Padma Purāṇa 5.48

शेष उवाच। इति प्रोक्तं तु मुनिना संश्रुत्य परवीरहा । विस्मयं मानयामास हृदि शौनकमब्रवीत्

śeṣa uvāca| iti proktaṃ tu muninā saṃśrutya paravīrahā | vismayaṃ mānayāmāsa hṛdi śaunakamabravīt

Sanskrit only: no published translation is held for this verse.

शत्रुघ्न उवाच। कर्मणो गहना वार्ता यया सात्वकनामधृत् । दिवं प्राप्तोऽपि महता कर्मणा राक्षसीकृतः

śatrughna uvāca| karmaṇo gahanā vārtā yayā sātvakanāmadhṛt | divaṃ prāpto'pi mahatā karmaṇā rākṣasīkṛtaḥ

Sanskrit only: no published translation is held for this verse.

स्वामिन्वद महर्षे त्वं कर्मणां स्वगतिर्यथा । येन कर्मविपाकेन यादृशं नरकं भवेत्

svāminvada maharṣe tvaṃ karmaṇāṃ svagatiryathā | yena karmavipākena yādṛśaṃ narakaṃ bhavet

Sanskrit only: no published translation is held for this verse.

शौनक उवाच। धन्योसि राघवश्रेष्ठ यत्ते मतिरियं शुभा । जानन्नपि हितार्थाय लोकानां त्वं ब्रवीषि भोः

śaunaka uvāca| dhanyosi rāghavaśreṣṭha yatte matiriyaṃ śubhā | jānannapi hitārthāya lokānāṃ tvaṃ bravīṣi bhoḥ

Sanskrit only: no published translation is held for this verse.

कथयामि विचित्राणां कर्मणां विविधा गतीः । ताः शृणुष्व महाराज यच्छ्रुत्वा मोक्षमाप्नुयात्

kathayāmi vicitrāṇāṃ karmaṇāṃ vividhā gatīḥ | tāḥ śṛṇuṣva mahārāja yacchrutvā mokṣamāpnuyāt

Sanskrit only: no published translation is held for this verse.

परवित्तं परापत्यं कलत्रं पारकं च यः । बलात्कारेण गृह्णाति भोगबुद्ध्या च दुर्मतिः

paravittaṃ parāpatyaṃ kalatraṃ pārakaṃ ca yaḥ | balātkāreṇa gṛhṇāti bhogabuddhyā ca durmatiḥ

Sanskrit only: no published translation is held for this verse.

कालपाशेन संबद्धो यमदूतैर्महाबलैः । तामिस्रे पात्यते तावद्यावद्वर्षसहस्रकम्

kālapāśena saṃbaddho yamadūtairmahābalaiḥ | tāmisre pātyate tāvadyāvadvarṣasahasrakam

Sanskrit only: no published translation is held for this verse.

तत्र ताडनमुद्धूताः कुर्वंति यमकिंकराः । पापभोगेन संतप्तस्ततो योनिं तु शौकरीम्

tatra tāḍanamuddhūtāḥ kurvaṃti yamakiṃkarāḥ | pāpabhogena saṃtaptastato yoniṃ tu śaukarīm

Sanskrit only: no published translation is held for this verse.

तत्र भुक्त्वा महादुःखं मानुषत्वं गमिष्यति । रोगादिचिह्नितं तत्र दुर्यशो ज्ञापकं स्वकम्

tatra bhuktvā mahāduḥkhaṃ mānuṣatvaṃ gamiṣyati | rogādicihnitaṃ tatra duryaśo jñāpakaṃ svakam

Sanskrit only: no published translation is held for this verse.

भूतद्रोहं विधायैव केवलं स्वकुटुंबकम् । पुष्णाति पापनिरतः सोंऽधतामिस्रके पतेत्

bhūtadrohaṃ vidhāyaiva kevalaṃ svakuṭuṃbakam | puṣṇāti pāpanirataḥ soṃ'dhatāmisrake patet

Sanskrit only: no published translation is held for this verse.

