Padma Purāṇa 5.30

शेष उवाच। अथ तेजःपुरं प्राप्तस्तुरगः पत्रशोभितः । यस्यां पालयते राजा प्रजाः सत्येन सत्यवान्

śeṣa uvāca| atha tejaḥpuraṃ prāptasturagaḥ patraśobhitaḥ | yasyāṃ pālayate rājā prajāḥ satyena satyavān

Sanskrit only: no published translation is held for this verse.

अथ कोटिपरीवारो रघुनाथानुजस्ततः । हयानुगो ययौ तस्य पुरतः पुरधर्षणः

atha koṭiparīvāro raghunāthānujastataḥ | hayānugo yayau tasya purataḥ puradharṣaṇaḥ

Sanskrit only: no published translation is held for this verse.

तद्दृष्ट्वा नगरं रम्यं चित्रप्राकारशोभितम् । कांचनैः कलशैस्तत्र परितः प्रतिभासितम्

taddṛṣṭvā nagaraṃ ramyaṃ citraprākāraśobhitam | kāṃcanaiḥ kalaśaistatra paritaḥ pratibhāsitam

Sanskrit only: no published translation is held for this verse.

देवायतनसाहस्रैः सर्वतश्च विराजितम् । यतीनां तु मठास्तत्र शोभंते यतिपूरिताः

devāyatanasāhasraiḥ sarvataśca virājitam | yatīnāṃ tu maṭhāstatra śobhaṃte yatipūritāḥ

Sanskrit only: no published translation is held for this verse.

वहत्यत्र महादेवी शिखिलोचनमूर्धगा । हंसकारंडवाकीर्णामुनिवृंदनिषेविता

vahatyatra mahādevī śikhilocanamūrdhagā | haṃsakāraṃḍavākīrṇāmunivṛṃdaniṣevitā

Sanskrit only: no published translation is held for this verse.

ब्राह्मणानां प्रत्यगारमग्निहोत्रभवः पुनः । धूमस्तत्र पुनात्यंग पातकाप्लुतमानसान्

brāhmaṇānāṃ pratyagāramagnihotrabhavaḥ punaḥ | dhūmastatra punātyaṃga pātakāplutamānasān

Sanskrit only: no published translation is held for this verse.

उवाच सुमतिं राजा शत्रुघ्नः शत्रुतापनः । तत्पुरप्रेक्षणोद्भूतहर्षविस्मितमानसः

uvāca sumatiṃ rājā śatrughnaḥ śatrutāpanaḥ | tatpuraprekṣaṇodbhūtaharṣavismitamānasaḥ

Sanskrit only: no published translation is held for this verse.

शत्रुघ्न उवाच। मंत्रिन्कथय कस्येदं पुरं मे दृष्टिगोचरम् । करोति मानसाह्लादं धर्मेण प्रतिपालितम्

śatrughna uvāca| maṃtrinkathaya kasyedaṃ puraṃ me dṛṣṭigocaram | karoti mānasāhlādaṃ dharmeṇa pratipālitam

Sanskrit only: no published translation is held for this verse.

शेष उवाच। इति वाक्यं समाकर्ण्य शत्रुघ्नस्य महीपतेः । उवाच सुमतिः सर्वं यथातथमनुद्धतम्

śeṣa uvāca| iti vākyaṃ samākarṇya śatrughnasya mahīpateḥ | uvāca sumatiḥ sarvaṃ yathātathamanuddhatam

Sanskrit only: no published translation is held for this verse.

सुमतिरुवाच। शृणुष्वावहितः स्वामिन्वैष्णवस्य कथाः शुभाः । याः श्रुत्वा मुच्यते पापाद्ब्रह्महत्यासमादपि

sumatiruvāca| śṛṇuṣvāvahitaḥ svāminvaiṣṇavasya kathāḥ śubhāḥ | yāḥ śrutvā mucyate pāpādbrahmahatyāsamādapi

Sanskrit only: no published translation is held for this verse.

जीवन्मुक्तो वरीवर्ति रामांघ्र्यंबुजषट्पदः । सत्यवान्यज्ञयज्ञांग ज्ञाता कर्ताऽविता महान्

jīvanmukto varīvarti rāmāṃghryaṃbujaṣaṭpadaḥ | satyavānyajñayajñāṃga jñātā kartā'vitā mahān

Sanskrit only: no published translation is held for this verse.

