Library·Padma Purāṇa·5·5.37
शेष उवाच। ते पृष्टा मुनिवर्येण रामचारित्रमद्भुतम् । धन्यं सभाग्यं मन्वानाः प्रोचुरात्मानमादरात्
śeṣa uvāca| te pṛṣṭā munivaryeṇa rāmacāritramadbhutam | dhanyaṃ sabhāgyaṃ manvānāḥ procurātmānamādarāt
Sanskrit only: no published translation is held for this verse.
जना ऊचुः। पवित्रिता वयं सर्वे दर्शनेन तवाधुना । यद्रामकथयास्मान्वै पावयस्यधुना जनान्
janā ūcuḥ| pavitritā vayaṃ sarve darśanena tavādhunā | yadrāmakathayāsmānvai pāvayasyadhunā janān
Sanskrit only: no published translation is held for this verse.
शृणुष्व वचनं तथ्यं भवान्ब्रह्मर्षिसत्तमः । त्वया पृष्टं यदस्मभ्यं सर्वं तत्कथयाम वै
śṛṇuṣva vacanaṃ tathyaṃ bhavānbrahmarṣisattamaḥ | tvayā pṛṣṭaṃ yadasmabhyaṃ sarvaṃ tatkathayāma vai
Sanskrit only: no published translation is held for this verse.
अगस्त्यवाक्याच्छ्रीरामो विप्रहत्यापनुत्तये । यागं करोति सुमहान्सर्वसंभारसंभृतम्
agastyavākyācchrīrāmo viprahatyāpanuttaye | yāgaṃ karoti sumahānsarvasaṃbhārasaṃbhṛtam
Sanskrit only: no published translation is held for this verse.
तं पालयानाः सर्वे वै त्वदाश्रममुपागताः । अश्वेन सहिता विप्र तज्जानीहि महामते
taṃ pālayānāḥ sarve vai tvadāśramamupāgatāḥ | aśvena sahitā vipra tajjānīhi mahāmate
Sanskrit only: no published translation is held for this verse.
इति वाक्यं समाकर्ण्य मनोहारि रसायनम् । अत्यंतं हर्षमापेदे ब्राह्मणो रामभक्तिमान्
iti vākyaṃ samākarṇya manohāri rasāyanam | atyaṃtaṃ harṣamāpede brāhmaṇo rāmabhaktimān
Sanskrit only: no published translation is held for this verse.
अद्य मे फलितो वृक्षो मनोरथश्रियान्वितः । अद्य मे जननी धन्या जातं मां सुषुवे तु या
adya me phalito vṛkṣo manorathaśriyānvitaḥ | adya me jananī dhanyā jātaṃ māṃ suṣuve tu yā
Sanskrit only: no published translation is held for this verse.
अद्य राज्यं मया प्राप्तं कंटकेन विवर्जितम् । अद्य कोशाः सुसंपन्ना अद्य देवाः सुतोषिताः
adya rājyaṃ mayā prāptaṃ kaṃṭakena vivarjitam | adya kośāḥ susaṃpannā adya devāḥ sutoṣitāḥ
Sanskrit only: no published translation is held for this verse.
अग्निहोत्रफलं त्वद्य प्राप्तं मे हविषा हुतम् । यद्द्रक्ष्ये रामचंद्रस्य चरणांभोरुहोर्युगम्
agnihotraphalaṃ tvadya prāptaṃ me haviṣā hutam | yaddrakṣye rāmacaṃdrasya caraṇāṃbhoruhoryugam
Sanskrit only: no published translation is held for this verse.
यो नित्यं ध्यायते स्वांते अयोध्यायाः पतिः प्रभुः । स मे दृग्गोचरो नूनं भविष्यति मनोहरः
yo nityaṃ dhyāyate svāṃte ayodhyāyāḥ patiḥ prabhuḥ | sa me dṛggocaro nūnaṃ bhaviṣyati manoharaḥ
Sanskrit only: no published translation is held for this verse.
हनूमान्मां समालिंग्य प्रक्ष्यते कुशलं मम । भक्तिं मे महतीं दृष्ट्वा तोषं प्राप्स्यति सत्तमः
hanūmānmāṃ samāliṃgya prakṣyate kuśalaṃ mama | bhaktiṃ me mahatīṃ dṛṣṭvā toṣaṃ prāpsyati sattamaḥ
Sanskrit only: no published translation is held for this verse.
