Library·Padma Purāṇa·5·5.23
शेष उवाच। क्षणं स्थित्वा तृणान्यत्त्वा ययौ वाजी मनोजवः । वीरश्रेणीवृतः पत्रं भाले धृत्वा सचामरः
śeṣa uvāca| kṣaṇaṃ sthitvā tṛṇānyattvā yayau vājī manojavaḥ | vīraśreṇīvṛtaḥ patraṃ bhāle dhṛtvā sacāmaraḥ
Sanskrit only: no published translation is held for this verse.
शत्रुघ्नेन सुवीरेण लक्ष्मीनिधि नृपेण च । पुष्कलेनोग्रवाहेन प्रतापाग्र्येण रक्षितः
śatrughnena suvīreṇa lakṣmīnidhi nṛpeṇa ca | puṣkalenogravāhena pratāpāgryeṇa rakṣitaḥ
Sanskrit only: no published translation is held for this verse.
ययौ पुरीं स चक्रांकां सुबाहुपरिरक्षिताम् । अनेकवीरकोटीभी रक्षितोऽनुगतः प्रभो
yayau purīṃ sa cakrāṃkāṃ subāhuparirakṣitām | anekavīrakoṭībhī rakṣito'nugataḥ prabho
Sanskrit only: no published translation is held for this verse.
तदा पुत्रोस्य दमनो मृगयामास्थितो महान् । ददर्शाश्वं भालपत्रं चंदनादिकचर्चितम्
tadā putrosya damano mṛgayāmāsthito mahān | dadarśāśvaṃ bhālapatraṃ caṃdanādikacarcitam
Sanskrit only: no published translation is held for this verse.
विलोक्य सेवकं प्राह कस्याश्वो मेऽक्षिगोचरः । भाले पत्रं धृतं किं नु चामरं किंतु शोभनम्
vilokya sevakaṃ prāha kasyāśvo me'kṣigocaraḥ | bhāle patraṃ dhṛtaṃ kiṃ nu cāmaraṃ kiṃtu śobhanam
Sanskrit only: no published translation is held for this verse.
इति राज्ञोवचः श्रुत्वा सेवकः प्रययौ ततः । यत्रासौ वर्तते वाजी भालपत्रः सुशोभनः
iti rājñovacaḥ śrutvā sevakaḥ prayayau tataḥ | yatrāsau vartate vājī bhālapatraḥ suśobhanaḥ
Sanskrit only: no published translation is held for this verse.
गृहीत्वा तं केशसंघे रत्नमालाविभूषितम् । निनाय चाग्रे भूपस्य सुबाहुकुलधारिणः
gṛhītvā taṃ keśasaṃghe ratnamālāvibhūṣitam | nināya cāgre bhūpasya subāhukuladhāriṇaḥ
Sanskrit only: no published translation is held for this verse.
स पत्रं वाचयामास सुंदराक्षरशोभितम् । अयोध्याधिपतिश्चासीद्राजा दशरथो बली
sa patraṃ vācayāmāsa suṃdarākṣaraśobhitam | ayodhyādhipatiścāsīdrājā daśaratho balī
Sanskrit only: no published translation is held for this verse.
तस्यात्मजो रामभद्रः सर्वशूरशिरोमणिः । नान्योस्ति तत्समः पृथ्व्यां धनुर्धरणविक्रमः
tasyātmajo rāmabhadraḥ sarvaśūraśiromaṇiḥ | nānyosti tatsamaḥ pṛthvyāṃ dhanurdharaṇavikramaḥ
Sanskrit only: no published translation is held for this verse.
तेनासौ मोचितो वाजी चंदनादिकचर्चितः । तं पालयति धर्मात्मा शत्रुघ्नः परवीरहा
tenāsau mocito vājī caṃdanādikacarcitaḥ | taṃ pālayati dharmātmā śatrughnaḥ paravīrahā
Sanskrit only: no published translation is held for this verse.
ये च शूरा वयं वीरा धनुर्हस्ता इमे वयम् । ते गृह्णंतु बलाद्वाहं रत्नमालाविभूषितम्
ye ca śūrā vayaṃ vīrā dhanurhastā ime vayam | te gṛhṇaṃtu balādvāhaṃ ratnamālāvibhūṣitam
Sanskrit only: no published translation is held for this verse.
