Library·Padma Purāṇa·5·5.35
शेष उवाच। प्राप्य तं वाजिनं राजा शत्रुघ्नो राक्षसैर्हृतम् । अत्यंतं हर्षमापेदे पुष्कलेन समन्वितः
śeṣa uvāca| prāpya taṃ vājinaṃ rājā śatrughno rākṣasairhṛtam | atyaṃtaṃ harṣamāpede puṣkalena samanvitaḥ
Sanskrit only: no published translation is held for this verse.
रुधिरैः सिक्तगात्रास्ते योधा लक्ष्मीनिधिस्तथा । रणोत्साहेन संयुक्तं प्रशशंसुर्महानृपम्
rudhiraiḥ siktagātrāste yodhā lakṣmīnidhistathā | raṇotsāhena saṃyuktaṃ praśaśaṃsurmahānṛpam
Sanskrit only: no published translation is held for this verse.
हते तस्मिन्महादैत्ये विद्युन्मालिनि दुर्जये । सुराः सर्वे भयं त्यक्त्वा सुखमापुर्मुनेमहत्
hate tasminmahādaitye vidyunmālini durjaye | surāḥ sarve bhayaṃ tyaktvā sukhamāpurmunemahat
Sanskrit only: no published translation is held for this verse.
नद्यस्तु विमला जाता रविस्तु विमलोऽभवत् । वाता ववुः सुगंधोद सिक्ता विमलशुष्मिणः
nadyastu vimalā jātā ravistu vimalo'bhavat | vātā vavuḥ sugaṃdhoda siktā vimalaśuṣmiṇaḥ
Sanskrit only: no published translation is held for this verse.
सन्नद्धास्ते महावीरा रथस्था विमलांगकाः । राजानमूचुस्ते सर्वे जयलक्ष्म्या समन्विताः
sannaddhāste mahāvīrā rathasthā vimalāṃgakāḥ | rājānamūcuste sarve jayalakṣmyā samanvitāḥ
Sanskrit only: no published translation is held for this verse.
वीरा ऊचुः। दिष्ट्या हतस्त्वया दैत्यो विद्युन्माली महामते । यद्भयात्त्रासमापन्नाः सुराः स्वर्गान्निराकृताः
vīrā ūcuḥ| diṣṭyā hatastvayā daityo vidyunmālī mahāmate | yadbhayāttrāsamāpannāḥ surāḥ svargānnirākṛtāḥ
Sanskrit only: no published translation is held for this verse.
दिष्ट्या प्राप्तो महावाजी रघुनाथस्य शोभनः । दिष्ट्या गंतासि सर्वत्र जयं तु क्षितिमंडले
diṣṭyā prāpto mahāvājī raghunāthasya śobhanaḥ | diṣṭyā gaṃtāsi sarvatra jayaṃ tu kṣitimaṃḍale
Sanskrit only: no published translation is held for this verse.
स्वामिन्मुंचत्विमं वाहं मनोवेगं मनोरमम् । समयस्य विलंबो मा भवत्वत्र महामते
svāminmuṃcatvimaṃ vāhaṃ manovegaṃ manoramam | samayasya vilaṃbo mā bhavatvatra mahāmate
Sanskrit only: no published translation is held for this verse.
शेष उवाच। इति श्रुत्वा तु तद्वाक्यं वीराणां समयोचितम् । साधु साधु प्रशस्यैतान्मुमोच हयसत्तमम्
śeṣa uvāca| iti śrutvā tu tadvākyaṃ vīrāṇāṃ samayocitam | sādhu sādhu praśasyaitānmumoca hayasattamam
Sanskrit only: no published translation is held for this verse.
स मुक्तश्चोत्तरामाशां बभ्रामाथ सुरक्षितः । रथपत्तिहयश्रेष्ठैः सर्वशस्त्रास्त्रकोविदैः
sa muktaścottarāmāśāṃ babhrāmātha surakṣitaḥ | rathapattihayaśreṣṭhaiḥ sarvaśastrāstrakovidaiḥ
Sanskrit only: no published translation is held for this verse.
