Library·Padma Purāṇa·5·5.28
शेष उवाच। अथ पुत्रं समालोक्य पतितं व्यसुमुद्धतम् । विललाप भृशं राजा सुतदुःखेन दुःखितः
śeṣa uvāca| atha putraṃ samālokya patitaṃ vyasumuddhatam | vilalāpa bhṛśaṃ rājā sutaduḥkhena duḥkhitaḥ
Sanskrit only: no published translation is held for this verse.
मूर्ध्नि संताडयामास पाणिभ्यामतिदुःखितः । कम्पमानो भृशं चाश्रूण्यमुञ्चन्नयनाब्जयोः
mūrdhni saṃtāḍayāmāsa pāṇibhyāmatiduḥkhitaḥ | kampamāno bhṛśaṃ cāśrūṇyamuñcannayanābjayoḥ
Sanskrit only: no published translation is held for this verse.
गृहीत्वा पतितं वक्त्रं चंद्रबिंबमनोरमम् । पुष्कलेषु क्षतासृग्भिः क्लिन्नं कुंडलशोभितम्
gṛhītvā patitaṃ vaktraṃ caṃdrabiṃbamanoramam | puṣkaleṣu kṣatāsṛgbhiḥ klinnaṃ kuṃḍalaśobhitam
Sanskrit only: no published translation is held for this verse.
कुटिलभ्रूयुगं श्रेष्ठं संदष्टाधरपल्लवम् । स चुंबन्मुखपद्मेन विलपन्निदमब्रवीत्
kuṭilabhrūyugaṃ śreṣṭhaṃ saṃdaṣṭādharapallavam | sa cuṃbanmukhapadmena vilapannidamabravīt
Sanskrit only: no published translation is held for this verse.
हा पुत्र वीर कथमुत्सुकचेतसं मां । किं नेक्षसे विशदनेत्रयुगेन शूर । किं मद्विनोदकथयारहितस्त्वमेव । रोषोदधिप्लुतमनाः किल लक्ष्यसे च
hā putra vīra kathamutsukacetasaṃ māṃ | kiṃ nekṣase viśadanetrayugena śūra | kiṃ madvinodakathayārahitastvameva | roṣodadhiplutamanāḥ kila lakṣyase ca
Sanskrit only: no published translation is held for this verse.
वद पुत्र कथं मां त्वं प्रब्रूषे न हसन्पुनः । अमृतैर्मधुरास्वादैर्विनोदयसि पुत्रक
vada putra kathaṃ māṃ tvaṃ prabrūṣe na hasanpunaḥ | amṛtairmadhurāsvādairvinodayasi putraka
Sanskrit only: no published translation is held for this verse.
शत्रुघ्नाश्वं गृहाण त्वं सितचामरशोभितम् । स्वर्णपत्रेण शोभाढ्यं त्यज निद्रां महामते
śatrughnāśvaṃ gṛhāṇa tvaṃ sitacāmaraśobhitam | svarṇapatreṇa śobhāḍhyaṃ tyaja nidrāṃ mahāmate
Sanskrit only: no published translation is held for this verse.
एष प्रतापविशदः प्रतापाग्र्यः परंतपः । धनुर्बिभ्रत्पुरो भाति पुष्कलः परवीरहा
eṣa pratāpaviśadaḥ pratāpāgryaḥ paraṃtapaḥ | dhanurbibhratpuro bhāti puṣkalaḥ paravīrahā
Sanskrit only: no published translation is held for this verse.
एनं वारय सत्तीक्ष्णैर्बाणैः कोदंडनिर्गतैः । कथं त्वं रणमध्ये वै शेते वीरविमोहितः
enaṃ vāraya sattīkṣṇairbāṇaiḥ kodaṃḍanirgataiḥ | kathaṃ tvaṃ raṇamadhye vai śete vīravimohitaḥ
Sanskrit only: no published translation is held for this verse.
हस्तिनः पत्तयश्चैव रथारूढा भयार्दिताः । शरणं त्वां समायांति तानीक्षस्व महामते
hastinaḥ pattayaścaiva rathārūḍhā bhayārditāḥ | śaraṇaṃ tvāṃ samāyāṃti tānīkṣasva mahāmate
Sanskrit only: no published translation is held for this verse.
