Library·Padma Purāṇa·5·5.26
शेष उवाच। शत्रुघ्नस्तद्बलं दृष्ट्वा भीषणाकृतिमेघवत् । हस्त्यश्वरथपादातैर्बहुभिः परिवारितम्
śeṣa uvāca| śatrughnastadbalaṃ dṛṣṭvā bhīṣaṇākṛtimeghavat | hastyaśvarathapādātairbahubhiḥ parivāritam
Sanskrit only: no published translation is held for this verse.
सुमतिं प्रत्युवाचेदं वचोगंभीरशब्दयुक् । नानावाक्यविचारज्ञैः पंडितैः परिसेवितः
sumatiṃ pratyuvācedaṃ vacogaṃbhīraśabdayuk | nānāvākyavicārajñaiḥ paṃḍitaiḥ parisevitaḥ
Sanskrit only: no published translation is held for this verse.
शत्रुघ्न उवाच। सुमते कस्य नगरं प्राप्तो मे हयसत्तमः । बलमेतन्निरीक्षेहं पयोदधितरंगवत्
śatrughna uvāca| sumate kasya nagaraṃ prāpto me hayasattamaḥ | balametannirīkṣehaṃ payodadhitaraṃgavat
Sanskrit only: no published translation is held for this verse.
कस्यैतद्बलमुद्धर्षं चतुरंगसमन्वितम् । पुरतो भाति युद्धाय समुपस्थितमादरात्
kasyaitadbalamuddharṣaṃ caturaṃgasamanvitam | purato bhāti yuddhāya samupasthitamādarāt
Sanskrit only: no published translation is held for this verse.
एतत्सर्वं समाचक्ष्व यथावत्पृच्छतो मम । यज्ज्ञात्वा युद्धसंस्थायै निर्दिशामि स्वकान्भटान्
etatsarvaṃ samācakṣva yathāvatpṛcchato mama | yajjñātvā yuddhasaṃsthāyai nirdiśāmi svakānbhaṭān
Sanskrit only: no published translation is held for this verse.
इति वाक्यं समाकर्ण्य सुमतिः शुभबुद्धिमान् । उवाच वचनं प्रीतः शत्रुघ्नं वैरितापनम्
iti vākyaṃ samākarṇya sumatiḥ śubhabuddhimān | uvāca vacanaṃ prītaḥ śatrughnaṃ vairitāpanam
Sanskrit only: no published translation is held for this verse.
सुमतिरुवाच। चक्रांका नगरी राजन्वर्तते सविधे शुभा । यस्यां संति नराः पापरहिता विष्णुभक्तितः
sumatiruvāca| cakrāṃkā nagarī rājanvartate savidhe śubhā | yasyāṃ saṃti narāḥ pāparahitā viṣṇubhaktitaḥ
Sanskrit only: no published translation is held for this verse.
तस्याः पुर्याः पतिरयं सुबाहुर्धर्मवित्तमः । तवायं पुरतो भाति पुत्रपौत्रसमावृतः
tasyāḥ puryāḥ patirayaṃ subāhurdharmavittamaḥ | tavāyaṃ purato bhāti putrapautrasamāvṛtaḥ
Sanskrit only: no published translation is held for this verse.
स्वदारनिरतो नित्यं परदारपराङ्मुखः । विष्णोः कथास्य कर्णस्थाना परार्थप्रकाशिनी
svadāranirato nityaṃ paradāraparāṅmukhaḥ | viṣṇoḥ kathāsya karṇasthānā parārthaprakāśinī
Sanskrit only: no published translation is held for this verse.
परस्वं न समादत्ते षष्ठांशादधिकं नृपः । ब्राह्मणा विष्णुभक्त्यैव पूज्यंते तेन धर्मिणा
parasvaṃ na samādatte ṣaṣṭhāṃśādadhikaṃ nṛpaḥ | brāhmaṇā viṣṇubhaktyaiva pūjyaṃte tena dharmiṇā
Sanskrit only: no published translation is held for this verse.
