Library·Padma Purāṇa·5·5.51
शेष उवाच। तच्छ्रुत्वा भाषितं तस्य सुरथस्यांगदाननात् । सज्जीभूता रणे सर्वे रथस्था रणकोविदाः
śeṣa uvāca| tacchrutvā bhāṣitaṃ tasya surathasyāṃgadānanāt | sajjībhūtā raṇe sarve rathasthā raṇakovidāḥ
Sanskrit only: no published translation is held for this verse.
पटहानां निनादोऽभूद्भेरीनादस्तथैव च । वीराणां गर्जनानादाः प्रादुर्भूता रणांगणे
paṭahānāṃ ninādo'bhūdbherīnādastathaiva ca | vīrāṇāṃ garjanānādāḥ prādurbhūtā raṇāṃgaṇe
Sanskrit only: no published translation is held for this verse.
रथचीत्कारशब्देन गजानां बृंहितेन च । व्याप्तं तत्सकलं विश्वं दिवं यातो महारवः
rathacītkāraśabdena gajānāṃ bṛṃhitena ca | vyāptaṃ tatsakalaṃ viśvaṃ divaṃ yāto mahāravaḥ
Sanskrit only: no published translation is held for this verse.
रणोत्साहेन संयुक्ता वीरा रणविशारदाः । कुर्वंति विविधान्नादान्कातरस्य भयंकरान्
raṇotsāhena saṃyuktā vīrā raṇaviśāradāḥ | kurvaṃti vividhānnādānkātarasya bhayaṃkarān
Sanskrit only: no published translation is held for this verse.
एवं कोलाहले वृत्ते सुरथो नाम भूमिपः । स्वसुतैः सैनिकैश्चाथ वृतः प्रायाद्रणांगणे
evaṃ kolāhale vṛtte suratho nāma bhūmipaḥ | svasutaiḥ sainikaiścātha vṛtaḥ prāyādraṇāṃgaṇe
Sanskrit only: no published translation is held for this verse.
गजैरथैर्हयैः पत्तिव्रजैः पूर्णां तु मेदिनीम् । कुर्वन्समुद्रइव तां प्लावयन्ददृशे भटैः
gajairathairhayaiḥ pattivrajaiḥ pūrṇāṃ tu medinīm | kurvansamudraiva tāṃ plāvayandadṛśe bhaṭaiḥ
Sanskrit only: no published translation is held for this verse.
शंखनादेन संघुष्टं जयनादैस्तथैव च । वीक्ष्य तं प्रधनोद्युक्तं सुमतिं प्राह भूमिपः
śaṃkhanādena saṃghuṣṭaṃ jayanādaistathaiva ca | vīkṣya taṃ pradhanodyuktaṃ sumatiṃ prāha bhūmipaḥ
Sanskrit only: no published translation is held for this verse.
शत्रुघ्न उवाच। एष राजा समायातो महासैन्यपरीवृतः । अत्र यत्कृत्यमस्माकं तद्वदस्व महामते
śatrughna uvāca| eṣa rājā samāyāto mahāsainyaparīvṛtaḥ | atra yatkṛtyamasmākaṃ tadvadasva mahāmate
Sanskrit only: no published translation is held for this verse.
सुमतिरुवाच। योद्धव्यमत्र बहुभिर्वीरै रणविशारदैः । पुष्कलादिभिरत्युग्रैः सर्वशस्त्रास्त्रकोविदैः
sumatiruvāca| yoddhavyamatra bahubhirvīrai raṇaviśāradaiḥ | puṣkalādibhiratyugraiḥ sarvaśastrāstrakovidaiḥ
Sanskrit only: no published translation is held for this verse.
राज्ञा सह समीरस्य पुत्रः परमशौर्यवान् । युद्धं करोतु सुबलः परयुद्धविशारदः
rājñā saha samīrasya putraḥ paramaśauryavān | yuddhaṃ karotu subalaḥ parayuddhaviśāradaḥ
Sanskrit only: no published translation is held for this verse.