तं च मोक्ष्यति शत्रुघ्नः सर्ववीरशिरोमणिः । अन्यथा पादयोस्तस्य प्रणतिं यांतु धन्विनः
taṃ ca mokṣyati śatrughnaḥ sarvavīraśiromaṇiḥ | anyathā pādayostasya praṇatiṃ yāṃtu dhanvinaḥ
Sanskrit only: no published translation is held for this verse.
इत्यभिप्रायमालोक्य जगाद नृपनंदनः । राम एव धनुर्धारी न वयं क्षत्त्रियाः स्मृताः
ityabhiprāyamālokya jagāda nṛpanaṃdanaḥ | rāma eva dhanurdhārī na vayaṃ kṣattriyāḥ smṛtāḥ
Sanskrit only: no published translation is held for this verse.
ताते मेऽवस्थिते पृथ्व्यां कोऽयं गर्वो महान्भुवि । प्राप्नोतु गर्वस्य फलं मम निर्मुक्तसायकैः
tāte me'vasthite pṛthvyāṃ ko'yaṃ garvo mahānbhuvi | prāpnotu garvasya phalaṃ mama nirmuktasāyakaiḥ
Sanskrit only: no published translation is held for this verse.
अद्य मे निशिता बाणाः शत्रुघ्नं किंशुकं यथा । पुष्पितं विदधत्वद्धा क्षतावृतशरीरकम्
adya me niśitā bāṇāḥ śatrughnaṃ kiṃśukaṃ yathā | puṣpitaṃ vidadhatvaddhā kṣatāvṛtaśarīrakam
Sanskrit only: no published translation is held for this verse.
दारयंतु कपोलांश्च सायका मम दंतिनाम् । अश्वान्पश्यंतु शतशो रुधिरौघपरिप्लुतान्
dārayaṃtu kapolāṃśca sāyakā mama daṃtinām | aśvānpaśyaṃtu śataśo rudhiraughapariplutān
Sanskrit only: no published translation is held for this verse.
पिबंतु योगिनीसंघा रुधिराणि नृमस्तकैः । शिवा भवंतु संतुष्टा मद्वैरिक्रव्यभक्षणैः
pibaṃtu yoginīsaṃghā rudhirāṇi nṛmastakaiḥ | śivā bhavaṃtu saṃtuṣṭā madvairikravyabhakṣaṇaiḥ
Sanskrit only: no published translation is held for this verse.
पश्यंतु सुभटास्तस्य मम बाहुबलं महत् । कोदंडदंडनिर्मुक्ताः शरकोटीर्विमुंचतः
paśyaṃtu subhaṭāstasya mama bāhubalaṃ mahat | kodaṃḍadaṃḍanirmuktāḥ śarakoṭīrvimuṃcataḥ
Sanskrit only: no published translation is held for this verse.
इत्थमुक्त्वा महीपस्य तनुजो दमनाभिधः । स्वपुरं प्रेषयित्वा तं प्रहृष्टोऽभवदुद्भटः
itthamuktvā mahīpasya tanujo damanābhidhaḥ | svapuraṃ preṣayitvā taṃ prahṛṣṭo'bhavadudbhaṭaḥ
Sanskrit only: no published translation is held for this verse.
सेनापतिमुवाचेदं सज्जीकुरु महामते । सेनां परिमितां मह्यं वैरिवृंदनिवारणे
senāpatimuvācedaṃ sajjīkuru mahāmate | senāṃ parimitāṃ mahyaṃ vairivṛṃdanivāraṇe
Sanskrit only: no published translation is held for this verse.
सज्जां सेनां विधायाशु संमुखो रणमंडले । स्थितवान्या वदत्युग्रस्तावत्प्राप्ता हयानुगाः
sajjāṃ senāṃ vidhāyāśu saṃmukho raṇamaṃḍale | sthitavānyā vadatyugrastāvatprāptā hayānugāḥ
Sanskrit only: no published translation is held for this verse.
क्वासौ हयो महाराज्ञो भालपत्रेण चिह्नितः । पप्रच्छुस्ते तु चान्योन्यमतिव्याकुलिता मुहुः
kvāsau hayo mahārājño bhālapatreṇa cihnitaḥ | papracchuste tu cānyonyamativyākulitā muhuḥ
Sanskrit only: no published translation is held for this verse.