नित्यं सेवारतो विष्णुपादपद्ममधुव्रतः । एष स्वधर्मनिरतः परधर्मपराङ्मुखः
nityaṃ sevārato viṣṇupādapadmamadhuvrataḥ | eṣa svadharmanirataḥ paradharmaparāṅmukhaḥ
Sanskrit only: no published translation is held for this verse.
एतस्य बलतुल्यं हि न वीराणां बलं क्वचित् । पुत्रस्य पतनं श्रुत्वा रोषशोकसमाकुलः
etasya balatulyaṃ hi na vīrāṇāṃ balaṃ kvacit | putrasya patanaṃ śrutvā roṣaśokasamākulaḥ
Sanskrit only: no published translation is held for this verse.
चतुरंगसमेतोऽयं युद्धाय समुपस्थितः । तवापि वीरा बहवो लक्ष्मीनिधिमुखा अमून्
caturaṃgasameto'yaṃ yuddhāya samupasthitaḥ | tavāpi vīrā bahavo lakṣmīnidhimukhā amūn
Sanskrit only: no published translation is held for this verse.
जेष्यंति शस्त्रसंघेन निर्दिशाशु परं हि तान् । शत्रुघ्नस्तद्वचः श्रुत्वा प्रोवाच स्वभटान्वरान्
jeṣyaṃti śastrasaṃghena nirdiśāśu paraṃ hi tān | śatrughnastadvacaḥ śrutvā provāca svabhaṭānvarān
Sanskrit only: no published translation is held for this verse.
रणप्राप्तिभवोद्धर्षपूरपूरितमानसान् । क्रौंचव्यूहोऽद्य रचितः सुबाहुपरिसैनिकैः
raṇaprāptibhavoddharṣapūrapūritamānasān | krauṃcavyūho'dya racitaḥ subāhuparisainikaiḥ
Sanskrit only: no published translation is held for this verse.
मुखपक्षस्थिता योधास्तान्को भेत्स्यति शस्त्रवित् । यस्य भेदे निजा शक्तिर्यो वीर विजयोद्यतः
mukhapakṣasthitā yodhāstānko bhetsyati śastravit | yasya bhede nijā śaktiryo vīra vijayodyataḥ
Sanskrit only: no published translation is held for this verse.
स गृह्णातु मदीयाद्धि पाणिपद्माच्च वीटकम् । तदा लक्ष्मीनिधिर्वीरो जग्राह क्रौंचभेदने
sa gṛhṇātu madīyāddhi pāṇipadmācca vīṭakam | tadā lakṣmīnidhirvīro jagrāha krauṃcabhedane
Sanskrit only: no published translation is held for this verse.
सर्वशस्त्रास्त्रविद्वीरैर्बहुभिः परिवारितः । उवाच वचनं राजन्यास्येऽहं क्रौंचभेदने
sarvaśastrāstravidvīrairbahubhiḥ parivāritaḥ | uvāca vacanaṃ rājanyāsye'haṃ krauṃcabhedane
Sanskrit only: no published translation is held for this verse.
भार्गवः पूर्वमेवासीत्क्रौंचभेत्ता तथा ह्यहम् । तथान्यं वीरमावोचत्कोऽस्य सार्धं गमिष्यति
bhārgavaḥ pūrvamevāsītkrauṃcabhettā tathā hyaham | tathānyaṃ vīramāvocatko'sya sārdhaṃ gamiṣyati
Sanskrit only: no published translation is held for this verse.
पुष्कलः पृष्ठतस्तस्य यातुं चक्रे मतिं ततः । रिपुतापो नीलरत्न उग्राश्वो वीरमर्दनः
puṣkalaḥ pṛṣṭhatastasya yātuṃ cakre matiṃ tataḥ | riputāpo nīlaratna ugrāśvo vīramardanaḥ
Sanskrit only: no published translation is held for this verse.