पुत्र त्वया विना सोढुं कथं शक्तो रणांगणे । शत्रुघ्नसायकांस्तीक्ष्णांश्चंडकोदंडनिर्गतान्
putra tvayā vinā soḍhuṃ kathaṃ śakto raṇāṃgaṇe | śatrughnasāyakāṃstīkṣṇāṃścaṃḍakodaṃḍanirgatān
Sanskrit only: no published translation is held for this verse.
अतो मां तु त्वया हीनं को वा पालयितुं क्षमः । यदि त्यक्ष्यसि निद्रा त्वं जयायाहं क्षमस्तदा
ato māṃ tu tvayā hīnaṃ ko vā pālayituṃ kṣamaḥ | yadi tyakṣyasi nidrā tvaṃ jayāyāhaṃ kṣamastadā
Sanskrit only: no published translation is held for this verse.
इत्थं विलप्य सुभृशं तताड हृदयं स्वकम् । बहुशः पाणिना राजा पुत्रदुःखेन दुःखितः
itthaṃ vilapya subhṛśaṃ tatāḍa hṛdayaṃ svakam | bahuśaḥ pāṇinā rājā putraduḥkhena duḥkhitaḥ
Sanskrit only: no published translation is held for this verse.
तदा विचित्र दमनौ स्व स्व स्यंदनसंस्थितौ । पितुश्चरणयोर्नत्वा ऊचतुः समयोचितम्
tadā vicitra damanau sva sva syaṃdanasaṃsthitau | pituścaraṇayornatvā ūcatuḥ samayocitam
Sanskrit only: no published translation is held for this verse.
राजन्नस्मासु जीवत्सु किं दुःखं हृदि तद्वद । वीराणां प्रधने मृत्युर्वांच्छितो जायते महान्
rājannasmāsu jīvatsu kiṃ duḥkhaṃ hṛdi tadvada | vīrāṇāṃ pradhane mṛtyurvāṃcchito jāyate mahān
Sanskrit only: no published translation is held for this verse.
धन्योऽयं बत चित्रांगो यो वीर भुवि शोभते । सकिरीटस्तु संदष्टदंतच्छदयुगः प्रभुः
dhanyo'yaṃ bata citrāṃgo yo vīra bhuvi śobhate | sakirīṭastu saṃdaṣṭadaṃtacchadayugaḥ prabhuḥ
Sanskrit only: no published translation is held for this verse.
कथयाशु किमद्यैव कुर्वस्ते कार्यमीप्सितम् । शत्रुघ्नवाहिनीं सर्वां हन्व आवामनाथिनीम्
kathayāśu kimadyaiva kurvaste kāryamīpsitam | śatrughnavāhinīṃ sarvāṃ hanva āvāmanāthinīm
Sanskrit only: no published translation is held for this verse.
अद्यैव पुष्कलं भ्रातुर्वधकारिणमाहवे । पातयावो रथाच्छित्त्वा शिरोमुकुटमंडितम्
adyaiva puṣkalaṃ bhrāturvadhakāriṇamāhave | pātayāvo rathācchittvā śiromukuṭamaṃḍitam
Sanskrit only: no published translation is held for this verse.
त्यज शोकं सुदुःखार्तः कथं भासि महामते । आज्ञापयावां मानार्ह कुरु युद्धे मतिं तथा
tyaja śokaṃ suduḥkhārtaḥ kathaṃ bhāsi mahāmate | ājñāpayāvāṃ mānārha kuru yuddhe matiṃ tathā
Sanskrit only: no published translation is held for this verse.
इति वाक्यं समाकर्ण्य पुत्रयोर्वीरमानिनोः । शोकं त्यक्त्वा महाराजो युद्धाय मतिमादधात्
iti vākyaṃ samākarṇya putrayorvīramāninoḥ | śokaṃ tyaktvā mahārājo yuddhāya matimādadhāt
Sanskrit only: no published translation is held for this verse.
तावपि प्रतियोद्धारं वांच्छंतौ रणदुर्मदौ । जग्मतुः कटके शत्रोरनंतभटपूरिते
tāvapi pratiyoddhāraṃ vāṃcchaṃtau raṇadurmadau | jagmatuḥ kaṭake śatroranaṃtabhaṭapūrite
Sanskrit only: no published translation is held for this verse.