तावद्ददर्श पुरतः प्रतापाग्र्यः परंतपः । सज्जीभूतं तु कटकं वीरशब्दनिनादितम्
tāvaddadarśa purataḥ pratāpāgryaḥ paraṃtapaḥ | sajjībhūtaṃ tu kaṭakaṃ vīraśabdanināditam
Sanskrit only: no published translation is held for this verse.
तत्रावदञ्जनाः केचिन्नीतोऽश्वोऽनेन भूपते । अन्यथा संमुखस्तिष्ठेत्कथं वीरो बलानुगः
tatrāvadañjanāḥ kecinnīto'śvo'nena bhūpate | anyathā saṃmukhastiṣṭhetkathaṃ vīro balānugaḥ
Sanskrit only: no published translation is held for this verse.
इत्याकर्ण्य प्रतापाग्र्यः प्रेषयामास सेवकम् । स गत्वा तत्र पप्रच्छ कुत्राश्वो रामभूपतेः
ityākarṇya pratāpāgryaḥ preṣayāmāsa sevakam | sa gatvā tatra papraccha kutrāśvo rāmabhūpateḥ
Sanskrit only: no published translation is held for this verse.
केन नीतः कुतो नीतो रामं जानाति नो कुधीः । यं शक्रप्रमुखा देवा बलिमादाय सन्नताः
kena nītaḥ kuto nīto rāmaṃ jānāti no kudhīḥ | yaṃ śakrapramukhā devā balimādāya sannatāḥ
Sanskrit only: no published translation is held for this verse.
तस्य वै धर्मराजस्य कुपितं तु बलं महत् । सर्वथा हि ग्रसिष्येत प्रणतिं चेन्न यास्यति
tasya vai dharmarājasya kupitaṃ tu balaṃ mahat | sarvathā hi grasiṣyeta praṇatiṃ cenna yāsyati
Sanskrit only: no published translation is held for this verse.
इत्थमुक्तं समाकर्ण्य तदा राजसुतो बली । तं वै धिक्कारयामास वाग्जालेन सुदुर्मनाः
itthamuktaṃ samākarṇya tadā rājasuto balī | taṃ vai dhikkārayāmāsa vāgjālena sudurmanāḥ
Sanskrit only: no published translation is held for this verse.
मयानीतो यज्ञहयः पत्रचिह्नाद्यलंकृतः । ये शूरास्ते तु मां जित्वा मोचयंतु बलादिह
mayānīto yajñahayaḥ patracihnādyalaṃkṛtaḥ | ye śūrāste tu māṃ jitvā mocayaṃtu balādiha
Sanskrit only: no published translation is held for this verse.
सेवकस्तद्वचः श्रुत्वा रोषपूर्णो हसन्ययौ । राज्ञे निवेदयामास यथावदुपवर्णितम्
sevakastadvacaḥ śrutvā roṣapūrṇo hasanyayau | rājñe nivedayāmāsa yathāvadupavarṇitam
Sanskrit only: no published translation is held for this verse.
तच्छ्रुत्वा रोषताम्राक्षः प्रतापाग्र्यो महाबलः । ययौ योद्धुं राजपुत्रं महावीरपुरस्कृतम्
tacchrutvā roṣatāmrākṣaḥ pratāpāgryo mahābalaḥ | yayau yoddhuṃ rājaputraṃ mahāvīrapuraskṛtam
Sanskrit only: no published translation is held for this verse.
रथेन कनकांगेन चतुर्वाजिसुशोभिना । सुकूबरेण सर्वास्त्रपूरितेन ययौ बली
rathena kanakāṃgena caturvājisuśobhinā | sukūbareṇa sarvāstrapūritena yayau balī
Sanskrit only: no published translation is held for this verse.
धनुष्टंकारयामास महाबलसमन्वितः । पुनःपुनर्जहासोच्चैः कोपादुद्गमिताश्रुकः
dhanuṣṭaṃkārayāmāsa mahābalasamanvitaḥ | punaḥpunarjahāsoccaiḥ kopādudgamitāśrukaḥ
Sanskrit only: no published translation is held for this verse.