ये नरा इह जंतूनां वधं कुर्वंति वै मृषा । ते रौरवे निपात्यंते भिद्यंते रुरुभी रुषा

ye narā iha jaṃtūnāṃ vadhaṃ kurvaṃti vai mṛṣā | te raurave nipātyaṃte bhidyaṃte rurubhī ruṣā

Sanskrit only: no published translation is held for this verse.

यः स्वोदरार्थे भूतानां वधमाचरति स्फुटम् । महारौरवसंज्ञे तु पात्यते स यमाज्ञया

yaḥ svodarārthe bhūtānāṃ vadhamācarati sphuṭam | mahārauravasaṃjñe tu pātyate sa yamājñayā

Sanskrit only: no published translation is held for this verse.

यो वै निजं तु जनकं ब्राह्मणं द्वेष्टि पापकृत् । कालसूत्रे महादुष्टे योजनायुतविस्तृते

yo vai nijaṃ tu janakaṃ brāhmaṇaṃ dveṣṭi pāpakṛt | kālasūtre mahāduṣṭe yojanāyutavistṛte

Sanskrit only: no published translation is held for this verse.

यावंति पशुरोमाणि गवां द्वेषं करोति यः । तावद्वर्षसहस्राणि पच्यते यमकिंकरैः

yāvaṃti paśuromāṇi gavāṃ dveṣaṃ karoti yaḥ | tāvadvarṣasahasrāṇi pacyate yamakiṃkaraiḥ

Sanskrit only: no published translation is held for this verse.

यो भूमौ भूपतिर्भूत्वा दंडायोग्यं तु दंडयेत् । करोति ब्राह्मणस्यापि देहदंडं च लोलुपः

yo bhūmau bhūpatirbhūtvā daṃḍāyogyaṃ tu daṃḍayet | karoti brāhmaṇasyāpi dehadaṃḍaṃ ca lolupaḥ

Sanskrit only: no published translation is held for this verse.

स सूकरमुखैर्दुष्टैः पीड्यते यमकिंकरैः । पश्चाद्दुष्टासु योनीषु जायते पापमुक्तये

sa sūkaramukhairduṣṭaiḥ pīḍyate yamakiṃkaraiḥ | paścādduṣṭāsu yonīṣu jāyate pāpamuktaye

Sanskrit only: no published translation is held for this verse.

ब्राह्मणानां गवां ये तु द्रव्यं वृत्तं तथाल्पकम् । वृत्तिं वा गृह्णते मोहाल्लुंपंति स्वबलान्नराः

brāhmaṇānāṃ gavāṃ ye tu dravyaṃ vṛttaṃ tathālpakam | vṛttiṃ vā gṛhṇate mohālluṃpaṃti svabalānnarāḥ

Sanskrit only: no published translation is held for this verse.

ते परत्रांधकूपे च पात्यंते च महार्दिताः । योऽन्नं स्वयमुपाहृत्य मधुरं चात्तिलोलुपः

te paratrāṃdhakūpe ca pātyaṃte ca mahārditāḥ | yo'nnaṃ svayamupāhṛtya madhuraṃ cāttilolupaḥ

Sanskrit only: no published translation is held for this verse.

न देवाय न सुहृदे ददाति रसनापरः । स पतत्येव नरके कृमिभोजनसंज्ञिते

na devāya na suhṛde dadāti rasanāparaḥ | sa patatyeva narake kṛmibhojanasaṃjñite

Sanskrit only: no published translation is held for this verse.

अनापदि नरो यस्तु हिरण्यादीन्यपाहरेत् । ब्रह्मस्वं वा महादुष्टे संदंशे नरके पतेत्

anāpadi naro yastu hiraṇyādīnyapāharet | brahmasvaṃ vā mahāduṣṭe saṃdaṃśe narake patet

Sanskrit only: no published translation is held for this verse.

यः स्वदेहं प्रपुष्णाति नान्यं जानाति मूढधीः । स पात्यते तैलतप्ते कुंभीपाकेऽतिदारुणे

yaḥ svadehaṃ prapuṣṇāti nānyaṃ jānāti mūḍhadhīḥ | sa pātyate tailatapte kuṃbhīpāke'tidāruṇe

Sanskrit only: no published translation is held for this verse.

