Library·Padma Purāṇa·5·5.20
सुमतिरुवाच। अथ प्रयाते भूपाले सर्वलोकसमन्विते । महाभागैर्वैष्णवैश्च गायकैः कृष्णकीर्तनम्
sumatiruvāca| atha prayāte bhūpāle sarvalokasamanvite | mahābhāgairvaiṣṇavaiśca gāyakaiḥ kṛṣṇakīrtanam
Sanskrit only: no published translation is held for this verse.
शुश्रावासौ महाराजो मार्गे गोविंदकीर्तनम् । जय माधव भक्तानां शरण्य पुरुषोत्तम
śuśrāvāsau mahārājo mārge goviṃdakīrtanam | jaya mādhava bhaktānāṃ śaraṇya puruṣottama
Sanskrit only: no published translation is held for this verse.
मार्गे तीर्थान्यनेकानि कुर्वन्पश्यन्महोदयम् । तापसब्राह्मणात्तेषां महिमानमथा शृणोत्
mārge tīrthānyanekāni kurvanpaśyanmahodayam | tāpasabrāhmaṇātteṣāṃ mahimānamathā śṛṇot
Sanskrit only: no published translation is held for this verse.
विचित्रविष्णुवार्ताभिर्विनोदितमना नृपः । मार्गेमार्गे महाविष्णुं गापयामास गायकान्
vicitraviṣṇuvārtābhirvinoditamanā nṛpaḥ | mārgemārge mahāviṣṇuṃ gāpayāmāsa gāyakān
Sanskrit only: no published translation is held for this verse.
दीनांधकृपणानां च पंगूनां वासनोचितम् । दानं ददौ महाराजो बुद्धिमान्विजितेंद्रियः
dīnāṃdhakṛpaṇānāṃ ca paṃgūnāṃ vāsanocitam | dānaṃ dadau mahārājo buddhimānvijiteṃdriyaḥ
Sanskrit only: no published translation is held for this verse.
अनेकतीर्थविरजमात्मानं भव्यतां गतम् । कुर्वन्ययौ स्वीयलोकैर्हरिध्यानपरायणः
anekatīrthavirajamātmānaṃ bhavyatāṃ gatam | kurvanyayau svīyalokairharidhyānaparāyaṇaḥ
Sanskrit only: no published translation is held for this verse.
नृपो गच्छन्ददर्शाग्रे नदीं पापप्रणाशिनीम् । चक्रांकितग्रावयुतां मुनिमानस निर्मलाम्
nṛpo gacchandadarśāgre nadīṃ pāpapraṇāśinīm | cakrāṃkitagrāvayutāṃ munimānasa nirmalām
Sanskrit only: no published translation is held for this verse.
अनेकमुनिवृंदानां बहुश्रेणिविराजिताम् । सारसादिपतत्रीणां कूजितैरुपशोभिताम्
anekamunivṛṃdānāṃ bahuśreṇivirājitām | sārasādipatatrīṇāṃ kūjitairupaśobhitām
Sanskrit only: no published translation is held for this verse.
दृष्ट्वा पप्रच्छ विप्राग्र्यं तापसं धर्मकोविदम् । अनेकतीर्थमाहात्म्य विशेषज्ञानजृंभितम्
dṛṣṭvā papraccha viprāgryaṃ tāpasaṃ dharmakovidam | anekatīrthamāhātmya viśeṣajñānajṛṃbhitam
Sanskrit only: no published translation is held for this verse.
स्वामिन्केयं नदी पुण्या मुनिवृन्दनिषेविता । करोति मम चित्तस्य प्रमोदभरनिर्भरम्
svāminkeyaṃ nadī puṇyā munivṛndaniṣevitā | karoti mama cittasya pramodabharanirbharam
Sanskrit only: no published translation is held for this verse.
इति श्रुत्वा वचस्तस्य राजराजस्य धीमतः । वक्तुं प्रचक्रमे विद्वांस्तीर्थमाहात्म्यमुत्तमम्
iti śrutvā vacastasya rājarājasya dhīmataḥ | vaktuṃ pracakrame vidvāṃstīrthamāhātmyamuttamam
Sanskrit only: no published translation is held for this verse.
ब्राह्मण उवाच। गंडकीयं नदी राजन्सुरासुरनिषेविता । पुण्योदकपरीवाह हतपातकसंचया
brāhmaṇa uvāca| gaṃḍakīyaṃ nadī rājansurāsuraniṣevitā | puṇyodakaparīvāha hatapātakasaṃcayā
Sanskrit only: no published translation is held for this verse.