अश्ववाहा गजारूढाः खड्गोल्लसितपाणयः । अन्वयुस्ते प्रतापाग्र्यं रोषपूर्णाकुलेक्षणम्
aśvavāhā gajārūḍhāḥ khaḍgollasitapāṇayaḥ | anvayuste pratāpāgryaṃ roṣapūrṇākulekṣaṇam
Sanskrit only: no published translation is held for this verse.
हस्तिनः पत्तयश्चैव कोटिशः प्रधनोद्यताः । चिरकालमभीप्संतो रणं वीरेणकारितम्
hastinaḥ pattayaścaiva koṭiśaḥ pradhanodyatāḥ | cirakālamabhīpsaṃto raṇaṃ vīreṇakāritam
Sanskrit only: no published translation is held for this verse.
तदोद्यतं समाज्ञाय रिपुसैन्यं नृपात्मजः । प्रत्युज्जगाम वीराग्र्यो महाबलपरीवृतः
tadodyataṃ samājñāya ripusainyaṃ nṛpātmajaḥ | pratyujjagāma vīrāgryo mahābalaparīvṛtaḥ
Sanskrit only: no published translation is held for this verse.
सन्नद्धः कवची खड्गी शरासनधरो युवा । लीलयैव ययौ योद्धुं मृगराड्गजतामिव
sannaddhaḥ kavacī khaḍgī śarāsanadharo yuvā | līlayaiva yayau yoddhuṃ mṛgarāḍgajatāmiva
Sanskrit only: no published translation is held for this verse.
तदा योधाः प्रकुपिताः परस्परवधैषिणः । छिंधि भिंधीति भाषंतो रणकार्यविशारदाः
tadā yodhāḥ prakupitāḥ parasparavadhaiṣiṇaḥ | chiṃdhi bhiṃdhīti bhāṣaṃto raṇakāryaviśāradāḥ
Sanskrit only: no published translation is held for this verse.
पत्तयः पत्तिसंघेन गजारूढाश्च सादिभिः । रथारूढा रथस्थैश्च वाहारूढाश्वसंस्थितैः
pattayaḥ pattisaṃghena gajārūḍhāśca sādibhiḥ | rathārūḍhā rathasthaiśca vāhārūḍhāśvasaṃsthitaiḥ
Sanskrit only: no published translation is held for this verse.
गजा भिन्ना द्विधा जाता हयाश्च द्विदलीकृताः । अनेकनरमस्तिष्कैर्मेदिनीपूरिता ह्यभूत्
gajā bhinnā dvidhā jātā hayāśca dvidalīkṛtāḥ | anekanaramastiṣkairmedinīpūritā hyabhūt
Sanskrit only: no published translation is held for this verse.
तदा प्रकुपितो राजा प्रतापाग्र्यो महाबलः । स्वसैन्यकदनोद्युक्तं राजपुत्रं समीक्ष्य च
tadā prakupito rājā pratāpāgryo mahābalaḥ | svasainyakadanodyuktaṃ rājaputraṃ samīkṣya ca
Sanskrit only: no published translation is held for this verse.
उवाच सारथिं तत्र प्रापयाश्वान्यतो मम । सैन्यस्य कदनासक्तो राजपुत्रो महारथः
uvāca sārathiṃ tatra prāpayāśvānyato mama | sainyasya kadanāsakto rājaputro mahārathaḥ
Sanskrit only: no published translation is held for this verse.
अथ वीरशिरोरत्न नमितांघ्रिर्नृपात्मजः । ययौ संमुखमेवास्य प्रतापाग्र्यस्य वीर्यवान्
atha vīraśiroratna namitāṃghrirnṛpātmajaḥ | yayau saṃmukhamevāsya pratāpāgryasya vīryavān
Sanskrit only: no published translation is held for this verse.
सारथिः प्रापयामास प्रतापाग्र्यस्य वाजिनः । यत्रासौ दमनो वीरः सर्वशूरशिरोमणिः
sārathiḥ prāpayāmāsa pratāpāgryasya vājinaḥ | yatrāsau damano vīraḥ sarvaśūraśiromaṇiḥ
Sanskrit only: no published translation is held for this verse.
गत्वा तमाह्वयामास राजपुत्रं रणोद्यतम् । रथे पुरटनिर्णिक्ते तिष्ठन्कोदंडदंडभृत्
gatvā tamāhvayāmāsa rājaputraṃ raṇodyatam | rathe puraṭanirṇikte tiṣṭhankodaṃḍadaṃḍabhṛt
Sanskrit only: no published translation is held for this verse.