यो नागम्यां स्त्रियं मोहाद्योषिद्भावाच्च कामयेत् । तं तया किंकराः सूर्म्या परिरंभं च कुर्वते

yo nāgamyāṃ striyaṃ mohādyoṣidbhāvācca kāmayet | taṃ tayā kiṃkarāḥ sūrmyā pariraṃbhaṃ ca kurvate

Sanskrit only: no published translation is held for this verse.

ये बलाद्वेदमर्यादां लुंपंति स्वबलोद्धताः । ते वैतरण्यां पतिता मांसशोणितभक्षकाः

ye balādvedamaryādāṃ luṃpaṃti svabaloddhatāḥ | te vaitaraṇyāṃ patitā māṃsaśoṇitabhakṣakāḥ

Sanskrit only: no published translation is held for this verse.

वृषलद्यं यः स्त्रियं कृत्वा तया गार्हस्थ्यमाचरेत् । पूयोदे निपतत्येव महादुःखसमन्वितः

vṛṣaladyaṃ yaḥ striyaṃ kṛtvā tayā gārhasthyamācaret | pūyode nipatatyeva mahāduḥkhasamanvitaḥ

Sanskrit only: no published translation is held for this verse.

ये दंभमाश्रयंते वै धूर्ता लोकस्य वंचने । वैशसे नरके मूढाः पतंति यमताडिताः

ye daṃbhamāśrayaṃte vai dhūrtā lokasya vaṃcane | vaiśase narake mūḍhāḥ pataṃti yamatāḍitāḥ

Sanskrit only: no published translation is held for this verse.

ये सवर्णां स्त्रियं मूढा रेतः स्वं पाययंति च । रेतःकुल्यासु ते पापा रेतःपानेषु तत्पराः

ye savarṇāṃ striyaṃ mūḍhā retaḥ svaṃ pāyayaṃti ca | retaḥkulyāsu te pāpā retaḥpāneṣu tatparāḥ

Sanskrit only: no published translation is held for this verse.

ये चौरा वह्निदा दुष्टा गरदा ग्रामलुंठकाः । सारमेयादने ते वै पात्यंते पातकान्विताः

ye caurā vahnidā duṣṭā garadā grāmaluṃṭhakāḥ | sārameyādane te vai pātyaṃte pātakānvitāḥ

Sanskrit only: no published translation is held for this verse.

कूटसाक्ष्यं वदत्यद्धा पुरुषः पापसंभृतः । परकीयं तु द्रव्यं यो हरति प्रसभं बली

kūṭasākṣyaṃ vadatyaddhā puruṣaḥ pāpasaṃbhṛtaḥ | parakīyaṃ tu dravyaṃ yo harati prasabhaṃ balī

Sanskrit only: no published translation is held for this verse.

सोऽवीचिनरके पापी अवाग्वक्त्रः पतत्यधः । तत्र दुःखं महद्भुक्त्वा पापिष्ठां योनिमाव्रजेत्

so'vīcinarake pāpī avāgvaktraḥ patatyadhaḥ | tatra duḥkhaṃ mahadbhuktvā pāpiṣṭhāṃ yonimāvrajet

Sanskrit only: no published translation is held for this verse.

यो नरो रसनास्वादात्सुरां पिबति मूढधीः । तं पाययंति लोहस्य रसं धर्मस्य किंकराः

yo naro rasanāsvādātsurāṃ pibati mūḍhadhīḥ | taṃ pāyayaṃti lohasya rasaṃ dharmasya kiṃkarāḥ

Sanskrit only: no published translation is held for this verse.

यो गुरूनवमन्येत स्वविद्याचारदर्पितः । स मृतः पात्यते क्षारनरकेऽधोमुखः पुमान्

yo gurūnavamanyeta svavidyācāradarpitaḥ | sa mṛtaḥ pātyate kṣāranarake'dhomukhaḥ pumān

Sanskrit only: no published translation is held for this verse.