सर्वे शत्रुघ्नसंदेशाद्ययुस्तत्क्रौंचभेदने । शत्रुघ्नोऽपि रथस्थश्च सर्वायुधधरः परः
sarve śatrughnasaṃdeśādyayustatkrauṃcabhedane | śatrughno'pi rathasthaśca sarvāyudhadharaḥ paraḥ
Sanskrit only: no published translation is held for this verse.
पृष्ठतोऽस्य परीयाय बहुभिः सैनिकैर्वृतः । तदा प्रचलितौ दृष्टावन्योन्यबलवारिधी
pṛṣṭhato'sya parīyāya bahubhiḥ sainikairvṛtaḥ | tadā pracalitau dṛṣṭāvanyonyabalavāridhī
Sanskrit only: no published translation is held for this verse.
प्रलयं कर्तुमुद्युक्तौ जगतः सुतरंगिणौ । तदा भेर्यः समाजघ्नुरुभयोः सेनयोर्दृढाः
pralayaṃ kartumudyuktau jagataḥ sutaraṃgiṇau | tadā bheryaḥ samājaghnurubhayoḥ senayordṛḍhāḥ
Sanskrit only: no published translation is held for this verse.
रणभेर्यः शंखनादाः श्रूयंते तत्र तत्र ह । हेषंते वाजिनस्तत्र गर्जंति द्विरदा भृशम्
raṇabheryaḥ śaṃkhanādāḥ śrūyaṃte tatra tatra ha | heṣaṃte vājinastatra garjaṃti dviradā bhṛśam
Sanskrit only: no published translation is held for this verse.
हुं हुं कुर्वंति वीराग्र्या नदंति रथनेमयः । तत्र प्रकुपिताः शूराः सुबाहुबलदर्पिताः
huṃ huṃ kurvaṃti vīrāgryā nadaṃti rathanemayaḥ | tatra prakupitāḥ śūrāḥ subāhubaladarpitāḥ
Sanskrit only: no published translation is held for this verse.
छिंधि भिंधीति भाषंतो दृश्यंते बहवो रणे । एवंभूते रणोद्युक्ते सैन्ये शत्रुघ्नवैरिणोः
chiṃdhi bhiṃdhīti bhāṣaṃto dṛśyaṃte bahavo raṇe | evaṃbhūte raṇodyukte sainye śatrughnavairiṇoḥ
Sanskrit only: no published translation is held for this verse.
मुखसंस्थं सुकेतुं तं लक्ष्मीनिधिरुवाच ह । लक्ष्मीनिधिरुवाच। जनकस्य सुतं विद्धि लक्ष्मीनिधिरिति स्मृतम्
mukhasaṃsthaṃ suketuṃ taṃ lakṣmīnidhiruvāca ha | lakṣmīnidhiruvāca| janakasya sutaṃ viddhi lakṣmīnidhiriti smṛtam
Sanskrit only: no published translation is held for this verse.
सर्वशस्त्रास्त्रकुशलं सर्वयुद्धविशारदम् । मुंचाश्वं रामचंद्रस्य सर्वदानवदंशितुः
sarvaśastrāstrakuśalaṃ sarvayuddhaviśāradam | muṃcāśvaṃ rāmacaṃdrasya sarvadānavadaṃśituḥ
Sanskrit only: no published translation is held for this verse.
नोचेन्मद्बाणनिर्भिन्नो यास्यसे यमसादनम् । इति ब्रुवंतं वीराग्र्यं सुकेतुः सहसा त्वरन्
nocenmadbāṇanirbhinno yāsyase yamasādanam | iti bruvaṃtaṃ vīrāgryaṃ suketuḥ sahasā tvaran
Sanskrit only: no published translation is held for this verse.