तत्र यद्वृत्तमेतस्य शत्रुघ्नस्य मनोहरम् । वात्स्यायन शृणुष्वैतत्पापराशिप्रदाहकम्
tatra yadvṛttametasya śatrughnasya manoharam | vātsyāyana śṛṇuṣvaitatpāparāśipradāhakam
Sanskrit only: no published translation is held for this verse.
रेवातीरमथ प्राप्तो मुनिवृंदनिषेवितम् । नीलरत्नसमूहस्य रसः किं तु पयो मिषात्
revātīramatha prāpto munivṛṃdaniṣevitam | nīlaratnasamūhasya rasaḥ kiṃ tu payo miṣāt
Sanskrit only: no published translation is held for this verse.
तांस्तान्मुनिवरान्सर्वान्प्रणमञ्छूरसेवितः । जगाम हयरत्नस्य पृष्ठतः कामगामिनः
tāṃstānmunivarānsarvānpraṇamañchūrasevitaḥ | jagāma hayaratnasya pṛṣṭhataḥ kāmagāminaḥ
Sanskrit only: no published translation is held for this verse.
गच्छंस्तत्राश्रमं जीर्णं पलाशपर्णनिर्मितम् । रेवायाजलकल्लोलैः सिक्तं पापहराश्रयम्
gacchaṃstatrāśramaṃ jīrṇaṃ palāśaparṇanirmitam | revāyājalakallolaiḥ siktaṃ pāpaharāśrayam
Sanskrit only: no published translation is held for this verse.
तं दृष्ट्वा सुमतिं प्राह सर्वज्ञं नयकोविदम् । शत्रुघ्नः सर्वधर्मार्थकर्मकर्तव्यकोविदः
taṃ dṛṣṭvā sumatiṃ prāha sarvajñaṃ nayakovidam | śatrughnaḥ sarvadharmārthakarmakartavyakovidaḥ
Sanskrit only: no published translation is held for this verse.
राजोवाच। मंत्रिन्कथय कस्यायमाश्रमः पुण्यदर्शनः । विचारचतुरश्रेष्ठ वदैतन्मम पृच्छतः
rājovāca| maṃtrinkathaya kasyāyamāśramaḥ puṇyadarśanaḥ | vicāracaturaśreṣṭha vadaitanmama pṛcchataḥ
Sanskrit only: no published translation is held for this verse.
शेष उवाच। इति वाक्यं समाकर्ण्य सुमतिः प्राह तं नृपम् । विशद स्मेरया वाचा दर्शयन्नात्मसौहृदम्
śeṣa uvāca| iti vākyaṃ samākarṇya sumatiḥ prāha taṃ nṛpam | viśada smerayā vācā darśayannātmasauhṛdam
Sanskrit only: no published translation is held for this verse.
सुमतिरुवाच। एनं दृष्ट्वा महाराज धूतपापा वयं खलु । भविष्यामो मुनिश्रेष्ठं सर्वशास्त्रपरायणम्
sumatiruvāca| enaṃ dṛṣṭvā mahārāja dhūtapāpā vayaṃ khalu | bhaviṣyāmo muniśreṣṭhaṃ sarvaśāstraparāyaṇam
Sanskrit only: no published translation is held for this verse.
तस्मान्नत्वा तमापृच्छ सर्वं ते कथयिष्यति । रघुनाथपदांभोजमकरंदाति लोलुपः
tasmānnatvā tamāpṛccha sarvaṃ te kathayiṣyati | raghunāthapadāṃbhojamakaraṃdāti lolupaḥ
Sanskrit only: no published translation is held for this verse.
नाम्ना त्वारण्यकं ख्यातं रघुनाथांघ्रिसेवकम् । अत्युग्रतपसा पूर्णं सर्वशास्त्रार्थकोविदम्
nāmnā tvāraṇyakaṃ khyātaṃ raghunāthāṃghrisevakam | atyugratapasā pūrṇaṃ sarvaśāstrārthakovidam
Sanskrit only: no published translation is held for this verse.