रिपुतापेन दमनो नीलरत्नेन चेतरः । युयुधाते रणे वीरौ प्रावृषीव बलाहकौ
riputāpena damano nīlaratnena cetaraḥ | yuyudhāte raṇe vīrau prāvṛṣīva balāhakau
Sanskrit only: no published translation is held for this verse.
राजा कनकसन्नद्धे रथे मणिविचित्रिते । रत्नकूबरशोभाढ्ये तिष्ठंश्चापधरो बली
rājā kanakasannaddhe rathe maṇivicitrite | ratnakūbaraśobhāḍhye tiṣṭhaṃścāpadharo balī
Sanskrit only: no published translation is held for this verse.
ययौ योद्धुं तु शत्रुघ्नं वीरकोटभिरावृतम् । तृणीकुर्वन्महावीरान्धनुर्विद्याविशारदान्
yayau yoddhuṃ tu śatrughnaṃ vīrakoṭabhirāvṛtam | tṛṇīkurvanmahāvīrāndhanurvidyāviśāradān
Sanskrit only: no published translation is held for this verse.
तं योद्धुमागतं दृष्ट्वा सुबाहुं रोषपूरितम् । पुत्रनाशेन कुर्वंतं सर्वसैन्यवधादिकम्
taṃ yoddhumāgataṃ dṛṣṭvā subāhuṃ roṣapūritam | putranāśena kurvaṃtaṃ sarvasainyavadhādikam
Sanskrit only: no published translation is held for this verse.
शत्रुघ्नपार्श्वसंचारी हनूमांस्तमुपाद्रवत् । नखायुधो महानादं कुर्वन्मेघ इवाहवे
śatrughnapārśvasaṃcārī hanūmāṃstamupādravat | nakhāyudho mahānādaṃ kurvanmegha ivāhave
Sanskrit only: no published translation is held for this verse.
सुबाहुस्तं हनूमंतमागच्छंतं महारवम् । उवाच प्रहसन्वाक्यं रोषपूरितलोचनः
subāhustaṃ hanūmaṃtamāgacchaṃtaṃ mahāravam | uvāca prahasanvākyaṃ roṣapūritalocanaḥ
Sanskrit only: no published translation is held for this verse.
क्व गतः पुष्कलो हत्वा मत्पुत्रं रणमंडले । पातयाम्यद्य तस्याशु शिरो ज्वलितकुंडलम्
kva gataḥ puṣkalo hatvā matputraṃ raṇamaṃḍale | pātayāmyadya tasyāśu śiro jvalitakuṃḍalam
Sanskrit only: no published translation is held for this verse.
क्व शत्रुघ्नो वाहपालः क्व च रामः कुतो भटाः । प्राणहंतारमायांतं पश्यंतु प्रधने तु माम्
kva śatrughno vāhapālaḥ kva ca rāmaḥ kuto bhaṭāḥ | prāṇahaṃtāramāyāṃtaṃ paśyaṃtu pradhane tu mām
Sanskrit only: no published translation is held for this verse.
इति तद्वाक्यमाकर्ण्य हनूमान्निजगाद तम् । शत्रुघ्नो लवणच्छेत्ता वर्तते सैन्यपालकः
iti tadvākyamākarṇya hanūmānnijagāda tam | śatrughno lavaṇacchettā vartate sainyapālakaḥ
Sanskrit only: no published translation is held for this verse.
स कथं प्रधने युध्येत्सेवकेऽग्रे स्थिते नृप । मां विजित्य रणे तं च त्वं गंतासि नरर्षभ
sa kathaṃ pradhane yudhyetsevake'gre sthite nṛpa | māṃ vijitya raṇe taṃ ca tvaṃ gaṃtāsi nararṣabha
Sanskrit only: no published translation is held for this verse.
इत्युक्तवंतं तरसा विव्याध दशसायकैः । हृदि वानरमत्युग्रं पर्वताग्र्यमिवस्थितम्
ityuktavaṃtaṃ tarasā vivyādha daśasāyakaiḥ | hṛdi vānaramatyugraṃ parvatāgryamivasthitam
Sanskrit only: no published translation is held for this verse.