शेष उवाच। इति ब्रूते महामात्यो यावत्तावन्नृपात्मजाः । रणांगणे धनूंष्यद्धा स्फारयामासुरुद्धताः
śeṣa uvāca| iti brūte mahāmātyo yāvattāvannṛpātmajāḥ | raṇāṃgaṇe dhanūṃṣyaddhā sphārayāmāsuruddhatāḥ
Sanskrit only: no published translation is held for this verse.
तान्वीक्ष्य योधाः सुबलाः पुष्कलाद्या रणोत्कटाः । अभिजग्मुः स्यंदनैः स्वैर्धनुर्बाणकरा मताः
tānvīkṣya yodhāḥ subalāḥ puṣkalādyā raṇotkaṭāḥ | abhijagmuḥ syaṃdanaiḥ svairdhanurbāṇakarā matāḥ
Sanskrit only: no published translation is held for this verse.
चंपकेन महावीरः पुष्कलः परमास्त्रवित् । द्वैरथेनैव युयुधे महावीरेण शालिना
caṃpakena mahāvīraḥ puṣkalaḥ paramāstravit | dvairathenaiva yuyudhe mahāvīreṇa śālinā
Sanskrit only: no published translation is held for this verse.
मोहकं योधयामास जानकिः स कुशध्वजः । रिपुंजयेन विमलो दुर्वारेण सुबाहुकः
mohakaṃ yodhayāmāsa jānakiḥ sa kuśadhvajaḥ | ripuṃjayena vimalo durvāreṇa subāhukaḥ
Sanskrit only: no published translation is held for this verse.
प्रतापिना प्रतापाग्र्यो बलमोदेन चांगदः । हर्यक्षेण नीलरत्नः सहदेवेन सत्यवान्
pratāpinā pratāpāgryo balamodena cāṃgadaḥ | haryakṣeṇa nīlaratnaḥ sahadevena satyavān
Sanskrit only: no published translation is held for this verse.
राजा वीरमणिर्भूरि देवेन युयुधे बली । असुतापेन चोग्राश्वो युयुधे बलसंयुतः
rājā vīramaṇirbhūri devena yuyudhe balī | asutāpena cogrāśvo yuyudhe balasaṃyutaḥ
Sanskrit only: no published translation is held for this verse.
द्वैरथं तु महद्युद्धमकुर्वन्युद्धकोविदाः । सर्वे शस्त्रास्त्रकुशलाः सर्वे युद्धविशारदाः
dvairathaṃ tu mahadyuddhamakurvanyuddhakovidāḥ | sarve śastrāstrakuśalāḥ sarve yuddhaviśāradāḥ
Sanskrit only: no published translation is held for this verse.
एवं प्रवृत्ते संग्रामे सुरथस्य सुतैस्तदा । अत्यंतं कदनं तत्र बभूव मुनिसत्तम
evaṃ pravṛtte saṃgrāme surathasya sutaistadā | atyaṃtaṃ kadanaṃ tatra babhūva munisattama
Sanskrit only: no published translation is held for this verse.
पुष्कलश्चंपकं प्राह किं नामासि नृपात्मज । धन्योसि यो मया सार्धं रणमध्यमुपेयिवान्
puṣkalaścaṃpakaṃ prāha kiṃ nāmāsi nṛpātmaja | dhanyosi yo mayā sārdhaṃ raṇamadhyamupeyivān
Sanskrit only: no published translation is held for this verse.
इदानीं तिष्ठ किं यासि कथं ते जीवितं भवेत् । एहि युद्धं मया सार्धं सर्वशस्त्रास्त्रकोविद
idānīṃ tiṣṭha kiṃ yāsi kathaṃ te jīvitaṃ bhavet | ehi yuddhaṃ mayā sārdhaṃ sarvaśastrāstrakovida
Sanskrit only: no published translation is held for this verse.