दर्शनान्मानसं पापं स्पर्शनात्कर्मजं दहेत् । वाचिकं स्वीय तोयस्य पानतः पापसंचयम्
darśanānmānasaṃ pāpaṃ sparśanātkarmajaṃ dahet | vācikaṃ svīya toyasya pānataḥ pāpasaṃcayam
Sanskrit only: no published translation is held for this verse.
पुरा दृष्ट्वा प्रजानाथः प्रजाः सर्वा विपावनीः । स्वगंडविप्रुषोनेक पापघ्नीं सृष्टवानिमाम्
purā dṛṣṭvā prajānāthaḥ prajāḥ sarvā vipāvanīḥ | svagaṃḍavipruṣoneka pāpaghnīṃ sṛṣṭavānimām
Sanskrit only: no published translation is held for this verse.
एनां नदीं ये पुण्योदां स्पृशंति सुतरंगिणीम् । ते गर्भभाजो नैव स्युरपि पापकृतो नराः
enāṃ nadīṃ ye puṇyodāṃ spṛśaṃti sutaraṃgiṇīm | te garbhabhājo naiva syurapi pāpakṛto narāḥ
Sanskrit only: no published translation is held for this verse.
अस्यां भवा ये चाश्मानश्चक्रचिह्नैरलंकृताः । ते साक्षाद्भगवंतो हि स्वस्वरूपधराः पराः
asyāṃ bhavā ye cāśmānaścakracihnairalaṃkṛtāḥ | te sākṣādbhagavaṃto hi svasvarūpadharāḥ parāḥ
Sanskrit only: no published translation is held for this verse.
शिलां संपूजयेद्यस्तु नित्यं चक्रयुतां नरः । न जातु स जनन्या वै जठरं समुपाविशेत्
śilāṃ saṃpūjayedyastu nityaṃ cakrayutāṃ naraḥ | na jātu sa jananyā vai jaṭharaṃ samupāviśet
Sanskrit only: no published translation is held for this verse.
पूजयेद्यो नरो धीमाञ्छालग्रामशिलां वराम् । तेनाचारवता भाव्यं दंभलोभवियोगिना
pūjayedyo naro dhīmāñchālagrāmaśilāṃ varām | tenācāravatā bhāvyaṃ daṃbhalobhaviyoginā
Sanskrit only: no published translation is held for this verse.
परदार परद्रव्यविमुखेन नरेण हि । पूजनीयः प्रयत्नेन शालग्रामः सचक्रकः
paradāra paradravyavimukhena nareṇa hi | pūjanīyaḥ prayatnena śālagrāmaḥ sacakrakaḥ
Sanskrit only: no published translation is held for this verse.
द्वारवत्यां भवं चक्रं शिला वै गंडकीभवा । पुंसां क्षणाद्धरत्येव पापं जन्मशतार्जितम्
dvāravatyāṃ bhavaṃ cakraṃ śilā vai gaṃḍakībhavā | puṃsāṃ kṣaṇāddharatyeva pāpaṃ janmaśatārjitam
Sanskrit only: no published translation is held for this verse.
अपि पापसहस्राणां कर्ता तावन्नरो भवेत् । शालग्रामशिलातोयं पीत्वा पूतो भवेत्क्षणात्
api pāpasahasrāṇāṃ kartā tāvannaro bhavet | śālagrāmaśilātoyaṃ pītvā pūto bhavetkṣaṇāt
Sanskrit only: no published translation is held for this verse.
ब्राह्मणः क्षत्रियो वैश्यः शूद्रो वेदपथि स्थितः । शालग्रामं पूजयित्वा गृहस्थो मोक्षमाप्नुयात्
brāhmaṇaḥ kṣatriyo vaiśyaḥ śūdro vedapathi sthitaḥ | śālagrāmaṃ pūjayitvā gṛhastho mokṣamāpnuyāt
Sanskrit only: no published translation is held for this verse.
न जातु चित्स्त्रिया कार्यं शालग्रामस्य पूजनम् । भर्तृहीनाथ सुभगा स्वर्गलोकहितैषिणी
na jātu citstriyā kāryaṃ śālagrāmasya pūjanam | bhartṛhīnātha subhagā svargalokahitaiṣiṇī
Sanskrit only: no published translation is held for this verse.