सबाणानागतांस्तांश्च गृहीत्वा करसंपुटे । चूर्णयामास तिलशः शितान्वैरिविदारणान्
sabāṇānāgatāṃstāṃśca gṛhītvā karasaṃpuṭe | cūrṇayāmāsa tilaśaḥ śitānvairividāraṇān
Sanskrit only: no published translation is held for this verse.
चूर्णयित्वा शरांस्तांस्तु निनदन्घनगर्जितैः । पुच्छेनावेष्ट्य तस्योच्चै रथं निन्ये महाबलः
cūrṇayitvā śarāṃstāṃstu ninadanghanagarjitaiḥ | pucchenāveṣṭya tasyoccai rathaṃ ninye mahābalaḥ
Sanskrit only: no published translation is held for this verse.
तदा तं नृपवर्योऽसावाकाशे स्थित एव सः । लांगूलं ताडयामास शिताग्रैः सायकैर्मुहुः
tadā taṃ nṛpavaryo'sāvākāśe sthita eva saḥ | lāṃgūlaṃ tāḍayāmāsa śitāgraiḥ sāyakairmuhuḥ
Sanskrit only: no published translation is held for this verse.
स ताडितस्तु पुच्छाग्रे शरैः सन्नतपर्वभिः । मुमोच तद्रथं दिव्यं कनकेन विचित्रितम्
sa tāḍitastu pucchāgre śaraiḥ sannataparvabhiḥ | mumoca tadrathaṃ divyaṃ kanakena vicitritam
Sanskrit only: no published translation is held for this verse.
स मुक्तस्तेन तरसा शरैस्तीक्ष्णैर्जघान तम् । हनूमंतं कपिवरं रोषसंपूरितेक्षणः
sa muktastena tarasā śaraistīkṣṇairjaghāna tam | hanūmaṃtaṃ kapivaraṃ roṣasaṃpūritekṣaṇaḥ
Sanskrit only: no published translation is held for this verse.
हनूमान्बाणविच्छिन्नः सर्वत्ररुधिराप्लुतः । महारोषं समाधत्त नृपोपरि कपीश्वरः
hanūmānbāṇavicchinnaḥ sarvatrarudhirāplutaḥ | mahāroṣaṃ samādhatta nṛpopari kapīśvaraḥ
Sanskrit only: no published translation is held for this verse.
गृहीत्वा तस्य दंष्ट्राभी रथं हयसमन्वितम् । चूर्णयामस वेगेन तदद्भुतमिवाभवत्
gṛhītvā tasya daṃṣṭrābhī rathaṃ hayasamanvitam | cūrṇayāmasa vegena tadadbhutamivābhavat
Sanskrit only: no published translation is held for this verse.
स्वरथं भज्यमानं तु दृष्ट्वा राजा त्वरन्बली । अन्यं रथं समास्थाय युयुधे तं महाबलम्
svarathaṃ bhajyamānaṃ tu dṛṣṭvā rājā tvaranbalī | anyaṃ rathaṃ samāsthāya yuyudhe taṃ mahābalam
Sanskrit only: no published translation is held for this verse.
पुच्छे मुखेऽथोरसि च भुजे चरणयोर्नृपः । जघान शरसंधानकोविदः परमास्त्रवित्
pucche mukhe'thorasi ca bhuje caraṇayornṛpaḥ | jaghāna śarasaṃdhānakovidaḥ paramāstravit
Sanskrit only: no published translation is held for this verse.
तदा क्रुद्धः कपिवरस्ताडयामास वक्षसि । पादेनोत्प्लुत्य वेगेन राज्ञः सुभटशोभिनः
tadā kruddhaḥ kapivarastāḍayāmāsa vakṣasi | pādenotplutya vegena rājñaḥ subhaṭaśobhinaḥ
Sanskrit only: no published translation is held for this verse.
स पदा प्रहतो भूमौ पपात किल मूर्च्छितः । मुखाद्वमन्नसृक्चोष्णं श्वासपूरप्रवेपितः
sa padā prahato bhūmau papāta kila mūrcchitaḥ | mukhādvamannasṛkcoṣṇaṃ śvāsapūrapravepitaḥ
Sanskrit only: no published translation is held for this verse.