इत्यभिव्याहृतं तस्य श्रुत्वा राजात्मजो बली । जगाद पुष्कलं वीरो मेघगंभीरया गिरा
ityabhivyāhṛtaṃ tasya śrutvā rājātmajo balī | jagāda puṣkalaṃ vīro meghagaṃbhīrayā girā
Sanskrit only: no published translation is held for this verse.
चंपक उवाच। न नाम्ना न कुलेनेदं युद्धमत्र भविष्यति । तथापि तव वक्ष्येऽहं स्वनामबलपूर्वकम्
caṃpaka uvāca| na nāmnā na kulenedaṃ yuddhamatra bhaviṣyati | tathāpi tava vakṣye'haṃ svanāmabalapūrvakam
Sanskrit only: no published translation is held for this verse.
मम माता राघवेशो मत्पिता राघवः स्मृतः । मम बंधू रामचंद्र स्वःजनो मम राघवः
mama mātā rāghaveśo matpitā rāghavaḥ smṛtaḥ | mama baṃdhū rāmacaṃdra svaḥjano mama rāghavaḥ
Sanskrit only: no published translation is held for this verse.
मन्नाम रामदासश्च सदा रामस्य सेवकः । तारयिष्यति मां युद्धे रामो भक्तकृपाकरः
mannāma rāmadāsaśca sadā rāmasya sevakaḥ | tārayiṣyati māṃ yuddhe rāmo bhaktakṛpākaraḥ
Sanskrit only: no published translation is held for this verse.
लोकानां मतमास्थाय प्रब्रवीमि तवाधुना । सुरथस्य सुतश्चाहं माता वीरवतीमम
lokānāṃ matamāsthāya prabravīmi tavādhunā | surathasya sutaścāhaṃ mātā vīravatīmama
Sanskrit only: no published translation is held for this verse.
मन्नामयो मधौ सर्वाञ्छोभनान्विदधाति वै । मधुपायंरसावा संत्यजंति मधुमोहिताः
mannāmayo madhau sarvāñchobhanānvidadhāti vai | madhupāyaṃrasāvā saṃtyajaṃti madhumohitāḥ
Sanskrit only: no published translation is held for this verse.
वर्णेन स्वर्णसदृशो मध्ये लिंगवपुर्धरः । तदाख्ययाभिधां वीर जानीहि मम मोहिनीम्
varṇena svarṇasadṛśo madhye liṃgavapurdharaḥ | tadākhyayābhidhāṃ vīra jānīhi mama mohinīm
Sanskrit only: no published translation is held for this verse.
युध्यस्व बाणैः प्रधनेन को जेतुं हि मां क्षमः । इदानीं दर्शयिष्यामि स्वपराक्रममद्भुतम्
yudhyasva bāṇaiḥ pradhanena ko jetuṃ hi māṃ kṣamaḥ | idānīṃ darśayiṣyāmi svaparākramamadbhutam
Sanskrit only: no published translation is held for this verse.
शेष उवाच। इति श्रुत्वा महद्वाक्यं पुष्कलो हृदि तोषितः । तं दुर्जयं मन्यमानः शरान्मुंचन्रणेऽभवत्
śeṣa uvāca| iti śrutvā mahadvākyaṃ puṣkalo hṛdi toṣitaḥ | taṃ durjayaṃ manyamānaḥ śarānmuṃcanraṇe'bhavat
Sanskrit only: no published translation is held for this verse.
शरसंघं प्रमुंचंतं कोटिधा पुष्कलं ययौ । चंपकः कोपसंयुक्तो धनुः सज्यमथाकरोत्
śarasaṃghaṃ pramuṃcaṃtaṃ koṭidhā puṣkalaṃ yayau | caṃpakaḥ kopasaṃyukto dhanuḥ sajyamathākarot
Sanskrit only: no published translation is held for this verse.
मुमोच निशितान्बाणान्वैरिवृंदविदारणान् । स्वनामचिह्नितान्स्वर्णपुंखभागसमन्वितान्
mumoca niśitānbāṇānvairivṛṃdavidāraṇān | svanāmacihnitānsvarṇapuṃkhabhāgasamanvitān
Sanskrit only: no published translation is held for this verse.