सज्यं चापं विधायाशु बाणान्मुंचन्स्थिरोऽभवत् । ते बाणाः शितपर्वाणः स्वर्णपुंखाः समंततः
sajyaṃ cāpaṃ vidhāyāśu bāṇānmuṃcansthiro'bhavat | te bāṇāḥ śitaparvāṇaḥ svarṇapuṃkhāḥ samaṃtataḥ
Sanskrit only: no published translation is held for this verse.
दृश्यंते व्यापिनस्तत्र रणमध्ये सुदुर्भराः । तद्बाणजालं तरसा निहत्य । लक्ष्मीनिधिश्चापमथा ततज्यम् । विधाय तस्योरसि बाणषट्कं । मुमोच तीक्ष्णं शितपर्वशोभितम्
dṛśyaṃte vyāpinastatra raṇamadhye sudurbharāḥ | tadbāṇajālaṃ tarasā nihatya | lakṣmīnidhiścāpamathā tatajyam | vidhāya tasyorasi bāṇaṣaṭkaṃ | mumoca tīkṣṇaṃ śitaparvaśobhitam
Sanskrit only: no published translation is held for this verse.
तद्बाणाः सुभुजभ्रातुर्हृदयं संविदार्य च । गतास्ते भुवि दृश्यंते रुधिराक्ता मलीमसाः
tadbāṇāḥ subhujabhrāturhṛdayaṃ saṃvidārya ca | gatāste bhuvi dṛśyaṃte rudhirāktā malīmasāḥ
Sanskrit only: no published translation is held for this verse.
तद्बाणभिन्नहृदयः सुकेतुः कोपपूरितः । जघानशरविंशत्या तीक्ष्णया नतपर्वया
tadbāṇabhinnahṛdayaḥ suketuḥ kopapūritaḥ | jaghānaśaraviṃśatyā tīkṣṇayā nataparvayā
Sanskrit only: no published translation is held for this verse.
उभौ बाणविभिन्नांगावुभौ क्षतजविप्लुतौ । सैनिकैः परिदृश्यंते किंशुकाविव पुष्पितौ
ubhau bāṇavibhinnāṃgāvubhau kṣatajaviplutau | sainikaiḥ paridṛśyaṃte kiṃśukāviva puṣpitau
Sanskrit only: no published translation is held for this verse.
मुंचंतौ बाणकोटीश्च संदधंतौ त्वरा शरान् । न केनापि विलक्ष्येते लघुहस्तौ महाबलौ
muṃcaṃtau bāṇakoṭīśca saṃdadhaṃtau tvarā śarān | na kenāpi vilakṣyete laghuhastau mahābalau
Sanskrit only: no published translation is held for this verse.
कुंडलीकृत सच्चापौ वर्षंतौ बाणधारया । नवांबुदाविव दिवि शक्रनिर्देशकारिणौ
kuṃḍalīkṛta saccāpau varṣaṃtau bāṇadhārayā | navāṃbudāviva divi śakranirdeśakāriṇau
Sanskrit only: no published translation is held for this verse.
तयोर्बाणा गजान्वाहान्नराञ्छूरान्विमस्तकान् । कुर्वंतः केवलं दृष्टा न च संधानमोक्षयोः
tayorbāṇā gajānvāhānnarāñchūrānvimastakān | kurvaṃtaḥ kevalaṃ dṛṣṭā na ca saṃdhānamokṣayoḥ
Sanskrit only: no published translation is held for this verse.
पृथिवी सुभटैः पूर्णा सकिरीटैः सकुंडलैः । धनुर्बाणकरै रोषसंदष्टाधरयुग्मकैः
pṛthivī subhaṭaiḥ pūrṇā sakirīṭaiḥ sakuṃḍalaiḥ | dhanurbāṇakarai roṣasaṃdaṣṭādharayugmakaiḥ
Sanskrit only: no published translation is held for this verse.