इति वाक्यं समाकर्ण्य हनूमान्कपिसत्तमः । जग्राह पादयुगलं मुनेरारण्यकस्य हि
iti vākyaṃ samākarṇya hanūmānkapisattamaḥ | jagrāha pādayugalaṃ munerāraṇyakasya hi
Sanskrit only: no published translation is held for this verse.
स्वामिन्हनूमान्विप्रर्षे सेवकोऽहं पुरःस्थितः । जानीहि रामदासस्य रेणुकल्पं मुनीश्वर
svāminhanūmānviprarṣe sevako'haṃ puraḥsthitaḥ | jānīhi rāmadāsasya reṇukalpaṃ munīśvara
Sanskrit only: no published translation is held for this verse.
इत्युक्तवति तस्मिन्वै मुनिः परमहर्षितः । आलिलिंग हनूमंतं रामभक्त्या सुशोभितम्
ityuktavati tasminvai muniḥ paramaharṣitaḥ | āliliṃga hanūmaṃtaṃ rāmabhaktyā suśobhitam
Sanskrit only: no published translation is held for this verse.
उभौ प्रेमविनिर्भिन्नावुभावपि सुधाप्लुतौ । स्थगितौ चित्रलिखिताविव तत्र बभूवतुः
ubhau premavinirbhinnāvubhāvapi sudhāplutau | sthagitau citralikhitāviva tatra babhūvatuḥ
Sanskrit only: no published translation is held for this verse.
उपविष्टौ कथास्तत्र चक्रतुः सुमनोहराः । रघुनाथपदांभोजप्रीतिनिर्भरमानसौ
upaviṣṭau kathāstatra cakratuḥ sumanoharāḥ | raghunāthapadāṃbhojaprītinirbharamānasau
Sanskrit only: no published translation is held for this verse.
हनूमांस्तमुवाचेदं वचो विविधशोभनम् । आरण्यकं मुनिवरं रामांघ्रिध्याननिर्भृतम्
hanūmāṃstamuvācedaṃ vaco vividhaśobhanam | āraṇyakaṃ munivaraṃ rāmāṃghridhyānanirbhṛtam
Sanskrit only: no published translation is held for this verse.
स्वामिन्नयं दशरथकुलहीरांकुरो महान् । रामभ्राता महाशूरः शत्रुघ्नः प्रणमत्यसौ
svāminnayaṃ daśarathakulahīrāṃkuro mahān | rāmabhrātā mahāśūraḥ śatrughnaḥ praṇamatyasau
Sanskrit only: no published translation is held for this verse.
लवणो येन निहतः सर्वलोकभयंकरः । कृताश्च सुखिनः सर्वे मुनयः सुतपोधनाः
lavaṇo yena nihataḥ sarvalokabhayaṃkaraḥ | kṛtāśca sukhinaḥ sarve munayaḥ sutapodhanāḥ
Sanskrit only: no published translation is held for this verse.
एष पुष्कलनामा त्वां नमत्युद्भटसेवितः । येनाधुना महावीरा जिताः समरमंडले
eṣa puṣkalanāmā tvāṃ namatyudbhaṭasevitaḥ | yenādhunā mahāvīrā jitāḥ samaramaṃḍale
Sanskrit only: no published translation is held for this verse.
जानीह्येनं बहुगुणं रामामात्यं महाबलम् । प्राणप्रियं रघुपतेः सर्वज्ञं धर्मकोविदम्
jānīhyenaṃ bahuguṇaṃ rāmāmātyaṃ mahābalam | prāṇapriyaṃ raghupateḥ sarvajñaṃ dharmakovidam
Sanskrit only: no published translation is held for this verse.
सुबाहुरयमत्युग्रो वैरिवंशदवानलः । रामपादाब्जरोलंबो नमति त्वां महायशाः
subāhurayamatyugro vairivaṃśadavānalaḥ | rāmapādābjarolaṃbo namati tvāṃ mahāyaśāḥ
Sanskrit only: no published translation is held for this verse.
सुमदोऽप्येष पार्वत्या दत्तरामांघ्रिसेवया । प्राप्तोऽधुनासौ संसारवार्धिनिस्तरणं महत्
sumado'pyeṣa pārvatyā dattarāmāṃghrisevayā | prāpto'dhunāsau saṃsāravārdhinistaraṇaṃ mahat
Sanskrit only: no published translation is held for this verse.