इति श्रुत्वा तु तद्वाक्यं धर्मार्थपरिबृंहितम् । जगाम तमथो द्रष्टुं स्वल्पसेवकसंयुतः
iti śrutvā tu tadvākyaṃ dharmārthaparibṛṃhitam | jagāma tamatho draṣṭuṃ svalpasevakasaṃyutaḥ
Sanskrit only: no published translation is held for this verse.
हनूमान्पुष्कलो वीरः सुमतिर्मंत्रिसत्तमः । लक्ष्मीनिधिः प्रतापाग्र्यः सुबाहुः सुमदस्तथा
hanūmānpuṣkalo vīraḥ sumatirmaṃtrisattamaḥ | lakṣmīnidhiḥ pratāpāgryaḥ subāhuḥ sumadastathā
Sanskrit only: no published translation is held for this verse.
एतैः परिवृतो राजा शत्रुघ्नः प्रापदाश्रमम् । नमस्कर्तुं द्विजवरमारण्यकमुदारधीः
etaiḥ parivṛto rājā śatrughnaḥ prāpadāśramam | namaskartuṃ dvijavaramāraṇyakamudāradhīḥ
Sanskrit only: no published translation is held for this verse.
गत्वा तं तापसश्रेष्ठं नमस्कारमथाकरोत् । सर्वैस्तैः सहितो वीरैर्विनयानतकंधरैः
gatvā taṃ tāpasaśreṣṭhaṃ namaskāramathākarot | sarvaistaiḥ sahito vīrairvinayānatakaṃdharaiḥ
Sanskrit only: no published translation is held for this verse.
तान्दृष्ट्वा सन्नतान्सर्वाञ्छत्रुघ्नप्रमुखान्नृपान् । अर्घ्यपाद्यादिकं चक्रे फलमूलादिभिस्तदा
tāndṛṣṭvā sannatānsarvāñchatrughnapramukhānnṛpān | arghyapādyādikaṃ cakre phalamūlādibhistadā
Sanskrit only: no published translation is held for this verse.
उवाच तान्नृपान्सर्वान्भवंतः कुत्र संगताः । कथमत्र समायातास्तत्सर्वं वदतानघाः
uvāca tānnṛpānsarvānbhavaṃtaḥ kutra saṃgatāḥ | kathamatra samāyātāstatsarvaṃ vadatānaghāḥ
Sanskrit only: no published translation is held for this verse.
तच्छ्रुत्वा वाक्यमेतस्य मुनिवर्यस्य वाडव । सुमतिः कथयामास वाक्यं वादविचक्षणः
tacchrutvā vākyametasya munivaryasya vāḍava | sumatiḥ kathayāmāsa vākyaṃ vādavicakṣaṇaḥ
Sanskrit only: no published translation is held for this verse.
सुमतिरुवाच। रघुवंशनृपस्यायमश्वो वै पाल्यतेऽखिलैः । यागं करिष्यते वीरः सर्वसंभारसंभृतम्
sumatiruvāca| raghuvaṃśanṛpasyāyamaśvo vai pālyate'khilaiḥ | yāgaṃ kariṣyate vīraḥ sarvasaṃbhārasaṃbhṛtam
Sanskrit only: no published translation is held for this verse.
तच्छ्रुत्वा वचनं तेषां जगाद मुनिसत्तमः । दंतकांत्याखिलं घोरं तमोनिर्वारयन्निव
tacchrutvā vacanaṃ teṣāṃ jagāda munisattamaḥ | daṃtakāṃtyākhilaṃ ghoraṃ tamonirvārayanniva
Sanskrit only: no published translation is held for this verse.