मोहात्स्पृष्ट्वापि महिला जन्मशीलगुणान्विता । हित्वा पुण्यसमूहं सा सत्वरं नरकं व्रजेत्
mohātspṛṣṭvāpi mahilā janmaśīlaguṇānvitā | hitvā puṇyasamūhaṃ sā satvaraṃ narakaṃ vrajet
Sanskrit only: no published translation is held for this verse.
स्त्रीपाणिमुक्तपुष्पाणि शालग्रामशिलोपरि । पवेरधिकपातानि वदंति ब्राह्मणोत्तमाः
strīpāṇimuktapuṣpāṇi śālagrāmaśilopari | paveradhikapātāni vadaṃti brāhmaṇottamāḥ
Sanskrit only: no published translation is held for this verse.
चंदनं विषसंकाशं कुसुमं वज्रसंनिभम् । नैवेद्यं कालकूटाभं भवेद्भगवतः कृतम्
caṃdanaṃ viṣasaṃkāśaṃ kusumaṃ vajrasaṃnibham | naivedyaṃ kālakūṭābhaṃ bhavedbhagavataḥ kṛtam
Sanskrit only: no published translation is held for this verse.
तस्मात्सर्वात्मना त्याज्यं स्त्रिया स्पर्शः शिलोपरि । कुर्वती याति नरकं यावदिंद्राश्चतुर्दश
tasmātsarvātmanā tyājyaṃ striyā sparśaḥ śilopari | kurvatī yāti narakaṃ yāvadiṃdrāścaturdaśa
Sanskrit only: no published translation is held for this verse.
अपि पापसमाचारो ब्रह्महत्यायुतोऽपि वा । शालग्रामशिलातोयं पीत्वा याति परां गतिम्
api pāpasamācāro brahmahatyāyuto'pi vā | śālagrāmaśilātoyaṃ pītvā yāti parāṃ gatim
Sanskrit only: no published translation is held for this verse.
तुलसीचंदनं वारि शंखो घंटाथ चक्रकम् । शिला ताम्रस्य पात्रं तु विष्णोर्नामपदामृतम्
tulasīcaṃdanaṃ vāri śaṃkho ghaṃṭātha cakrakam | śilā tāmrasya pātraṃ tu viṣṇornāmapadāmṛtam
Sanskrit only: no published translation is held for this verse.
पदामृतं तु नवभिः पापराशिप्रदाहकम् । वदंति मुनयः शांताः सर्वशास्त्रार्थकोविदाः
padāmṛtaṃ tu navabhiḥ pāparāśipradāhakam | vadaṃti munayaḥ śāṃtāḥ sarvaśāstrārthakovidāḥ
Sanskrit only: no published translation is held for this verse.
सर्वतीर्थपरिस्नानात्सर्वक्रतुसमर्चनात् । पुण्यं भवति यद्राजन्बिंदौ बिंदौ तदद्भुतम्
sarvatīrthaparisnānātsarvakratusamarcanāt | puṇyaṃ bhavati yadrājanbiṃdau biṃdau tadadbhutam
Sanskrit only: no published translation is held for this verse.
शालग्रामशिला यत्र पूज्यते पुरुषोत्तमैः । तत्र योजनमात्रं तु तीर्थकोटिसमन्वितम्
śālagrāmaśilā yatra pūjyate puruṣottamaiḥ | tatra yojanamātraṃ tu tīrthakoṭisamanvitam
Sanskrit only: no published translation is held for this verse.
शालग्रामाः समाः पूज्याः समेषु द्वितयं नहि । विषमा एव संपूज्या विषमेषु त्रयं नहि
śālagrāmāḥ samāḥ pūjyāḥ sameṣu dvitayaṃ nahi | viṣamā eva saṃpūjyā viṣameṣu trayaṃ nahi
Sanskrit only: no published translation is held for this verse.
द्वारावती भवं चक्रं तथा वै गंडकीभवम् । उभयोः संगमो यत्र तत्र गंगा समुद्रगा
dvārāvatī bhavaṃ cakraṃ tathā vai gaṃḍakībhavam | ubhayoḥ saṃgamo yatra tatra gaṃgā samudragā
Sanskrit only: no published translation is held for this verse.
रूक्षाः कुर्वंति पुरुषा नायुः श्रीबलवर्जितान् । तस्मात्स्निग्धा मनोहारि रूपिण्यो ददति श्रियम्
rūkṣāḥ kurvaṃti puruṣā nāyuḥ śrībalavarjitān | tasmātsnigdhā manohāri rūpiṇyo dadati śriyam
Sanskrit only: no published translation is held for this verse.
