Padma Purāṇa 5.5

शेष उवाच। अथाभिषिक्तं रामं तु तुष्टुवुः प्रणताः सुराः । रावणाभिधदैत्येंद्र वधहर्षितमानसाः

śeṣa uvāca| athābhiṣiktaṃ rāmaṃ tu tuṣṭuvuḥ praṇatāḥ surāḥ | rāvaṇābhidhadaityeṃdra vadhaharṣitamānasāḥ

Sanskrit only: no published translation is held for this verse.

देवा ऊचुः। जय दाशरथे सुरार्तिहञ्जयजय दानववंशदाहक । जय देववरांगनागणग्रहणव्यग्रकरारिदारक

devā ūcuḥ| jaya dāśarathe surārtihañjayajaya dānavavaṃśadāhaka | jaya devavarāṃganāgaṇagrahaṇavyagrakarāridāraka

Sanskrit only: no published translation is held for this verse.

तवयद्दनुजेंद्र नाशनं कवयो वर्णयितुं समुत्सुकाः । प्रलये जगतांततीः पुनर्ग्रससे त्वं भुवनेशलीलया

tavayaddanujeṃdra nāśanaṃ kavayo varṇayituṃ samutsukāḥ | pralaye jagatāṃtatīḥ punargrasase tvaṃ bhuvaneśalīlayā

Sanskrit only: no published translation is held for this verse.

जय जन्मजरादिदुःखकैः परिमुक्तप्रबलोद्धरोद्धर । जय धर्मकरान्वयांबुधौ कृतजन्मन्नजरामराच्युत

jaya janmajarādiduḥkhakaiḥ parimuktaprabaloddharoddhara | jaya dharmakarānvayāṃbudhau kṛtajanmannajarāmarācyuta

Sanskrit only: no published translation is held for this verse.

तव देववरस्य नामभिर्बहुपापा अपि ते पवित्रिताः । किमु साधुद्विजवर्यपूर्वकाः सुतनुं मानुषतामुपागताः

tava devavarasya nāmabhirbahupāpā api te pavitritāḥ | kimu sādhudvijavaryapūrvakāḥ sutanuṃ mānuṣatāmupāgatāḥ

Sanskrit only: no published translation is held for this verse.

हरविरिंचिनुतं तव पादयोर्युगलमीप्सितकामसमृद्धिदम् । हृदि पवित्रयवादिकचिह्नितैः सुरचितं मनसा स्पृहयामहे

haraviriṃcinutaṃ tava pādayoryugalamīpsitakāmasamṛddhidam | hṛdi pavitrayavādikacihnitaiḥ suracitaṃ manasā spṛhayāmahe

Sanskrit only: no published translation is held for this verse.

यदि भवान्न दधात्यभयं भुवो मदनमूर्ति तिरस्करकांतिभृत् । सुरगणा हि कथं सुखिनः पुनर्ननुभवंति घृणामय पावन

yadi bhavānna dadhātyabhayaṃ bhuvo madanamūrti tiraskarakāṃtibhṛt | suragaṇā hi kathaṃ sukhinaḥ punarnanubhavaṃti ghṛṇāmaya pāvana

Sanskrit only: no published translation is held for this verse.

यदा यदास्मान्दनुजाहि दुःखदास्तदा तदा त्वं भुवि जन्मभाग्भवेः । अजोऽव्ययोऽपीशवरोऽपि सन्विभो स्वभावमास्थाय निजं निजार्चितः

yadā yadāsmāndanujāhi duḥkhadāstadā tadā tvaṃ bhuvi janmabhāgbhaveḥ | ajo'vyayo'pīśavaro'pi sanvibho svabhāvamāsthāya nijaṃ nijārcitaḥ

Sanskrit only: no published translation is held for this verse.

मृतसुधासदृशैरघनाशनैः सुचरितैरवकीर्य महीतलम् । अमनुजैर्गुणशंसिभिरीडितः प्रविश चाशु पुनर्हि स्वकं पदम्

mṛtasudhāsadṛśairaghanāśanaiḥ sucaritairavakīrya mahītalam | amanujairguṇaśaṃsibhirīḍitaḥ praviśa cāśu punarhi svakaṃ padam

Sanskrit only: no published translation is held for this verse.

