiḥ kiṃ sudurnayaiḥ | yairnadṛṣṭaḥ svacakṣurbhyāṃ puṇyadaḥ puruṣottamaḥ
Sanskrit only: no published translation is held for this verse.
सूकरीयूथवत्तेषां प्रसूतिर्विट्प्रभक्षिका । येषां पुत्राश्च पौत्रा वा हरिं न शरणं गताः
sūkarīyūthavatteṣāṃ prasūtirviṭprabhakṣikā | yeṣāṃ putrāśca pautrā vā hariṃ na śaraṇaṃ gatāḥ
Sanskrit only: no published translation is held for this verse.
यो देवो नाममात्रेण सर्वान्पावयितुं क्षमः । तं नमस्कुरुत क्षिप्रं मदीयाः प्रकृतिव्रजाः
yo devo nāmamātreṇa sarvānpāvayituṃ kṣamaḥ | taṃ namaskuruta kṣipraṃ madīyāḥ prakṛtivrajāḥ
Sanskrit only: no published translation is held for this verse.
इति वाक्यं मनोहारि भगवद्गुणगुंफितम् । प्रजहर्ष महामात्य उत्तमः सत्यनामधृक्
iti vākyaṃ manohāri bhagavadguṇaguṃphitam | prajaharṣa mahāmātya uttamaḥ satyanāmadhṛk
Sanskrit only: no published translation is held for this verse.
हस्तिनं वरमारोप्य पटहेन व्यघोषयत् । यदादिष्टं नृपेणेह तीर्थयात्रां समिच्छता
hastinaṃ varamāropya paṭahena vyaghoṣayat | yadādiṣṭaṃ nṛpeṇeha tīrthayātrāṃ samicchatā
Sanskrit only: no published translation is held for this verse.
गच्छंतु त्वरिता लोका राज्ञा सह महागिरिम् । दृश्यतां पापसंहारी पुरुषोत्तमनामधृक्
gacchaṃtu tvaritā lokā rājñā saha mahāgirim | dṛśyatāṃ pāpasaṃhārī puruṣottamanāmadhṛk
Sanskrit only: no published translation is held for this verse.
क्रियतां सर्वसंसारसागरो गोष्पदं पुनः । भूष्यतां शंखचक्रादिचिह्नैः स्वस्व तनुर्नरैः
kriyatāṃ sarvasaṃsārasāgaro goṣpadaṃ punaḥ | bhūṣyatāṃ śaṃkhacakrādicihnaiḥ svasva tanurnaraiḥ
Sanskrit only: no published translation is held for this verse.
इत्यादिघोषयामास राज्ञादिष्टं यदद्भुतम् । सचिवो रघुनाथांघ्रि ध्याननिर्वारितश्रमः
ityādighoṣayāmāsa rājñādiṣṭaṃ yadadbhutam | sacivo raghunāthāṃghri dhyānanirvāritaśramaḥ
Sanskrit only: no published translation is held for this verse.
तच्छ्रुत्वा ताः प्रजाः सर्वा आनंदरससंप्लुताः । मनो दधुः स्वनिस्तारे पुरुषोत्तमदर्शनात्
tacchrutvā tāḥ prajāḥ sarvā ānaṃdarasasaṃplutāḥ | mano dadhuḥ svanistāre puruṣottamadarśanāt
Sanskrit only: no published translation is held for this verse.
निर्ययुर्ब्राह्मणास्तत्र शिष्यैः सह सुवेषिणः । आशिषं वरदानाढ्यां ददतो भूमिपं प्रति
niryayurbrāhmaṇāstatra śiṣyaiḥ saha suveṣiṇaḥ | āśiṣaṃ varadānāḍhyāṃ dadato bhūmipaṃ prati
Sanskrit only: no published translation is held for this verse.
क्षत्त्रिया धन्विनो वीरा वैश्या वस्तुक्रयाञ्चिताः । शूद्राः संसारनिस्तारहर्षित स्वीयविग्रहाः
kṣattriyā dhanvino vīrā vaiśyā vastukrayāñcitāḥ | śūdrāḥ saṃsāranistāraharṣita svīyavigrahāḥ
Sanskrit only: no published translation is held for this verse.