धेनुं प्रसाद्य बहुभिर्व्रतैर्यं प्राप तत्पिता । ऋतंभराख्यो जगति ख्यातः परमधार्मिकः

dhenuṃ prasādya bahubhirvratairyaṃ prāpa tatpitā | ṛtaṃbharākhyo jagati khyātaḥ paramadhārmikaḥ

Sanskrit only: no published translation is held for this verse.

गौः प्रसन्ना ददौ पुत्रमनेकगुणसंस्कृतम् । सत्यवंतं सुशोभाढ्यं तं जानीहि नृपोत्तमम्

gauḥ prasannā dadau putramanekaguṇasaṃskṛtam | satyavaṃtaṃ suśobhāḍhyaṃ taṃ jānīhi nṛpottamam

Sanskrit only: no published translation is held for this verse.

शत्रुघ्न उवाच। को वा ऋतंभरो राजा किमर्थं धेनुपूजनम् । कथं प्राप्तः सुतस्तस्य वैष्णवो विष्णुसेवकः

śatrughna uvāca| ko vā ṛtaṃbharo rājā kimarthaṃ dhenupūjanam | kathaṃ prāptaḥ sutastasya vaiṣṇavo viṣṇusevakaḥ

Sanskrit only: no published translation is held for this verse.

सर्वमेतत्समाचक्ष्व वैष्णवस्य कथानकम् । श्रुतं हरति जंतूनां महापातकपर्वतम्

sarvametatsamācakṣva vaiṣṇavasya kathānakam | śrutaṃ harati jaṃtūnāṃ mahāpātakaparvatam

Sanskrit only: no published translation is held for this verse.

शेष उवाच। इति वाक्यं समाकर्ण्य शत्रुघ्नस्य महार्थकम् । कथयामास विशदं तदुत्पत्तिकथानकम्

śeṣa uvāca| iti vākyaṃ samākarṇya śatrughnasya mahārthakam | kathayāmāsa viśadaṃ tadutpattikathānakam

Sanskrit only: no published translation is held for this verse.

ऋतंभरो नरपतिरनपत्यः पुराऽभवत् । कलत्राणि बहून्यस्य न पुत्रं प्राप तेषु वै

ṛtaṃbharo narapatiranapatyaḥ purā'bhavat | kalatrāṇi bahūnyasya na putraṃ prāpa teṣu vai

Sanskrit only: no published translation is held for this verse.

तदा जाबालिनामानं मुनिं दैवादुपागतम् । प्रपच्छ कुशलोद्युक्तः सपुत्रोत्पत्तिकारणम्

tadā jābālināmānaṃ muniṃ daivādupāgatam | prapaccha kuśalodyuktaḥ saputrotpattikāraṇam

Sanskrit only: no published translation is held for this verse.

ऋतंभर उवाच। स्वामिन्वंध्यस्य मे ब्रूहि पुत्रोत्पत्तिकरं वचः । यत्कृत्वा जायतेऽपत्यं मम वंशधरं वरम्

ṛtaṃbhara uvāca| svāminvaṃdhyasya me brūhi putrotpattikaraṃ vacaḥ | yatkṛtvā jāyate'patyaṃ mama vaṃśadharaṃ varam

Sanskrit only: no published translation is held for this verse.

तज्ज्ञात्वा भवतो भव्यं प्रकुर्यां निश्चितं वचः । दानं व्रतं वा तीर्थं वा मखं वा मुनिसत्तम

tajjñātvā bhavato bhavyaṃ prakuryāṃ niścitaṃ vacaḥ | dānaṃ vrataṃ vā tīrthaṃ vā makhaṃ vā munisattama

Sanskrit only: no published translation is held for this verse.

इति राज्ञोवचः श्रुत्वा जगाद मुनिसत्तमः । सुतोत्पत्तिकरं वाक्यं प्रणतस्य सुतार्थिनः

iti rājñovacaḥ śrutvā jagāda munisattamaḥ | sutotpattikaraṃ vākyaṃ praṇatasya sutārthinaḥ

Sanskrit only: no published translation is held for this verse.