आरण्यक उवाच। किं यागैर्विविधैरन्यैः सर्वसंभारसंभृतैः । स्वल्पपुण्यप्रदैर्नूनं क्षयिष्णुपददातृभिः
āraṇyaka uvāca| kiṃ yāgairvividhairanyaiḥ sarvasaṃbhārasaṃbhṛtaiḥ | svalpapuṇyapradairnūnaṃ kṣayiṣṇupadadātṛbhiḥ
Sanskrit only: no published translation is held for this verse.
मूढो लोको हरिं त्यक्त्वा करोत्यन्यसमर्चनम् । रघुवीरं रमानाथं स्थिरैश्वर्यपदप्रदम्
mūḍho loko hariṃ tyaktvā karotyanyasamarcanam | raghuvīraṃ ramānāthaṃ sthiraiśvaryapadapradam
Sanskrit only: no published translation is held for this verse.
यो नरैः स्मृतमात्रोपि हरते पापपर्वतम् । तं मुक्त्वा क्लिश्यते मूढो यागयोगव्रतादिभिः
yo naraiḥ smṛtamātropi harate pāpaparvatam | taṃ muktvā kliśyate mūḍho yāgayogavratādibhiḥ
Sanskrit only: no published translation is held for this verse.
अहो पश्यत मूढत्वं लोकानामतिवंचितम् । सुलभं रामभजनं मुक्त्वा दुर्ल्लभमाचरेत्
aho paśyata mūḍhatvaṃ lokānāmativaṃcitam | sulabhaṃ rāmabhajanaṃ muktvā durllabhamācaret
Sanskrit only: no published translation is held for this verse.
सकामैर्योगिभिर्वापि चिंत्यते कामवर्जितैः । अपवर्गप्रदं नॄणां स्मृतमात्राखिलाघहम्
sakāmairyogibhirvāpi ciṃtyate kāmavarjitaiḥ | apavargapradaṃ nṝṇāṃ smṛtamātrākhilāghaham
Sanskrit only: no published translation is held for this verse.
पुराहं तत्त्ववित्सायां ज्ञानिनं सुविचारयन् । अगमं बहुतीर्थानि तत्त्वं कोपि न मेऽदिशत्
purāhaṃ tattvavitsāyāṃ jñāninaṃ suvicārayan | agamaṃ bahutīrthāni tattvaṃ kopi na me'diśat
Sanskrit only: no published translation is held for this verse.
तदैकं हि महद्भाग्यात्प्राप्तं वै लोमशं मुनिम् । स्वर्गलोकात्समायातं तीर्थयात्राचिकीर्षया
tadaikaṃ hi mahadbhāgyātprāptaṃ vai lomaśaṃ munim | svargalokātsamāyātaṃ tīrthayātrācikīrṣayā
Sanskrit only: no published translation is held for this verse.
तमहं प्रणिपत्याथ पर्यपृच्छं महामुनिम् । महायुषं महायोगिसंसेवितपदद्वयम्
tamahaṃ praṇipatyātha paryapṛcchaṃ mahāmunim | mahāyuṣaṃ mahāyogisaṃsevitapadadvayam
Sanskrit only: no published translation is held for this verse.
स्वामिन्मयाद्य मानुष्यं प्राप्तमद्भुतदुर्ल्लभम् । संसारघोरजलधिं किं कर्तव्यं तितीर्षुणा
svāminmayādya mānuṣyaṃ prāptamadbhutadurllabham | saṃsāraghorajaladhiṃ kiṃ kartavyaṃ titīrṣuṇā
Sanskrit only: no published translation is held for this verse.
विचार्य कथय त्वं तद्व्रतं दानं जपो मखः । देवो वा विद्यते यो वै संसृत्यंभोधितारकः
vicārya kathaya tvaṃ tadvrataṃ dānaṃ japo makhaḥ | devo vā vidyate yo vai saṃsṛtyaṃbhodhitārakaḥ
Sanskrit only: no published translation is held for this verse.
यज्ज्ञात्वा संसृतिं घोरां तरामि त्वत्कृपाब्धितः । तन्मे कथय योगेश सर्वशास्त्रार्थपारग
yajjñātvā saṃsṛtiṃ ghorāṃ tarāmi tvatkṛpābdhitaḥ | tanme kathaya yogeśa sarvaśāstrārthapāraga
Sanskrit only: no published translation is held for this verse.