तदा प्रकुपितोऽत्यंतं हनूमान्प्रधनांगणे । अश्वान्वीरान्गजांश्चापि चूर्णयामास वेगतः
tadā prakupito'tyaṃtaṃ hanūmānpradhanāṃgaṇe | aśvānvīrāngajāṃścāpi cūrṇayāmāsa vegataḥ
Sanskrit only: no published translation is held for this verse.
तदा सुकेतुस्तद्भ्राता तथा लक्ष्मीनिधिर्नृपः । उभावपि सुसन्नद्धौ युद्धाय समुपस्थितौ
tadā suketustadbhrātā tathā lakṣmīnidhirnṛpaḥ | ubhāvapi susannaddhau yuddhāya samupasthitau
Sanskrit only: no published translation is held for this verse.
राजानं मूर्च्छितं दृष्ट्वा प्रपलाय्य गता नराः । इतस्ततो बाणसंघैः क्षताः पुष्कलवर्षितैः
rājānaṃ mūrcchitaṃ dṛṣṭvā prapalāyya gatā narāḥ | itastato bāṇasaṃghaiḥ kṣatāḥ puṣkalavarṣitaiḥ
Sanskrit only: no published translation is held for this verse.
तद्भज्यमानं स्वबलं वीक्ष्य राजात्मजो बली । दमनः स्तंभयामास सेतुर्वार्धिमिवोच्चलम्
tadbhajyamānaṃ svabalaṃ vīkṣya rājātmajo balī | damanaḥ staṃbhayāmāsa seturvārdhimivoccalam
Sanskrit only: no published translation is held for this verse.
तदा तु मूर्च्छितो राजा स्वप्नमेकं ददर्श ह । रणमध्ये कपिवरप्रपदाघातताडितः
tadā tu mūrcchito rājā svapnamekaṃ dadarśa ha | raṇamadhye kapivaraprapadāghātatāḍitaḥ
Sanskrit only: no published translation is held for this verse.
रामचंद्रस्त्वयोध्यायां सरयूतीरमंडपे । ब्राह्मणैर्याज्ञिकश्रेष्ठैर्बहुभिः परिवारितः
rāmacaṃdrastvayodhyāyāṃ sarayūtīramaṃḍape | brāhmaṇairyājñikaśreṣṭhairbahubhiḥ parivāritaḥ
Sanskrit only: no published translation is held for this verse.
तत्र ब्रह्मादयो देवास्तत्र ब्रह्मांडकोटयः । कृतप्राञ्जलयस्तं वै स्तुवंति स्तुतिभिर्मुहुः
tatra brahmādayo devāstatra brahmāṃḍakoṭayaḥ | kṛtaprāñjalayastaṃ vai stuvaṃti stutibhirmuhuḥ
Sanskrit only: no published translation is held for this verse.
रामं श्यामं सुनयनं मृगशृंगपरिग्रहम् । गायंति नारदाद्याश्च वीणोल्लसितपाणयः
rāmaṃ śyāmaṃ sunayanaṃ mṛgaśṛṃgaparigraham | gāyaṃti nāradādyāśca vīṇollasitapāṇayaḥ
Sanskrit only: no published translation is held for this verse.
नृत्यंत्यप्सरसस्तत्र घृताची मेनकादयः । वेदा मूर्तिधरा भूत्वा उपतिष्ठंति राघवम्
nṛtyaṃtyapsarasastatra ghṛtācī menakādayaḥ | vedā mūrtidharā bhūtvā upatiṣṭhaṃti rāghavam
Sanskrit only: no published translation is held for this verse.
यच्च किंचिद्वस्तुजातं सर्वशोभासमन्वितम् । तस्य दातारमखिलं भक्तानां भोगदायकम्
yacca kiṃcidvastujātaṃ sarvaśobhāsamanvitam | tasya dātāramakhilaṃ bhaktānāṃ bhogadāyakam
Sanskrit only: no published translation is held for this verse.