तयोः प्रयुद्ध्यतोर्दर्पात्सर्वशस्त्रास्त्रवेदिनोः । युद्धं समभवद्घोरं देवविस्मापनं महत्
tayoḥ prayuddhyatordarpātsarvaśastrāstravedinoḥ | yuddhaṃ samabhavadghoraṃ devavismāpanaṃ mahat
Sanskrit only: no published translation is held for this verse.
संमर्दोऽभवदत्यंतं वीरकोटिविदारणः । न केनचित्क्वचिद्दृष्टं शरजालांतरेंऽबरम्
saṃmardo'bhavadatyaṃtaṃ vīrakoṭividāraṇaḥ | na kenacitkvaciddṛṣṭaṃ śarajālāṃtareṃ'baram
Sanskrit only: no published translation is held for this verse.
तस्मिंस्तु समये लक्ष्मीनिधिर्वीरोऽरिमर्दनः । बाणांश्चापे समाधत्त वसुसंख्यान्दृढाञ्छितान्
tasmiṃstu samaye lakṣmīnidhirvīro'rimardanaḥ | bāṇāṃścāpe samādhatta vasusaṃkhyāndṛḍhāñchitān
Sanskrit only: no published translation is held for this verse.
चतुर्भिस्तुरगान्वीरः सुकेतोरनयत्क्षयम् । एकेन ध्वजमत्युग्रं चिच्छेद तरसा हसन्
caturbhisturagānvīraḥ suketoranayatkṣayam | ekena dhvajamatyugraṃ ciccheda tarasā hasan
Sanskrit only: no published translation is held for this verse.
एकेन सारथेः कायाच्छिरोभूमावपातयत् । एकेन चापं सगुणमच्छिनद्रोषपूरितः
ekena sāratheḥ kāyācchirobhūmāvapātayat | ekena cāpaṃ saguṇamacchinadroṣapūritaḥ
Sanskrit only: no published translation is held for this verse.
एकेन हृदि विव्याध सुकेतोर्वेगवान्नृपः । तत्कर्माद्भुतमुद्वीक्ष्य वीरा विस्मयमाययुः
ekena hṛdi vivyādha suketorvegavānnṛpaḥ | tatkarmādbhutamudvīkṣya vīrā vismayamāyayuḥ
Sanskrit only: no published translation is held for this verse.
सच्छिन्नधन्वा विरथो हताश्वो हतसारथिः । महतीं स गदां धृत्वा योद्घुकामोऽभ्युपेयिवान्
sacchinnadhanvā viratho hatāśvo hatasārathiḥ | mahatīṃ sa gadāṃ dhṛtvā yodghukāmo'bhyupeyivān
Sanskrit only: no published translation is held for this verse.
तमायांतं समालक्ष्य गदायुद्धविशारदम् । महत्या गदया युक्तं रथादवततार सः
tamāyāṃtaṃ samālakṣya gadāyuddhaviśāradam | mahatyā gadayā yuktaṃ rathādavatatāra saḥ
Sanskrit only: no published translation is held for this verse.
गदामादाय महतीं सर्वायसविनिर्मिताम् । जातरूपविचित्रांगीं सर्वशोभापुरस्कृताम्
gadāmādāya mahatīṃ sarvāyasavinirmitām | jātarūpavicitrāṃgīṃ sarvaśobhāpuraskṛtām
Sanskrit only: no published translation is held for this verse.
लक्ष्मीनिधिर्भृशं क्रुद्धः सुकेतोर्वक्षसि त्वरन् । ताडयामास हृदये गदां वज्राग्निसन्निभाम्
lakṣmīnidhirbhṛśaṃ kruddhaḥ suketorvakṣasi tvaran | tāḍayāmāsa hṛdaye gadāṃ vajrāgnisannibhām
Sanskrit only: no published translation is held for this verse.
गदया ताडितो वीरो नाकंपत महामुने । मदोन्मत्तो यथा दंती बालेन स्रग्भिराहतः
gadayā tāḍito vīro nākaṃpata mahāmune | madonmatto yathā daṃtī bālena sragbhirāhataḥ
Sanskrit only: no published translation is held for this verse.