सत्यवानयमश्वं यः प्राप्तमाश्रुत्य सेवकात् । राज्यं निवेदयामास स त्वां प्रणमति क्षितौ
satyavānayamaśvaṃ yaḥ prāptamāśrutya sevakāt | rājyaṃ nivedayāmāsa sa tvāṃ praṇamati kṣitau
Sanskrit only: no published translation is held for this verse.
इति वाक्यं समाकर्ण्य समालिंग्य समादरात् । चकारारण्यक ऋषिः स्वागतं फलकादिना
iti vākyaṃ samākarṇya samāliṃgya samādarāt | cakārāraṇyaka ṛṣiḥ svāgataṃ phalakādinā
Sanskrit only: no published translation is held for this verse.
ते हृष्टास्तत्र वसतिं चक्रुर्मुनिवराश्रमे । प्रातर्नित्यक्रियां कृत्वा रेवायां ते महोद्यमाः
te hṛṣṭāstatra vasatiṃ cakrurmunivarāśrame | prātarnityakriyāṃ kṛtvā revāyāṃ te mahodyamāḥ
Sanskrit only: no published translation is held for this verse.
नरयानमथारोप्य सेवकैः सहितं मुनिम् । शत्रुघ्नः प्रापयामासायोध्यां रामकृतालयाम्
narayānamathāropya sevakaiḥ sahitaṃ munim | śatrughnaḥ prāpayāmāsāyodhyāṃ rāmakṛtālayām
Sanskrit only: no published translation is held for this verse.
स दूरान्नगरीं दृष्ट्वा सूर्यवंशनृपोषिताम् । पदातिरभवद्वेगाद्रघुनाथदिदृक्षया
sa dūrānnagarīṃ dṛṣṭvā sūryavaṃśanṛpoṣitām | padātirabhavadvegādraghunāthadidṛkṣayā
Sanskrit only: no published translation is held for this verse.
संप्राप्य नगरीं रम्यामयोध्यां जनशोभिताम् । मनोरथसहस्रेण संरूढो रामदर्शने
saṃprāpya nagarīṃ ramyāmayodhyāṃ janaśobhitām | manorathasahasreṇa saṃrūḍho rāmadarśane
Sanskrit only: no published translation is held for this verse.
ददर्श तत्र सरयूतीरे मंडपशोभिते । रामं दूर्वादलश्यामं कंजकांतिविलोचनम्
dadarśa tatra sarayūtīre maṃḍapaśobhite | rāmaṃ dūrvādalaśyāmaṃ kaṃjakāṃtivilocanam
Sanskrit only: no published translation is held for this verse.
मृगशृंगं कटौ रम्यं धारयंतं श्रियान्वितम् । ऋषिवृंदैर्व्यासमुख्यैर्वृतं शूरैः सुसेवितम्
mṛgaśṛṃgaṃ kaṭau ramyaṃ dhārayaṃtaṃ śriyānvitam | ṛṣivṛṃdairvyāsamukhyairvṛtaṃ śūraiḥ susevitam
Sanskrit only: no published translation is held for this verse.
भरतेन सुमित्रायास्तनूजेन परीवृतम् । ददतं दीनसंधेभ्यो दानानि प्रार्थितानि तम्
bharatena sumitrāyāstanūjena parīvṛtam | dadataṃ dīnasaṃdhebhyo dānāni prārthitāni tam
Sanskrit only: no published translation is held for this verse.
विलोक्यारण्यकाख्योऽसौ कृतार्थ इत्यमन्यत । मल्लोचने पद्मदलसमाने रामलोकके
vilokyāraṇyakākhyo'sau kṛtārtha ityamanyata | mallocane padmadalasamāne rāmalokake
Sanskrit only: no published translation is held for this verse.
अद्य मे सर्वशास्त्रस्य ज्ञातृत्वं बहुसार्थकम् । येन श्रीराममाज्ञाय प्राप्तोऽयोध्यापुरीमिमाम्
adya me sarvaśāstrasya jñātṛtvaṃ bahusārthakam | yena śrīrāmamājñāya prāpto'yodhyāpurīmimām
Sanskrit only: no published translation is held for this verse.