अपत्यप्राप्तिकामस्य संत्युपायास्त्रयः प्रभो । विष्णोः प्रसादो गोश्चापि शिवस्याप्यथवा पुनः

apatyaprāptikāmasya saṃtyupāyāstrayaḥ prabho | viṣṇoḥ prasādo goścāpi śivasyāpyathavā punaḥ

Sanskrit only: no published translation is held for this verse.

तस्मात्त्वं कुरु वै पूजां धेनोर्देवतनोर्नृप । यस्याः पुच्छे मुखे शृंगे पृष्ठे देवाः प्रतिष्ठिताः

tasmāttvaṃ kuru vai pūjāṃ dhenordevatanornṛpa | yasyāḥ pucche mukhe śṛṃge pṛṣṭhe devāḥ pratiṣṭhitāḥ

Sanskrit only: no published translation is held for this verse.

सा तुष्टा दास्यति क्षिप्रं वांछितं धर्मसंयुतम् । एवं विदित्वा गोपूजां विधेहि त्वमृतंभर

sā tuṣṭā dāsyati kṣipraṃ vāṃchitaṃ dharmasaṃyutam | evaṃ viditvā gopūjāṃ vidhehi tvamṛtaṃbhara

Sanskrit only: no published translation is held for this verse.

यो वै नित्यं पूजयति गां गेहे यवसादिभिः । तस्य देवाश्च पितरो नित्यं तृप्ता भवंति हि

yo vai nityaṃ pūjayati gāṃ gehe yavasādibhiḥ | tasya devāśca pitaro nityaṃ tṛptā bhavaṃti hi

Sanskrit only: no published translation is held for this verse.

यो वै गवाह्निकं दद्यान्नियमेन शुभव्रतः । तेन सत्येन तस्य स्युः सर्वे पूर्णा मनोरथाः

yo vai gavāhnikaṃ dadyānniyamena śubhavrataḥ | tena satyena tasya syuḥ sarve pūrṇā manorathāḥ

Sanskrit only: no published translation is held for this verse.

तृषिता गौर्गृहे बद्धा गेहे कन्या रजस्वला । देवता च सनिर्माल्या हंति पुण्यं पुराकृतम्

tṛṣitā gaurgṛhe baddhā gehe kanyā rajasvalā | devatā ca sanirmālyā haṃti puṇyaṃ purākṛtam

Sanskrit only: no published translation is held for this verse.

यो वै गां प्रतिषिद्ध्येत चरंतीं स्वं तृणं नरः । तस्य पूर्वे च पितरः कंपंते पतनोन्मुखाः

yo vai gāṃ pratiṣiddhyeta caraṃtīṃ svaṃ tṛṇaṃ naraḥ | tasya pūrve ca pitaraḥ kaṃpaṃte patanonmukhāḥ

Sanskrit only: no published translation is held for this verse.

यो वै यष्ट्या ताडयति धेनुं मर्त्यो विमूढधीः । धर्मराजस्य नगरं स याति करवर्जितः

yo vai yaṣṭyā tāḍayati dhenuṃ martyo vimūḍhadhīḥ | dharmarājasya nagaraṃ sa yāti karavarjitaḥ

Sanskrit only: no published translation is held for this verse.

यो वै दंशान्वारयति तस्य पूर्वे ह्यधोगताः । नृत्यंति मत्सुतो ह्यस्मांस्तारयिष्यति भाग्यवान्

yo vai daṃśānvārayati tasya pūrve hyadhogatāḥ | nṛtyaṃti matsuto hyasmāṃstārayiṣyati bhāgyavān

Sanskrit only: no published translation is held for this verse.

अत्रैवोदाहरंतीममितिहासं पुरातनम् । जनकस्य पुरावृत्तं धर्मराजपुरेऽद्भुतम्

atraivodāharaṃtīmamitihāsaṃ purātanam | janakasya purāvṛttaṃ dharmarājapure'dbhutam

Sanskrit only: no published translation is held for this verse.

एकदा जनको राजा योगेनासून्समत्यजत् । तदा विमानं संप्राप्तं किंकिणीजालभूषितम्

ekadā janako rājā yogenāsūnsamatyajat | tadā vimānaṃ saṃprāptaṃ kiṃkiṇījālabhūṣitam

Sanskrit only: no published translation is held for this verse.