इति मद्वाक्यमाकर्ण्य जगाद मुनिसत्तमः । शृणुष्वैकमना विप्र श्रद्धया परया युतः
iti madvākyamākarṇya jagāda munisattamaḥ | śṛṇuṣvaikamanā vipra śraddhayā parayā yutaḥ
Sanskrit only: no published translation is held for this verse.
संति दानानि तीर्थानि व्रतानि नियमा यमाः । योगा यज्ञास्तथानेके वर्तंते स्वर्गदायकाः
saṃti dānāni tīrthāni vratāni niyamā yamāḥ | yogā yajñāstathāneke vartaṃte svargadāyakāḥ
Sanskrit only: no published translation is held for this verse.
परं गुह्यं प्रवक्ष्यामि सर्वपापप्रणाशनम् । तच्छृणुष्व महाभाग संसारांभोधितारकम्
paraṃ guhyaṃ pravakṣyāmi sarvapāpapraṇāśanam | tacchṛṇuṣva mahābhāga saṃsārāṃbhodhitārakam
Sanskrit only: no published translation is held for this verse.
नास्तिकाय न वक्तव्यं न चाऽश्रद्धालवे पुनः । निंदकाय शठायापि न देयं भक्तिवैरिणे
nāstikāya na vaktavyaṃ na cā'śraddhālave punaḥ | niṃdakāya śaṭhāyāpi na deyaṃ bhaktivairiṇe
Sanskrit only: no published translation is held for this verse.
रामभक्ताय शांताय कामक्रोधवियोगिने । वक्तव्यं सर्वदुःखस्य नाशकारकमुत्तमम्
rāmabhaktāya śāṃtāya kāmakrodhaviyogine | vaktavyaṃ sarvaduḥkhasya nāśakārakamuttamam
Sanskrit only: no published translation is held for this verse.
रामान्नास्ति परो देवो रामान्नास्ति परं व्रतम् । न हि रामात्परो योगो न हि रामात्परो मखः
rāmānnāsti paro devo rāmānnāsti paraṃ vratam | na hi rāmātparo yogo na hi rāmātparo makhaḥ
Sanskrit only: no published translation is held for this verse.
तं स्मृत्वा चैव जप्त्वा च पूजयित्वा नरः परम् । प्राप्नोति परमामृद्धिमैहिकामुष्मिकीं तथा
taṃ smṛtvā caiva japtvā ca pūjayitvā naraḥ param | prāpnoti paramāmṛddhimaihikāmuṣmikīṃ tathā
Sanskrit only: no published translation is held for this verse.
संस्मृतो मनसा ध्यातः सर्वकामफलप्रदः । ददाति परमां भक्तिं संसारांभोधितारिणीम्
saṃsmṛto manasā dhyātaḥ sarvakāmaphalapradaḥ | dadāti paramāṃ bhaktiṃ saṃsārāṃbhodhitāriṇīm
Sanskrit only: no published translation is held for this verse.
श्वपाकोपि हि संस्मृत्य रामं याति परां गतिम् । ये वेदशास्त्रनिरतास्त्वादृशास्तत्र किं पुनः
śvapākopi hi saṃsmṛtya rāmaṃ yāti parāṃ gatim | ye vedaśāstraniratāstvādṛśāstatra kiṃ punaḥ
Sanskrit only: no published translation is held for this verse.
सर्वेषां वेदशास्त्राणां रहस्यं ते प्रकाशितम् । समाचर तथा त्वं वै यथा स्यात्ते मनीषितम्
sarveṣāṃ vedaśāstrāṇāṃ rahasyaṃ te prakāśitam | samācara tathā tvaṃ vai yathā syātte manīṣitam
Sanskrit only: no published translation is held for this verse.