रे राजपुत्र क शिशो त्वया बद्धोऽश्वसत्तमः । न ज्ञातोसि महाराजः सर्ववीरेंद्र सेवितः
re rājaputra ka śiśo tvayā baddho'śvasattamaḥ | na jñātosi mahārājaḥ sarvavīreṃdra sevitaḥ
Sanskrit only: no published translation is held for this verse.
यस्य प्रतापं दैत्येंद्रो न शक्तः सोढुमद्भुतम् । तस्य त्वं वाजिनं नीत्वा गतोऽसि पुटभेदनम्
yasya pratāpaṃ daityeṃdro na śaktaḥ soḍhumadbhutam | tasya tvaṃ vājinaṃ nītvā gato'si puṭabhedanam
Sanskrit only: no published translation is held for this verse.
मां जानीहि पुरः प्राप्तं कालरूपं तु वैरिणम् । मुंचाश्वमर्भ गच्छाशु बालक्रीडनकं कुरु
māṃ jānīhi puraḥ prāptaṃ kālarūpaṃ tu vairiṇam | muṃcāśvamarbha gacchāśu bālakrīḍanakaṃ kuru
Sanskrit only: no published translation is held for this verse.
कस्यात्मजस्त्वं कुत्रत्यः कथं नोऽदीर्घदर्शिना । धृतोऽश्वस्त्वथ संजाता घृणा मम शिशो त्वयि
kasyātmajastvaṃ kutratyaḥ kathaṃ no'dīrghadarśinā | dhṛto'śvastvatha saṃjātā ghṛṇā mama śiśo tvayi
Sanskrit only: no published translation is held for this verse.
इत्थमाकर्ण्य दमनः स्मितं चक्रे महामनाः । उवाच च प्रतापाग्र्यं तृणीकुर्वंश्च तद्बलम्
itthamākarṇya damanaḥ smitaṃ cakre mahāmanāḥ | uvāca ca pratāpāgryaṃ tṛṇīkurvaṃśca tadbalam
Sanskrit only: no published translation is held for this verse.
दमन उवाच। मया बद्धो बलादश्वो नीतः स्वपुटभेदनम् । नार्पयिष्येऽद्य सप्राणः कुरु युद्धं महाबल
damana uvāca| mayā baddho balādaśvo nītaḥ svapuṭabhedanam | nārpayiṣye'dya saprāṇaḥ kuru yuddhaṃ mahābala
Sanskrit only: no published translation is held for this verse.
त्वया यदुक्तं बालस्त्वं गत्वा क्रीडनकं कुरु । तन्मे पश्य महाराज क्रीडनं रणमूर्धनि
tvayā yaduktaṃ bālastvaṃ gatvā krīḍanakaṃ kuru | tanme paśya mahārāja krīḍanaṃ raṇamūrdhani
Sanskrit only: no published translation is held for this verse.
शेष उवाच। इत्युक्त्वा सगुणं चापं विधाय सुभुजां गजः । शराणां शतमाधत्त प्रतापाग्र्यस्य वक्षसि
śeṣa uvāca| ityuktvā saguṇaṃ cāpaṃ vidhāya subhujāṃ gajaḥ | śarāṇāṃ śatamādhatta pratāpāgryasya vakṣasi
Sanskrit only: no published translation is held for this verse.
संधाय बाणशतकं शंखं दध्मौ प्रतापवान् । तेन शंखनिनादेन कातराणां भयं ह्यभूत्
saṃdhāya bāṇaśatakaṃ śaṃkhaṃ dadhmau pratāpavān | tena śaṃkhaninādena kātarāṇāṃ bhayaṃ hyabhūt
Sanskrit only: no published translation is held for this verse.
ताडयामास हृदये बाणानां शतकेन सः । प्रतापाग्र्यः प्रचिच्छेद लघुहस्तः सुपर्वणः
tāḍayāmāsa hṛdaye bāṇānāṃ śatakena saḥ | pratāpāgryaḥ praciccheda laghuhastaḥ suparvaṇaḥ
Sanskrit only: no published translation is held for this verse.