तदारुह्य गतो राजा सेवकैरूढदेहवान् । मार्गे जगाम धर्मस्य संयमिन्याः पुरोंऽतिके

tadāruhya gato rājā sevakairūḍhadehavān | mārge jagāma dharmasya saṃyaminyāḥ puroṃ'tike

Sanskrit only: no published translation is held for this verse.

तदा नरककोटीषु पीड्यंते पापकारिणः । जनकस्यांगपवनं प्राप्य सौख्यं प्रपेदिरे

tadā narakakoṭīṣu pīḍyaṃte pāpakāriṇaḥ | janakasyāṃgapavanaṃ prāpya saukhyaṃ prapedire

Sanskrit only: no published translation is held for this verse.

निरये दाहजापीडा जातैषां सुखकारिणी । महादुःखं तदा नष्टं जनकस्यांगवायुना

niraye dāhajāpīḍā jātaiṣāṃ sukhakāriṇī | mahāduḥkhaṃ tadā naṣṭaṃ janakasyāṃgavāyunā

Sanskrit only: no published translation is held for this verse.

तदा तं निर्गतं दृष्ट्वा जंतवः पापपीडिताः । अत्यंतं चुक्रुशुर्भीतास्तद्वियोगमनिच्छवः

tadā taṃ nirgataṃ dṛṣṭvā jaṃtavaḥ pāpapīḍitāḥ | atyaṃtaṃ cukruśurbhītāstadviyogamanicchavaḥ

Sanskrit only: no published translation is held for this verse.

ऊचुस्ते करुणां वाचं मा गच्छ सुकृतिन्नितः । त्वदंगवायुसंस्पर्शात्सुखिनः स्यामपीडिताः

ūcuste karuṇāṃ vācaṃ mā gaccha sukṛtinnitaḥ | tvadaṃgavāyusaṃsparśātsukhinaḥ syāmapīḍitāḥ

Sanskrit only: no published translation is held for this verse.

इति वाक्यं समाकर्ण्य राजा परमधार्मिकः । मानसे चिंतयामास करुणापूरपूरितः

iti vākyaṃ samākarṇya rājā paramadhārmikaḥ | mānase ciṃtayāmāsa karuṇāpūrapūritaḥ

Sanskrit only: no published translation is held for this verse.

चेन्मत्तः प्राणिनां सौख्यं भवेदिह तदा पुनः । अत्रैव च पुरे स्थास्ये स्वर्ग एष मनोरमः

cenmattaḥ prāṇināṃ saukhyaṃ bhavediha tadā punaḥ | atraiva ca pure sthāsye svarga eṣa manoramaḥ

Sanskrit only: no published translation is held for this verse.

एवं कृत्वा नृपस्तस्थौ तत्रैव निरयाग्रतः । विदधत्प्राणिनां सौख्यमनुकंपितमानसः

evaṃ kṛtvā nṛpastasthau tatraiva nirayāgrataḥ | vidadhatprāṇināṃ saukhyamanukaṃpitamānasaḥ

Sanskrit only: no published translation is held for this verse.

तत्र धर्मस्तु संप्राप्तो निरयद्वारि दुःखदे । कारयन्यातनास्तीव्रा नानापातककारिणाम्

tatra dharmastu saṃprāpto nirayadvāri duḥkhade | kārayanyātanāstīvrā nānāpātakakāriṇām

Sanskrit only: no published translation is held for this verse.

तदा ददर्श राजानं जनकं द्वारिसंस्थितम् । विमानेन महापुण्यकारिणं दययायुतम्

tadā dadarśa rājānaṃ janakaṃ dvārisaṃsthitam | vimānena mahāpuṇyakāriṇaṃ dayayāyutam

Sanskrit only: no published translation is held for this verse.

तमुवाच प्रेतपतिर्जनकं सहसन्गिरा । राजन्कुतस्त्वं संप्राप्तः सर्वधर्मशिरोमणिः

tamuvāca pretapatirjanakaṃ sahasangirā | rājankutastvaṃ saṃprāptaḥ sarvadharmaśiromaṇiḥ

Sanskrit only: no published translation is held for this verse.

एतत्स्थानं पातकिनां दुष्टानां प्राणघातिनाम् । नायांति पुरुषा भूप त्वादृशाः पुण्यकारिणः

etatsthānaṃ pātakināṃ duṣṭānāṃ prāṇaghātinām | nāyāṃti puruṣā bhūpa tvādṛśāḥ puṇyakāriṇaḥ

Sanskrit only: no published translation is held for this verse.