इत्येवमादिवचनानि बहूनि हृष्टो । रामांघ्रिदर्शनसुहर्षित गात्रशोभी । प्रायाद्रमेश्वरसमीपमगम्यमन्यै-। र्योगेश्वरैरपि विचारपरैः सुदूरम्
ityevamādivacanāni bahūni hṛṣṭo | rāmāṃghridarśanasuharṣita gātraśobhī | prāyādrameśvarasamīpamagamyamanyai-| ryogeśvarairapi vicāraparaiḥ sudūram
Sanskrit only: no published translation is held for this verse.
धन्योऽहमद्य रामस्य चरणावक्षिगोचरौ । करिष्यामि वचो रम्यं वदन्राममवेक्षयन्
dhanyo'hamadya rāmasya caraṇāvakṣigocarau | kariṣyāmi vaco ramyaṃ vadanrāmamavekṣayan
Sanskrit only: no published translation is held for this verse.
रामोऽपि वाडवश्रेष्ठं ज्वलंतं स्वेन तेजसा । तपोमूर्तिधरं वीक्ष्य प्रत्युत्थानमथाकरोत्
rāmo'pi vāḍavaśreṣṭhaṃ jvalaṃtaṃ svena tejasā | tapomūrtidharaṃ vīkṣya pratyutthānamathākarot
Sanskrit only: no published translation is held for this verse.
रामचंद्रस्तस्य पादौ सुचिरं नतवान्महान् । ब्रह्मण्यदेवपावित्र्यं कृतमद्यतनोर्मम
rāmacaṃdrastasya pādau suciraṃ natavānmahān | brahmaṇyadevapāvitryaṃ kṛtamadyatanormama
Sanskrit only: no published translation is held for this verse.
इति वाक्यं वदंस्तस्य पादयोः पतितः प्रभुः । सुरासुरनमन्मौलिमणिनीराजितांघ्रिकः
iti vākyaṃ vadaṃstasya pādayoḥ patitaḥ prabhuḥ | surāsuranamanmaulimaṇinīrājitāṃghrikaḥ
Sanskrit only: no published translation is held for this verse.
प्रणतं तं नृपश्रेष्ठं वाडवेंद्रो महातपाः । गृहीत्वा भुजयोर्मध्यमालिलिंग प्रियं प्रभुम्
praṇataṃ taṃ nṛpaśreṣṭhaṃ vāḍaveṃdro mahātapāḥ | gṛhītvā bhujayormadhyamāliliṃga priyaṃ prabhum
Sanskrit only: no published translation is held for this verse.
कौसल्यातनयस्तं वा उच्चैर्मणिमयासने । संस्थाप्य च पदोर्युग्मं जलेनाक्षालयत्प्रभुः
kausalyātanayastaṃ vā uccairmaṇimayāsane | saṃsthāpya ca padoryugmaṃ jalenākṣālayatprabhuḥ
Sanskrit only: no published translation is held for this verse.
पादावनेजनोदं तु मस्तकेऽधाद्धरिः स्वयम् । पवित्रितोऽद्य सगणः सकुटुंब इति ब्रुवन्
pādāvanejanodaṃ tu mastake'dhāddhariḥ svayam | pavitrito'dya sagaṇaḥ sakuṭuṃba iti bruvan
Sanskrit only: no published translation is held for this verse.
चंदनेन विलिप्याथ गां च प्रादात्पयस्विनीम् । उवाच च वचो रम्यं देवदेवेंद्र सेवितः
caṃdanena vilipyātha gāṃ ca prādātpayasvinīm | uvāca ca vaco ramyaṃ devadeveṃdra sevitaḥ
Sanskrit only: no published translation is held for this verse.
स्वामिन्मखो मया वाजिमेधसंज्ञः क्रियेत ह । सोयं त्वच्चरणा यातादद्यपूर्णो भविष्यति
svāminmakho mayā vājimedhasaṃjñaḥ kriyeta ha | soyaṃ tvaccaraṇā yātādadyapūrṇo bhaviṣyati
Sanskrit only: no published translation is held for this verse.
अद्य मे ब्रह्महत्योत्थ पापहानिं करिष्यति । अश्वमेधः क्रतुर्युष्मच्चरणेन पवित्रितः
adya me brahmahatyottha pāpahāniṃ kariṣyati | aśvamedhaḥ kraturyuṣmaccaraṇena pavitritaḥ
Sanskrit only: no published translation is held for this verse.
