Padma Purāṇa 5.32

सुमतिरुवाच। असावपि नृपः सौम्य सत्यवान्नाम विश्रुतः । निजधर्मेण लोकेशं रघुनाथमतोषयत्

sumatiruvāca| asāvapi nṛpaḥ saumya satyavānnāma viśrutaḥ | nijadharmeṇa lokeśaṃ raghunāthamatoṣayat

Sanskrit only: no published translation is held for this verse.

अस्मै तुष्टो रमानाथो ददौ भक्तिमचंचलाम् । निजांघ्रिपद्मे यजतां दुर्लभां पुण्यकोटिभिः

asmai tuṣṭo ramānātho dadau bhaktimacaṃcalām | nijāṃghripadme yajatāṃ durlabhāṃ puṇyakoṭibhiḥ

Sanskrit only: no published translation is held for this verse.

नित्यं श्रीरघुनाथस्य कथानकमनातुरः । कुरुते सर्वलोकानां पावनं कृपयायुतः

nityaṃ śrīraghunāthasya kathānakamanāturaḥ | kurute sarvalokānāṃ pāvanaṃ kṛpayāyutaḥ

Sanskrit only: no published translation is held for this verse.

यो न पूजयते देवं रघुनाथं रमापतिम् । स तेन ताड्यते दंडैर्यमस्यापि भयावहैः

yo na pūjayate devaṃ raghunāthaṃ ramāpatim | sa tena tāḍyate daṃḍairyamasyāpi bhayāvahaiḥ

Sanskrit only: no published translation is held for this verse.

अष्टमाद्वत्सरादूर्ध्वमशीतिवत्सरो भवेत् । तावदेकादशी सर्वैर्मानुषैः कारिताऽमुना

aṣṭamādvatsarādūrdhvamaśītivatsaro bhavet | tāvadekādaśī sarvairmānuṣaiḥ kāritā'munā

Sanskrit only: no published translation is held for this verse.

तुलसी वल्लभा यस्य कदाचिद्यच्छिरोधराम् । न मुंचति रमानाथ पादपद्मस्रगुत्तमा

tulasī vallabhā yasya kadācidyacchirodharām | na muṃcati ramānātha pādapadmasraguttamā

Sanskrit only: no published translation is held for this verse.

ऋषीणामपि पूज्योयमितरेषां कथं नहि । रघुनाथस्मृतिप्रीतिर्धूतपाप्मा हताशुभः

ṛṣīṇāmapi pūjyoyamitareṣāṃ kathaṃ nahi | raghunāthasmṛtiprītirdhūtapāpmā hatāśubhaḥ

Sanskrit only: no published translation is held for this verse.

ज्ञात्वायं रामचंद्रस्य वाजिनं परमाद्भुतम् । आगत्य तुभ्यं संदास्यत्येतद्राज्यमकंटकम्

jñātvāyaṃ rāmacaṃdrasya vājinaṃ paramādbhutam | āgatya tubhyaṃ saṃdāsyatyetadrājyamakaṃṭakam

Sanskrit only: no published translation is held for this verse.

त्वया यद्गदितं राजंस्तत्ते कथितमुत्तमम् । पुनः किं पृच्छसे स्वामिन्नाज्ञापय करोमि तत्

tvayā yadgaditaṃ rājaṃstatte kathitamuttamam | punaḥ kiṃ pṛcchase svāminnājñāpaya karomi tat

Sanskrit only: no published translation is held for this verse.

शेष उवाच। गतोऽश्वस्तत्पुरांतस्तु नानाश्चर्यसमन्वितः । तं दृष्ट्वा जनताः सर्वा राज्ञे गत्वा न्यवेदयन्

śeṣa uvāca| gato'śvastatpurāṃtastu nānāścaryasamanvitaḥ | taṃ dṛṣṭvā janatāḥ sarvā rājñe gatvā nyavedayan

Sanskrit only: no published translation is held for this verse.

जनता ऊचुः। कोऽप्यश्वः सितवर्णेन गंगाजलसमेन वै । भाले सौवर्णपत्रेण राजमानः समागतः

janatā ūcuḥ| ko'pyaśvaḥ sitavarṇena gaṃgājalasamena vai | bhāle sauvarṇapatreṇa rājamānaḥ samāgataḥ

Sanskrit only: no published translation is held for this verse.

तच्छ्रुत्वा वचनं रम्यं जनानां हृद्यमीरितम् । ताः प्रत्याह हसन्भूपो ज्ञायतां कस्य वै हयः

tacchrutvā vacanaṃ ramyaṃ janānāṃ hṛdyamīritam | tāḥ pratyāha hasanbhūpo jñāyatāṃ kasya vai hayaḥ

Sanskrit only: no published translation is held for this verse.

ताश्चैनं कथयामासुः शत्रुघ्नेन प्रपालितः । आयात्यश्वो महीभर्तू रामस्य पुरमध्यतः

tāścainaṃ kathayāmāsuḥ śatrughnena prapālitaḥ | āyātyaśvo mahībhartū rāmasya puramadhyataḥ

Sanskrit only: no published translation is held for this verse.

