Padma Purāṇa 5.3

शेष उवाच। दृष्ट्वा रामो राजधानीं निजलोकनिवासिनीम् । जहर्ष मतिमान्वीरश्चिरदर्शनलालसः

śeṣa uvāca| dṛṣṭvā rāmo rājadhānīṃ nijalokanivāsinīm | jaharṣa matimānvīraściradarśanalālasaḥ

Sanskrit only: no published translation is held for this verse.

भरतोऽपि स्वकं मित्रं सुमुखं नगरं प्रति । प्रेषयामास सचिवं नगरोत्सवसिद्धये

bharato'pi svakaṃ mitraṃ sumukhaṃ nagaraṃ prati | preṣayāmāsa sacivaṃ nagarotsavasiddhaye

Sanskrit only: no published translation is held for this verse.

भरत उवाच। कुर्वंतु लोकास्त्वरितं रघुनाथागमोत्सवम् । मंदिरे मंदिरे रम्यं कृतकौतुकचित्रकम्

bharata uvāca| kurvaṃtu lokāstvaritaṃ raghunāthāgamotsavam | maṃdire maṃdire ramyaṃ kṛtakautukacitrakam

Sanskrit only: no published translation is held for this verse.

विपांसुका राजमार्गाश्चंदनद्रवसिंचिताः । प्रसूनभरसंकॢप्ता हृष्टपुष्टजनावृताः

vipāṃsukā rājamārgāścaṃdanadravasiṃcitāḥ | prasūnabharasaṃkḷptā hṛṣṭapuṣṭajanāvṛtāḥ

Sanskrit only: no published translation is held for this verse.

विचित्रवर्णध्वजभा चित्रिताखिलस्वांगणाः । मेघागमे धनुरिव पश्यंत्वेव वलीमुखाः

vicitravarṇadhvajabhā citritākhilasvāṃgaṇāḥ | meghāgame dhanuriva paśyaṃtveva valīmukhāḥ

Sanskrit only: no published translation is held for this verse.

प्रतिगेहं तु लोकानां कारयंत्वगरूक्षणम् । यद्धूमं वीक्ष्य शिखिनो नृत्यं कुर्वंतु लीलया

pratigehaṃ tu lokānāṃ kārayaṃtvagarūkṣaṇam | yaddhūmaṃ vīkṣya śikhino nṛtyaṃ kurvaṃtu līlayā

Sanskrit only: no published translation is held for this verse.

हस्तिनो मम शैलाभानाधोरणसुयंत्रितान् । विचित्रयंतु बहुशो गैरिकाद्युपधातुभिः

hastino mama śailābhānādhoraṇasuyaṃtritān | vicitrayaṃtu bahuśo gairikādyupadhātubhiḥ

Sanskrit only: no published translation is held for this verse.

वाजिनश्चित्रिता भूयः सुशोभंतु मनोजवाः । यद्वेगवीक्षणादेव गर्वं त्यजति स्वर्हयः

vājinaścitritā bhūyaḥ suśobhaṃtu manojavāḥ | yadvegavīkṣaṇādeva garvaṃ tyajati svarhayaḥ

Sanskrit only: no published translation is held for this verse.

कन्याः सहस्रशो रम्याः सर्वाभरणभूषिताः । गजोपरि समारूढा मुक्ताभिर्विकिरंतु च

kanyāḥ sahasraśo ramyāḥ sarvābharaṇabhūṣitāḥ | gajopari samārūḍhā muktābhirvikiraṃtu ca

Sanskrit only: no published translation is held for this verse.

ब्राह्मण्यः पात्रहस्ताश्च दूर्वाहारिद्रसंयुताः । सुवासिन्यो महाराजं रामं नीराजयंतु ताः

brāhmaṇyaḥ pātrahastāśca dūrvāhāridrasaṃyutāḥ | suvāsinyo mahārājaṃ rāmaṃ nīrājayaṃtu tāḥ

Sanskrit only: no published translation is held for this verse.

कौसल्यापुत्रसंयोगसंदेश विधुरा सती । हर्षं प्राप्नोतु सुकृशा तदीक्षणसुलालसा

kausalyāputrasaṃyogasaṃdeśa vidhurā satī | harṣaṃ prāpnotu sukṛśā tadīkṣaṇasulālasā

Sanskrit only: no published translation is held for this verse.

इत्येवमादिरचनाः पुरशोभाविधायिकाः । करोतु जनता हृष्टा रामस्यागमनं प्रति

ityevamādiracanāḥ puraśobhāvidhāyikāḥ | karotu janatā hṛṣṭā rāmasyāgamanaṃ prati

Sanskrit only: no published translation is held for this verse.