उवाच तं स वीराग्र्यो नृपं लक्ष्मीनिधिं तदा । सहस्वैकं प्रहारं मे यदि शूरः परंतप
uvāca taṃ sa vīrāgryo nṛpaṃ lakṣmīnidhiṃ tadā | sahasvaikaṃ prahāraṃ me yadi śūraḥ paraṃtapa
Sanskrit only: no published translation is held for this verse.
इत्युक्त्वा ताडयामास ललाटे गदया भृशम् । गदया ताडितो भालेऽसृग्वमन्कुपितो भृशम्
ityuktvā tāḍayāmāsa lalāṭe gadayā bhṛśam | gadayā tāḍito bhāle'sṛgvamankupito bhṛśam
Sanskrit only: no published translation is held for this verse.
मूर्ध्नि तं ताडयामास गदया कालरूपया । सुकेतुरपि तं स्कंधे ताडयामास धर्मवित्
mūrdhni taṃ tāḍayāmāsa gadayā kālarūpayā | suketurapi taṃ skaṃdhe tāḍayāmāsa dharmavit
Sanskrit only: no published translation is held for this verse.
एवं भृशं प्रकुपितौ गदायुद्धविशारदौ । गदायुद्धं प्रकुर्वाणौ परस्परजयैषिणौ
evaṃ bhṛśaṃ prakupitau gadāyuddhaviśāradau | gadāyuddhaṃ prakurvāṇau parasparajayaiṣiṇau
Sanskrit only: no published translation is held for this verse.
अन्योन्याघातविमतौ परस्परवधोद्यतौ । न कोपि तत्र हीयेत न को जीयेत संयुगे
anyonyāghātavimatau parasparavadhodyatau | na kopi tatra hīyeta na ko jīyeta saṃyuge
Sanskrit only: no published translation is held for this verse.
मूर्ध्नि भाले तथा स्कंधे हृदि गात्रेषु सर्वतः । रुधिरौघ परिक्लिन्नौ महाबलपराक्रमौ
mūrdhni bhāle tathā skaṃdhe hṛdi gātreṣu sarvataḥ | rudhiraugha pariklinnau mahābalaparākramau
Sanskrit only: no published translation is held for this verse.
तदा लक्ष्मीनिधिः क्रुद्धो गदामुद्यम्य वेगवान् । जगाम प्रबलं हंतुं हृदि राजानुजं बली
tadā lakṣmīnidhiḥ kruddho gadāmudyamya vegavān | jagāma prabalaṃ haṃtuṃ hṛdi rājānujaṃ balī
Sanskrit only: no published translation is held for this verse.
तमायांतमथालोक्य स्वगदां महतीं दधत् । ययौ तं तरसा हंतुं राजभ्राता बलाद्बलम्
tamāyāṃtamathālokya svagadāṃ mahatīṃ dadhat | yayau taṃ tarasā haṃtuṃ rājabhrātā balādbalam
Sanskrit only: no published translation is held for this verse.
गदां तेन विनिक्षिप्तां स्वकरे धृतवानयम् । तयैव गदया तस्य हृदि जघ्ने महाबलः
gadāṃ tena vinikṣiptāṃ svakare dhṛtavānayam | tayaiva gadayā tasya hṛdi jaghne mahābalaḥ
Sanskrit only: no published translation is held for this verse.
स्वगदां तेन वै नीतां दृष्ट्वा लक्ष्मीनिधिर्नृपः । बाहुयुद्धेन तं योद्धुमियेष बलवत्तमम्
svagadāṃ tena vai nītāṃ dṛṣṭvā lakṣmīnidhirnṛpaḥ | bāhuyuddhena taṃ yoddhumiyeṣa balavattamam
Sanskrit only: no published translation is held for this verse.