अनादिराद्योजररूपधारी हारी किरीटी मकरध्वजाभः । जयं करोतु प्रसभं हतारिः स्मरारि संसेवितपादपद्मः

anādirādyojararūpadhārī hārī kirīṭī makaradhvajābhaḥ | jayaṃ karotu prasabhaṃ hatāriḥ smarāri saṃsevitapādapadmaḥ

Sanskrit only: no published translation is held for this verse.

इत्युक्त्वा ते सुराः सर्वे ब्रह्मेंद्रप्रमुखा मुहुः । प्रणेमुररिनाशेन प्रीणिता रघुनायकम्

ityuktvā te surāḥ sarve brahmeṃdrapramukhā muhuḥ | praṇemurarināśena prīṇitā raghunāyakam

Sanskrit only: no published translation is held for this verse.

इति स्तुत्यातिसंहृष्टो रघुनाथो महायशाः । प्रोवाच तान्सुरान्वीक्ष्य प्रणतान्नतकंधरान्

iti stutyātisaṃhṛṣṭo raghunātho mahāyaśāḥ | provāca tānsurānvīkṣya praṇatānnatakaṃdharān

Sanskrit only: no published translation is held for this verse.

श्रीराम उवाच। सुरा वृणुत मे यूयं वरं किंचित्सुदुर्ल्लभम् । यं कोऽपि देवो दनुजो न यक्षः प्राप सादरः

śrīrāma uvāca| surā vṛṇuta me yūyaṃ varaṃ kiṃcitsudurllabham | yaṃ ko'pi devo danujo na yakṣaḥ prāpa sādaraḥ

Sanskrit only: no published translation is held for this verse.

सुरा ऊचुः। स्वामिन्भगवतः सर्वं प्राप्तमस्माभिरुत्तमम् । यदयं निहतः शत्रुरस्माकं तु दशाननः

surā ūcuḥ| svāminbhagavataḥ sarvaṃ prāptamasmābhiruttamam | yadayaṃ nihataḥ śatrurasmākaṃ tu daśānanaḥ

Sanskrit only: no published translation is held for this verse.

यदायदाऽसुरोऽस्माकं बाधां परिदधाति भोः । तदा तदेति कर्तव्यमेतावद्वैरिनाशनम्

yadāyadā'suro'smākaṃ bādhāṃ paridadhāti bhoḥ | tadā tadeti kartavyametāvadvairināśanam

Sanskrit only: no published translation is held for this verse.

तथेत्युक्त्वा पुनर्वीरः प्रोवाच रघुनंदनः । श्रीराम उवाच। सुराः शृणुत मद्वाक्यमादरेण समन्विताः

tathetyuktvā punarvīraḥ provāca raghunaṃdanaḥ | śrīrāma uvāca| surāḥ śṛṇuta madvākyamādareṇa samanvitāḥ

Sanskrit only: no published translation is held for this verse.

भवत्कृतं मदीयैर्वैगुणैर्ग्रथितमद्भुतम् । स्तोत्रं पठिष्यति मुहुः प्रातर्निशि सकृन्नरः

bhavatkṛtaṃ madīyairvaiguṇairgrathitamadbhutam | stotraṃ paṭhiṣyati muhuḥ prātarniśi sakṛnnaraḥ

Sanskrit only: no published translation is held for this verse.

तस्य वैरि पराभूतिर्न भविष्यति दारुणा । न च दारिद्र्यसंयोगो न च व्याधिपराभवौ

tasya vairi parābhūtirna bhaviṣyati dāruṇā | na ca dāridryasaṃyogo na ca vyādhiparābhavau

Sanskrit only: no published translation is held for this verse.