आयुष्कामो नरो यस्तु धनकामो हि यः पुमान् । पूजयन्सर्वमाप्नोति पारलौकिकमैहिकम्
āyuṣkāmo naro yastu dhanakāmo hi yaḥ pumān | pūjayansarvamāpnoti pāralaukikamaihikam
Sanskrit only: no published translation is held for this verse.
प्राणांतकाले पुंसस्तु भवेद्भाग्यवतो नृप । वाचि नाम हरेः पुण्यं शिला हृदि तदंतिके
prāṇāṃtakāle puṃsastu bhavedbhāgyavato nṛpa | vāci nāma hareḥ puṇyaṃ śilā hṛdi tadaṃtike
Sanskrit only: no published translation is held for this verse.
गच्छत्सु प्राणमार्गेषु यस्य विश्रंभतोऽपि चेत् । शालग्रामशिला स्फूर्तिस्तस्य मुक्तिर्न संशयः
gacchatsu prāṇamārgeṣu yasya viśraṃbhato'pi cet | śālagrāmaśilā sphūrtistasya muktirna saṃśayaḥ
Sanskrit only: no published translation is held for this verse.
पुरा भगवता प्रोक्तमंबरीषाय धीमते । ब्राह्मणा न्यासिनः स्निग्धाः शालग्रामशिलास्तथा
purā bhagavatā proktamaṃbarīṣāya dhīmate | brāhmaṇā nyāsinaḥ snigdhāḥ śālagrāmaśilāstathā
Sanskrit only: no published translation is held for this verse.
स्वरूपत्रितयं मह्यमेतद्धि क्षितिमंडले । पापिनां पापनिर्हारं कर्तुं धृतमुदं च ता
svarūpatritayaṃ mahyametaddhi kṣitimaṃḍale | pāpināṃ pāpanirhāraṃ kartuṃ dhṛtamudaṃ ca tā
Sanskrit only: no published translation is held for this verse.
निंदंति पापिनो ये वा शालग्रामशिलां सकृत् । कुंभीपाके पचंत्याशु यावदाभूतसंप्लवम्
niṃdaṃti pāpino ye vā śālagrāmaśilāṃ sakṛt | kuṃbhīpāke pacaṃtyāśu yāvadābhūtasaṃplavam
Sanskrit only: no published translation is held for this verse.
पूजां समुद्यतं कर्तुं यो वारयति मूढधीः । तस्य मातापिताबंधुवर्गा नरकभागिनः
pūjāṃ samudyataṃ kartuṃ yo vārayati mūḍhadhīḥ | tasya mātāpitābaṃdhuvargā narakabhāginaḥ
Sanskrit only: no published translation is held for this verse.
यो वा कथयति प्रेष्ठं शालग्रामार्चनं कुरु । सकृतार्थो नयत्याशु वैकुंठं स्वस्य पूर्वजान्
yo vā kathayati preṣṭhaṃ śālagrāmārcanaṃ kuru | sakṛtārtho nayatyāśu vaikuṃṭhaṃ svasya pūrvajān
Sanskrit only: no published translation is held for this verse.
अत्रैवोदाहरंतीममितिहासं पुरातनम् । मुनयो वीतरागाश्च कामक्रोधविवर्जिताः
atraivodāharaṃtīmamitihāsaṃ purātanam | munayo vītarāgāśca kāmakrodhavivarjitāḥ
Sanskrit only: no published translation is held for this verse.
पुरा कीकटसंज्ञे वै देशे धर्मविवर्जिते । आसीत्पुल्कसजातीयो नरः शबरसंज्ञितः
purā kīkaṭasaṃjñe vai deśe dharmavivarjite | āsītpulkasajātīyo naraḥ śabarasaṃjñitaḥ
Sanskrit only: no published translation is held for this verse.
नित्यं जंतुवधोद्युक्तः शरासनधरो मुहुः । तीर्थं प्रति यियासूनां बलाद्धरति जीवितम्
nityaṃ jaṃtuvadhodyuktaḥ śarāsanadharo muhuḥ | tīrthaṃ prati yiyāsūnāṃ balāddharati jīvitam
Sanskrit only: no published translation is held for this verse.