इत्येवमादिसंपश्यञ्जाग्रत्संज्ञामवाप सः । ब्रह्मशापहतज्ञानः किं दृष्टमिति वै वदन्
ityevamādisaṃpaśyañjāgratsaṃjñāmavāpa saḥ | brahmaśāpahatajñānaḥ kiṃ dṛṣṭamiti vai vadan
Sanskrit only: no published translation is held for this verse.
उत्थाय प्रययौ पद्भ्यां शत्रुघ्नचरणं प्रति । भृत्यकोटिपरीवारो रथकोटिपरीवृतः
utthāya prayayau padbhyāṃ śatrughnacaraṇaṃ prati | bhṛtyakoṭiparīvāro rathakoṭiparīvṛtaḥ
Sanskrit only: no published translation is held for this verse.
सुकेतुं तु समाहूय विचित्रं दमनं तथा । युद्धं कर्तुं समुद्युक्तान्वारयामास धर्मवित्
suketuṃ tu samāhūya vicitraṃ damanaṃ tathā | yuddhaṃ kartuṃ samudyuktānvārayāmāsa dharmavit
Sanskrit only: no published translation is held for this verse.
उवाच तान्महाराजो धर्मात्मा धर्मसंयुतः । भ्रातःपुत्रौ शृणुत मे वाक्यं धर्मसमन्वितम्
uvāca tānmahārājo dharmātmā dharmasaṃyutaḥ | bhrātaḥputrau śṛṇuta me vākyaṃ dharmasamanvitam
Sanskrit only: no published translation is held for this verse.
मा युद्धं कुरुत क्षिप्रमनयस्तु महानभूत् । यद्रामचंद्रवाहं त्वमगृह्णाद्दमनोर्ज्जितम्
mā yuddhaṃ kuruta kṣipramanayastu mahānabhūt | yadrāmacaṃdravāhaṃ tvamagṛhṇāddamanorjjitam
Sanskrit only: no published translation is held for this verse.
एष रामः परंब्रह्म कार्यकारणतः परम् । चराचरजगत्स्वामी न मानुषवपुर्धरः
eṣa rāmaḥ paraṃbrahma kāryakāraṇataḥ param | carācarajagatsvāmī na mānuṣavapurdharaḥ
Sanskrit only: no published translation is held for this verse.
एतद्धि ब्रह्मविज्ञानमधुना ज्ञातवानहम् । पुरासितांगशापेन हृतज्ञानधनोऽनघाः
etaddhi brahmavijñānamadhunā jñātavānaham | purāsitāṃgaśāpena hṛtajñānadhano'naghāḥ
Sanskrit only: no published translation is held for this verse.
अहं पुरा तीर्थयात्रां गतस्तत्त्वविवित्सया । तत्रानेके मया दृष्टा मुनयो धर्मवित्तमाः
ahaṃ purā tīrthayātrāṃ gatastattvavivitsayā | tatrāneke mayā dṛṣṭā munayo dharmavittamāḥ
Sanskrit only: no published translation is held for this verse.
असितांगं मुनिमहं गतवाञ्ज्ञातुमिच्छया । तदा प्रोवाच मां विप्रः कृपां कृत्वा ममोपरि
asitāṃgaṃ munimahaṃ gatavāñjñātumicchayā | tadā provāca māṃ vipraḥ kṛpāṃ kṛtvā mamopari
Sanskrit only: no published translation is held for this verse.
योऽसावयोध्याधिपतिः स परब्रह्मशब्दितः । तस्य या जानकी देवी साक्षात्सा चिन्मयी स्मृता
yo'sāvayodhyādhipatiḥ sa parabrahmaśabditaḥ | tasya yā jānakī devī sākṣātsā cinmayī smṛtā
Sanskrit only: no published translation is held for this verse.
एनं तु योगिनः साक्षादुपासते यमादिभिः । दुस्तरा पारसंसारवारिधिं संतितीर्षवः
enaṃ tu yoginaḥ sākṣādupāsate yamādibhiḥ | dustarā pārasaṃsāravāridhiṃ saṃtitīrṣavaḥ
Sanskrit only: no published translation is held for this verse.