स बाणच्छेदनं दृष्ट्वा कुपितो व्यसृजच्छरान् । कंकपक्षान्वितांस्तीक्ष्णभल्लान्राजात्मजो बली
sa bāṇacchedanaṃ dṛṣṭvā kupito vyasṛjaccharān | kaṃkapakṣānvitāṃstīkṣṇabhallānrājātmajo balī
Sanskrit only: no published translation is held for this verse.
आकाशे भुवि मध्ये च बाणा ददृशिरेऽञ्चिताः । स्वनामचिह्नितास्तीक्ष्णधारापातसुशोभिताः
ākāśe bhuvi madhye ca bāṇā dadṛśire'ñcitāḥ | svanāmacihnitāstīkṣṇadhārāpātasuśobhitāḥ
Sanskrit only: no published translation is held for this verse.
शरास्तद्बाहु हृदये लग्ना वह्निकणान्बहून् । सृजंतः कुर्वते सैन्यदाहनं तदभून्महत्
śarāstadbāhu hṛdaye lagnā vahnikaṇānbahūn | sṛjaṃtaḥ kurvate sainyadāhanaṃ tadabhūnmahat
Sanskrit only: no published translation is held for this verse.
प्रतापाग्र्यः प्रकुपितस्तिष्ठतिष्ठेति च ब्रुवन् । शरेण दशसंख्येन ताडयामास मूर्धनि
pratāpāgryaḥ prakupitastiṣṭhatiṣṭheti ca bruvan | śareṇa daśasaṃkhyena tāḍayāmāsa mūrdhani
Sanskrit only: no published translation is held for this verse.
ते बाणा राजपुत्रस्य ललाटे परिनिष्ठिताः । विराजंते स्म च मुने दशशाखास्तरोरिव
te bāṇā rājaputrasya lalāṭe pariniṣṭhitāḥ | virājaṃte sma ca mune daśaśākhāstaroriva
Sanskrit only: no published translation is held for this verse.
तेन बाणप्रहारेण विव्यथेन महामनाः । यष्टिकाप्रहतो यद्वत्कुंजरः सप्तवर्षकः
tena bāṇaprahāreṇa vivyathena mahāmanāḥ | yaṣṭikāprahato yadvatkuṃjaraḥ saptavarṣakaḥ
Sanskrit only: no published translation is held for this verse.
बाणान्धनुषि संधाय मुमोच त्रिशताञ्छुभान् । सुवर्णपुंखरचितान्महाकालानलोपमान्
bāṇāndhanuṣi saṃdhāya mumoca triśatāñchubhān | suvarṇapuṃkharacitānmahākālānalopamān
Sanskrit only: no published translation is held for this verse.
ते बाणास्तु प्रतापाग्र्य वक्षो भित्त्वा गता ह्यधः । शोणिताक्ता यथा रामचंद्र भक्ति पराङ्मुखाः
te bāṇāstu pratāpāgrya vakṣo bhittvā gatā hyadhaḥ | śoṇitāktā yathā rāmacaṃdra bhakti parāṅmukhāḥ
Sanskrit only: no published translation is held for this verse.
प्रतापाग्र्यः प्रकुपितः शरान्मुंचन्सहस्रशः । अकरोद्विरथं सूनुं सुबाहोस्तत्क्षणाद्द्रुतम्
pratāpāgryaḥ prakupitaḥ śarānmuṃcansahasraśaḥ | akarodvirathaṃ sūnuṃ subāhostatkṣaṇāddrutam
Sanskrit only: no published translation is held for this verse.
चतुर्भिश्च तुरो वाहान्द्वाभ्यां ध्वजमशातयत् । एकेन सारथेः कायाच्छिरो मह्यामपातयत्
caturbhiśca turo vāhāndvābhyāṃ dhvajamaśātayat | ekena sāratheḥ kāyācchiro mahyāmapātayat
Sanskrit only: no published translation is held for this verse.
चतुर्भिस्ताडयामास तं सूनुं नृपतेः पुनः । तत्क्षणाच्चापमेकेन गुणयुक्तं तु चिच्छिदे
caturbhistāḍayāmāsa taṃ sūnuṃ nṛpateḥ punaḥ | tatkṣaṇāccāpamekena guṇayuktaṃ tu cicchide
Sanskrit only: no published translation is held for this verse.