अत्रायांति नरास्ते वै ये परद्रोहतत्पराः । परापवादनिरताः परद्रव्यपरायणाः

atrāyāṃti narāste vai ye paradrohatatparāḥ | parāpavādaniratāḥ paradravyaparāyaṇāḥ

Sanskrit only: no published translation is held for this verse.

यो वै कलत्रं धर्मिष्ठं निजसेवापरायणम् । अपराधादृते जह्यात्सनरोऽत्र समाव्रजेत्

yo vai kalatraṃ dharmiṣṭhaṃ nijasevāparāyaṇam | aparādhādṛte jahyātsanaro'tra samāvrajet

Sanskrit only: no published translation is held for this verse.

मित्रं वञ्चयते यस्तु धनलोभेन लोभितः । आगत्यात्र नरः पीडां मत्तः प्राप्नोति दारुणाम्

mitraṃ vañcayate yastu dhanalobhena lobhitaḥ | āgatyātra naraḥ pīḍāṃ mattaḥ prāpnoti dāruṇām

Sanskrit only: no published translation is held for this verse.

यो रामं मनसा वाचा कर्मणा दंभतोऽपि वा । द्वेषाद्वाचोपहासाद्वा न स्मरत्येव मूढधीः

yo rāmaṃ manasā vācā karmaṇā daṃbhato'pi vā | dveṣādvācopahāsādvā na smaratyeva mūḍhadhīḥ

Sanskrit only: no published translation is held for this verse.

तं बध्नामि पुनस्त्वेषु निक्षिप्य श्रपयामि च । यैः स्मृतो न रमानाथो नरकक्लेशवारकः

taṃ badhnāmi punastveṣu nikṣipya śrapayāmi ca | yaiḥ smṛto na ramānātho narakakleśavārakaḥ

Sanskrit only: no published translation is held for this verse.

तावत्पापं मनुष्याणामंगेषु नृप तिष्ठति । यावद्रामं न रसना गृणाति कलि दुर्मतेः

tāvatpāpaṃ manuṣyāṇāmaṃgeṣu nṛpa tiṣṭhati | yāvadrāmaṃ na rasanā gṛṇāti kali durmateḥ

Sanskrit only: no published translation is held for this verse.

महापापकरा राजन्ये भवंति महामते । तानानयंति मद्भृत्यास्त्वादृशान्द्रष्टुमक्षमाः

mahāpāpakarā rājanye bhavaṃti mahāmate | tānānayaṃti madbhṛtyāstvādṛśāndraṣṭumakṣamāḥ

Sanskrit only: no published translation is held for this verse.

तस्माद्गच्छ महाराज भुंक्ष्व भोगाननेकशः । विमानवरमारुह्य भुंक्ष्व पुण्यमुपार्जितम्

tasmādgaccha mahārāja bhuṃkṣva bhogānanekaśaḥ | vimānavaramāruhya bhuṃkṣva puṇyamupārjitam

Sanskrit only: no published translation is held for this verse.

इति वाक्यं समाकर्ण्यध र्मराजस्य तत्पतेः । उवाच धर्मराजानं करुणापूरपूरितः

iti vākyaṃ samākarṇyadha rmarājasya tatpateḥ | uvāca dharmarājānaṃ karuṇāpūrapūritaḥ

Sanskrit only: no published translation is held for this verse.

जनक उवाच। अहं गच्छामि नो नाथ जीवानामनुकम्पया । मदंगवायुना ह्येते सुखं प्राप्ताः स्म संस्थिताः

janaka uvāca| ahaṃ gacchāmi no nātha jīvānāmanukampayā | madaṃgavāyunā hyete sukhaṃ prāptāḥ sma saṃsthitāḥ

Sanskrit only: no published translation is held for this verse.

एतान्मुंचसि चेद्राजन्सर्वान्वै निरयस्थितान् । ततो गच्छामि सुखितः स्वर्गं पुण्यजनाश्रितम्

etānmuṃcasi cedrājansarvānvai nirayasthitān | tato gacchāmi sukhitaḥ svargaṃ puṇyajanāśritam

Sanskrit only: no published translation is held for this verse.