अनेकप्राणिहत्याकृत्परस्वे निरतः सदा । सदा रागादिसंयुक्तः कामक्रोधादिसंयुतः
anekaprāṇihatyākṛtparasve nirataḥ sadā | sadā rāgādisaṃyuktaḥ kāmakrodhādisaṃyutaḥ
Sanskrit only: no published translation is held for this verse.
विचरत्यनिशं भीमे वने प्राणिवधंकरः । विषसंसक्तबाणाग्र रूढचापगुणोद्धुरः
vicaratyaniśaṃ bhīme vane prāṇivadhaṃkaraḥ | viṣasaṃsaktabāṇāgra rūḍhacāpaguṇoddhuraḥ
Sanskrit only: no published translation is held for this verse.
सैकदा पर्यटन्व्याधः प्राणिमात्रभयंकरः । कालं प्राप्तं न जानाति समीपेऽप्युग्रमानसः
saikadā paryaṭanvyādhaḥ prāṇimātrabhayaṃkaraḥ | kālaṃ prāptaṃ na jānāti samīpe'pyugramānasaḥ
Sanskrit only: no published translation is held for this verse.
यमदूतास्तु संप्राप्ताः पाशमुद्गरपाणयः । ताम्रकेशा दीर्घनखा लंबदंष्ट्रा भयानकाः
yamadūtāstu saṃprāptāḥ pāśamudgarapāṇayaḥ | tāmrakeśā dīrghanakhā laṃbadaṃṣṭrā bhayānakāḥ
Sanskrit only: no published translation is held for this verse.
श्यामा लोहस्यनिगडान्बिभ्रतो मोहकारकाः । बध्नंतु पापिनं ह्येनं प्राणिमात्रभयंकरम्
śyāmā lohasyanigaḍānbibhrato mohakārakāḥ | badhnaṃtu pāpinaṃ hyenaṃ prāṇimātrabhayaṃkaram
Sanskrit only: no published translation is held for this verse.
कदाचिन्मनसा नायं प्राणिमात्रोपकारकः । परदार परद्रव्य परद्रोहपरायणः
kadācinmanasā nāyaṃ prāṇimātropakārakaḥ | paradāra paradravya paradrohaparāyaṇaḥ
Sanskrit only: no published translation is held for this verse.
एतस्य जिह्वां महतीमहं निष्कासयाम्यतः । एको वदति चैतस्य चक्षुरुत्पाटयाम्यहम्
etasya jihvāṃ mahatīmahaṃ niṣkāsayāmyataḥ | eko vadati caitasya cakṣurutpāṭayāmyaham
Sanskrit only: no published translation is held for this verse.
एको वदति चैतस्य करौ कृंतामि पापिनः । अन्यो वदत्यहं कर्णौ कर्तयामि दुरात्मनः
eko vadati caitasya karau kṛṃtāmi pāpinaḥ | anyo vadatyahaṃ karṇau kartayāmi durātmanaḥ
Sanskrit only: no published translation is held for this verse.
एवं वदंतः सुभृशं दन्तैर्दन्तनिपीडकाः । आगत्य तं दुरात्मानं सायुधास्तस्थुरुन्मदाः
evaṃ vadaṃtaḥ subhṛśaṃ dantairdantanipīḍakāḥ | āgatya taṃ durātmānaṃ sāyudhāstasthurunmadāḥ
Sanskrit only: no published translation is held for this verse.
एको दूतस्तदा सर्परूपं धृत्वादशत्पदे । स दष्टमात्रः सहसा गतासुः पर्यजायत
eko dūtastadā sarparūpaṃ dhṛtvādaśatpade | sa daṣṭamātraḥ sahasā gatāsuḥ paryajāyata
Sanskrit only: no published translation is held for this verse.
तदा तं लोहपाशेन बद्ध्वा ते यमकिंकराः । कशाभिस्ताडयामासुर्मुद्गरैः प्राहरन्क्रुधा
tadā taṃ lohapāśena baddhvā te yamakiṃkarāḥ | kaśābhistāḍayāmāsurmudgaraiḥ prāharankrudhā
Sanskrit only: no published translation is held for this verse.
अहो दुष्ट दुरात्मंस्त्वं कदाचिन्नाचरः शुभम् । मनसापि यतस्त्वां वै क्षेप्स्यामो रौरवेषु च
aho duṣṭa durātmaṃstvaṃ kadācinnācaraḥ śubham | manasāpi yatastvāṃ vai kṣepsyāmo rauraveṣu ca
Sanskrit only: no published translation is held for this verse.