सोऽन्यरथं समारुह्य हयरत्नसुशोभितम् । धनुः करे समादाय सज्यं चक्रे महामनाः
so'nyarathaṃ samāruhya hayaratnasuśobhitam | dhanuḥ kare samādāya sajyaṃ cakre mahāmanāḥ
Sanskrit only: no published translation is held for this verse.
प्रत्युवाच प्रतापाग्र्यं त्वया विक्रांतमद्भुतम् । पश्येदानीं पराक्रांतिं धनुषो मम सद्भट
pratyuvāca pratāpāgryaṃ tvayā vikrāṃtamadbhutam | paśyedānīṃ parākrāṃtiṃ dhanuṣo mama sadbhaṭa
Sanskrit only: no published translation is held for this verse.
एवमुक्त्वा तु दमनो बाणान्दश समाददे । चतुर्भिश्चतुरो वाहान्निनाय यमसादनम्
evamuktvā tu damano bāṇāndaśa samādade | caturbhiścaturo vāhānnināya yamasādanam
Sanskrit only: no published translation is held for this verse.
चतुर्भिस्तिलशः कृत्तो रथश्चक्रसमन्वितः । एकेन हृदि विव्याध बाणेनैकेन सारथिम्
caturbhistilaśaḥ kṛtto rathaścakrasamanvitaḥ | ekena hṛdi vivyādha bāṇenaikena sārathim
Sanskrit only: no published translation is held for this verse.
जगर्ज शंखमापूर्य शंखशब्दसमन्वितः । तत्कर्म पूजयामास साधु वीर महाबल
jagarja śaṃkhamāpūrya śaṃkhaśabdasamanvitaḥ | tatkarma pūjayāmāsa sādhu vīra mahābala
Sanskrit only: no published translation is held for this verse.
इति विक्रांतमालोक्य प्रतापाग्र्यो रुषान्वितः । अन्यं रथं समास्थाय ययौ योद्धुं नृपात्मजम्
iti vikrāṃtamālokya pratāpāgryo ruṣānvitaḥ | anyaṃ rathaṃ samāsthāya yayau yoddhuṃ nṛpātmajam
Sanskrit only: no published translation is held for this verse.
उवाच वीर पश्य त्वं मम विक्रांतमद्भुतम् । इत्युक्त्वाशु मुमोचौघाञ्छराणां शितपर्वणाम्
uvāca vīra paśya tvaṃ mama vikrāṃtamadbhutam | ityuktvāśu mumocaughāñcharāṇāṃ śitaparvaṇām
Sanskrit only: no published translation is held for this verse.
शराः सर्वत्र दृश्यंते कुंजरेषु हयेषु च । परब्रह्मेव सर्वत्र व्याप्ताश्चांतरगोचराः
śarāḥ sarvatra dṛśyaṃte kuṃjareṣu hayeṣu ca | parabrahmeva sarvatra vyāptāścāṃtaragocarāḥ
Sanskrit only: no published translation is held for this verse.
तं राजपुत्रं शितबाणकोटिभि -। र्व्याप्तं विधायाशु जगर्ज विक्रमी । संहर्षयन्स्वीयगणान्परान्महान् । कुर्वन्हृदा शून्यतमान्गतासुकान्
taṃ rājaputraṃ śitabāṇakoṭibhi -| rvyāptaṃ vidhāyāśu jagarja vikramī | saṃharṣayansvīyagaṇānparānmahān | kurvanhṛdā śūnyatamāngatāsukān
Sanskrit only: no published translation is held for this verse.
स राजपुत्रः शितसायकव्रजैः । संपूर्णमात्मानमवेक्ष्य रोषितः । जग्राह शस्त्राणि दुरंतविक्रमो । धनुश्च धुन्वन्भुजदंडयोर्महान्
sa rājaputraḥ śitasāyakavrajaiḥ | saṃpūrṇamātmānamavekṣya roṣitaḥ | jagrāha śastrāṇi duraṃtavikramo | dhanuśca dhunvanbhujadaṃḍayormahān
Sanskrit only: no published translation is held for this verse.
चकर्त सर्वाण्यस्त्राणि शस्त्राणि च महाबलः । रोषताम्रेक्षणो मुंचञ्छरान्वैरिविदारिणः
cakarta sarvāṇyastrāṇi śastrāṇi ca mahābalaḥ | roṣatāmrekṣaṇo muṃcañcharānvairividāriṇaḥ
Sanskrit only: no published translation is held for this verse.