जाबालिरुवाच। इति वाक्यमथाश्रुत्य जनकं प्रत्युवाच सः । प्रत्येकं निर्दिशञ्जीवान्निरयस्थाननेकशः

jābāliruvāca| iti vākyamathāśrutya janakaṃ pratyuvāca saḥ | pratyekaṃ nirdiśañjīvānnirayasthānanekaśaḥ

Sanskrit only: no published translation is held for this verse.

धर्म उवाच। अयं मित्र कलत्रं वै विश्वस्तमनुजग्मिवान् । तस्मादेनं लोहशंकौ वर्षायुतमपीपचम्

dharma uvāca| ayaṃ mitra kalatraṃ vai viśvastamanujagmivān | tasmādenaṃ lohaśaṃkau varṣāyutamapīpacam

Sanskrit only: no published translation is held for this verse.

पश्चादेनं सूकराणां योनौ निक्षिप्य दोषिणम् । मानुषेष्ववतार्योऽयं षंढचिह्नेन चिह्नितः

paścādenaṃ sūkarāṇāṃ yonau nikṣipya doṣiṇam | mānuṣeṣvavatāryo'yaṃ ṣaṃḍhacihnena cihnitaḥ

Sanskrit only: no published translation is held for this verse.

अनेन परदाराश्च बलादालिगिता मुहुः । तस्मादयं पच्यतेऽत्र रौरवे शतहायनम्

anena paradārāśca balādāligitā muhuḥ | tasmādayaṃ pacyate'tra raurave śatahāyanam

Sanskrit only: no published translation is held for this verse.

अयं तु परकीयं स्वं मुषित्वा बुभुजे कुधीः । तस्मादस्य करौ छित्त्वा पचेयं पूयशोणिते

ayaṃ tu parakīyaṃ svaṃ muṣitvā bubhuje kudhīḥ | tasmādasya karau chittvā paceyaṃ pūyaśoṇite

Sanskrit only: no published translation is held for this verse.

अयं सायंतने प्राप्तमतिथिं क्षुधयार्दितम् । वाण्यापि नाकरोत्तस्य पूजनं स्वागतं न च

ayaṃ sāyaṃtane prāptamatithiṃ kṣudhayārditam | vāṇyāpi nākarottasya pūjanaṃ svāgataṃ na ca

Sanskrit only: no published translation is held for this verse.

तस्मादयं पातनीयस्तामिस्रेंधनपूरिते । भ्रमरैः पीडितो यातु यातनां शतहायनम्

tasmādayaṃ pātanīyastāmisreṃdhanapūrite | bhramaraiḥ pīḍito yātu yātanāṃ śatahāyanam

Sanskrit only: no published translation is held for this verse.

अयं तावत्परस्योच्चैर्निंदां कुर्वन्नलज्जितः । अयमप्यशृणोत्कर्णौ प्रेरयन्बहुशस्तु ताम्

ayaṃ tāvatparasyoccairniṃdāṃ kurvannalajjitaḥ | ayamapyaśṛṇotkarṇau prerayanbahuśastu tām

Sanskrit only: no published translation is held for this verse.

तस्मादिमावंधकूपे पतितौ दुःखदुःखितौ । अयं मित्रध्रुगुद्विग्नः पच्यते रौरवे भृशम्

tasmādimāvaṃdhakūpe patitau duḥkhaduḥkhitau | ayaṃ mitradhrugudvignaḥ pacyate raurave bhṛśam

Sanskrit only: no published translation is held for this verse.

तस्मादेतान्पापभोगान्कारयित्वा विमोचये । त्वं गच्छ नरशार्दूल पुण्यराशिविधायकः

tasmādetānpāpabhogānkārayitvā vimocaye | tvaṃ gaccha naraśārdūla puṇyarāśividhāyakaḥ

Sanskrit only: no published translation is held for this verse.

जाबालिरुवाच। एवं स निर्दिशञ्जीवांस्तूष्णीमासाघकारिणः । प्रोवाच रामभक्तोऽसौ करुणापूरितेक्षणः

jābāliruvāca| evaṃ sa nirdiśañjīvāṃstūṣṇīmāsāghakāriṇaḥ | provāca rāmabhakto'sau karuṇāpūritekṣaṇaḥ

Sanskrit only: no published translation is held for this verse.