इति वाक्यं ब्रुवाणं तं राजराजेंद्रसेवितम् । आरण्यक उवाचेदं हसन्माध्व्या गिरा मुनिः
iti vākyaṃ bruvāṇaṃ taṃ rājarājeṃdrasevitam | āraṇyaka uvācedaṃ hasanmādhvyā girā muniḥ
Sanskrit only: no published translation is held for this verse.
स्वामिंस्तव तु युक्तं हि वचो ब्रह्मण्यभूमिप । त्वन्मूर्तयो महाराज ब्राह्मणा वेदपारगाः
svāmiṃstava tu yuktaṃ hi vaco brahmaṇyabhūmipa | tvanmūrtayo mahārāja brāhmaṇā vedapāragāḥ
Sanskrit only: no published translation is held for this verse.
त्वं यदा ब्रह्मपूजादि शुभं कर्म करिष्यसि । ततोऽखिला नृपा विप्रं पूजयिष्यंति भूमिप
tvaṃ yadā brahmapūjādi śubhaṃ karma kariṣyasi | tato'khilā nṛpā vipraṃ pūjayiṣyaṃti bhūmipa
Sanskrit only: no published translation is held for this verse.
त्वयोक्तं यन्महाराज विप्रहत्यापनुत्तये । यागं करोमि विमलं तत्तु हास्यकरं वचः
tvayoktaṃ yanmahārāja viprahatyāpanuttaye | yāgaṃ karomi vimalaṃ tattu hāsyakaraṃ vacaḥ
Sanskrit only: no published translation is held for this verse.
त्वन्नामस्मरणान्मूढः सर्वशास्त्रविवर्जितः । सर्वपापाब्धिमुत्तीर्य स गच्छेत्परमं पदम्
tvannāmasmaraṇānmūḍhaḥ sarvaśāstravivarjitaḥ | sarvapāpābdhimuttīrya sa gacchetparamaṃ padam
Sanskrit only: no published translation is held for this verse.
सर्ववेदेतिहासानां सारार्थोऽयमिति स्फुटम् । यद्रामनामस्मरणं क्रियते पापतारकम्
sarvavedetihāsānāṃ sārārtho'yamiti sphuṭam | yadrāmanāmasmaraṇaṃ kriyate pāpatārakam
Sanskrit only: no published translation is held for this verse.
तावद्गर्जंति पापानि ब्रह्महत्यासमानि च । न यावत्प्रोच्यते नाम रामचंद्र तव स्फुटम्
tāvadgarjaṃti pāpāni brahmahatyāsamāni ca | na yāvatprocyate nāma rāmacaṃdra tava sphuṭam
Sanskrit only: no published translation is held for this verse.
त्वन्नामगर्जनं श्रुत्वा महापातककुंजराः । पलायंते महाराज कुत्रचित्स्थानलिप्सया
tvannāmagarjanaṃ śrutvā mahāpātakakuṃjarāḥ | palāyaṃte mahārāja kutracitsthānalipsayā
Sanskrit only: no published translation is held for this verse.
तस्मात्तव कथं हत्या महापुण्यददर्शन । राम त्वत्सुकथां श्रुत्वा पूतः सद्यो भविष्यति
tasmāttava kathaṃ hatyā mahāpuṇyadadarśana | rāma tvatsukathāṃ śrutvā pūtaḥ sadyo bhaviṣyati
Sanskrit only: no published translation is held for this verse.
मया पूर्वं कृतयुगे गंगायास्तीरवासिनाम् । ऋषीणां मुखतो वाक्यं श्रुतमेतत्पुराविदाम्
mayā pūrvaṃ kṛtayuge gaṃgāyāstīravāsinām | ṛṣīṇāṃ mukhato vākyaṃ śrutametatpurāvidām
Sanskrit only: no published translation is held for this verse.
तावत्पापभियः पुंसां कातराणां सुपापिनाम् । यावन्न वदते वाचा रामनाममनोहरम्
tāvatpāpabhiyaḥ puṃsāṃ kātarāṇāṃ supāpinām | yāvanna vadate vācā rāmanāmamanoharam
Sanskrit only: no published translation is held for this verse.