मदीयचरणद्वंद्वे भक्तिस्तेषां तु भूयसी । भविष्यति मुदायुक्ते स्वांते पुंसां तु पाठतः

madīyacaraṇadvaṃdve bhaktisteṣāṃ tu bhūyasī | bhaviṣyati mudāyukte svāṃte puṃsāṃ tu pāṭhataḥ

Sanskrit only: no published translation is held for this verse.

इत्युक्त्वा सोऽभवत्तूष्णीं नरदेवशिरोमणिः । सुराः सर्वे प्रहृष्टास्ते ययुर्लोकं स्वकं स्वकम्

ityuktvā so'bhavattūṣṇīṃ naradevaśiromaṇiḥ | surāḥ sarve prahṛṣṭāste yayurlokaṃ svakaṃ svakam

Sanskrit only: no published translation is held for this verse.

रघुनाथोऽपि भ्रातॄंस्तान्पालयंस्तातवद्बुधान् । प्रजाः पुत्रानिव स्वीयाल्लाँलयँल्लोकनायकः

raghunātho'pi bhrātṝṃstānpālayaṃstātavadbudhān | prajāḥ putrāniva svīyāllā~laya~llokanāyakaḥ

Sanskrit only: no published translation is held for this verse.

यस्मिञ्छासति लोकानां नाकालमरणं नृणाम् । न रोगादि पराभूतिर्गृहेषु च महीयसी

yasmiñchāsati lokānāṃ nākālamaraṇaṃ nṛṇām | na rogādi parābhūtirgṛheṣu ca mahīyasī

Sanskrit only: no published translation is held for this verse.

नेतिः कदापि द्दश्येत वैरिजं भयमेव च । वृक्षाः सदैव फलिनो मही भूयिष्ठधान्यका

netiḥ kadāpi ddaśyeta vairijaṃ bhayameva ca | vṛkṣāḥ sadaiva phalino mahī bhūyiṣṭhadhānyakā

Sanskrit only: no published translation is held for this verse.

पुत्रपौत्रपरीवार सनाथी कृतजीवनाः । कांता संयोगजसुखैर्निरस्तविरहक्लमाः

putrapautraparīvāra sanāthī kṛtajīvanāḥ | kāṃtā saṃyogajasukhairnirastavirahaklamāḥ

Sanskrit only: no published translation is held for this verse.

नित्यं श्रीरघुनाथस्य पादपद्मकथोत्सुकाः । कदापि परनिंदासु वाचस्तेषां भवंति न

nityaṃ śrīraghunāthasya pādapadmakathotsukāḥ | kadāpi paraniṃdāsu vācasteṣāṃ bhavaṃti na

Sanskrit only: no published translation is held for this verse.

कारवोऽपि कदा पापं नाचरंति मनस्यहो । रघुनाथकराघातदुःखशंकाभिशंसिनः

kāravo'pi kadā pāpaṃ nācaraṃti manasyaho | raghunāthakarāghātaduḥkhaśaṃkābhiśaṃsinaḥ

Sanskrit only: no published translation is held for this verse.

सीतापतिमुखालोक निश्चलीभूतलोचनाः । लोका बभूवुः सततं कारुण्यपरिपूरिताः

sītāpatimukhāloka niścalībhūtalocanāḥ | lokā babhūvuḥ satataṃ kāruṇyaparipūritāḥ

Sanskrit only: no published translation is held for this verse.

राज्यं प्राप्तमसापत्नं समृद्धबलवाहनम् । ऋषिभिर्हृष्टपुष्टैश्च रम्यं हाटकभूषणैः

rājyaṃ prāptamasāpatnaṃ samṛddhabalavāhanam | ṛṣibhirhṛṣṭapuṣṭaiśca ramyaṃ hāṭakabhūṣaṇaiḥ

Sanskrit only: no published translation is held for this verse.

संपुष्टमिष्टापूर्तानां धर्माणां नित्यकर्तृभिः । सदा संपन्नसस्यं च सुवसुक्षेत्रसंयुतम्

saṃpuṣṭamiṣṭāpūrtānāṃ dharmāṇāṃ nityakartṛbhiḥ | sadā saṃpannasasyaṃ ca suvasukṣetrasaṃyutam

Sanskrit only: no published translation is held for this verse.