शेष उवाच। इति श्रुत्वा ततो वाक्यं सुमुखो मंत्रवित्तमः । प्रययौ नगरीं कर्तुं कृतकौतुकतोरणाम्

śeṣa uvāca| iti śrutvā tato vākyaṃ sumukho maṃtravittamaḥ | prayayau nagarīṃ kartuṃ kṛtakautukatoraṇām

Sanskrit only: no published translation is held for this verse.

गत्वाथ नगरीं तां वै मंत्री तु सुमुखाभिधः । ख्यापयामास लोकानां रामागममहोत्सवम्

gatvātha nagarīṃ tāṃ vai maṃtrī tu sumukhābhidhaḥ | khyāpayāmāsa lokānāṃ rāmāgamamahotsavam

Sanskrit only: no published translation is held for this verse.

लोकाः श्रुत्वा पुरीं प्राप्तं रघुनाथं सुहर्षिताः । पूर्वं तदीय विरहत्यक्तभोगसुखादयः

lokāḥ śrutvā purīṃ prāptaṃ raghunāthaṃ suharṣitāḥ | pūrvaṃ tadīya virahatyaktabhogasukhādayaḥ

Sanskrit only: no published translation is held for this verse.

ब्राह्मणा वेदसंपन्नाः पवित्रा दर्भपाणयः । धौतोत्तरीयवलिता जग्मुः श्रीरघुनायकम्

brāhmaṇā vedasaṃpannāḥ pavitrā darbhapāṇayaḥ | dhautottarīyavalitā jagmuḥ śrīraghunāyakam

Sanskrit only: no published translation is held for this verse.

क्षत्रिया ये शूरतमा धनुर्बाणधरा वराः । संग्रामे बहुशो वीरा जेतारो ययुरप्यमुम्

kṣatriyā ye śūratamā dhanurbāṇadharā varāḥ | saṃgrāme bahuśo vīrā jetāro yayurapyamum

Sanskrit only: no published translation is held for this verse.

वैश्या धनसमृद्धाश्च मुद्राशोभितपाणयः । शुभ्रवस्त्रपरीधाना अभिजग्मुर्नरेश्वरम्

vaiśyā dhanasamṛddhāśca mudrāśobhitapāṇayaḥ | śubhravastraparīdhānā abhijagmurnareśvaram

Sanskrit only: no published translation is held for this verse.

शूद्रा द्विजेषु ये भक्ताः स्वीयाचारसुनिष्ठिताः । वेदाचाररता ये वै तेऽपिजग्मुः पुरीपतिम्

śūdrā dvijeṣu ye bhaktāḥ svīyācārasuniṣṭhitāḥ | vedācāraratā ye vai te'pijagmuḥ purīpatim

Sanskrit only: no published translation is held for this verse.

ये ये वृत्तिकरा लोकाः स्वे स्वे कर्मण्यधिष्ठिताः । स्वकं वस्तु समादाय ययुः श्रीरामभूपतिम्

ye ye vṛttikarā lokāḥ sve sve karmaṇyadhiṣṭhitāḥ | svakaṃ vastu samādāya yayuḥ śrīrāmabhūpatim

Sanskrit only: no published translation is held for this verse.

इत्थं भूपतिसंदेशात्प्रमोदाप्लवसंयुताः । नाना कौतुकसंयुक्ता आजग्मुर्मनुजेश्वरम्

itthaṃ bhūpatisaṃdeśātpramodāplavasaṃyutāḥ | nānā kautukasaṃyuktā ājagmurmanujeśvaram

Sanskrit only: no published translation is held for this verse.

शेष उवाच। रघुनाथोऽपि सकलैर्दैवतैः स्वस्वयानगैः । परीतः प्रविवेशोच्चैः पुरीं रचितमोहनाम्

śeṣa uvāca| raghunātho'pi sakalairdaivataiḥ svasvayānagaiḥ | parītaḥ praviveśoccaiḥ purīṃ racitamohanām

Sanskrit only: no published translation is held for this verse.

प्लवंगाः प्लवनैर्युक्ता आकाशपथचारिणः । स्वस्वशोभापरीतांगाश्चानुजग्मुः पुरोत्तमम्

plavaṃgāḥ plavanairyuktā ākāśapathacāriṇaḥ | svasvaśobhāparītāṃgāścānujagmuḥ purottamam

Sanskrit only: no published translation is held for this verse.