तदा राजानुजः क्रुद्धो बाहुभ्यामुपगृह्य तम् । युयुधे सर्वयुद्धस्य ज्ञातावीरेषु सत्तमः
tadā rājānujaḥ kruddho bāhubhyāmupagṛhya tam | yuyudhe sarvayuddhasya jñātāvīreṣu sattamaḥ
Sanskrit only: no published translation is held for this verse.
तदा लक्ष्मीनिधिस्तस्य हृदि जघ्ने स्वमुष्टिना । तदा सोपि शिरस्येनं मुष्टिमुद्यम्य चाहनत्
tadā lakṣmīnidhistasya hṛdi jaghne svamuṣṭinā | tadā sopi śirasyenaṃ muṣṭimudyamya cāhanat
Sanskrit only: no published translation is held for this verse.
मुष्टिभिर्वज्रसंकाशैस्तलस्फोटैश्च दारुणैः । अन्योन्यं जघ्नतुः क्रुद्धौ संदष्टाधरपल्लवौ
muṣṭibhirvajrasaṃkāśaistalasphoṭaiśca dāruṇaiḥ | anyonyaṃ jaghnatuḥ kruddhau saṃdaṣṭādharapallavau
Sanskrit only: no published translation is held for this verse.
मुष्टी मुष्टि दंता दंति कचा कचि नखा नखि । उभयोरभवद्युद्धं तुमुलं रोमहर्षणम्
muṣṭī muṣṭi daṃtā daṃti kacā kaci nakhā nakhi | ubhayorabhavadyuddhaṃ tumulaṃ romaharṣaṇam
Sanskrit only: no published translation is held for this verse.
तदा प्रकुपितो भ्राता नृपतेश्च रणे नृपम् । गृहीत्वा भ्रामयित्वाथ पातयामास भूतले
tadā prakupito bhrātā nṛpateśca raṇe nṛpam | gṛhītvā bhrāmayitvātha pātayāmāsa bhūtale
Sanskrit only: no published translation is held for this verse.
लक्ष्मीनिधिः करे गृह्य तं नृपानुजमुच्चकैः । भ्रामयित्वा शतगुणं गजोपस्थे जघान तम्
lakṣmīnidhiḥ kare gṛhya taṃ nṛpānujamuccakaiḥ | bhrāmayitvā śataguṇaṃ gajopasthe jaghāna tam
Sanskrit only: no published translation is held for this verse.
स तदा पतितो भूमौ संज्ञां प्राप्य क्षणादनु । तथैव भ्रामयामास व्योम्नि वेगेन विक्रमी
sa tadā patito bhūmau saṃjñāṃ prāpya kṣaṇādanu | tathaiva bhrāmayāmāsa vyomni vegena vikramī
Sanskrit only: no published translation is held for this verse.
एवं प्रयुध्यमानौ तौ बाहुयुद्धं गतौ पुनः । पादे पादं करे पाणिं हृदि हृद्वदने मुखम्
evaṃ prayudhyamānau tau bāhuyuddhaṃ gatau punaḥ | pāde pādaṃ kare pāṇiṃ hṛdi hṛdvadane mukham
Sanskrit only: no published translation is held for this verse.
एवं परस्परं श्लिष्टौ परस्परवधैषिणौ । उभावपि पराक्रांतावुभावपि मुमूर्च्छतुः
evaṃ parasparaṃ śliṣṭau parasparavadhaiṣiṇau | ubhāvapi parākrāṃtāvubhāvapi mumūrcchatuḥ
Sanskrit only: no published translation is held for this verse.
तद्दृष्ट्वा विस्मयं प्राप्ताः प्रशशंसुः सहस्रशः । धन्यो लक्ष्मीनिधिर्भूपो धन्यो राजानुजो बली
taddṛṣṭvā vismayaṃ prāptāḥ praśaśaṃsuḥ sahasraśaḥ | dhanyo lakṣmīnidhirbhūpo dhanyo rājānujo balī
Sanskrit only: no published translation is held for this verse.