तांश्चिच्छेद महावीरः पुष्कलः प्रधनांगणे । शरांधकारं सर्वत्र मुंचन्बाणाञ्छिलाशितान्
tāṃściccheda mahāvīraḥ puṣkalaḥ pradhanāṃgaṇe | śarāṃdhakāraṃ sarvatra muṃcanbāṇāñchilāśitān
Sanskrit only: no published translation is held for this verse.
स्वबाणच्छेदनं दृष्ट्वा कृतं वीरेण चंपकः । आह्वयामास बलिनं पुष्कलं कोपपूरितः
svabāṇacchedanaṃ dṛṣṭvā kṛtaṃ vīreṇa caṃpakaḥ | āhvayāmāsa balinaṃ puṣkalaṃ kopapūritaḥ
Sanskrit only: no published translation is held for this verse.
मा प्रयाहि रणं त्यक्त्वेति ब्रुवन्समरे पुनः । पुष्कलं हृदये बाणैर्विव्याध दशभिस्त्वरन्
mā prayāhi raṇaṃ tyaktveti bruvansamare punaḥ | puṣkalaṃ hṛdaye bāṇairvivyādha daśabhistvaran
Sanskrit only: no published translation is held for this verse.
ते बाणाः पुष्कलस्याहो हृदये तीव्रवेगिनः । आगत्य सुभृशं लग्नाः शोणितं पपुरूर्जितम्
te bāṇāḥ puṣkalasyāho hṛdaye tīvraveginaḥ | āgatya subhṛśaṃ lagnāḥ śoṇitaṃ papurūrjitam
Sanskrit only: no published translation is held for this verse.
तैर्बाणैर्व्यथितो वीरः शरान्पंच समाददे । सुतीक्ष्णाग्रान्महाकोपाद्वारयन्पर्वतानिव
tairbāṇairvyathito vīraḥ śarānpaṃca samādade | sutīkṣṇāgrānmahākopādvārayanparvatāniva
Sanskrit only: no published translation is held for this verse.
ते बाणास्तस्य बाणाश्च परस्परमथोर्जिताः । आकाशे रचिताश्छिन्नाः शतधा राजसूनुना
te bāṇāstasya bāṇāśca parasparamathorjitāḥ | ākāśe racitāśchinnāḥ śatadhā rājasūnunā
Sanskrit only: no published translation is held for this verse.
छित्त्वा बाणान्सुतीक्ष्णाग्रान्सुरथांगोद्भवो बली । बाणाञ्छतं समाधत्त पुष्कलं ताडितुं हृदि
chittvā bāṇānsutīkṣṇāgrānsurathāṃgodbhavo balī | bāṇāñchataṃ samādhatta puṣkalaṃ tāḍituṃ hṛdi
Sanskrit only: no published translation is held for this verse.
ते बाणाः शतधाच्छिन्नाः पुष्कलेन महात्मना । अपतन्समरोपांते शरवेगप्रपीडिताः
te bāṇāḥ śatadhācchinnāḥ puṣkalena mahātmanā | apatansamaropāṃte śaravegaprapīḍitāḥ
Sanskrit only: no published translation is held for this verse.
तदा तत्सुमहत्कर्म दृष्ट्वा राज्ञः सुतो बली । सहस्रेण शराणां च ताडयन्वक्षसि स्फुटम्
tadā tatsumahatkarma dṛṣṭvā rājñaḥ suto balī | sahasreṇa śarāṇāṃ ca tāḍayanvakṣasi sphuṭam
Sanskrit only: no published translation is held for this verse.
तानप्याशु प्रचिच्छेद पुष्कलः परमास्त्रवित् । पुनरप्याशु स्वे चापे समाधत्तायुतं शरान्
tānapyāśu praciccheda puṣkalaḥ paramāstravit | punarapyāśu sve cāpe samādhattāyutaṃ śarān
Sanskrit only: no published translation is held for this verse.