पुष्पकादवरुह्याशु नरयानमथारुहत् । सीतया सहितो रामः परिवारसमावृतः

puṣpakādavaruhyāśu narayānamathāruhat | sītayā sahito rāmaḥ parivārasamāvṛtaḥ

Sanskrit only: no published translation is held for this verse.

अयोध्यां प्रविवेशाथ कृतकौतुकतोरणाम् । हृष्टपुष्टजनाकीर्णामुत्सवैः परीभूषिताम्

ayodhyāṃ praviveśātha kṛtakautukatoraṇām | hṛṣṭapuṣṭajanākīrṇāmutsavaiḥ parībhūṣitām

Sanskrit only: no published translation is held for this verse.

वीणापणवभेर्यादिवादित्रैराहतैर्भृशम् । शोभमानः स्तूयमानः सूतमागधबंदिभिः

vīṇāpaṇavabheryādivāditrairāhatairbhṛśam | śobhamānaḥ stūyamānaḥ sūtamāgadhabaṃdibhiḥ

Sanskrit only: no published translation is held for this verse.

जय राघवरामेति जय सूर्यकुलांगद । जय दाशरथे देव जयताल्लोकनायकः

jaya rāghavarāmeti jaya sūryakulāṃgada | jaya dāśarathe deva jayatāllokanāyakaḥ

Sanskrit only: no published translation is held for this verse.

इति शृण्वञ्छुभां वाचं पौराणां हर्षितांगिनाम् । रामदर्शनसंजात पुलकोद्भेद शोभिनाम्

iti śṛṇvañchubhāṃ vācaṃ paurāṇāṃ harṣitāṃginām | rāmadarśanasaṃjāta pulakodbheda śobhinām

Sanskrit only: no published translation is held for this verse.

प्रविवेश वरं मार्गं रथ्याचत्वरभूषितम् । चंदनोदकसंसिक्तं पुष्पपल्लवसंयुतम्

praviveśa varaṃ mārgaṃ rathyācatvarabhūṣitam | caṃdanodakasaṃsiktaṃ puṣpapallavasaṃyutam

Sanskrit only: no published translation is held for this verse.

तदा पौरांगनाः काश्चिद्गवाक्षबिलमाश्रिताः । रघुनाथस्वरूपेक्षा जातकामा अथाब्रुवन्

tadā paurāṃganāḥ kāścidgavākṣabilamāśritāḥ | raghunāthasvarūpekṣā jātakāmā athābruvan

Sanskrit only: no published translation is held for this verse.

पौरांगना ऊचुः। धन्या अभूवन्बत भिल्लकन्या वनेषु या राममुखारविंदम् । स्वलोचनेंदीवरकैरथापिबन्स्वभाग्यसंजातमहोदया इमाः

paurāṃganā ūcuḥ| dhanyā abhūvanbata bhillakanyā vaneṣu yā rāmamukhāraviṃdam | svalocaneṃdīvarakairathāpibansvabhāgyasaṃjātamahodayā imāḥ

Sanskrit only: no published translation is held for this verse.

धन्यं मुखं पश्यत वीरधाम्नः श्रीरामदेवस्य सरोजनेत्रम् । यद्दर्शनं धातृमुखाः सुरा अपि प्रापुर्महद्भाग्ययुता वयंत्वहो

dhanyaṃ mukhaṃ paśyata vīradhāmnaḥ śrīrāmadevasya sarojanetram | yaddarśanaṃ dhātṛmukhāḥ surā api prāpurmahadbhāgyayutā vayaṃtvaho

Sanskrit only: no published translation is held for this verse.

एतन्मुखं पश्यत चारुहासं किरीटसंशोभिनिजोत्तमांगम् । बंधूकधिक्कारलसच्छविप्रदं दंतच्छदं बिभ्रतमुच्चनासम्

etanmukhaṃ paśyata cāruhāsaṃ kirīṭasaṃśobhinijottamāṃgam | baṃdhūkadhikkāralasacchavipradaṃ daṃtacchadaṃ bibhratamuccanāsam

Sanskrit only: no published translation is held for this verse.

इति गदितवतीस्ताः स्नेहभारेण रामा नलिनदलसदृक्षैर्नेत्रपातैर्निरीक्ष्य । निखिलगुरुरनूनप्रेमभारं नृलोकं जननिगृहमियेष प्रोषितांगेन हृष्टः

iti gaditavatīstāḥ snehabhāreṇa rāmā nalinadalasadṛkṣairnetrapātairnirīkṣya | nikhilagururanūnapremabhāraṃ nṛlokaṃ jananigṛhamiyeṣa proṣitāṃgena hṛṣṭaḥ

Sanskrit only: no published translation is held for this verse.