एको देवो रामचंद्रो व्रतमेकं तदर्चनम् । मंत्रोऽप्येकश्च तन्नाम शास्त्रं तद्ध्येव तत्स्तुतिः
eko devo rāmacaṃdro vratamekaṃ tadarcanam | maṃtro'pyekaśca tannāma śāstraṃ taddhyeva tatstutiḥ
Sanskrit only: no published translation is held for this verse.
तस्मात्सर्वात्मना रामचंद्रं भजमनोहरम् । यथा गोष्पदवत्तुच्छो भवेत्संसारसागरः
tasmātsarvātmanā rāmacaṃdraṃ bhajamanoharam | yathā goṣpadavattuccho bhavetsaṃsārasāgaraḥ
Sanskrit only: no published translation is held for this verse.
श्रुत्वा मया तु तद्वाक्यं पुनः प्रश्नमकारिषम् । कथं वा ध्यायते देवः कथं वा पूज्यते नरैः
śrutvā mayā tu tadvākyaṃ punaḥ praśnamakāriṣam | kathaṃ vā dhyāyate devaḥ kathaṃ vā pūjyate naraiḥ
Sanskrit only: no published translation is held for this verse.
कथयस्व महाबुद्धे सर्वज्ञ मम विस्तरात् । यज्ज्ञात्वाहं कृतार्थः स्यां त्रिलोक्यां मुनिसत्तम
kathayasva mahābuddhe sarvajña mama vistarāt | yajjñātvāhaṃ kṛtārthaḥ syāṃ trilokyāṃ munisattama
Sanskrit only: no published translation is held for this verse.
एतच्छ्रुत्वा तु मद्वाक्यं विचार्य स तु लोमशः । कथयामास मे सर्वं रामध्यानपुरःसरम्
etacchrutvā tu madvākyaṃ vicārya sa tu lomaśaḥ | kathayāmāsa me sarvaṃ rāmadhyānapuraḥsaram
Sanskrit only: no published translation is held for this verse.
शृणु विप्रेंद्र वक्ष्यामि यत्पृष्टं तु त्वयानघ । यथा तुष्येद्रमानाथः संसारज्वरदाहकः
śṛṇu vipreṃdra vakṣyāmi yatpṛṣṭaṃ tu tvayānagha | yathā tuṣyedramānāthaḥ saṃsārajvaradāhakaḥ
Sanskrit only: no published translation is held for this verse.
अयोध्यानगरे रम्ये चित्रमंडपशोभिते । ध्यायेत्कल्पतरोर्मूले सर्वकामसमृद्धिदे
ayodhyānagare ramye citramaṃḍapaśobhite | dhyāyetkalpatarormūle sarvakāmasamṛddhide
Sanskrit only: no published translation is held for this verse.
महामरकतस्वर्णनीलरत्नादिशोभितम् । सिंहासनं चित्तहरं कांत्या तामिस्रनाशनम्
mahāmarakatasvarṇanīlaratnādiśobhitam | siṃhāsanaṃ cittaharaṃ kāṃtyā tāmisranāśanam
Sanskrit only: no published translation is held for this verse.
तस्योपरि समासीनं रघुराजं मनोरमम् । दूर्वादलश्यामतनुं देवदेवेंद्रपूजितम्
tasyopari samāsīnaṃ raghurājaṃ manoramam | dūrvādalaśyāmatanuṃ devadeveṃdrapūjitam
Sanskrit only: no published translation is held for this verse.
राकायां पूर्णशीतांशुकांतिधिक्कारिवक्त्रिणम् । अष्टमीचंद्रशकलसमभालाधिधारिणम्
rākāyāṃ pūrṇaśītāṃśukāṃtidhikkārivaktriṇam | aṣṭamīcaṃdraśakalasamabhālādhidhāriṇam
Sanskrit only: no published translation is held for this verse.
नीलकुंतलशोभाढ्यं किरीटमणिरंजितम् । मकराकारसौंदर्यकुंडलाभ्यां विराजितम्
nīlakuṃtalaśobhāḍhyaṃ kirīṭamaṇiraṃjitam | makarākārasauṃdaryakuṃḍalābhyāṃ virājitam
Sanskrit only: no published translation is held for this verse.