स्मृतमात्रो महापापहारी स गरुडध्वजः । य एनं सेवते विद्वान्स संसारं तरिष्यति
smṛtamātro mahāpāpahārī sa garuḍadhvajaḥ | ya enaṃ sevate vidvānsa saṃsāraṃ tariṣyati
Sanskrit only: no published translation is held for this verse.
तदाहमहसं विप्रं कोऽयं रामस्तु मानुषः । केयं सा जानकी देवी हर्षशोकसमाकुला
tadāhamahasaṃ vipraṃ ko'yaṃ rāmastu mānuṣaḥ | keyaṃ sā jānakī devī harṣaśokasamākulā
Sanskrit only: no published translation is held for this verse.
अजन्मनः कथं जन्म अकर्तुः कृत्यमत्र किम् । जन्मदुःखजरातीतं कथयस्व मुने मम
ajanmanaḥ kathaṃ janma akartuḥ kṛtyamatra kim | janmaduḥkhajarātītaṃ kathayasva mune mama
Sanskrit only: no published translation is held for this verse.
इत्युक्तवंतं मां क्रुद्धः शशाप स मुनीश्वरः । अज्ञात्वा तत्स्वरूपं त्वं प्रतिब्रूषे ममाधम
ityuktavaṃtaṃ māṃ kruddhaḥ śaśāpa sa munīśvaraḥ | ajñātvā tatsvarūpaṃ tvaṃ pratibrūṣe mamādhama
Sanskrit only: no published translation is held for this verse.
एनं निंदसि रामं त्वं मानुषोऽयमिदं हसन् । तस्मात्त्वं तत्त्वसंमूढो भविष्यस्युदरंभरिः
enaṃ niṃdasi rāmaṃ tvaṃ mānuṣo'yamidaṃ hasan | tasmāttvaṃ tattvasaṃmūḍho bhaviṣyasyudaraṃbhariḥ
Sanskrit only: no published translation is held for this verse.
तदाहं तस्य चरणावगृह्णं सदया युतः । दृष्ट्वा मे विनयं मां तु प्रावोचत्करुणानिधिः
tadāhaṃ tasya caraṇāvagṛhṇaṃ sadayā yutaḥ | dṛṣṭvā me vinayaṃ māṃ tu prāvocatkaruṇānidhiḥ
Sanskrit only: no published translation is held for this verse.
त्वं रामस्य मखे विघ्नं करिष्यसि यदा नृप । तदा हनूमानंघ्रिं त्वां ताडयिष्यति वेगतः
tvaṃ rāmasya makhe vighnaṃ kariṣyasi yadā nṛpa | tadā hanūmānaṃghriṃ tvāṃ tāḍayiṣyati vegataḥ
Sanskrit only: no published translation is held for this verse.
तदा त्वं ज्ञास्यसे राजन्नान्यथा स्वमनीषया । पुराहमुक्तस्तेनैवं तद्दृष्टमधुना मया
tadā tvaṃ jñāsyase rājannānyathā svamanīṣayā | purāhamuktastenaivaṃ taddṛṣṭamadhunā mayā
Sanskrit only: no published translation is held for this verse.
यदा मां हनुमान्क्रुद्धस्ताडयामास वक्षसि । तदाऽदर्शं रमानाथं पूर्णब्रह्मस्वरूपिणम्
yadā māṃ hanumānkruddhastāḍayāmāsa vakṣasi | tadā'darśaṃ ramānāthaṃ pūrṇabrahmasvarūpiṇam
Sanskrit only: no published translation is held for this verse.
तस्मादश्वं तु शोभाढ्यमानयंतु महाबलाः । धनानि चैव वासांसि राज्यं चेदं समर्पये
tasmādaśvaṃ tu śobhāḍhyamānayaṃtu mahābalāḥ | dhanāni caiva vāsāṃsi rājyaṃ cedaṃ samarpaye
Sanskrit only: no published translation is held for this verse.
रामं दृष्ट्वा कृतार्थः स्यामहं यज्ञेति पुण्यदे । आनयंतु हयं मह्यं रोचते तु तदर्पणम्
rāmaṃ dṛṣṭvā kṛtārthaḥ syāmahaṃ yajñeti puṇyade | ānayaṃtu hayaṃ mahyaṃ rocate tu tadarpaṇam
Sanskrit only: no published translation is held for this verse.