त्वङ्मांसं वायसा रौद्रा भक्षयिष्यंति वै क्रुधा । आजन्मतस्तु भवता न कृतं हरिसेवनम्
tvaṅmāṃsaṃ vāyasā raudrā bhakṣayiṣyaṃti vai krudhā | ājanmatastu bhavatā na kṛtaṃ harisevanam
Sanskrit only: no published translation is held for this verse.
त्वया कलत्रपुत्राद्या द्रोहं कृत्वा सुपोषिताः । न कदाचित्स्मृतो देवः पापहारी जनार्दनः
tvayā kalatraputrādyā drohaṃ kṛtvā supoṣitāḥ | na kadācitsmṛto devaḥ pāpahārī janārdanaḥ
Sanskrit only: no published translation is held for this verse.
तस्मात्त्वां लोहशंकौ वा कुंभीपाके च रौरवे । धर्मराजाज्ञया सर्वे नेष्यामो बहुताडनैः
tasmāttvāṃ lohaśaṃkau vā kuṃbhīpāke ca raurave | dharmarājājñayā sarve neṣyāmo bahutāḍanaiḥ
Sanskrit only: no published translation is held for this verse.
एवमुक्त्वा यदानेतुं समैच्छन्यमकिंकराः । तावत्प्राप्तो महाविष्णुचरणाब्जपरायणः
evamuktvā yadānetuṃ samaicchanyamakiṃkarāḥ | tāvatprāpto mahāviṣṇucaraṇābjaparāyaṇaḥ
Sanskrit only: no published translation is held for this verse.
यमदूतास्तदा दृष्टा वैष्णवेन महात्मना । पाशमुद्गरदंडादिदुष्टायुधधरा गणाः
yamadūtāstadā dṛṣṭā vaiṣṇavena mahātmanā | pāśamudgaradaṃḍādiduṣṭāyudhadharā gaṇāḥ
Sanskrit only: no published translation is held for this verse.
पुल्कसं लोहनिगडैर्बद्ध्वा यातुं समुद्यताः । बन्ध बन्ध ग्रसच्छिन्धि भिन्धि भिन्धीति वादिनः
pulkasaṃ lohanigaḍairbaddhvā yātuṃ samudyatāḥ | bandha bandha grasacchindhi bhindhi bhindhīti vādinaḥ
Sanskrit only: no published translation is held for this verse.
तदा कृपालुस्तं प्रेक्ष्य पद्मनाभपरायणः । अत्यंतकृपयायुक्तं चेतस्तत्र तदाकरोत्
tadā kṛpālustaṃ prekṣya padmanābhaparāyaṇaḥ | atyaṃtakṛpayāyuktaṃ cetastatra tadākarot
Sanskrit only: no published translation is held for this verse.
असौ महादुष्ट पीडां मा यातु मम सन्निधौ । मोचयाम्यहमद्यैव यमदूतेभ्य एव च
asau mahāduṣṭa pīḍāṃ mā yātu mama sannidhau | mocayāmyahamadyaiva yamadūtebhya eva ca
Sanskrit only: no published translation is held for this verse.
इति कृत्वा मतिं तस्मिन्कृपायुक्तो मुनीश्वरः । शालग्रामशिलां हस्ते गृहीत्वास्य गतोंऽतिके
iti kṛtvā matiṃ tasminkṛpāyukto munīśvaraḥ | śālagrāmaśilāṃ haste gṛhītvāsya gatoṃ'tike
Sanskrit only: no published translation is held for this verse.
तस्य पादोदकं पुण्यं तुलसीदलमिश्रितम् । मुखे विनिक्षिपन्कर्णे रामनाम जजाप ह
tasya pādodakaṃ puṇyaṃ tulasīdalamiśritam | mukhe vinikṣipankarṇe rāmanāma jajāpa ha
Sanskrit only: no published translation is held for this verse.
तुलसीं मस्तके तस्य धारयामास वैष्णवः । शिलां हृदि महाविष्णोर्धृत्वा प्राह स वैष्णवः
tulasīṃ mastake tasya dhārayāmāsa vaiṣṇavaḥ | śilāṃ hṛdi mahāviṣṇordhṛtvā prāha sa vaiṣṇavaḥ
Sanskrit only: no published translation is held for this verse.