तानप्याशु प्रचिच्छेद पुष्कलः परमास्त्रवित् । ततोऽत्यतं प्रकुपितः शरवृष्टिमथाकरोत्
tānapyāśu praciccheda puṣkalaḥ paramāstravit | tato'tyataṃ prakupitaḥ śaravṛṣṭimathākarot
Sanskrit only: no published translation is held for this verse.
शरवृष्टिं समायांतीं मत्वा चंपक वीरहा । साधुसाधुप्रशंसंतं पुष्कलं समताडयत्
śaravṛṣṭiṃ samāyāṃtīṃ matvā caṃpaka vīrahā | sādhusādhupraśaṃsaṃtaṃ puṣkalaṃ samatāḍayat
Sanskrit only: no published translation is held for this verse.
पुष्कलश्चंपकं दृष्ट्वा महावीर्यसमन्वितम् । ब्रह्मणोऽस्त्रसमाधत्त स्वे चापे सर्वशस्त्रवित्
puṣkalaścaṃpakaṃ dṛṣṭvā mahāvīryasamanvitam | brahmaṇo'strasamādhatta sve cāpe sarvaśastravit
Sanskrit only: no published translation is held for this verse.
तेन मुक्तं महाशस्त्रं प्रजज्वाल दिशो दश । खं रोदसी व्याप्य विश्वं प्रलयं कर्तुमुद्यतम्
tena muktaṃ mahāśastraṃ prajajvāla diśo daśa | khaṃ rodasī vyāpya viśvaṃ pralayaṃ kartumudyatam
Sanskrit only: no published translation is held for this verse.
चंपको मुक्तमस्त्रं तद्दृष्ट्वा सर्वास्त्रकोविदः । तत्संहर्तुं तदेवास्त्रं मुमोच रिपुमुद्यतम्
caṃpako muktamastraṃ taddṛṣṭvā sarvāstrakovidaḥ | tatsaṃhartuṃ tadevāstraṃ mumoca ripumudyatam
Sanskrit only: no published translation is held for this verse.
द्वयोरेकतमं तेजः प्रलयं मेनिरे जनाः । संजहार तदास्त्रास्त्रमेकीभूतं परास्त्रकम्
dvayorekatamaṃ tejaḥ pralayaṃ menire janāḥ | saṃjahāra tadāstrāstramekībhūtaṃ parāstrakam
Sanskrit only: no published translation is held for this verse.
तत्कर्मचाद्भुतं दृष्ट्वा पुष्कलस्तिष्ठतिष्ठ च । ब्रुवञ्छरानमोघांस्तु चंपकं स क्रुधाहनत्
tatkarmacādbhutaṃ dṛṣṭvā puṣkalastiṣṭhatiṣṭha ca | bruvañcharānamoghāṃstu caṃpakaṃ sa krudhāhanat
Sanskrit only: no published translation is held for this verse.
चंपकस्ताञ्छरान्मुक्तानगणय्य महामनाः । रामास्त्रं प्रमुमोचाथ पुष्कलं प्रति दारुणम्
caṃpakastāñcharānmuktānagaṇayya mahāmanāḥ | rāmāstraṃ pramumocātha puṣkalaṃ prati dāruṇam
Sanskrit only: no published translation is held for this verse.
तन्मुक्तमस्त्रमालोक्य चंपकेन महात्मना । छेत्तुं यावन्मनश्चक्रे तावद्ग्रस्तः शरेण सः
tanmuktamastramālokya caṃpakena mahātmanā | chettuṃ yāvanmanaścakre tāvadgrastaḥ śareṇa saḥ
Sanskrit only: no published translation is held for this verse.
बद्धश्चंपकवीरेण रथे स्वे स्थापितः पुनः । पुरं प्रेषयितुं तावन्मनश्चक्रे महामनाः
baddhaścaṃpakavīreṇa rathe sve sthāpitaḥ punaḥ | puraṃ preṣayituṃ tāvanmanaścakre mahāmanāḥ
Sanskrit only: no published translation is held for this verse.