तच्छस्त्रजालं निर्धूय राजपुत्रो जगाद तम् । क्षमस्वैकं प्रहारं मे यदि शूरोसि मारिष
tacchastrajālaṃ nirdhūya rājaputro jagāda tam | kṣamasvaikaṃ prahāraṃ me yadi śūrosi māriṣa
Sanskrit only: no published translation is held for this verse.
यद्यनेन भवंतं वै रथाच्चेत्पातयामि न । प्रतिज्ञां शृणु मे वीर मम गर्वेण निर्मिताम्
yadyanena bhavaṃtaṃ vai rathāccetpātayāmi na | pratijñāṃ śṛṇu me vīra mama garveṇa nirmitām
Sanskrit only: no published translation is held for this verse.
वेदं निंदंति ये मत्ता हेतुवादविचक्षणाः । तेषां पापं ममैवास्तु नरकार्णवमज्जकम्
vedaṃ niṃdaṃti ye mattā hetuvādavicakṣaṇāḥ | teṣāṃ pāpaṃ mamaivāstu narakārṇavamajjakam
Sanskrit only: no published translation is held for this verse.
इत्युक्त्वा बाणमासाद्य कोदंडे कालसन्निभम् । ज्वालामालाकुलं तीक्ष्णं निषंगादुद्धृतं वरम्
ityuktvā bāṇamāsādya kodaṃḍe kālasannibham | jvālāmālākulaṃ tīkṣṇaṃ niṣaṃgāduddhṛtaṃ varam
Sanskrit only: no published translation is held for this verse.
स मुक्तो नृपवर्येण हृदि लक्ष्यीकृतः शरः । जगाम तरसा तं वै कालानलसमप्रभः
sa mukto nṛpavaryeṇa hṛdi lakṣyīkṛtaḥ śaraḥ | jagāma tarasā taṃ vai kālānalasamaprabhaḥ
Sanskrit only: no published translation is held for this verse.
प्रतापाग्र्यः शरं दृष्ट्वा स्वपातनसमुद्यतम् । बाणान्धनुष्यथाधत्त शरच्छेदायवै शितान्
pratāpāgryaḥ śaraṃ dṛṣṭvā svapātanasamudyatam | bāṇāndhanuṣyathādhatta śaracchedāyavai śitān
Sanskrit only: no published translation is held for this verse.
स बाणः सर्वबाणांस्तांश्छिंदन्मध्यत एव हि । जगाम वै प्रतापाग्र्यहृदयं धैर्यसंयुतम्
sa bāṇaḥ sarvabāṇāṃstāṃśchiṃdanmadhyata eva hi | jagāma vai pratāpāgryahṛdayaṃ dhairyasaṃyutam
Sanskrit only: no published translation is held for this verse.
संलग्नो हृदि नालीकः प्रविवेश तदंतरम् । राजाकृतप्रहारस्तु पपात धरणीतले
saṃlagno hṛdi nālīkaḥ praviveśa tadaṃtaram | rājākṛtaprahārastu papāta dharaṇītale
Sanskrit only: no published translation is held for this verse.
मूर्च्छितं चेतनाहीनं रथोपस्थाद्गतं भुवि । सारथिस्तं समादायापोवाह रणमंडलात्
mūrcchitaṃ cetanāhīnaṃ rathopasthādgataṃ bhuvi | sārathistaṃ samādāyāpovāha raṇamaṃḍalāt
Sanskrit only: no published translation is held for this verse.
हाहाकारोमहानासीद्बलं भग्नं गतं ततः । यत्र शत्रुघ्ननामासौ वीरकोटिपरीवृतः
hāhākāromahānāsīdbalaṃ bhagnaṃ gataṃ tataḥ | yatra śatrughnanāmāsau vīrakoṭiparīvṛtaḥ
Sanskrit only: no published translation is held for this verse.
राजात्मजो जयं प्राप्य प्रतापाग्र्यं विजित्य सः । प्रतीक्षां तु चकारास्य शत्रुघ्नस्य च भूपतेः
rājātmajo jayaṃ prāpya pratāpāgryaṃ vijitya saḥ | pratīkṣāṃ tu cakārāsya śatrughnasya ca bhūpateḥ
Sanskrit only: no published translation is held for this verse.