गच्छंतु यमदूता वै यातनासु परायणाः । शालग्रामशिलास्पर्शो दहतात्पातकं महत्
gacchaṃtu yamadūtā vai yātanāsu parāyaṇāḥ | śālagrāmaśilāsparśo dahatātpātakaṃ mahat
Sanskrit only: no published translation is held for this verse.
इत्युक्तवति तस्मिन्वै गणा विष्णोर्महाद्भुताः । आययुस्तस्य सविधे शिलास्पर्शाद्गतांहसः
ityuktavati tasminvai gaṇā viṣṇormahādbhutāḥ | āyayustasya savidhe śilāsparśādgatāṃhasaḥ
Sanskrit only: no published translation is held for this verse.
पीतवस्त्राः शंखचक्रगदापद्मविराजिताः । आगत्य मोचयामासुर्लोहपाशाद्दुरासदात्
pītavastrāḥ śaṃkhacakragadāpadmavirājitāḥ | āgatya mocayāmāsurlohapāśāddurāsadāt
Sanskrit only: no published translation is held for this verse.
मोचयित्वा महापापकारकं पुल्कसं नरम् । ऊचुः किमर्थं बद्धोऽयं वैष्णवः पूज्यदेहभृत्
mocayitvā mahāpāpakārakaṃ pulkasaṃ naram | ūcuḥ kimarthaṃ baddho'yaṃ vaiṣṇavaḥ pūjyadehabhṛt
Sanskrit only: no published translation is held for this verse.
कस्याज्ञाकारका यूयं यदधर्मप्रकारकाः । मुंचंतु वैष्णवं त्वेनं किमर्थं विधृतो ह्ययम्
kasyājñākārakā yūyaṃ yadadharmaprakārakāḥ | muṃcaṃtu vaiṣṇavaṃ tvenaṃ kimarthaṃ vidhṛto hyayam
Sanskrit only: no published translation is held for this verse.
इति वाक्यं समाकर्ण्य जगदुर्यमकिंकराः । धर्मराजाज्ञया प्राप्ता नेतुं पापिनमुद्यताः
iti vākyaṃ samākarṇya jagaduryamakiṃkarāḥ | dharmarājājñayā prāptā netuṃ pāpinamudyatāḥ
Sanskrit only: no published translation is held for this verse.
नासौ कदाचिन्मनसा प्राणिमात्रोपकारकः । प्राणिहत्या महापापकारी दुष्टशरीरभृत्
nāsau kadācinmanasā prāṇimātropakārakaḥ | prāṇihatyā mahāpāpakārī duṣṭaśarīrabhṛt
Sanskrit only: no published translation is held for this verse.
नॄन्बहूंस्तीर्थयात्रायां गच्छतोऽसौ व्यलुंठयत् । परदाररतो नित्यं सर्वपापाधिकारकः
nṝnbahūṃstīrthayātrāyāṃ gacchato'sau vyaluṃṭhayat | paradārarato nityaṃ sarvapāpādhikārakaḥ
Sanskrit only: no published translation is held for this verse.
तस्मान्नेतुं वयं प्राप्ताः पापिनं पुल्कसं नरम् । भवद्भिर्मोचितः कस्मादकस्मादागतैर्भटैः
tasmānnetuṃ vayaṃ prāptāḥ pāpinaṃ pulkasaṃ naram | bhavadbhirmocitaḥ kasmādakasmādāgatairbhaṭaiḥ
Sanskrit only: no published translation is held for this verse.
विष्णुदूता ऊचुः। ब्रह्महत्यादिकं पापं प्राणिकोटिवधोद्भवम् । शालग्रामशिलास्पर्शः सर्वं दहति तत्क्षणात्
viṣṇudūtā ūcuḥ| brahmahatyādikaṃ pāpaṃ prāṇikoṭivadhodbhavam | śālagrāmaśilāsparśaḥ sarvaṃ dahati tatkṣaṇāt
Sanskrit only: no published translation is held for this verse.
रामेति नाम यच्छ्रोत्रे विश्रंभादागतं यदि । करोति पापसंदाहं तूलं वह्निकणो यथा
rāmeti nāma yacchrotre viśraṃbhādāgataṃ yadi | karoti pāpasaṃdāhaṃ tūlaṃ vahnikaṇo yathā
Sanskrit only: no published translation is held for this verse.
तुलसी मस्तके यस्य शिला हृदि मनोहरा । मुखे कर्णेऽथवा राम नाम मुक्तस्तदैव सः
tulasī mastake yasya śilā hṛdi manoharā | mukhe karṇe'thavā rāma nāma muktastadaiva saḥ
Sanskrit only: no published translation is held for this verse.