हाहाकारो महानासीद्बद्धे पुष्कलसंज्ञिके । शत्रुघ्नं प्रययुर्योधाः पलायनपरायणाः
hāhākāro mahānāsīdbaddhe puṣkalasaṃjñike | śatrughnaṃ prayayuryodhāḥ palāyanaparāyaṇāḥ
Sanskrit only: no published translation is held for this verse.
भग्नांस्तान्वीक्ष्य शत्रुघ्नो हनूमंतमुवाच ह । केन वीरेण मे भग्नं बलं वीरैरलंकृतम्
bhagnāṃstānvīkṣya śatrughno hanūmaṃtamuvāca ha | kena vīreṇa me bhagnaṃ balaṃ vīrairalaṃkṛtam
Sanskrit only: no published translation is held for this verse.
तदोवाच महीनाथ पुष्कलं परवीरहा । बद्ध्वा नयति वीरोऽसौ चंपकः स्वपदोद्धुरः
tadovāca mahīnātha puṣkalaṃ paravīrahā | baddhvā nayati vīro'sau caṃpakaḥ svapadoddhuraḥ
Sanskrit only: no published translation is held for this verse.
तस्येदृग्वाक्यमाकर्ण्य शत्रुघ्नः कोपसंयुतः । उवाच पवनोद्भूतं मोचयाशु नृपात्मजात्
tasyedṛgvākyamākarṇya śatrughnaḥ kopasaṃyutaḥ | uvāca pavanodbhūtaṃ mocayāśu nṛpātmajāt
Sanskrit only: no published translation is held for this verse.
महाबलः सुतश्चास्य बद्ध्वा यः पुष्कलं भटम् । तस्मान्मोचय वीराग्र्य कथं तिष्ठसि चाहवे
mahābalaḥ sutaścāsya baddhvā yaḥ puṣkalaṃ bhaṭam | tasmānmocaya vīrāgrya kathaṃ tiṣṭhasi cāhave
Sanskrit only: no published translation is held for this verse.
एतद्वाक्यं समाकर्ण्य हनूमानोमिति ब्रुवन् । जगाम तं मोचयितुं पुष्कलं चंपकाद्भटात्
etadvākyaṃ samākarṇya hanūmānomiti bruvan | jagāma taṃ mocayituṃ puṣkalaṃ caṃpakādbhaṭāt
Sanskrit only: no published translation is held for this verse.
हनूमंतमथालोक्य तं मोचयितुमागतम् । बाणैः शतैश्च साहस्रैर्जघान परकोपनः
hanūmaṃtamathālokya taṃ mocayitumāgatam | bāṇaiḥ śataiśca sāhasrairjaghāna parakopanaḥ
Sanskrit only: no published translation is held for this verse.
बाणांस्तान्स बभंजाशु मुक्तांस्तेन महात्मना । पुनरप्येनमेवाशु बाणान्मुंचन्महानभूत्
bāṇāṃstānsa babhaṃjāśu muktāṃstena mahātmanā | punarapyenamevāśu bāṇānmuṃcanmahānabhūt
Sanskrit only: no published translation is held for this verse.
तान्सर्वांश्चूर्णयामास नाराचान्वैरिमोचितान् । शालं करे समाधृत्य जघान नृपनंदनम्
tānsarvāṃścūrṇayāmāsa nārācānvairimocitān | śālaṃ kare samādhṛtya jaghāna nṛpanaṃdanam
Sanskrit only: no published translation is held for this verse.
शालं तेन विनिर्मुक्तं तिलशः कृतवान्बली । गजो हनूमता मुक्तो नृपनंदन मस्तके
śālaṃ tena vinirmuktaṃ tilaśaḥ kṛtavānbalī | gajo hanūmatā mukto nṛpanaṃdana mastake
Sanskrit only: no published translation is held for this verse.