विश्वासघातं कुर्वंति ये नरा धर्मनिष्कृताः । शूलप्रोते च नरके पात्यंते बहुयातने

viśvāsaghātaṃ kurvaṃti ye narā dharmaniṣkṛtāḥ | śūlaprote ca narake pātyaṃte bahuyātane

Sanskrit only: no published translation is held for this verse.

पिशुनो यो नरान्सर्वानुद्वेजयति वाक्यतः । दंदशूके च पतितो दंदशूकैः स दश्यते

piśuno yo narānsarvānudvejayati vākyataḥ | daṃdaśūke ca patito daṃdaśūkaiḥ sa daśyate

Sanskrit only: no published translation is held for this verse.

एवं राजन्ननेके वै नरकाः पापकारिणाम् । पापं कृत्वा प्रयांत्येते पीडां यांति सुदारुणाम्

evaṃ rājannaneke vai narakāḥ pāpakāriṇām | pāpaṃ kṛtvā prayāṃtyete pīḍāṃ yāṃti sudāruṇām

Sanskrit only: no published translation is held for this verse.

यैर्न श्रुता रामकथा न परोपकृतिः कृता । तेषां सर्वाणि दुःखानि भवंति नरकांतरे

yairna śrutā rāmakathā na paropakṛtiḥ kṛtā | teṣāṃ sarvāṇi duḥkhāni bhavaṃti narakāṃtare

Sanskrit only: no published translation is held for this verse.

अत्र यस्य सुखं स्वर्गे भूयात्तस्य इतीर्यते । ये दुःखिनो रोगयुता नरकादागताश्च ते

atra yasya sukhaṃ svarge bhūyāttasya itīryate | ye duḥkhino rogayutā narakādāgatāśca te

Sanskrit only: no published translation is held for this verse.

शेष उवाच। एतच्छ्रुत्वा महीपालः कंपमानः क्षणे क्षणे । पप्रच्छ भूयस्तं विप्रं सर्वसंशयनुत्तये

śeṣa uvāca| etacchrutvā mahīpālaḥ kaṃpamānaḥ kṣaṇe kṣaṇe | papraccha bhūyastaṃ vipraṃ sarvasaṃśayanuttaye

Sanskrit only: no published translation is held for this verse.

तत्तत्पापस्य चिह्नानि कथयस्व महामुने । केन पापेन किं चिह्नं भूलोके उपजायते

tattatpāpasya cihnāni kathayasva mahāmune | kena pāpena kiṃ cihnaṃ bhūloke upajāyate

Sanskrit only: no published translation is held for this verse.

इति श्रुत्वा तु तद्वाक्यं मुनिः प्रोवाच भूपतिम् । शृणु राजन्प्रवक्ष्यामि चिह्नानि पापकारिणाम्

iti śrutvā tu tadvākyaṃ muniḥ provāca bhūpatim | śṛṇu rājanpravakṣyāmi cihnāni pāpakāriṇām

Sanskrit only: no published translation is held for this verse.

शौनक उवाच। सुरापः श्यामदंतश्च नरकांते प्रजायते । अभक्ष्यभक्षकारी च जायते गुल्मकोदरः

śaunaka uvāca| surāpaḥ śyāmadaṃtaśca narakāṃte prajāyate | abhakṣyabhakṣakārī ca jāyate gulmakodaraḥ

Sanskrit only: no published translation is held for this verse.

उदक्यावीक्षितं भुक्त्वा जायते कृमिलोदरः । श्वमार्जारादिसंस्पृष्टं भुक्त्वा दुर्गंधिमान्भवेत्

udakyāvīkṣitaṃ bhuktvā jāyate kṛmilodaraḥ | śvamārjārādisaṃspṛṣṭaṃ bhuktvā durgaṃdhimānbhavet

Sanskrit only: no published translation is held for this verse.

अनिवेद्य सुरादिभ्यो भुंजानो जायते नरः । उदरे रोगवान्दुःखी महारोगप्रपीडितः

anivedya surādibhyo bhuṃjāno jāyate naraḥ | udare rogavānduḥkhī mahārogaprapīḍitaḥ

Sanskrit only: no published translation is held for this verse.