रजकाश्चर्मकाः क्षौद्राः किराता भित्तिकारकाः । सूचीवृत्त्या च जीवंतस्तांबूलक्रयकारकाः
rajakāścarmakāḥ kṣaudrāḥ kirātā bhittikārakāḥ | sūcīvṛttyā ca jīvaṃtastāṃbūlakrayakārakāḥ
Sanskrit only: no published translation is held for this verse.
तालवाद्यधरा ये च ये च रंगोपजीविनः । तैलविक्रयिणश्चैव वस्त्रविक्रयिणस्तथा
tālavādyadharā ye ca ye ca raṃgopajīvinaḥ | tailavikrayiṇaścaiva vastravikrayiṇastathā
Sanskrit only: no published translation is held for this verse.
सूता वदंतः पौराणीं वार्तां हर्षसमन्विताः । मागधा बंदिनस्तत्र निर्गता भूमिपाज्ञया
sūtā vadaṃtaḥ paurāṇīṃ vārtāṃ harṣasamanvitāḥ | māgadhā baṃdinastatra nirgatā bhūmipājñayā
Sanskrit only: no published translation is held for this verse.
भिषग्वृत्त्या च जीवंतस्तथा पाशककोविदाः । पाकस्वादुरसाभिज्ञा हास्यवाक्यानुरंजकाः
bhiṣagvṛttyā ca jīvaṃtastathā pāśakakovidāḥ | pākasvādurasābhijñā hāsyavākyānuraṃjakāḥ
Sanskrit only: no published translation is held for this verse.
ऐंद्रजालिकविद्याध्रास्तथा वार्तासुकोविदाः । प्रशंसंतो महाराजं निर्ययुः पुरमध्यतः
aiṃdrajālikavidyādhrāstathā vārtāsukovidāḥ | praśaṃsaṃto mahārājaṃ niryayuḥ puramadhyataḥ
Sanskrit only: no published translation is held for this verse.
राजापि तत्र निर्वर्त्य प्रातःसंध्यादिकाः क्रियाः । ब्राह्मणं तापसश्रेष्ठमानिनाय सुनिर्मलम्
rājāpi tatra nirvartya prātaḥsaṃdhyādikāḥ kriyāḥ | brāhmaṇaṃ tāpasaśreṣṭhamānināya sunirmalam
Sanskrit only: no published translation is held for this verse.
तदाज्ञया महाराजो निर्जगाम पुराद्बहिः । लोकैरनुगतो राजा बभौ चंद्र इवोडुभिः
tadājñayā mahārājo nirjagāma purādbahiḥ | lokairanugato rājā babhau caṃdra ivoḍubhiḥ
Sanskrit only: no published translation is held for this verse.
क्रोशमात्रं स गत्वाथ क्षौरं कृत्वा विधानतः । दंडं कमंडलुं बिभ्रन्मृगचर्म तथा शुभम्
krośamātraṃ sa gatvātha kṣauraṃ kṛtvā vidhānataḥ | daṃḍaṃ kamaṃḍaluṃ bibhranmṛgacarma tathā śubham
Sanskrit only: no published translation is held for this verse.
शुभवेषेण संयुक्तो हरिध्यानपरायणः । कामक्रोधादिरहितं मनो बिभ्रन्महायशाः
śubhaveṣeṇa saṃyukto haridhyānaparāyaṇaḥ | kāmakrodhādirahitaṃ mano bibhranmahāyaśāḥ
Sanskrit only: no published translation is held for this verse.
तदा दुंदुभयो भेर्य आनकाः पणवास्तथा । शंखवीणादिकाश्चैवाध्मातास्तद्वादकैर्मुहुः
tadā duṃdubhayo bherya ānakāḥ paṇavāstathā | śaṃkhavīṇādikāścaivādhmātāstadvādakairmuhuḥ
Sanskrit only: no published translation is held for this verse.
जय देवेश दुःखघ्न पुरुषोत्तमसंज्ञित । दर्शयस्व तनुं मह्यं वदंतो निर्ययुर्जनाः
jaya deveśa duḥkhaghna puruṣottamasaṃjñita | darśayasva tanuṃ mahyaṃ vadaṃto niryayurjanāḥ
Sanskrit only: no published translation is held for this verse.