जनक उवाच। कथं निरयनिर्मुक्तिर्जीवानां दुःखिनां भवेत् । तदाशु कथय त्वं वै यत्कृत्वा सुखमाप्नुयुः

janaka uvāca| kathaṃ nirayanirmuktirjīvānāṃ duḥkhināṃ bhavet | tadāśu kathaya tvaṃ vai yatkṛtvā sukhamāpnuyuḥ

Sanskrit only: no published translation is held for this verse.

धर्म उवाच। नैभिराराधितो विष्णुर्नैभिस्तस्य कथाः श्रुताः । कथं निरयनिर्मुक्तिर्भवेद्वै पापकारिणाम्

dharma uvāca| naibhirārādhito viṣṇurnaibhistasya kathāḥ śrutāḥ | kathaṃ nirayanirmuktirbhavedvai pāpakāriṇām

Sanskrit only: no published translation is held for this verse.

यदि त्वं मोचयस्येतान्महापापकरानपि । तर्ह्यर्पय महाराज पुण्यं तत्कथयामि यत्

yadi tvaṃ mocayasyetānmahāpāpakarānapi | tarhyarpaya mahārāja puṇyaṃ tatkathayāmi yat

Sanskrit only: no published translation is held for this verse.

एकदा प्रातरुत्थाय शुद्धभावेन चेतसा । ध्यातः श्रीरघुनाथोऽसौ महापापहराभिधः

ekadā prātarutthāya śuddhabhāvena cetasā | dhyātaḥ śrīraghunātho'sau mahāpāpaharābhidhaḥ

Sanskrit only: no published translation is held for this verse.

रामरामेति यच्चोक्तं त्वया शुद्धेन चेतसा । तत्पुण्यमर्पयैतेभ्यो येन स्यान्निरयाच्च्युतिः

rāmarāmeti yaccoktaṃ tvayā śuddhena cetasā | tatpuṇyamarpayaitebhyo yena syānnirayāccyutiḥ

Sanskrit only: no published translation is held for this verse.

जाबालिरुवाच। एतच्छ्रुत्वा वचस्तस्य धर्मराजस्य धीमतः । पुण्यं ददौ महाराज आजन्मसमुपार्जितम्

jābāliruvāca| etacchrutvā vacastasya dharmarājasya dhīmataḥ | puṇyaṃ dadau mahārāja ājanmasamupārjitam

Sanskrit only: no published translation is held for this verse.

यदा जन्मकृतैः पुण्यै रघुनाथार्चनोद्भवैः । एतेषां निरयान्मुक्तिर्भवत्वत्र मनोरमा

yadā janmakṛtaiḥ puṇyai raghunāthārcanodbhavaiḥ | eteṣāṃ nirayānmuktirbhavatvatra manoramā

Sanskrit only: no published translation is held for this verse.

एवं कथयतस्तस्य जीवा निरयसंस्थिताः । तत्क्षणान्निरयान्मुक्ता जाता दिव्यवपुर्धराः

evaṃ kathayatastasya jīvā nirayasaṃsthitāḥ | tatkṣaṇānnirayānmuktā jātā divyavapurdharāḥ

Sanskrit only: no published translation is held for this verse.

ऊचुस्ते जनकं राजंस्त्वत्प्रसादाद्वयं क्षणात् । दुःखदान्निरयान्मुक्ता यास्यामः परमं पदम्

ūcuste janakaṃ rājaṃstvatprasādādvayaṃ kṣaṇāt | duḥkhadānnirayānmuktā yāsyāmaḥ paramaṃ padam

Sanskrit only: no published translation is held for this verse.

तान्दृष्ट्वा सूर्यसंकाशान्नरान्निरयनिःसृतान् । तुतोष चित्ते सुभृशं सर्वभूतदयापरः

tāndṛṣṭvā sūryasaṃkāśānnarānnirayaniḥsṛtān | tutoṣa citte subhṛśaṃ sarvabhūtadayāparaḥ

Sanskrit only: no published translation is held for this verse.

ते सर्वे प्रययुर्लोकं दिवं देवैरलंकृतम् । जनकं तु प्रशंसंतो महाराजं दयानिधिम्

te sarve prayayurlokaṃ divaṃ devairalaṃkṛtam | janakaṃ tu praśaṃsaṃto mahārājaṃ dayānidhim

Sanskrit only: no published translation is held for this verse.