परान्नविघ्नकरणादजीर्णमभिजायते । मंदोदराग्निर्भवति सति द्रव्ये कदन्नदः

parānnavighnakaraṇādajīrṇamabhijāyate | maṃdodarāgnirbhavati sati dravye kadannadaḥ

Sanskrit only: no published translation is held for this verse.

विषदश्छर्दिरोगी स्यान्मार्गहा पादरोगवान् । पिशुनो नरकस्यांते जायते श्वासकासवान्

viṣadaśchardirogī syānmārgahā pādarogavān | piśuno narakasyāṃte jāyate śvāsakāsavān

Sanskrit only: no published translation is held for this verse.

धूर्तोऽपस्माररोगी स्याच्छूली च परतापनः । दावाग्निदायकश्चैव रक्तातीसारवान्भवेत्

dhūrto'pasmārarogī syācchūlī ca paratāpanaḥ | dāvāgnidāyakaścaiva raktātīsāravānbhavet

Sanskrit only: no published translation is held for this verse.

सुरालये जले वापि शकृत्क्षेपं करोति यः । गुदरोगो भवेत्तस्य पापरूपः सुदारुणः

surālaye jale vāpi śakṛtkṣepaṃ karoti yaḥ | gudarogo bhavettasya pāparūpaḥ sudāruṇaḥ

Sanskrit only: no published translation is held for this verse.

गर्भपातनजा रोगाः क्षयमेहजलोदराः । प्रतिमा भंगकारी च अप्रतिष्ठश्च जायते

garbhapātanajā rogāḥ kṣayamehajalodarāḥ | pratimā bhaṃgakārī ca apratiṣṭhaśca jāyate

Sanskrit only: no published translation is held for this verse.

दुष्टवादी खंडितः स्यात्खल्वाटः परनिंदकः । सभायां पक्षपाती च जायते पक्षघातवान्

duṣṭavādī khaṃḍitaḥ syātkhalvāṭaḥ paraniṃdakaḥ | sabhāyāṃ pakṣapātī ca jāyate pakṣaghātavān

Sanskrit only: no published translation is held for this verse.

परोक्तहास्यकृत्काणः कुनखी विप्रहेमहृत् । तुंदीवरी ताम्रचौरः कांस्यहृत्पुंडरीकिकः

paroktahāsyakṛtkāṇaḥ kunakhī viprahemahṛt | tuṃdīvarī tāmracauraḥ kāṃsyahṛtpuṃḍarīkikaḥ

Sanskrit only: no published translation is held for this verse.

त्रपुहारी च पुरुषो जायते पिंगमूर्द्धजः । शीसहारी च पुरुषो जायते शीर्षरोगवान्

trapuhārī ca puruṣo jāyate piṃgamūrddhajaḥ | śīsahārī ca puruṣo jāyate śīrṣarogavān

Sanskrit only: no published translation is held for this verse.

घृतचौरस्तु पुरुषो जायते नेत्ररोगवान् । लोहहारी च पुरुषो बर्बरांगः प्रजायते

ghṛtacaurastu puruṣo jāyate netrarogavān | lohahārī ca puruṣo barbarāṃgaḥ prajāyate

Sanskrit only: no published translation is held for this verse.

चर्महारी च पुरुषो जायते मेदसा वृतः । मधुचौरस्तु पुरुषो जायते बस्तिगंधवान्

carmahārī ca puruṣo jāyate medasā vṛtaḥ | madhucaurastu puruṣo jāyate bastigaṃdhavān

Sanskrit only: no published translation is held for this verse.

तैलचौर्येण भवति नरः कण्ड्वातिपीडितः । आमान्नहरणाच्चैव दंतहीनः प्रजायते

tailacauryeṇa bhavati naraḥ kaṇḍvātipīḍitaḥ | āmānnaharaṇāccaiva daṃtahīnaḥ prajāyate

Sanskrit only: no published translation is held for this verse.

पक्वान्नहरणाच्चैव जिह्वारोगयुतो भवेत् । मातृगामी च पुरुषो जायते लिंगवर्जितः

pakvānnaharaṇāccaiva jihvārogayuto bhavet | mātṛgāmī ca puruṣo jāyate liṃgavarjitaḥ

Sanskrit only: no published translation is held for this verse.