सोऽप्याहतश्चंपकेन मृतो भूमौ पपातसः । शिलाः संमोचयामास हनूमान्परमास्त्रवित्
so'pyāhataścaṃpakena mṛto bhūmau papātasaḥ | śilāḥ saṃmocayāmāsa hanūmānparamāstravit
Sanskrit only: no published translation is held for this verse.
चंपकस्ताः शिलाः सर्वाः क्षणाच्चूर्णितवान्भृशम् । बाणयंत्रिकया ब्रह्मन्महच्चित्रमभूदिदम्
caṃpakastāḥ śilāḥ sarvāḥ kṣaṇāccūrṇitavānbhṛśam | bāṇayaṃtrikayā brahmanmahaccitramabhūdidam
Sanskrit only: no published translation is held for this verse.
स्वमुक्तास्ताः शिलाः सर्वाश्चूर्णिता वीक्ष्य मारुतिः । चुकोप हृदयेऽत्यतं बहुवीर्यमिति स्मरन्
svamuktāstāḥ śilāḥ sarvāścūrṇitā vīkṣya mārutiḥ | cukopa hṛdaye'tyataṃ bahuvīryamiti smaran
Sanskrit only: no published translation is held for this verse.
आगत्य च करे धृत्वा नभस्युत्पतितः कपिः । तावद्ययौ नेत्रपथादुपरि क्षिप्रवेगवान्
āgatya ca kare dhṛtvā nabhasyutpatitaḥ kapiḥ | tāvadyayau netrapathādupari kṣipravegavān
Sanskrit only: no published translation is held for this verse.
चंपकस्तं हनूमंतं युयुधे नभसि स्थितः । बाहुयुद्धेन महता ताडितः कपिपुंगवः
caṃpakastaṃ hanūmaṃtaṃ yuyudhe nabhasi sthitaḥ | bāhuyuddhena mahatā tāḍitaḥ kapipuṃgavaḥ
Sanskrit only: no published translation is held for this verse.
चुकोप मानसे वीरो गर्वपर्वतदारुणः । पदा धृत्वा चंपकं तं ताडयामास भूतले
cukopa mānase vīro garvaparvatadāruṇaḥ | padā dhṛtvā caṃpakaṃ taṃ tāḍayāmāsa bhūtale
Sanskrit only: no published translation is held for this verse.
ताडितोऽसौ कपींद्रेण क्षणादुत्थाय वेगवान् । हनूमंतं तु लांगूले धृत्वा बभ्राम सर्वतः
tāḍito'sau kapīṃdreṇa kṣaṇādutthāya vegavān | hanūmaṃtaṃ tu lāṃgūle dhṛtvā babhrāma sarvataḥ
Sanskrit only: no published translation is held for this verse.
कपींद्रस्तद्बलं वीक्ष्य हसन्पादेऽग्रहीत्पुनः । भ्रामयित्वा शतगुणं गजोपस्थे ह्यपातयत्
kapīṃdrastadbalaṃ vīkṣya hasanpāde'grahītpunaḥ | bhrāmayitvā śataguṇaṃ gajopasthe hyapātayat
Sanskrit only: no published translation is held for this verse.
पपात भूमौ सुबलो राजसूनुः स चंपकः । मूर्च्छितो वीरभूषाढ्यमलंकुर्वन्रणांगणम्
papāta bhūmau subalo rājasūnuḥ sa caṃpakaḥ | mūrcchito vīrabhūṣāḍhyamalaṃkurvanraṇāṃgaṇam
Sanskrit only: no published translation is held for this verse.
तदा हाहेति वै लोकाश्चुक्रुशुश्चंपकानुगाः । पुष्कलं मोचयामास बद्धं चंपकपाशतः
tadā hāheti vai lokāścukruśuścaṃpakānugāḥ | puṣkalaṃ mocayāmāsa baddhaṃ caṃpakapāśataḥ
Sanskrit only: no published translation is held for this verse.