विद्रुमच्छवि सत्कांतिरदच्छदविराजितम् । तारापतिकराकार द्विजराजि सुशोभितम्
vidrumacchavi satkāṃtiradacchadavirājitam | tārāpatikarākāra dvijarāji suśobhitam
Sanskrit only: no published translation is held for this verse.
जपापुष्पाभया माध्व्या जिह्वया शोभिताननम् । यस्यां वसंति निगमा ऋगाद्याः शास्त्रसंयुताः
japāpuṣpābhayā mādhvyā jihvayā śobhitānanam | yasyāṃ vasaṃti nigamā ṛgādyāḥ śāstrasaṃyutāḥ
Sanskrit only: no published translation is held for this verse.
कंबुकांतिधरग्रीवा शोभया समलंकृतम् । सिंहवदुच्चकौ स्कन्धौ मांसलौ बिभ्रतं वरम्
kaṃbukāṃtidharagrīvā śobhayā samalaṃkṛtam | siṃhavaduccakau skandhau māṃsalau bibhrataṃ varam
Sanskrit only: no published translation is held for this verse.
बाहू दधानं दीर्घांगौ केयूरकटकांकितौ । मुद्रिकाहीरशोभाभिर्भूषितौ जानुलंबिनौ
bāhū dadhānaṃ dīrghāṃgau keyūrakaṭakāṃkitau | mudrikāhīraśobhābhirbhūṣitau jānulaṃbinau
Sanskrit only: no published translation is held for this verse.
वक्षो दधानं विपुलं लक्ष्मीवासेन शोभितम् । श्रीवत्सादिविचित्रांकैरंकितं सुमनोहरम्
vakṣo dadhānaṃ vipulaṃ lakṣmīvāsena śobhitam | śrīvatsādivicitrāṃkairaṃkitaṃ sumanoharam
Sanskrit only: no published translation is held for this verse.
महोदरं महानाभिं शुभकट्याविराजितम् । कांच्या वै मणिमत्या च विशेषेण श्रियान्वितम्
mahodaraṃ mahānābhiṃ śubhakaṭyāvirājitam | kāṃcyā vai maṇimatyā ca viśeṣeṇa śriyānvitam
Sanskrit only: no published translation is held for this verse.
ऊरुभ्यां विमलाभ्यां वै जानुभ्यां शोभितं श्रिया । चरणाभ्यां वज्ररेखा यवांकुशसुरेखया
ūrubhyāṃ vimalābhyāṃ vai jānubhyāṃ śobhitaṃ śriyā | caraṇābhyāṃ vajrarekhā yavāṃkuśasurekhayā
Sanskrit only: no published translation is held for this verse.
युताभ्यां योगिध्येयाभ्यां कोमलाभ्यां विराजितम् । ध्यात्वा स्मृत्वा च संसारसागरं त्वं तरिष्यसि
yutābhyāṃ yogidhyeyābhyāṃ komalābhyāṃ virājitam | dhyātvā smṛtvā ca saṃsārasāgaraṃ tvaṃ tariṣyasi
Sanskrit only: no published translation is held for this verse.
तमेव पूजयन्नित्यं चंदनादिभिरिच्छया । प्राप्नोति परमामृद्धिमैहिकामुष्मिकीं पराम्
tameva pūjayannityaṃ caṃdanādibhiricchayā | prāpnoti paramāmṛddhimaihikāmuṣmikīṃ parām
Sanskrit only: no published translation is held for this verse.
त्वया पृष्टं महाराज रामस्य ध्यानमुत्तमम् । तत्ते कथितमेतद्वै संसारजलधिं तर
tvayā pṛṣṭaṃ mahārāja rāmasya dhyānamuttamam | tatte kathitametadvai saṃsārajaladhiṃ tara
Sanskrit only: no published translation is held for this verse.