तस्माद्धन्योऽहमधुना मम संसृतिनाशनम् । सांप्रतं सुलभं रामचंद्र त्वद्दर्शनादभूत्
tasmāddhanyo'hamadhunā mama saṃsṛtināśanam | sāṃprataṃ sulabhaṃ rāmacaṃdra tvaddarśanādabhūt
Sanskrit only: no published translation is held for this verse.
इत्युक्तवंतं स मुनिं पूजयामास तत्र वै । सर्वे मुनिजनाः साधु साधु वाक्यमिति ब्रुवन्
ityuktavaṃtaṃ sa muniṃ pūjayāmāsa tatra vai | sarve munijanāḥ sādhu sādhu vākyamiti bruvan
Sanskrit only: no published translation is held for this verse.
शेष उवाच। अत्याश्चर्यमभूत्तत्र तन्मे निगदतः शृणु । वात्स्यायनमुनिश्रेष्ठ रामभक्तिपरायण
śeṣa uvāca| atyāścaryamabhūttatra tanme nigadataḥ śṛṇu | vātsyāyanamuniśreṣṭha rāmabhaktiparāyaṇa
Sanskrit only: no published translation is held for this verse.
रामं दृष्ट्वा महाराजं यादृशं ध्यानगोचरम् । अत्यंतं हर्षमापन्नो जगाद स मुनीश्वरान्
rāmaṃ dṛṣṭvā mahārājaṃ yādṛśaṃ dhyānagocaram | atyaṃtaṃ harṣamāpanno jagāda sa munīśvarān
Sanskrit only: no published translation is held for this verse.
मुनीश्वराः संशृणुत मद्वाक्यं सुमनोहरम् । मादृशः को न भूलोके भविष्यति सुभाग्यवान्
munīśvarāḥ saṃśṛṇuta madvākyaṃ sumanoharam | mādṛśaḥ ko na bhūloke bhaviṣyati subhāgyavān
Sanskrit only: no published translation is held for this verse.
नास्ति मत्सदृशः कोपि न जातो न भविष्यति । यद्रामभद्रो मां नत्वा स्वागतं परिपृष्टवान्
nāsti matsadṛśaḥ kopi na jāto na bhaviṣyati | yadrāmabhadro māṃ natvā svāgataṃ paripṛṣṭavān
Sanskrit only: no published translation is held for this verse.
यत्पादपंकजरजः श्रुतिमृग्यं सदैव हि । सोऽद्य मत्पादयोः पाथः पीत्वा पूतममन्यत
yatpādapaṃkajarajaḥ śrutimṛgyaṃ sadaiva hi | so'dya matpādayoḥ pāthaḥ pītvā pūtamamanyata
Sanskrit only: no published translation is held for this verse.
एवं प्रवदतस्तस्य ब्रह्मस्फोटोऽभवत्तदा । निर्गतं तद्भवं तेजो विवेश रघुनायके
evaṃ pravadatastasya brahmasphoṭo'bhavattadā | nirgataṃ tadbhavaṃ tejo viveśa raghunāyake
Sanskrit only: no published translation is held for this verse.
पश्यतां सर्वलोकानां सरयूतीरमंडपे । सायुज्यमुक्तिं संप्राप दुर्ल्लभां योगिभिर्जनैः
paśyatāṃ sarvalokānāṃ sarayūtīramaṃḍape | sāyujyamuktiṃ saṃprāpa durllabhāṃ yogibhirjanaiḥ
Sanskrit only: no published translation is held for this verse.
दिवि तूर्यनिनादोऽभूद्वीणानादोऽभवत्तदा । पुष्पवृष्टिः पपाताग्रे पश्यतां चित्रमद्भुतम्
divi tūryaninādo'bhūdvīṇānādo'bhavattadā | puṣpavṛṣṭiḥ papātāgre paśyatāṃ citramadbhutam
Sanskrit only: no published translation is held for this verse.
मुनयोऽप्येतदीक्षित्वा प्रशंसंतो मुनीश्वरम् । कृतार्थोयं मुनिश्रेष्ठो यद्रामवपुषीक्षितः
munayo'pyetadīkṣitvā praśaṃsaṃto munīśvaram | kṛtārthoyaṃ muniśreṣṭho yadrāmavapuṣīkṣitaḥ
Sanskrit only: no published translation is held for this verse.