सुदेशं सुप्रजं स्वस्थं सुतृणं बहुगोधनम् । देवतायतनानां च राजिभिः परिराजितम्

sudeśaṃ suprajaṃ svasthaṃ sutṛṇaṃ bahugodhanam | devatāyatanānāṃ ca rājibhiḥ parirājitam

Sanskrit only: no published translation is held for this verse.

सुपूर्णा यत्र वै ग्रामाः सुवित्तर्द्धिविराजिताः । सुपुष्पकृत्रिमोद्यानाः सुस्वादुफलपादपाः

supūrṇā yatra vai grāmāḥ suvittarddhivirājitāḥ | supuṣpakṛtrimodyānāḥ susvāduphalapādapāḥ

Sanskrit only: no published translation is held for this verse.

सपद्मिनीककासारा यत्र राजंति भूमयः । सदंभा निम्नगा यत्र न यत्र जनता क्वचित्

sapadminīkakāsārā yatra rājaṃti bhūmayaḥ | sadaṃbhā nimnagā yatra na yatra janatā kvacit

Sanskrit only: no published translation is held for this verse.

कुलान्येव कुलीनानां वर्णानां नाधनानि च । विभ्रमो यत्र नारीषु न विद्वत्सु च कर्हिचित्

kulānyeva kulīnānāṃ varṇānāṃ nādhanāni ca | vibhramo yatra nārīṣu na vidvatsu ca karhicit

Sanskrit only: no published translation is held for this verse.

नद्यः कुटिलगामिन्यो न यत्र विषये प्रजाः । तमोयुक्ताः क्षपा यत्र बहुलेषु न मानवाः

nadyaḥ kuṭilagāminyo na yatra viṣaye prajāḥ | tamoyuktāḥ kṣapā yatra bahuleṣu na mānavāḥ

Sanskrit only: no published translation is held for this verse.

रजोयुजः स्त्रियो यत्र नाधर्मबहुला नराः । धनैरनंधो यत्रास्ति जनो नैव च भोजने

rajoyujaḥ striyo yatra nādharmabahulā narāḥ | dhanairanaṃdho yatrāsti jano naiva ca bhojane

Sanskrit only: no published translation is held for this verse.

अनयः स्यंदनो यत्र न च वैराजपूरुषः । दंडः परशुकुद्दालवालव्यजनराजिषु

anayaḥ syaṃdano yatra na ca vairājapūruṣaḥ | daṃḍaḥ paraśukuddālavālavyajanarājiṣu

Sanskrit only: no published translation is held for this verse.

आतपत्रेषु नान्यत्र क्वचित्क्रोधोपरोधजः । अन्यत्राक्षिकवृंदेभ्यः क्वचिन्न परिदेवनम्

ātapatreṣu nānyatra kvacitkrodhoparodhajaḥ | anyatrākṣikavṛṃdebhyaḥ kvacinna paridevanam

Sanskrit only: no published translation is held for this verse.

आक्षिका एव दृश्यंते यत्र पाशकपाणयः । जाड्यवार्ता जलेष्वेव स्त्रीमध्या एव दुर्बलाः

ākṣikā eva dṛśyaṃte yatra pāśakapāṇayaḥ | jāḍyavārtā jaleṣveva strīmadhyā eva durbalāḥ

Sanskrit only: no published translation is held for this verse.

कठोरहृदया यत्र सीमंतिन्यो न मानवाः । औषधेष्वेव यत्रास्ति कुष्ठयोगो न मानवे

kaṭhorahṛdayā yatra sīmaṃtinyo na mānavāḥ | auṣadheṣveva yatrāsti kuṣṭhayogo na mānave

Sanskrit only: no published translation is held for this verse.