गुरुजायाभिगमनान्मूत्रकृच्छ्रः प्रजायते । भगिनीं चैव गमने पीतकुष्ठः प्रजायते

gurujāyābhigamanānmūtrakṛcchraḥ prajāyate | bhaginīṃ caiva gamane pītakuṣṭhaḥ prajāyate

Sanskrit only: no published translation is held for this verse.

स्वसुतागमने चैव रक्तकुष्ठः प्रजायते । भ्रातृभार्याभिगमने गुल्मकुष्ठः प्रजायते

svasutāgamane caiva raktakuṣṭhaḥ prajāyate | bhrātṛbhāryābhigamane gulmakuṣṭhaḥ prajāyate

Sanskrit only: no published translation is held for this verse.

स्वामिगम्यादिगमने जायते दद्रुमंडलम् । विश्वस्तभार्यागमने गजचर्मा प्रजायते

svāmigamyādigamane jāyate dadrumaṃḍalam | viśvastabhāryāgamane gajacarmā prajāyate

Sanskrit only: no published translation is held for this verse.

पितृष्वस्रभिगमने दक्षिणांगे व्रणी भवेत् । मातुलान्यास्तु गमने वामांगे व्रणवान्भवेत्

pitṛṣvasrabhigamane dakṣiṇāṃge vraṇī bhavet | mātulānyāstu gamane vāmāṃge vraṇavānbhavet

Sanskrit only: no published translation is held for this verse.

पितृव्यपत्नीगमने कटौ कुष्ठः प्रजायते । मित्रभार्याभिगमने मृतभार्यः प्रजायते

pitṛvyapatnīgamane kaṭau kuṣṭhaḥ prajāyate | mitrabhāryābhigamane mṛtabhāryaḥ prajāyate

Sanskrit only: no published translation is held for this verse.

स्वगोत्रस्त्रीप्रसंगेन जायते च भगंदरः । तपस्विनीप्रसंगेन प्रमेहो जायते नरे

svagotrastrīprasaṃgena jāyate ca bhagaṃdaraḥ | tapasvinīprasaṃgena prameho jāyate nare

Sanskrit only: no published translation is held for this verse.

श्रोत्रियस्त्रीप्रसंगेन जायते नासिकाव्रणी । दीक्षितस्त्रीप्रसंगेन जायते दुष्टरक्तसृक्

śrotriyastrīprasaṃgena jāyate nāsikāvraṇī | dīkṣitastrīprasaṃgena jāyate duṣṭaraktasṛk

Sanskrit only: no published translation is held for this verse.

स्वजातिजायागमने जायते हृदयव्रणी । जात्युन्नतस्त्रीगमने जायते मस्तकव्रणी

svajātijāyāgamane jāyate hṛdayavraṇī | jātyunnatastrīgamane jāyate mastakavraṇī

Sanskrit only: no published translation is held for this verse.

पशुयोनौ च गमनान्मूत्रघातः प्रजायते । एते दोषा नराणां स्युर्नरकांते न संशयः

paśuyonau ca gamanānmūtraghātaḥ prajāyate | ete doṣā narāṇāṃ syurnarakāṃte na saṃśayaḥ

Sanskrit only: no published translation is held for this verse.

स्त्रीणामपि भवंत्येते तत्तत्पुरुषसंगमात् । एवं राजन्हि चिह्नानि कीर्तितानि सुपापिनाम्

strīṇāmapi bhavaṃtyete tattatpuruṣasaṃgamāt | evaṃ rājanhi cihnāni kīrtitāni supāpinām

Sanskrit only: no published translation is held for this verse.

दानपुण्यप्रसंगेन तीर्थादिक्रियया तथा । रामस्य चरितं श्रुत्वा तपसा वाक्षयं व्रजेत्

dānapuṇyaprasaṃgena tīrthādikriyayā tathā | rāmasya caritaṃ śrutvā tapasā vākṣayaṃ vrajet

Sanskrit only: no published translation is held for this verse.