तस्मादनेन तुलसी मस्तके विधृता पुरा । श्रावितं रामनामाशु शिला हृदि सुधारिता
tasmādanena tulasī mastake vidhṛtā purā | śrāvitaṃ rāmanāmāśu śilā hṛdi sudhāritā
Sanskrit only: no published translation is held for this verse.
तस्मात्पापसमूहोऽस्य दग्धः पुण्यकलेवरः । यास्यते परमं स्थानं पापिनां यत्सुदुर्ल्लभम्
tasmātpāpasamūho'sya dagdhaḥ puṇyakalevaraḥ | yāsyate paramaṃ sthānaṃ pāpināṃ yatsudurllabham
Sanskrit only: no published translation is held for this verse.
वर्षायुतं तत्र भुक्त्वा भोगान्सर्वमनोहरान् । भारते जन्म संप्राप्य समाराध्य जगद्गुरुम्
varṣāyutaṃ tatra bhuktvā bhogānsarvamanoharān | bhārate janma saṃprāpya samārādhya jagadgurum
Sanskrit only: no published translation is held for this verse.
प्राप्स्यते परमं स्थानं सुरासुरसुदुर्ल्लभम् । न ज्ञातो महिमा सम्यक्छिलायाः परमेष्ठिनः
prāpsyate paramaṃ sthānaṃ surāsurasudurllabham | na jñāto mahimā samyakchilāyāḥ parameṣṭhinaḥ
Sanskrit only: no published translation is held for this verse.
दृष्टा स्पृष्टार्चिता वापि सर्वपापहरा क्षणात् । इत्युक्त्वा विरताः सर्वे महाविष्णोर्गणा मुदा
dṛṣṭā spṛṣṭārcitā vāpi sarvapāpaharā kṣaṇāt | ityuktvā viratāḥ sarve mahāviṣṇorgaṇā mudā
Sanskrit only: no published translation is held for this verse.
याम्यास्ते किंकरा राज्ञे कथयामासुरद्भुतम् । वैष्णवो हर्षमापेदे रघुनाथपरायणः
yāmyāste kiṃkarā rājñe kathayāmāsuradbhutam | vaiṣṇavo harṣamāpede raghunāthaparāyaṇaḥ
Sanskrit only: no published translation is held for this verse.
मुक्तोऽसौ यमपाशाच्च गमिष्यति परं पदम् । तदाजगाम विमलं किंकिणीजालमंडितम्
mukto'sau yamapāśācca gamiṣyati paraṃ padam | tadājagāma vimalaṃ kiṃkiṇījālamaṃḍitam
Sanskrit only: no published translation is held for this verse.
विमानं देवलोकात्तु मनोहारि महाद्भुतम् । तत्रारुह्य गतः स्वर्गं महापुण्यैर्निषेवितम्
vimānaṃ devalokāttu manohāri mahādbhutam | tatrāruhya gataḥ svargaṃ mahāpuṇyairniṣevitam
Sanskrit only: no published translation is held for this verse.
भोगान्भुक्त्वा स विपुलानाजगाम महीतलम् । काश्यां जन्म समासाद्य शुचिवाडवसत्कुले
bhogānbhuktvā sa vipulānājagāma mahītalam | kāśyāṃ janma samāsādya śucivāḍavasatkule
Sanskrit only: no published translation is held for this verse.
आराध्य जगतामीशं गतवान्परमं पदम् । स पापी साधुसंगत्या शालग्रामशिलां स्पृशन्
ārādhya jagatāmīśaṃ gatavānparamaṃ padam | sa pāpī sādhusaṃgatyā śālagrāmaśilāṃ spṛśan
Sanskrit only: no published translation is held for this verse.
महापीडाविनिर्मुक्तो गतवान्परमं पदम् । मया तेऽभिहितं राजन्गंडकीचरितं महत्
mahāpīḍāvinirmukto gatavānparamaṃ padam | mayā te'bhihitaṃ rājangaṃḍakīcaritaṃ mahat
Sanskrit only: no published translation is held for this verse.
श्रुत्वा विमुच्यते पापैर्भुक्तिं मुक्तिं च विंदति
śrutvā vimucyate pāpairbhuktiṃ muktiṃ ca viṃdati
Sanskrit only: no published translation is held for this verse.