रामस्य नाम स श्रुत्वा द्व्यक्षरं सुमनोरमम् । जहर्ष चित्ते सुभृशं गद्गदस्वरचिन्हितः

rāmasya nāma sa śrutvā dvyakṣaraṃ sumanoramam | jaharṣa citte subhṛśaṃ gadgadasvaracinhitaḥ

Sanskrit only: no published translation is held for this verse.

मयायोध्यापतिर्नित्यं यो रामश्चिन्त्यते हृदि । तस्याश्वः सहशत्रुघ्नः समायातः पुरं मम

mayāyodhyāpatirnityaṃ yo rāmaścintyate hṛdi | tasyāśvaḥ sahaśatrughnaḥ samāyātaḥ puraṃ mama

Sanskrit only: no published translation is held for this verse.

हनूमांस्तत्र रामांघ्रिसेवाकर्ता भविष्यति । कदाचिदपि यो रामं न विस्मरति मानसे

hanūmāṃstatra rāmāṃghrisevākartā bhaviṣyati | kadācidapi yo rāmaṃ na vismarati mānase

Sanskrit only: no published translation is held for this verse.

गच्छामि यत्र शत्रुघ्नो यत्र मारुतनंदनः । अन्येऽपि यत्र पुरुषा रामपादाब्जसेवकाः

gacchāmi yatra śatrughno yatra mārutanaṃdanaḥ | anye'pi yatra puruṣā rāmapādābjasevakāḥ

Sanskrit only: no published translation is held for this verse.

अमात्यमादिदेशाथ सर्वं राजधनं महत् । गृहीत्वा तु मया सार्द्धमागच्छ त्वरया युतः

amātyamādideśātha sarvaṃ rājadhanaṃ mahat | gṛhītvā tu mayā sārddhamāgaccha tvarayā yutaḥ

Sanskrit only: no published translation is held for this verse.

यास्येऽहं रघुनाथस्य हयं पालयितुं वरम् । कर्तुं च रामपादाब्जपरिचर्यां सुदुर्लभाम्

yāsye'haṃ raghunāthasya hayaṃ pālayituṃ varam | kartuṃ ca rāmapādābjaparicaryāṃ sudurlabhām

Sanskrit only: no published translation is held for this verse.

इत्युक्त्वा निर्जगामाथ शत्रुघ्नं प्रति सैनिकैः । तावत्पुरीमथ प्राप्तो रामभ्राता ससैनिकः

ityuktvā nirjagāmātha śatrughnaṃ prati sainikaiḥ | tāvatpurīmatha prāpto rāmabhrātā sasainikaḥ

Sanskrit only: no published translation is held for this verse.

वीरा गर्जंति प्रबला रथाः सुनिनदंति च । जयशंखस्वनास्तत्र वेणुनादाश्च सर्वतः

vīrā garjaṃti prabalā rathāḥ suninadaṃti ca | jayaśaṃkhasvanāstatra veṇunādāśca sarvataḥ

Sanskrit only: no published translation is held for this verse.

आगत्य सत्यवान्राजा मंत्रिभिः सुसमन्वितः । चरणे प्रणिपत्यास्मै राज्यं प्रादान्महाधनम्

āgatya satyavānrājā maṃtribhiḥ susamanvitaḥ | caraṇe praṇipatyāsmai rājyaṃ prādānmahādhanam

Sanskrit only: no published translation is held for this verse.

शत्रुघ्नस्तं तु राजानं ज्ञात्वा राममनुव्रतम् । तद्राज्यं तस्य पुत्राय रुक्मनाम्ने ददौ महत्

śatrughnastaṃ tu rājānaṃ jñātvā rāmamanuvratam | tadrājyaṃ tasya putrāya rukmanāmne dadau mahat

Sanskrit only: no published translation is held for this verse.

हनूमंतं परीरभ्य सुबाहुं रामसेवकम् । अन्यान्वै रामभक्तांश्च परिरभ्य महायशाः

hanūmaṃtaṃ parīrabhya subāhuṃ rāmasevakam | anyānvai rāmabhaktāṃśca parirabhya mahāyaśāḥ

Sanskrit only: no published translation is held for this verse.

कृतार्थमिव चात्मानं मेने सत्यसमन्वितः । ननंद चेतसि तदा शत्रुघ्नेन समन्वितः

kṛtārthamiva cātmānaṃ mene satyasamanvitaḥ | nanaṃda cetasi tadā śatrughnena samanvitaḥ

Sanskrit only: no published translation is held for this verse.

हयस्तावद्गतो दूरं वीरैः सुपरिरक्षितः । शत्रुघ्नस्तेन भूपेन ययौ वीरसमन्वितः

hayastāvadgato dūraṃ vīraiḥ suparirakṣitaḥ | śatrughnastena bhūpena yayau vīrasamanvitaḥ

Sanskrit only: no published translation is held for this verse.

इति श्रीपद्मपुराणे पातालखंडे शेषवात्स्यायनसंवादे रामाश्वमेधे सत्यवत्समागमोनाम द्वात्रिंशोऽध्यायः

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe satyavatsamāgamonāma dvātriṃśo'dhyāyaḥ

Sanskrit only: no published translation is held for this verse.