सर्वेषामेव पापानां हरिकीर्तिधुनी नृणाम् । क्षालयेत्पापिनां पंकं नात्र कार्या विचारणा

sarveṣāmeva pāpānāṃ harikīrtidhunī nṛṇām | kṣālayetpāpināṃ paṃkaṃ nātra kāryā vicāraṇā

Sanskrit only: no published translation is held for this verse.

यो नावमन्येत हरिं तस्य यागाविधि श्रुताः । तीर्थान्यपि सुपुण्यानि पावितुं न क्षमाणि तम्

yo nāvamanyeta hariṃ tasya yāgāvidhi śrutāḥ | tīrthānyapi supuṇyāni pāvituṃ na kṣamāṇi tam

Sanskrit only: no published translation is held for this verse.

हसते कीर्त्यमानं यश्चरित्रं ज्ञानदुर्बलः । न तस्य नरकान्मुक्तिः कल्पांतेऽपि भविष्यति

hasate kīrtyamānaṃ yaścaritraṃ jñānadurbalaḥ | na tasya narakānmuktiḥ kalpāṃte'pi bhaviṣyati

Sanskrit only: no published translation is held for this verse.

या हि राजन्विमोक्षार्थं हयस्यानुचरैः सह । श्रावय श्रीशचरितं यतो वाहगतिर्भवेत्

yā hi rājanvimokṣārthaṃ hayasyānucaraiḥ saha | śrāvaya śrīśacaritaṃ yato vāhagatirbhavet

Sanskrit only: no published translation is held for this verse.

शेष उवाच। इति श्रुत्वा प्रहृष्टोऽभूच्छत्रुघ्नः परवीरहा । प्रणम्य तं परिक्रम्य ययौ सेवकसंयुतः

śeṣa uvāca| iti śrutvā prahṛṣṭo'bhūcchatrughnaḥ paravīrahā | praṇamya taṃ parikramya yayau sevakasaṃyutaḥ

Sanskrit only: no published translation is held for this verse.

तत्र गत्वा स हनुमान्हयवर्यस्य पार्श्वतः । उवाच रामचरितं महादुर्गतिनाशकम्

tatra gatvā sa hanumānhayavaryasya pārśvataḥ | uvāca rāmacaritaṃ mahādurgatināśakam

Sanskrit only: no published translation is held for this verse.

याहि देव विमानं स्वं रामकीर्तनपुण्यतः । स्वैरं चर स्वलोके त्वं मुक्तो भव कुयोनितः

yāhi deva vimānaṃ svaṃ rāmakīrtanapuṇyataḥ | svairaṃ cara svaloke tvaṃ mukto bhava kuyonitaḥ

Sanskrit only: no published translation is held for this verse.

इति वाक्यं समाकर्ण्य शत्रुघ्नो यावदास्थितः । तावद्ददर्श विमलं देवं वैमानिकं वरम्

iti vākyaṃ samākarṇya śatrughno yāvadāsthitaḥ | tāvaddadarśa vimalaṃ devaṃ vaimānikaṃ varam

Sanskrit only: no published translation is held for this verse.

स उवाच विमुक्तोऽहं रामकीर्तनसंश्रुतेः । यामि स्वं भवनं राजन्नाज्ञापय महामते

sa uvāca vimukto'haṃ rāmakīrtanasaṃśruteḥ | yāmi svaṃ bhavanaṃ rājannājñāpaya mahāmate

Sanskrit only: no published translation is held for this verse.

इत्युक्त्वा प्रययौ देवो विमाने स्वे परिस्थितः । तदा विस्मयमापुस्ते शत्रुघ्नेन सहानुगाः

ityuktvā prayayau devo vimāne sve paristhitaḥ | tadā vismayamāpuste śatrughnena sahānugāḥ

Sanskrit only: no published translation is held for this verse.

ततो वाहो विनिर्मुक्तो गात्रस्तंभाच्च भूतलात् । ययौ तद्विपिनं सर्वं भ्रमन्पक्षिसमाकुलम्

tato vāho vinirmukto gātrastaṃbhācca bhūtalāt | yayau tadvipinaṃ sarvaṃ bhramanpakṣisamākulam

Sanskrit only: no published translation is held for this verse.