वेधो यत्र सुरत्नेषु शूलं मूर्तिकरेषु वै । कंपः सात्विकभावोत्थो न भयात्क्वापि कस्यचित्

vedho yatra suratneṣu śūlaṃ mūrtikareṣu vai | kaṃpaḥ sātvikabhāvottho na bhayātkvāpi kasyacit

Sanskrit only: no published translation is held for this verse.

संज्वरः कामजो यत्र दारिद्र्यकलुषस्य च । दुर्ल्लभत्वं सदैवस्य सुकृतेन च वस्तुनः

saṃjvaraḥ kāmajo yatra dāridryakaluṣasya ca | durllabhatvaṃ sadaivasya sukṛtena ca vastunaḥ

Sanskrit only: no published translation is held for this verse.

इभा एव प्रमत्ता वै युद्धे वीच्यो जलाशये । दानहानिर्गजेष्वेव तीक्ष्णा एव हि कंटकाः

ibhā eva pramattā vai yuddhe vīcyo jalāśaye | dānahānirgajeṣveva tīkṣṇā eva hi kaṃṭakāḥ

Sanskrit only: no published translation is held for this verse.

बाणेषु गुणविश्लेषो बंधोक्तिः पुस्तके दृढा । स्नेहत्यागः खलेष्वेव न च वै स्वजने जने

bāṇeṣu guṇaviśleṣo baṃdhoktiḥ pustake dṛḍhā | snehatyāgaḥ khaleṣveva na ca vai svajane jane

Sanskrit only: no published translation is held for this verse.

तं देशं पालयामास लालयँल्लालिताः प्रजाः । धर्मं संस्थापयन्देशे दुष्टे दंडधरोपमः

taṃ deśaṃ pālayāmāsa lālaya~llālitāḥ prajāḥ | dharmaṃ saṃsthāpayandeśe duṣṭe daṃḍadharopamaḥ

Sanskrit only: no published translation is held for this verse.

एवं पालयतो देशं धर्मेण धरणीतलम् । सहस्रं च व्यतीयुर्वै वर्षाण्येकादश प्रभोः

evaṃ pālayato deśaṃ dharmeṇa dharaṇītalam | sahasraṃ ca vyatīyurvai varṣāṇyekādaśa prabhoḥ

Sanskrit only: no published translation is held for this verse.

तत्र नीचजनाच्छ्रुत्वा सीताया अपमानताम् । स्वां च निंदां रजकतस्तां तत्याज रघूद्वहः

tatra nīcajanācchrutvā sītāyā apamānatām | svāṃ ca niṃdāṃ rajakatastāṃ tatyāja raghūdvahaḥ

Sanskrit only: no published translation is held for this verse.

पृथ्वीं पालयमानस्य धर्मेण नृपतेस्तदा । सीतां विरहितामेकां निदेशेन सुरक्षिताम्

pṛthvīṃ pālayamānasya dharmeṇa nṛpatestadā | sītāṃ virahitāmekāṃ nideśena surakṣitām

Sanskrit only: no published translation is held for this verse.

कदाचित्संसदो मध्ये ह्यासीनस्य महामतेः । आजगाम मुनिश्रेष्ठः कुंभोत्पत्तिर्मुनिर्महान्

kadācitsaṃsado madhye hyāsīnasya mahāmateḥ | ājagāma muniśreṣṭhaḥ kuṃbhotpattirmunirmahān

Sanskrit only: no published translation is held for this verse.

गृहीत्वार्घ्यं समुत्तस्थौ वसिष्ठेन समन्वितः । जनताभिर्महाराजो वार्धिशोषकमागतम्

gṛhītvārghyaṃ samuttasthau vasiṣṭhena samanvitaḥ | janatābhirmahārājo vārdhiśoṣakamāgatam

Sanskrit only: no published translation is held for this verse.

स्वागतेन सुसंभाव्य पप्रच्छ तमनामयम् । सुखोपविष्टं विश्रांतं बभाषे रघुनंदनः

svāgatena susaṃbhāvya papraccha tamanāmayam | sukhopaviṣṭaṃ viśrāṃtaṃ babhāṣe raghunaṃdanaḥ

Sanskrit only: no published translation is held for this verse.